60% e infermierëve ngelin në provimin e shtetit !
Rezultatet e dobta në provimin e shtetit të bluzave të bardha që do jenë në shërbim të pacientëve ka nxitur reagimin e institucioneve. Faji kryesor është i institucioneve arsimore të cilët nxjerrin studentë të papërgatitur duke dhënë rezultate aspak të kënaqshme në provimin e shtetit. Kështu mendon Urdhri shqiptar i Farmacistëve dhe Urdhri Shqiptar i Mjekut. Përmes dy reagime të ngjashme përfaqësuesit e këtyre urdhëërave thanë dje se rezultatet duhet të bëjnë përgjegjësit që të reflektojnë.
Presidenti i Urdhrit të Mjekut Din Abazaj, përpos faktit se ngelësa rezultojnë 23 nga 106 persona që iu nënshtruan provimit, vuri në dukje si shqetësues rezulatatin e dobët të tyre me një notë mesatare të kaluesve prej 7.3. Ndërsa tek stomatologët kjo është edhe më shqetësuese, pasi nga 148 që e dhanë provimin 39 persona nuk kaluan fare dhe nota mesatare e kaluesve rezultoi 6.2. Krerët e këtyre urdhrave u kërkuan institucioneve arsimore të forcojnë llogaridhënien ne universitetet kryesisht ne ato private, pasi shumica e mbetësve vijnë pikërisht nga universitetet shtetërore.
“Duhet një bashkëpunim më i mirë midis partnerëve, institucioneve, me qëllim që të gjithë ti njohin detyrat e tyre dhe të angazhohen maksimalisht që praktika profesionale të arrijë qëllimin e saj”, thotë Din Abazaj, President i Urdhrit të Mjekut.
Ndërkohë i ashpër ka qenë edhe reagimi i presidentit të Urdhrit të Farmacistëve, Arjan Jaupllari. “Nga 538 farmacistë të cilët iu nënshtruan provimit të shtetit në sezonin e parë kalueshmëria është 52.02 për qind dhe nuk kanë fituar provimin e shtetit 44.98 për qind. Renditur sipas universiteteve gjithsej kanë ngelur 242 kandidatë për provimin e shtetit, nga të cilët 24 janë ngelës të universitetit shtetëror të Tiranës”, tha Jaupllari.
Nga ana tjetër të dy këta urdhra u bëjnë thirrje bluzave të bardha të pajisen më licencë se ende një pjesë e madhe e mjekëve nuk i kanë marrë ato pranë këtyre urdhrave. Kryesisht mjekët e palicensuar i takojnë qarkut të Tiranës.
Gjithashtu rreth nivelit të ulët që kanë shfaqur në veçanti studentët e sapodiplomuar të infermierisë ka reaguar pak dite më parë edhe vet dekani i fakultetit të Infermierisë, Petrit Bara i cili ka deklaruar se studentët e kanë neglizhuar provimin pasi ai ka qenë i një niveli të thjeshtë, dhe brenda programeve mësimore. “Për hir të realitetit dhe të vërtetës, nuk është se janë teza të vështira. Pyetjet janë praktike, didaktike dhe një student që ka mbaruar fakultetin dhe ka pasur njohurinë maksimale mbi mesatare të kulturës, është një test i kalueshëm. Këta kanë hyrë duke menduar se hyhet kollaj dhe kalohet pa mësuar. Ka studentë që në shumë fakultete s’kanë lexuar, s’kanë vajtur, është punë e tyre. Kjo është një test që tregon për cilësinë e tij. Do vejë ai të punojë infermierë nesër, i thua dhimbja e gjoksit qetësohet me petidinë apo solucion fiziologjik. Nëse këtë nuk e di s’ka pse të kalojë”, tha Petrit Bare, njëkohësisht kryetar i komisionit të Vlerësimit të Testit
— Nga Ermelinda Bilishti.
Përgjigju Duke Cituar
Postuar më parë nga EuroStar1
Krijoni Kontakt