Nga orteku i borës në Restelicë të Dragashit 9 të vdekur.

[DYDRINAS]

Gjenden edhe dy trupa të pajetë, shkon në 9 numri i të vdekurve

(I Plotësuar) - Lajmet e fundit që vinë nga Restelica bëjnë të ditur se ekipet e shpëtimit kan gjetur edhe dy trupa të pa jetë nga tre persona sa ishin të ngujuar në borë, duke quar numrin në 9 të vdekur. Ndërkohë po vazhdojnë kërkimet edhe për një të ngujuar.

Po vazhdon me intensitet të lartë kërkimi edhe për 3 persona të ngujuar pas Ortekut. Nga raportimet e fundit bëhet e ditur se përkundër pastrimeve të mëdha të borës ende nuk janë gjetur gjurmë nga 3 të ngujuarit.

Përveç numrit të madh të prestarëve të FKS-së në kërkimet që nga mëngjesi janë bashkangjitur vullnetarisht edhe shumë qytetarë të cilët po kërkojnë edhe 3 të ngujuarit. Mësohet se bëhet fjalë për një burrë, grua dhe një fëmijë.

Vazhdon kërkimi i tre të ngujuarve

Ndërkohë zyra e kryeministrit ka njoftuar se Kryeministri Hashim Thaqi në orën 11: 30 do të vizitoj Fshatin Restelicë.

Rreth orës 8:00 të mëngjesit njësitet e FSK-së kanë rinisur kërkimet edhe për 3 të ngujuarit të tjerë nga orteku i djeshëm që ka goditur fshatin Restelicë të Dragashit. Por fryma të mëdha po vështirojnë shkuarjen deri të vendi i ngjarjes. Kërkimet ishin ndërprerë rreth orës 03:00 të mëngjes për shkak të motit të keq ndërsa ato tashmë kanë riflliuar.

Në Restelicë të Dragashit, Shtatë të vdekur nga orteku i borës

Salim Jenuzi, kryetar i Komunës së Dragashit deklaroi se të gjitha viktimat janë të familjes Reka.

Më herët ekipet e shpëtimit kanë arritur të nxjerrin personin e parë me shenja jete nga dy shtëpitë e mbuluara prej ortekut të borës.

Deputeti Hamza Balje ka konfirmuar nxjerrjen e një fëmije nga njëra shtëpi në Restelicë dhe ka shtuar se ekipet e FSK-së po punojnë vazhdimisht në përpjekje për të nxjerrë edhe të mbijetuarit e tjerë të tragjedisë.

* * * * * *

Policia e Kosovës konfirmoi edhe viktimën e tretë nga orteku që ka goditur disa shtëpi në fshatin Restelicë të komunës së Dragashit.

Informacionet më të fundit nga komuna e Dragashit bëjnë me dije se ekipet që po ballafaqohen për t’i shpëtuar të mbuluarit nga bora në Restelicë, kanë nxjerrë dy persona pa shenja jete, ndërkohë që po punohet për t’i shpëtuar familjarët e tjerë që gjenden nën ortekun e borës. Shefi i policisë së Dragashit, Gëzim Zogaj, e ka konfirmuar për radion lokale ngjarjen tragjike në Restelicë, duke dhënë edhe bilancin e aksionit për shpëtim, deri në këtë orë. “Bëhet fjalë për ngërthimin e dy shtëpive të banuara nga një ortek i madh bore, ndërkohë që shtëpitë tjera, në të cilat nuk kishte banorë, nuk paraqesin urgjencë për intervenim. Deri më tani, janë nxjerrë dy kufoma, një mashkull dhe një femër, ndërkohë që dyshohet se brenda këtyre shtëpive ndodhen gjithsejtë 11 persona”, tha Zogaj.

bota sot

[DYDRINAS]

[DYDRINAS]

[DYDRINAS]

[DYDRINAS]

Ngjarje e rëndë dhe e trishtueshme



Presidentja e Republikës së Kosovës, zonja Atifete Jahjaga, përmes një deklarate për media, ka shprehur dhimbjen për humbjen e jetëve të anëtarëve të familjeve Reka në fshatin Restelicë të Dragashit, si pasojë e rënies së ortekut të borës, si dhe për fatin e personave që kanë mbetur të ngujuar në shtëpitë e tyre.
“Vdekja e anëtarëve të familjes Reka dhe zënia nga orteku i borës i disa anëtarëve të tjerë të këtyre familjeve, është një ngjarje e rëndë dhe e trishtueshme. Duke ndjerë fuqishëm dhembjen për të vdekurit, angazhohem me të gjitha forcat që qytetarët e tjerë të shpëtohen pa pasoja nga kjo tragjedi”, thuhet në deklaratën e presidentes.

“Institucionet e Republikës së Kosovës dhe mekanizmat ndërkombëtarë, po bëjnë gjithçka që është e mundur që të ngujuarit të nxirren sa më shpejt. Kam biseduar me Ministrin e Forcës së Sigurisë së Kosovës dhe me Komandantin e forcës paqeruajtëse, KFOR, për t’u dhënë gjithë ndihmën e mundshme për të shpëtuar jetët e qytetarëve të ngujuar”, citohet të ketë thënë presidentja Jahjaga.

“Çmoj lart përkushtimin e të gjithë pjesëtarëve të FSK-së për angazhimin e tyre të jashtëzakonshëm për të çelur rrugën drejt fshatit Restelicë dhe për të ndihmuar qytetarët e kësaj ane. Do të jem në kontakt të vazhdueshëm me të gjitha institucionet dhe në veçanti me FSK dhe përkrah qytetarëve të Republikës së Kosovës në këto ditë të vështira të motit të keq që ka kapluar vendin tone”, ka thënë përmes një deklarate për media, presidentja Jahjaga.

bota sot

[DYDRINAS]

Dhjetë të vdekur në Restelicë

12-02-2012 12:24 CET

(E plotësuar) Trupat e Forcës së Sigurisë dhe njësitë e emergjencave civile posa kanë gjetur edhe tre trupat e fundit, që ishin ngujuar në gërmadhat e shtëpive të tyre në Reselicë të Dragashit pas rënies së ortekut. Dje, u gjenden 7 trupa të pajetë, ndërsa sot 3.

Vetëm një fëmijë i shpëtojë kësaj tragjedie të rëndë dhe ajo është jashtë rrezikut për jetë, raporton Express.

***

Nëntë të vdekur në Restelicë

Zëvendësministri i Forcës së Sigurisë së Kosovës, Shemsi Veseli, i ka thënë Radios Evropa e Lirë se tashmë janë gjetur edhe dy trupa pa jetë, të cilët janë nxjerrë nga bora e ortekut që ka goditur fshatin Restelicë të komunës së Dragashit. Kjo, deri më tash, e çon numrin e viktimave në 9 persona që humbën jetën nga orteku i borës.

Bilanci tragjik nga rrëshqitja e ortekut të borës, i cili ka goditur 15 shtëpi në anën e djathtë të fshatit Restelicë të komunës së Dragashit, deri më tash është 7 persona të vdekur, ndërkohë që një fëmijë i moshës rreth 5 vjeç është gjetur i gjallë, njoftojnë zyrtarët e Qeverisë së Kosovës.

Orteku i borës, me thellësi prej 10 metrash dhe gjerësi rreth 500 metra, i cili ka goditur fshatin Restelicë, dje rreth orës 7: 30 të mëngjesit, dyshohet të ketë bllokuar nën borë 11 persona, të cilët, siç është thënë, u takojnë familjeve Reka.

Ministri i Infrastrukturës, Fehmi Mujota, i ka thënë Radios Evropa e Lirë se kërkimet për gjetjen dhe shpëtimin eventual të personave të tjerë, që thuhet të kenë mbetur nën ortekun e borës, janë duke u zhvilluar intensivisht.

“Deri në këtë mëngjes, kur kërkim-shpëtimi po vazhdon edhe për tre persona të tjerë, bilanci është: 7 të vdekur dhe një person është nxjerrë i gjallë - një vajzë e moshës së re. Tash për tash nuk mund të thuhet diçka më tepër se sa që kërkimi po vazhdon dhe mund të thuhet se shpresat janë gjithnjë e më të vogla për të gjetur të mbijetuar”, ka thënë Mujota.

Mujota ka ritheksuar se kërkimet për 3 personat tjerë, do të vazhdojnë deri në fund. Në këtë kërkim janë angazhuar njësitë e Forcës së Sigurisë së Kosovës, Policisë së Kosovës, njësitë e Zjarrfikësve, si dhe qytetarë të shumtë, të cilët u kanë shkuar në ndihmë këtyre forcave për të ndihmuar në kërkimin e goditurve nga orteku.

“Janë të angazhuara të gjitha forcat dhe do të ngelin të angazhuara deri sa të mos arrijnë te trupat e fundit që janë ndodhur të ngujuar në shtëpitë e tyre në rastin e rënies së ortekut. Ne ende po shpresojmë që të ketë mbijetuar dikush prej tyre, por gjasat janë gjithnjë e më të vogla”, ka theksuar Mujota.

Ndryshe, për shkak të terrenit të vështirë në hapësirën ku janë shtëpitë e goditura nga orteku në Restelicë, sipas ministrit Mujota, për njësitë e kërkim-shpëtimit ka qenë e pamundur që të depërtojnë me makineri të rëndë për të hequr borën. E gjithë puna për heqjen e borës në vendet, të cilat ishin piketuar se janë shtëpitë e goditura, siç ka thënë ministri Mujota, është bërë me mjete dore dhe kjo formë e kërkimit po vazhdon ende. /REL/

zeri info

[Lordlover]

Tmerr !!!!!!!
Ngushlime familjareve !

[kleadoni]

Wow!
Nje familje e tere... Ruana Zot e ishalla te tjeret dalin shendosh e mire!

[Genti..]

Kjo është vogëlushja e mbijetuar në Restelicë :


VIDEO: http://www.albeu.com/kosove/kjo-esht...(video)/64493/

[POKO]

zemra e vogel,edhe pse jeta e saj do i ket merzit e veta nga humbja e familjes,Zoti desh ta shpetoj kte engjull