I ftohti i kushton Italisë 1,5 mld euro

[shigjeta]

I ftohti i kushton Italisë 1,5 mld euro

Koha e keqe ka kushtuar deri tani për Italinë të paktën 1,5 miliardë euro brenda sistemit prodhues nga dëmet e shkaktuara dhe nga pezullimi i aktiviteteve në sektorin bujqësor, industrial dhe atë të shërbimeve, përfshirë këtu edhe ato publike. Sipas parashikimeve të konfederatës italiane të bujqësisë, vetëm në dhjetë ditët e para të shkurtit është djegur 0,1% e PBB të realizuar nga vendi në një vit. Agroushqimoret kanë qenë sektorët më të prekur nga dëmet e shkaktuara nga dëbora dhe i ftohti me rreth 0,5 miliardë euro në të gjithë sistemin, bujqësi, industri ushqimore, shpërndarje, transport etj. Por sipas konfederatës italiane ka pasur dëme të mëdha edhe nga sektorë të tjerë më humbje shumë të mëdha kryesisht në zonat më të prekura nga koha e keqe. Në këtë situatë konfederata është e shqetësuar për situatën e rëndë të bujqësisë e cila ka konseguenca të mëdha ekonomike për qindra milionë euro. Bllokimi i mjeteve të transportit, pakalueshmëria e rrugëve si dhe vështirësitë e mëdha për të arritur në ndërmarrjet bujqësore kanë shkaktuar uljen me 40% të shpërndarjes së produkteve ushqimore të freskëta, si fruta- perime, mish, qumësht dhe vezë, nga fushat deri në tregjet e shumicës. Rreth 200 mijë ton malle ka shkuar dëm apo kanë mbetur në strukturat e fermerëve. Por i ftohti dhe dëbora e madhe kanë dëmtuar me 1/3 edhe të mbjellat. Nëse situata nuk do të kthehet drejt normalitetitm, konfederata e bujqësisë italiane njofton se do të ketë shkatërrime për sistemin bujqësor dhe ushqimor kombëtar. Për shkak të situatës aktualisht rezultojnë të bllokuara 5000 biznese të shtrira në të gjithë territorin.

ABC

[irfancana]

Kur nuk je i pregatitur,bora të sjell dëme të mëdha,për atë udhëheqësit e një shteti duhet të jenë të ditur,të urtë dhe vizionar.Atëherë me siguri humbja do të jetë shumfish më e vogël.