Nano per mediat Kesh te ule çmimet

[Vinny_T]

TIRANE

LAJMI

Mediat elektronike dhe ato të shkruara, familjet në nevojë dhe një katergori e caktuar biznesesh do të përfitojnë ulje të çmimit të energjisë elektrike. Kjo është kërkesa e bërë nga kryeministri Nano gjatë mbledhjes së djeshme të Komitetit Ndërministror të Energjetikës.

Nano i kërkon KESH-it që ta ulë çmimin e dritave për televizionet dhe gazetat. Një grup i posaçëm, i përbërë nga ekspertë të energjetikës dhe përfaqësues të medias, do ta shqyrtojë kërkesën e kreut të qeverisë shqiptare. "Do të ngrihet një grup pune, i cili do të shikojë mundësinë për uljen e çmimit të energjisë elektrike për median elektronike dhe atë të shkruar", ka sqaruar drejtori i përgjithshëm i Korporatës, Andis Harasani. Nga një lehtësi e tillë do të përfitojnë edhe familjet në nevojë, si dhe një kategori e caktuar biznesesh.

Gjatë mbledhjes së djeshme të Komitetit Ndërministror të Energjetikës, ku u parashtrua edhe propozimi në fjalë, Nano kërkoi gjithashtu që kjo ndërhyrje të përfundojë brenda datës 31 mars dhe të realizohet nëpërmjet një programi veprimesh që përfshin edhe vendimarrjen përkatëse. "Veproni brenda skemave të identifikuara, sidomos për një kategori të caktuar biznesesh që duhen stimuluar, veçoj këtu mediat elektronike dhe ato të shkruara", është shprehur kryeministri, duke shtuar se kjo kërkesë bëhet në kuadrin e reformës për çmimin e energjisë elektrike. Sipas tij, duhen nxitur të gjithë mekanizmat që përshpejtojnë këtë reformë.

Gjatë mbledhjes së djeshme të Komitetit u diskutua edhe pajisja e konsumatorëve me matës të energjisë elektrike. Aktualisht në të gjithë vendin janë 332 mijë konumatorë që e paguajnë faturën e dritave aforfe, nga të cilët, 226 mijë janë konsumatorë familjarë dhe 26 mijë jofamiljarë. Por, pavarësisht nga numri i lartë i tyre, drejtuesit e energjetikës kanë premtuar vendosjen e sahatëve te të gjithë këta konsumatorë brenda vitit 2003. Me prioritet do të shihen konsumatorët jofamiljarë, të cilët zënë edhe peshën më të madhe në konsumin e energjisë së papaguar. Pajisja me matës do të realizohet jo vetëm me financimet e huaja, por edhe me fondet e Korporatës Elektroenergjetike Shqiptare, të cilat janë parashikuar për investime.

[Vinny_T]

Nano fillon te "reformoje" tarifat e Kesh-it ne nje periudhe delikate qe po kalon parlamenti dhe partia e tij perpara zgjedhjeve lokale.
Me kete rast kryeministri Nano do qe te ndihmoje me parate e nje shoqerie anonime mediat e vendit ne menyre qe ato si shkembim te mos e sulmojne ne kete periudhe te veshtire qe po kalon ne parlament . Gjithashtu merr ne dore flamurin moralist duke kerkuar qe KESH-i te ule tarifat per familjet e varfera! dhe kjo te behet brenda muajit mars me nje fjale per 15 dite!
Qe familjet e varfera duhet te kene nje ndihme per te perballuar koston e larte te faturave te energjise eshte evidente dhe problemi qendron por menyra si shtrohet dhe koha qe kerkohet nga Nano per zgjidhjen e ketij problemi eshte pak primitive dhe te le nje shije me teper makiavelike se sa reformatore.
Mediat e shkruara dhe elektronike nuk shquhen per konsum te larte te energjise elektrike dhe rrjedhimisht fatura e energjise nuk eshte problemi kryesor ne zhvillimin e tyre.
Atehere pse duhet qe pikerisht keto media te perfitojne nga ndihma e nje kompanie shteterore e cila eshte per vete ne nje gjendje katastrofike financiare dhe jo biznese te tjera te cilat kane me shume nevoje per kete ndihme?! Perse ne kete moment duhen ndihmuar keto media? Mbi çfare kriteresh eshte bazuar ky propozim i kryeministrit!
Normalisht keto lloj propozimesh behen pas nje studimi te detajuar i cili nxjerr ne pah nje strategji qe duhet ndjekur per zhvillimin e biznesit e jo per oportunizem politik apo personal.
Nqs problemi shtrohet per te ndihmuar biznesin atehere perse te mos ndihmon dhe sektore te tjere po te ndihmohet vetem media?!
Per sa i perket familjeve qe do te ndihmohen cilat do te jene kriteret per te identifikuar keto familje dhe kush do te merret me kete problem pasi siç dihet pjesa me e madhe e njerezve ne Shqiperi punojne duke u mosdeklaruar te sigurimet shoqerore dhe figurojne si te papune e rrjedhimish pa te ardhura !

[Nard]

Vendimi i z.Nano per uljen e çmimit te energjise elektrike per mediat eshte komplet demagogji.

Z.Nano ka kohe qe i eshte sulur mediave elektronike dhe atyre te shkruara me "vasalet" e tij, duke ushtruar kontroll me taksat, policine elektrike, policine e rendit etj etj.

Kohet e fundit ka ndermarre sulme kunder te gjithe atyre qe e kane kundershtuar, ose kane mbajtur nje qendrim kritik ndaj politikes se tij, raste ka me dhjetra.

"Ushtaret" e tij i jane sulur mediave ne veshtersi ekonomike per ti blere ato, per ti falimentuar, per ti diskriminuar nepermjet reklamave shtetrore qe ju japin etj.

Z.Nano nga liberal qe ishte ne drejtimin e qeverise ne vitet 97-98, tashti eshte bere i papermbajtur si ne luften politike te kundershtarve te tij politik brenda partise, ashtu edhe ne mardhniet me opoziten dhe ne veçanti me mediat. Pra kemi nje njeri qe eshte bere i rrezikshem per demokracine shqiptare.

Pra, demagogjia e z.Nano vazhdon, per fatin e mire eshte bere i lexueshem dhe politika e tij eshte dite shkurter dhe e deshtuar.

Pershendetje Nardi

[Vinny_T]

Qe familjet me te varfera duhet te marrin nje ndihme nga shteti, duhet qe qeveria te ngreje nje strukture e cila te beje nje studim dhe te caktoje kritere per perzgjedhjen e familjeve qe duhet te ndihmohen.
Pasi te jetne bere keto nje organizem i posaçem mund te merret me subvencjonimin e familjeve qe permbushin kriteret e jo Kesh-i te uli çmimet per to pasi nqs do te behej ne menyre te tille do te ishte diçka absurde per nje ekonomi tregu! Si mund ti kerkohet nje Kompanie komerciale (qofte kjo dhe me kapital shteteror) qe te perballoje mbi kurrizin e saj mizerjen e nje populli !
E par Kesh-i nuk ka kopetenca ligjore, logjistike, ekonomike dhe teknike qe te merret me kete problem.
E dyta eshte nje shoqeri anonime me qellim fitimprures e jo organizate humanitare keshtu qe del nga statusi i saj nqs ben ato qe thote Nano!
E treta Nano le te flase ne fillim per strategjine qe do te ndjeke Kesh-i per te dale nga kriza qe eshte zhytur pasi prejet e dritave vazhdojne perseri dhe Kesh-i eshte ne gjendje tejet te rende keshtu qe nuk mund ti kerkohet ne gjendjen qe eshte qe te ndihmoje Mediat dhe familjet e varfera nje kompanije te varfer pasi eshte absurde!