Liljana Hoxha: "Nexhmija te mos sulmoje, por t'i kerkoje falje shqiptareve"

[shigjeta]

Liljana Hoxha: "Nexhmija te mos sulmoje, por t'i kerkoje falje shqiptareve"

Liljana Hoxha u shpreh dje, se nuk ka pasur dijeni per historite fatkeqe gjate sistemit komunist, te bera publike se fundmi edhe ne filmin "Divorcet sipas stilit shqiptar", qe u transmetua te enjten e kaluar ne "Opinion" te Blendi Fevziut, ne Tv Klan. Nderkohe qe i cilesoi blof qesharak, akuzat e Nexhmijes apo, dhe Teuta Hoxhes, qe pretendojne se jane vjedhur dokumentet origjinale nga arkivi, te perfshira ne librin e gazetarit Blendi Fevziu. Gjate nje interviste per Sonila Mecon, ne Tv "Abc News", Liljana Hoxha akuzoi direkt Nexhmijen per sulmet ndaj librit te Fevziut. Kurse beri apel per pendese te atyre qe jane gjalle nga sistemi, per popullin shqiptar

Zonja Hoxha, ju keni qene po kaq e shqetesuar edhe kur keni ndjekur dokumentarin e shfaqur ne emisionin Opinion, te gazetarit Blendi Fevziu dhe shpjeguat se keni pasur nje ndjeshmeri personale si grua perballe tij. Eshte e pashmangshme kjo, ne gjykimin e nje njeriu qe ka qene prane njerezve qe drejtonin kete vend ate kohe.....

Une mendoj qe ndjeshmeria ime eshte si shqiptare, por eshte shume me e hidhur se sido qe te jete, une kam ndjeshmeri edhe per pjesetare te familjes. Une i perkas me gjak, nepermjet gjakut i perkas asaj familje. Dhe gjaku nuk mohohet, nuk shperfillet. Keshtu qe ndjeshmeria ime ka qene keqardhje per viktimat dhe tmerr per persekutoret. Une nuk jam persekutore. Por ndjej shume peshen e fajit te pergjithshem, por sidomos konkret, perderisa je atje nga fillojne ligjet. Ligje, pas te cileve fshihen te gjithe persekutoret, me gjithe perversitetin e tyre karakterial.

Ju kishit dijeni per kete histori zonja Hoxha, flas per ate periudhe?

Jo, absolutisht. Une kam folur ne nje interviste ne televizionin Klan. Ka qene shume e veshtire, per te thene se une nuk e kam ditur se cfare behet. Dhe e kuptoj kete paradoks, qe une te mos e dija. E kuptoj qe eshte paradoks. Por kjo tregon se kam jetuar ne nje bote ireale, sepse ajo bote ireale ndertohej rreth nesh per te na bere miope, te mos shohim. Meqenese nuk na shtypnin dot, ashtu sic kane shtypur pjesen tjeter te popullsise.

Kjo histori nuk publikohej aso kohe, faktet, sidomos me keto lloj martesash, midis shqiptareve dhe te huajve....

Absolutisht. Ne shtepi nuk eshte komentuar asgje.

Po ne rrethin shoqeror, ne punen tuaj..?

Absolutisht, nuk guxonte njeri te fliste. Une mendoj qe nuk guxonin as ne mes tyre. Ishte shume e zgjuar ajo gruaja e Pjeter Gacit, qe tregonte se si nuk mund te flitej as me njeri-tjetrin. Ishte e hidhur si histori qe u prishem me Bashkimin Sovjetik dhe iken grate. Po qe disa gra jane mbyllur, jane denuar dhe persekutuar, vetem se kane qene te huaja dhe familja e tyre eshte persekutuar, qe djali ka frike te jete djali i te emes, e me vone i sheh se kane vuajtur aq shume, sa qe u jane thare lotet. Une lutem, lutem qe te mos me thahen lotet.

Ky eshte krim i paster i shtetit ndaj te pafajshmeve...

Une e shikoj keshtu kete, jo vetem ne lidhje me grate e huaja, qe eshte nje histori specifike dhe shume atraktive per letersine, sic e ka trajtuar edhe Kadareja, por e marrim ne pergjithesi, ku edhe kjo histori sado specifike, sado e mprehte, futet tek e tera, te persekutimi i njeriut te thjeshte. Une e kam kuptuar luften per pushtet atehere, nuk mund te them se nuk e kam kuptuar. Mendoja se lufta per pushtet ishte likuidimi i njepasnjeshem i pushtetareve. Aty nuk mund te arrija se cili ishte fajtor dhe cili nuk ishte, sepse ishte ligji armik i popullit, e te tjera me radhe. Por te denosh njerezit me te thjeshte, te ushtrosh dhune te njerezit me te thjeshte, vetem e vetem per te krijuar terror psikologjik ne te gjithe Shqiperine, gjera qe une i kuptoj sot dhe i vuaj sot.

Eshte paranoje e sistemit dhe sistemi identifikohej me partine...

Eshte partia, simboli ishte Enver Hoxha. Jane gjera qe une nuk mund t'i mohoj, me gjithe lendimin qe kam kundrejt edhe portretit te tij. Ndaj kam ardhur qe, pak ndjeshmeri per ata qe kane bere keq, se nuk mundet te shtypet vite me radhe nje popull dhe t'u futet frika. Se edhe sot kane frike. Nuk akuzojme njeri per cfare ndodh, qe po shtypen njerezit me pa te drejte nepermjet ligjit, perkundrazi fshihen pas tij.

Eshte ndryshe kur ndodh kur liria eshte e fituar dhe kur liria nuk eshte...

Flas per atehere, por edhe sot qendron, pasi nuk kemi institucionin e pendeses. Gjithe njerezimi nuk e ka zgjidhur dot fajin kolektiv, jo e jo, por edhe personal, ne sistemet totalitare. Komunizmi perfundoi ketu ne nje sistem persekutues. Duke qene se 1 ne 3 shqiptare, ishte spiun sigurimi. Po kjo nuk eshte pak. Do te thote qe te kesh te gjithe shoqerine ne kontroll. Ne emer te ligjit, them se ne ate filmim jepen per here te pare hetuesit, kishte nje risi, qe per here te pare, sjell te persekutuarin dhe persekutuesin. Ne qofte se persekutuesi thote "dua vetem ligjin dhe asgje tjeter", dhe ate e beri me aq ftohtesi, sa ajo kryeprokurore thote "po kisha edhe une ato te miat'. Dua te them se dhe njerezit, ai qe i formulonte ligjet, ai do ta perzgjidhte edhe ligjzbatuesin. Sepse jo cdo njeri behet ligjzbatues. Ndaj ne sot, nuk kemi njerez qe te pendohen. Kjo me duket shume dramatike. E pres kete nga ata qe kane qene ne krye, Enver Hoxha ka vdekur, Ramiz Alia nuk eshte me, por nga ai dhe nga Nexhmije Hoxha, nuk pritej qe te pendoheshin. Po Fatos Nano, Gramoz Ruci, qe i perkasin asaj kohe, edhe te sotmen, duhet pak pendese, se koha kalon, sepse te gjithe e dine se ai sistem ishte absurd dhe prodhonte ngjarje absurde. Dhe falja vjen ne kohe brenda vetes.

Si e shikoni kete fryme qe mbizoteron ne median shqiptare?

Qendrimi im ka qene shume i qarte ne vite. Tani te mbledhura bashke, une po e nxjerr ne nje liber. Ka nje nderthurje te misterit te kaluares dhe te tashmes. Une nuk dua te ndalem gjate ketu. Perpos karakterit personal, ne ngelemi te pasheruar, ambicioze ndaj njeri-tjetrit, malinj, urrejme, por me e keqja eshte qe luftojme deri ne asgjesim, vdekje civile te tjetrit.

Kur me thoni se shume ceshtje nuk i dinit, shume shqiptare mund te jene skeptike ndaj kesaj....

Une jam e lumtur, se them se e kam gjetur vetveten ne raport me te shkuaren. Personalisht, une nuk e kam bere dot per te tjeret, por e kam bere publikisht, si di une ta bej, kam bere hapur akuzat e mia, vetem per nje individ, por nuk ka akuzuar kush per viktimat, ne ka qene ne emer te ligjit apo shperdorim, sepse shumica ka qene shperdorim. Eshte e Enver Hoxhes, thuhet se ka fakte. Une i kam pranuar, qe simboli eshte simboli dhe si simbol, ai meritoi, sikur e pesoi fatin. Me shume rendohet Enver Hoxha, por une nuk jam ne gjendje.

E keni lexuar librin per Enver Hoxhen te Blendi Fevziut?

Pergjithesisht, une nuk lexoj dot libra te tille, nga ndjeshmeria personale. Librin e Blendi Fevziut e lexova dhe mu duk i shkruar me tjeter kulture, jo me ate te shkruar deri me sot per Enver Hoxhen.

Ishte i vertete, per aq sa dini?

Per aq sa une lexova dhe lexova pjesen per te cilen une nuk e njoh Enver Hoxhen, mu duk me novator si stil. Pa mllef, e shkruar neutrale dhe pergezohet per menyren e te shkruarit. Deri ne fund nuk e lexova, sepse njeri jam edhe une. Nuk e lexova dot, nga frika se merrja vesh me shume, se turbullohesha. E lashe per qetesi personale. Jam ballafaquar me fakte qe nuk do te doja t'i dija. Mua me irriton zhurma dhe debati dhe sulmi, qe pati ai liber ne shoqeri. Cfare do te kete thene ai liber, sado i keq apo gjakatar te kete dale Enver Hoxha, libri nuk digjet. Nexhmije Hoxha reagon vetem ndaj Kadarese, per parathenien e Farih Balliut per zonjen e zeze, ku autori e vecon Nexhmije Hoxhen nga Enver Hoxha. Ne 1986, une i kam thene, per ate groteskun e kultit qe ju be Enver Hoxhes, ne dem te pasurise kombetare, qe "per te gjitha ti e ke fajin". Me tha: "mua mos me ndaj nga Enveri". Kam pse ta ndaj nga Enver Hoxha per shume ceshtje.

Ju i keni pasur ato dokumente qe Blendi Fevziu ka ne liber?

Une nuk i kam, por i di ku jane ato dokumente.

Ne ate kohe ishte teza qe Ramiz Alia do te merrte trashegimine e pushtetit....

Ramiz Alia ka bere trashegimine e pushtetit per vete dhe Nexhmije Hoxhen dhe per Ilirin, e nusen e Ilirit. Ramiz Alia do te ishte diktatori i dyte, sepse edhe ai ka vrare, se ka vrare ne kufij. Une i kam thene. Une kam qene qe asnje politikan i se kaluares, nuk duhet te jete sot. Sepse nuk duhen me figurat e vjetra, sepse ra komunizmi, erdhi pluralizmi, duhen politikane te tjere. Keshtu e shikoja ne ate kohe une. Une flas, sepse nuk kane folur te tjeret.

Cili do te ishte trashegimtari....

Trashegimtari do te ishte pas Ramiz Alize, Iliri. Teuta do te ishte Nexhmija e dyte.

C'rol ka luajtur Nexhmije Hoxha dhe familjaret ne ruajtjen e arkives personale te Enver Hoxhes?

Nexhmije Hoxha ka kontrolluar cep me cep e rrenje me rrenje te shqiptareve, se cfare behet ne Shqiperi, jo me arkivin personal te Enver Hoxhes. Nexhmije Hoxha disponon gjithcka te Enver Hoxhes, te djalit te saj, qe e ka bere hasha, se ka folur per semundjen e babait. Nexhmije Hoxha me Teuta Hoxhen, kane nxjerre fotografine time me Ilirin me Sali Berishen, qe ne ate kohe. Ajo foto ka dale prej tyre. Dhe une u habita, se nuk e dija qe ato kishin nje foto time personale. Habitem sa shume disponojne dhe kontrollojne ato. Ne Arkiv te Komitetit Qendror kane qene vetem dokumentet zyrtare, ditaret e punes. Te tjerat kane qene vetem ne duart e Nexhmije Hoxhes.

Pse aludon atehere, Nexhmija Hoxha se jane marre arkivat dokumentet?

Eshte sulm per Blendi Fevziun, ndaj digjet edhe libri i tij. Sepse libri i tij ka prekur pa dashur piken me te dobet te Nexhmije Hoxhes, se Enver Hoxha eshte gjetur i shtrire ne kohen, kur ajo flinte. Cfare nuk eshte thene per Enver Hoxhen dhe ajo nuk foli. Ajo ka strategjine qe te mbetet gruaja e Enver Hoxhes, bashkepunetorja e tij. Po arriti te dale profili i saj, kunder Enver Hoxhes, apo jo aq e vendosur sac duket, ajo te shkaterron.

Atehere, akuzat per marrje te dokumenteve...

Eshte blof qesharak.

Kush i ruante dokumentet?

Ato e dine kush i ruante, njerezit e tyre jane. E dine shume mire se kush i ruan. Dua ta them ne ate gjyqin e famshem, presionin qe bejne ato se kush. Ato akuzojne cilindo qe i ka marre, qe eshte flluske qesharake. Nexhmije Hoxha eshte 90 vjec, kurse Teuta Hoxha eshte pa fillore, pa te mesme, pa universitet dhe ka te gjitha veset e mundshme qe mund te kete nje grua, ndaj u perzgjodh nga Nexhmija qe te bente trashegimine. Ndaj te ne ka njerez qe nuk pendohen se jane te lidhur, e po u pendua njeri...

Pra, do te donit nje pendese?

Duhet nje pendese per popullin shqiptar, qe te bjere ne paqe dhe nuk duhen akuza nga ata qe tere jeten kete pune kane bere. Sulmi qe behet ndaj Blendi Fevziut sot, eshte nje qellim ne vetvete. Eshte agresion qe behet ndaj tij, per t'u hedhur tym se libri nuk ben.

Blendi i mori ne arkiv dokumentet...

Nese kane dale materiale te ketij arkivi, atehere i bie te jene kopje. Kopjet dihet kush i ben, i bejne njerezit e tyre. Nese eshte puna per rrjedhje te dokumenteve, qe jane dokumente autentike, doreshkrime origjinale, eshte blof se origjinalin e kane ato.

Besoni, se mund te gjykohet si meri e nje gruaje kjo...

Jam mesuar une me keto.

Libri juaj do jete nje deshmi e gjalle.....

Libri im eshte une, ai qe me beson sot, do te besoje edhe librin, ai qe nuk me beson, nuk do te besoje edhe librin.

Koha Jone

[Brari]

Gonxhja u përgjigjet akuzave të Liljana Hoxhës: Si e kam njohur Teutën në ‘89-’90
Argumente Enjte, Maj 17th, 2012



Blendi Gonxhe (majtas) Teuta Hoxha


Liljana Hoxha e akuzoi Teutën për joshje ndaj Alisë, Ramës, Klosit e Gonxhes.

“Liljana thotë haluçinacione, Teuta ishte e sjellshme e korrekte”

I atakuar krejt papritur në një emision televiziv, Blendi Gonxhja rrëfen të vërtetën mbi pozitën dhe njohjen që ka pasur dy dekada më parë me Teuta Hoxhën.
Ish-drejtuesi i Lëvizjes Studentore në Instituin e Lartë të Arteve (sot, Akademia e Arteve) dhe në Qytetin Studenti ‘89-’91, hedh poshtë akuzat që Liljana Hoxha i bëri gjatë intervistës me Blendi Fevziun në “Opinion”. E reja e ish-udhëheqësit komunist Enver Hoxha aludoi se kunata e saj, Teuta Hoxha, “në vitin 1990 ka qenë ndërlidhëse e Ramiz Alisë dhe Nexhmije Hoxhës me Edi Ramën, Blendi Gonxhen dhe të ndjerin Ardian Klosi… Të cilët i fuste në kurth nëpërmjet mënyrave femërore dhe i ritakonte më pas…”. I pyetur nga gazeta “Panorama” rreth kësaj deklarate, Blendi Gonxhja preferon që të mos merret me akuzuesen publike të tij, Liljana Hoxhën, por e sheh të arsyeshme që të sqarojë publikun. “Shpreh keqardhjen time për këtë pasazh të intervistës së një personazhi si Liljana Hoxha, të cilën nuk e njoh dhe nuk dua t’i hyj në hak për asgjë. Por, meqenëse pyetem nga gazeta dhe meqenëse emri im është përmendur në aludimet e saj, po sqaroj publikun, në respekt të epokës që emri im përfaqëson dhe të historisë sime personale e të brezit tim, të lidhur aq ngushtë me ngjarjet e rëndësishme historike të viteve ‘90 dhe të rrëzimit të diktaturës më të egër të Ballkanit. Nuk flas për Liljanën, as për të rrëzuar këtë halucinacion të saj, por duke folur mendoj se i shërbej publikut që të jetë i qartë”, thotë Blendi Gonxhja.


Blendi Gonxhja

Më pas ai hyn drejt e në temë duke theksuar: “Nuk ka pasur asnjë lloj ndërlidhjeje mes meje dhe për aq sa unë di, edhe mes Edi Ramës apo të ndjerit Ardian Klosi me Nexhmijen apo Ramizin. As takim e asnjë lloj përpjekjeje të askujt për të na takuar apo lidhur ndonjëherë”. Bashkangjitur kësaj, Gonxhja bën një retrospektivë të viteve ‘89-‘90 duke shpjeguar se si është njohur me Teuta Hoxhën, si dhe pozitat e të dyve në marrëdhëniet e punës. “Në vitet 1989-1990, unë si Blendi Gonxhja, kam punuar part-time në Muzeun Historik Kombëtar disa ditë në muaj si kurator për disa ekspozita të ndryshme gjatë kohës kur studioja në Akademinë e Arteve të Bukura (ish-ILA), ku rastësisht kam njohur edhe drejtoreshën e Muzeve Shqiptarë, që përkohësisht ishte me seli në Muzeun Kombëtar, znj. Teuta Hoxha. Për aq sa mbaj mend, Teuta ishte një person i sjellshëm, korrekt dhe dashamirëse krahasuar me nomenklaturën dhe me frymën e rëndë të administratës së asaj kohe. Në asnjë rast apo formë nuk di që Teuta Hoxha të ketë dalë jashtë kuadrit të profesionit dhe detyrave të saj si drejtoreshë e Muzeve Shqiptarë. Përkundrazi, ruaj respekt të plotë për etikën dhe qëndrimin e saj për aq kohë sa kam punuar në Muzeun Kombëtar. E ndiej për detyrë të theksoj se parimet dhe idealet e mia, si një ndër drejtuesit e Lëvizjes Studentore për demokraci brenda ILA, por edhe më pas në Qytetin Studenti, nuk më lejonin dhe nuk më lejojnë kurrë të ndërmarr luftë klasore kundër familjarëve të familjes Hoxha, pikërisht sepse kjo do të ishte tërësisht e kundërta e asaj për të cilën unë dhe brezi ynë luftoi dhe mbi të cilën fitoi. Unë dhe brezi im luftuam që në Shqipëri të mos kishte më luftë klasash, të përndjekur apo viktima të biografive, por që të ishim të gjithë të barabartë dhe të lirë në një rend meritokratik e demokratik. Hedh poshtë çdo aludim të Liljana Hoxhës në lidhje me sa ka thënë mbi personin tim dhe mbi atë periudhë historike”.
ELISABETA ILNICA



Liljana Hoxha: Teuta, raport shtatzënie fals për t’u martuar me djalin e Enverit

Nusja e familjes Hoxha flet për Blendi Fevziun në “Opinion”, TV KLAN.


Teuta dhe Ilir Hoxha dhe Liljana Hoxha

“Frika e Ramizit dhe Nexhmijes ndaj familjes Shehu dhe implikimi i tyre si agjentë të UDB-KGB” Akuza Teutës për kurthe femërore ndaj Alisë, Ramës, Gonxhes e Klosit.

Është një ndër personazhet që ka shumë për të treguar. U rikthehet shpesh historive të vjetra, por edhe sjell dëshmi të reja. Me një kombinim të tillë rrëfimesh, Liliana Hoxha bisedoi përballë gazetarit të njohur, Blendi Fevziu, në emisionin “Opinion” të televizionit “Klan”. Si nusja e Sokolit, djalit të ish-udhëheqësit komunist, Enver Hoxha, ajo di shumë ngjarje brenda familjes së saj, por edhe “bllokmenëve” të tjerë. Për ato episode që ka jetuar vetë, Liliana Hoxha nuk pranon kundërshtime. Për ato të dëgjuara nga të tjerët apo të lexuara ndokund, bën analiza…
Zonja Hoxha, a jeni e sigurt që keni ende gjëra për të thënë? Kam përshtypjen se ju keni shkruar shumë, keni folur shumë, keni dhënë intervista…
Kam shumë, shumë gjëra për të thënë, e kam thënë edhe herën e fundit. Janë hollësira që bindin më shumë lexuesin, siç edhe e ngjethin më shumë atë.
Si i dini ju këto gjëra? Ku i keni mësuar?
Ato që unë di, i di nga jeta ime. Kurse hollësira për njerëzit e tjerë, që normalisht unë nuk i njoh, as i kam takuar, as kam ndenjur me ta, përsëri i njoh në rrugë institucionale…
Çfarë domethënë në rrugë institucionale?
Domethënë, ashtu siç di që unë kam qenë e ndjekur në kohën e diktaturës.
Si keni qenë e ndjekur? Ju ishit nusja e djalit të Enver Hoxhës…
Kam pasur dosje në diktaturë. Nuk e di sa qe gjallë Enver Hoxha apo jo, por ka të ngjarë edhe atëherë.
E ndjekur nga kush? Kush tjetër veç Enver Hoxhës mund t’ju ndiqte?
Nga Sigurimi i Shtetit. Sot them nga Nexhmije Hoxha dhe Ramiz Alia.
Përse Sigurimi i Shtetit duhet t’ju ndiqte?
Besoj për mënyrën se si më shikonin ata.
Keni fakte konkrete për këtë?


Liliana Hoxha

Kam fakte konkrete, dosja ka ekzistuar, nuk e di nëse tani ekziston apo jo. Shumë njerëz m’i kanë shprehur këto dhe unë retrospektivisht i vërtetoj të tëra. Ndaj them kam shumë e shumë gjëra të tjera, ku ngërthehet e gjithë familja ime, motra, vëllai, martesat e tyre të detyruara nga Nexhmija. Jo më martesa e Ilirit me Teutën, që kjo e fundit lakon se u dashuruan e të tjera me radhë. Martesat e vëllait dhe motrës sime u bënë që të prishej martesa ime me Sokolin. Siç i di këto të gjitha tashmë, për një kohë të gjatë mezi i kam kuptuar, por i kam vërtetuar me shumë analiza, dëshmi, takime etj., ashtu di çdo gjë, shumë hollësira, por kam shprehur vetëm të domosdoshmet për ata njerëz që unë i kam përmendur aty në zbërthim të çështjes. Për ta plotësuar këtë temë madhore që në të vërtetë është çështje kombëtare. Komunizmi ishte komunizëm, komunizmi duhet të ikte meqenëse si ideal është sublim, por si praktikë polli totalitarizëm. Ndonëse komunizmi duhet të ikte, fatkeqësia reale nuk ishte “komunizmi” në vetvete, jo se bëri pak si ideologji. Sepse bëri Kushtetutën që në vetvete ligjëronte reprezaljet. Por katastrofën më të thellë në Shqipëri e ka bërë agjentura.
Cila agjenturë? Cilat ishin agjenturat që vepronin në Shqipëri?
Ka qenë KGB-ja dhe UDB-ja. CIA shumë-shumë ka dashur të ketë nën kontroll situatën. Këto kanë ardhur prej Jaltës, kjo është rrjedhojë e Jaltës. Është logjike, po të fillojmë me formimin e partisë, të kalojmë me profilin e Hoxhës etj., mund të thuash shumë dhe kanë rëndësi historike për t’u parë. Si detyrim i vendosjes gjeopolitike strategjike të vendit tonë, kjo çështje mbeti medoemos me pasoja. Por kanë pak rëndësi për temën tonë.
KGB-ja dhe UDB-ja ishin të pranishme në Shqipëri në nivele të larta, apo jo?
Rezultojnë që ishin të pranishme në Shqipëri, në nivelet më të larta.
Ju keni fakte për këtë, kush e thotë?
Faktet janë gjithçka që ka bërë Ramiz Alia dhe Nexhmije Hoxha.
Ju po thoni që Ramiz Alia dhe Nexhmije Hoxha ishin agjenturë e KGB-së apo UDB-së.
Po ishin fitimtarët.
Ç’domethënë fitimtarët?
Domethënë pasi bënë të gjithë luftën për pushtet, pasi shkatërruan dhe vranë të gjithë pretendentët..
Pretendentët i vrau Enver Hoxha apo Ramiz Alia me Nexhmije Hoxhën?
I “vrau” Enver Hoxha, sepse ishte ai në krye. Mund të ketë pasur edhe ndonjë firmë aty që në fund të fundit, gjatë luftës për pushtet, kur i thua që ky njeri është i rrezikshëm e të tjera, vendimet janë të paracaktuara. Në parantezë, unë pashë filmin dhe kam qarë siç ka qarë çdo grua shqiptare, por këtu po analizojmë, t’i lëmë sentimentet.
Pra ju po thoni që Enver Hoxha përdorej për të eliminuar ata persona që ….
Enver Hoxha nuk përdorej. Është fjalë e dobët, edhe Enver Hoxha për sytë e mi është shumë i fortë dhe ashtu ka dalë i fortë. Por Enver Hoxhës i jepej një informacion i gabuar. Dhe ky informacion i gabuar nuk ka qenë vetëm kur ai u izolua, sepse kur u izolua u bë absolutisht i kontrollueshëm. Dua të them që informacioni i gabuar i jepet çdo lideri nëpërmjet rrugëve institucionale. S’ka bashkëpunëtor që t’i flasë titullarit kryesor, në këtë rast diktatorit, që ky zhvillim që po bëjmë nuk po ecën. Por do t’i bëjë vetëm lëvdata euforike. Kjo është logjika në të gjithë botën.
Përse Nexhmije Hoxha duhet të ishte agjente e KGB-së apo Ramiz Alia i UDB-së, ata ishin drejtues shumë të lartë të regjimit komunist…
Ramiz Alia nuk e merrte kurrë pushtetin dhe Nexhmije Hoxha nuk e merrte kurrë pushtetin pasi të vdiste Enver Hoxha, pa qenë të tillë.
Po e kishte për sa kohë Enver Hoxha ishte gjallë…
Po do të trajtohej nga Mehmet Shehu, ashtu siç u trajtua Mehmet Shehu nga Enver Hoxha. Dua të them në emër të tij nga Kadri Hazbiu, Ramiz Alia e Nexhmije Hoxha.
Pra ju mendoni që Nexhmije Hoxha dhe Ramiz Alia kishin frikë nga Mehmet Shehu?
Pa dyshim.
Përse kishin frikë?
Sepse Mehmet Shehu ishte më i egri i të gjithëve.
Ishte i egër, por të gjithë mendojnë se ai do të sillej mjaft mirë me familjen e Enver Hoxhës…
Kështu mendojnë të gjithë, por nuk mendonte Nexhmije Hoxha kështu.
Ju mendoni se Nexhmije Hoxha kishte realisht frikë nga Mehmet Shehu?
Nexhmije Hoxha kishte realisht shumë frikë nga Mehmet Shehu.
E shprehte këtë?
Familja e Mehmet Shehut është sjellë realisht shumë keq ndaj familjes sonë.
Si është sjellë keq?
Bënin dualizëm të hapur që nuk kishte pse, sepse fëmijët e Enver Hoxhës ishin shumë të thjeshtë. Silleshin thjesht, pavarësisht se kanë të tjera kusure në kurriz por ishin të sjellshëm, nuk ishin vanitozë, nuk ushtronin pushtetin e të atit. Kurse fëmijët e Mehmet Shehut ishin arrogantë, prepotentë edhe ndaj nesh, edhe ndaj familjes sonë ishin kërcënues. Nuk të përfillnin, kalonin përpara me makina, të fyenin etj. me radhë.
Pra, ndihej ky dualizëm në Bllok. Kur ka filluar?
Ky dualizëm ndihej vetëm nga fëmijët e Mehmet Shehut dhe Fiqireti ndaj Nexhmije Hoxhës. Jo nga Mehmeti ndaj Enverit. Mehmet Shehu për mendimin tim, priste me durim të vdiste Enver Hoxha. Mehmet Shehu vetë nuk i ka bërë keq Enver Hoxhës. Ndaj, për mendimin tim, Enver Hoxha ka pasur shumë të drejtë të mërzitej për Mehmet Shehun kur ai është vrarë.
Si është vrarë? Është vetëvrarë apo vrarë?
Është vrarë. Unë them që është vrarë, për hollësira nuk është as vendi dhe ato janë hipotetike.
Vrasjen e Mehmetit ju e nxirrni në analizën e sotme, apo e keni dyshuar që në momentin që ndodhi? Unë e kam ndier që është vrarë, sepse nuk mund të vetëvritet një burrë si ai, aq më tepër që Enver Hoxha e kish falur dhe herë tjetër.
Më pas në analizat që keni bërë, ju rezulton i tillë…
Në të gjitha analizat ashtu më del. Me mërzitjen e Enver Hoxhës ashtu më del. Me gëzimin e Nexhmijes ashtu më del, edhe të fëmijëve, edhe me tablonë sinoptike ashtu më del. Sepse me tablonë sinoptike duhet të qetësonte Shqipërinë, njerëzit, sepse nuk është e kollajshme të vetëvritet një kryeministër, dhe duhet ta deklarojë spiun, gjë që edhe mund ta ketë besuar. I KGB-së është, sepse e ka ditur vetë Enver Hoxha dhe e ka lejuar. Ai e dinte se kush është i KGB-së dhe kush jo, pra kë lejonte dhe kë jo.
Ju mendoni që Enver Hoxha e dinte se cilët ishin spiunët e KGB-së?
Po. Po.
Dhe i toleronte?
Jo i toleronte, i linte në funksion, ua diktonte funksionin. Dhe në rastin e tablosë sinoptike, thotë që më ka dalë poliagjent. Pra, më ka dalë edhe në anë tjetër, që unë nuk e njoh. Domethënë më ka tradhtuar.
Ju mendoni që edhe midis drejtuesve të lartë të regjimit komunist kishte njerëz që punonin për KGB-në dhe UDB-në?
Po, është e domosdoshme, në çdo shtet kështu është.
Dhe këta njiheshin nga drejtuesit e lartë komunistë?
Enver Hoxha njihte ata që ua dinte hapin. Ata që nuk i njihte, po të bëheshin rrezik, do t’i likuidonte. Do t’i likuidonte në emër të së vërtetës që ata ishin rrezik ose, në emër të intrigës që u thurej nga të tjerë që ata ishin rrezik.
Të gjitha këto eliminime që Enver Hoxha bënte, ndahen në dy pjesë: eliminimet e atyre që quheshin kundërshtarë politikë, klasat e përmbysura që në një farë mënyre komunizmi u mori pushtetin dhe i ndëshkoi dhe eliminimet brenda kupolës drejtuese të Partisë Komuniste…
Enver Hoxha ka bërë reprezalje vetëm në luftën për pushtet. Luftën e klasave e kemi zhvilluar vetë, e ka zhvilluar shoqëria që është e molepsur nga agjentura. Shqipëria ka kaluar nën vrojtim, 1 në 3 veta do të ishte i Sigurimit. Këtë s’e ka bërë Enver Hoxha dhe as e ka ditur ai.
Është e vërtetë kjo?
Po është e vërtetë, një në tre veta ishte bashkëpunëtor i Sigurimit të Shtetit. Vëllai i gruas të vëllait tim ishte një ndër ata. Dhe vëllai im vdiq 40 vjeç, sepse ishte i pakënaqur me Ramiz Alinë pas vdekjes së Enver Hoxhës. E deklaroi këtë dhe për gjashtë muaj vdiq. Një histori e tillë, e ngatërruar me shumë intriga, ndodhi edhe me time motër më vonë, e cila vdiq po rreth 40 vjeç pikërisht kur do hapej publikisht. Të gjitha këto janë fakte që mua më kanë çuar në rrugën e studimit se çfarë ka ndodhur poshtë tek njerëzit e thjeshtë, pale ata të implikuarit biografikisht. Sepse mua m’i bëri Nexhmija dhe Ramizi, dikujt tjetër ia ka bërë kryetari i …
Ju e ndienit këtë dhunë që ushtrohej poshtë?
Nuk e kam ndier kurrë këtë dhunë që është ushtruar poshtë, e kam ndier vetëm në familjen e Enver Hoxhës, jam ngritur kundër saj, kam luftuar kundër saj… Për sa i takon Enver Hoxhës, nuk të falte për pushtet. Por ama fali Sejfulla Malishovën, fali Kristo Frashërin, e të tjerë si ata. Shumë të persekutuar i kanë fëmijët nëpër shkolla, sepse i kanë dërguar letër Enver Hoxhës dhe Enver Hoxha i ka toleruar. Unë vetë jam martuar me Sokol Hoxhën, pasi ime motër mori nipin e armikut të popullit që ishte në burg. Pra Enver Hoxha toleronte.
Por ka eliminuar persona, që në gjykimin tim nuk e kërcënonin pushtetin e tij…
I janë paraqitur si të tillë në rrugë institucionale.
Po marr Beqir Ballukun, Petrit Dumen…
Unë personalisht këtë çështje e filloj me Beqir Ballukun…
Sepse në qoftë se Mehmet Shehu përbënte një kërcënim për familjen Hoxha, sipas Nexhmije Hoxhës, pjesa tjetër e tyre nuk kishte asnjë lloj problemi?
Unë e filloj me Beqir Ballukun sepse atëherë kam qenë dëshmitare, sapo isha martuar. E kam diskutuar këtë gjë madje me Enver Hoxhën. Nuk e gjykoja dot sa fajtor ishte Beqir Balluku, por thosha se çfarë keni me fëmijët edhe fisin. Përgjigjja ishte shumë evazive po e pakontestueshme që këto gjëra kështu janë, mos u fut. Unë e besoj që Beqir Balluku është likuiduar nga të tjerë, nga Mehmet Shehu dhe, pas kësaj, atij do t’i vinte radha, sepse ai ishte më i fortë se Ramiz Alia kur u lidh prej krushqisë me Nexhmije Hoxhën.
Në eliminimet e Enver Hoxhës disa ngjallin pikëpyetje, pavarësisht se kanë qenë njerëz të angazhuar apo kundërshtarë të tij, është nipi i tij, apo kushëriri Abaz Omari, Bahri Omari, një njeri që e kishte ndihmuar shumë, madje në momentin e pushkatimit ka marrë edhe dhurata nga Nexhmije Hoxha, dhe më pas Syrja Selko, i cili po ashtu e kishte ndihmuar. Përse kanë ndodhur këto eliminime? A i kishit dëgjuar ju në familjen e Hoxhës këto eliminime?
Atëherë jo. Këto i kam dëgjuar në ‘90-n. Nuk i justifikoj, llahtarisem.
Pra nuk flitej për Bahri Omarin në familje?
Jo, lihej të kuptohej nga vizitat që bënin të bijtë, që respektoheshin shumë nga Enver Hoxha, edhe ata e respektonin shumë, që burri i Faries është ekzekutuar. Edhe bindja ime ishte që është ekzekutuar sepse ishte armik, ishte ballist. Se nuk ishte ashtu, këtë gjë e mora vesh pas vitit ‘90 dhe e kam thënë, diku, nderim për ata djem, të cilët të dyzuar midis të atit dhe Enverit arritën të kenë nderim për Enverin. Unë nuk do ta kisha bërë dot këtë gjë.
Po për rastin e Syrja Selkos apo Abaz Omarit, nuk përmendeshin fare?
Ata i kam dëgjuar nga ju, nga filmimet tuaja.
Ka mjaft komente që lidhen me atë që quhet trashëgimia e Enver Hoxhës, që ndahet në dy pjesë, atë që duhet trashëgimia kulturore, dokumentare dhe trashëgimia pasurore. Ku gjenden shumë prej dokumenteve origjinale të Enver Hoxhës, ditarët, shënimet e tij, kopje të të cilëve ndodhen sot në Arkivin e Shtetit të transferuara nga arkivi i tij personal në fondin e Komitetit Qendror. Ku gjenden origjinalet?
Origjinalet i ka Nexhmije Hoxha dhe Teuta për pasojë. Jo kot e kam quajtur Nexhmija 2 Teutën, jo për ilaritet, por ato funksione kishte marrë që në gjenezë, që kur u martua me Ilir Hoxhën. U martua me intriga të llahtarshme, intriga që asnjë vajzë 15-vjeçare nuk do t’i mbante në kurriz.
Si mund të bëjë intriga një 15-vjeçare?


Ilir dhe Teuta Hoxha

Epo ja që ajo i ka bërë. Në qoftë se duhet të verifikohet e vërteta ime, duhet të ndalen tashmë se vjen një ditë që thuhen të gjitha. Edhe unë nuk dua t’i them të gjitha. Intriga të nënës së saj, një kartomante, një grua që merrej me stregonerira, një manipulatore. E kaluara e të ëmës së saj është shumë e diskutueshme. Kjo grua, e lidhur me Nexhmije Hoxhën që herët, çfarë nuk kanë bërë që e bija, vajza e saj, të bëhej nusja e Ilir Hoxhës.
Po mund të jetë e drejta e çdo nëne që ta martojë vajzën e saj me djalin e kreut të shtetit…
Po, por jo medoemos të bëjnë presion tek autoritetet mjekësore që ata të pranojnë që është shtatzënë kur nuk është. Njerëzit janë gjallë dhe le ta kundërshtojnë. Le ta kundërshtojë Nexhmija edhe mjeku. Kështu janë këta njerëz. Kështu i kanë nisur fillesat e tyre.
Si kanë qenë raportet tuaja me nusen tjetër të familjes Hoxha? Ka pasur xhelozi mes jush?
Kjo është një pyetje fare normale. Jam shumë e ftohtë ndaj pyetjeve të tilla. Kuptohet që ka pasur deri obsesion, i njëanshëm, sepse s’mund të ishte e dyanshme. Duhet ta njohësh atë dhe kush e njeh le ta vlerësojë, le ta pëlqejë. Si e kam njohur, si jam llahtarisur prej saj, sa ka ardhur në shtëpinë e Enver Hoxhës, këto gjëra nuk i përkasin fushës së xhelozisë humane. Janë çështje pushteti që i delegonte Nexhmija që intuitivisht unë e kam ndier që në fillim. Unë prej saj vetëm jam ruajtur dhe kam thënë që një gjë kaq e trashë, kaq e pashkolluar është shumë e rrezikshme, sepse është në gjendje që të bëjë gjithçka e komanduar siç ishte.
Jeni e sigurt që nuk është motivimi i një problemi xhelozie mes jush?
Po, në qoftë se është motivim xhelozie fakti që në vitin 1990 ka qenë ndërlidhëse e Ramiz Alisë dhe Nexhmije Hoxhës me Edi Ramën, Blendi Gonxhen dhe të ndjerin Ardian Klosi… Të cilët, i fuste në kurth nëpërmjet mënyrave femërore dhe i rikatonte më pas. Kjo ishte metodë jo vetëm e saj, por e diktuar dhe e njohur nga Ramizi dhe Nexhmija.
Ramiz Alia në fund të fundit e çoi në burg Nexhmije Hoxhën, në mos gaboj në 1991-shin…
Ramiz Alia e çoi në burg Nexhmije Hoxhën, sepse u thye paksa gjasme varianti i Katovicës, që nuk ishte Katovicë e Gorbaçovit, por ishte e Ramiz Alisë. Sepse Gorbaçovi nuk bëri Katovicën që në rast nevoje ta kthente pushtetin me gjak dhe hekur, kurse Ramiz Alia e deklaroi që pushteti ynë është i sigurt dhe ne do ta kthejmë pushtetin me gjak dhe me hekur. Kështu që në burg e futi Nexhmijen vetëm për kafe, siç futi edhe të tjerët moralisht, jo politikisht. Edhe kjo i doli nga dora, sepse ishte presioni i brendshëm, sepse ishte Sali Berisha kryeministër. Sali Berisha, cilido të ketë qenë komunist i egër apo ekstremist komunist etj., ishte nën presionin nga poshtë, nga e djathta e mirëfilltë.
A ka pasur një trashëgimi financiare të Enver Hoxhës?
Nuk është e mundur të ketë pasur. Mund të ketë pasur trashëgimi shtetërore.
Kë quani ju shtetërore?
Shtetërore quaj fondin shtetëror. Një shtet ka fondin e vet, që sot ndodhet atje ku i ka çuar i biri i Ramiz Alisë, gjatë vizitës me të atin në Amerikë. Është në libër, se si ata e kanë transferuar fondin shtetëror, thesarin e shtetit në Amerikë dhe e zotërojnë për veten e tyre.
A ka pasur pasuri familja Hoxha në fund të viteve ‘90?
Familja Hoxha, Enver Hoxha, nuk kishte si të kishte pasuri. Ai nuk e njihte lekun, nuk ka mbajtur ndonjëherë lek në duar apo në xhepa. Ka qenë një kohë madje, që më ka thënë “Liliana mblidhni lekë se nuk i dihet jetës”.
Kur jua ka thënë këtë?
Vitet e fundit të jetës.
Por ndërkohë, sipas burimeve që ne jemi ende duke i verifikuar, por nuk i konfirmojmë deri më sot, në familjen e Enver Hoxhës disponoheshin mjaft bizhuteri, me vlerë të madhe të konfiskuara në vitet ‘44, ‘45, ‘46 nga ato që quheshin klasa të përmbysura, bejlerë, pasanikë të mëdhenj, biznesmenë, që nuk janë regjistruar në pasurinë shtetërore. Nëse del e vërtetë, mbetet për t’u verifikuar…
Përjashtoj faktin që të jenë të Enver Hoxhës. Nuk e përjashtoj faktin të jenë të Nexhmijes dhe të vajzës dhe nuses, sepse edhe ua kam parë në duar, unaza shumë të vyera në atë kohë, që nuk i kishte njeri. Edhe vetë Enver Hoxha i ka kritikuar duke u dhënë shembullin tim me duar të pastolisura. Sot e kam edhe unë një, disa madje jo aq të vyera mundësuar prej fëmijëve të mi, se sot erdhi koha për të tërë.
A flitej për vrasjet në familjen tuaj?
Jo, nuk flitej.
Keni biseduar ndonjëherë me Enverin për Nexhmijen? Kishte xhelozi mes jush dhe zonjës Hoxha? Xhelozi? Jo xhelozi, jo. Unë kam të drejtën e të gjithë botës, por nuk arrij të urrej, nuk e njoh urrejtjen. Ndoshta do të ishte mirë, sepse urrejtja është ndjenjë shumë e fortë e të çon përpara, ndonëse jo moralisht. Por unë kam frikë nga Nexhmije Hoxha.
Çfarë mund të bëjë Nexhmije Hoxha, një grua 90-vjeçare, e vetmuar?
Po flasim për xhelozitë. Të ishte për karakterin tim për këto pyetje, unë do të ngrihesha e do të ikja. Por kam ardhur të sqaroj opinionin shqiptar, ndaj dhe të përballem. Ju po flisni për xhelozi, e unë do flas për fillimet e mia, jo tani. Pikërisht se Nexhmije Hoxha nuk më ka dashur kurrë, pikërisht se Nexhmije Hoxha më ka vrarë vëllain, më ka vrarë motrën, ka vrarë gjithë shqiptarët, ata që janë vrarë e persekutuar vetëm për pushtetin e saj, unë atë grua e kam frikë. E keni ende frikë?
Jo atë si person, por fenomenin. Bën Nexhmija e dytë ndonjë përgjigje në shtyp, që nuk ka lekë të blejë shtëpi se është e varfër, po ato janë të pabesueshme. Kjo tregon që fenomeni vazhdon. Sepse kanë ato bizhuteri që thatë ju, që unë i kam parë me kohë. Në vitet ‘90, Pranvera thoshte kam dollarë, kurse unë, fëmijët e mi dhe Sokoli nuk kishim të hanim. Po ta lëmë me kaq. Kështu që unë nga ajo grua kam pasur frikë që ditën që e kam parë, që ditën që shkova në Komitetin Qendror, ku e kam njohur për herë të parë.
Kur e keni njohur për herë të parë?
Në vitin 1972.
Përse vajtët në Komitet Qendror?
Sepse unë duhet të ndahesha nga Sokoli, sepse thashë nuk dua, nuk më pëlqen atmosfera këtu. Jo Sokoli, se ai më pëlqente shumë, por jetesa në Bllok, kisha shumë paqartësi, nuk ndihesha mirë. Nuk desha. Më kishte thënë edhe im atë që djali i Enverit është i mrekullueshëm, por unë nuk mund të lejoj që vajza ime të dalë me të. Kaq më duhej.
Dhe ju shkuat të takonit Nexhmije Hoxhën?
Unë e “lashë” në fakt Sokolin dhe ai vajti me vrap në familje dhe tha që Liliana më la. Urgjentisht brenda javës ajo më kërkoi në zyrë për të legjitimuar njohjen zyrtare.
Dhe si ka qenë takimi juaj i parë me të?
Kam zbritur e frikësuar. Kam vajtur në shtëpi e frikësuar, më e torturuar se më parë, ta lë apo të mos e lë Sokolin. Përse? Se ishte një grua e tmerrshme, e frikshme. Ka qenë gjatë gjithë jetës sime e frikshme.
Ka qenë vetëm me ju apo dhe me të tjerët?
Unë mendoj që ka qenë me cilindo që ajo ndihej e kërcënuar. Në familje ka qenë e kërcënuar prej meje. Ajo nuk është e keqe me mua, ajo është grua e tmerrshme. Nuk ka grua të dytë si ajo.


BLENDI FEVZIU

[mesuesi_1]

Liljana Hoxha: "Nexhmija te mos sulmoje, por t'i kerkoje falje shqiptareve"


Ne ate kohe ishte teza qe Ramiz Alia do te merrte trashegimine e pushtetit....

Ramiz Alia ka bere trashegimine e pushtetit per vete dhe Nexhmije Hoxhen dhe per Ilirin, e nusen e Ilirit. Ramiz Alia do te ishte diktatori i dyte, sepse edhe ai ka vrare, se ka vrare ne kufij. Une i kam thene. Une kam qene qe asnje politikan i se kaluares, nuk duhet te jete sot. Sepse nuk duhen me figurat e vjetra, sepse ra komunizmi, erdhi pluralizmi, duhen politikane te tjere. Keshtu e shikoja ne ate kohe une. Une flas, sepse nuk kane folur te tjeret.

Cili do te ishte trashegimtari....

Trashegimtari do te ishte pas Ramiz Alize, Iliri. Teuta do te ishte Nexhmija e dyte.

Koha Jone

biles para pak kohesh Ramizi me te birin e kriminel-diktatorit Hoxha (Ilirin) shkuan ne Kosove per te bere nje lloj prezantimi politik perpara kosovareve ..... kete e pane ne tv te gjithe .....


.

[_MALSORI_]

te vjen per te vjelle kur media te ndryshme ne shqiperi ju japin hapesire mbetjeve te tilla te diktatures..te vjen keq kur nga goja e helmet e nje pjestareje te larte te kupoles qe ka jetuar mes lluksit degjon haberin se paska qene e persekutuar..tipike famijle e shthurur e bllokut ashtu siq ishin te gjitha familjet e kupoles..nuk ka asnje faj lili qe han mu.t kunder vjehrres se saj.fajin e kan mijera shqiptare qe nuk bene revolucionin rumun e ti varnin ne mes te sheshit skenderbeu atavizma te tilla si lili dhe vjehrra e saj..nuk u be revolucioni rumun dhe tani ka hapesire lili dhe prostitutat e bllokut te na shesin moral nepermjet mediave prostituta te shqiperise..nuk kan faj..kan dek burrat shqiptare...

[benseven11]

Nexhmija ne gare me Lilianen per liber.
Cfare ke thene dhe cfare te tha futja si
te duash Liliana se askush nuk mund ta vertetoje.
Teuta pa fillore pa te mesme.....ketu ja ke fut kot Liliana.

[Besoja]

te vjen per te vjelle kur media te ndryshme ne shqiperi ju japin hapesire mbetjeve te tilla te diktatures..te vjen keq kur nga goja e helmet e nje pjestareje te larte te kupoles qe ka jetuar mes lluksit degjon haberin se paska qene e persekutuar..tipike famijle e shthurur e bllokut ashtu siq ishin te gjitha familjet e kupoles..nuk ka asnje faj lili qe han mu.t kunder vjehrres se saj.fajin e kan mijera shqiptare qe nuk bene revolucionin rumun e ti varnin ne mes te sheshit skenderbeu atavizma te tilla si lili dhe vjehrra e saj..nuk u be revolucioni rumun dhe tani ka hapesire lili dhe prostitutat e bllokut te na shesin moral nepermjet mediave prostituta te shqiperise..nuk kan faj..kan dek burrat shqiptare...

Jam plotesisht dakort me te gjitha qe ke shkruar.
Klm!

[Dito]

[B]


Kush i ruante dokumentet?

Ato e dine kush i ruante, njerezit e tyre jane. E dine shume mire se kush i ruan. Dua ta them ne ate gjyqin e famshem, presionin qe bejne ato se kush. Ato akuzojne cilindo qe i ka marre, qe eshte flluske qesharake. Nexhmije Hoxha eshte 90 vjec, kurse Teuta Hoxha eshte pa fillore, pa te mesme, pa universitet dhe ka te gjitha veset e mundshme qe mund te kete nje grua, ndaj u perzgjodh nga Nexhmija qe te bente trashegimine. Ndaj te ne ka njerez qe nuk pendohen se jane te lidhur, e po u pendua njeri...

Thone qe kish luajtur dhe nuk e besoja, por me keto qe thote paska pjerdhur komplet.

[Brari]

OPINION


21 janari dhe synimet vetjake të një aventurieri
22-05-2012 / Nga Kostaq Xoxa

“Pushtimi i Brendshëm”, në vështrimin e autores Liliana Hoxha

Ndër protagonistet e librit “Zonja e Zezë” të autorit Fahri Balliu, botuar në qershor të 2005-s, ishte njëra prej banuesve në të njëjtën strehë me Nexhmije Hoxhën, Liliana, në dëshminë tronditëse të saj. Ky libër, së pari pati ribotime të njëpasnjëshme në Shqipëri, por nuk vonoi të dilte në vitrinat e librave best-seller të të gjithë Europës, madjé edhe përtej kontinentit tonë.
Zonja Liliana Hoxha u bë e njohur që në atë kohë, duke dalë hapur në rrëfimin e saj të jashtëzakonshëm, në demaskimin pa as më të voglën luhatje, kundër asaj dysheje kobzezë, jo vetëm ndaj personit të saj dhe të bashkëshortit, por edhe të vendit dhe të demokracisë së brishtë shqiptare: Nexhmije Hoxhës dhe Ramiz Alisë. Autorja e librit të Lilianës “Pushtimi i brendshëm”, tanimë orvatet të argumentojë se, veçanërisht pas vitit 1980, kur Enver Hoxha ishte jo në gjendje të mirë shëndetësore, Zonja e Zezë filloi të mendonte për pushtetin e saj vetjak, në bashkëpunim me Ramizin. Sidomos, me “vrasjen” e Mehmet Shehut, në periudhën afërsisht katërvjeçare gjer në vdekjen e diktatorit më 11 prill 1995, Nexhmija u vu në rol të një politikaneje aktive, të një konservatoreje të thekur, në dëm të një hapjeje e cila, sipas autores, ishte e mundshme së pari me Gjermaninë që i ofronte ndihmë Shqipërisë. Liliana e quan vrasje dhe jo vetëvrasje, vdekjen e M. Shehut. Tani, në ecje të vjetëve edhe për pesë vite të tjera, kur sistemet politike të të gjithë Europës Lindore po tronditeshin dhe Shqipëria po u afrohej proceseve demokratike të dhjetorit, kjo dyshe Nexhmije-Ramiz ishte në një veprimtari të ethshme sesi të përdhosej pluralizmi dhe demokracia shqiptare, që në hapat e parë të lindjes. Liliana Hoxha është koherente në rrëfimin në këtë librin e saj për qëndrimin ndaj Nexhmijes dhe Ramizit për çka është shkruar në librin “Zonja e Zezë”. Por, në veprimtarinë e saj të mëtejshme si publiciste, e zgjeron edhe më tej antikombëtarizmin e të dy bashkëpunëtorëve të përmendur më lart, por edhe në ballafaqimin polemik me mjaft pena të publicistikës. Qëndrimi i saj ndaj ’97-s është, gjithashtu, kundërveprues.
***
Por qëllimi i këtij shkrimi përqendrohet në këndvështrimin e Liliana Hoxhës për 21 janarin e vitit 1991. Kjo është një temë e nxehtë, sepse Edi Rama mundohet të justifikojë atë veprimtarí antikushtetuese që, në dëshpërim e sipër, e bëri që t’i hyjë aventurës që të shkaktojë të vrarë dhe të mundohet që këtë provokim t’ua ngarkojë mbrojtësve të selisë kryeministrore. Që të përdorim shprehjet e saj, ai kishte hedhur gurin dhe kishte fshehur dorën. Më parë le të shohim mendimet e saj për Edi Ramën: “Për profilin e Ramës, do të thotë të kem pak respekt për veten time, ndaj përsëris si Kasandra: -Kam thirrur me kohë që Rama është rreziku i ri terroristo-mafioz për Shqipërinë, për vetë energjitë e ambicies maniakale për pushtet (...) si orator sharlatanizmi i pamat i “politikave të reja”. “Duke synuar me obsesion vetëm pushtetin, i degraduar në jetën personale të degjeneruar e korruptive, pa bosht as majtas e as djathtas, ai stërhollon metodologjitë më klasike e më moderne të strategjisë së mungesës së moralit drejt pushtetit” (f. 417). Ky shkrim ka edhe një nëntitull që duhet shënuar edhe ai: “Monstruoziteti Rama”. Në f. 385: “Nuk ka asnjë tension real për destabilizim, përveçse i instrumentalizuar artificialisht prej politikës, kryesisht të opozitës, i mbështetur nga Alia, me qëllim që Berisha t’i lëshojë pé Ramës. Në f. 391, autores i kujtohet Kaligula, i krahasuar me Ramën, si gjysmë i çemdur e pervers dhe maniak seksual”. Në f. 395, i njëjti politikan cilësohet si “me energjinë e populistit fiktiv e alla-perëndimor, që nuk ka frikë të sfidojë édhe Europën me obstruksionizëm, me alibí vetëmbrojtjeje në emër të principit të votës së lirë”. Do të zgjateshim te fizionomia morale dhe politike e E. Ramës, që është shpalosur në shumë e shumë faqe të tjera. Dhe vijmë drejtpërdrejt te 21 janari: “Demonstrimi i dhunës më 21 janar, siç u mor vesh me parapërgatitje të mbi 300 personave si bërthamë krimi, dhunë nga e cila qytetarët e PS-së u larguan të tmerruar nga ekrani; po aq sa shqiptarët, që e ndiqnin situatën prej televizorit, ky demonstrim ishte një befasi, arsyeja e të cilit është e pamundur të justifikohet. E, pra, qytetari shqiptar e pa qartësisht këtë radhë autorin e dhunës. Projektimi i dhunës ndaj shtetit (ndaj kryeministrisë) shkaktoi në popull një makth që të therte me të pabesën e saj. Nuk kishte shqiptar që të mos befasohej nga dhuna”. Më tej flitet për policinë e pambrojtur, e rrezikuar për jetën nën goditjet me çdo mjet. “Këta (policët) të dhimbseshin jo vetëm për plagët e mirëfillta, por për durimin mbinatyror teksa poshtëroheshin, duke mos iu përgjigjur sulmit fizik”. “U deshën 4 orë që të dëgjohej pozicioni amorf i Presidentit të Republikës ndërsa PS, protagonistja e tubimit nuk ekzistonte më në asnjë funksion, në asnjë zë. Lideri i tyre kishte hedhur gurin e po fshihte dorën. Kjo s’është e rrallë për të, por kësaj radhe qëllimi ishte kriminal, për tentativë të çmendur të përmbysjes me dhunë të Shtetit, qoftë vetëm me elementë të inkriminuar. S’kishte si të ndodhte ndryshe nën bizantinizmin e Ramës : socialisti mund të nënshtrohej si dele, por jo si vrasës! Gjithçka ishte e qartë si drita e diellit, ndonëse po ngrysej. Pas katër orë rezistence pati edhe viktima. Qëllimi Rama dështoi. Shteti u ruajt”. Më tej akoma: “Kjo i duhej liderit të PS-së, që situatën e humbur ta përdorte si revansh. Viktimat e turmës së nxitur nga Rama (4 të vrarë) sot e përgjithmonë do të përdoren në mënyrë të turpshme si “shansi” i kundërvënies ndaj Berishës”.
Duke shkurtuar paksa komentet e mëtejshme të autores, nuk mund të lëmë jashtë vëmendjes edhe interpretime të efektshme të saj: “Në domosdoshmërinë e arsyetimit, së pari kemi shkakun, së dyti pasojën. Kjo (e dyta) nuk i intereson liderit të PS-së. Shqipëria në tym e në flakë dhe imazhi prej barbari i shqiptarëve, doemos ishte qëllimi i tij. Por ajo çka i shërben më tepër, pas humbjes personale, është derdhja e gjakut”. I lutem lexuesit ta lexojë edhe njëherë tjetër këtë fjalinë e fundit. Këtë autorja e quan “kartën më të fuqishme apo gomën e shpëtimit për të dalë nga vorbulla ku e futi vetveten”. Dhe, së fundi, bëhet analiza e pakontestueshme: “Nëse Rama nuk ka lidhje me krimin, përse nuk doli gjatë 5 orëve të luftës me Shtetin, të ndalte dhunën, si përgjegjës i drejtpërdrejtë për tubimin, madje të distancohej, me hipokrizi, nga elementët e krimit? Përse në këtë pikë bën bisht çdo socialist apo çdo mercenar mediatik i Ramës?”.
Më tej i vjen radha Prokurores së përgjithshme: “Përse kjo nuk shprehu emancipimin profesional, pa ndërhyrë e pa përjashtuar njëri-tjetrin në domenet e hetimit por, në të kundërtën, mbajti qëndrim karshillëku në komisionin parlamentar të hetimit?”. Nëse na lejohet të shprehim edhe né një fjali, do të thoshim se në librat juridikë duhet të kemi parasysh një frazë: “Nëse kërkon krimin, duhet të shohësh edhe kujt i intereson ky krim!”. Veçse në rastin që analizon autorja, mund të shtojmë se “qëllimi justifikon mjetin” e “Princit” të Makiavelit, nuk u realizua, që Rama të orvatet edhe sot e kësaj dite, të justifikojë mjetin me të cilin donte të realizonte qëllimin e tij.

...

[Brari]

moderatori po desh tja bashkoj temes se 21 janarit kte tem qe hapa meqe nuk e gjeta temen e vjeter.

------

Padia e gardistit, gjykata dënon vëllanë e viktimës së 21 Janarit

Leonard Bakillari

Tiranë Gjykata e Tiranës dënoi dje vëllanë e një prej viktimave të 21 Janarit, pasi dha informacione të rreme në media për një ofertë që, sipas tij, erdhi nga Kryeministri i vendit. Zabit Deda, vëllai i të ndjerit Hekuran Deda, sipas gjykatës, duhet t’i paguajë gardistit Fatos Skeja shumën prej 250 mijë lekë, si dhe të përgënjeshtrojë intervistën e dhënë në të paktën katër media. Vendimi u shpall dje nga gjyqtari Arben Mullaj, i cili, pasi shqyrtoi padinë e gardistit Fatos Skeja, vendosi të përgjysmoja shumën e kërkuar prej tij në formën e dëmshpërblimit nga vëllai i Hekuran Dedës. Procesi gjyqësor për këtë çështje nisi menjëherë pas publikimit të disa intervistave të dhëna nga Zabit Deda, i cili deklaroi se Kryeministri nëpërmjet njerëzve të tij i ofroi para dhe foton e vrasësit të të vëllait në këmbim të pritjes në shtëpi. Në intervistën e publikuar asokohe në media, vëllai i të ndjerit Hekuran Deda u shpreh se në banesën e tyre shkoi një person i identifikuar prej tij si Fatos Skeja, i cili kishte një valixhe në një makinë tip “fuoristradë” që e priste disa metra larg shtëpisë. Sipas intervistës së Dedës, Skeja ka tentuar të bindë familjarët e Hekuran Dedës të prisnin në shtëpi për ngushëllim Kryeministrin. Për këtë ata do të shpërbleheshin me një shumë parash dhe foton e personit që qëlloi ndaj Hekuran Dedës në demonstratën e 21 Janarit, pranë Kryeministrisë. Por këto intervista u konsideruan si shpifje nga gardisti Fatos Skeja, i cili paditi në gjykatë Zabid Dedën, duke kërkuar prej tij shumën e 500 mijë lekëve të reja si dhe përgënjeshtrimin e deklaratës në një televizion dhe në të paktën tri gazeta të përditshme me tirazhin më të madh në vend. Padia u regjistrua në Gjykatë më datë 19 janar të këtij viti dhe pas 10 seancash gjyqësore, gjyqtari i çështjes, Arben Mullaj, shpalli vendimin përfundimtar duke pranuar pjesërisht padinë e Fatos Skejës. “Pranimin e pjesshëm të padisë. Detyrimin e të paditurit Zabit Deda që t`i paguajë paditësit Fatos Skeja shumën prej 250 mijë lekë si dëmshpërblim për dëmin jashtëkontraktor të shkaktuar. Detyrimin e të paditurit Zabit Deda të publikojë një përgënjeshtrim të intervistës së tij dhënë në televizionin “News 24” dhe në tri gazetat me shpërndarje më të madhe në vend”- thuhet në vendimin e djeshëm të Gjykatës së Tiranës. Menjëherë pas këtij vendimi reagoi kryetari i Partisë Socialiste për degën Dibër, Ulsi Manja, i cili u shpreh se një gjykatës ka turpëruar gjithë sistemin e drejtësisë me këtë vendim. “Sot, një gjykatës që turpëron krejt sistemin gjyqësor, dha një vendim që nuk na çuditi aspak, por që na revolton edhe më shumë ndaj padrejtësisë së re që iu bë familjes Deda. Ky është një vendim që nuk revolton vetëm familjen tonë politike, po krejt Dibrën dhe çdo dibran të ndershëm, që pret drejtësi për vrasjen e dibranit fisnik Hekuran Deda”- u shpreh kreu i PS-së Dibër. Kjo çështje tashmë pritet të shkojë në Gjykatën e Apelit, pasi avokatët e Dedës kanë paralajmëruar ankim ndaj vendimit të djeshëm. Por gjithashtu tre vëllezërit e të ndjerit Hekuran Deda depozituan një kallëzim penal në Prokurorinë e Tiranës, ku janë shprehur se u janë ofruar para dhe fotoja e vrasësit të të vëllait në këmbim të vizitës së Kryeministrit. Një gjë të tillë e kanë konfirmuar edhe gjatë marrjes në pyetje nga prokurorët e çështjes, të cilët janë duke verifikuar pretendimet e vëllezërve Deda. Kjo deklaratë, që nga gjykata u konsiderua si shpifje, erdhi në prag të 1-vjetorit të ngjarjes së 21 Janarit, kur gjatë demonstratës së opozitës u vranë katër persona dhe u plagosën të paktën 7 të tjerë. Për këtë ngjarje prokuroria mori në përgjegjësi penale ish-komandantin e Gardës së Republikës, Ndrea Prendi, i akuzuar për vrasjen e Faik Myrtajt dhe majorin Agim Llupo, që akuzohet për vrasjen Ziver Veizit dhe Hekuran Dedës.

mapo

[shigjeta]

Liliana Hoxha: Pse opozita po mbron Nexhmije Hoxhën?

Bashkëshortja e Sokol Hoxhës, Liliana Hoxha "akuzon" në një intervistë për "GSH" opozitën dhe kryetarin e saj Edi Rama, se po e sulmon atë, duke mbrojtur Nexhmije Hoxhën. Ajo thotë se në këtë frymë janë edhe sulmet që u bëhen librave të autorit Fahri Balliu.

Zonja Hoxha. Bashkëshortja e Ilir Hoxhës ngriti përsëri në shtyp çështjen e ditarëve të vjedhur të Enver Hoxhës. Ju jeni pozicionuar dhe keni deklaruar se ditarët i kanë vetë. Besoni se e ka fjalën për ju, kur thotë se "më sulmojnë zëra të dëshpëruar"?
Ngaqë nuk polemizojnë dot të dyja Nexhmijet me mua, nga frika e argumenteve të reja për amoralitetin e tyre, ju mbetet vetëm kjo rrugë ngushëllimi. Por çështja është që dëshpërohem vërtet kur kujtoj se me kë kam jetuar e sidomos, si një nga gjithë shqiptarët, që shqetësohem për fatet e Shqipërisë rrjedhur prej tyre. Mendoj që vdekja e Ramiz Alisë i ka çekuilibruar, se ai ishte inteligjent e nuk do t'i lejonte të binin kaq poshtë, 'duke rrahur ujë në havan' vetëm për të qenë në qendër të vëmendjes.
Në këtë situatë tejet të elektrizuar përpara e pas zgjedhjes së Presidentit, për sigurimin e reformave, për angazhimin e jashtëzakonshëm të faktorit ndërkombëtar me atë intensitet që si protokoll ndodh në rastet kur duhet ndryshuar regjimi, opozita e Nexhmije Hoxha përkëdhelin njëra-tjetrën duke krijuar tjetër fokus nga ai i interesit të përgjithshëm. 'Nexhmija 2' risjell kakofoninë e akuzës-fantazmë, kësaj radhe për "rrjedhjen" e ditarëve të Enver Hoxhës. Akuza, ndonëse e "konsultuar" është tejet e pakuptimtë edhe pse e liberalizuar, se i drejtohet vetëm erës, si Don Kishoti. Dihet se të gjitha dokumentacionet e Enver Hoxhës (edhe ai personal, edhe ai familjar) pas viteve '90-të duhej të kalonin nga arkivi i KQ të PPSH-së në Arkivin e Shtetit. Kaluan të gjitha apo jo, kjo është çështja. Çuditërisht, tanimë nuk akuzohet as Fevziu që i përdor e as Nevila Koka, meqë prezumohet që dokumentacioni të jetë "vjedhur" (tashmë rrjedhur) në kohë të saj, se në kohë të Shaban Sinanit (njeriu i Nexhmijes) ky problem nuk është ngritur. Personalisht kam ndërhyrë kundër kësaj farse, duke theksuar që dokumentacionin e kanë vetë. Ka qenë pozicion i moderuar, pra pa hollësira, me nëntekst vetëm për ato, që të heshtin tashmë se është turp të tallesh me ditarët e E.Hoxhës e opinionin publik. Por 'Nexhmija 2' nuk ndalet dot nga patologjia e protagonizmit. Ndaj më detyron t'i jap më shumë shpjegime, por përsëri e rezervuar, për t'ia lënë kohës. Dyshoj shumë që pas kësaj fshihet enigma e viktimizimit të të vetmit person përgjegjës si njohës i çështjes, si vartës, si bashkëpunëtor, deri posedues i dokumentacionit, si shefi i arkivit të KQ të PPSH-së. Ky është personi i urdhëruar që dokumentacionin personal (pra "të vjedhur" apo "të rrjedhur") të E.Hoxhës ta ruante në Skrapar në vitet '90-të. Këtë fakt ne e dimë, na e ka pohuar vetë N.Hoxha, siç na e ka pohuar edhe personi në fjalë pas '90-ës. Ky person që ka punuar edhe në arkivin e shtetit më pas, realisht është çelësi i enigmës për t'u hapur kundrejt publikut, ndërkaq që ato vetëm luajnë. Tirret besimi tek prokuroria, gjithë "naze, elegancë e fisnikëri" nga 'Nexhmija 2', për të mbushur faqet e gazetës me këtë farsë. Paradoksale kjo, se kësaj radhe s'ka akuzë, nuk akuzohet askush, përveç se pa kuptuar ato demaskojnë veten e tyre për mashtrim publik të radhës. Do të më lejoni të shtjelloj me këtë rast, ç'më ka shqetësuar, në koherencë të plotë me aktin e fundit të tyre.

Për çfarë bëhet fjalë?
Do ta përmblidhja në një fjali, e cila do analizuar thellë: Përse opozita e mbron Nexhmije Hoxhën? Kjo ka ekzistuar gjithmonë, por së fundmi ka shpërthyer për mendimin tim në formë ekspansive antidemokratike, deri në parlament.
Në se kemi opozitë, a është antikomuniste, siç duhet të jetë ajo? Kjo është aparenca, po thelbi është ai i mëpërtejshëm, si antikombëtar. Sepse vetëvihet hapur në pozicione të kapjes përfundimtare apo të derivatit shumëmënyrësh të shërbimeve agjenturore të huaja. Meqenëse kjo temë është rrahur gjerësisht në librin tim (përfshi pozitë + opozitë), problemi akut shumë i shprehur politikisht nga e majta dhe me segmente te tilla mediatike sot, duhet ritheksuar në mënyrë eksplicite ngulazi: Përse opozita e mbron Nexhmije Hoxhën?
Marr shkas nga sebepi i "lajmit" ekstremisht të çuditshëm (i tillë, sepse veç lajm nuk përbën) që në bibliotekat shkollore figuron literatura e shkrimtarit Fahri Balliu. Madje, me tepër shqetësim, në parlament z.Braçe radhit sikur të ishin kode satanike, veprat prestigjioze antikomuniste të autorit, si: "Zonja e zezë Nexhmije Hoxha" (botuar në shumë gjuhë e pasur shumë sukses jashtë vendit), "Obelisku i zi" e "Sali Berisha përmes Kasandrave". E vërteta është se bibliotekat shkollore (kush më shumë e kush më pak) detyrimisht janë të pajisura me letërsinë kontemporane antikomuniste prej shumë autorësh. Madje edhe me literaturë politike të autorëve të spikatur si Lubonja, së fundmi Butka, Ngjela, Rama, etj.
Ndaj shqetësimi im shtrohet parimisht: Kundrejt intelektualit Fahri Balliu si person, opozitarët pro Nexhmije Hoxhës mund të derdhin gjithë hordhinë e shpirtit të tyre (qofshin të vërteta deri në penalizim). Por të përflasësh e të ngrihesh kundër veprave të tij, sidomos veprës "Zonja e zezë Nexhmije Hoxha", kjo përbën problem shumë të mprehtë antidemokratik, sidomos 20 vjet pas rënies së komunizmit. Anatemohet ky autor sikur të ishte ndonjë ideolog sektesh konspirative apo fondamentalistësh të rrezikshëm për njerëzimin. Realisht kemi të bëjmë me vlera të kulturës elitare shqiptare, si shkrimtar, romancier, publicist, analist e pronar i një shtëpie botuese nga lëvrohen libra nga më të shquarit të arritjeve historike e kontemporane botërore, siç është edhe organizator e drejtues i institucionit prestigjioz "De Gasperi". Pikërisht për këtë veprimtari ky intelektual kërkohet nga John Kerry, president i Punëve të Jashtme të Senatit në SHBA, i cili, duke u ndalur kryesisht në veprën "Zonja e zezë Nexhmije Hoxha" i jep hapësirë të flasë në revistën "Diplomatic World" edhe për arritjet e Shqipërisë. Revistë kjo nga më elitaret në botë, që botohet një herë në 4 muaj, ku sjell vlerat politiko-intelektuale me recentë ndërkombëtarë.
Agresioni ndaj letrave shqipe nuk ndodh për herë të parë. Kështu ka ndodhur me Ismail Kadarenë (jo se hodhi baltë mbi E.Hoxhën, por se hodhi baltë edhe mbi Nexhmije Hoxhën) organizuar po nga N.Hoxha, me autor Lubonjën e të ndjerin A.Klosi. Po ashtu, me librin e Fevziut të djegur disa herë (gjë që e kam kundërshtuar furishëm, e sigurt që janë të organizuara nga N.Hoxha) jo se e nxjerr E.Hoxhën kriminel, por se zbulon atë që s'e dinte askush: E.Hoxha është gjetur i vdekur në shesh. Rikthimi pa tempizëm në sulm ndaj veprës së Fahri Balliut është i qartë që kërkon të krijojë fokuse "zjarri" artificialë, madje në parlament, për të bojkotuar drejtpeshimin e punës së tij për realizimin e reformave që kërkohen me kaq insistim nga ndërkombëtarët.
Çështjen "pse opozita mbron N.Hoxhën" do ta shtroja edhe në shembuj të tjerë.
Cilat janë ato?
E kuptoj që opozita duhet të reformojë jo vetëm fjalorin, por edhe vlerësimin ndaj Enver Hoxhës. Kjo paturpësisht vetëm për vota, se elektorati i majtë e kërkon këtë sot (ndërsa është PS që e hodhi në kosh të plehrave E.Hoxhën në vitet '90, kundrejt të djathtës që natyrisht do ta luftonte). Por nuk mund të ketë as teorikisht e as praktikisht asnjë shqiptar sensibël ndaj Nexhmije Hoxhës përveç "sistemit" të saj, - makineri që punon pa pushim duke u fshehur mbas Enver Hoxhës. Metoda të tilla gjoja të rafinuara, por në fakt jashtëzakonisht të trasha, i njoh në sulm edhe ndaj meje, kryesisht prej Edi Ramës, pikërisht në mbrojtje të N.Hoxhës. Nuk ndodh për asnjë autor që, së paku gjatë reklamimit të librit të tij (kritika për veprën është tjetër gjë), të goditet në interes të pushtetit okult të N.Hoxhës siç ndodhi me mua për librin "Pushtimi i Brendshëm". Përjashto Fevziun, - që doemos do provokonte profesionalisht, madje edhe meskinitete (çka nuk mungon në oborret dinastike) në zbërthim të temës qendrore, - të cilin do ta vlerësoja për emancipim të brendshëm, duke qenë nga më të kritikuarit në librin tim, sepse informacioni dhe vlerat duhen njohur pavarësisht nga e drejta e secilit për të gjykuar sipas konstitucionit intelektual personal. Ndërsa ndonjë gazetar i majtë, teksa i bëri bujë tepër të madhe librit tim, pra "më nderoi", njëkohësisht më çnderoi me perversitetet e komanduara, të denja vetëm për Edi Ramën. Sidomos për një foto timen, ku unë puth E.Hoxhën, të paralizuar, në karrigen me rrota, vetëm disa ditë para vdekjes. Perversiteti ishte identik me atë të Ramës, që vë publikisht në dyshim në se djalin e ka të vetin apo të babait me gruan e tij. Ky gazetar, që fillimisht ka qenë më kritizeri i Ramës, sot është beniamini i tij. Rama, në librin "Kurban", i jep 'kurorën e dafinës' sikur është roli i këtij gazetari që e bëri liderin opozitar, "tolerant" ndaj medias (retorikë kjo, se s'ka pasur deri sot superfuqi që të kontrollojë median më shumë se ajo e Ramës). Nuk mjaftoi as kjo, por pyetem në se do i shkoj në varrim N.Hoxhës kur të vdesë. Nuk di çfarë emri t'u vë makabriteteve të tilla të trajtuara si "previzione humane" kundrejt "antihumanizmit" tim. Një tjetër gazetare e Vitrinës së librit, në një televizion shumë të shikuar, më bën pyetje fashiste, raciste, homofobe, përveçse mediokre, në kontradiktë të hapur me pozicionin ndaj N.Hoxhës. Si mund të jesh fashist me djalin dhe nusen e djalit të saj dhe jo fashist me vetë Nexhmije Hoxhën? Ja përafërsisht disa prej pyetjeve drejtuar mua, për reklamimin e librit:
Ju keni jetuar mirë; si i jepni vetes të drejtën të dilni kundër N.H?
Ju mund të kishit pasur fatin e fëmijëve të Çausheskut ndaj, pse s'ju mjafton që jeni gjallë, por keni ambicie të ndërhyni në shoqëri me ketë libër?
Dhe më e turpshmja:
Më së shumti shahet burri juaj, që ngrihet përkrah jush, kundër nënës së vet.
Përgjigjet e mia do të kishin qenë një bumerang diskreditimi për atë televizion prestigjioz, por preferova të mos lejoj kërrkënd të guxojë të më drejtohet në këtë mënyrë. Ndaj kjo intervistë nuk e pa dritën e diellit.
Po çfarë është një gazetare e thjeshtë me shefa mbi kokë, krahasuar me imagologët politikanë që e kujtojnë veten ideologë, madje shkrimtarë, por që mendërisht janë akoma në kohën e artit naiv, si Ben Blushi, i cili veç ka deklamuar urdhrin e PS, që, "unë, Liliana Hoxha, shaj familjen time", duke 'harruar' që lideri i tij ka blasfemuar për familjen e tij, vetëm për skerco mentale. Për varfëri mendore të tyre edhe Svjetllana u ngrit kundër të atit, Stalinit, tek ishte shumë e përparuar, sepse demaskoi komunizmin ende në komunizëm. Sipas këtyre kokave opozitare ajo u shtrydh si limoni, se nuk arrijnë të kuptojnë aspiratat e Svjetllanës, që kërkonte veç të rrëfente të vërtetën në emër të nënës së saj e të të gjitha viktimave staliniste, e më pas të jetonte e lirë në SHBA, larg komunizmit. Kështu edhe djali i Enver Hoxhës, Sokoli, ngrihet kundër nënës për të atin e të gjitha viktimat e atij sistemi, të cilin nuk e degjeneroi Enver Hoxha, por e degjeneroi N.Hoxha me Ramiz Alinë, në një sistem serbo-sllavo-grek, nën kultin e Enver Hoxhës. Ndaj zotërinj opozitarë, jini më seriozë, mos ju servirni të pamundurve, të paushqyerve të sotëm, simbolin "N.Hoxha", si garanci të mbijetesës që patën dikur prej Enverit, e kurrsesi prej saj! Por krerët e PS janë në hall, se ende i detyrohen prej "dokumenteve në sirtar", me të cilat ajo i mban varur. Lumturisht më së fundi doli nga strofulla për të më kërcënuar mua me to, por vetëm blofoi. Për Ramën e të tjerët ajo nuk blofon, sepse ka me të vërtetë me se t'i kërcënojë.
Opinioni publik nuk është mediokër. Ai do medoemos ndryshim, por ndryshimi të vijë për standarde jete e jo thjesht për rotacion, i cili është mirë të bëhet. Siç thashë, opozita, sot pa vizion, duhet t'i përgjigjet urgjentisht emergjencës së ndryshimeve konstruktive e realizimit të reformave. Të përpunojë programe, se si të qeverisi më mirë kur të vijë në pushtet. Opozita duhet të ndalojë shpërbërjet obstruksioniste. Sipas Joyces, "Asnjë zhbërje e mëpasshme s'ka për të zhbërë zhbërjen e parë". Ndërsa opozita vazhdon të zhbëjë.

Ka zëra që ju keni kaluar djathtas!?
Këto janë zërat e dy Nexhmijeve e robërve të tyre të PS-së, për të injoruar zbërthimin historik që i kam bërë realitetit shqiptar që pas çlirimit e deri sot, duke vënë gishtin mbi fajtorët konkretë. Por duhet thënë që vizioni im është universal dhe i bazuar domosdoshmërisht mbi parimet që kondicionojnë këto këndvështrime. Jam e djathtë për të drejtat e individit, filluar nga zhdëmtimi ekonomiko-moral i të persekutuarve nga regjimi komunist. Jam emotivisht e majtë për politika sociale nga shteti, ekonomike, shëndetësore, arsimore, detyrimin për punësim të individit etj., së paku deri në garantim të barazisë për mbijetesë të të gjithë popullsisë (të mos ketë absolutisht asnjë individ ekstremisht të varfër). Mund të jem e djathtë për pasion nacionalist dhe ëndërr për bashkimin e të gjitha trojeve shqipfolëse. Pra jam krejtësisht e lirë dhe s'lejoj njeri të më privojë lirinë e mendimit, e sigurt që s'i bie në qafë kujt, përveçse i shërbej modestisht popullit tim, me vizionin tim, nga cilido kah të jetë e mira e tij.

Gazeta Shqiptare