Tadiq për Republika Srpskan e Kosovës

[Antiproanti]

“Zëri” ka siguruar “4 pikëshin e Tadiqit”, të cilat sugjerojnë krijimin e një lloj Republika Srpska në veri. Versione të ndryshme për qëndrimin e Thaçit

Presidenti i Serbisë duket se nuk e harron zanatin e vjetër që kur bën propozime, gjithmonë kërkon vetëm të fitojë e asnjëherë të ofrojë diçka si rikthim. Dokumenti, që ka kohë që po përflitet në opinion si dokumenti i 4 pikave të presidentit serb, kërkon zgjidhje që u konvenojnë serbëve, ndërsa nuk ofron asgjë për koncesionet, që sipas dokumentit, duhet të bëjnë shqiptarët.

E vetmja gjë që tingëllon si ofertë e udhëheqësit serb është që në këmbim të këtyre pikave, “Serbia nuk do ta pengojë perspektivën evropiane të askujt” duke mos e përmendur fare nëse fjalën e ka për Kosovën apo cilin vend tjetër.

Në fakt tre nga katër pikat e propozuara nga Boris Tadiq kanë ngjashmëri të madhe me ato që ofrohen për serbët në Pakon e Ahtisaarit. Sidoqoftë, pika e tretë flet për veriun e Kosovës përmes të cilës kërkohet krijimi i entiteteve të veçanta për komunat e veriut, e të cilat së bashku do të quheshin edhe zyrtarisht si “North of Kosovo” apo “Veriu i Kosovës”... (Shkrimin e plotë mund të lexoni në numrin e sotëm të gazetës Zëri)


...

Davenport: Ndarja e Kosovës nuk është qasje konstruktive
Beograd, 3 shkurt – Ambasadori i Britanisë së Madhe në Serbi, Michael Davenport deklaroi sot ...

"Është shumë mirë që presidenti Tadiq ka theksuar qartë se ndarja nuk është qasja më e mirë. Ndarja nuk është qasje e mirë, dhe në njëfarë mënyre madje është edhe e rrezikshme, sepse do të kishte pasoja të këqija edhe në shtetet tjera të rajonit”, tha Davenport për B92, duke shtuar se edhe qëndrimi i Britanisë është i tillë.

Sa i përket planit prej katër pikave të Tadiqit, Davenport tha se ato pika janë elemente të rëndësishme për çfarëdo zgjidhje për Kosovën.

"Të katër pikat janë të instaluara në Planin e Ahtisaarit, natyrisht me zgjidhje tjera sa i përket statusit”, ...
http://www.kohaditore.com/?page=1,13,86648

Tadiç i gatshëm ta takojë Thaçin

Presidenti i Serbisë Boris Tadiq ka deklaruar në Jahorinë të Sarajevës, se është i gatshëm të takohet me kryeministrin e Kosovës....
RTK


Pantiq: Pranoj status special të veriut në kuadër të Kosovës së pavarur

I ashtuquajturi kryetar i komunës në veri të Mitrovicës, Kërstimir Pantiq, është shprehur pro statusit special për veriun në kuadër të Republikës së Kosovës....
RTK

Veriu i Mitrovicës trajtohet ndaras implementimit të Planit Ahtisaari

Prishtinë, 4 shkurt – Qeveria e Kosovës i ka vënë detyrë vetes që me Zyrën Ndërkombëtare Civile (ICO) t’i plotësojnë detyrat e papërmbushura që dalin nga Plani i presidentit Martti Ahtisaari. Ka një përjashtim këtu – Mitrovica e ndarë etnikisht do të trajtohet ndaras.

“Detyrat me prioritet për Qeverinë që dalin prej propozimit gjithëpërfshirës” është emërtimi i shtegut të dytë dhe të fundit, i identifikuar nga Grupi Ndërkombëtar Drejtues, në një strategji për përmbyllje të pavarësisë së mbikëqyrur. Të premten, gazeta ka publikuar edhe shtegun e parë të strategjisë, në të cilin ishin të listuara nenet e katër kapitujve të Kushtetutës dhe të 21 ligjeve në fuqi që duhet ndryshuar gjatë vitit. Në këtë të dytin përmenden ligje të reja që duhet bërë dhe veprime të tjera që adresojnë kryesisht aspekte që ndërlidhen me komunitetet.

“Çështja e Mitrovicës së veriut do të adresohet ndaras”, thuhet në këtë dokument, të hartuar nga Qeveria dhe ICO-ja.

Neni 13 i Propozimit gjithëpërfshirës për zgjidhjen e statusit të Kosovës, i njohur si Plani Ahtisaari, flet për Mitrovicën, qytetin e ndarë etnikisht nga lumi Ibër – jugu i banuar nga shqiptarë dhe veriu nga serbë. Në të thuhet se, në territorin e Komunës aktuale të Mitrovicës do të themelohen dy komuna të reja, Mitrovicë Veri dhe Mitrovicë Jug. Parashihej të krijohet një Bord i Përbashkët i komunave të Mitrovicës Veri dhe Mitrovicës Jug, i cili do të zhvillonte bashkëpunim funksional në fushat e kompetencave të tyre, sipas marrëveshjes mes vetë komunave.

Më gjerësisht lexoni sot në “Koha Ditore”

[ARIANI_TB]

http://www.gazetaexpress.com/?cid=1,13,73167



SERBËT E VERIUT PRO STATUSIT SPECIAL NË KOSOVËN E PAVARUR



Serbët e veriut janë për një status special që do të ketë një autonomi të gjerë përbrenda territorit të Kosovës. I ashtuquajturi kryetar i komunës në veri të Mitrovicës, Kërstimir Pantiq, është shprehur pro statusit special për veriun në kuadër të Republikës së Kosovës, njofton korrespondenti i Kohës Ditore.

“Meqë shpesh herë po përmendet statusi special dhe se ndarja e Kosovës është e pamundur, ne kemi ardhur në përfundim se një gjë e tillë mund të jetë e pranueshme në kuadër të Kosovës së pavarur”, ka thënë Pantiq duke iu adresuar medieve serbe në veri të Kosovës.

Sipas tij, rreth çështjes së statusit special ishte dashur të japë më shumë hollësi sekretari në të ashtuquajturën Ministri për Kosovën, Oliver Ivanoviq, i cili siç tha ai, ka tentuar t’i bindë serbët që ta shtyjnë referendumin për në vjeshtë. Referendumi do të mbahet sipas planit të paraparë, duke mohuar kështu disa thënie se serbët e veriut kanë hequr dorë nga mbajtja e këtij referendumi.

[ARIANI_TB]

http://www.zeri.info/artikulli/1/1/4...onet-paralele/

Tadiq: Nuk i eliminojmë institucionet paralele
04-02-2012 15:04 CET

Presidenti i Serbisë, Boris Tadiq, ka thënë se detyra e tij nuk është vetëm bashkëbisedimi me përfaqësuesit e shqiptarëve të Kosovës, “i cili do të ndodhë herët a vonë”, por edhe që t’i bindë për planin e tij për Kosovën ata që e bëjnë politikën ndërkombëtare.

“Gjithçka për të cilën merren vesh shqiptarët në Kosovë dhe serbët në Beograd, mund të zbatohet vetëm nëse fuqitë e mëdha pajtohen për këtë”, ka thënë Tadiq në një intervistë për “Al Jazeera” të cilën e transmeton Telegrafi.

“Plani është paraqitur pak a shumë në të gjitha qytetet kryesore, aty ku krijohet politika ndërkombëtare. Përgjigjja nuk është negative, por nuk është as tamam pozitive, ndërsa është mirë se nuk është negative”, ka shtuar Tadiq.

Në pyetjen nëse do të pajtohet për të zhdukur institucionet paralele në veri të Kosovës, nëse ky është kusht zyrtar për përparimin e Serbisë në BE, Tadiq ka thënë: “Natyrisht se jo”, duke shtruar pyetjen se “çka janë institucionet paralele”?

“Arsimi, kujdesi shëndetësor? Kush mund t’i heq ato, me çfarë përgjegjësie? Që fëmijët të mos shkojnë në shkollë? Në cilën shkollë të shkojnë, te ato të krijuara rishtazi nga Prishtina? Kush do t’ua imponojë fëmijëve serbë ose prindërve të atyre fëmijëve që të shkojnë në ato shkolla, me cilën teknikë do të ndodhë kjo? Le të ma shpjegoj dikush këtë”, thotë Tadiq.

Ai theksoi se viteve të fundit është definuar politika me “komponentë të mesme”, sipas së cilës “nuk mohohet deri në ekstrem ajo çka kërkojnë shqiptarët e Kosovës, e as nuk flitet se duhet të përfundojmë menjëherë me Kosovën e ‘të ecim në dritën e ardhmërisë’, sepse kjo politikë ka një gabim sistematik”.

“Ne nuk mund të jetojmë në konflikt të ngrirë, sepse ky konflikt herët a vonë do të përshkallëzohet dhe sërish disa njerëz do të humbasin jetën e tyre në disa barrikada apo kushedi se ku... Duhet ta shohim realitetin që të gjejmë zgjidhje praktike dhe qytetarët duhet ta dinë se gjërat nuk mund të zgjidhen brenda nate”.

[ARIANI_TB]

http://www.zeri.info/artikulli/1/1/4...kan-e-kosoves/

Tadiq për Republika Srpskan e Kosovës
Artan M. Haraqija | 04-02-2012 00:12 CET

(E plotësuar) “Zëri” ka siguruar “4 pikëshin e Tadiqit”, të cilat sugjerojnë krijimin e një lloj Republika Srpska në veri. Versione të ndryshme për qëndrimin e Thaçit

Presidenti i Serbisë duket se nuk e harron zanatin e vjetër që kur bën propozime, gjithmonë kërkon vetëm të fitojë e asnjëherë të ofrojë diçka si rikthim. Dokumenti, që ka kohë që po përflitet në opinion si dokumenti i 4 pikave të presidentit serb, kërkon zgjidhje që u konvenojnë serbëve, ndërsa nuk ofron asgjë për koncesionet, që sipas dokumentit, duhet të bëjnë shqiptarët.

E vetmja gjë që tingëllon si ofertë e udhëheqësit serb është që në këmbim të këtyre pikave, “Serbia nuk do ta pengojë perspektivën evropiane të askujt” duke mos e përmendur fare nëse fjalën e ka për Kosovën apo cilin vend tjetër.

Në fakt tre nga katër pikat e propozuara nga Boris Tadiq kanë ngjashmëri të madhe me ato që ofrohen për serbët në Pakon e Ahtisaarit. Sidoqoftë, pika e tretë flet për veriun e Kosovës përmes të cilës kërkohet krijimi i entiteteve të veçanta për komunat e veriut, e të cilat së bashku do të quheshin edhe zyrtarisht si “North of Kosovo” apo “Veriu i Kosovës”.

Mënyra se si e prezanton këtë ide Tadiq duke kërkuar të gjitha të drejtat administrative për këtë krijesë të veçantë, “Veriu i Kosovës” të krijon përshtypjen e dëshirës për krijimin e një republike serbe brenda Kosovës, njëjtë siç ekziston në Bosnjë e Hercegovinë.

Përshtypjet ndërkombëtare

Asnjë nga zyrtarët perëndimorë të kontaktuar nga “Zëri” nuk kanë preferuar të flasin për këtë çështje zyrtarisht, pasi, sipas tyre, kjo mbetet një çështje shumë e ndjeshme për të cilën është ende herët të flitet. Një diplomat perëndimor nga vendet e Quintit, duke folur në kushte anonimiteti, ka thënë se “mënyra se si Serbia e ka prezantuar atë dokument është shumë e paqartë ndërsa dokumenti në fjalë nuk është një dokument formal”.

Ky diplomat e pranon intepretimin që i bën “Zëri” se një nga pikat e dokumentit “të krijon përshtypjen e dëshirës për një Republikë Srpska në veri”, pasi, gjithmonë sipas këtij diplomati, “Serbia që moti mundohet që veriun ta bëjë pjesë të dialogut Prishtinë – Beograd në Bruksel”.

Mirëpo, i njëjti vlerëson se është ende shumë herët për të thënë saktë një gjë të tillë pasi vetë serbët ende nuk e bëjnë të qartë as në diskutimet që i kanë me ndërkombëtarët nëse kjo ofertë është përpjekje e tyre për të qenë konstruktivë apo thjeshtë një përpjekje serbe tipike për fushatë parazgjedhore.

Në fakt, në dokumentin e siguruar nga “Zëri” shprehet qartë dëshira e presidentit serb që problemi i veriut të zgjidhet gjatë pranverës kur edhe pritet të mbahen zgjedhjet presidenciale dhe parlamentare në Serbi. Mirëpo diplomatë perëndimorë në Prishtinë vlerësojnë se ”relaksimi i situatës” në veri mund të trajtohet vetëm pasi të zgjidhet një qeveri e re në Beograd.

Të njëjtit e pranojnë se propozimi i Tadiqit ka jo pak ngjashmëri me atë që ofrohet në Pakon e Ahtisaarit. Edhe pjesa për kishat e manastiret ortodokse serbe nuk është aq e qartë as për ndërkombëtarët pasi dokumenti është folur nga serbët, por nuk është prezantuar ende në mënyrë formale prej tyre.

Diplomati perëndimor që ka folur për “Zërin” në kushte anonimiteti, ka thënë se normalisht që pjesët që kanë ngjashmëri me Pakon e Ahtisaarit në 4-pikëshin e Tadiqit mund të diskutohen, edhe nëse serbët nuk duan ta quajnë si ofertë të ngjashme me Pakon e ish-presidentit finlandez.

“Një gjë që shumë nga ne e ndjejmë është se pjesa më e rëndësishme nuk është emërtimi “Ahtisaari”, por përmbajtja e tij. P.sh. në veri mund të keni shërbime shëndetësore që financohen nga Beogradi, mirëpo vetëm nëse kjo bëhet në mënyrë transparente”, ka thënë më tej ky diplomat.

Disa versione të qëndrimit të Thaçit

Ekzistojnë tre versione sa i përket qëndrimit të kryeministrit të Kosovës rreth asaj që thuhet në këtë dokument. Një version është se kryeministri e di përmbajtjen në bazë të fjalëve që ka dëgjuar nga diplomatë të ndryshëm, mirëpo ai ende nuk e ka dokumentin zyrtar.

Mirëpo, ka zyrtarë të afërt me ambasada perëndimore në Kosovë që thonë se kryeministri i Kosovës gjatë takimit të fundit të Grupit Drejtues Ndërkombëtar në Vjenë ka treguar që jo vetëm se e di përmbajtjen e propozimit të Boris Tadiqit, por ka dhënë shenja edhe se është i gatshëm t’i diskutojë ato qysh janë propozuar nga Tadiqi.

“Disa diplomatë perëndimorë kanë qenë pothuajse të dëshpëruar me pozitivitetin e kryeministrit gjatë takimit të Vjenës përballë këtij dokumenti dhe ndjenja te ta është që ai thjeshtë po kujdeset për karrierën e tij politike”, i është thënë jozyrtarisht “Zërit”.

Ndërsa version i tretë është ai që dihet edhe zyrtarisht se Kosova me përjashtim të asaj që e ofron për serbët Pako e Ahtisaarit nuk është i gatshëm as ta diskutojë.

Zëvendëskryeministri i Kosovës, Hajredin Kuçi, pas takimit të së premtes me Asociacionin e Gazetarëve Profesionistë të Kosovës, ka thënë se zgjidhjet për veriun do të jenë vetëm ato që janë në kuadër të Pakos së Ahtisaarit dhe Kushtetutës së Kosovës.

“Atje ka nevojë për rend dhe ligj, legjitimitet demokratik, zhvillim ekonomik dhe nuk ka nevojë për asnjë zgjidhje tjetër të veçantë“, tha Kuçi.

[PLAKU]

Jo pa qellim sulemohet Albini! Me pa durim presin 8-9 shkuretin me na zbulu sihariqin, kjo ashte agjenda kryesore e pushtetareve kosoves, Albini i ka fajet...

[Antiproanti]

Busek: Lugina t’i bashkohet Kosovës, veriu Serbisë

Ish-koordinatori i Paktit të Stabilitetit për Evropën Juglindore, Erhard Busek, ka deklaruar se Prishtina dhe Beogradi duhet të nisin diskutimet për ndarjen....

Ai ka thënë se kjo është zgjidhja më e mirë tash për tash dhe si shpërblim, Kosova do të njihej nga Serbia dhe nga pesë vendet e Bashkimit Evropian.

Pos ndarjes, ai përmend shkëmbimin e territoreve, Lugina e Preshevës t’i bashkohet Kosovës, e veriu i Kosovës Serbisë, për një zgjidhje të qëndrueshme në Ballkan.

“Jam i bindur që në fund të fundit nëse asgjë nuk do të jetë e mundur, atëherë ndarja është zgjidhje”, ka deklaruar Busek.

Sa u përket bisedimeve mes Prishtinës dhe Beogradit, ai ka thënë se vetëm pas zgjedhjeve në Serbi do të krijohen kushte të favorshme për zhvillimin e bisedimeve./ktv/
http://rtklive.com/?cid=1&newsId=566...d957P91nr8H%28

E vetmja zgjidhje me te cilen kosovaret nuk pesojne disfate totale...

Por, jam i bindur se Serbia do te luftonte me te gjitha mjetet per ta mbajtur Luginen nen sovranitetin dhe autoritetin e saj. Gje qe nuk mund te thuhet per Kosoven ne lidhje me veriun. Prandaj, heshtja e shqipetareve per zgjidhje te konflikteve permes ndarjes dhe kembimit te territoreve etj. per mua eshte e paarsyeshme.

[Antiproanti]

Plani i Tadiqit lehtë mund të nis së zbatuari me Thaçin kryeministër

Prishtinë, 5 shkurt - Katër pikat e Boris Tadiqit, një prej të cilave kërkon krijimin e një hapësire të veçantë në veri të Kosovës, të ngjashme me Republikën serbe të Bosnjës, shumë lehtë do të mund të nisin së zbatuari nëse Hashim Thaçi mbetet kryeministër i Kosovës, shkruan gazeta Zëri.

Një vlerësim të tillë e japin analistët kosovarë, disa prej të cilëve e mbështesin vlerësimin në shembullin e mënyrës se si u kundërshtuan gjashtë pikat e Ban ki-Moonit, Sekretarit të Përgjithshëm të OKB-së.

Për Avni Zogianin, drejtorin e Organizatës për Dinjitet dhe kundër Korrupsionit, ÇOHU” të gjitha rrugët e Kosovës momentalisht po çojnë drejt një statusi të veçantë për veriun e Kosovës.

“Thaçi qysh para dy vjetësh ka folur për një zgjidhje kreative për veriun dhe ajo që pres të ndodhë është një kundërshtim deklarativ si me planin e Ban Ki Moonit, por që u lejua të zbatohet në praktikë. Ne sot e kësaj dite nuk kemi gjykatë në atë pjesë, policia nuk funksion prapë e as doganat nuk funksionojnë si të integruara në shtetin e Kosovës”, ka thënë Zogiani përmes telefonit.

Paaftësinë e qeverisë për t’u përballur me këtë plan dhe presionet e mundshme ndaj Kosovës, i përmend edhe Ardian Arifaj nga organizata KIPRED.

“ Nëse më pyet a është qeveria jonë në gjendje të mbrojë veriun, unë them nuk është”, thotë direkt Arifaj dhe shton se “deri më sot askush nuk ka dalë me një vizion se çfarë duhet bërë me veriun, asnjë pjesëtar i klasës politike”.
http://www.koha.net/?page=1,13,86771

[Lexuesi_]

E gjithe kjo qysh po sillet ka me perfundu me nje autonomi per veriun dhe njohjen e Kosoves nga serbia qeshtu po get jan marr vesh ne 99-ten bashkia nderkomtare.

Veriu as s'ka me ju bashku serbis e as me ju nda Kosoves.

Po dalin fjalt e babegjyshit qe thojke 1 dite qeta qe ja kan jep serbise atehere ne vitin 1912 qeta po ja marrin se i kan ra pishman qe i kan dhane shume. E kshtu na veq mund te hahemi ne mes vete se as une as ti as albini as hashimi as facebooku as iphone 4 e as iphone5 nuk ka me mujt me ndryshu rrjedhat politike qe po bahen ne Kosove se keto rrjedha nuk jan ka bahen qe 4 vjet po qysh para 12 viteve jan marr vesh jasht mediave se qysh ka me i ardh fundi, tash krejt loja eshte kush po perfiton politikisht , tadiqi ne serbi per zgjedhje thaqi ne kosove per zgjedhje , po ashtu edhe albini.


Une veq shpresoj qe brenda kesaj autonomia doganat dhe te hyrat qe behen nga veriu te shkarkohen ne arkat e Kosoves. Se autonomin ska kush qe e pshton.

[Antiproanti]

E gjithe kjo qysh po sillet ka me perfundu me nje autonomi per veriun dhe njohjen e Kosoves nga serbia qeshtu po get jan marr vesh ne 99-ten bashkia nderkomtare.

Veriu as s'ka me ju bashku serbis e as me ju nda Kosoves.

Po dalin fjalt e babegjyshit qe thojke 1 dite qeta qe ja kan jep serbise atehere ne vitin 1912 qeta po ja marrin se i kan ra pishman qe i kan dhane shume. E kshtu na veq mund te hahemi ne mes vete se as une as ti as albini as hashimi as facebooku as iphone 4 e as iphone5 nuk ka me mujt me ndryshu rrjedhat politike qe po bahen ne Kosove se keto rrjedha nuk jan ka bahen qe 4 vjet po qysh para 12 viteve jan marr vesh jasht mediave se qysh ka me i ardh fundi, tash krejt loja eshte kush po perfiton politikisht , tadiqi ne serbi per zgjedhje thaqi ne kosove per zgjedhje , po ashtu edhe albini.


Une veq shpresoj qe brenda kesaj autonomia doganat dhe te hyrat qe behen nga veriu te shkarkohen ne arkat e Kosoves. Se autonomin ska kush qe e pshton.

Nuk ka "autonomi" per veriun, ne kuptimin e nje autonomie territoriale.
Atje do te kete vetem legalizim te strukturave shteterore te Serbise. Sepse as serbet e atjeshem, as Serbia nuk e pranojne shtetin e Kosoves, pavaresisht statusit te veriut dhe serbeve te Kosoves.

Do te kete vetem "status special" qe ne praktike nenkupton legalizim e strukturave te shtetit dhe pushtetit te Serbise ne ate pjese te Kosoves. Ky legalizim do te shfryezohet nga Serbia per te vazhduar me pengimin e zhvillimit te te shtetesise se Kosoves, mundesisht edhe zhberjen formale te disa simboleve kyce te shtetesise, sic po ndodhe edhe aktualisht. Cfardo "statusi special" do te jete vetem vazhdim i Status quo ne rrethana te reja, te cilat formalisht-juridikisht ose administrativisht e mundesojne integrimin e Serbise dhe te Kosoves (jo si shtet, por pa status te rregulluar!) ne BE.
Ne fakt behet fjale per "zbatimin" e "Planit te Ahtisaarit" me me permiresime te dukshme per serbet e e veriut dhe rolin e Serbise ne ate pjese te Kosoves dhe ne komunat e banuara me shumice serbe. Sepse edhe "Plani i Ahtisaarit" mundeson "status special" per komunat e veriut dhe lejon "struktura paralele" te Serbise. Keto "struktura paralele" dhe ndihmat e ndryshme te Serbise me personal dhe te holla duhet vetem te miratohen edhe nga Kosova apo pushteti ne Kosove. Me pajtimin e mundshem ne mes te Serbise dhe Kosoves per "status special" faktikisht miratohen "strukturat paralele" nga ana e pushtetit te Kosoves.
Sa i perket ceshtjes se kufirit dhe doganave, ajo do te rregullohet ne baze te marrveshjes se arritur per "menagjimin e perbashket te doganave". Pas arritjes se pajtimit per "statusin special" do te vendosen edhe "doganat e perbashketa" ose dicka e ngjashme...

[Pika-Kufi.1-31]

VETËM PËR NJOHJE

Nga Express 05 Shkurt 2012 10:56


Kryeministri Hashim Thaçi është shprehur edhe një herë i gatshëm për ta takuar Presidentin e Serbisë, Boris Tadic. Në një prononcim për gazetën Express, Thaçi ka thënë se me Tadicin do të diskutonte vetëm për njohjen e Kosovës. Analistët vlerësojnë se një takim i tillë është vështirë të ndodhë para zgjedhjeve në Serbi.

Kryeministri Hashim Thaçi ka ritheksuar gatishmërinë për t’u takuar me Presidentin e Serbisë, Boris Tadic, duke thënë se në një rast të tillë në agjendë të takimit do të ishte vetëm njohja e Kosovës.

Kreu i shtetit serb, gjatë qëndrimit në Bosnjë, të premten, është shprehur pozitivisht për një takim me Thaçin duke thënë se do të merrte pjesë në takim nëse aty do të bisedohej për zgjidhjen e problemeve, e jo për promovimin e shtetësisë së Kosovës.

Për më tepër Tadic ka thënë se në takimin eventual me Thaçin do të diskutonte për planin e tij katërpikësh që parasheh status special për Veriun ose për ndonjë plan tjetër.

Por Thaçi në një prononcim për Express, të shtunën, ka thënë se në një takim me shefin e shtetit serb do të diskutonte vetëm për njohjen e pavarësisë së Kosovës.

“Në takimin e mundshëm me Presidentin Tadic, unë e kam vetëm një pikë të diskutimit - njohjen reciproke, të tjerat janë çështje që mund të rregullohen me raporte ndërshtetërore sikur me të gjitha vendet fqinje. Por ky takim do të ishte në shërbim të paqes, stabilitetit, bashkëpunimit dhe fqinjësisë së mirë dhe perspektivës euroatlantike të dy shteteve tona dhe të mbarë rajonit”, ka thënë Thaçi.

“Takimi ynë nuk do të duhej të kuptohej si betejë për ta mundur njëri –tjetrin, Kosova Serbinë, ose e kundërta, sepse kjo betejë është mbyllur në qershor të vitit 1999 dhe rezultatin e di e gjithë bota. Ky takim eventual mund t’i shërbejë të ardhmes më të mirë të popujve dhe shteteve tona”, ka shtuar Thaçi për gazetën. Mundësia e një takimi Thaçi –Tadic është aktualizuar ditëve të fundit pas deklarimeve të kreut të Qeverisë së Kosovës se nuk ka ndonjë problem ta takojë Tadicin, pasi takime me të ka pasur edhe gjatë bisedimeve për statusin në Vjenë.

(Shkrimin e plotë mund ta lexoni në gazetën Express)