Hamdi Salihi

[MaDaBeR]

Hamdi Salihi vazhdon të mrekullojë Amerikën

Shkodrani shënoi në fitoren 3-1 në përballjen DC Junajtid-Çarlston

Hamdi Salihi konfirmon impaktin e jashtëzakonshëm në futbollin e Shteteve të Bashkuara të Amerikës. Sulmuesi i Kombëtares shqiptare ka realizuar edhe golin e dytë me DC Junajtid, në fitoren 3-1 që skuadra nga Uashingtoni ka arritur përballë Çarlston Bateri.
Me këtë fitore, DC Junajtid i mjaftuan vetëm dy ndeshje për të triumfuar në turneun “Carolina Challenge Cup”, ndërsa më parë ata kishin mposhtur Çikago Fajër, pikërisht me rrjetën e Salihit.
Kjo ishte hera e tretë radhazi që skuadra e Uashingtonit fiton aktivitetin, ndërsa trofeu ka një shije të veçantë për Salihin që e nis aventurën në mënyrën më të suksesshme të mundshme, me gola dhe kupë.
Në ndeshjen kundër Çarlston, “bomberi” kuqezi u aktivizua si zëvendësues në të 70-ën, megjithatë, atij i mjaftuan vetëm 17 minuta në fushë për ta dërguar topin në rrjetë, pas një aksioni fantastic të Volf.
Kjo ishte rrjeta e dytë në dy ndeshje me DC Junajtid për Salihin, që është shprehur mjaft I kënaqur për paraqitjen, duke nënvijëzuar se “realizimi i golave është detyra e tij, ndërsa ai po ambientohet gjithmonë e më tepër me skuadrën, ndërsa ekipi vazhdon të përmirësohet përpara startit të sezonit të ri”.

time.al

[Qyfyre]

Salihi gol ne Kupe, kualifikohet DC United

Hamdi Salihi ka rifituar vendin e tij në formacionin titullar të DC United dhe po ndihmon këtë skuadër të kthehet në një protagoniste falë golave të tij. Sulmuesi shkodran ka shënuar edhe në suksesin 2-1 të ekipit të tij në Kupën U. S. Open, goli i 5-të në 7 ndeshjet e fundit të skuadrës, duke treguar se është në një formë të shkëlqyer.

DC United ka fituar kunder Richmond Kickers nga nje kategori me poshte, duke u kualifikuar keshtu per me tej. Ne stadiumin e Universitetit te Richmond kane qe te pranishem rreth 5000 tifoze.

Salihi i ka dhënë avantazhin ekipit të tij në minutën e 24-t pas një aksioni spektakolar ne bashkepunim me Maicon Santos ku ka kaluar edhe portierin. Shkodrani eshte zevendesuar ne pushim te ndeshjes nga Nick DeLeon.

DC United është dashur të shkojë në kohën shtesë të takimit pasi kundërshtarët e Richmond Kickers kanë barazuar falë një 11-metërshi.

Vetëm një gol në kohën shtesë i Saragoza ne minuten e 107-e i ka dhënë mundësinë skuadrës së Salihit që të kalojë në turin tjetër ku do të përballet me Filadelfia Union.

[Qyfyre]

Salihi nder lojtaret me te paguar ne Amerike

Futbollisti shqiptar, Hamdi Salihi është një nga lojtarët më të paguar në kampionatin e Shteteve të Bashkuara të Amerikës. Sipas listes se publikuar nga sindikata e futbollisteve te Major League Soccer, vërtetohet se sulmuesi shkodran është në listën e 25 lojtarëve më të mirë-paguar në Amerikë.

Sipas shifrave te publikuara ne faqen zyrtare, Hamdi Salihi ka nje rroge baze prej 305.460 dollaresh por me bonuset gjate sezonit 2012, rroga e tij eshte e garantuar te skoje te pakten deri ne 487.460 dollare.

Në krye të listës ndërkaq qëndron as më shumë dhe as më pak por sulmuesi francez, Tierri Henry, i cili paguhet 5.6 milionë euro në sezon, duke lënë pas një tjetër ish-shok skuadre te Barcelona si Rafael Markez dhe anglezin e shumëpërfolur Devid Beckham. Në ndryshim nga çfarë mendohej, “The Spice-boy” nuk është futbollisti me rrogën më të lartë pasi pati nje ulje rroge me kontraten e re qe firmosi, por ai është absolutisht sportisti që përfiton më shumë se cilido për shkak të kontratave publicitare që ka nënshkruar, të cilat i sjellin më shumë se 20 milionë dollarë fitime në vit.

Në Amerikë mënyra e pagesave të futbollistëve ndryshon shumë në krahasim me Evropën dhe gjithashtu ka edhe limite per rrogat qe mund te paguaj nje klub. Salihi klasifikohet te lista e "Designated Players" ne kampionatin amerikan, qe perfshin ata lojtare qe lejohen te paguhen me shume se limiti i rroges prej 350.000 dollaresh ne vit. Secila skuader lejohet te kete deri ne tre lojtare te tille dhe ka gjtihashtu nje limit per totalin e rrogave qe mund te paguaj.

Salihi kaloi në këtë edicion tek DC United nga skuadra austriake, Rapid Viena dhe së fundi ka rigjetur edhe rrugen e golit, që i kishte munguar në fillim të transferimit. Ai ka shenuar kater gola ne kampionat dhe nje ne Kupen e Amerikes.

Lojtarët më të paguar

1. Tierri Henri (Nju Jork) 5.6 mln USD
2. Rafael Markez (Nju Jork) 4.6 mln USD
3. Devid Bekham (L.A. Galaksi) 4 mln USD
4. Robi Kin (L.A. Galaksi) 3.42 mln USD
5. Torsten Frings (Toronto) 2.41 mln USD
6. Landon Donovan (L.A. Galaksi) 2.4 mln USD
7. Julian de Guzman (Toronto) 1.91 mln USD
8. Dani Koevermans (Toronto) 1.57 mln USD
9. Kris Bojd (Portland) 1.52 mln USD
10. Fredi Montero (Siatëll) 756 mijë USD
11. David Ferreira (FC Dallas) 705 mijë USD
12. Duejn de Rosario (DC Junajtid) 663.193 USD
13. Juan Pablo Angel (CD Çivas) 600 mijë USD
14. Shalrie Zhozef (Nju Ingland) 554.333 USD
15. Branko Boskov (DC Junajtid) 545.367 USD
16. Fredi Adu (Filadelfia) 519 mijë USD
17. Hamdi Salihi (DC Junajtid) 487.460 USD
18. Javier Morales (Salt Lejk) 477.500 USD
19. Beni Feilhaber (Nju Ingland) 446 mijë USD
20. Alvaro Saborio (Salt Lejk) 405.625 USD

http://futbollishqiptar.net/

[Qyfyre]

Salihi shkon ne Kine?

Sulmuesi shqiptar, Hamdi Salihi është pranë nënshkrimit të një kontrate me një skuadër në kampionatin kinez. Bëhet fjalë për një marrëveshje, e cila e mban sulmuesin të lidhur për një vit e gjysmë me një vlerë prej 800 mijë dollarësh. Nje rroge e majme kjo qe eshte aferisht e njejte me shifrat qe ai perfitonte te DC United ne Amerike.

Skuadra kineze nuk bëhet ende e njohur, por nuk është çudi që të jetë dhe skuadra që drejtohet nga ish-trajneri i kombëtares, Josip Kuzhe, Tianin Teda, e cila e ka mbyllur kampionatin në vendin e tetë në renditjen përfundimtare. Salihi ishte nje prej sulmuesve te tij te preferuar te kuqezinjte dhe mendohet se ky bashkepunim mundte vazhdoje tashme ne Kinen e larget.

Eksperienca e tij te DC Junajtid nuk ishte e sukseshme. Ai u prit me shumë optimizëm në këtë skuadër, por paraqitja e tij nuk ishte ajo që pritej, pasi ambjentimi ishte shumë më i vështirë se sa pritej. Me këtë ekip, ai luajti 22 ndeshje dhe shënoi tetë gola, duke qenë dhe një ndër lojtarët më të paguar në skuadër.

Ai e nisi karrierën si futbolist me skuadrën e Vllaznisë, me të cilën luajti tre sezone përpara se të transferohej te Panionios në Greqi. Aventura e tij ishte e shkurtër në Greqi, duke u rikthyer te skuadra e Tiranës, ku shpërtheu me lojën dhe golat e tij. Në vitin 2006 ai u transferua në Austri, ku luajti me Riedin, me të cilin luajti tre sezone. Pas eksperiencës me Ried, Salihi u transferua te Rapidi i Vjenës, ku luajti për tri sezone.

Kalimi i tij te DC Junajtid në SHBA, ndikoi jo pak në aktivizimin e tij me kombëtaren shqiptare. Mesa duket, sulmuesi nuk ka hequr dorë nga largësitë e mëdha, ku tashmë destinacioni i tij është në drejtim të Azisë. Në karrierën e tij, Salihi ka luajtur 280 ndeshje, duke shënuar 147 gola, ndërsa me kombëtaren shqiptare, sulmuesi ka luajtur 41 ndeshje, duke shënuar 9 gola. http://futbollishqiptar.net/