Odise Roshi

[[HD]]

Këlni do ta huazojë shqiptarin, “sirena” ruse dhe polake për Odise Roshin


Ka nisur një luftë e ftohtë mes drejtuesve të Këlnit dhe mesfushorit Odise Roshi. Ky i fundit ka dhënë sinjale të qarta se nuk dëshiron të largohet nga skuadra, ndërkohë që krerët e saj duan të largojnë atë dhe dy mesfushorë për shkak të krizës në të cilën ndodhet klubi. E përditshmja gjermane “Express.de” ka nxjerrë dje fakte të reja mbi planet që po bën Këlni kundrejt Roshit. Mësohet se drejtuesit kanë hyrë në bisedime me dy klube ruse për ta huazuar lojtarin për një sezon.
Formula Klubi i Këlnit ka saktësuar edhe njëherë se nuk ka asnjë shans që Odise Roshi të largohet përfundimisht nga skuadra. Mesfushori i Kombëtares shqiptare thjesht do të huazohet, por është i pashitshëm. E megjithatë, kjo nuk e ka ndryshuar vendimin e lojtarit për të mos u larguar nga klubi gjerman. Vetë Roshi ka pohuar për mediat gjermane se nuk ka ndërmend të ikë dhe se kjo iniciativë e klubit e ka shqetësuar atë. Rusia dhe Polonia Menjëherë sapo Këlni e ka vënë Roshin në listën e lojtarëve që nuk bëjnë pjesë për sezonin e ardhshëm, klube ruse, polake dhe austriake kanë shfaqur interesim për mesfushorin kuqezi. Mediat gjermane bëjnë të ditur se orët e fundit Këlni ka pasur kontakte intensive me një klub rus, porse ka hasur në mospëlqimin e lojtarit. Mësohet gjithashtu se Këlni do të përdorë kartën “euro” për ta bindur atë. Ka shumë të ngjarë që Roshit t’i ofrohet një vit huazim me pagë marramendëse dhe me mundësi për të luajtur si titullar në një klub rus, që ai të pranojë kërkesën e drejtuesve dhe stafit të Këlnit.
Objektivi Situata e krijuar së fundmi te Këlni e ka tronditur jo pak mesfushorin fierak. Ky i fundit i kishte vënë objektiv vetes që të mund të siguronte vendin e titullarit në radhët e skuadrës, duke qenë se Këlni këtë vit do garojë në Bundesligën 2. Ai shpresonte që me ardhjen e trajnerit të ri, Stanislavski, të kishte më shumë hapësira, pasi ky i fundit shquhet për mbështetjen që u jep të rinjve, por gjërat kanë rrjedhur pikërisht në kahun e kundërt. Odise Roshi ka edhe katër vite të tjera kontratë me klubin gjerman.

Reagimi i Adrian Aliajt
Menaxheri i Odise Roshit, Adrian Aliaj, ka dhënë sinjale të qarta se kërkesa e Këlnit për të larguar mesfushorin shqiptar ka pak gjasa që të pranohet. Ai u ka bërë me dije drejtuesve dhe trajnerit të skuadrës gjermane se është e panevojshme dhe shumë e pamatur të flitet për një gjë të tillë në këtë fazë të sezonit. “Roshi është i lumtur te Këlni dhe do të japë maksimumin për këtë ekip. Sa i përket pretendimeve të fundit që janë publikuar në shtyp, më duken të nxituara dhe jo në kohën e duhur”, – ka deklaruar ish-futbollisti i Kombëtares shqiptare.

[murik]

nuk ha dot buke Roshi ne Itali apo Gjermani, harrojeni. Ndoshta mund te luaj per ndonje ekip te kategorise se dyte ose ndonje kampionat si Qipro apo Greqia mund te jete me i pershtatshem per te.

[[HD]]

Odise Roshi huazohet tek FSV Frankfurt






Futbollisti i Kombëtares Shqiptare Odise Roshi është huazuar tek FSV Frankfurt.

Klubi i bundesliga 2 të Gjermanisë ka bërë të ditur nëpërmjet faqes zyrtare në internet se, ka arritur marrëveshje me klubin e Kelnit që ta huazoj Roshin për 1 vit.

” Roshi është një lojtar i shpejtë, dhe ne besojmë fuqishëm se me shpejtësinë e tij Roshi do ti jap më tepër gjallëri sulmeve tona” ka thënë Uwe Stover.

Edhe vet Roshi duket i kënaqur me këtë lëvizje , duke u shprehur ” Tek Frankfurti besoj që do të gjej më tepër hapsirë për të treguar më mirë vlerat e mia”.

Tek FSV Frankfurt, Roshi do të gjej edhe bashkëkombasin e tij Edmond Kapllani.

[[HD]]

Roshi e Kapllani shënojnë për fitore





Odise Roshi dhe Edmond Kapllani kanë shënuar nga një gol për t'i dhënë fitoren skuadrës FSV Frankfurt me rezultatin 2:1 kundër Union Berlinit. Ndeshja është zhvilluar të premten dhe i ka takuar javës së gjashtë në Bundesliga 2. Roshi dhe Kapllani ishin titullarë te FSV Frankfurti dhe u zëvendësuan në minutat 63, përkatësisht 86.

Roshi shënoi golin e epërsisë 1:0, në minutën e shtatë, ndërsa Kapllani e shënoi golin e fitores, në minutën e 62-të.

Për Roshin ky ishte goli i parë te FSV Frankfurti në pesë ndeshje të zhvilluara këtë edicion, kurse Kapllani ka shënuar katër gola në gjashtë ndeshje. Me këtë fitore, FSV Frankfurti ngjitet në pozitën e dytë në tabelë me 14 pikë të mbledhura, një më pak se Braunschweig që i prin klasifikimit dhe ka një ndeshje më pak të zhvilluar.

[drague]

Roshi e Kapllani shënojnë për fitore





Odise Roshi dhe Edmond Kapllani kanë shënuar nga një gol për t'i dhënë fitoren skuadrës FSV Frankfurt me rezultatin 2:1 kundër Union Berlinit. Ndeshja është zhvilluar të premten dhe i ka takuar javës së gjashtë në Bundesliga 2. Roshi dhe Kapllani ishin titullarë te FSV Frankfurti dhe u zëvendësuan në minutat 63, përkatësisht 86.

Roshi shënoi golin e epërsisë 1:0, në minutën e shtatë, ndërsa Kapllani e shënoi golin e fitores, në minutën e 62-të.

Për Roshin ky ishte goli i parë te FSV Frankfurti në pesë ndeshje të zhvilluara këtë edicion, kurse Kapllani ka shënuar katër gola në gjashtë ndeshje. Me këtë fitore, FSV Frankfurti ngjitet në pozitën e dytë në tabelë me 14 pikë të mbledhura, një më pak se Braunschweig që i prin klasifikimit dhe ka një ndeshje më pak të zhvilluar.

plako kan lujt kundra St.paulit

[[HD]]

Ronaldoja i Bornheimit. Odise Roshi po kalon momentet më të mira në Frankfurt






“Unë mund të jap akoma më shumë për FSV Frankfurt. Tani kam më shumë besim të vetja”. Deklarata është e mesfushorit shqiptar Odise Roshi, i cili në fundjavë shënoi golin e parë në fitoren 2-1 kundër St. Paulit. Në atdheun e tij, Odise Roshi është tashmë një yll i vogël, ndërsa te FSV Frankfurti shqiptari dëshiron të jetë ndër më të rëndësishmit e skuadrës. Ai u transferua gjatë merkatos së verës nga Këlni tek FSV Frankfurti, me formulën e huazimit dhe ndikimi i tij në skuadër ishte i menjëhershëm. 21-vjeçari është pjesë e kombëtares shqiptare, ndërkohë që me shqiptarin tjetër, sulmuesin Edmond Kapllani ka formuar një dyshe të frikshme, e që ka e çuar ekipin në vendin e dytë të Bundesligën 2. Odiseja duket se ka veshur “këmishën e djallit”, madje edhe sjellja e tij është pak djallëzore: sytë i mban gjithmonë poshtë, gjuan guriçkat në rrugë dhe qesh vazhdimisht, duke zbardhur dhëmbët. Ai tani është dikushi, tipi i personit që ka qejf të bëjë gjithmonë shaka me shokët, madje bën gjëra të çuditshme me kokën e tij. Në fakt, Odiseja i tillë ka qenë edhe kur ishte te Këlni sezonin e kaluar, dhe shakatë e tij me Lukas Podolskin janë të njohura në dhomat e zhveshjes.



“Përkthyesi” Kapllani

Mesfushori sulmues shqiptar është huazuar për një vit te FSV Frankfurti i Bundesligës së Dytë, por humori i tij është i njëjti edhe në Bornheim. ”Këto janë gjëra të vogla”, – tha Roshi për gazetën. “Unë jam nga natyra i tillë. Për këtë i ngacmoj gjithmonë shokët e mi”. Ndërkohë që ai bën thuajse gjithë ditën shaka, por me pak fjalë, ai është krejt tjetër në fushë. Roshi flet pak gjermanisht dhe anglisht, ndërkohë që Edmond Kapllani bën përkthyesin kur biseda bëhet serioze. Ai ishte i pari që iu hodh në qafë Odise Roshit, kur ky i fundit shënoi golin e parë kundër St. Paulit. Një përqafim i ngrohtë, një puthje e vogël në faqe, një raport i shkëlqyer midis dy shqiptarëve te FSV Frankfurti.



Kristiano Ronaldo

Përpara se Kapllani të shënonte golin e fitores 2-1 kundër St. Paulit, ishte Roshi ai, që në minutën e shtatë kishte realizuar një gol shumë të bukur e që i dha kryesimin e përkohshëm skuadrës së tij. Një goditje e saktë me të djathtën. “Unë e kontrollova mjaft mirë topin, por po kaq e lehtë ishte dhe të gaboja”, -tha Roshi pas ndeshjes. Paraqitja e tij e pestë për FSV Frankfurtin ishte dhe e mira e tij, jo vetëm se shënoi golin. Në duelin e drejtpërdrejtë me mbrojtësin e St. Paulit, Kristofer Avevor, Roshi ishte një fitues i qartë, për më tepër që ai shkëlqeu edhe për pasimet e tij. Në pjesën e dytë ai dha një krosim saktësisht në kokën e Kapllanit, por ky i fundit gjuajti dobët. Tashmë Roshi e ka kaluar momentin psikologjik dhe ka një mentalitet të fortë. Trajneri i tij, Beno Mëhlman, nuk i kursen lëvdatat: “Kjo do ta inkurajojë atë gjithmonë dhe më shumë”. Ai i di fuqitë e djaloshit, që vjen nga qyteti i Fierit. “Me topin në këmbë ai është tmerrësisht i shpejtë”, – thotë drejtori sportiv i klubit, Uve Shtëver. “Dhe këtë ai e tregoi qysh në ndeshjen e tij të parë. Me golin që shënoi tani ai do të bëjë gjera dhe më të mrekullueshme”. Roshi thotë: “Unë mund të jap akoma më shumë për FSV Frankfurtit. Tani kam më shumë besim të vetja”.



Premtimi për Këlnin

Gjatë verës ai ishte i pasigurt nëse do të qëndronte te Këlni apo jo, pavarësisht kontratës deri në qershor të vitit 2015 dhe 20 ndeshjeve të luajtura në Bundesligë. “Unë dëshiroj me gjithë shpirt që Këlni të luajë sërish në Bundesligë. Ai është ekipi dhe qyteti im”. Deri në ringjitjen në Bundesligën 1 ka ende një rrugë të gjatë për t’u përshkuar. Pas gjashtë ndeshjeve, FSV Frankfurti ka 12 pikë më shumë se Këlni. Pra, për Odisenë, në një farë mënyre do të jetë një ndeshje shumë speciale, pasi do të luajë kundër ekipit që e bëri të njohur në Gjermani. “Unë nuk do të jap në Këln 100, por 120 për qind”, – thotë Roshi.



Ëndrra kuqezi

Odise Roshi është pjesë e Kombëtares shqiptare, madje debutimi i tij përkon kundër një skuadre të madhe, si Franca. Roshi ka luajtur deri tani shtatë ndeshje për Shqipërinë. “Ne jemi një vend i vogël, por megjithatë ne kemi ëndrrën që të jemi në një turne të madh”, – thotë Roshi. Nga dy ndeshjet e para kualifikuese, Shqipëria ka grumbulluar tri pikë. Kjo i jep shpresë kombëtares së tij. Në Shqipëri, Odise Roshin e vlerësojnë si një anësor të talentuar, si një “avion fluturues” dhe e krahasojnë atë me superyllin Kristiano Ronaldo. Roshi ka një dashuri të jashtëzakonshme për këpucët ekstravagante dhe tregon gjithashtu një kujdes të veçantë për fytyrën. Flokët e prera shkurt, lëkura delikate, por edhe pamja janë disi të ngjashme me portugezin. Kështu, që rruga e Roshit është e qartë: “Drejt Real Madridit”, -qesh Odiseja.

[[HD]]

Roshi: Jam i lumtur, meritë ka edhe Kapllani





Humbi një rast të pastër kundër Islandës, aq sa për disa ditë i shfaqej ende para syve ajo skenë. Dje në mbrëmje Odise Roshi e fshiu atë “njollë”, duke shënuar një gol me shumë peshë për Kombëtaren shqiptare. Mesfushori i FSV Frankfurtit shpërbleu besimin e De Biazit duke bërë një paraqitje të mirë, sepse jo vetëm që realizoi golin e vetëm të takimit, por tregoi se është maturuar dhe rritur profesionalisht. “Jam shumë i kënaqur që fituam dhe gjithashtu shumë i gëzuar që golin e kësaj fitoreje të vuajtur e shënova unë”, – tha futbollisti pas ndeshjes për “Supersport”. Ai pohon se kaloi një moment të vështirë edhe në ekipin përfaqësues. Lënia jashtë pak kohë me parë e ka bërë të reflektonte dhe të përpiqej të korrigjonte disa mangësi. Sigurisht jam edhe me fat, sepse në fillim doja vetëm që të isha pjesë e 22 lojtarëve të grumbulluar, më pas doja disa minuta dhe tani luftoj për të siguruar një vend titullari, por kjo nuk është edhe aq e lehtë, sepse konkurrenca është e madhe”, – ka thënë mesfushori fierak. Roshi nuk ka ngurruar të bëjë edhe batuta, duke komentuar termin “talent”. “Nuk mund të quhem më një talent. Talent quhet një lojtar deri në moshën 18-19 vjeç. Unë jam mbi 20…”. Te skuadra e FSV Frankfurtit ai luan me Edmond Kapllanin, një lojtar që, sipas tij, e ka ndihmuar të rritet profesionalisht gjatë kësaj periudhe. “Një nga arsyet, edhe pse jam përmirësuar, është se luaj përkrah një futbollisti si Kapllani”, – ka pohuar lojtari. Mesfushori 21-vjeçar është vlerësuar edhe nga specialistët për paraqitjen që ka bërë, jo vetëm sa i përket performancës së tij në fazën sulmuese, por edhe në atë mbrojtëse, pasi dje ka sakrifikuar vërtet shumë. Odise Roshi ka luajtur 9 ndeshje me ekipin përfaqësues dhe realizuar një gol. “Shpresoj shumë që në të ardhmen të përmirësohem akoma më tepër. Unë ende nuk jam në 100 për qind të formës sime, megjithëse ju siguroj se kam dhënë maksimumin në fushë”, – është shprehur lojtari.

[Qyfyre]

I madh Roshi

[[HD]]

Kto jan 3 yjet Kuq e Zi qe ne presim me shume..

[Bamba]

Qe kur e pashe disa minutat e fundit ne miqesoren qe u lujt ne gusht te kombetares, thashe ky qeka lojtar super. Mbase po ja fus kot por ngjan shume me Bale, por i krahut te djathte. Kuptohet, duhet te permiresohet akoma, ama bazat i ka shume te mira.