Boksi ne Kosove

[DYDRINAS]

Nazif Gashi

Nazif Gashi u lind me 1. Tetor 1951 në fshatin Mramor të Prishtinës. Nazi-i nga mosha rinore i kishte pasion sportet luftarake. Në vitin 1970 inkuadrohet në klubin më të madh të boksit në Kosovë, K.B. Prishtina ku talentin e tij menjëherë e vërejti traineri i atëhershëm Sishkovic. Nazifi për 10-vite me radhë qëndroi ne klubin e boksit Prishtina, pra nga 1970 deri më 1980, ku prania e tij ishte e padiskutueshme, ai ishte i pazavendësueshëm. Nazifi vlen të përmendim se nuk i mungoi klubit në asnjë match. Ai gjithë ashtu ishte mjaft i diciplinuar, ku në stërvitje nuk mungonte kurrë, i pari vinte ndërsa i fundit lëshonte sallën e boksit. Për Nazif Gashin të flitet është pak, mirëpo ai mbetet një nga figurat më të mëdha të sportit të Kosovës për shekullin e kaluar. Nazifi ishte më i merrituari për pesë titujt e ish-Jugosllavisë që fitoi K.B. Prishtina në atë kohë. Traineri legjendar Lah Nimani thoshte se Nazifi ishte predispozicion për çdo kundërshtar, “ai ishte xhoker i imi”.

Nazif Gashi momentalisht është duke punuar si trainer në klubin e tij të Body Building-ut dhe Aerobic-ut në Prishtinë.

Rekordet e Nazif Gashit:
(1970 – 1980) - Pesë herë kampion i ish-Jugosllavisë në konkurrencën kolektive,
(1974 – 1978) - Reprezentues i ish-Jugosllavisë për katër vite me radhë,
(1974) – Fitues i turneut të Beograd-it,
(1975) - Gongu i Artë në Shkup (medalja e artë),
(1976) - Gongu i Artë në Shkup (medalja e artë) dhe fitues i turnamentit kundër Plamen Jankov,
(2002 – 2005) - Selektor i Kosovë-s.

Vlen të përmenden disa fakte për match-et e Nazifit që mbetën përkujtim për dashamirët e boksit:

Ka fituar ish-fituesin e medaljes së Artë Olimpike në Los Angelos, dhe kampionin botërorë në amatorizëm dhe profesionalizëm në kategorinë gjysmë të rëndë, Sllobodan Kacar, ka fituar kampionin botërorë në amatorizëm dhe profesionalizëm, Marian Benesh, ka fituar ish-nënkampionin europian dhe fituesin e medaljes së bronzt, Svetomir Bilic.

http://www.albanianboxing.com/legjendat/nazif-gashi.html

[DYDRINAS]

Muharrem Gjocaj

Muharrem Gjocaj u lind me 9.06.1962 në Pejë. Me boks filloi të mirret që nga viti 1979 në K.B.Peja. Si junior arritë të shfaq talentin e tij dhe sukseset nuk munguan. Në vitin 1980 arritë titullin e parë në konkurrencën e juniorëve në Kosovë - kategoria gjysmë e rënd. Gjocaj për katër vite boksoi në konkurrencën e juniorëve k`u me 1983 arritë edhe një titull në konkurrencën e juniorëve, nënkampion i ish-Jugosllavisë në kampionatin e mbajtur në Gjilan.

Me 1984 kalon në konkurrencën e seniorëve dhe përsëri arritë të bëhet nënkampion i ish-Jugosllavisë në Maribor të Sllovenisë. Talenti i tij, i kishte ra në sy ish-trajnerit tonë legjendar Lah Nimani dhe me insistimin e tij arritë të bëhet pjesë e K.B.Prishtina. Në fillim e kishte të vështirë sepse pjesë e ekipit të parë në kategorinë e rënd në K.B.Prishtina ishte Xhevdet Peci dhe Aziz Salihu por Gjocaj dita-ditës bëhej pjesë e rëndësishme e klubit dhe çdo herë që shfaqej në ring ishte e vështirë për kundërshtarët. Duelet që ka pasur në karierë kanë mbetur në histori të boksit të Kosovës dhe përmenden ende duke e përkujtuar nostaligjinë e adhuruesve të boksit.



Ai mposhti boksier me namë të asaj kohe, si Andricin nga Gosha e Smedrevska Palanka me KO, Ratko Drashkovicin me KO i cili bëri një karierë të sukseshme edhe si profesionist. Përndryshe Drashkovic ka boksuar me ish-kampionin europian Sinan Samil Sam. Një e dhënë interesante është se Gjocaj gjatë duelit që ka pasur me Drashkovicin ia kishte thyer nofullën dhe ishte nxjerur me lese nga ringu. Lufta më e rëndësishme në karieren e tij ishte ku ai duhej të boksonte me Zoran Millutinovic-in e Beogradit. Kjo luftë ishte mjaft interesant dhe ishte luftë që thuhet në zhargonin sportiv "Të jesh apo të mos jesh" sepse ishte lufta e cila përcaktonte titullin e ish-Jugosllavisë. Gjocaj i patrembur hyri në ring dhe fitoi, kështu i sjelli K.B.Prishtina titullin e pestë në ish-Jugosllavi. Njëherit ky është titulli i fundit për K.B.Prishtina në ish-Jugosllavi. Lufta e tij e fundit në petkun e K.B.Prishina ishte me 1985 me Budimir Rozicin nga Buducnosti për të kalur më pas në Zvicër.



Ai ishte perspektiva e Kosovës dhe së bashku me boksieret e tjerë të talentuar si Nysret Rexhepi, Afrim Majanci, Fatmir Makolli që pritej të vazhdohet suksesi edhe më i madh në të ardhmen, mirpo ishte politika e cila e shtyri Muharrem Gjocaj e shumë boksier të Kosovës t`a braktisin vendlindjen për të gjetur një të ardhme më të mirë në shtetet perendimore.

Me 1987-1988 bëhet anëtar i K.B. Ascona. Menjëherë shifet talenti i tij dhe merr thirrjen nga përzgjedhësi i Zvicrës. Në këto vite sjell dy herë medalje të argjenda nga Laboul e Francës për Zvicrën.


Suksest nuk kishin të ndalur për të, duke qenë i pakonkurrencë, katër herë kampion i Zvicrës në vitet 1987-88-89-90. Ka boksuar me legjendën e boksit Arnold Vanderlyde i cili ka qenë tre herë kampion Europian dhe një herë nënkampion botërorë. Gjocaj kishte humbur nga Vanderlyde me anë të pikëve, mirpo të rallë ishin ata që i kishin rezistuar boksierit holandez. Vanderlyde ka vetem disa humbje dhe ato kanë qenë të ralla, një ndër to janë nga Felix Savon dhe Ray Mercer të dy legjenda të boksit bashkohor.


Në vitin 1991 karieren e vazhdon në Kick-box amator. Me 1994 fiton medaljen e argjendë në Finlandë në kampionatin botërorë. Po në këtë vit i jep fund karierës së tij në sportet luftarake pas 15 viteve në ringje të ndryshme.


Me 1995 fillon shkollimin për zejen e trajnerit të boksit duke u licencuar si trajner. Punon si trajner në K.B. Riazzina, Tisino në Zvicër.



Rekordet e Muharrem Gjocaj:

1980 - Kampion i Kosovës për Junior
1983 - Nënkampion i ish-Jugosllavisë për junior
1984 - Fitues i turneut ndërkombëtar Golden Gong në Shkup
1985 - Kampion i Jugosllavisë me ekipin e K.B.Prishtina
1987 - deri 1990 - Kampion i Zvicrës
1994 - Nënkampion botërorë në kick-box amator

http://www.albanianboxing.com/legjendat/muharrem-gjocaj.html

[DYDRINAS]

Tranjeri i famshem i Prishtines dhe i perfaqesueses se ish-Jugosllavise, Lah Nimani

Lah Nimani u lind me 15 Shtator 1939 në fshatin Kostërc, Skenderaj. Shkollën fillore e kreu në vendlindje ndërsa atë të mesme në Prishtinë (Shkolla normale) për të vazhduar studimet në Beograd (Fakuleti i Edukatës Fizike ). Gjatë studimeve në Beograd ai kishte fatin të punonte me një profesor të zotin i cili e mësoj shumë gjëra të sporteve luftarake dhe këtë Lahu e shfrytëzoi mjaft mire dhe sjelli mësimin a atjeshëm në vendin tonë çka nuk e kishte bërë asnjë shqiptar më pare.

Fillimisht Lah Nimani të cilët të gjithë e kishin njohur me nofkën “BACA LAH” pas diplomimit ishte punësuar si Arsimtar i edukatës fizike në qytetin e Mitrovicës. Pas një kohe fillon të punoj në klubin e boksit “Akumulatori “ ku ishte edhe zanafilla e parë për boksin e atëhershëm. Pas suksesit që kishte me ekipin Akumulatori ekipi i boksit Prishtina kishte filluar t`a gjurmonte dhe në mes të stinorit 1973-74 baca Lah transferohet në ekipin e Prishtinës. Ekipi i Prishtinës kishte boksier të shkëlqyer mirpo i mungonte një strateg i cili do të arrinte suksese me ta. Prishtina u bë ekip me nam jo vetem në Kosovë por edhe në tërë ish-Jugosllavinë. Boksieret si Nazif Gashi, Bajram Hashani, Mehmet Bogujevci, Xhevdet Peci, Aziz Salihu, e shumë tjerë filluan që popullit tone t`ju sjellin medalje krejt këto falë punës së palodhshme të Lah Nimanit.

Lah Nimani fitoi çdo gjë në boksin amator duke fituar pesë here titullin e ish-Jugosllavisë, gjashtë herë nënkampion i ish-Jugosllavisë dhe tre here vendin e tretë në ish- Jugosllavi. Ai përgaditi për katër herë boksier për Lojrat Olimpike (1976,1980,1984,1988). Baca Lah ka edhe medaljen e artë në Lojrat Olimpike si trainer në Moscow (1980) të Rusisë me boksierin serb, Sllobodan Kacar, çka asnjë shqiptar deri më sot nuk ka sjell medalje të artë. Për Lah Nimanin të flasim na duhen ditë dhe muaj të tërë por është ky njeri i cili tashmë është legjendë dhe puna e tij sdo të harrohet kurrë, sepse janë gjeneratat të cilit brez pas brezi do të mësojnë për të. Edhe boksieret tanë shqiptar që e mbrojnë identitetin tone kombëtar dhe me namë si Luan Krasniqi, Elvir Muriqi etj, u mbetet pikë në zemer se do të arritnin më shumë në boksin amator dhe profesionist po të kishin punuar me profesorin e boksit Lah Nimani.

Në vitin 1998 Lah Nimani shkoj ta vizitonte të birin në Oklahoma të Amerikës, atëhere filloj lufta në Kosovë dhe u emigrua kështu në SHBA.

Me datën 21.02.2008 trajneri Legjendar Shqiptarë Lah Nimani vdiq pas një sëmundje të shkurtë në Amerikë, ndërsa me 2 Mars 2008 u varros në vëndlindje

http://www.albanianboxing.com/legjendat/lah-nimani.html