Boksi ne Kosove

[DYDRINAS]

Azis Salihu

[DYDRINAS]

[DYDRINAS]

Afrim Majanci

[DYDRINAS]

Prej kesaj gjenerate boksieresh te famshem eshte e veshtire te veçosh dike, mirepo ne tifozet e boksit te Kosoves ne Shqiperi kemi patur adhurim per Xhevdet Pecin.

Sikur trajneri Nimani te kishte arritur ta kontrollonte me mire ate nga ana emocionale, Peci do te kishte qene nje kampion bote i padiskutueshem.

Ai ka qene nje luan ne ring!

Permes televizionit te Prishtines, ne kemi ndjekur çdo ndeshje te ekipit Prishtina ne kampionatin e ish-Jugosllavise dhe kemi ndare me bashke me to (ndonese ne mes na ndante kufiri i zi) emocionet, gezimet, hidherimet, fitoret, humbjet.

Ka qene nje gjenerate e tere sportive qe na ka mbushur me krenari!

[DYDRINAS]

Fatmir Makolli

Fatmir Makolli u lind me 9. Shtator 1964 në Prishtinë. Me boks filloi të mirret nga viti 1978 në K.B. Prishtina. Talenti e Makollit u vrejt nga trainerë të njohur si Shefki Bugujevci dhe Branko Dragishic të cilët punonin në atë kohë me grupmosha të reja. Fatmir Makolli shumë shpejt hyri në ekipin e pare të K.B.Prishtinës duke u bërë pjesë e rëndësishme e ekipit të Lah Nimanit. Makolli shumë shpejt u bë i njohur për opinionin sportdashës së boksit ku fitoi mjaft simpati në tërë Kosovën. Shumica e sportdashësve menodojnë se Makolli la boksin dhe kaloj në karate por, jo. Fatmir Makolli mbetet orgjinalitet në vete dhe ka jetuar për 17-vite në shtetet perendimore. Pra Makolli mbetet njëri ndër talentet më të mëdhenjë të boksit që ka patur Kosova, por regjimi serb ndërpret aktivitetet sportive për Shqiptarë dhe sikur shumica e sportistëve kosovar edhe Makolli mori rrugën e migrimit. Për Makollin kemi për të folur shumë sepse sukseset e këtij boksieri nuk munguan.


Në vitin 1983 në një turne botërorë që mbahej në Beograd, aty ishte prezent menagjeri i njohur amerikan i ish legjendës të famëshmit Muhamed Ali, Angelo Donald. Atij i ra në sy talenti i Fatmir Makollit dhe ishte mjaft i interesuar për të. Makolli ishte ende pa i bushur të 20-at dhe Donald ishte mjaft i interesuar për te, por regjimi serb i asaj kohe nuk lejoi që të kontaktoj drejtëpërdrejt Makollin dhe këtë e kishte kuptuar shumë vite më pas vet Makolli.

Nga vitet 1985 e më tutje Makolli u bë pjesë e rëndësishme e klubit dhe boksit kosovar ku në vitin 1985 humb në gjysëm finale të kampionatit të ish-Jugosllavisë dhe po ashtu në vitin 1986 diskualifikohet padrejtësisht për të mos fituar titullin. Vitet sa vinin dhe shtoheshin dhe gjithënjë bëhej ma e vështirë për Shqiptarët e Kosovës.

Në vitin 1986 mbahet për here të parë një kampionat i boksit Ballkanikë në Kosovë. Populli i Kosovës jetonte për këtë ngjarje, sepse kishte vite me radhë që K.B. Prishtina fitonte tituj në ish-Jugosllavi. Makolli fiton vendin e parë në kategorinë gjysëm të rëndë (medaljen e artë). Pasi që tashmë Makolli ishte edhe reprezentues i rregullt i ish-Jugosllavisë ai merr ftesën edhe për ta përfaqësuar reprezentacionin e Europës.



Në vitin 1987 në Lojrat Mediterane që mbaheshin në Lataki të Sirisë, Makolli fiton vendin e dytë (medalja e argjent). Pasi që tashmë Makolli ishte pjesë e reprezentacionit të Europës ai po këtë vit kishte fatin të takohet me Koreanin Park Si-Hun në fazën e parë të kualifikimeve të kontinenteve. Makolli e dërmoj duke i dhënë tre knock-down radhazi deri sa referi ndaloj match-in. Eshtë interesant se një vit më vonë Park Si-Hun fitoi medaljen olimpike në Seul të Koresë duke fituar të madhin Roy Jones Junior. Europa kualifikohet për në finale të kontinenteve, dhe finalja mbahej në Las Vegas mes Amerikës dhe Europës. Këtë here Fatmir Makolli takohet me Roy Jones Junior dhe pëson aksident në round të dytë pasi që Roy Jones aksidentalisht godet Makollin dhe ja qkyn buzën e eperme. Për Makollin finalja kishte mbaruar por shuhet edhe ëndra për pjesëmarrje në Lojrat Olimpike në Seul 1988. Makolli nderohet me mirënjohje dhe medalje nderi nga kampionati i kontinenteve. Pas një viti e gjysmë pushimi Makolli merr pjesë në kampionatin Europian në Athinë të Greqisë, duke fituar vendin e pestë. Në këtë kampionat vlen të përmendet se e kishte mposhtur legjenden e boksit Gjerman, Sven Ottke. Po në këtë konkurrencë ishte edhe legjenda Henry Maske i cili fitoj medaljen a artë.



Makolli mbaron karieren e boksit në vitin 1989 pasi që për Shqiptarët e Kosovës nuk kishte më perspektivë.

Makolli ka zhvilluar rreth 250 luftra amatore ku ka shënuar afër 230 fitore (100 me Knock-Out dhe mbetet boksieri i dytë mbas Xhevdet Pecit që ka për afërsisht aq shumë KO) karshi 20 humbjeve.

Publiku Shqiptarë do të perkujtojë me nostalogji match-et e Makollit kundër Trajkovski ku para 5000 shikuesve në palestrën e sporteve në Prishtinë ka mposhur Trajkovski-n me një dorë pasi që tjetrene kishte të thyer. Pastaj fitorja ndaj ish-kampionit të shumëfisht të ish-Jugosllavisë, Dragan Mugosha në Podgoricë të Malit të Zi, si dhe ndaj Park Si-Hun dhe matchit me Roy Jones Junior.





Rekordet e Fatmir Makollit:


1985 - Një here kampion i ish-Jugosllavisë në konkurrencën ekipore

1986 – Kampion Ballkanikë në Prishtinë, Kosovë (medalja e artë)

1987 – Vendi i dytë në Lojrat Mediterane në Lataki, Siri (medalja e argjent) & sportisti i vitit

1987 - Vendi i tretë në kupen Botërore në Beograd

1987 - Sportisit i vitit në Kosovë

1988 – Vendi i tretë në kampionatin e kontinenteve në Las Vegas, SHBA (medalja e bronzt dhe nderohet me medalje nderi dhe me mirënjohje)

1989 – I pesti në kampionatin Europian në Athinë, Greqi

1989 - Në Ranglisten Botërore zyri vendin e tretë shpesh here ne periudhën 1984 - 1989

http://www.albanianboxing.com/legjendat/fatmir-makolli.html

[DYDRINAS]

Xhevdet Peci

Xhevdet Peci u lind me 17 Prill 1955 në fshatin Zhazhë të Mitrovicës. Me boks filloi të mirret si 16 vjeçar në klubin e boksit "Akumulatori" të Mitrovicës. Talenti i tij, goditja e fortë e këtij fenomeni e bëri një boksier në peshat e rënda që se kishte Kosova deri më atëhere. Me të punonte traineri ynë legjendar Lah Nimani i cili parashikoj një të ardhme të ndritëshme te ky djalosh i urtë dhe punëtor. Në gjysëm sezonen e vitit 1973-1974, Xhevdet Peci dhe Lah Nimani kalojnë s`bashku në K.B.Prishtina si përforcime mjaft të qëlluara të asaj kohe.

Xhevdet Peci me të ardhur në K.B.Prishtina fitoj mjaft simpati. Publiku ishte i fascionuar me talentin e tij, atë filluan ta thërrasin “KNOCK OUT” artist, sepse të rallë ishin ata që i qëndronin Pecit më shumë se një raund. Tërë Pallati i rinisë dhe Sportit në Prishtinë pritnin match-in e fundit (kryesor të mbrëmjes) ku Peci gjithëmonë sjellte shllagun në torte si e quajnë kategorinë e rëndë në zhargonin boksiv.

Xhevdet Peci nga viti 1975 deri 1983 arriti ti fitoj pesë tituj ne konkurrencën ekipore dhe katër tituj në konkurrencën individuale në ish-Jugosllavi. Po në këto vitë Peci arriti të fitoj edhe dy kampionate Ballkanike. Peci për pesë vite me radhë ishte boksieri që nuk kishte humbur asnjë match. Me 1983 dërgohet në Radniçki të Beogradit si huazim për ta shpëtuar nga rrënja e ligës. Pas katër mujave Peci vendos të kthehet në folen e vjeter dhe bokson deri më vitin 1986 ku në Podgoricë të Malit të Zi pas një padrejtësie nga referi Serb ndaj tij e detyron Pecin që ta knock out-oj referin në Ring dhe këtu Pecit i ndalohet boksimi përjetësisht dhe K.B.Prishtina dërgohet në ligën e dytë.


Rekordet e Xhevdet Pecit:
(1975 – 1983) – Katër here kampion i ish-Jugosllavisë në konkurencën individuale
(1975 – 1983) – Pesë here kampion i ish-Jugosllavisë në konkurrencen ekipore
(1978) - Kampion Ballkanikë
(1981) - Kampion Ballkanikë për herë të dytë
(1999 - deri me sot ) - kryetar e këshilit profesional së federatës boksit të Kosovës
(2000) - Qyteti i Mitrovicë-s e zgjedh sportistin e shekullit

http://www.albanianboxing.com/legjendat/xhevdet-peci.html

[DYDRINAS]

Azis Salihu

Aziz Salihu u lind me 1 Maj 1954 në fshatin Banullë, Lypijan. Azizi me boks filloi të merret nga mosha 15 vjeçare. Ai hapat e parë të boksit i mësoi në klubin e boksit Liria në Shkup. Në vitin 1970 ftohet nga traineri i famëshëm Zivko Doboskog për inkuadrim në ekipin e pare. Azizi edhe pse u aktivizua shumë i ri me 16-vjet arsyetoi vlerësimin e trainerit Duboskog duke fituar titullin e pare në ish-Jugosllavi për junior. Këtë sukses Azizi arriti t`a përsërit edhe një vit më vonë. Pas një suksesi mjaft të mirë si junior dhe talentit të treguar Azizi kalon në Svetozarev të Jagodinës në klubin Kabllov. Atje qëndron deri në vitin 1977 k`u pastaj kalon në K.B.Prishtina me të cilën edhe arrit të gjitha deri në përfundim të karrieres me 1990. Për Aziz Salihu-n kemi mjaft për të folur vetëm se nuk do të ndalemi në detale por do të tregojmë drejtpërdrejt rekordet e tij.



Rekordet e Aziz Salihut:


1970 - Kampion i ish-Jugosllavisë për junior,

1971 - Kampion i ish-Jugosllavisë për junior ( për here të dytë radhazi ),

1972 - 1990, Tetë here kampion i ish-Jugosllavisë në konkurrencën individuale,

1980 - Fitues i turneut të Beogradit, 1980 - Pjesëmares në Lojrat Olimpike në Moscow, Rusi,

1981 - Vendi i tretë në kampionatin Europian në Tempore, Finlandë (medalja e bronzt),

1981 - Kampion Ballkanikë në Pullë, Kroaci (medalja e artë),

1982 - Kampion Ballkanikë në Bursë, Turqi për here të dytë (medalja e artë),

1984 - Fitues i dorëzës së artë në Beograd,

1984 - Fitues i turneut ndërkombëtar në Bengazi, Libi (medalja e artë),

1984 - Vendi i tretë në Lojrat Olimpike në Los Angelos, SHBA (medalja e bronzt),

1985 - I treti në kampionatin Europian në Budapest, Hungari (medalja e bronzt),

1986 - Kampion Ballkanikë në Prishtinë, Kosovë,

1987 - Kampion në Lojrat Mediterane në LLataki, Siri (medalja e artë),

1988 - Pjesëmarrës në Lojrat Olimpike në Seul, Korea Jugore për here të tretë.




Duelet e Aziz Salihut do të mbeten nostalogji për të gjithë dashamirët e boksit. Ka zhvilluar afër 500 lufta ku shumicën e tyre i ka fituar.



Disa kundërshtar të Azizit:


Ka fituar boksierin me renome botërore Jakupinin ne finalen e turneut të Beogradit (1980). Prap në finale të turneut të dorëzës se artë në Beograd në vitit (1984) e mposht ish-kampionin botërorë nga Rusia, Abagian. Ka fituar kampionin botërorë në amatorizëm dhe profesionalizëm Francesko Damian në turneun ndërkombëtar në Bengazi të Libisë në vitin (1984). Ka fituar nga Tony Berton, Graig Page, Marvin Fraizer (djali i George Fraizer). Ka humbur nga kampioni Olimpik dhe botërorë në amatorizëm dhe profesionalizëm Tyrrell Biggs tre here i cili ka mposhtur në kualifikime të Lojrave Olimpike të madhin Mike Tyson i cili pastaj ka mposhtur Biggs-in dy here në profesionalizëm. Dhe ka humbur nga ish kampioni botërorë në amatorizëm nga rusi Zaev.

http://www.albanianboxing.com/legjendat/aziz-salihu.html

[DYDRINAS]

Mehmet Bogujevci

Mehmet Bogujevci u lind me 3. Maj 1951 në fshatin Bresje, Fushë Kosovë. Me boks filloi të mirret me 1966 në klubin e boksit Spartak të Suboticës. Traineri i parë i tij ishte Stefan Engelbrecht i cili i ndihmoi mjaft në ngritjen e një boksieri aq të madh. Mehmeti filloi në kategorinë pendel ku pesha e tij ishte 48 kg. Për katër vite boksoi në Spartak të Suboticës për të kaluar më vonë te K.B.Prishtina me 1970. Për 13 vite sa boksoi te K.B.Prishtina ishte boksieri i padiskutueshëm. Me 1968 fiton titullin e ma të mirit në ish-Jugosllavi për junior (pesha 48 kg). Këtë sukses e përsërit një vit më vonë por kësaj here (pesha 51 kg). Po këtë vit kalon në konkurrencën e seniorëve ku në vitin parë ishte i treti në ish-Jugosllavi.

Në vitet 1970 deri 1976, Mehmeti ishte katër herë nënkampion i ish-jugosllavisë, duke e vjedhur disa here në duelet e drejtëpërdrejta vjedhet për të mos lejuar të fiton titullin e asaj kohe. Mehmeti ia arrin titullin e parë në ish-Jugosllavi në vitin 1977. Po këtë vit fiton (medaljen e bronzt) në kampionatin Europian në Halle, të Gjermanisë. Në vitin 1978 në Beograd mbahet kampionati botërorë ku Mehmeti edhe një here tregon shkathësitë e një boksieri të veqantë duke fituar vendin e dytë (medalja e argjentë). Sukseset s`kishin të ndalur për këtë boksier ku përsëri me 1979 në Split të Kroacisë fiton (medaljen e artë) në lojrat Mediterane. Në vitin 1980 me trainerin tonë legjendar Lah Nimani i cili në atë kohë ishte përzgjedhes i ish-Jugosllavisë, fitoi vendin e pestë në Lojrat Olimpike në Moscow, Rusi.

Në vitin 1983 mbaron karrieren amatore të boksit në K.B.Prishtina.

Rekordet e Mehmet Bogujevci-t:

(1968 - 1969) - Dy herë kampion i ish-Jugosllavisë për junior në konkurrencën individuale,
(1970 - 1976) - këtyre viteve ishte katër here nënkampion i ish-Jugosllavisë në konkurrencën individuale,
(1977) - kampion i ish-Jugosllavisë në konkurrencën individuale,
(1970 - 1983) - pesë herë kampion e ish-Jugosllavisë me K.B.Prishtina në konkurrencën ekipore,
(1977) - Fitues i turneut ndërkombtar në Shtrangjat - Sofia, Bullgari,
(1977) - i treti në kampionatin Europian në Halle, Gjermani,
(1977) - Sportist i vitit në Kosovë i shpallur nga e përditshmja "RILINDA",
(1978) - i dyti në kampionatin Botërorë në Beograd, ish-Jugosllavi,
(1978) - Sportis i vitit në Kosovë për herë të dytë nga e përditshmja "RILINDA",
(1979) - kampion i Lojrave Mediterane në Split, Kroaci,
(1979) - Sportist i vitit në Kosovë për herë të tretë me radhë nga e përditshmja "RILINDJA",
(1980) - i pesti në Lojrat Olimpike në Moscow, Rusi,
(1999) - akoma) - Sekretar i Federatës së Boksit të Kosovës

http://www.albanianboxing.com/legjendat/mehmet-bogujevci.html

[DYDRINAS]

Afrim Majanci

Afrim Majanci u lind me 29 Shtator 1962 në Prishtinë. Hapat e parë i mori në ekpin e K.B.Prishtina te traineri Branko Dragishiq i cili e ndihmoi mjaft në ngritjen e tij. Në vitin 1981 inkuadrohet në ekipin e parë te trainerit dhe legjendës tonë Lah Nimani duke u bërë pjesë e rëndësishme e klubit Prishtina. Po në këtë vitë K.B.Prishtina shkëlqeu me performancë për reth ish-Jugosllavisë. Edhe pse ekipi ishte i përtrirë me emra të rinjë si Fatmir Makolli, Abedin Lika, dhe yjet e klubit si Nazif Gashi e Bajram Hashani kishin mbaruar karieren dhe kishte frikë se klubi nuk do të kishte gjenerat si të mëhershme, traineri ynë legjendar Lah Nimani solli freski dhe talentë tjerë.


Majanci në vitin e parë mori pjesë në kategorinë Pendel ndërsa në të dytën kaloi një kategori më lartë atë Bantam. Po në vitin e dytë arriti shumë suksese dhe klubit i sjellte pikë të shumta në çdo përballje ai pati edhe matchin final në Turneun e Beogradit ku u takua me nënkampionin botërorë të vitit 1978 Bratisllav Ristic i cili ishte edhe idol i Majancit dhe humbi me pikë nga ai nga mospërvoja e duhur. Njëherit ishte edhe matchi më i mirë në karrieren Majancit.

Afrim Majanci ishte edhe pjesë e rëndësishme e reprezentacionit të ish-Jugosllavisë dhe kishte besimin e plotë nga selektori Bruno Rastinski si dhe çdo bo-ksier tjeter Shqiptarë dhe pas largimit të tij nga selektori ishte bërë e vështirë inkuadrimi i boksierve tanë Shqiptarë në perbërjen e ish-Jugosllavisë.

Në vitin 1985 arritë deri në finale të kampionatit individual të ish-Jugosllavisë por humb nga boksieri kroat Levshic nga Pulla me vendim të padrejtë të gjyqë-tarëve, por fiton titullin në konkurrencën ekipor me K.B.Prishtina. Në vitin 1986 mbahet për herë të parë kampionati ballkanikë në Prishtinë dhe ishte diqka madhështore për popullin e Kosovës. Majanci fiton medaljen e artë në kategorinë e lehtë. Viti 1987 sjell edhe një sukses për boksierin tonë në lojrat mes-dhetare ku Majanci fiton medaljen e bronzt në Lataki të Sirisë në kategorinë e lehtë.


Në vitin 1989 sikur çdo boksier tjeter i Kosovës pasi që masat e dhunshme të Serbisë kishin ndërhyrë në sportet tona dhe nuk kishte më perspektivë Majanci merr një oferte nga Zelezniçari i Sarajevës ku bokson për një vit. Fillet e luftës sa kishin filluar atje ai vendos të kthehet në Kosovë ku fillon karieren e trai-nerit. Me 1992 fillon liga e Republikës së Kosovës dhe ishte Majanci njëri ndër inciatorët e fillimit të pamëvarsimit të boksit të Kosovës. Kampionatet mbaheshin në formë të turneve në kushte shumë të vështira nëper salla të shkollave e nëper livadhe dhe së bashku me trainerin Beqir Berisha nuk kursenin asgjë nga vetvetja deri në vitin 1998 kur edhe Kosova u përfshi e tëra në luftë. Majanci edhe pas luftës filloi punën e trainerit në K.B.Prishtina duke fituar shumë tituj në Kosovë. Në vitin 2002 zgjedhet nga federata e boksit të Kosovës trainer i vitit. Ai ka arritur të bëjë shumë boksier që kanë lënë gjurmë pas luftës në Kosovë si Faton Salihu, Besim Brahimi, Bashkim Shala, Jeton Plakaj, Ismet Dobratiqi, Ajet Zena e shumë të tjerë që pritet se njëri ndër t`a të shkëlqej edhe në profesionalizëm.


Rekordet e Afrim Majancit:

1985 - Kampion i ish-Jugosllavisë në konkurrencën ekipore
1986 - Kampion Ballkanikë në Prishtinë, Kosovë (medalja e artë)
1987 - Vendi i tretë në Lojrat Mediterane në Lataki, Siri (medalja e bronzt)
2002 - Trainer i vitit në Kosovë dhe kampion me K.B. Prishtina

http://www.albanianboxing.com/legjendat/afrim-majanci.html

[DYDRINAS]

Bajrama Hashani

Bajram Hashani u lind me 21 Gusht 1953 në Prishtinë. Me boks filloi të mirret nga mosha rinore në klubin më të madh boksiv të Kosovës (K.B.Prishtina). Në vitin 1968, Hashani arrin titullin e parë në ish-Jugosllavi në konkurrencën e juniorëve dhe merr ftesën nga përfaqsuesja e atëhershme Jugosllave ku denjësisht prezëntoi vetën në kampionatin ballkanik për të rinj, ku pastaj për shumë vite me radhë ishte i pa konkurrence në kategorinë "Welter" . Pjekuria dhe kulminacioni i Hashanit arrin në vitin 1974 ku fiton shumë turne për reth ish-Jugosllavisë. Këtë vit fiton edhe turneun e Beogradit që ishte më i madhi i asaj kohe.




Viti 1975 ishte edhe viti më i sukseshëm i Hashanit ku fitoi edhe titullin e ish-Jugosllavisë. Po këtë vit Hashani ishte edhe në kampionatin Europian në Katowice, Poloni ku Hashani ishte bindëshëm më i miri në këtë kampionat duke fituar të gjitha match-et me nga 5:0 dhe nuk e kishte humbur asnjë round deri në gjysëm finale, por fati i mungoi në gjysmë finale ku referi ndaloi match-in në round të dytë pasi që kishte qarë vetullën dhe fitorja i iku nga duart te Hungarezi Jozsef Nagy. Hashani nuk u kthye duar zbrasur, ai me vete solli medaljen e bronzt që deri më atëhere nuk kishte sjell asnjë Shqiptar medalje.



Hashani në vitet e 80-ta emigron në Shtetet e Bashkuara të Amerikës ku për destinacion

zgjedh qytetin e njohur te boksit Detroid, Michigan State për të vazhduar karrieren edhe më tutje. Në vitin 1984 fiton qmimin më të madhë në SHBA për amator atë të Golden Gloves që e kanë fituar edhe legjendat Ali, Holmes, Holyfield, De la Hoya por edhe Elvir Muriqi në vitin 1998 që është Shqiptari i dytë që ka fituar këtë qmimë prestigjioz. E vetmja dëshirë i mbetet ajo që Hashani nuk kishte arritur ta provoj veteë në profesionizëm pasi që menagjeri tij i cili i kishte premtuar Hashanit karrieren profesioniste kishte shkaktur aksident së bashku me vëllanë e vet që kishin vdekur në vend dhe pastaj e kishte shumë vështirë të filloj përsëri pasi që ishte i shtyrë në moshë për ta sprovuar vetën përsëri nga fillimi.



Në vitin 1989 dhe 1990 vazhdon shkollimin për zejen e trajnerit dhe të referit ku i përfundon me sukses të lartë. Momentalisht Bajram Hashani është duke jetuar në SHBA ku është duke e studijuar menagjimin e boksit dhe kik-boksit dhe në bisedën që kishim pas me të n`a kishte premtuar se do të kthehet së shpejti në Kosovë për të hapur një shkollë të boksit. Ai na tregoi se është duke punuar edhe si trajner në një klub boksi ku klubi tij ka kontakt me ish kampionët botërorë, Pol Remus, Thomas Hearns, promoterin Don King dha vajzen e legjendës Muhamed Ali, Laila që e ndihmojnë klubin me fondacione të ndrryshme.




Rekordet e Bajram Hashanit:


1968 - Kampion i ish-Jugosllavisë për junior,

1968 - Ftohet në reprezentacionin e ish-Jugosllavisë për junior duke qene reprezentuesi i parë Shqiptarë,

1974 - Fitues i turneut të Beograd-it,

1975 - Kampion i ish-Jugosllavisë për senior,

1975 - Vendi i tretë në kampionatin Europian në Katowice, Poloni (medalja e bronzt),

1984 - Fitues i tournamentit Amerikan - Golden Gloves (dorëza e artë),

1989 - Profesionalizon shkollimin për trainer ndërkombëtar në SHBA,

1990 - Profesionalzion shkollimin për refer ndërkombtar në SHBA.



Duhet të përmenden disa fakte për luftrat e Hashanit që mbetën për kujtim për dashamirët e boksit:


Ka fituar tre herë kundër kampionit botërorë, Rus-it (Nadirov), ka humbur nga kampioni botërorë në amatorizëm dhe profesionalizëm (Marian Benesh), ka fituar kampionin botërorë Amerikan ( Jankson), ka fituar Italianin (Bobo Marciano-n) në finalen e Golden Gloves.

http://www.albanianboxing.com/legjendat/bajram-hashani.html