Ankohen prodhuesit kosovarë: Importet nga Serbia po na marrin frymen

[Gameness]

Prodhuesit kosovarë iu ankuan Ministres së Tregtisë, Mimoza Kusari-Lila se importi nga Serbia po ua zë frymën. Në takimin që ajo e kishte organizuar për t’u shpjeguar bizneseve për masat mbrojtëse ligjore, afaristët akuzuan Qeverinë se po lejon të shkelen bizneset vendëse. Thanë se nga importi, përveç që po vijnë produkte më të lira, po importohen edhe mallra jokualitative.

“Kemi aso lloje të miellit në shitje, sa që më vjen keq që duhet ta hanë qytetarët”.

Përfaqësuesi i fabrikës së miellit “M&Sillosi”, Sead Shehu, nuk mundi të durojë pa ia thënë në sy këto fjalë ministres së Tregtisë dhe të Industrisë, Mimoza Kusari-Lila.

Në ditë vikendi, ai bashkë me shumë prodhues e importues nga të gjitha anët e Kosovës i ishte përgjigjur ftesës së ministres për të mësuar se në çfarë mënyre shteti i mbron nga konkurrenca jo e drejtë që vjen prej importit.

Por, eksperienca e tij me produktet që vijnë kryesisht nga Serbia duket se nuk ia mbushnin mendjen se Qeveria po e merr seriozisht mbrojtjen e prodhuesve vendës me Ligjin për antidamping dhe Ligjin për masat mbrojtëse në import.

Edhe pse me ligj, sipas tij, duhet të bëhen analizat e kontrollit të cilësisë, produktet e importit nuk i nënshtrohen një kontrolli të mirëfilltë që u ofrohen për konsum qytetarëve.

Megjithatë, ajo që kishte zgjedhur që një ditë para protestës së paralajmëruar për mbrojtje të prodhuesve vendës t’u tregojë bizneseve për ligjet që janë miratuar dy vjet më parë, tha se Qeveria dhe sektori privat duhet të jenë partnerë. Sipas saj, ka pasur tendenca që të politizohet çështja e prodhimtarisë vendëse me reciprocitetin.

“Qeveria e Kosovës nuk e sheh sektorin privat të fragmentuar e as të politizuar”, pohoi Kusari-Lila.

Ajo porositi afaristët që, të gjitha faktet që i kanë për rastet kur dëmtohen nga importi është më mirë t’i adresojnë në institucionet që mund t’i zgjidhin problemet. Sipas ligjit, vetë pronarët e bizneseve obligohen të raportojnë për mallrat të cilat mund të jenë të subvencionuara në vendet prej nga vijnë apo çështje të tjera që e prishin konkurrencën e drejtë.

Këtij pohimi, nuk i besuan ata që shpesh iu kishin kërkuar institucioneve të Kosovës, bazuar në këto ligje, t’i marrë në mbrojtje, e që kishin hasur në veshë të shurdhër.

“Krejt po vijnë prej Serbisë ma lirë se që po e prodhoj unë”, tregoi një prodhues i produkteve plastike nga Gjilani.

Sipas tij, është e pakuptimtë si ka mundësi që nga ky vend shiten me çmim më të ulët derisa lënda e parë për prodhimet e ngjashme blihet me çmim të bursës ndërkombëtare.

Ngjashëm tregon edhe pronari i kompanisë për prodhimin e vajit “Inter Company”, Sylejman Konushevci, i cili thotë se vaji nga Serbia në Kosovë vjen shumë më lirë se që e prodhon ai.

“Vaji prej Serbisë vjen me 75 centë për litër. Nuk ka shanse që kjo të ndodhë në asnjë vend të botës, pos në Kosovë”, thotë Konushevci.

Ai e quan absurd pasi prodhimi final nga ky vend është 20 për qind më i ulët se që atij i kushton lënda e parë për prodhim të vajit.

Për dallim nga deklaratat e këtyre prodhuesve, përfaqësuesit e tyre të Aleancës Kosovare të Biznesit dhe të Odës Ekonomike të Kosovës patën shumë fjalë të mira për punën e institucioneve të shtetit.

Kryetari i AKB-së, Agim Shahini tha se është i kënaqur që Ministria e Tregtisë dhe ministritë e tjera janë zotuar të punojnë që deri në vitin 2013 të ketë një përmirësim të ambientit për të bërë biznes, rritjes së eksportit dhe uljen e importit.

Ndërkaq, nënkryetari i OEK-ut, Refki Hoxha u mjaftua me një përshëndetje ndaj të pranishmëve, duke shpreh përkrahjen e bizneseve dhe ngritjen e bashkëpunimit me këtë ministri.

http://www.gazetaexpress.com/?cid=1,14,72119


Prodhuest thojn zi, perfaqeseuest e tyre thojn bardh.

Prodhuest konkretisht jan te ballafaquar ne terren, perfaqesuest e tyre jo.

Prodhuest, te cilt jan drejtperdrjet te implikuar ne keto dinamika politiko-ekonomike ngritin za dhe ankohen ndaj ministrise se ekonomis, perfaqesuesit e tyre jan te kenaqur me punen e ministrise.

Ministrja e ekonomise i ben thirrje prodhuesve vendor per t'i degjuar ata, dhe, pasi qe ata ja shtrojne problemin ne tryeze "Ajo porositi afaristët që, të gjitha faktet që i kanë për rastet kur dëmtohen nga importi është më mirë t’i adresojnë në institucionet që mund t’i zgjidhin problemet" Kjo e ka dmth qe Kusari-Lila nuk deshi te pergjigjet dhe, mendoj qe ka perpara kafsh e jo persona...

Perfundimisht, prodhuesit flasin per lisa, perfaqesuesit e tyre per fshisa.