Gatimet me birrë

[Fiori]

Rastësisht, pasi lexova disa diskutime tek tema "Mirësevini në kuzhinën time" mbi përdorimin e birrës në gatim, gjeta artikullin më poshtë dhe mendova ta ndaja me ata që e përdorin, dhe ata që nuk e përdorin birrën si pjesë e gatimeve të tyre.

Gatimet me birrë

Shkroi: Kevin D. Weeks për NPR
Përktheu: Fiori

Sipas një mbishkrimi hieroglif të lashtë egjiptian -“Goja e një njeriu të lumtur, është e mbushur me birrë”. Shumë prej nesh pajtohen me mendimin se pas një loje të vështirë tenisi apo pas punëve të mbasdites, nuk ka gje më të kënaqshme se sa një gotë e ftohtë me birre. Kënaqsia është e dyfishte kur je duke pirre një gotë te madhe me birre, ndërsa ushqimi që je duke ngrënë është gatuar me birrë, gjithashtu.Në fakt, mjekët e lashte egjiptianë dhe sumerianë e konsideronin gatimin me birrë një praktikë të shëndetshme.

Nuk me kujtohet kur kam gatuar për herë të parë me birrë, por mbaj mënd që kam gatuar: lepur Uellsi. Për vite me radhë kjo ishte e vetmja gjë që gatuaja me birrë, ndërsa kohët e fundit kam filluar të eksperimentoj me receta të tjera. Me verë gatuaj rregullisht, kështu mendova përse jo me birrë? E perdora fillimisht ne ushqime djegëse si dhe përdorja birrë në salcat barbecue që bëja për gatimin e filetove të gjoksit të viçit.

Edhe pse gjermanët gatuajnë ndonjëherë me birrë (biersuppe - supë me birrë - është një shembull i njohur), kuzhinat irlandeze dhe belge janë më të njohura për përdorimin e birrës si një përbërës në gatimet e kuzhinës.

Birra në vetvete është e lehtë për të bërë:Ziej një përzierje me ujë, grurë dhe ndoshta hops (lloj bime). Lëre të ftohet. Filtro grurin dhe shtoni maja. Lëreni mënjanë derisa të ndalojnë flluskat dhe pijeni.Ky është në thelb procesi i bërjes së birres. Ashtu si me gatimin e bukës, kur bëni birrë jeni duke krijuar një microfarm për majanë, dhe më pas majaja e bën të gjithë punën vetë. Me pak fjalë, ju vetëm sa i hiqni të rrëndin (5 gallona birrë peshojnë rreth 42 pounds).

Birra ka tre karakteristika që influencojnë gatimet e ndryshme. Hops shton hidhërimin, i cili kompensohet nga ëmbëlsira e maltit të grurit dhe plotësohet nga aroma e majasë. Birrat e errëta gjithashtu ofrojnë një aromë të dallueshme.

Gjallëria e birrës e bën atë një shtesë te shkëlqyer për përzjerjet e brrumta përdorur për tiganisje, i ben korret më të shijshme. Gjithashtu disa nga biskotat më të lehta që kam ngrënë ndonjëherë kanë pasur birrë si një nga përbërësit. Për shkak të hops, nq se gjatë zierjes e lini që birra të valojë dhe avulloje deri në fund, ushqimet mund të marrin shijë të hidhur. Pra, nëse përdorni birrë gjatë gatimeve në zjarr të ngadaltë, përdorni birrë të lehtë dhe të holluar me ujë ose lëng nëse është e nevojshme. Zakonisht shmangni birrat indiane për gatim sepse ato kanë një përmbajtje të lartë hops.

Për shkak të hidhërimit, birra në gatim shkon me perime të ëmbla si misri, karrotat, dhe qepët e karamelizuara. Birra, mund të përdoret ashtu si vera gjatë marinimeve të ndryshme. Unë mendoj se birra shkon shumë veçanërisht për marinimin e mishit të drerit. Gjithashtu birra mund të përdoret dhe për gatimin e ëmbëlsirave sic do shikoni dhe më poshtë.

Pra, hidh pak birrë në një tenxhere me mish ose përdor pak gjatë gatimit të një keku dhe pjesën tjetër pijeni vetë. Në fund faleminderoni Zotin për egzistencën e majasë.



Carbonadë viçi

Kjo lloj pjate vuan nga një krizë identiteti. Sepse receta në fakt është belge, ndërsa carbonade është një fjalë spanjolle. E për t’i komplikuar gjërat akoma më shumë, carbonade do të thotë "i pjekur në skarë," ndërsa kjo lloj recete duhet të zihet me lëng në zjarr të ngadaltë. Pavarësisht nga çështjet e gjuhës, carbonade është një nga recetat më të mirra me birrë. Belgët e njohin mirë birrën. Ndaj për mendimin tim birra belge është më e mira për këtë lloj recete. Gjithashtu gjatë gatimit, patatet i shtyp nga pak zakonisht në mënyrë që ta thithin mirë lëngun.

Për 8 racione
3 deri në 4 pounds viçi fileto gjoksi (hiqni yndyrën e jashtme)
Kripe dhe piper për shije
6 fije proshutë
3 qepë, të prera hollë
1 1 / 2 shishe birrë (18 ounces)
1 filxhan me lëng nga mishi i viçit
1 lugë gjelle kokra dëllinje, të grira
1 lugë gjelle salcë domate
3 deri në 4 karrota, dhe të prera
4 deri në 6 patate të ziera e të prera
1 fije dafinë

Ngrohni furrën ne 275 grade ferenheight. Filetove të mishit hidhjuni kripë dhe piper. Më pas gatuani proshutën në furrë deri sa t’i shkrijë shumica e dhjamit. Skuqini filetot e mishit në lyren që nxorri proshuta e më pas vendosini në anë për më vonë.

Skuq qepët ne nje tigan balti dhe kur të fillojnë të karamelizohen shto birrën. Ne tigan shto filetot e mishit që skuqët më lart dhe shtoni pak lëng mishi, manaferrat e dëllinjës, fletën e dafinës, proshutën dhe salcën e domates. Mbulojeni tiganin dhe vendoseni ne furre. Gatuani për gati katër orë, duke pasur parasysh që cdo gjysëm orë t’i ktheni copat e mishit nga ana tjetër si dhe shtoni ujë/lëng mishi në mënyrë që perimet të jenë gjithmonë të mbuluara.



Guinness dhe tortë me çokollatë

Birra dhe çokollata mund të duken si përbërës që nuk shkojnë me njëri tjetrin dhe ndoshta ndonjë lloj tjetër birre dhe nuk do shkonte aq shumë në kek me çokollatë, sa shkon Guinnes. Por kjo birrë është e trashë dhe bëhet me elb të pjekur, ndaj shton dhe e komplimenton shijen e çokollatës në kek.

Ka shumë receta të ngjashme me këtë tortë por unë recetën më poshtë e kam përshtatur tek receta e publikuar nga King Arthur Flower.

Për kekun
1 filxhan Guinness
1 filxhan (2 shkopinj) gjalpë pa kripë
3 / 4 filxhan kakao pluhur pa sheqer (kakao si Dutch-process, janë më naturale se kakao të tjera të procesuara të cilat kanë përbërje acide dhe shpesh nuk e lejojnë kekun të fryhet).
2 1 / 4 gota miell
2 gota sheqer
1 1 / 2 lugë sodë buke (sigurohuni që kjo është jo më shumë se 6 muaj e vjetër)
3 / 4 lugë çaji kripë
2 vezë të mëdha
2 / 3 filxhan krem kosi

Për kremin e ëmbëlsirës
8 ounces krem djathi, në temperaturën e dhomës
1 filxhan sheqer pluhur
1 / 2 filxhan krem të trashë
1 / 2 lugë çaji lëng vanilje

Nxeh furrën në 350 gradë fereinheght. Lyeni nje 9-inch tigan me gjalpë, vendos mbi të një letër pergamenë, më pas lyeni letrën me gjalpë dhe pudroseni sipër me miell.

Torta
Në një tigan hidhni birrën dhe gjalpin dhe ziejeni në zjarr të mesëm. Hidh pluhurin e kakaos pak nga pak duke përzier masën lehtë.

Në një tas të madh përzieni miellin, sheqerin, sodën e bukës dhe kripën. Në një tas tjetër, rrihni së bashku vezët dhe salcën/kremin e kosit. Kësaj mase shtojini masën e birrës dhe pluhuri të kakaos dhe përziejini. Në fund shtoni dhe masën e miellit dukë i rrahur në shpejtësi të ngadaltë.

Hidh gjithë masën në tavë/tigan dhe vendos të piqet për rreth 40min. Pasi të piqet lëreni të ftohet para se ta lëvizni nga tava.

Krem ëmbëlsirash
Rrihni së bashku kremin e djathit dhe sheqerin. Shtoni më pas kremin dhe vaniljen dhe vazhdoni përzierjen deri sa masa të jetën e një trajtshme. Kremin shtrojani përsipër kekut te ftohur.


.