Ish-Mjaft dhe ish-G99 te shnderruar ne FRESSH!

[Duaje Siveten]

Si s'u lodhe o burri dheut ,tu i bo biografine cdo njeriu anti-qeveri lol

E di kush aplikonte te njejten menyre si puna jote? Enveri. Ai ta vendoste dhe ta hiqte njollen ne biografi pa pas as me te voglen ide.

Lat nom lat. Skeni asnji ndryshim me klysht e kuq ,vetem se fshiheni nen petkun blu te pd si minj.

mos mer yahoo!, se nxenet ene shaqo bregu, si te dush brari, kinse gim dobiçi!

[DYDRINAS]

Veliaj dhe Millosheviç, te njejtat argumente kunder pavaresise se Kosoves

Shkrimi i Erion Veliajt, i cili i konsideron shqiptaret si njerez fisesh e te pacivilizuar, ka gjetur hapesire ne shume faqe proserbe si nje model i opinionit te pavarur te nje intelektuali shqiptar, i cili ka guximin te dale mbi te verteten zyrtare dhe paraqet nje opinion te pavarur te shqiptareve ndaj politikes amerikane ne rajon. Faqja me e rendesishme e lobit serb ne Amerike www.serbiana. com me qender ne Michigan, eshte nje faqe e hapur ne SHBA nga serbet pas nderhyrjes amerikane ne Kosove ne 1999. Sipas kesaj faqeje, serbiana.com eshte nje website i medias dhe lajmeve te pavarura qe i dedikohet studimeve dhe analizave te shtypit per Ballkanin. Ne kete faqe shkrimi i Velise eshte publikuar i plote dhe eshte i vetmi shkrim me autor shqiptar. Por vete Julia Gorin e ka publikuar shkrimin e Velise si dhe reagimin e tij ndaj kritikes qe shpertheu online ne Amerike kunder shkrimit te tij nga studentet shqiptare atje, pasi ishin te vetmit qe u njohen me kete fakt qe ne 2007. Lutjet e Julia Gorin drejtuar Zotit per te mbrojtur Veline dhe grupin e tij qe po ben nje pune te rendesishme ne Shqiperi ngrejne pikepyetje se çfare pune te rendesishme qe iu pelqeka serbeve dhe proserbeve kunder pavaresise se Kosoves ben Veliaj me grupin e vet? A ka lidhje kjo me historine e Erion Veliajt me organizaten e tij te pare Balkan Youth Link, zyra kryesore e te ciles ishte ne Beograd ne 2001? Ne fakt, puna e rendesishme e Veliajt ne syte e lobit serb ne SHBA lexohet qartas ne shkrimin e tij. Ne çdo rresht te ketij shkrimi ka paragrafe te plote qe çdo analist serb apo antishqiptar tjeter mund t’i marre dhe t’i perdore per qellimet e veta si reference nga Shqiperia, pasi tashme Veliaj eshte njeriu i tyre ne Shqiperi. Shkrimi i famshem i Velise godet viziten e Presidentit Bush dhe pritjen euforike te shqiptareve servile, siç i quan ai, qe po genjejne Ameriken. Gjithashtu, shkrimi eshte nje sulm i paster ndaj politikes se Klinton per bombardimet ne ish-Jugosllavi, i cili sipas Veliajt, eshte armiku kryesor i shqiptareve se mbeshteti renien e komunizmit dhe ardhjen e Berishes ne pushtet ne vitet ’90, ndersa detyroi taksapaguesit e vendeve te NATO-s te harxhojne 45 milione dollare per luften ne Kosove, te cilen Veliaj e konsideron si te panevojshme. Ky eshte nje nga argumentet kryesore me te cilat u mbrojt edhe kasapi i Ballkanit, Sllobodan Millosheviç ne Hage, i cili pretendoi se nderhyrja e Serbise ne Kosove kishte lidhje me trafikun e armeve nga Shqiperia. Me nje durim te zellshem antishqiptar, Veliaj nuk harron te skalise me te zeze edhe situaten ekonomike ne Shqiperi, duke pretenduar se kompanite e medha nderkombetare ngurojne te investojne ne ekonomine e vendit per shkak te presionit qe qeveria ushtron ndaj biznesit. Ky artikull perforcon edhe me tej faktin se interesat e kujt perfaqeson Erion Veliaj ne Shqiperi.

Beqir SINA/Fjalaelire.com

[DYDRINAS]

Rrena e madhe e Erjon Veliajt për “rrëmbimin” e Griseldës


Publikuar: 16.06.2011 - 22:19

Tiranë, 16 qershor - Rasti i Griselda Zaimit u trajtua edhe në takimin e dy delegacioneve shqiptare në Parlamentin Evropian, duke e trajtuar si një rast makabër dhe shkelje e të drejtave të njeriut. Eurodeputetja Tania Fajon e ngriti rastin e Griseldës nisur nga e-maili që kishte marrë nga sekretari organizativ i PS-së, Erion Veliaj.

“Gjendja e të drejtave të njeriut në Shqipëri është shumë e rëndë. Këtu nuk mund të lë pa përmendur rastin e kryetarit të sapozgjedhur të Bashkisë së Kavajës, gruaja e të cilit u rrëmbye nga persona ende të paidentifikuar. Unë këto që po them i kam me fakte dhe po të doni ju citoj e-mailin e socialistit Erion Veliaj lidhur me këtë ngjarje, që ka informuar jo vetëm vendet e BE-së”, mësohet të jetë shprehur Fajon para deputetëve shqiptarë, transmeton Panorama TV TCH.

Deputetja demokrate, Mesila Doda, në përgjigje të kësaj deklarate, i ka sqaruar eurodeputetes se kjo histori ka qenë një sajesë e vetë Griseldës dhe se këtë e ka pranuar edhe vetë Griselda, si dhe kryetari i Bashkisë së Kavajës.

“E nderuara, zonja Fajon, Erion Veliaj ka bërë shumë mirë që jua ka dërguar e-mailin e parë, por mendoj se duhet t’ju kishte dërguar dhjetëra e-maile të tjera, ku t’ju bënte të ditur se kjo ngjarje ishte e sajuar”, ka thënë deputetja demokrate në Parlamentin Evropian, Mesila Dode.

http://www.koha.net/index.php?page=1,14,59071

[DYDRINAS]

Islami: Shkrirja me G99, për të promovuar shpejt Erion Veliajn në drejtimin e PS-së

Si ndikon "shkrirja" PS-G99 në suksesin e së majtës... ?

Këto ditë është hedhur në tregun politik ideja e "shkrirjes" së G99 në PSSH. A është efikase nga këndvështrimi elektoral kjo "shkrirje", sepse kjo do të thotë që nuk do të ketë më një "mekanizëm special" për të tërhequr votuesit e rinj? Rezulton nga analiza "Jo". A është kjo "shkrirje" efikase përballë tendencës së kundërshtarit për të rritur numrin e aleatëve që grumbullojnë modestisht vota në "trenin e gjatë elektoral" të koalicionit të djathtë? Rezulton nga analiza, "Jo". A është kjo një lëvizje politiko-elektorale për të maksimalizuar suksesin elektoral të koalicionit të majtë? Nga analiza rezulton "Jo". Apo një zgjidhje pragmatiste individësh, e thënë më shkoqur për të futur në listën e PS dhe promovuar politikisht drejtuesin e G99? Mesa duket, "Po".

Nga të gjitha këto rezulton se kjo është një lëvizje jo efikase dhe në drejtim të papërshtatshëm nga këndvështrimi i suksesit elektoral të koalicionit të majtë. Por ky do të ishte njëkohësisht një model dështimi total, nëse shtrihet për aleatët e tjerë dhe një mollë sherri nëse i ofrohet ekskluzivisht vetëm G99. Analiza e mëposhtme dhe përfundimet përkatëse do të ishin jo vetëm për G99, por edhe për të gjithë drejtuesit e partive të vogla të majta e të djathta, apo individët e larguar nga partitë e tyre, që janë apo mund të jenë në koalicion me PS. Nëse me "trenin e gjatë elektoral" të drejtuar nga "lokomotiva" PD do të përballet "lokomotiva socialiste pa vagonë" ku do të uleshin (kjo praktikisht nuk është çështje e mbyllur dhe e sigurt, dhe pa asnjë dyshim mund ta fitonin si bonus 7-10 prej drejtuesve të partive aleate) në vendet e para "të gjithë ose disa nga ish-kryetarët e partive aleate" dështimi i koalicionit të majtë do të ishte i garantuar; ky do të ishte një skenar i gabuar dhe i dështuar për koalicionin e majtë, sepse do të çonte në "vdekjen" përfundimtare të partive të vogla, aleate të PS dhe rrudhjen e votave të ekipit të majtë.

Kjo mund të ishte normale, nëse e njëjta gjë do të ndodhte djathtas, ndërkohë që djathtas ka ndodhur dhe do të ndodhë krejtësisht e kundërta, duke u mbajtur gjallë 15 "vagonë" të vegjël që mbushen modestisht me vota. Ka dy opsione zgjidhjesh të tjera për të ndërtuar një koalicion të majtë të suksesshëm nga pikëpamja elektorale...


Tipare të sjelljes së "zgjedhësve të rinj"...

Fillimisht lehtë vërejmë se cila ka qenë sjellja e zgjedhësve të rinj në zgjedhjet e 28 qershorit 2009, sidomos e atyre që votojnë për herë të parë? Votuesit e rinj në çdo zgjedhje përbëjnë një potencial deri në 10 për qind të listës së votuesve. Partitë e mëdha tentojnë t'i tërheqin me mekanizmat e tyre rinorë klasikë (FRESH, FRPD apo LRI) por mesa duket sjellja e tyre ka mbetur tradicionale duke iu konfirmuar më shumë "votimit të familjes" por jo në kuptimin klasik të "votës familjare" kur të gjithë "votuesit e familjes në rresht votojnë sipas vendimit të të parit të shtëpisë që ka dhënë besën". Por në kuptimin që "sjellja elektorale" e të rinjve ndjek përgjithësisht "sjellje elektorale" të prindërve për shkak të efekteve të politikës në të ardhurat ekonomike të familjeve të tyre.

E vetmja parti që tentoi të tërhiqte "agresivisht" e në mënyrë ekskluzive këtë grupim ishte G99. G99 ishte pjesë e koalicionit të drejtuar nga PS. Edhe LSI ka disa vite që tenton të njëjtën gjë, të tërheqë më shumë se partitë e tjera votuesit e rinj. Një vlerësim i rezultateve nga zgjedhjet e 28 qershorit 2009 lejon të nxirren disa përfundime empirike, natyrisht jo të plota lidhur me sjelljen e "zgjedhësve që kanë votuar për herë të parë".



Rritja e votuesve 2009/2005 nga "zgjedhësit që kanë votuar për herë të parë"...
Nga të dhënat e Institutit të Statistikave rezulton rreth 300 mijë numri shtetasve me moshë 18-22 vjeç kanë qenë në listën e votuesve të zgjedhjeve të 28 qershorit 2009. Nëse bëhet supozimi se pjesëmarrja e këtij grupi moshor në zgjedhje ka qenë afërsisht e barabartë me atë të pjesës tjetër të votuesve, rezulton se kanë votuar për herë të parë në zgjedhjet e 28 qershorit 2009 mbi 150 mijë votues. Ndërkohë nga të dhënat e Komisionit Qendror të Zgjedhjeve rezulton se në vitin 2005 kanë votuar 1.366.266 zgjedhës dhe në vitin 2009 kanë votuar 1.519.176 zgjedhës ose 152.910 zgjedhës më shumë në vitin 2009 në krahasim me vitin 2005 që koincidon me shifrën e votuesve që kanë votuar për herë të parë. Pra mund të nxirret në mënyrë empirike përfundimi i përafërt se rritja e pjesëmarrjes në zgjedhjet e 28 qershorit 2009 krahasuar me atë të vitit 2005 ka ardhur kryesisht nga "futja" në sistem e zgjedhësve që votojnë për herë të parë.


Ende 97 për qind e zgjedhësve të rinj votojnë tradicionalisht...

Në zgjedhjet e 28 qershorit 2009 partia kryesore që kishte një objektiv të qartë të tërhiqte zgjedhësit që votonin për herë të parë ishte G99. G99 grumbulloi vetëm 12.989 vota, ose 0.86 për qind të votave në shkallë kombëtare, duke mos mundur të siguronte asnjë deputet. Nëse bëhet supozimi se kanë votuar për G99 vetëm ata që kanë votuar për herë të parë rezulton se G99 ka mundur të grumbullojë vetëm rreth 4.2 për qind të numrit të votuesve potenciale që mund të votonin për herë të parë ose afërsisht një të njëzetepestën e këtyre votuesve. Ky natyrisht është tavani në përqindje sepse mundet që për G99 të kenë votuar edhe votues të tjerë, të rinj ose jo, me moshë më të lartë sesa 21 vjeç, pra që kanë qenë në listat e votuesve të zgjedhjeve të mëparshme të përgjithshme. Po të kihet parasysh se votat e fituara në Berat (Kuçove) nuk kanë të bëjnë shumë me të rinjtë që kanë votuar për herë të parë, përqindja e fituar nga G99 rezulton 3.2 për qind e numrit të votuesve potenciale që mund të votonin për herë të parë ose rreth një e tridhjeta e këtyre votuesve. Ndërkohë rreth 96-97 për qind e këtyre votuesve të rinj ose nuk kanë ardhur të votojnë ose janë tërhequr nga të gjithë partitë "tradicionale" duke përbërë një "rezervuar" të fuqishëm për partitë që kërkojnë të jenë më afër të rinjve.

Zgjedhësit që kanë votuar për herë të parë pa ndikim në mandatet kuvendore..
E vetmja parti që tentoi të kthente në mandate kuvendore votat e zgjedhësve që kanë votuar për herë të parë mund të thuhet se ishte G99. Por kjo gjë nuk ndodhi sepse G99 përveç qarkut të Beratit ku mori rreth 4 për qind të votave në të 11 qarqet e tjerë nuk e kaloi kufirin e 0.9 për qind të votave, sasi shumë larg pragut të nevojshëm për të siguruar të paktën një mandat kuvendor.

Natyrisht arsyet janë të shumta. Ato lidhen kryesisht me i ) orientimin "ideologjik" të G99 shumë të afërt me PSSH, ii) mungesën e një strategjie të qartë për të kthyer votat në mandate kryesisht përmes përqendrimit të vëmendjes në qarqet kryesore, iii) mungesën e një programi dhe ekipi specifik e tërheqës vetëm për votuesit e rinj; iv) njësimin në sytë e votuesve e drejtuesit të G99 me drejtuesin e PSSH; v) me "luftën radikale" të G99 ndaj LSI për interesa elektorale jo direkte të saj, por për interesa indirekte elektorale të PSSH, vi) vështirësitë e sistemit zgjedhor, vi) mungesën e një strukture organizative, e tjerë e tjerë.

Rezultatet sipas qarqeve nuk ishin aspak pozitive. Konkretisht: A) kanë kontribuar me rreth 65 për qind të votave të G99 katër qarqet e Beratit (26 % e të gjithë votave të G99), Tiranës (20 %), Fierit e Elbasanit (9 %); B) më keq u paraqiten katër qarqet në veri, Kukësi (102 vota ose 0.2 %), Dibra (340 vota ose 0.5 %), Lezha (368 vota ose 0.5 %) dhe Shkodra (564 vota ose 0.5 %); C) në jug qarqet me më pak vota ishin Gjirokastra (670 vota ose 1.3 %), Korça (909 vota ose 0.7 %) dhe Vlora (979 vota ose 0.9 %); D) në Durrës, G99 grumbulloi vetëm 979 vota ose 0.6 %; E) G99 grumbulloi mbi 1000 vota në Elbasan (1173 vota ose 0.8 %), Fier (1209 vota ose 0.7 %), Tiranë (2582 vota ose 0.7 %) dhe Berat (3324 vota ose 4.1 %); F) G99 grumbulloi më shumë vota në qarkun e Beratit rreth 3300 vota ose rreth 4.1 %.

Duhet shënuar se në krye të listës së G99 për qarkun e Beratit ka qenë një ish deputet i PSSH me prejardhje nga biznesi, i cili rezulton të ketë grumbulluar në një qark mesatar (me 8 deputet&eumlsmiley mbi një të katërtën e votave të G99 në të gjithë vendin. G99 nuk ka fituar asnjë mandat dhe relativisht më afër për të fituar një mandat ka qenë në qarkun e Beratit. Votat e fituara nga G99 nuk kanë ndikuar në pothuajse asnjë nga qarqet në rritjen e mandateve të koalicionit BPN të drejtuar nga PSSH. Bile në qarkun e Beratit ku G99 ka rezultatin më të lartë konkurrimi me "rezonancë destruktive" midis PSSH dhe G99 mund të interpretohet si shkak i mosfitimit të mandatit të pestë nga koalicioni i drejtuar nga PSSH.


Përfundimi i parë për "shkrirjen" PS-G99...

Nga një vështrim i parë dhe i shpejtë rezulton se i ) G99 ka pasur një strategji të shpallur (por jo të realizuar) për të tërhequr zgjedhësit që votojnë për herë të parë, por kjo nuk ka qenë shumë rezultative, me shumë gjasa edhe ky grup votuesish në masën 96-97 për qind ka ndjekur në pjesëmarrje e votim pothuajse tendencën e grupimeve të tjera, ii) si pjesëtare e Koalicionit Bashkimi për Ndryshim, G99, me 12989 vota, është renditur forca e katërt në këtë koalicion me 5 parti duke lënë pas vetëm partinë PDS që ka fituar vetëm 10395 vota.

Kurse nga 35 parti politike G99 është renditur në vendin e 9 pas PSSH, PD, LSI, PR, PSD, PBDNj, PDI dhe PDK; iii) G99 nuk ka mundur të sigurojë asnjë mandat nga votuesit e rinj. Kjo sepse G99 nuk ka pasur një strategji elektorale për të përqendruar në mënyrë selektive forcat në ato qarqe ku shanset mund të ishin më të mëdha për të përkthyer votat në mandate; iv) Votat e votuesve të rinj të grumbulluara nga G99 në 12 qarqet nuk kanë ndikuar në rritjen e mandateve të koalicionit të majtë; mund të thuhet se vetëm në një rast, në qarkun e Beratit, për shkak të "konkurrimit problematik midis PS e G99" nuk është fituar mandati i pestë. G99 synoi më shumë të godiste LSI e cila ishte një parti që synonte po ashtu grumbullimin e votave nga zgjedhësit që votonin për herë të parë dhe që drejtonte një koalicion në përballje të fuqishme me koalicionin e drejtuar nga PSSH sesa të fitonte mandate.

Duke u "shkrirë" në PSSH performanca elektorale e G99 të futur nën sqetullën e PS do të jetë më e ulët dhe për shkak të "shkrirjes", G99 do të sjellë më pak vota nga votuesit e rinj në koalicionin e majtë sesa sillte kur konkurronte më vete. Ky skenar i testuar pjesërisht në zgjedhjet e 2009 tregoi se "treni i gjatë i koalicionit të djathtë" duhet konkurruar po me "tren të gjatë të koalicionit të majtë" kurse "shkrirja" PS-G99 është një veprim në drejtimin e kundërt, një veprim që e shkurton më tej "trenin e shkurtër të koalicionit të majtë" deri në kufijtë e "lokomotivës së kryetarëve pa asnjë vagon" nëse ky skenar shtrihet për të gjitha partitë e majta e të djathta, aleate të PS.

Të zvogëlosh numrin e partive aleate përballë kundërshtarit me shumë aleatë që tenton ta rrisë numrin e aleatëve është vetëvrasëse. Arsyeja e vetme është garantimi i plotë i individëve-kryetarë për t'u zgjedhur deputetë me koston e i ) vdekjes së partive aleate dhe ii) uljes së mëtejshme të sasisë së votave të koalicionit të majtë. Në rastin e G99 "shkrirja" ka realisht për synim kryesor promovimin e shpejtë të Erjon Veliajt nga Edi Rama brenda hierarkisë së PSSH.


Përfundimi i dytë për strategjinë e koalicionit të majtë...

Nëse modeli i "shkrirjes" PS-G99 do të shtrihet edhe për PSD, PDS, PBDNj, PLD, PDK dhe disa individë të tjerë (pra në total rreth 7-10 drejtues aleatë/individë do të futen në listën e PS në pjesën e sigurt për të fituar) atëherë mundet që dizavantazhet që vijnë nga "shkrirja PS-G99" të shumëfishohen progresivisht. Aleatët e vegjël të PS ndodhen midis dy dilemave 1) ose të kërkojnë ndryshimin e sistemit zgjedhor për të pasur garanci të plotë për fitimin e mandateve prej tyre (këtë garanci do t'ia jepte ligji) ose 2) të kërkojnë një marrëveshje me Ramën për tu futur në pjesën e sigurt të listës së PS me koston e "vdekjes" së partive të tyre (kjo lloj "marrëveshje" nuk ka shumë garanci të mbahet).

Disa përfundime do të nxirreshin nëse do të shtrihej modeli i "shkrirjes PS-G99" për aleatët e tjerë: i ) zvogëlimi i numrit të aleatëve është një taktikë e gabuar dhe me pasoja elektorale negative për ekipin e majtë përballë taktikës së PD për të rritur numrin e partive aleate në ekipin e djathtë; ii) duhet thënë haptas se kjo taktikë e gabuar elektorale është thjesht një lëvizje për të futur në listën e PS një ose disa personazhe politike me koston e eliminimit të partisë përkatëse. Më konkretisht nëse "modeli i shkrirjes PS-G99" shtrihet edhe për aleatët e tjerë të majtë atëherë a) shuma e votave të koalicionit të majtë do të zvogëlohet ndjeshëm, b) partitë aleate do të zhduken; c) grupi parlamentar i PS do të zvogëlohet në numër (me aq vende sa do tu lihen drejtuesve të aleatëve në pjesën e sigurt të listës së PS, pra me rreth 7-10 deputetësmiley; maxhoranca qeverisëse dhe ndërtimi i Qeverisë do të mbetej kryesisht në dorën e të gjithë këtyre drejtuesve të partive aleate.

Nëse modeli i "shkrirjes PS-G99" mbetet ekskluziv, pra vetëm për G99 atëherë a) ajo parti aleate që kandidon e vetme nuk ka asnjë shans të fitojë mandat pa ndryshuar sistemin; b) drejtuesit e partive aleate që nuk futen në listën e PS (ashtu si drejtuesi i G99) do ta ndjenin veten të tradhtuar (nëse një gjë e tillë ju është premtuar) dhe mund të reagonin shumë negativisht në momentin kur do ta merrnin vesh një gjë të tillë. Ka edhe dy mundësi që mund dhe duhet të elaborohen me shumë kujdes e inteligjencë për të rritur votat e koalicionit të majtë dhe rritur shanset e zgjedhjes deputet të drejtuesve të partive aleate.

panorama

[DYDRINAS]

WIKILEAKS: UIDHERS: VELIAJ, QEN SULMI I RAMËS

Sherri Braçe-Veliaj

E Hënë, 09.05.2011, 09:14am (GMT+1)

05.09.2011 - Ora-Alb-Lajme - Ne skanerin e Ambasades se Shteteve te Bashkuara te Amerikes nuk kane kaluar vetem zhvillimet kryesore politike ne Partine Socialiste, por edhe individe, te cileve kryetari Edi Rama u ka besuar detyra te veçanta. Siç rezulton nga nje kabllogram i publikuar nga Wikileaks, kreu i G99, Erion Veliaj permendet si nje njeri i cili ka rol gjithnje e ne rritje ne seline roze. Ne vleresimin qe ambasadori ben per Velijan, e pershkruan ate si nje njeri te besuar te Rames, por edhe te perdorur per sulme ndaj kundershtareve. "Rama perdor shpesh Veliajn per te kaluar mesazhe tek ambasadat dhe Veliaj eshte pershkruar nga shume vezhgues si "qen sulmi" i Rames gjate fushates", shkruan Uidhers ne kabllogramin qe flet per situaten politike ne daten 8 korrik 2009. Me pas, ne nje tjeter kabllogram Uidhers thote se ne 5 gusht Veliaj e ka informuar ate dhe per arsyet e humbjes se partise qe drejtonte ne ate kohe G99, ku si argument kryesor ne qarkun e Beratit ben pergjegjes deputetin e Partise Socialiste, Erjon Braçe.

Sherri Braçe-Veliaj

Ne biseden e bere me diplomatin e SHBA-ve, Veliaj pohon se manipulimi i votave ne kete qark rezulton te jete bere nga deputetet e PS-se. "Ai gjithashtu pohoi se Erjon Brace, nje kandidat i PS-se ne Berat, "sabotoi" shume prej votave te tij gjate numerimit me komisioneret zgjedhore, duke i kaluar votat e G99 si vota te PS", shkruan Xhon Uidhers ne raportin e tij per biseden me Veliajn. Nga ana tjeter, ne kete bisede Veliaj flet edhe per sherret brenda PS-se se Beratit dhe luften qe i eshte bere partise se tij te asaj kohe G99. Sipas Veliajt, Brace ka bere nje fushate te forte personale kunder tij. "Veliaj tha se Berati ishte nje nga rajonet e forta te G99-es. Por ai tha gjithashtu se Brace kerkoi nga votuesit te mos votojne per G-99 dhe madje beri edhe fushate aktive kunder Veliajt", shkruhet ne kabllogram. Gjate bisedes, ish-kreu i G99 pranon se per kete ceshtje duhet te ishte ankuar me pare tek kreu i PS-se, Edi Rama, ne menyre qe G99 te mund te merrte nje deputet. "Ai tha se ishte nje gabim qe nuk e ngriti kete ceshtje tek Rama me pare. Ai shtoi se mijera flete votimi per G-99 jane konsideruar si te pavlefshme per arsye nga me te ndryshmet. Ai kishte vezhgues gjate numerimit, por nuk kishte numrin e mjaftueshem per t'i pare te gjitha tabelat ne te njejten kohe", shkruhet ne raportin e ambasades se SHBA. Humbjen e Partise Socialiste, Veliaj e lidh me strategjine e gabuar qe u ndoq, por nuk fajeson per kete gje Edi Ramen.

Uidhers: Veliaj mbivlereson peshen e tij

Ne kabllogramin per fatin e G99, ambasadori Uidhers ben dhe nje koment ne lidhje me pritshmerite. Me nje gjuhe konkrete, Uidhers shkruan se deshtimi i G99 erdhi per shkak te mbivleresimit te peshes se mesazhit qe Veliaj kujtonte se po percillte ne zgjedhjet e vitit 2009. "Veliaj duket se ka bere disa gabime duke mbivleresuar peshen e mesazhit te tij", thuhet ne raport. Por edhe me kritik eshte ambasadori per faktin se ish-anetari i shoqerise civile u bashkua me PS-ne. Sipas tij, shume persona mendojne se Veliaj humbi individualitetin me kapercimin ne PS. "Shume vezhgues mendojne se kur ai u bashkua me PS, shanset e tij per te fituar nje vend u reduktuan ne zero. Ai filloi te shihet si nje oportunist. Ai humbi gjithashtu individualitetin. Per me teper, Kodi i ri Zgjedhor nuk e ka ndihmuar kauzen e tij", thuhet ne kabllogram.

www.voal-online.ch

[Duaje Siveten]

Mos do na benet gje edveri president, dhe behet vakant krietarlleku i selise (kuqi) roze???

[DYDRINAS]

Kush janë 9 spinoff-et e Soros që krijojnë Partinë G99

Soros krijon Partinë G99 me Milva Ekonomin dhe Erjon Velinë

Milva Ekonomi autorja e spekulacionit Besa, themeluese e partisë së re

Mashtrimi, manipulimi, falsifikimi i dokumentacionit ligjor dhe financiar, si dhe çdo lloj mjeti tjetër për shmangien dhe shkeljen e ligjit është metoda bazë e ekzistencës së spinoff-eve të Soros në Shqipëri. Mbi këtë bazë është ngritur dhe funksionon edhe vetë spinoffi i Soros Grupimi Politik G99, një spinoff i ngritur nga njerëzit kryesor të njohur të Soros në Shqipëri: Milva Ekonomi, Remzi Lani, Delina Fico, Valdete Sala, Piro dhe Maklen Misha, Florian Pustina, Igli Totozani, apo njerëzit nivelit të dytë të Soros të inkuadruar të MJAFT si Klotilda Ferhati, Erion Veliaj, Arbjan Mazniku, Endri Fuga, Marinela Lika, Olta Xhaçka, Alken Myftiu, dhe njerëzit e nivelit të tretë të inkuadruar te spinoff-I Agenda i spinoffit MJAFT si Genci Kojdheli, Etjen Xhafaj, Gjergj Filipi, etj.
G99 është një emër i ri në një plan të vjetër i Rrjetit Mafioz Soros në Shqipëri. Është nje emër i ri që e polli kriza e kushteve kontraktuale financiare të MJAFT me donatorët e huaj, dhe është një histori krejtësisht e ngjashme me megaskandalin e tre Besave të Soros, sepse është një praktikë “normale” e spekulacioneve të Soros.
Dhe në thelb të këtyre mekanizmave të MJAFTG99 qëndron si gjithmonë Milva Ekonomi, njeriu që ideoi dhe themeloi skemën e tre Besave në Shqipëri që në 1998, një skemë financiare kriminale për të grabitur paratë e shqiptarëve dhe për të rikrijuar institucionin e fajdesë në Shqipëri.
Ashtu si skema e fajdesë së tre Besave që synonte grabitjen e parave të shqiptarëve dhe pastrimin e origjinës së tyre publike, po ashtu edhe skema 9 vjeçare e krijimit të 9 Mjaftëve për të krijuar Partinë e Soros në Tiranë G99, në funksion të puçit sorosian Rama në krye të PSsë, loja më e fundit e Milva Ekonomit dhe Erion Velisë bazohet në të njëjtën metodologji:
Soros krijon disa programe, i kthen në OJF-spinoff, i prezanton si të pavarura, ato krijojnë organizata të tjera bija me emra të njëjtë apo të ndryshëm me të njëjtët rrogëtarë të Soros, përvetësojnë asete publike, thithin fondet e ndërkombëtarëve për luftën kundër varfërisë dhe zhvillimin e demokracisë, godasin dhe shkretojnë shoqërinë civile dhe kundërshtarët apo konkurentët, duke përdorur median sorosiane, korruptojnë zyrtarë të huaj, dhe në fund në emër të idealeve të mëdha mbyllin ciklin e kapjes së shtetit duke e vënë në funksion të mbrojtjes së interesave financiare të Soros dhe spekulacioneve të tij financiare kriminale.
Sot, në 31 Janar 2009, 9 Mjaftët e krijuara nga Soros konkludojnë në “themelimin” e G99! Partia G99 ishte planifikuar të krijohej 50 ditë para zgjedhjeve në mënyrë që deri në atë kohë të thithte miliona euro nga ndërkombëtarët nëpërmjet Lëvizjes MJAFT dhe spinoffet e tjera të tyre, në shmangie dhe shkelje të plotë të ligjit për partitë politike. Ky plan u prish nga skandali që plasi Gazeta Sot 3 muaj më parë kur u vërtetua paligjshmëria e Grupimit Politik G99. Siç ka publikuar Gazeta Sot, formacioni politik i Soros i përfaqësuar ashtu si edhe MJAFTËT nga Milva Ekonomi dhe Erjon Velia, ishte regjistruar në Gjykatën e Tiranës në formën e një OJFje në mënyrë që t’i shmangej kërkesave të ligjit për partitë politike ku ndër nevojat kryesore të shmangies dhe shkeljes së ligjit ishte pikërisht detyrimi i mosfinancimit të partive politike nga jashtë Shqipërisë dhe shmangies së auditimit nga Kontrolli i Lartë i Shtetit. Motivi kryesor i Milva Ekonomit dhe Erion Velisë për të mosdeklaruar burimin e çerek milioni euro të shpenzimeve G99 ishte pikërisht skema e manipulimit të fondeve të donatorëve ndërkombëtarë për të ndihmuar shoqërinë civile në Shqipëri të cilat Veliaj dhe Ekonomi i kanalizuan nëpërmjet kontrollit të numrave bankar të 7 mjaftëve të krijuara nga Soros si dhe nga burimet mbështetëse të direkte dhe indirekte të Soros.


Kush janë 9 spinoff-et e Soros që krijojnë Partinë G99:

1991. Spin-off i Parë: Fondacioni Soros Tiranë, i përfaqësuar nga Milva Ekonomi, Remzi Lani, Valdete Sala, Piro Misha, Delina Fico, Çapajev Gjokutaj
2000. Spin-off i Dytë: Shoqata Kombëtare e Debatit, spinoff i Soros që në 1997, themelues i lëvizjes Mjaft, i përfaqësuar nga Arbjan Mazniku, Marinela Lika, Endri Fuga, Floran Pustina, Valdete Sala. Ky spinoff është burim i rëndësishëm financimit të G99 për shkollat e verës
2000. Spin-off i Tretë: Balkan Youth Link, themelues i Lëvizjes MJAFT, bashkëthemeluar nga Erjon Velia, me qendër në Beograd, numri i llogarisë së saj në SHBA kontrollohet nga Erjon Veliaj për kalimin e fondeve nga njëri spin-off tek tjetri.
2002. Spin-off i Katërt: Instituti i Lidershipit Rinor, themelues i Lëvizjes MJAFT, përfaqsuar nga Erjon Velia, Endri Fuga, Denis Behluli spinoff i Soros për të shëndoshur financat personale të familjes Veliaj dhe Mazniku.
2004. Spin-off i Pestë: Fondacioni i paligjshëm MJAFT i krijuar nga spinoff-et e mësipërme, ka zhdukur paratë e ndërkombëtarëve duke dhënë kredi pa liçensë sipas modelit të Fondacionit BESA, i themeluar nga Erion Velia dhe Endri Fuga, burim për 4 bizneset familjare të Velisë, Maznikut dhe Fugës.
2005. Spin-off i Gjashtë: Fshati Urban, themeluar nga Arbër Veliaj, vëllai i Erjon Velisë me qëllim për të kryer biznes të paligjshëm me kompani duhani, kompani bastesh, etj dhe për të falsifikuar faturat e MJAFT.
2006. Spin-off i Shtatë: Qëndra MJAFT, themeluar nga Milva Ekonomi, Alken Myftiu, Klotilda Ferhati, Erjon Veliaj, Arbjan Mazniku, Marinela Lika, Endri Fuga, Holta Xhaçka,
2006. Spin-off i Tetë: Instituti Agenda themeluar nga Milva Ekonomi, Arbjan Mazniku, Marinela Lika, Gjergj Filipi, Genci Kojdheli, Ajola Xoxe, Erjon Veliaj
2008. Spin-off i Nëntë: Shoqata G99 – themeluar nga 8 spinoff-et e mësipërme

Paligjshmëria e transformimit të Shoqatws G99 nw Partinë Politike G99:

Paligjshmëria e krijimit të Partisë Politike G99 është sa ligjore aq edhe parimore. Sipas ligjit shqiptar të OJFve, është e pamundur që një OJF të transformohet në një parti politike. Sipas nenit 42 dhe 43, një OJF nuk ka hapësirë ligjore për t’u transformuar në një parti politike. Ndërkohë që veprimi likuidues i pasurisë dhe aseteve të një OJFje në çastin që shpërndahet (në këtë rast shoqata G99 duhet të shpërndahet meqë krijohet Partia G99) e bën të pamundur kalimin pasuror në favor të partisë politike G99.
Kështu shoqata G99, është e detyruar që ç’kanë mbetur nga të gjitha paratë dhe asetet e dhuruara nga ndërkombëtarët për spinoff-et e mësipërme që janë transferuar në mënyë të paligjshme nga Lëvizja MJAFT, të kthehen në origjinë.
Sipas ligjit partia G99 duhet të fillojë çdo veprim financiar nga e para dhe nuk mund të trashëgojë asnjë pronë të Lëvizjes MJAFT të përvetësuar në mënyrë të paligjshme nga shoaata G99 nëpërmjet kontrollit të vulës nga Erjon Veliaj. Por pavarësisht pamundësisë ligjore që Partia G99 të trashëgojë kapitalet e G99 (përfshirë edhe “kuotizacionet” e mbledhura deri më tani nga 99 “aksionerët” e Velisë), dihet se Partia G99 sot kontrollon shumë burime financiare. Sot Veliaj si krahu i djathtë i Ramës, është bërë “mik” me të gjithë biznesmenët e mëdhenj që bëjnë pallate apo kanë interesa pranë Kryetarit Rama dhe ushtari i mirë politik Veliaj i ka të gjitha premisat e një ”sekseri të mirë Veliaj”, kështu që edhe burimet financiare tashmë nuk mungojnë sipas parimit: “japim sot që të bëjmë tendera të paligjshëm sot dhe nesër”.
Ndërkohë mësohet se Milva Ekonomi si ekzekutuesja e skemës së fajdesë së Soros me tre Besat është në krizë reale këto ditë si pasojë e diskreditimit të vperimtarisë së financiare kriminale të Soros dhe po përpiqet që të përdorë ushtarin dhe sekserin e mirë Veliaj si mbrojtës të skemës Besa pasi edhe ai është implikuar familjarisht në skemat e dhënies së kredive pa liçensë.

Ja pjesë nga ligji për Partitë Politike që tregojnë paligjshmërinë Veliaj

LIGJ Nr. 8580, datë 17.2.2000 PËR PARTITË POLITIKE

Neni 7
Ndalohet regjistrimi i një partie në rastet kur:
c) partia është krijuar jashtë territorit të Republikës së Shqipërisë;

Neni 9
Deri në datën e regjistrimit, themeluesit e partisë mund të kryejnë veprime që janë të nevojshme për organizimin e saj, siç janë, sidomos,thirrja e zhvillimi i mbledhjes së themeluesve dhe zgjedhja e organeve drejtuese, por nuk mund të kryejnë veprimtari si parti politike.

Neni 10
Kërkesa për regjistrimin e një partie politike duhet të nënshkruhet nga jo më pak se 500 shtetas shqiptarë, anëtarë themelues të saj, me vendbanim të përhershëm në Republikën e Shqipërisë.

Neni 11
Në dokumentet për regjistrimin e partisë politike, përcaktohen:
ç) burimet e financimit.

Neni 17
Burimet financiare dhe materiale të partive politike përbëhen nga:
b) çdo pasuri e fituar në mënyrë të ligjshme;

Neni 20
Ndalohet krijimi i personave juridikë tregtarë e jotregtarë, që ushtrojnë veprimtari me qëllim fitimi, nga partitë politike apo nëpërmjet të tretëve.
Partitë politike mund t’i përdorin pasuritë e mjediset e tyre për veprimtari ekonomiko-shoqërore të karakterit të botimeve, shtypshkrimeve, shërbimeve apo dhënies me qera, sipas legjislacionit në fuqi.

Neni 23
Kontrolli i Lartë i Shtetit është organi kompetent i ngarkuar me funksionin e kontrollit financiar mbi partitë. Ky kontroll nuk do të kufizohet vetëm në pjesën e buxhetit të partive që sigurohen nga fondet publike, por do të mbulojë edhe dhuratat dhe ndihmat e përfituara në rrugë të tjera. Kontrolli i Lartë i Shtetit ka të drejtë të ushtrojë kontroll financiar mbi partitë politike para dhe pas fushatave elektorale.

Skema e krijimit të spionffeve sorosian dhe aktivizimi i Edi Ramës si përfaqësuesi politik

George Soros është shpikësi i modelit të spinoffëve në bursën e Ëallstreett, një instrument i lindjes dhe zhdukjes së subjekteve të tipit of-shore të cilat Soros i ka përdorur për të ngritur gracka spekulative në lojën e tij të “vjedhjes” legale të parave të të tjerëve. Pas një suksesi spektakolar, për të cilat janë shkruar edhe libra në përdorimin e spinoffëve, Soros në mes të viteve 90 filloi të aplikojë lojën e spinoffëve edhe në rrjetin e fondacioneve të veta të shtrira kryesisht në Europën Lindore. Spinoff-et e shoqërisë civile janë organizata jo-qeveritare apo jo-fitimprurëse që krijohen nga zyrat e Soros dhe shfaqen në publik sikur janë të pavarura pavarësisht dokumentacionit të drejtpërdrejtë apo të fshehur të pronësisë në aktin e themelimit. Sipas modelit të Soros, organizatat spinoff janë organizata që themelohen dukshëm apo fshehur nga Soros, por në publik shfaqen si organizata të pavarura. Këto organizata bija të fondacioneve lokale Soros, kanë të gjitha një karakteristikë të përbashkët: nuk mund ta tradhtojnë kurrë themeluesin dhe janë bij që nuk plangprishen dot, për arsye jo thjesht të dokumentacionit por se janë “të besueshme”. Që të jesh pjesë e spinoffit duhet të kesh të ngjashme “10 cilësitë e komunistit”, pasi edhe personazhet që janë rekrutuar nga SOROS vijnë nga majat e organizatave bazë të Partisë së Punës. Personazhet që bëhen të besueshëm për t’ju dhënë e drejta për të administruar një spinoff sorosian, duhet të arrijnë që të bëjnë një figurë të mirë përballë hierarkisë vertikale të Soros që nga ekzekutivi nacional, ai rajonal (Budapest), ai në Londër (që e drejton Princesha e Hollandës Von Miss) e deri në zyrat e Neë York ku ndodhen zyrat e OSI (Instituti i Shoqërisë së Hapur) që ndodhet disa kate nën një ndër korporatat më famëkeqe në botë, Soros Management Fund. Mund të ndodhë që vetë George Soros të dëgjojë për këtë personazh por ndonjë “fatlum” mund të ketë dhe fatin të takohet me vetë “Themeluesin”. Mund të ndodhë që edhe të bëhet mik por ky është rast unik. Në Shqipëri këtë fat e kanë pasur dy vetë: Edi Rama dhe Milva Ekonomi. i pari u bë mik në 1996, si pasojë e ironisë dhe më pas humorit që shkëmbyen kur dy personazhet po hanin supë në një drekë pune në një hotel luksoz të Budapestit (Soros po prezantohej me Bordin e Fondaconit të tij në Shqipëri) dhe tjetra në rrethana të paqarta por vetëm kur demonstroi një sukses të paparë për të inkasuar midis dy krizave të ‘97 dhe ‘99 në xhepat e George Soros mbi 100 milionë dollarë të destinuara për Shqipërinë nga komuniteti ndërkombëtar por edhe nga buxheti i shtetit shqiptar. Këta të dy kanë qenë dy personazhet më të afërt të Soros në Shqipëri i cili vjen vazhdimisht këtu (më shumë se në çdo vend tjetër Ballkanik) sepse edhe ka fituar më shumë këtu se kudo tjetër.

17-03-2009

SOT

[fattlumi]

Veliaj: Ndërhyrja e Klinton në Kosovë u bë për trafikun e armëve të shqiptarëve dhe jo për genocidin serb

Edhe Robin Cook ka qare kur ka vizituar varrezen dhe kufomat e djegura ne Krushe te Madhe,e ky Veliaj e mohon kete gje.

Batajnice,Serbi,viti 2001.Dora e nje femre shqiptare.

[DYDRINAS]

Pse e shkaterroi Rama strukturen e meparshme te FRESSH?

Ku eshte sot ish-drejtuesi i saj Gjergji Koja?

[DYDRINAS]

Koja: Afera korruptive ne Kryesine e PS

E Hene, 16 Tetor 2006

Kryetari i FRESSH-it Gjergji Koja nuk ka njohur punimet e konventes se Forumit si dhe perzgjedhjen e koordinatores Megi Ayteresa si pasardhese te tij. Ne nje emision televiziv ne “NTV” perballe gazetarit Clirim Peka, Koja ka theksuar se thirrja e Kongresit nuk ka zbatuar rregullat e percaktuara nga statuti i partise. Sipas tij, kongresi i vertete i FRESSH do te mblidhet ne 24 mars te vitit 2007 ne baze te vendimit te dale nga forumi me i larte drejtues sic eshte Komiteti i Pergjithshem Drejtues. “Nuk e njoh kongresin e filluar dhe te mbaruar nga Edi Rama. Aktualisht strukturat e FRESSH-it jane duke zhvilluar konferencat neper rrethe dhe eshte bere me dije dhe kryesia e PS-se per te gjitha keto aktivitete”, ka deklaruar Koja. Ai ka theksuar se konventa e FRESSH-it nuk eshte se nuk njihet nga ai personalisht, por nuk njihet nga strukturat dhe forumet e FRESSH-it. Nderkohe qe Koja e ka cilesuar si nje farse mbledhjen e konventes, e cila i ka sherbyer, sipas tij, vetem kryetarit te PS-se

Ne te njejten kohe, Koja ka mohuar ekzistencen e nje konflikti mes FRESSH-it dhe PS-se, duke theksuar se “FRESSH nuk mund te perjashtohet nga PS, por perkundrazi vazhdon dhe do te jete nje nga pjeset me te fuqishme dhe bazamenti i PS-se.” “FRESH do te vazhdoje te mbeshtese fort PS-ne per te fituar zgjedhjet lokale, por nuk do te kemi asnje bashkepunim me te gjithe ata qe duan emblemen e PS-se per t’u ruajtur nga drejtesia, e cila pa dyshim do te veproje ndaj ketyre njerezve qe perdorin partine per te ruajtur veten”, u shpreh ish-ministri i Drejtesise.

Gjithashtu Koja nuk ka kursyer dhe kritikat ne adrese te shume anetareve te kryesise socialiste, te cilet sipas tij duhet te ndiqnin shembullin e ish-kryetarit Fatos Nano dhe te terhiqeshin nga postet drejtuese te PS-se. Ne kete pike, ai ka permendur Gramoz Rucin dhe Fatmir Xhafen, duke bere edhe akuza per implikim ne afera korruptive te disa anetareve te kryesise se PS-se. Nderkohe qe menyren e perzgjedhjes se koordinatores se re, Koja e ka cilesuar si nje stermundim qesharak te Rames per te bere kongres te jashtezakonshem.

M.Gj

Gazeta Korrieri