Ish-Mjaft dhe ish-G99 te shnderruar ne FRESSH!

[DYDRINAS]

Grupi i 99-shave feston sot kapjen për fyti të FRESSH-it

15-01-2012

Nga Lavdrim Lita

Sot në orën 11.00, në Pallatin e Kongreseve do të festohet fitorja e marrjes së kontrollit kapilar të forumit rinor eurosocialist nga ana 99-ve. Zaptimi i strukturave të larta të partisë socialiste ka qenë një plan i hershëm i anëtarëve të ish-organizatës “Mjaft”, e mandej shndërrimit të saj politik. I pranishëm sot në këtë zijafet publik është ideologu i 99-ve, dora vetë Edi Rama dhe krahu i tij i djathtë, Erjon Veliaj. Ky i fundit i sapo emëruar sekretar për rininë socialiste dhe çështjeve të diasporës. Me një karrierë të rrufeshme brenda PS-së, Veliaj ka arritur majat më shpejt se cilido tjetër, edhe pse pa merita dhe kontribute cilësore në forumet dhe strukturat e kësaj organizate politike.
Megjithatë afërsia me kryetarin e sotëm të PS-së ka qenë një faktor determinant në karrierën e këtij politikani, domethënë në djegien e të gjitha etapave të mundshme, pa fituar qoftë dhe një herë me votë postin që ka merituar. Sepse në krye të organizatës rinore “Mjaft” u komandua prej bamirësve të jashtëm dhe të brendshëm. Dhe në krye të partiçkës politike “G99” u vetë emërua kryetar, pasi u udhëzuar të formëzonte lëvizjen rinore me jeniçerët 99-sh në një kontenitor politik të dukshëm mediatikisht, me synimin e interceptimit të disa votave rrjedhëse të PS-së dhe të zhvaste ca vota që shkonin drejt Lëvizjes Socialiste për Integrim. Ky truk prestigjiatorësh përfundoi me një dështim për t’u mbajtur mend.
Gjithsesi kooptimi i Erjon Velisë dhe shumë 99-shave të tjerë (Olta Xhaçka, Endri Fuga, Arbër Mazniku, Elisa Spiropali, etj) në forumet e larta të PS-së është përfundimi i një rezultanteje të njohur: transfuzioni i gjakut të ri brenda një organizmi të konsideruar i sëmurë. Kontingjenti i 99-shave feston sot kapjen për fyti të një organizate të rëndësishme politike që ka nxjerrë funksionarë të lartë shtetërorë deri dhe kryeministra. FRESSH është themeluar më 15 janar të vitit 1992 nga një grup të rinjsh studentë dhe gjimnazistë me prindër komunistë dhe sot drejtohet nga Elisa Spiropali, ish-drejtuese e fondacionit Mjaft.
Më editoralin e ditës së djeshme, Edi Rama shkruante se: “Kundërshtarët sulmojnë në këtë pikë sepse kjo është një pikë e forte”. Dhe në paragrafin pasues: “Shqipëria Europiane s’ka gjasë të ndërtohet pa ndërtuar rrugën e meritës për të rinjtë”. E kemi të vështirë të gjejmë qoftë dhe një arsye për përligjur transfuzionin e gjakut të radikalëve të 99 në FRESH, paçka se mund të ketë ardhur si nevojë apo si pasojë e meritës dhe kontributeve të këtyre rioshëve. E vetmja betejë që u mbahet mend këtij grupimi prej 99-sh, që kanë kapur sot për fyti Fresshin është sulmi ndaj qeverive socialiste, ndaj liderit historik të socialistëve Fatos Nanos. Sidoqoftë Forumi Rinor Eurosocialist feston sot njëzet vjetorin e saj, pa themeluesit, por me zaptuesit e rinj: Occupy Fresh. Dy nga themeluesit, Ilir Meta dhe Pandeli Majko janë sot më larg se kushdo tjetër nga Partia Socialiste. Ilir Meta për motive të njohura. Kurse Pandeli Majko i izoluar prej politikës radikale të Ramës po kërkon të “strehohet” në një zyrë të Organizatës së Kombeve të Bashkuara, edhe pse gjasat janë të pakta. Për ironi të fatit njëzet vjet më parë Majko dhe Meta si dy socialist të rinj luftoheshin ashpër nga Edi Rama që sulmonte verbalisht Partinë Socialiste, bile duke kërkuar të ajo të deklarohej e paligjshme; kurse njëzet vite më pas Edi Rama është kryetar i Partisë Socialiste dhe Majko dhe Meta janë shpallur “outlaw” të paligjshëm.

55

[DYDRINAS]

Ish-Mjaft dhe ish-G99 - Po ne do t'ja dalim!

[DYDRINAS]

Erion Veliaj, si zhduku me vellane, 300 mije euro kredi per biznesin rinor

Av. Altin Goxhaj

E Diele, 24 Maj 2009

"Fondacioni MJAFT qenka si i Sudes? Nuk e dija qe Maarti Ahtisaari themelon te tilla fondacione, po do sigurohem qe t'ia them tani qe e kemi me shpesh ne rajon."

Erion Veliaj (Marre nga shkrimi i Erion Velias "Mero Baze, me ne fund dhe PD-ja e ka gjetur Xhoanen e vet" botuar ne gazeten Koha Jone ne 28 Tetor 2005,)



Erion Veliajt prej vitesh i eshte kerkuar te beje transparente parate qe ka perfituar nga donatoret nderkombetare te destinuara per shoqerine civile rinore shqiptare, por ai ka refuzuar te beje nje gje te tille. Arsyetimi i tij karakteristik sperdredhes ka qene se ai i jep llogari donatoreve te huaj dhe jo shqiptareve. Prej nje viti, kerkesa per transparence eshte perseritur me tone me te forta pas angazhimit te hapur politik te Veliajt me G99 si prove integriteti pasi ai po i kerkon shqiptareve qe te behet administrator i taksave te tyre. Si mund t'i besohet dikujt te administroje taksat e shqiptareve qe refuzon hapur te beje transparente sa para ka marre dhe si i ka harxhuar fondet qe burojne nga taksapaguesit e huaj?

Ne fakt arsyeja pse Veliaj refuzon te tregoje sa para ka marre dhe si i ka shpenzuar ato lidhet me 3 arsye te forta:

E para, Veliaj nuk tregon dot se ka perfituar mbi 5.4 milione euro nga komuniteti nderkombetar, kontribute keto per shoqerine civile shqiptare sepse te gjithe do te kuptonin se pse sot ne Shqiperi nuk ka me asnje qender rinore qe te ofroje sherbime per rinine.

E dyta, Veliaj nuk tregon dot se si 5.4 milione euro jane grabitur drejtperdrejt nepermjet bizneseve familjare te klanit Veliaj (Grafik Propaganda, C&PR Production, ACG shpk, etj).

Dhe e fundit, sepse me nje pjese te ketyre parave te dhena nga donatoret per te mbeshtetur shoqerine civile shqiptare jane kanalizuar per te financuar ne menyre te paligjshme Partine private te tipit OJF G99.

Por nje nga rastet me te paprecedente ne shoqerine civile shqiptare eshte pikerisht menyra se si Erion Veliaj ne konflikt te paster interesi perfitoi 300 mije euro qe duhej te ofroheshin si kredi te buta per rinine shqiptare i ndau dhe zhduku me te vellane e tij Arber Veliaj dhe bashkepunetoret e tij te ngushte Mazniku dhe Fuga.

E gjithe kjo grabitje ka ndodhur nepermjet vrimes se zeze te Fondacionit MJAFT, i cili u zhduk para 1 viti nga qarkullimi (u mbyllen dhe u zhduk kompjuteri i financave dhe te gjitha dosjet financiare) nga Erion Veliaj per te fshehur gjurmet e korrupsionit galopant me donacionet nderkombetare te destinuara per shoqerine civile shqiptare. Nje nder pikat me te erreta te ketij Fondacioni eshte "zhdukja" pa lene gjurme e vet Fondacionit bashke me qindra mije eurot e tij, te cilat mund te kene fluturuar nje dite te bukur ne numrin qe kontrollon Erion Veliaj ne San Francisko, "145 Seiss Ave., San Francisco, CA 94131 (Payable to BYL, memo Mjaft)".

Nje nder arsyet kryesore qe ky Fondacion u zhduk nje dite te bukur pa lene gjurme, eshte edhe se Fondacioni MJAFT ka gelltitur nje shume te pallogaritshme parash (nga te dhenat paraprake rezultojne 300 mije euro) nga Balkan Children and Youth Foundation (BCYF), (fondacion i themeluar edhe me mbeshtetjen e Fondacionit Soros), International Youth Foundation (IYF), Youth Business International (YBI), The Prince of Eales International Business Leaders Forum (Fondacioni i themeluar nga familja mbreterore angleze).

Parimi i konfliktit te interesit, si mekanizem korrupsioni per mbeshtetjen e Politikanit Erion Veliaj

Ne 2004, Erion Veliaj zgjidhet si anetar i Bordit te Balkan Youth Children Foundation, nje Fondacion nderkombetar qe u krijua me qellim mbeshtetjen e iniciativave rinore ne Ballkanin e pasluftes se Kosoves dhe ku President Nderi u zgjodh personaliteti i shquar Maarti Ahtisaari. Propozimi per zgjedhjen e Velise si perfaqesues i Shqiperise ne krye te ketij Fondacioni, erdhi ne 2004 nga themeluesi i Fondacionit Soros ne Shqiperi, shqiptaro-amerikani Fron Nazi, i cili njihet si nje nder ekspertet kryesore te Soros-it ne Ballkan. Ky eshte njeriu qe zgjodhi celulen e pare te Soros ne Tirane ne 1992.

Ne vitin 2004, sapo Erion Veliaj behet anetar Bordi, nje lume donacionesh te destinuara per shoqatat rinore ne Shqiperi te cilat aplikonin me kot per fonde, shkuan per MJAFTET e Velise. Per kete arsye po ate vit, u regjistrua ne Gjykaten e Tiranes Fondacioni MJAFT, nje organizate e cila kerkonte te diversifikonte politiken e fund raising (mbledhje fondesh) nga donatore te ndryshem per MJAFT, pasi shume donatore e kuptonin se po thyenin cdo barazi financimesh duke i derdhur mbi 1 milion euro ne numrin e llogarise se Levizjes MJAFT megjithese kishte vetem 1 vit jete. Fondacioni MJAFT u prezantua ne nivelin ekzekutiv me 2 emra vajzash te reja: Jona Repishti dhe Anisa Kaltanji, dy nga aktivistet kryesore te MJAFT ne ate kohe, te cilat Veliaj i kishte nen kontroll, pasi ato nenshkruan nje deklarate konfidencialiteti qe nuk i lejon te flasin per fondet e fondacionit (deklarate qe nuk njihet nga ligji shqiptar). Nderkohe sot per t'iu pergjigjur ndonje e-maili per ndonje donacion te ri pergjegjes eshte caktuar koordinatorja e MJAFT Anisa Kaltanji e cila ne fakt do te ishte edhe personi qe do te thirrej e treta si deshmitare ne gjykate per te deklaruar se ku ndodhet kompjuteri i financave por qe sic ka deklaruar dhe vete as qe e ka idene e financave te vjetra.

Ajo qe te ben me shume pershtypje ne qarkullimin e qindra mije eurove te Fondacionit MJAFT, eshte loja e pokerit financiar te Velise me shoke e shoqe, te cilen do e kene mesuar nga Kryetarja e Bordit te Fondacionit MJAFT, Milva Ekonomi, (maestro e te gjithe parave dhe spinoffeve te George Soros qe qarkullojne ne Shqiperi dhe Kosove)

Sipas te dhenave, rezulton se Erion Veliaj i zgjedhur ne vitin 2004 si anetar i Bordit te Balkan Children and Youth Foundation, ne krye te te cilit ishte zgjedhur personaliteti i shquar Maarti Ahtisaari, ne konflikt te paster interesi propozon, mbron dhe voton projektin e paraqitur nga Fondacioni MJAFT: "Youth Business Albania (YBA)" ("Biznesi Rinor Shqiptar"). Duke shkelur cdo parim te konkurrimit te barabarte per projektpropozime (pasi ishte jashte cdo lloj kriteri te aplikimeve), i gjithe fondi i BCYF shkretoi te gjithe buxhetin baze te ketij fondacioni per Shqiperine.

Problemi baze i pakenaqesise ballkanike me emrin Veliaj, ishte konflikti i hapur i interesit qe kishte nje anetar Bordi me mbeshtetjen e struktures se tij. Sipas CV se Erion Velise ne Bordin e BCYF, ai prezantohet edhe si Drejtor Ekzekutiv i Balkans YouthLink, e cila kontrollon edhe numrat bankar te Fondacionit MJAFT ne San Francisko (e cila sipas te dhenave te uebsitit te zhdukur te fondacionit MJAFT eshte me e rekomandueshmja per cdo transferte donacionesh pasi eshte "pa taksa").

Problemi me i madh qe kishte projekti i "Biznesi Rinor Shqiptar" ishte menyra e harxhimit te parave. Ky projekt synonte dhenien e mikrokredive per te rinjte, para te cilat do tu jepeshin me grante deri ne 4 000 euro per cdo biznes te ri dhe me pas me parate qe do te kthenin se bashku me perqindjet e te kredituarve te pare do te kreditoheshin te tjere te rinj dhe keshtu me radhe do te krijohej nje Banke Rinore e cila do te vazhdonte te funksiononte si subjekt i shoqerive te mikrokreditit. Kjo fushe percaktohet si dhenie kredish dhe fondacionet qe japin para me perqindje klasifikohen nga ligji shqiptar si piramida nese nuk kane nje licence te dhene nga Banka e Shqiperise.

Parate e donatoreve me te rendesishem ne bote, perfshire Familjen Mbreterore Angleze, International Youth Foundation (IYF), Youth Business International (YBI), te cilat njihen boterisht per mbeshtetjen qe i japin bizneseve dhe vetepunesimit te te rinjve nepermjet fondeve te mikrokreditit, iu dhane nje organizate pas asnje lloj eksperience ne kete fushe, pa asnje lloj ekspertize te domosdoshme dhe te detyrueshme qe kerkon fusha e mikrokreditit. Fondacioni MJAFT rezulton nga te dhenat e dokumentuara se nuk ka plotesuar asnje kerkese per t'iu njohur e drejta e dhenies se mikrokrediteve prane Bordit Mbikeqyres te Bankes se Shqiperise, as sipas ligjeve te para shkurtit 2007 dhe as ato pas shkurtit 2007. Fondacioni Mjaft nuk eshte licencuar nga Banka e Shqiperise per te dhene mikrokredi. Ndaj dhe per kete qellim keto fonde iu duheshin besuar nje institucioni te licensuar por Veliaj nuk mund te pranonte qe ti ikte nga dora qe thele kaq e majme qe me pas do ta ndante me te vellane, Maznikun dhe Fugen.

Ne vitin e pare, shuma prej 55,800 dollaresh amerikane, iu dha 15 te rinjve, te cilat duhej ta kthenin me perqindje me te larte per te sherbyer si kreditim i besueshem dhe jashte cdo risku per te tjere te rinj. Personat qe moren shumen ishin anetaret e Levizjes MJAFT te cilet ne kundershtim me ligjin per OJF-te, e kthyen organizaten e tyre ne nje organizate qe ndan fitime. Por ajo qe percaktoi konfliktin me tipik te interesit, ishte kreditimi nga Erion Veliaj, i vellait te vet Arber Veliaj 18vjecar i cili edhe mori qe ne fillim grantin maksimal qe lejohej prej 4000 eurosh. Ky operacion i paligjshem financiar dhe i denueshem nga legjislacioni shqiptar, ndodhi nen hunden e Bankes se Shqiperise, Ministrise se Financave duke perfshire ne shkeljen e ligjit mbi piramidat e '97 edhe zyrtare te larte te kohes.

Problemi kryesor qe pati granti i pare i mikrokreditit, ishte zhdukja pa lene gjurme nje dite te bukur e te gjithe fondit te mikrokredit rinor prej 300 mije eurosh, fakt qe ka implikuar ne kete loje te shemtuar vete zyrtaret e BCYF. Keta zyrtare jane vene ne siklet te madh keto dite se nuk po dine si te raportojne deshtimin e tyre dhe vrimen financiare me emrin Fondacioni MJAFT qe zhduku nje dite te bukur 300 mije euro te Familjes Mbreterore Angleze dhe te disa donatoreve te tjere, para qe u dhane per te mbeshtetur punesimin rinor ne Shqiperi. Ne vete faqen e tyre zyrtare rezulton paraqitja e te dhenave komprometuese se kush kontribuoi per parate e mikrokreditit te paligjshem rinor ne Shqiperi, kush i mori dhe mbi te gjitha ne forme spektakolare, tregohet Arber Veliaj duke marre parate ne nje ceremoni zyrtare nga vete i vellai Erion Veliaj (sic shihet edhe ne foton bashkengjitur).

Qindra mije euro te kontribuara per Shqiperine nga komuniteti nderkombetar dhe te zhdukura nen hijen e rende te personalitetit Marti Ahtisaari, jane nje nga rastet qe tregon se si kane abuzuar keta pionere te politikes se re te korrupsionit galopant. Erion Veliaj tre vjet me pare i kujtoi Mero Bazes qe e kishte akuzuar Fondacionin MJAFT si Fondacioni i Sudes, se po akuzonte Fondacionin qe e paska krijuar Marti Ahtisaari. Tashme i ngelet Ahtisarit ti pergjigjet pyetjes: a eshte ai krijues i fondacionit te Sudes ne Shqiperi me emrin Fondacioni MJAFT numrin e llogarise bankare ne San Francisko te te cilit e kontrollon Erion Veliaj? Dhe Ahtisari qe nuk ka ansje dijeni per kete histori, edhe sepse nuk eshte ai qe e ka krijuar kurre Fondacionin MJAFT, eshte pikerisht modeli se si Veliaj shpik cdo lloj historie mbi mbeshtetje nderkombetare per te fshehur vjedhjet e tij mbi parate e rinise shqiptare. Menyra se si Veliaj ka keqperdorur emrin e Ahtisarit eshte tipike si perralla e Velise qe gezonte mbeshtetjen e Obames (nje perralle qe s'po permendet me prej javesh pasi i ka dale boja ne menyre qesharake).

Ajo qe ka rendesi sot eshte pikerisht qe nje nga elementet baze te gjoja programit te G99 bazohet te punesimi i rinise nepermjet fondeve te mikrokreditit. Pyetjeve qe duhet tiu pergjigjet Veliaj tashme eshte se para se te perrallise mbi punesimin e te rinjve shqiptare nepermjet mikrokredive, me pare duhet te deklaroje ku jane 300 mije euro te zhdukura te Fondacionit MJAFT, nje pjese te dhuruara nga Familja Mbreterore Angleze, qe duhet te qarkullonin si mbeshtetje kreditimi per biznesin rinor shqiptar?

Perse Fondacioni MJAFT eshte shpallur i mbyllur ne marredhenie nderkombetare dhe perse nuk raporton se ku jane 300 mije eurot e kreditimit rinor?

Perse Fondacioni MJAFT ka fshire faqen e vet online (duhej te ishte aktiv ne faqen www.mjaftfoundation.org) dhe perse u zhduk logoja e Fondacionit MJAFT nga faqja zyrtare e Levizjes MJAFT (www.mjaft.org) kur gazeta Sot denoncoi zhdukjen e parave te Fondacionit MJAFT? Ku ndodhet kompjuteri apo beckaup-i i financave te Fondacionit MJAFT apo do te vazhdohet se qenka fshire pa dashje dhe zyrat gjoja qenkan grabitur me te gjithe dokumentacionin (nderkohe qe prane Drejtorise se Policise Tirane nuk ka ardhur kurre ndonje denoncim i tille)?

A eshte kryer procedura ligjore e mbylljes se Fondacionit MJAFT ne Gjykate duke bere edhe likujdimet e nevojshme (kthimit te fondit prej 300 mije eurosh ne BCYF)?

Sot 300 mije euro duhej te ishin ricikluar duke shtuar perqindjet e mikrokredive rinore duke u shperndare vazhdimisht te rinjve shqiptare. Sa eshte perqindja qe mungon?

C'lidhje kane 300 mije euro-t e zhdukura pa lene gjurme me krijimin e biznesit te paligjshem Grafik Propaganda (biznes i paligjshem dhe pa numer licence) qe drejtohet nga vellai i Erion Velise i cili ka mbi 80 kliente duke qarkulluar deri tani mbi 500 milione leke?

A i ka paguar ndonjehere taksat vellai i Velise per llgari te Grafik Propagandes qe u krijua me kapitale fillestare nga fondi i mikrokreditit?

Sa qindra mijera euro te MJAFT ka faturuar vellai i Erion Velise qe ne ate kohe?

Po Arbjan Mazniku dhe Endri Fuga ku i gjeten 111 milione leke kapital ne kohen kur zhduket fondi prej 300 mije i kreditit rinor, per te themeluar biznesin e tyre ortakeror ACG shpk (Albanian Communication Group shpk me numer nipti K62225006P ku 30% te aksioneve i ka Arbjan Mazniku dhe 70% benjamini i Rames Endri Fuga) i specializuar per import-eksport dhe publikimin e revistes MAPO e cila tashme njihet si organi zyrtar i G99?

Perse Erion Veliaj i ka deklaruar donatoreve se ai s'ka asnje lidhje me Fondacionin MJAFT kur dihet shume mire se eshte ai nje nder themeluesit dhe drejtuesit kryesore ku dhe numri i llogarise nderkombetare te Fondacionit qe ndodhet ne San Francisko kontrollohet drejtperdrejte nga ai vete?

Ja pra keto jane pyetjet qe Erion Veliaj duhet tiu pergjigjet ne prezantimin e sotem zyrtar te programit te G99 ne Pallatin e Sportit Asllan Rusi. Ai sot, bashke me bashkepunetoret kryesore te zhdukjes se 300 mije eurove te kreditimit te biznesit rinor do te prezantoje perballe disa dhjetera te rinjve (qe vijne per te pare Alban Skenderajn), platformen e re por njekohesisht te vjeter te punesimit te te rinjve shqiptare nepermjet kreditimit te biznesit rinor. Por ai duhet te tregoje sot se cfare beri me 300 mije eurot qe iu besuan per kreditimin e biznesit rinor ne 2004 dhe ne vazhdim. A po mos plani i Veliajt eshte qe sic i zhduku bashke me te vellane, Maznikun, Milven 300 mije eurot plus perqindjet e vetepunesimit te te rinjve do te beje edhe me dhjetera miliona eurot e Qeverise Shqiptare per punesimin e te rinjve neser ne rast se larg qofte xhepistet e shoqerise civile do te vijne ne pushtet?

* Levizja Qytetare Zgjohu

("Zgjohu" eshte Levizja me e re Qytetare ne Tirane dhe drejtohet nga Avokat Altin Goxhaj)


koha jone

[DYDRINAS]

Agjensia e Lajmeve "SOT"

Erion Veliaj, skemë për të fshehur burimin e financimit të forcës së tij G99.

Kush është biznesi që qarkullon paratë e G99?

Skandali i këtyre ditëve që ka plasur në mënyrë ekskluzive Gazeta Sot me Mjaftin dhe G99 e Erion Velisë ka përfshirë në faqet e veta një numër të padëgjuar ambasadash dhe institucionesh ndërkombëtare duke formatuar vrimën më të zezë të parave të shoqërisë civile që ka funksionuar deri më sot. Prej ditësh gazeta Sot paraqet se si Politikani i Politikës së e të korrupsionit dhe mashtrimit, Erion Veliaj dhe shokët dhe shoqet e tij kanë abuzuar me paratë e donacioneve për Shqipërinë të destinuara për shoqërinë civile në Shqipëri.

Nga të dhënat e para të botuara këto dy janë rezultojnë një numër shumë i madh donatorësh duke përbërë edhe një rekord fundraising (thithje fondesh) si për nga sasia e parave ashtu edhe nga numri i donatorëve. Emra ambasadorësh dhe drejtuesish organizatash ndërkombëtare me shumë reputacion implikohen çdo ditë në faqet e gazetës sot me praktika të paligjshme dhe korruptive si në kontratat e donacioneve për OJFtë e Erion Velisë ashtu edhe për kontratat me bizneset e tij. Erion Veliaj sot drejton një organizatë e cila në kundërshtim me ligjin shqiptar për Partitë Politike financohet në mënyrë të paligjshme dhe krejtësisht jotransparente nga paratë që vijnë nga burime të dyshimta ndërkombëtare duke shkelur si legjislacionin shqiptar ashtu edhe atë ndërkombëtar. Partia e re multimilionere e Erion Velisë i siguron qindra miliona lekë nëpërmjet teknikave të pastrimit të parave dukë përdorur numra bankarë jashtë Shqipërisë. Një nga rastet më tipike të numrave jashtë Shqipërisë është edhe numri i llogarisë bankare i dhurimeve që G99 ka publikuar online. Sipas të dhënave të faqes zyrtare të G99 (www. Erion Veliaj me vëllain e tij ka shpikur një teknikë të re të fshehjes së burimeve financiare të partisë së tij milionere. Veliaj ka krijuar një derdhje online parash per Grupimin e tij politik G99 drejt një biznesi privat me qendër në SHBA Mozaik.shpk me Adresë: 3450 Acworth Due Ëest Rd, në, Suite 150, Acworth GA 30144, USA me nr tel: (1) 404-468-8554 dhe me adresë në Tiranë Adresa: Rr. Dervish Hima, P. Leskov 1/5, Tirane , Tel: (+355) 42227877, biznes i cili funksionon në Shqipëri në fusha të shit-blerjes online dhe një ndër fushat e shërbimeve të saj është edhe realizimi i pagesave dhe transferove online. Arsyeja pse është zgjedhur nga Veliaj ky biznes për të derdhur paratë e G99 është shumë e thjeshtë. Mjafton të lexosh politikën e privacisë së këtij biznesi dhe kupton shumë:
“Tek Mozaik Sh.P.K., ne kuptojme mire ceshtjen e ruajtes se informacionit personal. Perdoruesit e internetit jane gjithmone te shqetesuar me te drejte se si apo ku do perfundoje informacioni i tyre.
Ne respektojme informacionin tuaj personal dhe e trajtojme ate me nje rendesi te veante. Ne nuk japim informacion mbi klientet tane asnje pale te trete per asnje arsye, perve ne rastet ku bashkepunojme me organet e ligjit kur eshte kryer nje shkelje ligjore kunder kompanise sone.
Informacioni juaj personal eshte i sigurt me ne. Ky eshte premtimi yne per ju.
Informacioni personal i klienteve ruhet i kriptuar per siguri maksimale.”
Arsyeja pse Veliaj ka zgjedhur këtë kompani për të derdhur paratë e G99 online është pikërisht garancia që ka ai për të ruajtur në mënyrë sekrete llogarinë bankare të G99, e cila në mënyrë krejtësisht jo transparente nuk tregon destinacionin. Në asnjë të dhënë nuk jepet një numër bankar se ku përfundojnë paratë e G99. Nuk tregohet asnjë bankë apo nr bankar brenda apo jashtë Shqipërisë se ku depozitohen këto para. Por ajo që është më kryesorja është se burimet nga mund të financohet G99 mund të jenë edhe jashtë Shqipërisë dhe kjo është një shkelja e hapur e ligjit shqiptar për mbështetjen e forcave politike. Burime nga mbi 150 shtete mund të kontribuojnë për forcën politike të Erion Veliajt dhe Ligji Shqiptar për partitë politike është shumë i qartë: nuk lejohet asnjë mbështetje nga jashtë. Ndaj dhe Veliaj me një gur ka vrarë 3 zogj. Duke zgjedhur një biznes amerikan që ruan me përpikmëri privacinë e klientit (G99 së Velisë), nuk lejon asnjë informacion mbi sasinë dhe kontribuuesin e transfertave financiare të klientit dhe aq më pak destinacionin e tyre. Kështu nuk prezantohet as minimumi i transparencës financiare, që është numri bankar ku depozitohen këto para. Veliaj ka krijuar kështu partneritet me një biznes i cili kryen transferuat e G99 por nuk mund të tregojë se ku i dërgon sepse ka kontratë privacie me maestron Veliaj. Siç shihet edhe nga faqja e internetit të Mozaik.shpk, ky biznes që është krijuar në Shqipëri, një vit pas krijimit të MJAFT, drejtohet nga një biznesmen amerikan dhe është i fokusuar në shërbime shit-blerjesh online. Klienti më i ri i tij është Erion Veliaj dhe G99, të cilët përdorin Mozaik.sh.p.k për të kryer transferta financiare të cilave nuk u gjendet as nami dhe as nishani.
Tashmë është e qartë se si funksionon gjithë mekanizmi i financimeve të G99, financime të padeklaruara deri më sot, të fshehura pas komedisë së Erion Velisë në Hotel Tirana në një asamble, ku sipas Velisë u bë transparencë financiare. Erion Veliaj u mbështet te transparenca e 1mijë lekëve të reja që kishin paguar 99 anëtarët ku vetëm salla (dhe shpenzimet e saj) e prenotuar nga G99, kushton më shumë se vetë kontributi i pjesëmarrësve. Veliaj, nuk tregoi kur bëri “transparencën” se ku i ka gjetur rreth çerek milioni euro kosto të G99. Veliaj as atëherë dhe as tani, nuk tregon se nga financohet Partia e tij e paligjshme e regjistruar si OJF në Gjykatën e Tiranës, një teknikë kjo për të siguruar financime nga burime që i ndalon legjislacioni shqiptar për forcat politike dhe sidomos legjislacioni për pastrimin e parave. Kjo forcë politike e paligjshme, e regjistruar si OJF, i shmanget kështu fuqisë së veprimit të Kontrollit të Lartë të Shtetit, i cili është edhe organi kompetent që kontrollon financat e forcave politike. Po kështu duke i kryer transfertat me një biznes të shitjeve online, që ka detyrim të fshehë çdo të dhënë mbi G99, Velija kërkon të manipulojë çdo raport financiar si të dëshirojë ai. Duke mos treguar numrin e llogarisë bankare të G99, ku duhet të përfundojnë këto para, është e pamundur të bëhet transparencë ligjore. Duke futur në lojë forcën e tij politike G99 si OJF, Veliaj siguron transferta financiare nga të gjitha vendet e botës, duke shkelur çdo parim ligjor, si në fushën e partive politike ashtu edhe në atë të pastrimit të parave. Kështu Veliaj, mund të shpikë çdo lloj kontributi mbi burimet e çerek milioni eurosh duke shpikur burime online. Të gjitha opsionet e transparencës “Made in Veliaj” janë një hapësirë e paparë korrupsioni dhe pastrimi të parave.

Është e qartë se kush janë teknikat e Veliajt & Co:
- numra llogarish bankare në Amerikë ku fluturojnë qindra miliona lekë të Fondacionit të Sudes me emrin Fondacioni MJAFT duke përfshirë të gjithë detyrimet financiare të mikrokrediteve që Veliaj i fsheh në mënyrë mashtruese pas emrit të nobelit të paqes Maarti Ahtisaari.
- krijim biznesesh të posaçme për faturime të parave të OJFve të tij nëpërmjet njerëzve të tij të afërt, biznese të regjistruara si persona fizikë apo të paregjistruara fare duke qarkulluar në mënyrë të dyshimtë qindra miliona lekë të donacioneve të huaja për shoqërinë civile apo edhe kontrata biznesi të dyshimta me vetë ambasadat
- shpenzime fiktive për aktivitetet e donatorëve të huaj dhe zhdukje të parave të donatorëve të huaj, në mënyrë të hapur duke implikuar vetë donatorët në lojën e tij të shëmtuar.

Sot forca politike G99 përcakton një model të qartë të politikës së re përtej të majtës dhe të djathtës, të fshehjes së financimeve multimilionere që kanë implikuar vetë ambasadorët e huaj.
Sot Erion Veliaj, Arbian Mazniku, Marinela Lika, etj, brenda një periudhe rekord që çdo amerikan do ta kishte zili, kanë blerë superapartamente dupleks në qendër të Tiranës, me pishina në tarracë, kanë supermakina, kalojnë pushimet në plazhet më të shtrenjta të Mesdheut, bëjnë një jetë luksi që vetëm multimilionerët mund ta arrijnë.

[DYDRINAS]

Erion Veliaj - ne Shqiperine komuniste ishim te varfer dinjitoze!

Erjon, si e kujton fëmijërinë tënde?

Mbaj mend grimca gri nga ato kohë, mesi i viteve ‘80. Më kujtohen bisedat e trishta për radhët e qumështit e vezëve, konservat me qepujka, tollonat, shërbimet e stërzgjatura të punës së prindërve, grupin-antenë të pare të televizorit, mezipritjen e latës së druve, pullat e rralla, çelësin lidhur tek rripi i kanatjeres e lojërat me mjete rrethanore. Dera s’pushonte kurrë, herë për farë kosi, herë për pak gjalpë apo niseshte. Ishim të varfër atëherë, por ajo ishte një varfëri dinjitoze. Rrinim në lagje të pastra, bënim shumë për fqinjët, gëzonim e hidhëronim bashkë. Më kujtohet se si prindërit kishin shkruar inicialet e tyre poshtë karrigeve, sa herë kishte dasma apo vdekje, ato ishin karrige ambulante në të gjithë lagjen. S’di sa e kemi ruajtur sot këtë ndjenjë komuniteti, druaj që stofi që na mbante bashkë në ato kohë të vështirë sot është shpërbërë, por jam optimist se herët a vonë do ta rigjejmë këtë solidaritetin e humbur.

Pjese nga intervista dhene Gazete Shqiptare ne mars 2008

[DYDRINAS]

Erion Veliaj ne Puke, gjate fushates zgjedhore te vitit 2009:


“Kemi 18 vjet qe jemi rrezuar dhe nese ne 28 qershor na jepni nje dore neve, do ta ngrini Shqiperine”.

[DYDRINAS]

Pas deshtimit ne zgjedhjet e vitit 2009.


Veliaj lë drejtim e G99-ës, sot bën kalimin tek PS

Shekulli Online

24/09/2010

Pritjet për bashkimin e kryetarit të G99-ës, Erion Veliaj, me Partinë Socialiste marrin fund. Ditën e sotme, kreu i G99-ës do të bëjë publike për mediat largimin nga partia që ai drejton. Mësohet se partia do të vijojë punën e saj dhe nuk do të shkrihet. Ndërsa Veliaj do të fillojë bashkëpunimin e tij me Partinë Socialiste.
Por për të marrë "mandatin" përfundimtar, Veliaj do të presë asamblenë e socialistëve. Paraprakisht atij do t'i caktohet detyra për t'u marrë me koordinimin e opozitës dhe zhvillimin e konsultimeve të ndryshme me ta. Në këtë mënyrë, kreu i G99-ës do të jetë një ndërlidhës midis partive opozitare dhe selisë rozë.
Por, detajet mbi organizimin e ri të opozitës që po bëhet në prag të nisjes së protestave dhe zgjedhjeve të ardhshme vendore, do të bëhen të ditura në ditët në vijim. Burime opozitare bëjnë të ditur se me lëvizjen e re në kampin opozitar, është hedhur ideja se krijimi i zyrës së përbashkët të opozitës të mund të bëhet në ambientet e G99-ës. Megjithëkëtë, ende nuk ka një vendim zyrtar se ku do të jetë selia e përbashkët e partive opozitare.

Selia e përbashkët është një projekt i hedhur prej kohësh nga opozita. Me afrimin e zgjedhjeve të ardhshme vendore dhe me situatën e krizës politike që nuk po gjen zgjidhjen, partitë opozitare do të bashkëpunojnë edhe më shumë për t'u koordinuar së bashku. Duke parë nevojën e një bashkëpunimi më të madh dhe takimeve më të shpeshta, krerë të opozitës kanë propozuar që të ketë një zyrë, në të cilën të takohen dhe të jetë në një vend neutral. Ky propozim është arsyetuar me mendimin që tashmë krerët e partive kanë shumë gjëra për të diskutuar dhe mbledhja e tyre në këtë zyrë do të mënjanonte takimet nëpër ambientet publike. Lidhur me këtë projekt, krerët e opozitës janë shprehur parimisht dakord, por që kurrsesi nuk do të ndërhyhet në identitetin politik të partive përkatëse.

[DYDRINAS]

Kur "Mjaft" proteston kundër Fratinit, por jo kundër Bakoyannis

09-02-09 22:05

Kur "Mjaft" proteston kundër vizitës së Fratinit, por jo kundër
vizitës së homologes greke Bakoyannis.

Nga Kastriot MYFTARAJ

Kur ministri i jashtëm Italian Franco Fratini vizitoi Tiranën në
tetor të vitit të kaluar, Lëvizja "Mjaft" organizoi ndaj tij një
protestë arrogante në kulm. Pikërisht në kohën kur Fratini ndodhej në
selinë e kryeministrisë , në Bulevardin "Dëshmorët e Kombit" kaluan
makina të drejtuara nga aktivistë të lëvizjes, në të cilat makina
qenë vendosur altoparlantë të ngritur në kulm nga ku buçitnin këngë
fashiste. Lëvizja "Mjaft" pretendoi se me këtë protestë denoncohej
politika raciste e ndjekur nga qeveria italiane ndaj emigrantëve
shqiptarë në Itali. Në fakt, trajtimi që Italia, ashtu dhe u bën
shqiptarëve emigrantë në Itali, si dhe atyre shqiptarëve që kërkojnë
të vizitojnë Italinë, si kur në Romë janë në pushtet qeveritë e
majta, ashtu dhe kur janë në pushtet qeveritë e djathta është
krahasimisht shumë më i mirë se ai që Greqia u bën shqiptarëve. Në
Itali sot janë legalizuar dhe jetojnë e punojnë me dokumente të
rregullta rreth gjysmë milioni shtetas shqiptarë, ndërsa rreth 200
mijë të tjerë janë në procesin e legalizimit. Edhe kur në pushtet
janë qeveritë e djathta, të cilat ndjekin një politikë shtrënguese në
çështjen e emigracionit, për shqiptarët realisht bëhet një
diskriminim pozitiv në krahasim me emigrantët nga vendet e tjera.
Italia i ka legalizuar emigrantët shqiptarë pa u kërkuar që të
ndryshojnë kombësinë, siç bën Greqia.
Është Greqia ajo që zbaton një politikë raciste, asimiluese, derisa
autoritetet greke ngjitin në faqet e pasaportave shqiptare të
shtetasve shqiptarë, me kombësi greke, të ashtuquajturë n "Adhio
dhiamoni" (leje qëndrimi me afat dhjetëvjeçar), për të cilën shkruhet
se u jepet shtetasve të huaj me origjinë greke (homogjenët) dhe
funksionon edhe si një vizë me afat dhjetëvjeçar. Adhio dhiamoni
vuloset dhe firmoset nga shefi i policisë greke të qytetit në Greqi
ku lëshohet ajo, dhe kjo vulë dhe firmë vendoset në pasaportën
shqiptare. Ky është një dhunim i të gjitha ligjeve ndërkombëtare,
pasi në pasaportën e një vendi kanë të drejtë të vulosin dhe firmosin
vetëm zyrat konsullore të vendit tjetër, kur venë vizën, si dhe
zyrtarët doganorë për hyrje-daljet. Por nuk duhet që një zyrtar i
policisë greke të bëjë veprime me pasaportën shqiptare, që e
shndërrojnë atë praktikisht në një dokument të lëshuar nga policia
greke. Këtë gjë mund ta bëjnë vetëm zyrtarët e një vendi okupator, në
një vend të okupuar. Të gjithë shtetasit shqiptarë që kanë kombësinë
greke, si minoritarët, ashtu dhe ata që e kanë marrë pas vitit 1990,
me deklarime fiktive, kanë marrë dhe vazhdojnë të marrin adhio
dhiamoni, që u vendosen në pasaportat shqiptare. E megjithatë
Lëvizja "Mjaft" nuk protestuan për këtë çështje kur ministrja e
jashtme greke Bakoyannis vizitoi Tiranën vitin e kaluar, dhe nuk kanë
ndërmend të protestojnë as nesër kur Bakoyannis do të vizitojë
përsëri Tiranën.
Lëvizja "Mjaft" nuk protestoi gjatë vizitës së kaluar të zonjës
Bakoyannis dhe nuk ka ndërmend që të protestojë as nesër, për
politikën raciste që ndjek Greqia ndaj shqiptarëve, sipas vendimit të
qeverisë greke, të publikuar në 8 nëntor 2006, për t' u dhënë në
mënyrë masive shtetësinë greke shtetasve shqiptarë të cilët do të
deklarojnë para autoriteteve greke se kanë nacionalitet grek. Sipas
mënyrës se si është konceptuar ky vendim i qeverisë greke, çdo
shtetas shqiptar me nacionalitet shqiptar, pavarësisht nëse është
emigrant në Greqi, ose banon në Shqipëri, mjaft që të deklarojë se ka
nacionalitetin grek dhe të fitojë kartën e homogjenit, çka pastaj i
mundëson që të aplikojë për të fituar nënshtetësinë greke. Dhe ajo që
nuk thuhet por zbatohet në praktikë, është se kërkohet si kusht dhe
marrja e fesë ortodokse nga ana e joortodoksëve.
Qeveria greke përsërit vazhdimisht se në Greqi ka një milion
emigrantë shqiptarë, gjë që e bën për të potencuar tek shqiptarët
mitin se "Greqia po na mban me bukë!", të përhapur nga njerëzit e
Greqisë në Shqipëri, si dhe për të përhapur idenë disfatiste se
Shqipëria duhet të pranojë dominimin grek, ekonomik dhe politik,
ndryshe pasojat do t' i kenë këta shqiptarë të Greqisë. E vërteta
është se numri i emigrantëve shqiptarë në Greqi nuk është më ai i
fillimit të viteve nëntëdhjetë. Emigrantët shqiptarë të Greqisë, prej
vitesh janë duke u larguar nga ky vend ku paguhen më pak se kudo,
duke shkuar drejt vendeve të tjera europiane dhe SHBA-ve e Kanadasë,
siç na është treguar dhe në një emision "Fiks fare" ku minoritari
grek Filip Çakuli, në rolin e gazetarit investigues zbuloi një rrjet
trafikimi grek që u shiste emigrantëve shqiptarë pasaporta për të
shkuar në vendet perëndimore. Qeveritë greke kanë prirjen që ta
paraqesin trefish më të lartë shifrën e shqiptarëve që gjenden sot në
Greqi dhe këtë e bëjnë për expedient politik, për të rritur
artificialisht peshën e Greqisë ndaj Shqipërisë, në sytë e
shqiptarëve dhe kancelarive perëndimore.


Sot realisht është Italia vendi që ka numrin më të madh të
emigrantëve shqiptarë, me rreth gjysmë milioni emigrantë shqiptarë të
legalizuar dhe me rreth gjysmën e këtij numri emigrantë klandestinë,
të cilët pritet që të legalizohen sipas ligjit të ri italian për këtë
çështje. Madje sot Italia është vendi ku ka më shumë shqiptarë, po të
mendosh se në Itali ka edhe mbi treqind mijë shqiptarë të tjerë nga
trojet shqiptare tej kufirit shtetëror, çka do të thotë se në Itali
ka mbi një milion shqiptarë. Italia nuk kërkon që t' i italianizojë
me dhunë shqiptarët, siç kërkon t' i helenizojë me dhunë Greqia.
Italia historikisht ka lejuar që komuniteti i hershëm shqiptar në
Itali, arbëreshët, të kultivojnë gjuhën e tyre, madje të kenë dhe
katedra universitare në shqip, si dhe tabelat e rrugëve në këtë gjuhë
në vendet ku përbëjnë shumësinë e popullsisë. Ndërsa në Greqia as që
bëhet fjalë që shqiptarëve t' u njihen të drejta të tilla, madje
Greqia nuk pranon as t' u kthejë pronat çamëve të dëbuar. Sot ka
linjë ajrore mes Tiranës dhe nëntëmbëdhjetë qyteteve italiane, me
gjysmën e të cilëve linja është e përditshme.
Cila është arsyeja që "Mjaft" ndjek një standard të dyfishtë në
raport me Italinë dhe Greqinë. Kjo ka vetëm një shpjegim, atë
se "Mjaft" është një vegël e shërbimit sekret grek, i cili e
kontrollon me anë të influencës së qarqeve të biznesit grek në
Perëndim dhe e përdor për të bërë subversion në marrëdhëniet e
Shqipërisë me Italinë. Kjo kuptohet dhe nga "Mjaft" ka bërë protesta
ndaj projekteve për biznesin italian në Shqipëri, duke i cilësuar si
të rrezikshme nga ana mjedisore, por nuk e ka bërë një gjë të tillë
p.sh. ndaj depozitave greke të naftës në portin e Durrësit, që në çdo
moment mund të shkaktojnë jo më një katastrofë mjedisore, por që mund
ta bëjnë Durrësin Hiroshimën shqiptare.
Në çdo vend sadopak serioz të botës, duke përfshirë dhe shumicën e
vendeve afrikane, në rast se një OJF si "Mjaft", e cila financohet
nga ambasada të huaja, do të bënte atë akt banditesk që bëri gjatë
vizitës së Fratinit në Tiranë, në tetor, ambasadorët që e financojnë
atë do të qenë dëbuar nga vendi brenda natës. Në protestën e "Mjaft"
ndaj Fratinit ishte njëlloj sikur të ishte ambasadori holandez,
protektori i "Mjaft". Në rast se shteti shqiptar nuk ka vullnet që të
zbatojë detyrimet e tij, atëherë shqiptarët e përgjegjshëm kanë të
drejtë që ta marrin në dorë këtë çështje dhe t' i dëbojnë nga Tirana
horrat si ambasadori holandez dhe protektorët e tjerë të huaj
të "Mjaft". Tashmë është e qartë se "Mjaft" po përdoret për të
ndaluar orientimin e ekonomisë së Shqipërisë drejt Italisë, çka po
ndodh sot, ndërsa deri para disa vitesh ekonomia e Shqipërisë ishte e
orientuar drejt Greqisë, gjë që u bë pas vitit 1997.
Pse nuk proteston "Mjaft" ndaj zonjës Bakoyannis për faktin se Greqia
e kushtëzoi ratifikimin e MSA të Shqipërisë me Bashkimin Europian, me
ndërtimin e varrezave për ushtarët grekë në territorin shqiptar.
Ditën e enjtë, në emisionin "Opinion" të Blendi Fevziut, Panajot
Barka tha me sinqeritet se ushtria greke që hyri në Shqipëri në vitin
1940, duke ndjekur ushtritë italiane, ishte një ushtri pushtuese, gjë
për të cilën Barka u kundërshtua nga Sabri Godo. Barka tha të
vërtetën se çdo ushtri që hyn në territorin e një shteti tjetër quhet
pushtuese, aq më tepër kur shteti, ushtria e të cilit kapërcen
kufirin, ka pretendime territoriale ndaj shtetit tjetër. Ndoshta
Barka u tregua kaq i sinqertë për faktin se ish-ambasadori grek në
Shqipëri, Karkabasis, në një takim minoritarësh para disa vitesh në
Derviçian i ka thënë Barkës se ti je jevg dhe jo grek. Këtë histori e
dijnë të gjithë në Dropull. Atëherë Barka rrëmbeu karrigen ta
qëllonte ambasadorin, por e mbajti ish-konsulli grek në Gjirokastër,
Janis Xhovas. Këto janë punët e grekëve në Shqipëri.
Në 11 shtator 2008, gjatë takimit të zonjës Bakoyannis me ministrin e
jashtëm të Serbisë, Jeremic, të dy palët u shprehën në një deklaratë
të përbashkët: "Prioritet do t' i jepet Korridorit Paneuropian
Dhjetë, një autostradë që do të lidhë Selanikun e Beogradin me
Europën Qendrore. Një autostradë me rëndësi të madhe për zhvillimin
ekonomik të rajonit. Është në interesin tonë të ndërsjelltë të
përshpejtojmë procesin e ndërtimit të Korridorit Dhjetë". Greqia dhe
Serbia, duke pasur si prioritet Korridorin dhjetë janë kundër
korridoreve të tjerë që i bëjnë fqinjët, Shqipërinë, Kosovën,
Maqedoninë, të pavarur prej tyre, sic është Korridori Durrës-Kukës-
Prishtinë, apo edhe Korridori Tetë. Edhe në këtë çështje "Mjaft"
vepron në pajtim me interesat greke dhe serbe, duke kundërshtuar
ndërtimin e Rrugës Durrës-Kukës-Prishtinë , pavarësisht nga argumentet
që përdor. Argumentet e luftës kundër korrupsionit duken të
pabesueshme kur ka një standard të dyfishtë në trajtimin e Fratinit
dhe Bakoyannis.

[Endri_]

Si s'u lodhe o burri dheut ,tu i bo biografine cdo njeriu anti-qeveri lol

E di kush aplikonte te njejten menyre si puna jote? Enveri. Ai ta vendoste dhe ta hiqte njollen ne biografi pa pas as me te voglen ide.

Lat nom lat. Skeni asnji ndryshim me klysht e kuq ,vetem se fshiheni nen petkun blu te pd si minj.

[DYDRINAS]

Si s'u lodhe o burri dheut ,tu i bo biografine cdo njeriu anti-qeveri lol

E di kush aplikonte te njejten menyre si puna jote? Enveri. Ai ta vendoste dhe ta hiqte njollen ne biografi pa pas as me te voglen ide.

Lat nom lat. Skeni asnji ndryshim me klysht e kuq qe i shani po vete.

Veliaj: Ndërhyrja e Klinton në Kosovë u bë për trafikun e armëve të shqiptarëve dhe jo për genocidin serb

Ekskluzive, cfarë deklaroi Veliaj në Amerikë për ardhjen e Bush në Shqipëri në 2007.

“Në vitin 1996-97, rrëzimi i skemave piramidale në të cilat shqiptarët kishin investuar kursimet e tyre, solli që dhjetëra-mijëra njerëz të humbisnin të gjitha kursimet e tyre. Ato dolën në rrugë duke kërkuar dorëheqjen e tij, por ai nuk e dha dorëheqjen përpara se armët të dilnin në rrugë. Shumë nga këto armë në një farë mënyre gjetën rrugën për të kaluar në Kosovë, duke provokuar një tjetër luftë në ish-Jugosllavi, e cila u detyrua të ndalohet nga 45 miliardat e ndërhyrjes së NATO, e cila ishte pikërisht ajo që SHBA dëshironin të evitonin.”
Ja çfarë antishqiptarizmi i Erion Velisë i cili në mënyrë, më të pacipë dhe të paturp, genocidin e Serbisë kundër shqiptarëve të Kosovës me qëllim spastrimin etnik e konsideron si një luftë të Shtetit ish-Jugosllav të shkaktuar nga trafiku i armëve nga Shqipëria. E njëjta teori e mbrojtjes serbe të Miloshevicit në Gjyqin e Hagës. Nëpërmjet këtij veprimi të Erion Velisë në median më të famshme progreke amerikane “HUFFINGTONPOST.COM” e cila u amplifikuara nga media serbe dhe në mënyrë të veçantë nga serbiana.com, ndërhyrja amerikane dhe e Natos në Kosovë na del si një luftë ku shkaktar ishin shqiptarët e Kosovës dhe të Shqipërisë dhe jo regjimi kriminal serb.

Përcaktimi që Erion Veliaj i bën luftës amerikane në Kosovë është e para herë që bëhet nga një shqiptar në 10 vitet e fundit. Linja antiluftë e shumë rrymave dhe qarqeve antishqiptare që u trumbetua shumë fort në 1999, kurrë nuk gjeti përkrahës shqiptarë. Në vitin 1999, u bë i famshëm në SHBA reagimi i drejtueses se “HUFFINGTONPOST.COM”, grekes Arianna Stassinopoulos Huffington, ku urrejtja antishqiptare dhe mungesa e ndjeshmërisë njerëzore për viktimat e gjenocidit serb u publikuan në të gjithë shtypin amerikan duke e përcaktuar këtë njeri si avokate të krimeve serbe në Kosovë.
Arianna Stassinopoulos Huffington është një ndër personat më të famshëm të lobit grek amerikan, dhe përkrahëse e intreresave serbe, sot drejton një ndër mediat online më të famshme në Amerikë për linjën e saj anti Bush dhe anti Klinton.
Erion Veliaj është i vetmi shqiptar që shkruan në këtë media dhe shkrimi për Bush është shkruar nga Erion Veliaj në Qershor 2007, si një lëpirje tipike e Velisë ndaj armikut të Bush, George Soros.
Ja çfarë shrkuan Veliaj për ardhjen e Bush:

“Kur Presidenti amerikan George Bush vizitoi Shqipërinë në fillim të këtij muaji, vendi më i vogël që ndodhet në Ballkan bëri titull kryesor në gazetat ndërkombëtare, për herë të parë në një kohë të gjatë dhe nuk është e vështirë që ta kuptojmë përse. Në momentin që popullariteti i presidentit amerikan është në pikën e tij më të ulët ndonjëherë në Amerikë dhe kur zakonisht vizitat e tij jashtë Amerikës priten me protesta, vendi im i cili predominohet nga myslimanët mbushi rrugët me banera që paraqesnin yjet në flamurin amerikan dhe u hodhën me mijëra nëpër rrugë duke e mbushur atë me lëvdata. “
Diku më poshtë Veliaj shkruan për realitetin e Shqipërisë dhe imazhit e Shqipërisë:
Porse ajo që shtypi nuk përcaktoi në raportet e veta, është se: qeveria jonë e udhëhequr nga Kryeministri Sali Berisha, ka abuzuar ne këtë marrëdhënie me Uashingtonin duke i përdorur si mbulesë për të kamufluar atë drejtimin tiranik ne rritje të Shqipërisë. Sot, Shqipëria është vendi më i mbyllur i Europës i ngjashem me atë të Hugo Chavezit, në Venezuelë. Duke abuzuar me mbështetjen e pakondicionueshme ndaj SHBA, Berisha dalëngadalë po shvlerëson respektin për të drejtat e njeriut dhe demokracinë.
Nën maskën e Anti-Berishizmit, Veliaj hedh helm për shqiptarët dhe mbështetjes amerikane ndaj shqiptarëve. Pikërisht për t’i bërë pëlqyer padronit të tij Soros, pjesë e baltës që u hodh në Tiranë ndaj ardhjes së Presidentit Bush në Shqipëri, është investuar shumë nga Soros në Shqipëri. Përhapja e lajmit të sajuar të orës së vjedhur të Bush, dhe goditja e imazhit të mirë të Shqipërisë si një vend i sigurtë përderisa vetë Presidenti Amerikan lëvizte i lirshëm nga nëri qytet në tjetrin në brohoritjet entuziaste të shqiptarëve, ishte një dhuratë që këlyshët e Soros në Tiranë i dhanë padronit të tyre. Është një fakt i njohur në botë armiqësia e Soros ndaj Xhorxh Ë. Bush. Po aq sa edhe preferenca e tij për Obamën dhe jo për Klintonët. Dhe kjo tendencë personale e Soros në Amerikë reflektohet si një lëpirje e njerëzve të tij në Shqipëri e cila është reflektuar hapur në deklaratat e Edi Ramës dhe Lej Fenit Velaij.

Diku më tej në shkrim Veliaj thotë:
“Në Shqipëri nuk kemi McDonalds dhe ClubMeds, jo sepse ne opozojmë globalizmin, në të kundërtën ne e duam atë, por që të bësh biznes këtu është një presion, një shantazh i vazhdueshëm dhe nëse nuk je në favor të qeverisë, atëherë je gjatë gjithë kohës në shantazh dhe nuk ke avantazhe. Rezortet turistike, importuesit e gazit, operatorët telefonikë, prodhuesit e detergjentëve janë nën shtrengimin e presionit te mbylljes së biznesit të tyre dhe nën presionin e politikave financiare. “
Veliaj vazhdimisht ka marrë fonde nga ndërkombëtarët gjoja në emër të përmirësimit të imazhit të Shqipërisë në botë, dhe siç dihet këto para janë përdorur për të prodhuar filma dokumentarë që glorifikojnë Edi Ramën, ish-spiunin Remzi Lani dhe atë vet bashkë me mercenarët e tjerë që e rrethojnë. Por ky shkrim që bëri bujë në 2007 për hir të “së vërtetës” së shqiptarëve ndaj pritjes “euforike” ndaj Bush, është një baltë e jashtëzakonshme kundër mundësisë për të investuar në Shqipëri dhe e gjitha kjo në emër të maskës antiberishiane.
E vërteta e këtij shkrimi është nën maskën antiberishë, u hodh baltë për bombardimet e Administratës Klinton në ish-Jugosllavi dhe ndaj perceptimit pozitiv amerikan të mikpritjes shqiptare ndaj Presidentit Bush. Veliaj nën konsulencën e Remzi Lanit me të cilin Veliaj shoqërohej me paratë e Soros gjatë vizitës që bëri në Amerikë, i bëri kështu qejfin dhe forcoi lidhjet me përfaqësues me emër të lobit grek, fitoi simpatinë serbe të shprehur në shumë media online serbe, por mbi të gjitha “i pëlqeu” dhe lëpirjet e veta padronit të tij Soros. Dhe të gjitha këto kishin si pagesë baltën e hedhur mbi Shqipërinë, Kosovën dhe shqiptarët, pagesë që Veliaj e kryen prej vitesh në mënyrë që të ngjisë shkallët e karrierës në krah të djathtë të Edi Ramës.