Xhamija që ka varre - çështje shkatërrimtare

[ramazan_it]

Xhamia në varre – Çështje shkatërrimtare


Falënderimi i takon All-llahut që i krijoi krijesat për adhurim ndaj Tij, siç thotë edhe në Kur’an: ”Nuk krijova xhinët dhe njerëzit për tjetër veçse që të më adhurojnë Mua.” (Dharijat, 56) Dëshmoj se nuk ka Zot tjetër që meriton të adhurohet, që ka bërë këtë ummet nga ummetet më të mira dhe se Muhamedi, alejhi selam, është i vetmi person i cili meriton të pasohet, i cili ngriti flamurin e Njëshmërisë dhe i vuri pengesë çdo rruge që të shpie në shirk (politeizëm) dhe i devijon pasuesit e tij deri në Ditën e Gjykimit.

"O ju që keni besuar, kini frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)

"O ju njerëz! Kini frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (Nisa:1)

"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja, e kush respekton All-llahun dhe të Dërguarin e Tij, ka shpëtuar me një shpëtim të madh." (Ahzab, 70-71)

Thënia më e vërtetë është thënia e All-llahut, kurse udhëzimi më i mirë - udhëzimi i Muhamedit, sal-lall-llahu 'alejhi ve sel-lem. Veprat më të këqija janë ato të shpikurat, çdo shpikje është bid'at dhe çdo bid'at është lajthitje, e çdo lajthitje çon në zjarr...

Dihet se gjëja me madhështore për muslimanët është xhamia, që All-llahu urdhëroi të ngritet dhe të përmendet emri i Tij në të. Është xhamia të cilën e ndërtuan ata që besuan në All-llahun dhe në Ditën e Gjykimit.


Shërimi nga kjo fatkeqësi që i ka goditur muslimanët

(Shejh Salih bin Hamid ”et-Tealuk bil Kubur Emrun fi Dinilahi Mahdhur,”10)

Robër të All-llahut, nuk kemi shërim apo rrugëdalje tjetër që t’i shpëtojmë njerëzit e thjeshtë (ata të cilët bëjnë pasim, ata që nuk janë në studime islame, apo xhematin në përgjithësi) vetëm se duke i praktikuar ligjet ose me fjalë të tjera, parimet fetare, pikënisje të rrugës deri në shpëtim….

1. Kujdesi që të binden njerëzit (besimtarët) dhe që të drejtohen (të lidhen) me All-llahun e tyre: ”Nëse pyet, pyete All-llahun, nëse kërkon ndihmë, kërko nga All-llahu.”

2. Të ketë bindje të sinqertë se All-llahu është i Vetmi që të sjellë dobi dhe dëme dhe është Rregullues, dhe pas kësaj Ai (All-llahu) është i cili meriton Zotërimin, Njëshmërinë për krijesat e tij në përgjithësi. Thotë All-llahu në Kur’an:

“Po nëse i pyet ata se kush i krijoi qiejt e tokën, sigurisht ata do të thonë: "All-llahu!" Ti thuaju: "Më tregoni pra për ata që i adhuroni, pos All-llahut. Nëse All-llahu më godet mua me ndonjë të keqe, a mund ta largojnë ata atë të keqe, ose, nëse All-llahu dëshiron ndonjë të mirë ndaj meje, a mund ta pengojnë ata të mirën e Tij?" Thuaju: "Mua më mjafton All-llahu. Vetëm Atij i mbështeten të mbështeturit." (Zumer 38)

3. Qartësimi i fryteve të Njëshmërisë dhe qartësimi i gjurmëve të Tij në vetmi në jetën e përditshme, thjeshtësimi i saj duke qartësuar (përdorur) metodën e pejgamberëve, të të sinqertëve, të të drejtëve, të cilët vërtetuan teuhidin dhe thirrën në atë që ishte qëllimi kryesor dhe çështja më madhështore. Thotë All-llahu në Kur’an:

“Ne nuk dërguam asnjë të dërguar para teje e të mos i kemi shpallur atij se: ‘nuk ka zot tjetër përveç Meje, pra më adhuroni!" (Enbija 25).

4. Mbështetja në tekstet e sheriatit (jurisprudencës) në Kur’an dhe Sunnet të të Dërguarit të Tij dhe kujdesi ndaj largimit nga ajo në të cilën kanë qenë prindërit apo gjyshërit e tyre, dhe pasimit të traditave që kundërshtojnë fenë e pastër siç kanë thënë disa nga dijetarët, e ndër ta Abdull-llah ibn Abasi:

“Kam frikë se do të zbresin (do të bien) gurë nga qielli. Unë them ka thënë i Dërguari i Allahut, ju më thoni ka thënë Ebu Bekri dhe Omeri.”

5. Rruga për te All-llahu është me pasim të Sunnetit të Muhamedit, paqja dhe shpëtimi i All-llahut qoftë mbi të, me fjalë, vepër, vendim, besim dhe qëllim.

6. Patjetër duhet qartësuar njerzëve se risia (bidati) është i kotë, dhe e bën të vështirë praktikimin e Sunnetit.

7. Përkujdesja në zgjerimin e diturisë së dobishme, pastrimi i zemrave dhe forcimi i shpirtërave, që të arrihen dobi nga Kur’ani dhe Sunneti.

8. Ruajtja nga besimet e kota dhe adhurimet e tilla, traditat e urryera të cilat e shëmtuan metodën e fesë, e ndërruan të vertetën me të kotën dhe bindjet e pasuesve të së vërtetës në metodën e pastër, të cilat e dëmtojnë atë që ndikohet prej tyre...


Kumtesa e Muhamedit, alejhi selam

Vëllezër muslimanë.... ka dërguar All-llahu Muhamedin, alejhi selam, me udhëzim dhe fe të drejtë, dallim mes të vërtetës dhe të kotës, udhëzimit dhe humnerës, rrugën e xhennetit dhe rrugën e xhehennemit, mikun dhe armikun, të mirën dhe të keqen, të ëmblën dhe të hidhurën, të lejuarën dhe të ndaluarën. E lejuar është ajo që Al-llahu dhe i dërguari i tij e lejoi, e ndaluar atë që All-llahu dhe i dërguari i tij e ndaloi.

vazhdon...

[ramazan_it]

- Hadithet që flasin mbi këtë temë:

(Shejh Albani “Tahdhiru Saxhid min Ithadhi el-Kubur Mesaxhid, 9-20)

1. Transmetohet nga Aishja, Allahu qoftë i kënaqur me të, të ketë thënë:

'Ka thënë pejgamberi, paqja dhe shpëtimi i All-llahut qoftë mbi të, gjatë sëmundjes, prej së cilës nuk është shëruar më: “Allahu i ka mallkuar çifutët dhe të krishterët që i kanë marrë varret e pejgamberëve të tyre për faltore (xhami)”. (Buhari & Muslim)

2. Transmetohet nga Ebu Hurejra, Allahu qoftë i kënaqur me të, të ketë thënë: 'Ka thënë Pejgamberi, paqja dhe shpëtimi i All-llahut qoftë mbi të:

”Allahu i shkatërroftë çifutët dhe të krishterët që i kanë marrë varret e Pejgamberëve të tyre për faltore (xhami)!” (Buhari & Muslim)

3-4. Transmetohet nga Aishja dhe Ibn Abbasi, All-llahu qoftë i kënaqur me ta, të kenë thënë se:

'Pejgamberi, paqja dhe shpëtimi i All-llahut qoftë mbi të, në momentet e vdekjes së tij ka vendosur në fytyrën e tij një pjesë të leckës dhe kur është dëshpëruar, e ka hequr atë nga fytyra e tij duke thënë: "Allahu i shkatërroftë çifutët dhe të krishterët që i kanë marrë varret e pejgamberëve të tyre për faltore (xhami)." Dhe thotë Aishja, All-llahu qoftë i kënaqur me të, që të ruhen ata të cilët bëjnë një veprim të tillë! (Buhari & Muslim)

5. Transmeton Aishja, se kur ka qenë Pejgamberi, alejhi selam, i sëmurë, ia kanë kujtuar disa nga gratë e tij një kishë në tokat e Habeshit, të quajtur Marie, duke e ditur se Ummu Seleme dhe Ummu Habibete kanë kaluar nëpër tokat e Habeshit. Ato ia kanë përmendur bukurinë dhe fotografitë e saj. Ka thënë (Aishja):

“E ka ngritur kokën Pejgamberi, alejhi selam, dhe ka thënë: “Ata janë që kur të vdesë ndër ta një njeri i sinqertë, ndërtojnë mbi varrin e tij xhami dhe pikturojnë piktura të tilla. Ato janë krijesat më të urryera (këqija) tek All-llahu.” (Buhari, Muslim, Nesa'i)

6. Transmetohet nga Xhundeb Ibn Abdullah el-Bexheli, All-llahu qoftë i kënaqur me të, të ketë thënë:

”Kam dëgjuar Pejgamberin, paqja dhe shpëtimi i All-llahut qoftë mbi të, para vdekjes për një kohë të shkurtër duke thënë: ‘Unë jam i pastër tek All-llahu nga ju, që të kem një mik, me të vërtetë All-llahu më ka marrë mua për mik (dost) ashtu siç e ka marrë Ibrahimin, alejhi selam, për mik. Sikur të kisha marrë dikë për mik, do ta kisha marrë Ebu Bekrin, me të vërtetë ata që kanë qenë para jush kanë marrë varret e të Dërguarve të tyre për xhamia, ndërsa ju mos i merrni varret për xhamia për atë se ju ndaloj nga një gjë e tillë." (Muslim)

7. Transmetohet nga Harith en-Nexhrani se ka dëgjuar pejgamberin, paqja dhe shpëtimi i All-llahut qoftë mbi të, pak para vdekjes duke thënë:

”Me të vërtetë ata që kanë qenë para jush i kanë marrë varret e të dërguarve të tyre dhe njerzëve të sinqertë për xhamia, mirëpo ju mos i merrni varret xhamia sepse unë (Muhamedi, alejhi selam,) ju ndaloj nga kjo!" (Transmeton Ibn Ebi Shejbe)

8. Transmetohet nga Usame bin Zejd se Pejgamberi, alejhi selam, ka thënë gjatë sëmundjes prej së cilës edhe ka vdekur:

“M’i sillni shokët e mi!” Kanë hyrë tek ai dhe ka qenë më fytyrë të mbuluar (e ka zbuluar fytyrën) dhe ka thënë: “Allahu i ka mallkuar çifutët dhe të krishterët që i kanë marrë varret e pejgamberëve të tyre për faltore (xhami)!” (Transmeton Tajalesi ne Musnedin e tij)

9. Transmetohet nga Ebi Ubejde ibn el-Xherrah të ketë thënë: ‘Fjalët e fundit që i ka folur Muhamedi, alejhi selam, ishin:

“Nxirrni apo tërhiqni çifutët nga Hixhazi dhe Nemrani nga Gadishulli Arabik, dhe ta dini se njerëzit më të këqij janë ata që marrin varret e të Dërguarve të tyrë për xhamia…” (Transmeton Ahmedi)

10. Zejd ibn Thabit transmetoi se Pejgamberi, alejhi selam, ka thënë:

“I mallkoftë All-llahu (në një transmetim tjetër: “I vraftë All-llahu...”) çifutët, që kanë marrë varret e Pejgamberëve të tyre për faltore.” (Transmeton Ahmedi)

11. Transmetohet nga Ebu Hurejra se Pejgamberi, alejhi selam, ka thënë:

“O All-llah! Mos e bë varrin tim idhull! E ka mallkuar All-llahu një popull që marrin varret e Pejgamberëve të tyre për faltore.” (Transmeton Ahmedi)

12. Nga Abdullah ibn Mes'udi i cili thotë se ka thënë pejgamberi, paqja dhe shpëtimi i All-llahut qoftë mbi të:

”Me të vërtetë njerëzit më të këqij janë ata të cilët ballafaqohen me katastrofën (shkatërrimi i Ditës së Kijametit) dhe janë të gjallë, dhe ata të cilët i marrin varret për xhamia.” (Transmeton Ahmedi dhe Ibn Huzejmete)

13. Nga Ali bin Ebi Talib transmetohet të ketë thënë:

“Më ka takuar Abbasi dhe më ka thënë: ‘O Ali! Na dërgo neve te i Dërguari i All-llahut, ndoshta kemi diçka për ta pyetur apo që t’i këshillojë edhe të tjerët përmes neve. Kemi hyrë tek ai, dhe ai me sy të mbyllur e ka ngritur kokën dhe ka thënë: “I mallkoftë All-llahu çifutët që kanë marrë varret e Pejgamberëve të tyre për faltore!” Kur e pamë se çka na këshilloi, u larguam dhe nuk pyetëm më asgjë." (Transmeton Ibn Seadi dhe Ibn Asakir)

14. Transmetojnë nënat e besimtarëve (gratë e Pejgamberit, alejhi selam,) se sahabët kanë pyetur se si ta rregullojnë varrin e Pejgamberit, alejhi selam; A ta bëjnë xhami? Ka thënë Ebu Bekri: “Kam dëgjuar Pejgamberin, alejhi selam, dukë thënë:

“I mallkoftë All-llahu çifutët dhe të krishterët që kanë marrë varret e pejgamberëve të tyre për faltore!” (Transmeton Ibn Zenxheuie)

vazhdon...

[ramazan_it]

- Dobitë nga këto hadithe:

(”Mevsuatu el-Menahi Sherijetu fi Sunneti Nebevije,” faqe:422-428 nga shejh Selim el-Eaid el-Hilali es-Selefi )

1. Është haram namazi mbi varre dhe të rënit në sexhde atyre, duke u bazuar në hadithet të ashpëra dhe atë në hadhitihn e Seaid el-Hudarit, All-llahu qoftë i kënaqur me të, se Pejgamberi, alejhi selam, ka ndaluar të ndërtohet mbi varre, të ulet mbi to dhe të falet në drejtim të tyre. (Sahih)

2. Ndalohet qëndrimi përballë varreve në namaz, d'ua, lutje, sexhde, etj. për atë se ka ardhur ndalesa e ashpër dhe e qartë për këtë, edhe atë në hadithin që e transmeton Ebi Merxhed el-Ganeuij që thotë se Pejgamberi, alejhi selam, ka thënë: ”Mos u ulni mbi varre dhe mos u falni tek ato (në drejtim të tyre)... (Transmeton Muslimi, 972).

3. Ndalohet ndërtimi i xhamive mbi varre dhe namazi në të, dhe kjo është vërejtja që e ka bërë Aisheja duke shikuar në fund të hadithit dhe kjo argumenton qartë se sahabët e kanë varrosur të dërguarin e All-llahut në shtëpinë e tij duke parandaluar rrugët e marrjes së tij për xhami, dhe për këtë edhe Imam Buhariu ka kapituj, e ndër ta kapitulli me këtë hadith, “Kapitulli i asaj që ndalon ndërtimin e xhamive mbi varre,” nga frika që mos të merren varret për xhamia, e që kjo aludon se pejgamberi e ka urdhëruar për një gjë të tillë, e që këtë e ka përforcuar edhe fjala e Muhamedit, alejhi selam, ku thotë: “O All-llah! Mos e bë varrin tim idhull! E ka mallkuar All-llahu një popull që kanë marrë varret e Pejgamberëve të tyre për faltore.” (Transmeton Ahmedi me sened të vërtetë, nr. 7352).

4. Është haram (e ndaluar) varrosja e njeriut në xhami dhe nuk ka dallim mes ndërtimit të xhamisë mbi varre dhe varrosjes së ndonjë njeriu në xhami. Të dy rastet janë të ndaluara. Ka transmetuar el-Menaui ne librin Fejdul Kadir, 5/274 se Hafidh el-Iraki, All-llahu e mëshiroftë ka thënë: "Është e qartë se nuk ka dallim mes tyre, se nëse ndërtohet xhamia me qëllim që të varroset dikush aty, vetëm se ka hyrë në mallkim, por edhe ndalohet varrosja në xhami edhe nëse i bën obligim (nëse i vdekuri i porositë në këtë para vdekjes) që të varroset në të. Ky obligim apo ky kusht nuk duhet të realizohet, për atë se kundërshton ligjet e asaj që do të jetë pronë e xhamisë."

5. Marrja e varreve për xhamia është nga mëkatet e mëdha, për arsye se:

a) Personi në fjalë e meriton mallkimin
b) Cilësohen si krijesat më të këqija
c) Gjasojnë me çifutët dhe të krishterët.

Të këtij mendimi janë të gjithë dijetarët.

6. Nëse ndërtohet xhamia mbi varre apo pas varreve, xhamia duhet të prishet, e nëse varroset dikush në xhami, duhet të heqet varri dhe në këtë rregull gjykohet sipas përparësisë. Thotë ibn Kajjim el-Xhevzij në librin e tij “Zadul-Mead”, 3/072 "... dhe bazuar në këtë prishet xhamia nëse ndërtohet mbi varre, sikurse që zhvarroset i vdekuri nëse është varrosur në xhami,” e që e njëjta gjë është transmetuar edhe nga imam Ahmedi dhe të tjerët dhe nuk bashkohen ne fenë e All-llahut xhamia me varre (siç ka thënë edhe shejh Albani, se varret janë dushman me fjalën La ilahe il-lall-llah, d.m.th. janë armiqë njëra me tjetrën), dhe cilado që është para tjetrës e tejkalon e para të dytën, e nëse janë të barabarta, nuk lejohet të jetë vakf për xhami dhe nuk lejohet namazi në këtë xhami, për atë se Muhamedi, alejhi selam, e ka ndaluar një gjë të tillë dhe ka mallkuar ata që marrin varret për xhamia dhe ndezin qirinj. Ky pra është Islami i pastër me të cilin ka ardhur i dërguari i All-llahut, e që është i huaj në mesin e njerzëve, siç po shihet.

7.Kush ka për qëllim namazin në xhamia të ndërtuara mbi varre, që të përfitojë mirësi nga ai varr, s'ka dyshim se namazi i tij është i kotë, ashtu siç ka thënë edhe shejh Islam ibn Tejmije në librin e tij “Iktida Siratul Mustekim,” faqe 330: "Dhe atë xhami që është ndërtuar mbi varret e pejgamberëve, njerzëve të sinqertë dhe mbretërve, e të tjerëve, duhet hequr me shkatërrim apo në mënyrë tjetër. Për këtë gjë nuk ka mospajtime mes dijetarëve të shquar, dhe është i urryer namazi në to." Mirëpo, mospajtime ka kur është vetëm një varrr në një vend dhe nuk ka varr tjetër pos tij, ndërsa me afër sunnetit është ajo që ka përmendur në librin e tij “el-Ihtijarat el-Ilmije,” ku thotë: "Nuk ka dallim në fjalët e Ahmedit dhe të pasuesve të tij se ndalohet namazi edhe nëse është vetëm një varr i vetëm, dhe kjo është më e sakta nga ai,” dhe se varrezë quhet çdo vend ku varrosen njerëzit, e jo vetëm ku ka grumbull të varreve, dhe çdo gjë që hyn në emërtimin e varrezave e që ka në të varre ndalohet namazi në të, dhe kjo na e vërteton edhe më shumë se ndalesa vlen edhe nëse është një varr i vetëm, ndërsa numri i shtuar i varreve vetëm se e shton (peshën e mëkateve). E kanë përmendur el-Ademi dhe të tjerët se nuk lejohet namazi në to (xhamitë të cilat janë të drejtuara kah varret) derisa mos të ketë mes varrit dhe kiblës mur që i ndan ata, dhe ky është mendimi i Ahmedit..."


Vazhdon...

[ramazan_it]

Opinionet e katër imamëve për xhamitë mbi varre

(Shejh Albani “Tahdhiru Saxhid min Ithadhi el-Kubur Mesaxhid, 34-41)

- Opinioni (medh’hebi) i Ebu Hanifes – mekruh tahrimen (ndalesë e urryer)

Mekruhi në këtë kuptim të sheriatit, siç ka thënë edhe Muhamedi, nxënësi i Ebu Hanifes, në librin “el-Athar” faqe 45: “... Urrejmë që të ilsutrohet (varri), të lyhet (ngjyroset) apo të ngrihet tek xhamia.” Dhe termi mekruh në opinionin Hanefit simbolizon ndalesën e urryer.

- Opinioni i imam Shafiut

Gjithashtu, imam Ibn Haxher el-Hejthemi në librin e tij “Zevagjir,” duke përmendur mëkatet e mëdha, të renditura në rendin e 93, 94, 95, 96 , 97, 98, ndër to përmend edhe marrjen e varreve për xhamia, ndezjen e dritave (qirinjëve) në to, marrjen e tyre si vend adhurimi (d.m.th. të merren si shtëpi të All-llahut dhe atë duke marrë atë varr si shenjë që u ndihmon në jetën e përditshme), të sjellurit rreth e qark (tavaf) apo ibadetet në to (vende), siç ishin argumentet e lartpërmendura. (Shiko në librin "Ezevaxhir en Iktiraful Ekabir") Ky njëherit është edhe opinioni i Imam Shafiut (këtë e ka përmendur shejh Albani në librin e tij të parë me titull “Tahdhir Saxhid min Itihadhi Kubur Mesaxhid” - “Paralajmërim për namazliun që mos të marrë varret për xhami”

- Opinioni i Malikive - e ndaluar

Thotë Kurtubiu në tefsirin e tij 10/38, pasi që ka përmendur hadithin e (5) Ummu Selemes dhe Ummu Habibes: Kanë thënë dijetarët tanë se: “Ndalohet për muslimanët që të marrin varret e pejgamberëve dhe dijetarëve për xhamia...”

- Opinioni i imam Hambelit - e ndaluar

Gjithashtu opinioni (Medh’hebi) i Hambelinjëve e ndalon një gjë të tillë, siç e ka përmendur në “Sherh el-Munteha” 1/135 dhe të tjera. Gjithashtu kanë transmetuar disa se namazi nuk pranohet në xhamitë ku ka varre, dhe thotë Ibn Kajimi në librin ”Zadu el-Mead” 3/22 në hapat e qartësimit për dobitë dhe rregullat që ka sjellur lufta e Tebukut, pasi ka përmendur tregimin për xhaminë (mesxhid ed-dirar), në të cilën e ka ndaluar All-llahu pejgamberin e tij të falet, e si pejgamberi e ka prishur dhe e ka djegur atë, ka thënë: “Gjithashtu thotë imam Kurtubiu në tefsirin e tij, “Kanë thënë dijetarët tanë se është gjë e ndaluar për muslimanët që të marrin varret e të dërguarve dhe dijetarëve të tyre për xhamia.” (Shiko tefsirin e Kurtubiut 10/38)

Gjithashtu thotë Imam ibn Kajim (në Zadul Mead), All-llahu e mëshiroftë: "Që, të digjen vendet ku i bëhet mëkat All-llahut dhe të Dërguarit të Tij, dhe të shkatërrohen siç e ka djegur Muhamedi, paqja dhe shpëtimi i All-llaht qoftë mbi të, xhaminë e quajtur Mesxhid ed-Dirar dhe ka urdhëruar që të shkatërrohet. Ajo ka qenë xhami në të cilën janë falur muslimanët dhe e kanë përmendur emrin e All-llahut në të. Mirëpo, ndërtimi i saj ka qenë dëm dhe përçarje për besimtarët dhe çdo vend që ka këtë qëllim, është obligim i imamit që të ndërpresë (ibadetet në të) ose ta shkatërrojë, ta djegë, të ndryshojë gjendjen e saj apo të nxjerrë atë që është brenda saj."

Transmetohet nga Ebu Hurejra se pejgamberi, alejhi selam, ka thënë: “I vraftë All-llahu çifutët që kanë marrë varret e të dërguarve të tyre për faltore.”

Thotë Hafidh ibn Rexhebi në “Fet’hu el-Bari”: “Ky hadith argumenton ndalesën e ndërtimit të xhamive mbi varre të njerzëve të ngritur (të sinqertë) apo pikturimi në të, siç bëjnë të krishterët. Padyshim se të dy veprimet janë të ndaluara (varrosja dhe pikturimi).

Gjithashtu pikturimi i formës së njeriut është i ndaluar, dhe ngritja e xhamive në varre është e ndaluar (d.m.th. edhe nëse nuk ka piktura, e që s'ka varre, apo edhe e kundërta: nëse ka piktura dhe nuk ka varre) siç na kanë argumentuar edhe argumente të tjera, si në vijim, ku thotë: "Pikturat që kanë qenë në mure, për të cilat kanë treguar Ummu Seleme dhe Ummu Habibe, dhe piktura në formë të pejgamberëve apo njerzëve të ngritur për afrim te ato apo kërkim shërimi nga ai - gjëra të cilat janë të ndaluara në fenë e pastër të All-llahut, dhe një ndër format e adhurimit të idhujve. Këta janë ata për të cilët Muhamedi aljehi selam na ka treguar se janë njerëzit më të urryer tek All-llahu në Ditën e Gjykimit. Gjithashtu pikturimi (fotografimi) për çmallje nga shikimi që i bën asaj (fotografie) apo dëfrim në të është e ndaluar, gjë që është nga mëkatet e mëdha dhe kryesi i këtij veprimi është nga ata që do të kenë ndëshkimin më të ashpër në Ditën e Gjykimit, për atë se ai është zullumqar, i cili mundohet të kryejë veprime që nuk i takojnë askujt pos All-llahut, sepse All-llahut nuk i përngjan askush në cilësitë dhe veprimet e Tij."

Thotë Muhamed Nasirudin el-Albani: Nuk ka dallim mes pikturimit (fotografisë) me dorë apo pikturimit të saj me aparate fotografike, për atë se dallimi është dallim i kohës sonë.

Transmetohet nga Ebi Ubejde ibn el-Xherrah të ketë thënë: ‘Fjalët e fundit që ka folur Muhamedi, alejhi selam, ishin: “Nxirrni apo tërhiqni çifutët nga Hixhazi dhe Nemrani (Gadishulli Arabik), dhe ta dini se njerëzit më të këqij janë ata që marrin varret e të Dërguarve të tyre për xhamia…” (Transmeton Ahmedi me sened të vërtetë)




vazhdon...

[ramazan_it]

- Marrja e xhamive për varre shikohet në tre mënyra:

1. Namaz për varre dhe sexhde për të
2. Përulje ndaj tij dhe marrja e varrit për kible në namaz, në dua
3. Ndërtimi i xhamisë mbi to, me qëllim që të falet namazi në to

Ndërtimi i xhamive mbi varre - Bidat (risi) - (“el-Mesaxhid Bejne Ibtidai uel-Itibai,” el-Kajsi)

Me të vërtetë ky është mallkimi i cili i takon çifutëve dhe të krishterëve për atë se kanë bërë (kanë marrë) varret e të dërguarve të tyre për xhami (kur ka vdekur një i dërguar që ka qenë te ata, e kanë varrosur dhe kanë bërë xhami për atë varr) e kjo pa dyshim është fatkeqësia që ka goditur gjeneratat e muslimanëve të kohës sonë, për atë se kanë investuar pasuri të shumta në ndonjë varr të caktuar të ndonjë sahabiu apo ndojnë dijetari dhe i kanë bërë si monumente të tyre historike...

Mirëpo, për çfarë arsye gjithë kjo kujdesje kaq e madhe?! Pse i gjithë ky lartësim dhe ndërtim për këta të vdekur? A mos vallë që të jenë vende të vizitave (e që u quajtën më këtë emër), apo që të merren si objekte të zotimeve, të therrjeve te ato (varret)? Për çfarë arsye ky shpenzim i madh i pasurisë në gjëra të kota, që është në ngjasim me çifutët dhe të krishterët, me mohuesit dhe bidatçinjtë e këtij ummeti?!

Me të vërtetë kjo është shfaqje e dukurisë ku njerëzit bëjnë tregti me fenë e All-llahut, me pasuri të vogël të kësaj bote për shkak të marrjes së një pozite tek njerëzit apo të kërkuarit nga ai (i vdekuri) pasuri apo të ngjashme, apo që të marrin pozita udhëheqëse, sepse ata e dinë se ndërtimi i xhamive në varre apo namazi në to ndalohet, apo me fjalë tjera të merret (varreza) për vend faljeje, këtë edhe e ka qartësuar dijetari i Irakut, Hafidh Iraki duke thënë: ”Nëse ndërtohet xhamia me qëllim që të varrosen njerëz të caktuar, kjo hyn në mallkimin e pejgamberit, alejhi selam, dhe ndalohet varrosja e të vdekurve në xhamia, për atë se kushtet për varrim i kundërshtojnë kushtet të cilat i ka ndërtimi i xhamisë.” (Shiko librin Fejd e Kadir)

Gjithashtu thotë Imam ibn el-Kajim (në Zadul Mead), All-llahu e mëshiroftë: "Që, të digjen vendet ku bëhet mëkat ndaj All-llahut dhe të Dërguarit të Tij, dhe të shkatërrohen siç e ka djegur Muhamedi, paqja dhe shpëtimi i All-llahut qoftë mbi të, xhaminë e quajtur Mesxhid ed-Dirar dhe ka urdhëruar që të shkatërrohet. Ajo ka qenë xhami në të cilën janë falur muslimanët dhe e kanë përmendur emrin e All-llahut në të. Mirëpo, është bërë shkatërrimi i saj për arsye se ndërtimi i saj ka qenë dëm dhe përçarje për besimtarët, dhe çdo vend që ka këtë qëllim, është obligim i imamit që të ndërpresë (ibadetet në të), ose ta shkatërrojë, ta djegë, ta ndryshojë gjendjen e saj apo të nxjerrë atë që është mbrenda saj!"

A ishte qëllimi i mesxhidit ed-Dirar prezentimi i shirkut, gjë në të cilën ata kanë thirrur, apo qëllimi i saj ishte lartësimi i saj (mesxhid ed-dirarit), që ata, të vdekurit, të merren si të adhuruar pos All-llahut? A është kjo e vërtetë?! Në bazë të kësaj obligohet rrënimi i xhamisë nëse është ndërtuar mbi varre, si dhe të zhvarroset i vdekuri nëse varroset në xhami, dhe këtë e ka përmendur edhe imam Ahmedi dhe të tjerët.

Dhe nuk bashkohet në Islam xhamia me varre, dhe namazi në atë xhami nuk është i pranuar, duke marrë për bazë ndalesën që ka bërë Pejgamberi, paqja dhe shpëtimi i All-llahut qoftë mbi të, për këtë dhe mallkimin për atë që merr varret për xhami apo ndez qirinj në të dhe kjo është feja e All-llahut, me të cilën është dërguar Muhamedi, paqja dhe shpëtimi i All-llahut qoftë mbi të.

Është pyetur Shejh el-Islam Ibn Tejmije se a pranohet namazi në xhaminë në të cilën ka varre dhe njerëzit bashkohen në atë xhami për namaz të xhumasë apo në namaz me xhemat...? Dhe, a duhet të rrafshohet varri apo të ndërtohet pengesë (mur) mes saj?

Është përgjegjur: “Falënderimi i takon All-llahut që janë bashkuar (katër imamët) se ndalohet ndërtimi i xhamisë mbi varre, për arsye se Pejgamberi, paqja dhe shpëtimi i All-llahut qoftë mbi të, ka thënë: "Me të vërtetë ata që kanë qenë para jush i kanë marrë varret për xhamia, por ju mos i merrni varret për xhamia, për arsye se unë jua ndaloj këtë!" Dhe nuk lejohet varrosja e të vdekurit në xhami. Nëse është xhamia para varreve (varrezës), ndryshohet ose me rrafshimin e varrit, ose (nëse është i ri) zhvendoset nga ajo (xhamia). Por nëse xhamia është e ndërtuar pas varreve, atëherë ose duhet të heqet xhamia, ose të heqen varret, sepse ndalohet namazi në xhaminë në të cilën ka varre, qoftë ai namaz farz apo nafile." (Ibn Tejmije)

Është për t'u çuditur me mendimin (fetvan) e atyre të cilët e lejojnë ndërtimin e këtij bidati (risie) dhe praktikimin e kësaj fatkeqësie mbi varre, se pejgamberi, paqja dhe shpëtimi i All-llahut qoftë mbi të, na ka këshilluar që të ruhemi nga ky bidat politeist në hadithet e tija të shumta, gjithashtu për këtë na kanë këshilluar edhe Selefët (të parët tanë të mirë), All-llahu qoftë i kënaqur me ta. Gjithashtu sahabët, tabi'inët dhe dijetarët na e kanë qartësuar ndalesën e marrjes së varreve për xhamia, vizitimit të tyre dhe gjëra të tjera të cilat i radhitën në radhët e risive, dhe atë duket kuptuar hadithet të cilat do t’i cekim në vijim:

Tansmetohet nga Aishja, Allahu qoftë i kënaqur me të, të ketë thënë: 'Ka thënë pejgamberi, paqja dhe shpëtimi i All-llahut qoftë mbi të, gjatë sëmundjes prej së cilës nuk është shëruar më: “Allahu i ka mallkuar çifutët dhe të krishterët që i kanë marrë varret e pejgamberëve të tyre për faltore (xhami).” (Buhari & Muslim)


Këto janë disa dëshmi që na argumentojnë për ndalesën e ndërtimit (lapidar, bust, etj) mbi varre dhe ndërtimin e xhamive mbi to. Pejgamberi, alejhi selam, frikësohej për ymetin e tij se mos vallë po e pasojnë shembullin e çifutëve dhe të krishterëve, të cilët i kanë marrë varret për xhamia dhe rite në të cilat kanë bërë sexhde dhe i kanë madhëruar, e kjo padyshim është shirk i madh, e cili shirk është më i madh se prerja (e kurbanit) tek varret dhe namazi tek këto, si dhe afrimi, të sjellurit rreth e qark (tavafi) tyre apo kërkimi i ndihmës përveç prej All-llahut xh.sh![

vazhdo...

[ramazan_it]

- A pranohet namazi në xhamitë ku ka varre?

(“Fetava Shejh bin Baz” 5/338)

Nuk lejohet të falemi në xhamitë në të cilat ka varre dhe është obligim të nxirret varri dhe të bartet në varret e përgjithshme: çdo varr në gropë të veçantë dhe nuk lejohet të mbetet në të (xhami) varr as i ndonjë veliu apo i dikujt tjetër, për atë se ka ndaluar një gjë të tillë Muhamedi, alejhi selam, dhe na ka këshilluar që të ruhemi nga ajo, duke i mallkuar All-llahu çifutët dhe të krishterët për veprimet e tyre. Është transmetuar nga Pejgamberi, alejhi selam, të ketë thënë: “Allahu i ka mallkuar çifutët dhe të krishterët që i kanë marrë varret e pejgamberëve të tyre për faltore (xhami).” (Buhari & Muslim)

Transmeton Aishja se kur ka qenë Pejgamberi, alejhi selam, i sëmurë, ia kanë kujtuar disa nga gratë e tij një kishë në tokat e Habeshit, të quajtur Marie, duke e ditur se Ummu Seleme dhe Ummu Habibete kanë kaluar nëpër tokat e Habeshit. Ia kanë përmendur bukurinë dhe fotografitë e saj. Ka thënë (Aishja): “E ka ngritur kokën Pejgamberi, alejhi selam, dhe ka thënë: “Ata janë që kur të vdesë ndër ta një njeri i sinqertë, ndërtojnë mbi varrin e tij xhami dhe pikturojnë piktura të tilla. Ato janë krijesat më të urryera (këqija) tek All-llahu.” (Buhari, Muslim, Nesa'i)

Na ka ndaluar që të marrim varret për xhamia dhe e ka mallkuar kryesin e një vepre të tillë, dhe ka treguar se janë krijesat më të këqija dhe është obligim që t’i këshillojmë njerëzit që të largohen nga kjo, dhe është e ditur se ai që falet te varret vetëm se i ka bërë varret faltore, dhe kush ndërton mbi to vetëm se ka bërë faltore, andaj është obligim që të largohen varret nga xhamia dhe mos të mbeten varret në të, duke praktikuar urdhërin e Muhamedit, alejhi selam, dhe duke u ruajtur nga mallkimi i All-llahut për ata që ndërtojnë xhami mbi varre, për arsye se nëse falet në xhami me varre, shejtani ia zbukuron atij edhe thirrjen që më pas të bëjë për të namazin, sexhden dhe si i tillë të zhytet në shirkun e madh për atë se kjo është nga punët, veprimet e çifutëve dhe të krishterëve, e që ne jemi të obliguar t’i kundërshtojmë dhe të largohemi nga pasimi i rrugëve të tyre dhe nga veprimet e tyre të urryera. Mirëpo, nëse kanë qenë varret e vjetra e pastaj është ndërtuar xhamia, duhet të prishet xhamia, e nëse jo, atëherë duhet të ndodhë e kundërta.

- Dispozita e sheriatit për namazin në xhamitë në të cilat ka varre

(“Fetava Shejh bin Baz” 10/296)

Ndalohet të falurit në ato xhamia në të cilat ka varre, ndërsa është obligim që të zhvarrosen të vdekurit nga aty dhe të transferohen në varrezat e përgjithshme (vend i caktuar për to, me varre të tjera), çdo kufomë në varr të posaçëm (edhe nëse nuk ka asgjë përveç eshtrave). Dhe nuk lejohet të mbeten në të (xhami) varre, as varr i ndonjë veliu (njeri i ngritur) apo i dikujt tjetër, për arsye se Pejgamberi, paqja dhe shpëtimi i All-llahut qoftë mbi të, ka ndaluar një gjë të tillë dhe na ka këshilluar që të mbrohemi nga kjo dhe ka mallkuar çifutët dhe të krishterët për veprimet e tyre. Është transmetuar nga pejgamberi, paqja dhe shpëtimi i All-llahut qoftë mbi të, të ketë thënë: “Allahu i ka mallkuar çifutët dhe te krishterët që i kanë marrë varret e pejgamberëve të tyre për faltore (xhami),” dhe thotë Aishja, All-llahu qoftë i kënaqur me të, le të ruhen ata të cilët bëjnë një veprim të tillë!

Gjithashtu ka thënë pejgamberi, paqja dhe shpëtimi i All-llahut qoftë mbi të, kur Ummu Selemja dhe Ummu Habibja i kanë treguar për një kishë në Habeshe që kishte qenë me fotografi të ndryshme. Ka thënë: "Ata janë që kur të vdesë ndër ta një njeri i sinqertë, ndërtojnë mbi varrin e tij xhami dhe pikturojnë piktura të tilla. Ato janë krijesat më të urryera (këqija) tek All-llahu.” Gjithashtu thotë Muhamedi, paqja dhe shpëtimi i All-llahut qoftë mbi të: "Me të vërtetë ata që kanë qenë para jush i kanë marrë varret e të dërguarve të tyre dhe njerzëve të sinqertë për xhamia, mirëpo ju mos i merrni varret për xhamia ngase unë (Muhamedi, paqja dhe shpëtimi i All-llahut qoftë mbi të) jua ndaloj këtë."

Pejgamberi, paqja dhe shpëtimi i All-llahut qoftë mbi të, e ka ndaluar të marrurit e varreve për xhamia dhe ka mallkuar kryesin e këtij veprimi duke na lajmëruar neve se ata (që e bëjnë nje gjë të tillë) janë krijesat më të urryera, në mënyrë që të ruhemi, largohemi nga to (kjo gjendje). Është e ditur se kush falet në varre vetëm se ka marrur atë (varr) për xhami, dhe kush ndërton xhami mbi varr vetëm se e ka bërë atë varr xhami.

Është obligim të largohen varret nga xhamia, dhe mos të ketë në të (xhami) varre, si praktikim i urdhërit të Muhamedit, paqja dhe shpëtimi i All-llahut qoftë mbi të, dhe si kujdes për ruajtjen nga rënia (të dhënit e fetvave se një gjë e tillë është e lejuar) në humnerë, në mallkimin i cili ka buruar nga All-llahu xheleshanuhu për atë që ndërton xhamia në apo mbi varre.

Mirëpo, nëse varrezat janë të vjetra, e më pas është ndërtuar xhamia mbi to, atëherë është obligim të rrënohet xhamia dhe bartet nga ky vend, për atë se kjo është risi siç kanë treguar më herët dijetarët - si parandalim (pengesë) nga shkaqet që shpiejnë në shirk (politeizëm).

- Mund të thotë pyetësi: Përse nuk lejohet varrosja e të vdekurit në xhami?

(“Fetava Shejh bin Baz” 10/298)

Obligohemi që të ndalojmë varrosjen e të vdekurit në xhami, duke mos marrë parasysh porosinë e personit që të varroset në të, dhe ta bindim që të kërkojë falje nga All-llahu (që së pari t’ia falë atë gabim e pastaj t’ia bëjë të mundur që mos ta përsërisë dhe të jetë i bindur në të), pastaj të kërkojë nga dijetarët (që t’ia qartësojnë atë se porosia i tillë është e ndaluar) në mënyrë që të bindet njeriu se veprimi i tij nuk është i lejuar, duke praktikuar (respektuar) fjalën e Muhamedit, paqja dhe shpëtimi i All-llahut qoftë mbi të: “Allahu i ka mallkuar çifutët dhe te krishterët që i kanë marrë varret e pejgamberëve të tyre për faltore (xhami).” Gjithashtu ka thënë Muhamedi, paqja dhe shpëtimi i All-llahut qoftë mbi të: ”Ata janë që kur të vdesë ndër ta një njeri i sinqertë, ndërtojnë mbi varrin e tij xhami dhe pikturojnë pamjet e tyre; ata janë krijesat më të urryera (këqija) tek All-llahu.“ (Buhari & Muslim)

Këto hadithe dhe hadithe të tilla që kanë ardhur me këtë kuptim, të gjitha na argumentojnë se është i ndaluar ndërtimi i xhamive mbi varre, dhe vendosja (varrosja e të vdekurit) në xhami për atë se këto janë rrugë që të shpiejnë në shirkun e madh (politeizëm).
Dhe në një hadith të vërtetë që transmeton Muslimi nga Xhabir ibn Abdullah thuhet se: ”Ka ndaluar Muhamedi, paqja dhe shpëtimi i All-llahut qoftë mbi të, që të ilustrohet varri, të ulet mbi të dhe të ndërtohet mbi të.”

Dhe nuk mbetet tjetër veçse të përfundojmë se: ndërtimi mbi varre dhe ilustrimi i tyre, rrethoja e tyre dhe namazi tek ato, ndërtimi i xhamive në to, të gjitha këto janë rrugë që shpiejnë në kufër (politeizëm).

E lus All-llahun që t’u ndihmojë muslimanëve në këtë dhe t’i mësojë (t’i bëjë) të fortë në fenë e tyre, t’iu ndihmojë që të kapen për Librin e All-llahut dhe t’i bëjë të fortë në të dhe t’u mundësojë dijetarëve të shikojnë të vërtetën në frymë të Kur’anit dhe Sunnetit, se ai është Dëgjues dhe Përgjegjës.

- Mund të thotë pyetësi: Përse jemi në ngjasim me pasuesit, adhuruesit e varreve kur dihet prezenca e varrit të Muhamedit, paqja dhe shpëtimi i All-llahut qoftë mbi të, në xhami?

(“Fetava Shejh bin Baz” 10/305)

Për këtë përgjigjja është: se sahabët nuk e kanë varrosur Muhamedin, paqja dhe shpëtimi i All-llahut qoftë mbi të, në xhami por e kanë varrosur në shtëpi (në dhomë) të Aishes, paqja dhe shpëtimi i All-llahut qoftë mbi të, mirëpo me zgjerimin e xhamisë në kohën e Velid ibn Abdul Melikut në fund të shekullit të parë, është futur shtëpia (dhoma) e Aishes, paqja dhe shpëtimi i All-llahut qoftë mbi të, në xhami dhe këtë e kanë kundërshtuar, e kanë urryer disa nga dijetarët, mirëpo prapseprap kanë menduar se nuk ka mëkat apo diç të ngjashme për shkak të nevojës së zgjerimit të xhamisë.

Por, nuk i lejohet asnjë muslimani që të merr këtë si argument dhe të ndërtojë apo të jep fetva se është e lejuar të ndërtohen xhamia mbi varre apo që ndokush të varroset në xhami, për atë se kjo bie në kundërshtim me hadithet e vërteta të Pejgamberit, paqja dhe shpëtimi i All-llahut qoftë mbi të, e gjithashtu është rrugë që të shpie në kufër (politeizëm) apo rrugë që të çon në shoqërimin me adhuruesit e varreve.

- Dispozita për ndërtimin e xhamive në afërsi të varreve, dhe dispozita e namazit në xhami në të cilën ka varre

(“Fetava Shejh bin Baz” 10/302)

A lejohet ndërtimi i xhamive në afërsi të varreve që të kenë dobi banorët e varreve nga xhamia, dispozita e namazit në të, dhe dispozita e namazit në xhami në të cilën ka varre?

Përgjigjja: Nuk lejohet ndërtimi i xhamisë në varre dhe nuk lejohet ndërtimi i xhamive afër varreve me qëllim që t’iu sjellë dobi banorëve të varreve me ndërtimin e xhamisë mes tyre. Mirëpo, nëse varri është jashtë xhamisë dhe ka pengesë mes tij dhe xhamisë me rrugë apo pengesë të fortë (mur) dhe nëse nuk ndërtohet xhamia për shkak të varreve, s'ka dëm inshaAll-llahu te'ala në këtë.

- Dispozita e pasimit të gjurmëve të Muhamedit, paqja dhe mëshira e All-llahut qoftë mbi të, që të falemi në to apo të ndërtojmë xhami në to?

(“Fetava Shejh bin Baz” 10/303)

Vendet në të cilat është falur Muhamedi, paqja dhe shpëtimi i All-llahut qoftë mbi të, a është e pëlqyer që të ndërtohen xhamia mbi to apo të mbeten ashtu si janë, dhe a lejohet ndërtimi i parqeve publike në to?

Përgjigjja: Nuk lejohet për muslimanin që të pasojë gjurmët e pejgamberit, paqja dhe shpëtimi i All-llahut qoftë mbi të, që të falet në to apo të ndërtojë mbi to xhamia, për atë se kjo është rrugë që shpie në kufër (politeizëm). Për këtë edhe Omeri, paqja dhe shpëtimi i All-llahut qoftë mbi të, ka ndaluar njerëzit nga kjo, dhe ka thënë: ”Me të vërtetë janë shkatërruar popujt që kanë qenë para jush për shkak se kanë pasuar gjurmët e të dërguarve të tyre!” dhe Omeri, All-llahu qoftë i kënaqur me të, e ka prerë pemën nën të cilën Muhamedi, paqja dhe shpëtimi i All-llahut qoftë mbi të, ka bërë marrëveshjen e Hudejbisë kur ka vërejtur se disa nga njerëzit kanë filluar ta vizitojnë atë dhe të falen nën të, duke ndërprerë me këtë gjest rrugët që shpiejnë në kufër (politeizëm), dhe na ka këshilluar neve dhe tërë umetin kundër bidateve (risive) dhe ka qenë mbikqyrës i lëvizjeve dhe punëve të tija, i kujdesshëm që të vë pengesë, mburojë ndaj kufrit (politeizmit) dhe të ndërprejë shkaqet e tija.

Për këtë sahabët nuk kanë ndërtuar xhamia mbi gjurmët e Muhamedit, paqja dhe shpëtimi i All-llahut qoftë mbi të, në rrugën Meke-Tebuk dhe as në rrugë të tjera, se mos po e kundërshton kjo kushtetutën e Muhamedit, paqja dhe shpëtimi i All-llahut qoftë mbi të, dhe është shkak që mos të zhyten në kufrin e madh dhe për atë se kjo është risi (bidat) për të cilën na ka këshilluar Muhamedi, paqja dhe shpëtimi i All-llahut qoftë mbi të, duke thënë: “Kush vepron diç që nuk është në pajtim më çështjen tonë, ajo vepër është e refuzuar!” Dhe në një hadith tjetër thotë: “Me të vërtetë fjala më e mirë është ligji i All-llahut dhe udhëzimi më i mirë është udhëzimi i Pejgamberit, paqja dhe shpëtimi i All-llahut qoftë mbi të, dhe gjërat e këqija janë risitë e çdo risi është në humnerë!”

Dhe e lus All-llahun të na ndihmojë që ta pasojmë të vërtetën.

La haule ue la kuuete il-la bil-lahil alijul adhim.

vazhdon...

[ramazan_it]

- Cila është dispozita për namazin në xhami ku në kible të saj ka varr?

(“Fetava Muhamed bin Salih el-Uthejmin,”12/374-375)

Nuk lejohet që të vendoset varri në xhami, as në kible të tij e as mbrapa, as djathtas, as majtas, e nëse varroset dikush në xhami, edhe nëse ai është themelues, megjithkëtë është obligim që të nxirret nga xhamia dhe të varroset në varreza me njerëzit tjerë. E nëse varri i paraprin xhamisë, është obligim që ta rrënojmë xhaminë, që të largohemi nga varri, sepse fitneja e varrit është shumë e madhe, që mund të çojë në adhurimin e tij pas kalimit të një kohe të gjatë apo t'i nxit ata që të jepen shumë pas tij. Pra, nëse është ndërtuar varri para xhamisë, duhet të rrënohet xhamia, e nëse xhamia është para varrit, është obligim që të zhvendoset varri, sepse namazi te varri është i ndaluar dhe nuk pranohet namazi tek varret, duke patur parasysh thënien e Muhamedit, alejhi selam, ku thotë: “Mos u falni te varret.” (Transmeton Muslimi). Vallahul Mustean.

- Cila është dispozita e namazit në varre dhe te varri?

Muhamedi, alejhi selam, thotë në një hadih që e transmeton Tirmidhiu se: ”E gjithë toka është xhami (vend faljeje), përveç varreve dhe banjove.” (Transmeton Ahmedi 3/83,96).

Transmeton Muslimi nga Ebi Menthed el-Ganeuij se pejgamberi, alejhi selam, ka thënë:”Mos u ul mbi varre dhe mos u fal tek ato.”
Bazuar në këto hadithe nuk lejohet namazi mbi varre dhe namazi te varret, për atë se Muhamedi, alejhi selam, na tregoi se varrezat nuk janë vende për namaz dhe ndaloi namazin te ato. Çdo send që është rrugë e shirkut është e ndaluar, për atë se All-llahu ndaloi çdo rrugë që të shpie në shirk dhe dihet se shejtani qarkullon në njeriun si gjaku i tij dhe fillon së pari me mënyrat, mjetet e pastaj e arrin qëllimin e pritur. Nëse dikush nga njerëzit fal namaz farz apo vullnetar në varreza apo te ndonjë varr, namazi i tij nuk pranohet...

Së fundi shpresojmë se u është bërë e qartë vëllezërve që nuk e kanë ditur se falja në xhamija ku ka varreza është reptësisht e ndaluar dhe për këtë i kemi argumentet e lartëpërmendura.

Me mirëkuptim nga vëllau i juaj në Islam, Ramazani.

Esselamun alejkum we rahmetullahi we berekatuhu.

[Mexhid Yvejsi]

Varri i Muhammedit (a.s.) ndodhët në Xhaminë e Medinës së Ndritëshme...

[ramazan_it]

Varri i Muhammedit (a.s.) ndodhët në Xhaminë e Medinës së Ndritëshme...

Mexhid unë përherë kam qenë i mendimit se ti je i devijuar dhe ja ku e tregove vehten tënde.

Se ju devijuesit kështu mundoheni ti mohoni argumentet me injorancë.

Po a e din ti Mexhid se, ku vdiq Muhammedi ( sal-lall-llahu 'alejhi ve sel-lem )?
Po a e din ti se Pejgamberët duhen varrosur në vendin ku vdesin?
Po a e din ti se Muhammedi ( sal-lall-llahu 'alejhi ve sel-lem ) e kishte shtëpinë afër xhamisë dhe aty është akoma shtëpija e tij?

Po normalisht se ju, ose nuk i dini, ose i dini dhe nuk ja vërni veshin.

Po shko o Mexhid merni e mësoni Islamin qysh në fillim dhe filloni me Tehidin dhe jo me Sufizmin e juaj të fëlliqur, se e keni përllosur Fenë me devijimet e juaja.

Në rastëse metëvërtetë se ke kuptuar se pse është varri i Muhamedit ( sal-lall-llahu 'alejhi ve sel-lem ), më trego se do të bij argumente edhe për këtë.

Se ne fenë nuk e mësojmë[ ashtu siç e mësoni ju Sufistët me Fillozofi.
Ne ndjekim Menhexhin e Muhammedit ( sal-lall-llahu 'alejhi ve sel-lem ), shembëlltyrës së njerëzimit dhe nuk ndjekim menhexhin e devijuesve, sikur që ndjekni ju.

Për ty do të ishte mirë që ti rishikosh me vëmendje argumentet e mësipërme , se metëvërtetë ju nevojiten shumë, sepse janë të mallkuar ata që falen në varreza ( shih argumentet e mësipërme ), ju jeni ata që bëni qejfin vehtes se jeni dikush në dituri, por për vehten time jeni të ditur vetëm se për në devijim se ju nga Islami asgjë nuk keni. Them kështu mbasi jam i vetëdishëm se nji person që bën shirk dhe ai nuk ka dobi në gjërat tjera qofshin edhe ibadete ata, nuk pranohen tek All-llahu, këtë të jesh i sigurtë se e ke vërtetim fjalën e All-llahut në Kur'an:

" Ky është udhëzim i All-llahut, udhëzon me të kë të dojë nga robët e Tij. E sikur t'i përshkruajnë shok Zotit (edhe ndonjë nga këta) kishte për t'iu shkuar huq ajo që kanë vepuar." ( 6-88 )

Dhe nji person që falet tek nji varri i ndonji njeriu qoftë profet,dijetar, apo njeri i mirë, kjo është shirk dhe nji ndër mëkatet të mëdha që nuk falet, bile ju shlin krejt të mirat e juaja dhe merreni me seriozitet dhe mos luani me fjalt të All-llahu dhe të Dërguarit të Tij ( sal-lall-llahu 'alejhi ve sel-lem ).

Atë që ju jep Pengamberi merreni dhe atë që ju ndalon rruajuni dhe largohuni, o ju të zotët e mendjes.

O shkrimtar, merru me shkrim të së vërtetës dhe jo me shkrime devijuese.

Ruajuni shirkut në rastëse jeni nga ata që besoni ( vlen për të gjithë edhe për mua ), sepse ai është virusi që u prieh krejt të mirat e juaja. Dhe mos u mirni me përallate Nastradin Hoxhës, se ata ju çojnë në devijim, atje ku vehtes hall nuk mundeni me i dhanë.

SHIRKU është çështje që i ka mbregosur Profetët, sahabët, dijetarët dhe ndjeksit e tyre. Ne çka dimë për të? Kur vetë jemi në të! Dhe mundohemi që ta mbrojmë atë!!! All-llahu na ruajt nga të devijuarit.

Me respekt,

Ramazani

[Mexhid Yvejsi]

Mexhid unë përherë kam qenë i mendimit se ti je i devijuar dhe ja ku e tregove vehten tënde.

Se ju devijuesit kështu mundoheni ti mohoni argumentet me injorancë.

Po a e din ti Mexhid se, ku vdiq Muhammedi ( sal-lall-llahu 'alejhi ve sel-lem )?
Po a e din ti se Pejgamberët duhen varrosur në vendin ku vdesin?
Po a e din ti se Muhammedi ( sal-lall-llahu 'alejhi ve sel-lem ) e kishte shtëpinë afër xhamisë dhe aty është akoma shtëpija e tij?

Po normalisht se ju, ose nuk i dini, ose i dini dhe nuk ja vërni veshin.

Po shko o Mexhid merni e mësoni Islamin qysh në fillim dhe filloni me Tehidin dhe jo me Sufizmin e juaj të fëlliqur, se e keni përllosur Fenë me devijimet e juaja.

Në rastëse metëvërtetë se ke kuptuar se pse është varri i Muhamedit ( sal-lall-llahu 'alejhi ve sel-lem ), më trego se do të bij argumente edhe për këtë.

Se ne fenë nuk e mësojmë[ ashtu siç e mësoni ju Sufistët me Fillozofi.
Ne ndjekim Menhexhin e Muhammedit ( sal-lall-llahu 'alejhi ve sel-lem ), shembëlltyrës së njerëzimit dhe nuk ndjekim menhexhin e devijuesve, sikur që ndjekni ju.

Për ty do të ishte mirë që ti rishikosh me vëmendje argumentet e mësipërme , se metëvërtetë ju nevojiten shumë, sepse janë të mallkuar ata që falen në varreza ( shih argumentet e mësipërme ), ju jeni ata që bëni qejfin vehtes se jeni dikush në dituri, por për vehten time jeni të ditur vetëm se për në devijim se ju nga Islami asgjë nuk keni. Them kështu mbasi jam i vetëdishëm se nji person që bën shirk dhe ai nuk ka dobi në gjërat tjera qofshin edhe ibadete ata, nuk pranohen tek All-llahu, këtë të jesh i sigurtë se e ke vërtetim fjalën e All-llahut në Kur'an:

" Ky është udhëzim i All-llahut, udhëzon me të kë të dojë nga robët e Tij. E sikur t'i përshkruajnë shok Zotit (edhe ndonjë nga këta) kishte për t'iu shkuar huq ajo që kanë vepuar." ( 6-88 )

Dhe nji person që falet tek nji varri i ndonji njeriu qoftë profet,dijetar, apo njeri i mirë, kjo është shirk dhe nji ndër mëkatet të mëdha që nuk falet, bile ju shlin krejt të mirat e juaja dhe merreni me seriozitet dhe mos luani me fjalt të All-llahu dhe të Dërguarit të Tij ( sal-lall-llahu 'alejhi ve sel-lem ).

Atë që ju jep Pengamberi merreni dhe atë që ju ndalon rruajuni dhe largohuni, o ju të zotët e mendjes.

O shkrimtar, merru me shkrim të së vërtetës dhe jo me shkrime devijuese.

Ruajuni shirkut në rastëse jeni nga ata që besoni ( vlen për të gjithë edhe për mua ), sepse ai është virusi që u prieh krejt të mirat e juaja. Dhe mos u mirni me përallate Nastradin Hoxhës, se ata ju çojnë në devijim, atje ku vehtes hall nuk mundeni me i dhanë.

SHIRKU është çështje që i ka mbregosur Profetët, sahabët, dijetarët dhe ndjeksit e tyre. Ne çka dimë për të? Kur vetë jemi në të! Dhe mundohemi që ta mbrojmë atë!!! All-llahu na ruajt nga të devijuarit.

Me respekt,

Ramazani

Selam alejkum, Ramazan,
I keni përmbledhur për bukuri, unë të gjitha këto i di, madje pa lindur ti, por shënimi im ishte vetëm një rikujtim, për atë që nuk e din...!
Me selame,
Mexhid Yvejsi, Gjakovë