Himni shqiptar duhet ndryshuar

[Edvin83]

Opinion|10/01/2012 07:32
Himni shqiptar duhet ndryshuar
Shekulli

Naser Aliu

Më 7 dhjetor të vitit të që lamë pas, Austria vendosi të ndërrojë himnin. Përveç bijve në himn, do të hyjnë edhe bijat. Qëllimi i këtij ndryshimi është barazia gjinore në Austri. Krist-demokratët (ÖVP – PPA, Partia Popullore e Austrisë) ishte kundër ndryshmit, por në kuvend u aprovua versioni i ri. Në poezinë e Paula Preradovic, në vargun ku thuhej: Vendi (atdheu) i bijve më të mëdhenj…“ u ndryshua në : “…i bijave, bijve më të mëdhenj.” Për këtë ndryshim qe diskutuar gjatë dhe tani u arrit ndryshimi. Nga një janari i këtij viti është në përdorim versioni i ri, i cili nuk përjashton gratë nga mëmëdheu.

Strofa e dytë e himnit shqiptar duhet ndryshuar patjetër. Dhe aty ku thuhet kush është burrë nuk frikohet, duhet të jetë, kush është grua, burrë nuk frikohet dhe ajo strofë do të tingëllonte kështu:



Origjinali Propozimi për ndryshim



Prej lufte vec ay largohet Prej lufte veç ata largohen

Që është lindur tradhëtor Që janë lindur tradhëtorë

Kush është burrë nuk frikohet Grua a burrë nuk frikohet

po vdes, po vdes si një dëshmor! po vdesin, vdesin si dëshmorë!



Dhe natyrisht duhet intervenuar edhe tek strofa e gjashtë. Ajo strofë do të duhej rishkruar në këtë mënyrë:



Trim burrë quhet dhe nderohet Gra edhe burra do nderohen

Atdheut kush i-u bë therror: Mëmëdheut kush i-u bë therror:

Për jet’ ay do të kujtohet Për jet ata do të kujtohen

Mi dhet’, mi dhet’ si një shenjtor Mi dhet’, mi dhet’ se janë shenjtorë



Substantivi Atdhe të zëvendësohet me Mëmëdhe. Me atdhe punët nuk na kanë ecur aq mirë dhe shpesh e kemi braktisur. Ndoshta ndaj Mëmëdheut sillemi me më shumë dashuri, dhembshuri, me më pak tradhti dhe nuk lejojmë të na e tradhtojnë mëmën ashtu si atin.

Po të jetonte Asdreni sot, nuk do ta kishte shkruar atë poezi, ku u jep rëndësi vetëm akteve të burrave, por edhe sakrificës së gruas shqiptare. Fëmija lindet nga nëna, edukohet nga ajo dhe trimat, që shenjtërohen në himn nuk janë vetëm rezultat i burrave, por edhe i grave, madje, përkushtimi dhe sakrifikimi për edukimin e tyre, mban vulën e nënës.

A mund të bëhet kjo tani tek ne? Ne kemi një Kryeministër, i cili gjatë fjalimeve të tij dominohet nga testosteroni. Ja çka deklaroi ai për lindjet e para në vitin 2012: “Fjalët që më erdhën ndërmend kur dëgjova për lindjet e para që sollën në jetë djem, thashë me vete lindën Ismail Qemali e Isa Boletini. I lindën Shqipërisë edhe njëherë burrat më të mëdhenj të saj”.

Për ata fëmijë nuk dihet se çfarë orientimi do të kenë, çfarë preferenca seksuale, mirëpo mendimi i Kryeministrit flet për bindjet e tija fikse: se kur lindet djalë, atëherë linden burra, që luftojnë dhe janë të gatshëm të vdesin. Mendimi i shqiptuar, në lexim të parë duket naiv, jo djallëzor, por, nëse e rilexojmë, atëherë kuptojmë arsyen se pse ky pas konsultimeve të ngjeshura, paska zgjedhur pikërisht këtë gjykim sugjestionues.

Me Ismail Qemalin i drejtohet Shqipërisë, me Isa Boletinin i drejtohet Kosovës. Pse e bën ai këtë? Ai din se për të mbetur në pushtet dhe për të fituar simpatinë greke, italiane dhe serbe, ka bërë tradhti disa herë. Përmendjen e Ismail Qemalit ia urdhëron nëndija ta bëjë, për të treguar se është atdhetar, se është penduar. Flet ndërgjegjja e ndotur! Nëndija detyron ta përmend edhe Isa Boletinin në mënyrë që të tregojë se është penduar se ndihmoi me naftë makinerinë ushtarake të Millosheviçit gjersa Kosova gjendej e shtypur si kurrë më parë dhe me këtë akt, ky po dëmtonte dhe pengonte ndihmën e Perëndimit. Edhe me Isa Boletinin, flet ndërgjegjja e ndotur dhe tërthorazi pranon gabimin.

I duhen vërtetë Shqipërisë burra në shekullin njëzetenjë, që shpallin pavarësi, që mbajnë kobure apo i duhen shkencëtarë të mëdhenj: shkrimtarë, filozof, poet, kompozitorë, pilot, astronaut, industrialist?

Jo, sipas bindjeve fikse të marra në shekullin njëzet, si dhuratë e shekullit pesëmbëdhjetë, shqiptarëve nuk u duhen shkencëtarë në Europë, por njerëz me kobure, edhe atë nën nënkresë… Sepse natën e parë të vitit të ri, nuk lindi ndonjë Kadare apo ndonjë shkencëtar i nivelit të Ferid Murat, por u rilindën Ismail Qemali dhe Isa Boletini.

Himni shqiptar duhet ndryshuar nga politikanët e rinj, që janë në gjendje ta vlerësojnë drejt dhe siç e meriton gruan shqiptare. Ajo gjatë historisë ka mbartur peshën e Atdheut mbi supet e veta, edhe atë gati-gati pa mirënjohje.

Është koha, në këtë shekull të nderohet edhe ajo në himnin shqiptar. Gjuha shqipe nuk njeh vetëm atdhe, por edhe MËMËDHE! Gjuha shqipe nuk diskriminon gruan shqiptare, por patriarkalizmi i trashë shekullor e bën.

Kryeministri ka sharë gruan me “putanë bulevardi”, ka sharë gratë e kundërshtarëve politik, ka sharë nënat e tyre dhe mendimi i cituar më lart, tregon se ai është mizogjin (urrejtës dhe përbuzës i grave) i papërmirësueshëm.

Ndryshimi i himnit nuk mund të kërkohet prej tij, sepse kjo do të ishte e barabartë me zhburrnim, prandaj kjo detyrë e madhe, u mbetet brezit të ri, që nuk ka paragjykime ndaj nënave dhe motrave të veta. Ndryshimi i himnit do të tregonte se jemi një komb i formuar, bashkëkohor. Jo i ndarë në gjini dhe në dy shoqëri, që nuk njohin njëra-tjetrën, por në një: Me të drejta të plota dhe detyra të barabarta, siç e dëshiron Mëmëdheu.



Versioni i ri pa diskriminimin e gruas shqiptare:

Aleksandër Stavri Drenova (ASDREN 1872 – 1947)

Himni i Flamurit



Rreth flamurit të përbashkuar

me një dëshirë dhe një qëllim

Të gjithë atje duke u betuar

Të lidhim besën për shpëtim



Prej lufte veç ata largohen

Që janë lindur tradhëtorë

Grua e burrë nuk frikohen

po vdesin, vdesin si dëshmorë!



Në dorë armët do t’i mbajmë

Mbrojmë Mëmëdhenë në çdo kënd,

Të drejtat tona ne s’i ndajmë;

Këtu armiqtë s’kanë vënd



Se Zoti vetë e tha me gojë

Që kombet shuhen përmbi dhe

Po Shqipëria do të rrojë:

për të, për të, luftojmë ne!



O flamur, flamur shënj’ e shënjtë,

Tek ti betohemi këtu,

Për Shqipëri’ Mëmëdhen’e shtrenjtë

Për ndern’ edhe lavdimn’ e tu.



Gra edhe burra do nderohen

Mëmëdheut kush i-u bë therror:

Për jetë ata do të kujtohen

Mi dhet’, mi dhet’ se janë shenjtorë

[EuroStar1]

E mo se nuk i ngel hatri gruas qe nuk po e dergojme ne lufte jo... Le te rrijne ne shtepi te presi partizanet e plagosur


Prap keto me himne dhe me luftra

[xhori]

le ta nderrojne, se edhe kompzimi nuk eshte shqiptar
me mir xhamadani vija vija hahahaha

[dardajan]

Dhe natyrisht duhet intervenuar edhe tek strofa e gjashtë. Ajo strofë do të duhej rishkruar në këtë mënyrë:

Derisa te ndryshojm himnin ma shpjego pak ne shqip se cdo te thote Intervenim, dhe mundesisht nga e gjete dhe si e pershtate me shqipen se une spo e kuptoj dot.

Substantivi Atdhe të zëvendësohet me Mëmëdhe.

Po ashtu edhe kete substantivi, po nuk te ngeli qefi.

Apo mos keto jane ndryshuar pra zevendesuar dhe une nuk di gje.

E di qe shkrimi nuk eshte i joti por te vjen per te qeshur kur nuk din te shkruajn shqip dhe pretendojne te ndryshojne himnin.

Gjithsesi eshte nje teme qe duhet ta diskutojne organet dhe instituzionet perkatese.

[s0ni]

Grua e burrë nuk frikohen

po vdesin, vdesin si dëshmorë!


Aha cfare humori. Nuk shoh asgje te keqe me himnin sic eshte.

[EuroStar1]

Patjeter qe Lubonja i ben keto gjera

[-BATO-]

Marrëzia e radhës, por dhe humoristike njëkohësisht. Marrëzi që tregon se ku të çojnë këto rrugë.

Dale, dale, sa do të shohim akoma! Ç'do të na shohin sytë e dëgjojnë veshët!

[stern]

po rini aman lereni ashtu sic eshte
rine rine dhe e nzjerin ndonje prockull keta

Vitin qe iku u be dhe nje debat i tille

Urdheroni lezojeni


Maks Velo: Himni të mos preket
29 Tetor 2011




Himni shqiptar, të mos preket, sepse ka krijuar një traditë 100 e ca vjeçare me popullin tonë”. Kjo ishte deklarata e djeshme e artistit, arkitektit dhe piktorit Maks Velo, i cili vuri në dukje, se, “askush nuk na siguron se një himn tjetër, që mund të bëhet më vonë, do të jetë më i mirë se ky i sotmi”.

Zoti Velo, çfarë mendoni për Himnin tonë Kombëtar. Duhet të qëndrojë, apo duhet të zëvendësohet?

Unë mendoj se Himni Kombëtar i Shqipërisë, pavarësisht, se është një përkthim nga rumanishtja, përsëri duhet të qëndrojë. Pra, të mos zëvendësohet me ndonjë tjetër. Sepse ne jemi mësuar me këtë himn dhe mund të them se teksti i tij, është shqiptarizuar mjaft mirë në këto 100 e ca vjet, në bashkëudhëtimin e vet, me shqiptarët. Gjithashtu, them se ka edhe dy arsye që ky himn të mos ndryshohet.

Cilat janë këto arsye?

E para ka të bëjë më faktin, se në përgjithësi, ndërrimi i himneve nuk është i lehtë, qoftë edhe kur himnet aktuale janë përkthime nga gjuhët e tjera, Dhe e dyta ka të bëjë me faktin, se askush nuk na garanton dot se himni i ri, që mund të bëhet, (nëse bëhet një i tillë), mund të jetë më i mirë se ky i sotmi.
Jeni pro, apo kundër ndërrimit të himnit?

Himni të mos preket. Sepse himni dhe flamuri nuk ndërrohen. Unë jam kundër ndërrimit të himnit kombëtar. Ky himn k a krijuar traditë dhe nëse do të hiqet atëherë, ne do të na duket sikur po na heqin një pjesë të memories sonë. Sepse këtë traditë e kemi trashëguar që nga brezi i mëparshëm dhe ky himn në një farë mënyre na lidh me përpjekjet e rilindasve tanë.


At Nikollë Marku: Himni duhet të ndryshohet

Sipas jush, duhet të mbahet apo duhet të ndryshohet Himni Kombëtar?
Unë mendoj se himni shqiptar, duhet të ndryshohet, në mënyrë që identiteti i shqiptarëve të fitojë përmasat e vërteta. Nuk ka përse të mbajmë një himn të përkthyer nga rumanishtja, kur kemi plot krijime të denja të artistëve tanë. Ose kur mund të organizojmë një konkurs kombëtar për këtë problem. Them se punët e Shqipërisë do të shkojnë mbarë, nëse himni ynë kombëtar, do të jetë një krijim autentik.


Studiuesi Agim Gadri: Duam një himn tjetër
Në lidhje me pyetjen e mësipërme, studiuesi Agim Gjadri u shpreh: “Dua që himni shqiptar të përfaqësojë kombin tonë. Prandaj, kërkoj që Shqipëria të prezantohet në arenën ndërkombëtare me një himn të ri, teksti së cilës, duhet të shkruhet nga poetë shqiptarë dhe muzika të jetë kompozuar nga kompozitorë të vendit tonë. Për këtë mendoj, se duhet të organizohet një konkurs mbarëkombëtar me pjesëmarrës nga të gjitha trevat shqiptare, kudo që ndodhen ata, në Shqipëri, Kosovë, Mal të Zi, apo Maqedoni. Pas ndërrimit të himnit, besoj se do të vëmë në vend një pasaktësi historiko-kulturore, e cila ka më shumë se 100 vjet që qarkullon në vendin tonë.

Ymer Minxhozi: Himni duhet ndryshuar
Ndërkohë gazetari i shquar shqiptar, Ymer Minxhozi është shprehur kështu: “E them që në fillim: Po, duhet ndryshuar! Dhe vetëm pasi të jetë bërë korrigjimi i tekstit të Himnit Kombëtar, mund të rishkruhet edhe Historia e Shqipërisë, në përputhje me kërkesat aktuale”. Ilir Bushi

[landi45]

ide jo e keqe pasi dhe grate duhet te perfshihen,,

po si tja bejme per ato qe jane
ne mes as gra e as burra hahahahahahaha

si ti fusim dhe ata hahahah

[EuroStar1]

Po nuk vune ne himn (Grua e Burre , Femije e Pleq, Krushka dhe Krushku nuk frigohen por vdesin si deshmore ) nuk eshte himn ai

jo jo jo jo duhen patjeter keto perberes