Irfan CANA:VJERSHA SATIRIKE

[irfancana]

SHTETI ME PATERICAT



Ah ky shtet,shtet i ynë i ri
e nisi jetën,me fytyra dy,tri...



Që nga fillimi e rrokën ngricat
e bëri veten t'eci me patericat!



Nuk përfillet e drejta,e as humaniteti...
nga brendia sa fortë e ngulfat sikleti!



Populli po shkëpurdhë,larg janë suksese
plakun,të riun... e mundojnë shumë vese.



Bihen vendime t'çuditshme,pa urti fare
shkatërrojnë pasurinë,duke bërë tallje.

[irfancana]

Sygjerimet e drejta prajnë nga çdo anë
por ato s'dëgjohen,avullohen n'hënë.


Udhëheqësit mendkalbur shtihen të shurdhuar
n'sy të botës,janë duke u pasuruar!


E populli që zhytet në varfëri të thellë
ata fare s'gërzhiten,nuk çojnë poterë!


Na duhet një Cunam mu si në Japoni"
thotë i brengosur,plaku në shtëpi.


Sepse nuk dimë të mbledhim fare mendtë
shteti shkon gabuar,grindemi vend e pa vend.

[irfancana]

Hapu o qiell dëgjoje këtë lutjen tonë
qetësoi gjakrat njëherë,sa s'u bë vonë!



Po pësojmë të gjithë,jemi ndër mornicat
shteti është sëmuar,ec me patericat!

[irfancana]

JU DREJTUES...




Kushtrimi ka rënë
shih nga çdo anë,
apel po u bënë
udhëheqësve tanë!



-Krekoseni pa pra
e rrini n' kolltuqe,
gjer kurr ma
me këto huqe?!



Jeni të parët
ta drejtoni shtetin,
kujtoni lapidarët
flakni rrushfetin!



Tundni kokën
e kthjelluni fare,
sfidoni botën
me urti shqiptare!



Hiqni maskën
punoni n'dritë,
zëreni Laraskën
që po bën flirt!



Kthjelluni ju sot
koha nuk pret,
i ndalni këto lotë
t'fëmijëve t'sinqertë!

[irfancana]

TATËPJETA E EKONOMISË



Thonë se për shtetin ka vlerë ekonomia
ajo është shtyllë ku qëndron shtëpia!



Te ne ndërmarrjet t' vogla e t' mëdhaja
hapërrojnë n'vend,i ka mpi paraja!



I punësojnë punëtorët gjithë në të zezë
sigurime s'paguajnë,pregatisin fshesë!



Edhe tatimeve me mjeshtri u ikin
buxhetin shtetërorë ashtu e fikin



Pa ekonomi t'fortë dhe infrastrukturë
nuk ka përparime e as nuk ka kulturë!



Udhëheqësit e shtetit lëvdohen çdo ditë;
-Ekonomia jonë gjithnjë po shënon rritë!



Përherë në gojë e kanë shkallën e zhvillimit
ajo është pasqyrë e trendit t'përparimit!


E kur përqindja nuk realizohet tevona
thonë:s'ka zhvillim me çipsa e makarona!



Përditë pyesin qytetarë të brengosur:
- ç'është me këtë ekonomi të sakatosur?!

[irfancana]

N'bilanc tregtar shifrat mirë tregojnë:
-Më tepër blejmë, shumë pak eksportojmë!


S'punohet me analiza por me shumë fore
jemi larg rregullave t'shteteve perëndimore!


Edhe me FMN punët i kemi t'brishtë
parimet e tyre,qeveria i shkeli n'bisht!


Që po i humbim ndihmat me qinda miliona
me hipokrizi thonëanë vendime tona!



-Sipas Kushtetutës,rrogat i kemi rritë!
çirret qeveria kah qielli përditë!



Thonë se punëtorët,kanë rrogat sociale
me to nuk jetohet,gjithë janë në halle!

[irfancana]

E për të pa punët,pa kurrfarë të hyra
nuk u ha palla,as që u skuqet fytyra!



S'ka program social n'ent t'punësimit
t'papunët i kalojnë, ditët e trishtimit!





Prin kjo qeveri edhe për dembelinë
kah do ta çoj vendin,veç një zot e din!



Janë mbledhur problemet gjer n'maje t'kresë
varfënjakët vizitojnë,kontejnerë çdo n' mëngjes!