21 janar 2011 - 21 Janar 2012!

[DYDRINAS]

Pjese e shkeputur nga intervista e ambasadorit te SHBA, Arvizu, botuar ne Shekulli:

...

Opozita do të përkujtojë me një homazh 21 janarin, me një marshim në bulevard në ditën e shtunë. E keni këshilluar Ramën që të mos e realizojë si një vit më parë dhe a lidhet me këtë paralajmërimi për shtetasit amerikanë që të mos afrohen pranë homazheve?

Çdo ambasadë amerikane në botë ka për detyrë të paralajmërojë shtetasit e saj edhe nëse të gjitha të dhënat janë për një protest paqësore dhe kjo është ajo që kemi bërë. Me Ramën u takova për drekë, folëm shumë, folëm dhe për përkujtimin, më shpjegoi se çfarë do të ndodhte dhe kishte logjikë me gjithçka tjetër që ishte thënë. Do të ketë një përkujtim, përkujtimorja 1-vjeçare dhe mendoj që do të jetë mënyra e duhur për të nderuar kujtimin e tyre.


Kryeministri, të hënën, i kujtoi Ramës që të kujtonte paralajmërimin që i bëri në 23 janar, kur i tha se rrezikonte shumë nëse tentonte t’i afrohet Kryeministrisë. Ju thatë që shumë gjëra kanë ndryshuar, por a mendoni që në këtë klimë të re ripërsëritja e këtij paralajmërimi është i nxituar?

Në përvojën time këtu, gjatë një viti, diçka pozitive rreth Berishës është që flet në mënyrë të drejtpërdrejtë dhe nuk të duhet të vrasësh mendjen se çfarë ka dashur të thotë. Disa herë kam menduar që mund të ishte më i matur ose diplomatik, ai mund të kishte përcjellë të njëjtin mesazh në një mënyrë tjetër të shprehuri.

...

http://www.shekulli.com.al/shekulli/2012/01/20/arvizu-fbi-solli-ekspertizen-berisha-kerkon-organizatoret/

[DYDRINAS]

Ambasada amerikane: Tubimi paqësor i 21 janarit, mund kthehet i dhunshëm

Ambasada Amerikanë në Tiranë ka bërë një tjetër lajmërim për qytetarët e saj në lidhje me tubimin që Partia Socialiste pritet të mbajë nesër. Ambasada e SHBA-së paralajmëron qytetarët amerikanë se “tubimi paqësor të kthehet i dhunshëm” dhe u kërkon evitimin e tyre.

“Megjithëse demonstrata të mëdha paqësore janë zhvilluar edhe më parë në Tiranë, një demonstratë më 21 janar 2011 u kthye në të dhunshme dhe rezultoi në vdekjen e 4 personave dhe plagosjen e shumë të tjerëve, përfshirë edhe policë. Mitingjet pasuese kanë qenë të qetë dhe kanë tërhequr mbi 10 mijë njerëz, sipas të dhënave të besueshme. Ne u kujtojmë qytetarëve amerikanë se edhe demonstratat që kanë për qëllim të jenë paqësore, mund të kthehen në të dhunshme dhe të paparashikuara. Ju duhet t’i shmangni ato me sa të mundeni,” thuhet në njoftimin e ambasadës së SHBA-së në Tiranë.

Ajo njofton se tubimi i PS me rastin e “21 janarit” do të mbahet nga ora 10:30 deri në orën 14:00. “Njerëzit do të mblidhen përpara selisë së PS dhe do marshojnë në bulevardin Dëshmorët e Kombit për të ndaluar përpara selisë së kryeministrisë” bën me dije ambasada e SHBA-së.

shekulli

[DYDRINAS]

Berisha: S’kishte urdhër për të qëlluar, gardisti ka të drejtë të qëllojë kur e gjuajnë me gur

20 Janar, 2012

Kryeministri Sali Berisha ka folur sot për ngjarjen e 21 janarit duke pranuar se vazhdon t’i qëndrojë akuzave kundër Ina Ramës dhe Bamir Topit për grusht shteti. Ai ka thënë vetëm se i vjen keq për të vrarët, por nga ana tjetër ka mbrojtur “vrasësit” duke thënë se ushtari i gardës kur qëllohet me gur ka të drejtë të reagojë! Berisha s’ka pranuar të ketë pasur urdhër për të qëlluar, por ua ka vënë përgjegjësinë ushtarëve të thjeshtë të Gardës. Berisha gjithashtu ka thënë se kryeministrinë e sulmuan me plumba. Deklaratat e Berishës u bënë sot në Vizion Plus në intervistë me gazetarin Alfred Peza. Gjeni më poshtë pjesë nga intervista:


Kalojmë tek përditshmëria politike. Nesër është 21 janari, ku përveç Kongresit të Lushnjes ku mesa dimë qeveria do të ndodhet atje për kujtimin e kësaj ngjarje të madhe historike, opozita ka ftuar qytetarët të bëjnë një homazh në përkujtim të 21 janarit të një viti më parë. Ju keni deklaruar se vazhdoni t’i qëndroni mendimeve që keni dhënë më 23 janar të një viti më parë. Eshtë një deklaratë që në fakt më shumë është komentuar si një kërcënim për z.Edi Rama, sepse keni thënë të gjithë janë të amnistuar përveç atij?

Absolutisht asnjë kërcënim, por thjesht një qëndrim real, nga i cili nuk do të lëviz ndonjëherë.



Që do të thotë?

Që do të thotë unë u rrethova njëherë me zjarr, me gurë, me hunj në zyrën time, unë që isha kryeministri i zgjedhur në mënyre legjitime. Që do të thotë në mënyrën më tragjike ky rrethim u shoqërua me 4 viktima, një humbje e dhimbshme me plagosjen e qindra e qindra të tjerëve; policë, gardistë, qytetarë dhe të gjitha këto për të marrë me dhunë këtë institucion.



Mendoni se kishte një skenar për ta marrë me dhunë pushtetin?

Unë nuk e di se kush nuk e mendon këtë. Nuk di se kush nuk e mendon këtë. Të gjithë ata që panë me qindra e mijëra gurë, që panë të sulmohej dera kryesore e kryeministrisë dhe të hapej me makinë, që panë të fluturonin shishet molotov por edhe plumba; e kanë të qartë se ajo ishte një axhendë dhe në gjithë këto pesë orë, kryetari i opozitës u instalua në godinën përkarshi me një megafon me besimin e verbër se do të vinte dhe do të mbante fjalim nga ballkoni i zyrës sime.



E keni të saktë këtë?

Absolute, shumë të saktë dhe shumë të sakta edhe gjëra të tjera; edhe për tjetrën që kishin futur armë ne bodrumin e asaj ndërtese ku rrinte kryetari, tek dy kullat. Dhe se në fund çuan mesazh se do të sulmojnë me kallashnikov, dhe morën përgjigje se vend mbi tokë nuk do të gjeni nëse dilni qoftë edhe me një të vetëm. Pra këto ishin zhvillimet e asaj nate dhe dihet këtë nuk e bëri me kokë të vet, këtë e bëri me mbështetjen e fuqishme të atyre të cilët donin mandatin e dytë dhe e dinin se nga unë nuk do të propozoheshin.



Presidenti i Republikës, Z. Topi…

Absolutisht, me mbështetjen totale të prokurores, të presidentit,etj. dihen tashmë. Këto veprime u bënë në një koordinim makabër. Natyrisht kishte disa opsione, mund t’jua ktheja reston në mënyrën më të vendosur.



Që do të thotë?

Që do të thotë se mund të merrnin atë që meritonin, por interesa të tjera prevaluan, interesi që e keqja duhet zvogëluar. Së dyti më takonte mua që të bëja gjithçka për të ruajtur rendin kushtetues, për të mos cenuar unë Kushtetutën. Unë e dija se çështja do të hetohej, nga një prej pjesëmarrësve të këtij puçi e këtij veprimi. Dija gjithçka, por midis hetimit nga zonja që i pritet mandati dhe hetimit nga një prokuror tjetër i emëruar nga unë, apo nga kjo mazhorancë; natyrisht pastaj në cenim të shumë rregullave; kjo e para ishte më e përshtatshme për vendin sesa e dyta.



Pra keni patur plan që edhe ta shkarkonit kryeprokuroren?

Jo, ajo nuk meritonte shkarkim, ata meritonin shumë më tepër se shkarkim, sepse ata të cilët u angazhuan në një veprimtari antikushtetuese për të rrëzuar me forcë një qeveri legjitime, për ata ligjet janë të qarta.



Pra meritonin arrestimin?

Ata meritonin ligjin dhe nuk e morën ligjin. Unë ato fjalë që ju kam thënë atyre, as nuk i heq, as nuk i kam hequr dhe as nuk do t’i heq. Quaje grusht, apo quaje tentativë për përmbysje pushteti me dhunë, se dëgjoja një ditë, një rudiment politik që thoshte se grushti bëhet kur rrëzohet Presidenti; Presidenti është simbolik, në Republikë Parlamentare është Qeveria.



Pra kur rrëzohet qeveria?

Po, pa diskutim. Kushdo që e lexon nuk mund të thotë…



Presidenti tha që unë nuk i kam qëlluar me grusht vetvetes

Tani, është mirë ta lëmë këto 6 muaj, se kam vendosur që këto 6 muaj të rrijë, të formojë atë parti se e ka kthyer presidencën në parti, unë nuk do të merrem me të. Por historia është kjo për ta mbyllur, kjo çështje edhe një çështje e rëndë, pa diskutim. Kam pranuar një skemë, kam pranuar skemën e hetimit të organizatorëve, kam pranuar skemën e hetimit të vrasjeve plotësisht, sepse çdo vrasje meriton hetim të plotë, qartësimin e çdo rrethane; kam pranuar skemën e hetimit të sponsorizuesve të tyre. Deri sot qoftë edhe një organizator i vetëm nuk ekziston



Kjo skemë kur është negociuar, kur është rënë dakord për të?

Pse, se ajo nuk negocion, se ajo që heton është një organizatore, është pjesë e këtij puçi.



Eshtë akuzë e rëndë për kryeprokuroren kjo?

Absolute, është absolute pjesë, janë të verifikuara këto. Ata të cilët organizuan këtë kishin dy skenarë: njëri ishte që natyrisht do pushtonin zyrën dhe do ishin të qetë, në variantin tjetër ishte se do më bënin rreshtore, ata e dinë. Rreshtore kryeministrit të zgjedhur me votën e lirë të shqiptarëve. Por ky është një kapitull që nuk mbyllet kurrë pa hetim dhe këtë unë më mirë të jem i hapur me çdo shqiptarë, ky kapitull mbyllet pasi të zbardhen të gjitha përgjegjësitë; të organizmit, të sponsorizimit, të vrasjeve, të dëmeve. Deri tani në hetim as edhe një organizator i vetëm. Përkundrazi deri tani organizatorët kryesorë komandojnë prokurorinë e shtetit, komandojnë prokurorinë e shtetit, ta them unë.



Kush janë organizatorët kryesorë?

Dihen ata. Ne kemi një komision hetimor parlamentar, i cili sa të jetë në pushtet kjo forcë politike do të jete i gatshëm. Por tani për tani, dhe bëmë prapë mirë, menduam që kjo të mos konsiderohet një presion ndaj drejtësisë, ai është një komision on hold. Cili ishte motivi i 21 janarit? Ishte një shirit i transmetuar, një regjistrim në të cilin Kryeministri nëpërmjet manipulimit lidhej me një ngjarje që nuk kishte asnjë lidhje. U bazuan në një shirit, i cili lidhi Kryeministrin me një ngjarje që s’kishte asnjë lidhje, lidhi Zv.kryeministrin; drejtësia dha fjalën e vet, por një gjë që e kam thënë edhe në atë kohë dhe e përsëris se ky shirit është prerë dhe ngjitur 28 herë. Mjafton të vije kufjet në vesh dhe çdo njëri kuptonte se ajo ishte e tëra një montim i neveritshëm, por montim ama që u përdor për të ftuar njerëzit në Tiranë, se qeveria paska bërë hatanë. Të gjitha këto rrethana janë dhe do të hetohen. Nuk i kam thënë z. Rama asnjë kërcënim dhe duhet ta dijë se nuk e kërcënoj kurrë, por duhet ta dijë se i qëndroj fjalës sime në mënyrën më absolute.



Në fakt nëse e lexon merret si i tillë…

Jo, nuk është kërcënim, por nuk lëviz nga pozicioni im.



Nuk ju amnistoj, çfarë do të thotë?

Do të thotë se nga 2005 e deri më sot ai ka qenë në mbrojtjen totale të këtij shteti, të cilin ai me një grusht banditësh dhe kriminelësh erdhi të rrëzoje me dhunë një kryeministër të zgjedhur me menynë legjitime. Kurrë ndonjëherë ai nuk mund ta kapërcejë këtë pa u bërë drejtësia siç duhet.



Thoni se do të hetohet, keni parasysh këtu faktin se do të zgjidhet një president i ri dhe më pas kjo mazhorancë për shkak të mbarimit të mandatit do të zgjedhë një Prokurore ose Prokuror të ri, këtë keni parasysh me hetim?

Ngjarje të tilla të rënda nuk amnistohen kurrë. Jo. Ngjarje të tilla të rënda kanë vetëm një përgjigje hetimin e plotë dhe të vërtetën në shesh.



Pra keni parasysh me këtë rihetim pas ardhjes së prokurorit të ri të përgjithshëm?

Ky është një problem e rëndësishëm është të marrë zgjidhje ligjore. Por të jesh i bindur që ato dy ditë me Bamir Topin dhe Ina Ramën janë zhvilluar, jo nga unë, dhjetëra kontakte, dhe e kanë shitur dhe blerë njeri-tjetrin ata gjatë atyre dy ditëve nja 15 herë. Por problemi i tyre ishte se ishin bashkarisht në tavë.



Paskan qenë të përgjuar?

Jo, i bindur të jesh jo. Nuk ke për të gjetur kurrë, mbaje mend këtë, njeri që të thotë se më përgjoi Sali Berisha.



Çfarë përgjegjësie ndjeni sot pas një viti për 4 të vrarët?

Absolutisht, ndiej një dhimbje dhe keqardhje të madhe, por në mënyrë absolute, dhe njëherë dhe 100 herë mund të theksoj se një institucion i një vendi të lirë nuk mund të pushtohet. Pse? Ai nen i kushtetutës që i jep të drejtë opozitës të protestojë kudo… shiko, janë të pakta vendet në Europë ku protestohet para dritares së Kryeministrit.



Edhe ju keni protestuar në opozitë…

Po, ky është një standard dhe do të protestojnë sa herë të duan dhe do të kenë garanci të plotë. Është një opozitë që nga 2005 e deri më sot ka organizuar 1753 protesta, ka pasur 3 të dhunshme; është një opozitë që është toleruar. Kur bllokuan në Londër, me gjyq i pastruan, nuk i lejova të shkojnë ne gjyq administrata dhe njerëzit.



Po flisni për grevën e urisë?

Me grevën e urisë këta kishin skenarin të futeshin, po ai skenar nuk u bashkërendua dot me ata të tjerët që u bashkërendua më 21 janar.



Për 4 viktimat…

Keqardhje e madhe.



Kush ka dhënë urdhër, keni dhënë ju urdhër apo ndonjë vartësi juaj?

Në mënyrë kategorike dhe absolute as edhe një urdhër. Urdhri ishte ky, që ta dish ti, ai që do të hynte brenda ai nuk do të mund të dilte më, i vetmi urdhër. Rrethimi është atribut i gardës, ndërtesa do të mbrohej nga të gjithë punonjësit, ishim të gjithë në punë dhe këtu nuk mund të hynte njëri dhe ne ishim shumë të qetë. Cili është ligji i gardës? Ligji i gardës është ky, po e gjuajte ushtarin me gur, me dru, me çdo gjë tjetër, nuk të gjuan me gur, nuk të gjuan me dru; nuk ka ushtar në botë që po ta gjuash nuk të drejton armën. Nuk ka ligje në botën demokratike që kur një ushtar i gardës gjuhet me tulla, gjuhet me gur, nuk i thotë: 1. qëllo në ajër: 2. nëqoftëse vazhdon qëlloje tek këmbët: 3. qëlloje direkt. Këto janë të përcaktuara në ligjet e gardës të të gjitha vendeve demokratike. Në këtë kontekst nëse ndokush ata pesë apo dhjetë ushtarët rreth e rrotull i konsideronte derra apo viça lope që mund të lëshonin breshëri tullash dhe gurësh dhe ata do të bënin sehir, gabon. Nuk di, jo garde, por nuk di ushtar në vendroje, i cili të mund të qëllohet me gurë dhe të mos reagojë.



Peza: Po thoni se katër viktimat kanë ardhur nga garda për shkak të detyrës?

Jo, unë them këtë, garda ka qëlluar në zbatim të ligjit, sesi kanë ardhur viktimat kjo do jetë një proces hetimi . Këto do të jene të tëra në hetim, nuk më takon mua; por unë them se ushtar në këtë vend që të qëllohet me objekte të forta që të sulmohet dhe agresohet nuk ka që të mos reagojë në përputhje me ligjin.



Keni deklaruar atë ditë se nga protestuesit ka pasur pistoleta armë, çadra armë.

Të gjitha janë informacionet.



Ka diçka që duhet të ridimensiononi pas një viti nga informacionet që keni thënë?

Tani për tani hetimin në dorë e kanë ata të cilët ishin pjesë e këtij skenari, por unë kam përzgjedhur vete këtë si diçka më të afërt me kushtetutën. Natyrisht në mënyrën më të padiskutueshme kurrë ndonjëherë nuk do të pranoj që kjo çështje të mos zbardhet tërësisht.



Pra ju i qëndroni deklaratës që keni thënë se ka patur njerëz me çadra-pistoletë?

Unë i qëndroj informacionit që kam pasur. Unë kam pasur atë informacion dhe informacione të tjera, por këtu 1 vit rrjesht as edhe një organizator i vetëm nuk është pyetur.



Me sa di unë është pyetur zoti Sajmir Tahiri?

Në parlament nuk ka as edhe një kërkesë për heqje imuniteti, për marrje në ndjekje, asnjë zyrtar; çka do të thotë se nuk ka, se pse janë thirrur aty nuk di gjë.



Ka pasur një problem në atë kohë pas firmosjes së urdhër-arresteve për zinxhirin drejtues të Gardës dhe nuk u lejua ekzekutimi i këtyre urdhër arresteve nga ana e policisë.

Jo, nuk u lejuan nga kryeministri.



Ju nuk i kini lejuar?

Jo nuk u lejuan nga kryeministri, po sigurisht. Po të urdhëroja policinë unë ajo do të ndodhte; por a mund tua jepnim bandave ne kryeministrinë. Dhe jo vetëm unë ka pasur një ndërhyrje të gjithanshme dhe besoj se ajo u faktua se ishte tërësisht pjesë e skenarit.



Cili ishte skenari?

Skenari ishte, që personi i cili ishte ne zyrën e tij dhe kishte vetëm një detyrë, evakuimin e kryeministrisë, që unë nuk evakuohesha kurrë, por ata bëjnë planet e tyre; ai duhej arrestuar që nuk kishte qenë kurrë këtu dhe ish-komandanti i gardës. Këto janë çështje hetimi, por ka element të shumtë. E para kjo, e dyta nuk kemi qenë absolutisht kundër marrjes në ndjekje, jo. Por ndjekje të lirë, se nëse ti e merr nga komandanti i gardës deri tek i fundit çfarë u thua; ti u thua kriminelëve sulmoni e merreni se nuk ka kush e mbron më. Kjo ishte një aventurë, sepse kjo do të mbrohej me çdo çmim, këtë se merrte dot kurrë. Pra nuk ka këtu asnjë lloj përpjekje për të penguar, por ka një përpjekje nga ata të cilët u dështoi, nuk dëgjuan dot fjalimin nga ballkoni i kryeministrisë dhe menduan se të nesërmen mund ta realizonin meqë pati viktima.



Ju po thoni që urdhri për arrestimin e 6 drejtuesve të gardës ishte vazhdim i planit?

Absolutisht, kryekëput. Pse nuk u zbatua? Unë në bazë të ligjeve të vendit dhashë urdhër që të mbahej on hold, ka ligje që përcaktojnë këtë për shkak të detyrës, pse nuk ndodhi kjo pas 3 muajsh, pas 5 muajsh,pse nuk ndodhi ?! Ke dëgjuar ta kem penguar unë. Kush e pengoi? Ekspertët e huaj, jo përkundrazi. Po pse do të ndodhte vetëm 5 orë prapa pasur asnjë fakt asnjë provë dhe asgjë. Po pse Edi Rama do të dilte në konferencë shtypi dhe do të citonte Ina Ramën?! Më thuaj pak si mund të ndodhte kjo. Ai që ishte organizatori kryesor për të marrë pushtetin me dhunë. Janë të gjitha të regjistruara.



Thuhet se pamjet që janë filmuar nga kamerat e kryeministrisë janë fshirë nga serveri qendror?

Absolutisht nuk kam asnjë dijeni se janë fshirë qoftë edhe një gjë. Ajo që unë kam bërë që në orën 7 të darkës kam urdhëruar që gjithçka, ne nuk kemi një sistem kaq të përsosur por diçka kemi, për rrethimin unë them se duhet të jetë i gardës. Grupi im nuk ka sistem. Grupi im detyrat e veta. Unë kam një grup si çdo kryeministër dhe ai ka detyrat e veta. Kështu që gjithçka ka ndodhur para kamerave. Nuk kam dijeni që të jetë fshirë qoftë edhe një segment. Kam dijeni që nuk ka qenë i gjithë territori i survejuar dhe prapë mund të mos jetë i tërë territori, varet nga mjedisi, kjo është çështje ekspertësh dhe jo çështje të miat.



Ato ditë janë parë ushtarë të gardës të marrin mjekimin brenda territorit të kryeministrisë dhe nuk janë çuar në spital?

Tani sesi e kanë rregullin ata, tani unë nuk mund të them se cila plagë shkon në spital dhe cila plagë, kjo është çështje e ekipit. E rëndësishme është se një ambulancë ka ardhur dhe i ka mjekuar. Ambulanca ka pasur nje mjek dhe një ndihmës mjek dhe ato kanë vepruar mbi gjykimin sepse në spital edhe kanë derguar.



Këto ditë në media është shfaqur një intervistë e të afërmit të njërit prej viktimave të 21 janarit sikur ju, pretendohet që keni dërguar persona pranë tyre për t’i takuar, për tu dërguar para, për të shkuar në varrim; a ka ndonjë të vërtetë këtu?

Në mënyrë absolute as kam dërguar dhe as nuk dërgoj, as nuk e njoh. Kam shprehur ngushëllimet e mia dhe pa diskutim keqardhjen më të sinqertë. Dhe nga ana tjetër kurrë ndonjëherë një institucion kushtetues nuk do të mund të pushtohet, do të mbrohet, do të mbrohet vetëm do të mbrohet.



Shihni një paralele mes 21 janarit dhe 14 shtatorit 1998?

Në 12 shtator u vra Valesa i shqiptarëve, Azem Hajdari. Kush e vranë, e vranë majorë dhe kolonelë të policisë së shtetit, është faktuar kjo. Më 12 shtator në një konferencë për shtyp timen të parë kam dhënë emrat e vrasësve një për një siç mi thanë dëshmitarët dhe ata u mbrojtën për muaj e muaj të tërë nga shteti. Dhe vrasje të tilla në histori janë shkaqe të tronditjeve më të mëdha të një vendi. E dyta, absolutisht kam bërë gjithçka që funerali të mos ndalonte para kryeministrisë. E treta, në skenarin kryeministria ishte boshatisur. Siç e dini ata që më rrethuan dhe sulmuan mua atë ditë, unë isha në zyrë. Ata që erdhën tek dera e kryeministrisë gabuan dhe faktikisht nuk gjetën njëri brenda gjetën vetem muret. E katërta u vranë katër vetë dhe për ato vrasje nuk ka asnjë njëri të penalizuar deri më sot. Cila është ngjashmëria? Nëse ekzekutohet simboli i një lëvizje që nxorri shqiptarët nga diktatura dhe ekzekutohet tek selia e partisë së tij në mënyrën më demonstrative, dhe ekzekutohet nga uniformat e shtetit. Ata të cilët bëjnë paralelizëm ata dëshmojnë thjesht një primitivizëm politik dhe asgjë tjetër, sepse këto janë dy ngjarje pa asnjë krahasim. Dhe po ti marrësh kështu, më 14 shtator ‘98 ishte bosh, ndërsa me 21 janar ishte plot kryeministria, edhe Erla ishte këtu në detyrën e vet, të gjithë ishin.

tema

[DYDRINAS]

Transmetim direkt i manifestimit heshtje homazh te PS

http://abcnews.al/live-stream

Nga transmetimi duket se publiku shqiptar ka nisur te largohet nga levizje te tilla teatrale. Kjo eshte nje shenje pozitive, sepse pasqyron vetedijen gjithnje ne rritje te qytetareve shqiptare, te cilet kerkojne zgjidhje permes ofertave te besueshme politike dhe jo permes manipulimeve tetrale.

Opozita po merr perdite mesime, mirepo askush prej drejtuesve te saj nuk po arrin ta lexoje mesazhin qytetar!

Shqiptaret kerkojne oferte te besueshme dhe nga lider te besueshem! Opozites i mungon kjo oferte dhe i mungon lideri i duhur!

[DYDRINAS]

Edi Rama i hipi makines dhe u largua. Po ashtu drejtuesit e tjere te PS dhe te opozites u larguan nga manifestimi.

Aty mbeten vetem familjaret e personave qe humben jeten nje vit me pare!

Rama iku per te bere gati fjalimin "programatik"!

Ky eshte teatri rrugor i rradhes, prej te cilit nje vit me pare u prodhua me skenar vdekja e 4 qytetareve dhe sot vdekja e tyre nuk u sherbeu per asgje, sepse askush nuk ju shkoi "lidereve" nga pas.

Braktisje e plote!

PS duhet te mendoje dhe te veproje ndryshe!

Nuk mund te besh per vete askend, nese ne shekullin e 21-te vazhdon t'u ofrosh shqiptareve figura te tejkaluara nga koha si Gramoz Ruçi, Namik Dokle apo politikane pa nivel si Taulant Balla dhe Erjon Braçe, persona pa shtylle kurrizore si Erion Veliaj etj.

Enderra e Edi Rames per te qene dikushi eshte shembur! Nuk ka Shehrezade qe do te mundet t'ja permiresoje imazhin!

[DYDRINAS]

LAJM I FUNDIT/ Nis marshimi- homazh i opozitës për 21 janarin

21 Janar, 2012

Mijëra njerëz, të mbledhur pranë Partisë Socialiste, kanë nisur marshimin drejt bulevardit ‘Dëshmorët e Kombit’. Atyre u prijnë katër fotografitë me shirit të zi të protestuesve të vrarë më 21 janar 2011. Pas tyre vjen kryetari i PS, Edi Rama, së bashku me familjarë dhe drejtues të opozitës. Shumë prej protestuesve mbajnë lule në duar. Ndërkohë pranë kryeministrisë në sfond luhet muzikë funebër.

***

Kryetari i PS, Edi Rama, pak përpara nisjes së protestës- homazh të opozitës, u ka bërë thirrje qytetarëve të jenë të pranishëm. “Në 11 homazhe për dëshmoret e 21 janarit. Kush prej jush është në Tiranë dhe ndjen nevojën për drejtësi, le të vijë me një lule në bulevard,” shkruan Rama në Twitter. Disa përkrahës të PS janë nisur nga rrethet drejt Tiranës, por numri i tyre është i vogël. Siç kishin raportuar gazetat dhe më parë, vetë PS ka kërkuar që të mos nisen shumë njerëz drejt Tiranës. Atmosfera në Tiranë duket e qetë, kurse kryeministrinë kanë nisur ta blindojnë forcat policore.

Reagimi i lexuesve te saj:

4 Pergjigje per LAJM I FUNDIT/ Nis marshimi- homazh i opozitës për 21 janarin

iliri_leeds -- 21 Janar, 2012 në 12:35 pm

turp per shqiptaret qe nuk e shfrytezuan tubimin sot kunder saliut shume pak njerez ju vertet e meritoni saliun

Përgjigjjuni

LILOLABJA -- 21 Janar, 2012 në 12:38 pm

Jam e shokuar nga pjesemarrja ne kete proteste homazh.Nuk po u besoj dot syve, them se mos eshte truk i ketij kanali qe po e ndjek .Nuk e di nqs qytetaret do vine nga shume ane te tjerea por nuk e shpegoj dot pse kaq pak njerez.

Përgjigjjuni

Leka -- 21 Janar, 2012 në 12:49 pm

Te gjithe e ndjejne qe homazhi i vertete eshte per Edi Ramen, qe ka vdekur realisht dhe ligjerisht, qe kur Saliu vodhi zgjedhjet me 2009 dhe 2011.Duke mos i marre Saliut,placken e vjedhur nga dora(votat),por shkon dhe i ligjeron ato duke u futur ne parlament,qysh ahere, ne kete moment, ai duhet te kish bere doreheqjen, sic e permban dhe statuti i partise se tij.Rama mbas kesaj i ngjan nje handikapi, qe i eshte qepur koqeve te dajes(ambasadoreve)ndonse ai danez e tha fare hapur(para tij ja ja ka thene dhe Arvziu,qe jeni ju ne kete vend mbasandaj vijme ne):Vras mendjen,perse shqiptaret vazhdojne te tolerojne dhe durojne nje realitet te tille.

Përgjigjjuni

FERDEROVA -- 21 Janar, 2012 në 12:53 pm

TYM E FLAKE TIRANA PA,POR FLAMURIN NE SHESH S’E LA!
SA TURP,SA KEQ-KRIME PARA QEVERISE SONE TE KETE!
HIDHUNI DJEMA SE KOHA S’PRET-DALENI NA LA SKLLAV PERJETE!
PS O BEJU OPOZITE KOMBETARE O TRETU FARE!
VI RININE NE KRYE -HIQ DORE NGA STERCIKLIME..

PSE NA LATE TE TALLET BOTA,SERBO GREKU TE HAJE COPA?!

Përgjigjjuni

Leka -- 21 Janar, 2012 në 1:08 pm

Sot te vraret, duken me shume se te gjalle, kurse te gjallet,duken me shume se te vdekur, ne procesionin e tyre te vetvrasjes se shemtuar.

Përgjigjjuni

BERISHA LARGOHU. -- 21 Janar, 2012 në 1:11 pm

Shqiptaret kane filluar te mos i besojne Rames, prandaj nuk e mbeshtesin Edi Ramen.

Përgjigjjuni

linda -- 21 Janar, 2012 në 1:13 pm

Shpirti i kater deshmoreve u prehte ne paqe! Homazhet ketyre deshmoreve te gjithe shqiptaret e vertete ua kane bere. Ishte thjesht nje homazh parakalim per te vendosur nje lule. Shqiptaret kane ende frike dhe persa kohe do te kene frike, edhe 100, edhe 1000 te vriten, njerezit do rrine te strukur ne shtepi duke pare televizor apo duke shijuar kafene ne lokalet e shumta te Tiranes. Kjo eshte qytetaria jone, te dashur bashkelexues dhe bashkekomentues. Sa te jemi te tille, cdokush qe do marre pushtetin, e ka te lehte te na nenshtroje.

Përgjigjjuni

arvanites -- 21 Janar, 2012 në 1:14 pm

Sapo u ktheva nga proteta – homazh.
Shume emocionuese. Shpresoj qe mbas kesaj proteste trysnia nderkombetare per te vene drejtesi per viktimat te shtohet.

Përgjigjjuni

BERISHA LARGOHU. SHQIPTARET KANE HARRUAR TE PROTESTOJNE! -- 21 Janar, 2012 në 1:20 pm

Politka shqiptare eshte e depresuar!

Përgjigjjuni

Qerimi -- 21 Janar, 2012 në 1:39 pm

Ka disa ketu qe habiten me pjesmarrjen e paket. Mos u cudisni. Kjo tregon qe ju se keni idene e realitetit ne Shqiperi. Nuk i plas njeriu as tek Rama as tek Sala. Nuk i ha njeri perrallat e Rames me gogol e me kucedra se e njohin mire Edin ca “burri” qe eshte prandaj nuk i dolen as 1000 veta sot. E kuptojne njerezit kur behet politike me te vdekurit nga te dyja krahet dhe te fusin shkelmin.

Përgjigjjuni

PERMETARI -- 21 Janar, 2012 në 1:41 pm

un nuk jetoj aty dhe nuk e kam pare se sa njerez kishte tek kjo proteste-homazh, por me cpo lexoj nga komentet me larte shum keq puna. priteni tani saliun bashke me korbat e tij si do kakarisin ,qeshin e zgerdhien qe protesta ka patur kaq pak njerez. un kam qene dhe jam pensimist per te ardhmen e atij vendi sepse e kam thene dhe e them qe sali perbindshi nuk iken pa lufte. kam qen i cmendur mbas edi rames por nuk jam me . pse do thoni ju? urdhero, ja ku e kini rezultatin. shqiptaret (duke futur dhe veten time ketu), pasi e pane qe rama nuk u hakmor per viktimat e 21 janarit, heshti kur i vodhen bashkine, vazhdon te heshte kur shikon shqiperine te shkatrohet,plackitet,vidhet e shum e shum te keqija te tjera nga sali perbindshi ATEHER POPULLI SHKRET FILLOJI TE MOS TI BESOJ ME AS RAMES QE NUK NXJER DOT QIMEN NGA QULLI.

PS: per kete proteste-homazh , te ket turp ai popull i mbaruar qe nuk mori pjes , sepse kjo proteste nuk ishte per edi ramen por ne KUJTIM TE VIKTIMAVE TE 21 JANARIT. turp turp dhe vetem turp. populli me kot ne planet qe ka 21 vjet qe tall leshte sali vucidolsi dhe populli fle. mir tjua bej shpellari i vucidolit sepse gjen shesh dhe ben pershesh.

Përgjigjjuni

[DYDRINAS]

Lulet ne doren e Dokles.

[DYDRINAS]

Paloka: 21 janari, drejtësia do të bëhet

“Për rrëzimin e qeverisë janë përdorur video të manipuluara, duke u përdorur një video (Meta-Prifti) e montuar”. Ka qënë ky qëndrimi i prerë i deputetit të Partisë Demokratike Edi Paloka, ndërsa ka hedhur akuza të forta drejtë kryesocialistit Edi Rama e cilësuar si personin përgjegjës për ngjarjet e 21 janarit.

“Për të rrëzuar qeverinë, u përdor një video nga Edi Rama, e prerë dhe e ngjitur 28 herë. Videoja rezultoi tërësisht një falsifikim. Më 21 janar 2011, pas pesë orësh sulm mbetën të vrarë 4 qytetarë, puçistët nuk ia arritën qëllimit, në ditët të vazhdim vazhduan veprën kriminale”, tha Paloka.

Për të, këto video rezultuan terësisht një falsifikim. Deputeti garantoi se drejtësia do të bëhet, ndonëse Prokuroria nuk ka bërë asnjë hetim për organizatorët.

“Prokuroria ka prishur provat për ti shpëtuar, por kjo ngjarje nuk do të kalojë pa u hetuar”, tha më tej ai.

shekulli

[DYDRINAS]

Edi Rama po dridhet nga emocionet! Mezi u mbush me fryme!

1 vit me pare!



Rama: Sistemi politik del jashte loje!

[Endri_]

Kush e pa mrom ke fiksi pohimin e familjes Deda? Ku njerez te sales i kishin bere nje oferte..."Prano saliun te vije per ngushellime ne familjen tende dhe ne do te gjejme autorin se kush ta vrau Hekuranin ,plus dhe nje cante me para"