Ja 55 skandalet e qeverisë nga 2005-2011

[EuroStar1]

Publikuar te Enjten ne Sot news, 29 Dhjetor 2011 02:00

Bilanci i qeverisë Berisha në gjashtë vitet në pushtet 2005-2011 është një bilanc skandalesh, vrasjesh, videosh seksuale dhe korrupsioni, përvetësimi i pasurive publike, sulmesh denigruese me epitetet si; lavire bulevardi dhe horr bulevardi. Sulmet ndaj gjyqësorit, pandëshkueshmëria, uzurpimi i institucioneve të pavarura, vjedhja e hapur me tendera, mungesa e transparencës dhe korrupsioni qeveri, janë kthyer në një normalitet gjatë gjashtë viteve të sundimit të Berishës. Shpërthimin tragjik i Gërdecit pa dyshim mbetet njolla më e zezë për qeverisë Berisha, ku korrupsioni shtetëror u mori jetën 26 personave dhe plagosi rreth 300 të tjerë. Më vonë rezultoi se në këtë skandal ishte përfshirë edhe djali i kryeministrit Berisha. Më tej skandalet vijojnë me skandalin seksual të një ministri në kabinet e më pas me marrëveshjen sekrete nënshkruar me Greqinë për “vijën bregdetare”.

Aferat vijojnë me trafikun e armëve dhe më vonë vjedhje e zgjedhjeve të 2009. Marrëveshja për importin e plehrave ishte një tjetër skandal i kësaj qeverise. Të gjitha këto afera kurorëzohen me video-skandalin e Ilir Metës dhe me masakrën e 21 Janarit, ku Garda e Berishës ekzekutoi katër qytetar të pafajshëm dhe plagosi me dhjetëra të tjerë.

Skandalet e qeverisë Berisha nga Gërdeci

1. Shtator 2005. Menjëherë pas krijimit të kabinetit qeveritar, Berisha anulon shitjen e Albtelekomit. “Nuk mund të lejojmë privatizimin e Albtelekom më shifra tepër të ulëta”, tha ai për Calik. Por vetëm pak muaj më vonë, kreu i qeverisë sërish ua dha Albtelekomin turqve.

2. 5 Prill 2006: Spartak Ngjela, ish sekretar i marrëdhënieve me Publikun në Partinë Demokratike, realizon një përgjim mes tij dhe kryeministrit Sali Berisha në zyrën e Jozefina Topallit. Në përgjime Ngjela akuzon Berishën: “Ti e ke idhull Enverin”. Ndërkohë që Berisha i përgjigjet: të përjashtoj nga partia. Doje të bëje si Nano me Metën. Biseda e përgjuar mes tyre bëri xhiron e mediave, ndërkohë që ky ishte sinjali i parë i përgjimeve brenda qeverisë së PD.

3. Qershor 2006: Nipi i Sali Berishës, Dritan Berisha, i punësuar në ministrinë e brendshme shkakton një incident me armë zjarri përpara hotel “Dajtit” në qendër të Tiranës në qershor të vitit 2006. Por edhe pse ish ministri Olldashi e zhveshi nga policia, me ndërhyrjen e kryeministrit, nipi i Berishës emërohet në sektorin e kurrikulave në Akademinë e Rendit vetëm një vit më vonë. Më pas emërohet në diplomaci.

5. Nëntor 2006. Berisha shpërblen 250 mijë euro Jean Paul Carteron. Qeveria shqiptare nënshkroi një marrëveshje të fshehtë me forumin e Crans Montanës dhe në marrëveshje specifikohej organizimi i dy seminareve. Carteron, është miku personal i kryeministrit Sali Berisha. Qeveria shqiptare kërkoi që termat e kontratës të mos publikohen. Kësti i parë i parave u dha me nënshkrimin e marrëveshjes.

6. Shkurt 2007: Për shkak të ndryshimeve në administratë dhe “fshesës Berisha”, buxheti i shtetit u detyrua të paguajë 1 milionë euro për të gjithë ata që u hoqën padrejtësisht nga puna. Ishte vetë Komisioni i Shërbimit Civil që zbuloi abuzimet e bëra në administratë nga ministrat kryesorë të qeverisë.

7. 15 Shkurt 2007. Skandali, rruga Levan-Vlorë i jepet firmës “Alpine”. Firma menaxhohet nga kunata e Fahri Balliut, anëtarit të këshillit Kombëtar të Partisë Demokratike dhe botues i gazetës “55”. Ndërkohë që menaxherja e “Alpine” ishte njëkohësisht sekretare e përgjithshme e Ministrisë së Kulturës. Ndërkohë që austriakët e Alpine ishin të implikuar në një proces korrupsioni në Gjermani.

8. 28 Shkurt 2007. Për shkak të deklaratave politike, Qeveria humb betejën me Turqinë në ekstradimin e Aldo Bares, kapobandës së Bandës së Lushnjës. Avokati turk paraqiti para gjykatës së lartë prova politike, një spot elektoral të PD. Që atëherë e deri tani, ekstradimi i eksponentit shumë të kërkuar, nuk është kryer.

9. 25 Prill 2007. Vetëm pak ditë para vizitës së presidentit të SHBA në Shqipëri, George Ë.Bush, pas një sherri me kryeministrin Sali Berisha jep dorëheqjen nga detyra ministri i jashtëm Besnik Mustafaj. Mes tyre është zhvilluar një sherr në zyrë.

10. Maj 2007: Qeveria ndërmerr nismën për miratimin e ligjit “për procedurat tatimore në Republikën e Shqipërisë” ose atë që u konsiderua si “Ligji i gjobave”. Sipas projektit, parashikohej vënia e gjobave nga tatimet në masën 15% edhe pse nuk kishte për këtë një vendim gjykate. Ligjin e kundërshtoi biznesi dhe opozita dhe përfundoi në gjykatë kushtetuese.

11. Qershor 2007: Del skandali i shkollës “Omiros” në Korçë. Ministria e Arsimit që miraton kurrikulat e shkollës miratoi edhe një tekst historie në këtë shkollë greke në Korçë, duke deformuar historinë e Shqipërisë. Çështja hapi debate të shumta në parlament, opozita kërkoi shkarkimin e ministrit Genc Pollo.

12. 15 Korrik 2007- Qeveria vendos një gjobë marramendëse ndaj televizionit Top Channel. Bëhet fjalë për gjobën 13 milionë euro, nën arsyetimin evazion fiskal. Një rast i paprecedent në vendosjen e gjobave nga organi tatimor. Gjoba nuk u zbatua asnjëherë ndërkohë që është ende e vlefshme. Vetëm dy vite më vonë, qeveria penalizon gjithashtu me 8 milionë lekë, televizionin NEËS 24, vetëm sepse transmetoi një spot televiziv të grupimit G99

13. 18 Korrik 2007: Bllokohen nga Turqia 60 kontenierë me armë të nisura nga Shqipëria në drejtim të Armenisë. Tregtia e armëve shkaktoi një superskandal diplomatik kur Azerbajxhani menjëherë i dërgoi letër konferencës islamike për penalizmin e Tiranës zyrtare. Armenia në këtë kohë ishte në konflikt të hapur me Azerbajxhanin. Baku e konsideroi aktin e Shqipërisë si një akt kundër Azerbajxhanit. Tregtia u krye nga ndërmarrja Meico.

14. 29 Gusht 2007: vdes punëtori i katërt në minierën e kromit në Bulqizë. Menjëherë ministria ndërpret punën në minierë derisa të plotësoheshin kushtet. Por duke filluar që nga viti 2007 e deri më sot, fabrika nuk është mbyllur dhe në Bulqizë kanë humbur jetën nën shkëmbinjtë e galerive rreth 30 punëtorë.

15. 8 Shtator 2007: Mungesë totale rendi në Gjirokastër. 100 lazaratas fusin në komisariat të gjithë policët. Djegin edhe godinën e komisariatit. Shkak u bë vrasja nga forcat renea të të kërkuarit Sabri shurdhi.

16. 15 Shtator 2007: Arrestohet kreu i tatimeve të Tiranës Flamur Mallkuçi së bashku me 4 inspektorë të tjerë. U vinte gjoba bizneseve.

17. 18 Shtator 2007: Korrupsioni me tenderat e rrugëve, arrestohet zv.ministri i transporteve Nikolin Jaka, ish drejtori i rrugëve Ilir Berzani si dhe 7 zyrtarë të tjerë të administratës shtetërore. Kërkonin ryshfet për fitimin e tenderave nga firmat private. Aktualisht janë jashtë dyerve të burgut të gjithë të akuzuarit për ryshfet gjatë kësaj kohe.

18. 28 Shtator 2007: Zbulohet kontrata sekrete e Berishës me amerikanin Tom Ridge. Kontrata prej 500 mijë dollarësh. Kompania e Ridge premtoi 2 seminare një ditore dhe kërkoi që kontrata të ishte sekret. KLSH akuzoi kryeministrin se shkeli ligjet për Tom Ridge. Në qershor 2008, Ridge u detyrua nga departamenti i drejtësisë në SHBA të bënte publike këtë kontratë.

19. 9 Tetor 2007: Durrës-Kukës, plas skandali më i madh financiar i kësaj qeverie. Këtë periudhë, Prokuroria fillon hetimet. Dikasteri i Transporteve nën akuzë. Procedurat për tenderin në Shqipëri, bazohen mbi ligjin anglez. Hetimet e prokurorisë cuan deri në heqjen e imunitetit të Lulzim Bashës. Sipas KLSH, në raportin e janarit 2008, abuzimi shkon deri në 232 milionë euro. Firma nis punën pa pasur një projekt konkret. Fatura deri tani mbi 1 miliardë euro. Pritet inaugurimi para zgjedhjeve ndërkohë që ministri Basha është pa imunitet dhe çështja e korrupsionit ka mbërritur deri në gjykatën e Lartë. Qeveria, asnjëherë nuk bëri publik projektin dhe kontratën me firmën “Bechtel Enka”. Ende sot, nuk ka një faturë të qartë financiare.

20. 1 Nëntor 2007: Lulzim Basha, ministër i jashtëm kërkon ndryshimin e mandatit të OSBE: Nga ndërhyrja të kalojë tek ekspertiza. Kërkesa u bë gjatë konferencës së ambasadorëve në Tiranë. Debati rikthehet sërish në gusht 2008. OSBE i con letër Lulzim Bashës: duam të qëndrojmë, s’duam të ndryshojmë mandatin

21. 6 Nëntor 2007. Kuvendi voton shkarkimin, Sollaku në dorën e Bamir Topit. Dëshira e fundit e Sollakut: “Zoti e shpëtoftë Shqipërinë”. Shkarkimi u bë me anë të votimit me 77 vota pro, 36 kundër dhe 3 abstenime, të raportit të komisionit hetimor të hartuar nga përfaqësuesit e maxhorancës, që kërkonte largimin e kryeprokurorit nga detyra, me argumentin e shkeljeve të rënda ligjore gjatë ushtrimit të këtij funksioni. Ndërkohë që me ardhjen e qeverisjes së PD, Sollaku dhe bashkëshortja e tij u gjendën nën hetim permanent dhe nën presionin e maxhorancës.

22. 14 Nëntor 2007: Largohet ish drejtori i burgjeve Saimir Shehri. Akuzoi vëllain e ish ministrit të drejtësisë Ilir Rusmali, se donte ta korruptonte për një tender te drejtoria e burgjeve. Vetëm një ditë më vonë, në 15 nëntor, jep dorëheqjen Ilir Rusmali i cili akuzoi Berishën se kishte mbrojtur Saimir Shehrin.

23. 7 Dhjetor 2007. Qeveria Berisha e korruptuar. Publikohet raporti i Transparency Internacional për korrupsionin në 66 vende. Sipas raportit më problematike paraqitet Shëndetësia dhe gjyqësori, Rreth 80 % e shqiptarëve nuk besojnë tek qeveria.

24. 10S 2008: Hapet dosja e “Argita Berishës”, vajzës së kryeministrit Sali Berisha. Studio ligjore e saj fshihet nga regjistri kombëtar ndërkohë që vajza e kryeministrit vërtetohet se kishte evazion fiskal. Vajza e kryeministrit nuk deklaron llojin e aktivitetit të saj tregtar. Pas presionit të medias, Argita Berisha bën ndryshimin e deklarimeve në Qendrën kombëtare të regjistrimit të Bizneseve: në datën 4 shkurt 2008 figuronte si “shërbim konsulence dhe avokatie”, ndërsa në 8 shkurt u shndërrua në aktivitet të përgjithshëm.

25. 15 Mars 2008: Shpërthen Gërdeci, skandali më i madh korruptiv në Administratën Berisha. Një biznes fitimprurës për kompaninë Albademil dhe SAC, por që nga shpërthimi i Gërdecit, humbën jetën 26 persona (mes tyre dhe baxhanaku i kryeministrit), u plagosën mbi 300 vetë dhe u dëmtuan mbi 4000 prona. Tre ditë më vonë jep dorëheqjen Ministri i mbrojtjes Fatmir Mediu, ndërkohë që prangoset Ylli Pinari, drejtor i MEICO, Mihal Delijorgji pronar i Albademil dhe Dritan Minxolli drejtor i fabrikës. Hetimet një vjeçare vunën nën akuzë 29 persona dhe çështja shqyrtohet në gjykatën e Lartë. Korrupsioni i Gërdecit, dhe dosja hetimore nxorrën në pah shumë elementë. Një ndër njerëzit që kishte influencuar në bërjen e akteve nënligjore dhe ligjore që çuan në tragjedi ishte djali i kryeministrit, Shkëlzen Berisha. Vetëm 38 minuta pas shpërthimit të Gërdecit, Mediu flet në telefon me djalin e kryeministrit. Ndërkohë që tre ditë pas tragjedisë, Shkëlzeni takohet me mediun në zyrën e këtij të fundit, pak minuta pasi Mediu ishte takuar me Ina Ramën dhe pak minuta para se të arrestohej Ylli Pinari. I përfshirë në këtë aferë rezultoi edhe Rahman Selmanllari, shoku i ngushtë i djalit të kryeministrit, i cili ishte administrator i kompanisë amerikane SAC. E po ashtu edhe Fahri Balliu, anëtar i Këshillit Kombëtar të PD, i cili kishte bërë pronare vajzën e tij Henris Balliu, aksionere me djalin e Delijorgjit në firmën “Trans Digging”, e cila ndërtoi fabrikën e Gërdecit. U përfshi edhe ish ministri Aldo Bumçi, i cili vendimin e qeverisë që i hapi rrugën Gërdecit ia besoi Shkëlzen Berishës. Denoncuesi kryesor i gjithë kësaj afere u bë ish biznesmeni Kosta Trebicka.

26. 28 Mars 2008: Publikohet artikulli i New York Times, për armë të skaduara nga Shqipëria drejt Afganistanit. MEICO e përfshirë në trafik. Ylli Pinari, drejtor i MEICO kontaktoi me Efraim Diverolin, pronar i AEY i cili kishte fituar kontratë nga Pentagoni për të pajisur me armë ushtrinë afgane, nëpërmjet një prej njerëzve të listës së zezë së SHBA, Henry Tomei, nëpërmjet firmës Evdin. Në pazarin e shitjes së fishekëve u përfshi edhe djali i kryeministrit, pas një bisede të regjistruar mes Kosta Trebickës dhe Efraim Diverolit. Amerikani pretendonte se në këtë aferë ishte edhe djali i kryeministrit. Sali Berisha e konsideroi Neë York Times si një letër higjenike, ndërkohë që gazetari amerikan në një intervistë në Gazeta Shqiptare tregoi për presionet e ish ministrit Fatmir Mediu mbi të për marrjen e kasetave filmike. Municionet kineze hiqeshin nga depot shqiptare dhe u fshihej etiketa “Made in China”.

27. 2 Prill 2008. Qeveria shqiptare i bën presion gazetës prestigjioze Financial Times që të shihte edicionin special në këmbim të reklamave shtetërore që duhet të merrte nga ministritë. Por gazeta nuk pranoi këtë akord. Specialja botohet pa reklamën shtetërore, ndërkohë që menaxheri i gazetës Financial Times deklaroi se Berisha prishi kontratën me këtë gazetë.

28. 8 Prill 2008: Qeveria nëpërmjet ministrisë së Kulturës paguan 300 mijë euro për spot turistik në CNN. Dokumentet zbuluan që Pango e bleu spotin katër herë më shtrenjtë sesa normalja. U publikua kontrata e ministrisë me firmën holandeze, ku CNN merrte 90 mijë euro ndërsa studioja grafike merrte 210 mijë euro për 90 sekonda e 6 ditë xhirime. Ndërkohë që ofertat e CNN të vitit 2006 kishin qenë shumë herë më të lira.

29. 5 Maj 2008: Gjykata shkarkon nga puna Arben Sefgjinin, drejtorin e përgjithshem të tatimeve në administratën e Sali Berishës. Akuzohet për zhdukjen e biznesmenit shqiptaro-maqedonas Remzi Hoxha. Drejtori vendoset në arrest shtëpie. Gjyqi vazhdon edhe aktualisht.

30. 16 qershor 2008: Mazhoranca e PD rrëzon kandidaturat e Bamir Topit për anëtar të Gjykatës së Lartë. Rrëzimi i këtyre kandidaturave ka shkaktuar reagimin e menjëhershëm të komunitetit ndërkombëtar, SHBA, OSBE, dhe Këshilli i Evropës kundër praktikave të ndërhyrjes së qeverisë në institucionet e pavarura.

31. 11 Korrik 2008: Prangoset kunati i zv.ministrit Ferdinand Pone. Pas hetimeve për pazare në zonën e bregdetit ndalohen tre ish zyrtarë të hipotekave. Arrestohet edhe sekretari i degës së PD në Vlorë. Ish drejtori Genc Panozaqi i lidhur me Ferdinand Ponin. Në 2005 kandidoi për deputet në Vlorë pas humbjes u emërua të zyra e Kthimit të Pronave.

33. 1 Gusht 2008: Qeveria përgatit ligjin për prokurorinë. Shkakton reagime të forta nga SHBA: akuza e SHBA: Presione të forta për të vënë nën kontroll prokurorinë. Flet edhe Berisha: Shqetësimet e SHBA për ligjin për prokurorinë, një trillim

34. 13 Gusht 2008: Filmohen plantacionet e hashashit që ujiten me autobote shtetërore. Qeveria dhe policia nuk pranojnë dot dështimin në luftën kundër kultivimit të kanabis sativa.

35. 26 Gusht 2008: Gjendet 1 kilogramë kokainë në makinën e ambasadorit shqiptar në itali. Skandali në Milano. Policia prangon arsen Selmanllarin, shoferin e ambasadorit Llesh Kola. Arsen Selmanllari, kushëriri i parë i Rahman Selmanllarit, shokut të ngushtë të Shkëlzen Berishës, djalit të kryeministrit.

36. 13 Shtator 2008: Humb jetën në rrethana misterioze aksidenti ish biznesmeni Kosta Trebicka, i pari biznesmen që denoncoi aferën korruptive të Gërdecit dhe trafikut të Armëve nga Shqipëria drejt Afganistanit. Hetimet e prokurorisë dhe konkluzionet e një eksperti amerikan nxorrën se vdekja e tij në një fshat të Korçës ishte aksidentale, edhe pse në opinion ky mendim nuk gjeti vend. Më pas emri i tij u përdor për luftë politike nga të dy palët.

37. 5 Tetor 2008: Prangoset në Sarajevë Damir Fazlliç. Në Shqipëri kishte krijuar firmën SRF Developments, me administrator Erjon Isufin, kunatin e ministrit të jashtëm Lulzim Basha. Pas zgjedhjeve 2005, regjistroi në QKR tre firma. Ndërkohë që te Kompania Rompetrol kishte punësuar mbesën e Sali Berishës, shpresa Breçani. U verifikua blerja e tokave në Porto Romano, para se kryeministri Berisha ta deklaronte këtë si një park industrial. U akuzua edhe për ndërhyrje në blerjen e energjisë për llogari të Shqipërisë nga Rudnap. Ortakja e Argita Berishës, Flutura Kola i bleu Fazllicit një kompani në vlerën e 1.7 milionë eurove për firmën Croën Acquisitions. Prokurorët ndalohen për herë të parë të pyesin Damir Fazllic, i ndihmuar nga policia për t’u larguar nga vendi. Berisha akuzon Ina Ramën: Eshtë prokurore e diktaturës. Pasuritë e Fazlliçit po i bllokon mafia.

38. 1 Shtator 2008: Një tjetër skandal në fushën e bujqësisë. Shfaqet për herë të parë misri pa kokrra. Sabotohen të gjithë fermerët shqiptarë. Farën e misit pa kokrra e solli në Shqipëri Fiqiri Ismaili, që është njëkohësisht edhe kryetar i Bashkisë së Vorës, i zgjedhur nga Partia Demokratike. Pas më shumë se një jave ankese nga të gjitha fshatrat, firma e Ismailit premtoi kompensimin e gjithë fermerëve. Ndërkohë, dështimi i prodhimit të misrit në Shqipëri, favorizoi Serbinë.

39. 23 Shtator 2008: Qeveria largon FMN nga Shqipëria. Në vitin 1996, ka qenë Fondi Monetar Ndërkombëtar ai që tërhoqi në mënyrë demonstrative, përfaqësinë e tij nga Shqipëria. Ishte pragu i kolapsit të piramidave, president i plotfuqishëm i Republikës ishte Sali Berisha dhe ministër Financash, Ridvan Bode. Aktualisht, e njëjta dyshe komandon financat e shtetit, por këtë herë, është FMN-ja që kërkon të qëndrojë, ndërkohë që Tirana zyrtare nuk duket se synon të rinovojë marrëveshjet e saj me këtë institucion financiar ndërkombëtar. Të pyetur lidhur me të ardhmen e lidhjeve të ngushta FMN-Shqipëri, që zyrtarisht përfundojnë në janar të vitit të ardhshëm, përfaqësuesit e të dy palëve dje kanë dhënë përgjigje të kundërta. Sipas Gerëin Bell, shumë vende të botës e kanë kërkuar zgjatjen e mandatit të misionit të FMN-së, sidomos në periudha elektorale. Ministri Bode ka replikuar thatë, duke thënë se qeveria shqiptare ka përballuar deri tani situata shumë më të vështira sesa një vit elektoral. “Është një çështje, që ne nuk e kemi shqyrtuar. Qeveria ka treguar kapacitet për të administruar në favor të ekonomisë së vendit situata shumë më komplekse sesa zgjedhjet dhe mandati i kësaj qeverisjeje, për fat të keq, qëlloi me zhvillime jo fort të favorshme në tregun rajonal dhe botëror. Por, menaxhimi i këtyre situatave ka dëshmuar kapacitete të mjaftueshme të institucioneve të shtetit shqiptar, midis të cilave edhe qeverisë, për t’u përballur me sukses me këto zhvillime. Nëse do të ketë zhvillime të tjera, ne do të jemi të hapur për çdolloj diskutimi”, - tha kreu i Financave.

40. 26 Tetor 2008: Qeveria ndërmerr hapin e miratimit të një ligji të ri për lejet e ndërtimit “Për territorin”. Projekti shkaktoi skandal në zyrat e Bankës Botërore dhe Këshillit të Evropës: Qeveria po cenon autonominë e pushtetit vendor. Jemi kundër.

41. 16 Dhjetor 2008: Ligji i “Spiunëve”, Berisha akuzon Zamir Shtyllën drejtorin e hetimeve në Prokurorinë e Përgjithshme si hetues komunist. “ky është një ligj që prek shtyllën dhe gjithë shtyllat e tjera” deklaroi Berisha. Zamir Shtylla jep dorëheqjen nga prokuroria, ndërkohë që hetonte çështje të rëndësishme si Gërdeci, Fazlliç e Durrës-Kukës. Rifillon presioni i SHBA: “Dosjet” një ligj me probleme, duhet reflektim dhe debat publik. OSBE gjithashtu del kundër ligjit për “dosjet”: shkelet kushtetuta

42. 29 Janar 2009: Skandali me pronat për herë të parë emri i kryetarit të grupit parlamentar të PD Astrit Patozi në skandalin e “Plazhit të Gjeneralëve”. Arrestohet Fatos Gjuzi, i cili ishte edhe kryeregjistruesi i Kavajës, njëkohësisht kushëri me kryetarin e grupit parlamentar të PD.

43. Shkurt 2009: Shpërthen skandali i “Jalës”, i implikuar dhëndëri i kryeministrit Sali Berisha, Jamarbër Malltezi. Bëhet fjalë për prishjen e shtëpive të banorëve në Jalë nën argumentin se do të zbatohej një projekt i Bankës Botërore. Por BB sapo mori ankesat e banorëve nisi një panel inspektimi në terren për të parë të gjitha shkeljet, dhe nxori me përgjegjësi një pjesë të zyrtarëve të vet lokalë dhe po ashtu edhe drejtorin e projektit të menaxhimit të bregdetit të Jugut, dhëndrin e kryeministrit. Çështja hapi debate të forta në Parlament.

45. 29 Prill 2009: Kryeministri grek Kostas Karamanlis zbret në Tiranë, në një takim me krerët më të lartë të shtetit dhe qeverisë, në një vizitë dy ditore. Berisha dhe Karamalis nënshkruan marrëveshjen për “sheltin detar” që u konsiderua si skandali i radhës. Marrëveshja u mbajt sekret nga qeveria shqiptare ndërkohë që kjo ishte arritja e vetme e këtij takimi. Sipas koordinatave të reja të vendosura mes Shqipërisë dhe Greqisë, qeveria shqiptare i fali Greqisë rreth 225 kilometra katrorë det. Baraslargësia e pikave nuk është ruajtur, ndërkohë që për kordinatën 150, fundore, kanë pretendime dhe italianët. Qeveria u negociua brenda vitit, por ajo pas presionit të ushtruar nga media dhe një pjesë e politikës, nuk kaloi në legjislaturën e kaluar parlamentare.

46. 12 Maj 2009: Vajza e kryeministrit Berisha, Argita Malltezi, ka ndërhyrë në institucionet shtetërore për miratimin e lejes së ndërtimit të një parku energjetik në tokat që kishte blerë pak kohë më parë miku i familjes, Damir Fazlliç. Në e-mailet konfidenciale të Argita Malltezit dhe shtetasit arab Zafar Ansar për shitjen e tokave të Damir Fazlliç është diskutuar edhe ndërhyrja e saj në disa institucione. Madje ka qenë vetë vajza e kryeministrit ajo që ka premtuar të ndërhyjë në Koorporatën Energjetike Shqiptare për të marrë lejen prej saj. Më pas janë marrë edhe lejet nga Ministria e Energjetikës, Këshilli i Ministrave dhe së fundmi, KRT-ja e Durrësit. Të gjitha këto institucione kanë varësi direkt ose lidhje të afërta me kryeministrin Sali Berisha. Edhe pse vajza e kryeministrit pretendon që është një avokate që nuk ka lidhje me punën e të atit, të gjitha këto vendime janë në shkelje të hapur dhe në konflikt me detyrën e të atit. Madje për të rregulluar takim me drejtorin e KESH vajza e kryeministrit kërkonte 800 euro.

47. 28 Qershor 2009: Vodhi, manipuloi dhe dogji materialet zgjedhore të votës së 28 qershorit 2009 nëpërmjet KQZ-PD, duke shkelur ligjin dhe shpërfillur të drejtën e votës, opozitën dhe ndërkombëtarët. Po hapjen e kutive, që e kërkoi opozita për dy vite, qeveria do ta bënte pas 8 Majit, kur u hapën kutitë për të shpallur fitues Bashën në Tiranë.

48. 27 Nëntor të 2009: Kryeministri Berisha del jashtë kontrollit. Hedh akuza të ulëta ndaj Edi Ramës me karakter personal dhe familjar. Berisha theksoi se Edi Rama është mjekuar 10 vite për skizofreni dhe është homoseksual. Po ashtu Berisha akuzoi Ramës se i është futur në shtrat Dash Pezës.

49. Korrik 2010: Shërbimi Informativ Shtetëror kthehet në një mollë sherri mes amerikanëve dhe qeverisë Berisha. Partia në pushtet tentoi të miratonte një ligj në Kuvend, i cili e kthente SHISH në një vegël në duart e Berishës. Beteja përfundoi me përçarjen e mazhorancës dhe më tërheqjen e Berishës para se të humbte pushtetin.

50. Janar 201: Publikohet video-skandali i Ilir Metës, i cili shfaqet duke i kërkuar favore Dritan Priftit, për koncesione, leje minerale dhe punësimin e miqve të tij. Skandali Meta tronditi shoqërinë shqiptare dhe prodhoj masakrën e 21 Janarit.

51. 21 Janari 2011: 21 Janari është ngjarja më e rëndë dhe njolla më e zezë e kësaj qeveri pas Gërdecit. Më 21 Janar qeveria vrau katër qytetarë të pafajshëm dhe plagosi me dhjetëra të tjerë.
Në fillim Berisha tha se protestuesit kishin vrarë njeri-tjetrin, më pas pranoi vrasjet, por tha se Garda kishte zbatuar ligjin, pasi demonstruesit ishin vrarë brenda rrethimit. Kur u vërtetua se protestuesit ishin vrarë jashtë rrethimit, Berisha sajoi puçin e shtetit dhe ngriti një komision hetimor. Po ashtu, Berisha nuk lejoi as zbatimin e urdhrit të Prokurorisë për arrestimin e komandës së Gardës. Refuzimi i Berishës për të dorëzuar komandantët, shokoi ndërkombëtarët. Vetë ndihmëssekretari amerikan i Shtetit reagoi, duke i bërë thirrje qeverisë të lejonte zbatimin e urdhrit. Ndërkohë Berisha sajoi edhe një komision hetimor, me qëllim për të bllokuar hetimet.

52. 22. Janar 2011: Për vrasjen e tre demonstruesve, të cilët ndërruan jetë që më 21 janar, Prokuroria e Tiranës lëshoi gjashtë urdhër-arreste për drejtues dhe punonjës të Gardës së Republikës, por policia, duke u mbështetur nga Kryeministri i vendit dhe ministri i Brendshëm, nuk ka pranuar t’i zbatojë. Pavarësisht se fillimisht u tha se urdhrat kishin lapsuse, ato u rregulluan menjëherë nga grupi hetimor, por sërish nuk u zbatuan nga policia. Madje, disa nga drejtuesit e Gardës u paraqitën në polici për t’u marrë në pyetje vullnetarisht, por kur atyre iu kërkua të dorëzojnë armët, nuk pranuan, kështu që prokurorët e çështjes vendosën të mos i marrin parasysh dëshmitë e tyre. Kryeprokurorja Ina Rama, duke gjetur edhe mbështetje të ndërkombëtarëve, ka kërkuar herë pas here ekzekutimin e urdhrave të ndalimit, pasi do të ndihmonin në ecurinë e hetimeve.


53. 28 Janar 2011: Kryeministri Berisha e quan kryeprokuroren Ina Rama lavire bulevardi dhe puçiste pa të ardhme. Po ashtu Berisha thekson se Bamir Topi është puçist, ndërsa kreu i SHISH organizator i grushtit të shtetit. “Ju garantoj se ata që flasin për ngjarje bulevardi nuk janë gjë tjetër më falni për shprehjen veçse horra e lavire bulevardi. Tregojnë se janë hienat e prapaskenës se puçit të rrugës për të cilin duhet të merreshin jetët e burrave fëmijëve e vëllezërve tuaj. Ata të cilët mendojnë se në strofullin ku janë do të mund të vazhdojnë këtë veprimtari i garantoj se i pret ai fund që meritojnë. Thuaju shqiptareve me çfarë cilësie mashtrove se nuk është bërë padi, kush ta dha porosinë të deklarosh se nuk është bere padi për dhunim të institucioneve kushtetuese. Duhet të shpjegosh cili të urdhëroi nga të erdhi ky urdhër. Mashtrove edhe në prani të një përfaqësuesi të vendit më të madh në botë e me mik të shqiptareve në botë”, u shpreh Berisha.

54. 12 Korrik 2011: Gjykata e Lartë rrëzon dy akt-ekspertimet e videos Meta-Prifti, duke pranuar një nga gjashtë kërkesat e avokatëve mbrojtës të ish-zv.kryeministrit. Në arsyetimin e saj gjykata tha se pranon kërkesën paraprake për pavlefshmërinë relative dhe papërdorshmërinë, përkatësisht të akteve proceduriale dhe akteve të ekspertimit të përpiluara nga eksperti amerikan Glenn Bard dhe eksperti nga Mbretëria e Bashkuar, Adrian Philips. Ky ishte skanoi më i rëndë i drejtësisë shqiptare. Po ashtu, në Nëntor të 201, Gjykata e Lartë ka vendosur që të rrëzojë kërkesën e Prokurorisë, e cila kishte kërkuar që video Meta-Prifti t’i bëhej një ekspertizë e re, pasi përfundimet e tre ekspertëve shqiptarë janë jo profesionale. Kështu, gjykata ka lënë në fuqi ekspertizën e tre ekspertëve shqiptarë, sipas të cilëve, video Meta-Prifti nuk është origjinale.

55. Shtator 2011: Gjyqtarja e Gjykatës së Lartë, Arjana Fullani, bashkë me bashkëshortin e saj, Guvernatorin Ardian Fullani, janë fotografuar teksa hynin në vilën e të pandehurit Ilir Meta në Gjirin e Lalzit. Zonja Fullani, anëtare e trupës gjykuese për çështjen e skandalit Meta, e ka pranuar në heshtje ekspozimin pro Ilir Metës, duke vënë në plan të parë karrierën e burrit. Ajo vijon të mos sqarojë vizitën në shtëpinë e të pandehurit Meta. Kjo lë të kuptosh se zonja Fullani ka marrë hapur përsipër pafajësinë e Metës nëpërmjet shkatërrimit të provave, në këmbim të riemërimint e burrit Guvernator, me anë të votave të LSI në Kuvend. Vizita e çiftit Fullani në vilën e Metës në Gjirin e Lalzit, konfirmon qartësisht konfliktin e interesit si dhe pazarin për mbylljen e gjyqit. Lobimi i zonjës Fullani për të shkëmbyer nderin në gjykatë për Metën me riemërimin e burrit Guvernator, ka rritur shqetësimin se mos prokuroria kërkon tërheqjen e saj nga trupi gjykues si njeri me konflikt interesi. Por me sa duket, organi i akuzës është implikuar në manovrat e Gjykatës së Lartë për të shpëtuar Metën.

[EuroStar1]

Video është çuar si denoncim në Prokurorinë e Tiranës.


Në një koment të postuar online, në përgjigje të lexuesve të Shekullit që kanë komentuar lajmin se pas disa ditësh do bëhet publike një tjetër video, në qendër të së cilës është një nga njerëzit më të afërt të kryeministrit, ish-Ministri i Energjetikës, Dritan Prifti, ka shkruar se video është dorëzuar në prokurori dhe ai pret që ajo të reagojë. Në rast të kundërt, video do bëhet publike.

“Video është çuar si denoncim në Prokurorinë e Tiranës. Të shohim ç’do bëjnë prokurorët. N.q.s ata nuk bëjnë gjë, atëherë do ta bëj publike, që të kenë presionin e popullit dhe opinionit publik. Unë s’dua të bëj estradë dhe komedi, dua rezultate. Videon e kam çuar në Prokurori. Ata të veprojnë” – u shpreh dje Prifti.

***

Prifti ka konfirmuar ndërkohë edhe disa hollësi mbi këtë video të tretë të dhëna dje nga deputeti socialist Erjon Braçe. Ky i fundit, duke komentuar lajmin e djeshëm në Shekulli mbi përmbajtjen e videos së re, është shprehur se “kjo video e trete e disponuar nga ish ministri i ekonomisë do te zbardhe nje tjeter aferë korrupsioni”.
Braçe ka dhënë hollësi plus lidhur me përmbajtjen e videos që me sa duket ëhstë regjistruar gjithashtu në zyrën e ish-ministrit mes këtij të fundit dhe z.Fahri Balliu.

“Bëhet fjalë për skrap, tentuar për t’ju shitur me kontratë një kompanie ruse! Ndërmjetës është njeriu i afërt me Sali Berishën dhe përmbarues i punëve të Ilir Metes! Ka aty plot për të gjithë, edhe për mua, Ilirin dhe ty” – i thotë njeriu i Berishës ish-ministrit Prifti. Është i njëjti sipërmarrës që ndërtoi barrakën e Gërdecit! Prokuroria nuk mund ta falë sërish! – tha Braçe lidhur me përmbajtjen e videos

***

Lajmet mbi të paktën dy video të tjera nisi të përhapej dy ditë më parë pas përfundimit në Gjykatën e Lartë, të ‘seancës Meta’. Disa orë pas gjyqit në adresat e drejtuesve dhe redaktorëve të mediave ka mbërritur një lajm mbi një video ku shfaqet Dritan Prifti me një biznesmen. Lajmi jepte edhe disa hollësi mbi profilin e biznesmenit në fjalë, pa përmendur emrin e tij, por duke shtuar se “në ditë në vazhdim, do botoheshin detaje nga kjo video”. I pyetur në mbrëmje nga Shekulli rreth këtij lajmi, ish-ministri dhe deputeti Prifti e quajti atë një presion, por pranoi se ka video të filmuara nga një kamerë e orës së murit në ish-zyrën e tij. Sipas z.Prifti, njëra nga videot ka si protagonist një njeri shumë të afërt me kryeministrin Berisha. “Ajo është një video me z.Fahri Balliu” – tha Prifti për Shekullin pas seancës në Gjykatë.

***

Gjykata ka vendosur që një grup ekspertësh të rianalizojnë videon Meta-Prifti dhe disa video të tjera që mund të gjenden në laptopin dhe orën e murit të zyrës, të cilat Prifti i ka dorëzuar si prova në Prokurori. Në këtë etapë të procesit ka patur shumë rezerva nga Prokuroria, sidomos për hedhjen poshtë të ekspertizës ndërkombëtare për videon Meta (e cila e nxirrte atë autentike dhe pa probleme) si dhe për ekspertimin e videove të tjera, të cilat nuk janë bërë publike. Prokuroria ka shfaqur rezerva edhe ndaj tre ekspertëve të përzgjedhur për ekspertim, pasi ata nuk kanë asnjë eksperiencë të lidhur me këtë punë. Një prokuror do shoqërojë gjithsesi ekspertimin e videove për të mos lënë mundësin që ato të kopjohen ose keqpërdoren.

Prifti: Do publikoj një video me Fahri Balliun

Pak orë pas përfundimit dje në Gjykatën e Lartë, të ‘seancës Meta’ në adresat e drejtuesve dhe redaktorëve të mediave ka mbërritur një lajm mbi një video të regjistruar nga një kamerë e vendosur në orën e murit të zyrës së ish-ministrit Prifti. Sipas këtij e-maili të botuar mbrëmë edhe në disa gazeta online, të cilat ia atribuonin burimin e lajmit Gjykatës së Lartë, ekziston një video tjetër ku shfaqet Dritan Prifti me një biznesmen, pronar televizionesh. Lajmi jepte edhe disa hollësi mbi profilin e biznesmenit në fjalë, pa përmendur emrin e tij, por duke shtuar se “në ditë në vazhdim, do botoheshin detaje nga kjo video”.

I pyetur dje në mbrëmje rreth këtij lajmi, ish-ministri dhe deputeti Prifti e quajti atë një presion në valën e presioneve të shumta që i janë bërë gjatë kohës së gjyqit, por pranoi se ka video të filmuara nga një kamerë e orës së murit në ish-zyrën e tij. Sipas z.Prifti, kjo video ka si protagonist një njeri shumë të afërt me kryeministrin Berisha. “Ajo është një video me z.Fahri Balliu. Nëse dëshironi mund ta publikoj brenda tri ditëve” – tha Prifti mbrëmë në telefonatën me Shekullin.

Ekspertët, 30 ditë kohë për videon Prifti-Meta
Video-përgjimi Meta-Prifti

Flamur Vezaj

Kolegji Penal i Gjykatës së Lartë vendosi dje ti japë 30 ditë kohë ekspertëve audio-vizivë për të verifikuar vërtetësinë e video-përgjimit Meta Prifti. Seanca e djeshme e procesit me të pandehur kryetarin e të Partisë Lëvizja Socialiste për Integrim, Ilir Meta, u karakterizua nga debate të shumta mes prokurorisë dhe gjykatës në lidhje me miratimin apo jo të tre ekspertëve shqiptarë. Prokuroria kundërshtoi ekspertët si të paaftë ndërsa gjykata i miratoi me argumentin “më të mirë nuk kemi ku të gjejmë”.

Për pesëshen gjykuese të këtij kolegji të kryesuar nga gjyqtari Ardian Dvorani, nuk ka qenë e lehtë edhe këtë radhë vendimmarrja, siç nuk ishte për mënyrën dhe radhën e marrjes së provave. “Mes pesë gjyqtarëve, në dhomën e këshillimit kishte debate për kërkesat e prokurorisë, mes të cilave mungesa e profesionalizmit të tre ekspertëve të caktuar në seancën e kaluar si dhe për kryerjen e ekspertimit të vetëm USB-së së dorëzuar nga deputeti Dritan Prifti. Disa nga pesë gjyqtarët pranuan këto kërkesa të prokurorisë, por, që hasën në kundërshtim të kolegëve të tyre, të cilët me shumicë votash vendosen të rrëzojnë kërkesat e prokurorisë”,- thuhet nga burimet e rezervuara të Gjykatës së Lartë.

Ndërkohë, nga ana tjetër ishin avokatët mbrojtës, të cilët kërkuan që përveç se të pranoheshin tre ekspertët për të ekzaminuar videon Prifti – Meta, edhe që ekspertimit t’i nënshtrohet edhe ora me të cilën është bërë regjistrimi dhe kompjuteri ku ndodhej videoja. Por, këto pretendime të mbrojtjes u kundërshtuan nga prokurori i çështjes, i cili kërkoj që vetëm USB-ja t’i nënshtrohet ekspertimit. Sipas prokurorit, në orën-regjistrues dhe në kompjuter ka materiale të tjera, të cilat nuk bëjnë pjesë në këtë shqyrtim gjyqësor dhe janë sekret hetimor.

Pas disa debateve mes prokurorit, avokatëve dhe gjykatësve, këta të fundit vendosen të pranojnë kërkesën e avokatëve, për të ekzaminuar të USB-në, orën dhe kompjuterin e deputetit Prifti. Ndërkohë, në dhomën e këshillimit ky vendim u kontestua, por, nuk u mor parasysh pasi edhe ky vendim u mor me shumicë votash. Gjithashtu, gjatë seancës së djeshme gjyqësore, ajo që shkaktoi më shumë debat ishte edhe aspekti profesional i tre ekspertëve të caktuar nga Gjykata e Lartë në seancën e fundit.

Sipas prokurorisë, ekspertët Ardian Pollo, Artur Rrahmani dhe Ermal Beqirin nuk kanë kualifikimin e duhur për këtë ekspertim, pasi sipas akuzës, i mungon aspektin profesional. “I vetmi ekspert në Shqipëri që përmbush kriteret e përcaktuar nga ligji për ekzaminimin e kësaj video-përgjimi është eksperti Dritan Zoto. Por, ky i fundit është shprehur në një media të shkruar dhe nuk mund të caktohet, çka na lind e drejta për të kërkuar ekspertë të huaj”-tha prokurori Bujar Sheshi. Por, ky pretendim i prokurorit u kundërshtua nga avokatët, të cilët u shprehen se Gjykata e Lartë është shprehur për këtë çështje, duke caktuar edhe ekspertët. Pas këtij debati, ishin po ata gjyqtar që vendosen rrëzimin e kërkesës së prokurorisë, duke pranuar që tre ekspertët të bënin betimin në seancën e djeshme.

Pas betimit, tre ekspertët mbajtën shënim 18 pyetjet që i parashtruan avokatët, prokurori dhe Gjykata e Lartë. Për përgjigjen e këtyre pyetjeve, ekspertët i kërkuan togave të zeza 30 ditë kohë për të kryer ekzaminimin e USB-së, orës-regjistrues dhe kompjuterit të deputetit Dritan Prifti. Gjatë këtij ekzaminimi, ekspertët do të përshkruajnë nëse zëri dhe videoja është e montuar dhe për të zbardhur dyshimet e të vërtetës së videos. Në përfundim të seancës së djeshme, që u mbyll në ora 17:30 minuta kryesuesi i pesëshe gjykuese njoftoi se seanca tjetër do të zhvillohet me datë 23 tetor 2011.

Kush janë tre ekspertët e video Meta-Prifti

Ekspertët e caktuar dje nga gjykata për videon Meta-Prifti kanë paraqitur CV-të e tyre, të cilat përmbajnë punë nga më të ndryshmet nga kamerier deri tek punonjës i Sigurimit të Shtetit, por në asnjë rast nuk kanë kryer ekspertime të ngjashme.

Kështu, eksperti Artur Rrahmani është diplomuar në shkollën e lartë të Ministrisë së brendshme, dega Sigurim. Ai ka shënuar në CV-në e tij se ka punuar në Kombinatin Mekanik të Poliçanit si oficer operativ për sigurimin. Rrahmani ka licencë avokati, punon në një qendër për mbrojtjen e të drejtave të individit dhe është ekspert kontrolli për kartëmonedhat. Ai ka bërë edhe një kurs 7 ditor për identifikimin me anë të zërit.

Ermal Beqiri, është drejtor i IT në Universitetin e Tiranës dhe ka gradën doktor në fushën e sistemeve informatike për administratën e universiteteve. I specializuar në mirëmbajtje rrjeti dhe krijim programesh ai shënon se është i aftë në negocim me klientët dhe furnitorët. Në vitet 2003-2004 ka qenë i punësuar si kamerier në restorantin universitar, ndërsa në vitin 2002 ka punuar në montim garazhesh. Hobi ka notin, futbollin, robotikën dhe informatikën.

Adrian Pollo është diplomuar për inxhinieri elektronike dhe është autodidakt në fushën e kompjuterëve. Në CV ai shënon mbi 50 trajnime të ndryshme 1-2 javore në Bari të Italisë, Gjermani etj. Pollo ushtron profesionin e inxhinierit elektronik dhe e vetmja lidhje me videot, sipas CV-së së tij, është “Projektim dhe instalim i sistemeve të videosurvejimit dhe mirëmbajtjes së tyre”. Për pesë vjet ai deklaron se ka qenë i vetëpunësuar në montimin e programeve.

Burimi: Shekulli.com.al

[Alti Elezi]

Jo nga Shekulli Eurostar,
Por jane 14 video,te filmuara nga PRIFTI(kuptohet me ndihmen e CIA)
Nje video eshte,qe perflitet,ku Monika Kryemadhi,Argita Berisha,Dritan Prifti me te Shoqen,Iliri i Lesh e lise,Liri Berisha.......
Kjo do te jete videoja me skandaloze qe do te jete dhene ndonjeher ne te gjithe boten,nqs Sali Berisha,nuk shkon ne Burg,ose iken pa nam e nishan si NANO..

[Alti Elezi]

Dhe ky gjithashtu nuk eshte shkrim i imi,apo nga Gazetat,per te gjithe ata Pro salushit dhe Edushit.............



FBI: Ilir Meta punësoi si sekretar të kërkuarin për trafik dhe vrasje
Asnjëherë më parë në historinë e organeve ligjzbatuese, nuk është gjendur një deklaratë e tillë zyrtare ku të përmenden emra apo poste të politikanëve të lartë dhe për më tepër zëvendëskryeministër dhe kryetar partie. Ka ndodhur për vende te botës së tretë, në Afrikë apo Azi, po kurrë në Evropë. Dhe është pikërisht shteti më i fuqishëm i botës që njeh zyrtarisht si të përfshirë në një abuzim të hapur Ilir Metën, kreun e LSI-së, që tashmë është i pandehur për një tjetër çështje.

Në deklaratën zyrtare të Byrosë Federale të Investigimit, shkruhet në kokën e saj, në krye, se Almir Rrapo, është sekretari ndihmës i ministrit të Jashtëm dhe Zëvendëskryeministrit Ilir Meta. Bëhet fjalë për momentin kur u arrestua në Tiranë, pasi ishte zbuluar. Në mënyrë të drejtpërdrejtë FBI akuzon Ilir Metën se ka punësuar në një post goxha të rëndësishëm një njeri të shumëkërkuar dhe që rrezikon mbi 200 vite burgim, deri në ekzekutim me vdekje.

Madje dhe në shpjegimet e brendshme thuhet se “megjithëse i kërkuar për krime në SHBA, Almir Rrapo në momentin e ndalimit ishte ndihmësi i zëvendëskryeministrit dhe ministrit të Jashtëm”, thuhet në këtë deklaratë që agjencia po e boton më poshtë të plotë për lexuesit.

Materiali i plote

Manhattan U.S. Attorney Announces Extradition of Senior Aide to Albanian Foreign Minister Charged with Murder, Kidnapping, and Other Racketeering Offenses
U.S. Attorney’s Office November 24, 2010 Southern District of New York (212) 637-2600


PREET BHARARA, the United States Attorney for the Southern District of New York, and JANICE K. FEDARCYK, the Assistant Director-in-Charge of the New York Office of the Federal Bureau of Investigation (“FBI”), announced the extradition of ALMIR RRAPO from Albania for his involvement in a racketeering enterprise that engaged in murder, kidnapping, narcotics trafficking, extortion, robbery, arson, obstruction of justice, and interstate transportation of stolen goods. RRAPO was arrested by the Albanian National Police on July 2, 2010, at the request of the United States. At the time of his arrest, RRAPO was employed as the Senior Administrative Assistant to the Deputy Prime Minister of Albania.

Manhattan U.S. Attorney PREET BHARARA said: “Shortly after ALMIR RRAPO allegedly participated in the brutal murder of Erion Shehu, RRAPO fled to Albania in an effort to escape the American criminal justice system. With the assistance of our international law enforcement partners, we will continue to ensure that individuals involved in international organized crime face justice in the United States, wherever they may be hiding.”

FBI Assistant Director-in-Charge JANICE K. FEDARCYK said: “Today’s cooperation in the extradition of Almir Rrapo should be a stern message to the murderers, kidnappers, and drug dealers who try to flee prosecution: you can run, but you cannot hide. The FBI will continue to track down these hardened criminals wherever they may be. I am thankful for the cooperation of the Albanian National Police and for all of our law enforcement partners across the globe who work tirelessly to put criminals behind bars, where they belong.”

According to the 13-count superseding Indictment and other court documents:

ALMIR RRAPO participated in a racketeering enterprise (the “Krasniqi Organization”) led by brothers BRUNO KRASNIQI and SAIMIR KRASNIQI, which operated in New York, Michigan, Connecticut, and elsewhere. The Krasniqi Organization sought to enrich its members through various criminal schemes, including the trafficking of more than 1,500 pounds of marijuana, and used firearms and violence to protect its power and territory, as well as to instill fear among rival drug dealers and victims. For example, RRAPO and other members of the Krasniqi Organization kidnapped a rival drug dealer at gunpoint, pistol-whipped him, and placed the muzzle of a firearm in his mouth, threatening to kill him if he did not disclose the locations of other members of his narcotics crew. RRAPO and other members of the Krasniqi Organization also murdered ERION SHEHU in a drive by-shooting outside a Queens café as a result of the Krasniqi Organization’s ongoing turf battle with that other narcotics crew.

RRAPO and other members are charged with homicides, kidnapping, conspiring to distribute more than 100 kilograms of marijuana, drug robbery, extortion, firearms possession and use, and obstruction of justice, among other offenses.

* * *

RRAPO is charged with two counts of racketeering, which carry a potential penalty of life in prison; one count of murder in aid of racketeering, which carries a potential penalty of life in prison; one count of kidnapping in aid of racketeering, which carries a potential penalty of life in prison; two counts of narcotics conspiracy, each of which carries a potential penalty of 40 years in prison; one count of Hobbs Act robbery, which carries a potential penalty of 20 years in prison; and two counts of possession and use of a firearm, one of which includes a firearm with a silencer which carries a potential penalty of life in prison with 30 years to run consecutively with any other sentence of imprisonment.

The case is assigned to U.S. District Judge RICHARD J. HOLWELL.

Mr. BHARARA praised the outstanding work of the FBI and NYPD in the Joint Organized Crime Task Force in the investigation. He also thanked the Office of International Affairs, United States Department of Justice Criminal Division; the U.S. State Department; and the Albanian authorities. He added that the investigation is continuing.

Assistant United States Attorneys AVI WEITZMAN and MICHAEL FERRARA are in charge of the prosecution.

The charges contained in the Indictment are merely accusations, and the defendants are presumed innocent unless and until proven guilty.

[Brari]

e blete gjelin e detit mo..

[Bel ami]

Une e dija se babagjyshi i vitit te ri sillte dhurata me thes,ju na keni sjelle nje thes me genjeshtra.Na qenka skandal pse qeveria paguan Tom Ridge per lobim! Ore akoma me oren e Kremlinit do jetoni juve?

[Brari]

Bashkia sfidon abuzuesit, treg me cmime reale në mes të Tiranës




TIRANE- Bashkia e Tiranës sfidon tregtarët e ushqimeve, të cilët kanë rritur cmimet e disa artikujve ushqimorë ditët e fundit. Improvizohet një treg i hapur me bizneset e shumicës dhe i bëhet thirrje tregtarëve të ndershëm të shesin aty. Në këtë treg ka qenë sot nënkryetari i Bashkisë, Edomond Panariti.

“Tendencat që u vunë re ditën e djeshme për rritje spekullative të cmimeve të artikujve ushqimorë marrin sot një përgigje nëpërmjet këtij tregu. Ne ndodhemi sot këtu tek pazari i vjetër tradicional i Tiranës. Iu drejtuam të gjithë tregtarëve të ndershëm, që kanë mbajtur sistematikisht marrëdhënie korrekte me konsumatorët, duke aplikuar cmime dinjitoze, cmime preferenciale. Këtyre tregtarëve Bashkia e Tiranës iu vë në dispozicion qendrën e Tiranës, iu vë në dispozicion tregun e pazarit të vjetër të Tiranës për të tregtuar mallrat e tyre në mënyrë dinjitoze dhe me cmime konkuruese”, tha Panariti.

Sipas tij, në këtë treg qytetarët do të gjenë cmimet reale të përcaktuara nga kërkesa dhe oferta dhe jo cmimet abuzive, që kanë vendosur të mbajnë disa tregtarë

“Ata spekulantë që synojnë të mbajnë cmime të larta do të jenë të margjinalizuar. Ky është tregu i lirë, këto janë cmimet reale të përcaktuara nga kërkesa dhe oferta dhe jo cmimet abuzive që dikush tjetër ka vendosur t’i mbajë”, shtoi ai.

(ma.ar/BalkanWeb)

[EuroStar1]

Kjo tregon pa-fuqine e ligjit nga ana e policise tatimore dhe bashkiake. U dashka ngritur nje treg paralel per te stabilizuar cmimet e tregut, hajde alla shqiptarce hajde

2500 lek te vjetra kg i kastravecit o brari... le ta mbushe trasten Luli se shqiptaret nuk e blejne dot me rrogat qesharake qe kane apo me "pencionet " per mos te folur per te tjerat pastaj se i del tymi tregut te Lulit dhe Saliut.

Sa per gjelin, degjova nje fakir mbreme ne edicionin e Klanit se ku e kishin gjetur dhe tha : Kam blere 7 gjela ahhahaha e pabesueshme cfar karagjozesh qe ka shqiperia, ai as nje kofsh pule frigoriferi nuk blente dot me ate paraqitje qe kishte dhe jo me te shpenzonte 350.000 leke te vjetra per gjela

[Brari]

shisni bemeverat e mercodesat e blini tranguj e gjela..

[Force-Intruder]

E vetmja gazete e pavarur qe marr per baze une eshte 55.
Te tjerat genjejne