Ka vdekur në moshën 54-vjeçare, Gjenerali i UÇK-TMK-së, Shaban Veli Shala

[projekti21_dk]

Pas një infrakti, të enjten në orët e mesditës, vdiq gjeneral Shaban Shala, i cili njihet si veprimtar i hershëm i lëvizjes për çlirim dhe kontribuues i jashtëzakonshëm në luftën e UÇK-së, por gjithashtu edhe i angazhuar në ristrukturimin dhe sistemimin e gjithë ushtarëve të UÇK-së dhe të TMK-së.
Ceremonia e homazheve do të mbahet nesër në Sallën e Kuqe të Pallatit të Rinisë, duke filluar nga ora 11.00 deri në orën 12.00, ndërsa prej orës 12.00 po në të njëjtin vend, mbahet akademi komemorative, kurse në orën 14.00, në kompleksin e varrezave të dëshmorëve në Prishtinë, do të mbahet ceremonia e varrimit.

Shaban Shala rrjedhë nga një familje atdhetare, i cili ka qenë i burgosur politik dhe veprimtar i hershëm i lëvizjes për çlirim, ka qenë aktivist i dalluar i KMDLNJ-së, kurse gjatë luftës çlirimtare ka dhënë një kontribut të madh në themelimin e celulave të para të Ushtrisë Çlirimtare të Kosovës, strukturimin e saj. Shala ishte dhe anëtar i Shtabit të Përgjithshëm të UÇK-së.

I ndjeri po ashtu, ka qenë bashkëluftëtar i komandantit legjendar Adem Jashari, ndërkaq pas luftës ishte pjesëtar i TMK-së me gradën gjeneral dhe deri në momentin e fundit u angazhua në ristrukturimin dhe sistemimin e gjithë ushtarëve të UÇK-së dhe të TMK-së.

Shaban Shala është vëlla i dëshmorit, gjeneral Bedri Shala.


Zeri i Kosoves

[Foleja_]

Ngushellime familjes dhe popullit shqiptar. I qofte i lehte dheu i Kosoves .

[Orikumi]

Ngushllime famljes se gjeneralit Shaban Shala,une kam pas rastin ta njoh gjeneral Shabnin athere kur ne Drenas perher te par Pash Shabanin, ishte vertet nje burr i sinqert besnik e mbante fjalen,kemi pas nje bashkpunim te mir ishte shum bashkpunus dinte te organizonte deget e para te kshilit per mbrojtjen dhe lirit e njeriut,na thonte se ketu duhet te jen njerzt me biografi te paster,nuk folte shum po bente pun te mdha.
Prej te gjithve ne ate koh qe punonin ne kshill Shabani ishte vertet nje burr,ne ate koh ne Drenas u ba nje perqamje,Shabani ishte nje i cili ishte mas reali dhe i drejt folte ashtu drejt nuk i takonte asnje grupacioni politik,brenga me e madhe e Shabanit ishte se si me debue okupatorin nga Kosova,eshte humbje e madhe per poullin Shqiptar qe humbi gjeneralin Shaban Shala.

[Pika-Kufi.1-31]

IN MEMORIAM

Gjeneralmajor Shaban Shala
(1958-2012)

Gjeneral Shaban Shala, i lindur në Gjergjicë të Drenasit në vitin 1958, në një familje atdhetare, veprimtarin e tij ilegale e filloi që në moshën e rinisë, ku për herë të parë dallohet në demonstratat e vitit 1981. Që nga atëherë veprimtaria e Tij fillon të merr përmasa gjithnjë e më të mëdha, për të cilën edhe do të burgoset e dënohet me dhjetë vite burg. Veprimtarinë e vet ilegale e zhvilloi në radhët e LPK dhe është ndër themeluesit e Këshillit për Mbrojtjen e Lirive dhe të Drejtat të Njeriut, e më vonë edhe sekretar i saj. Në kuadër të angazhimit në KMLDNJ riorganizonte nënkëshillat nëpër komuna, si mbështetje e mëvonshme e UÇK- së.
Si përgjegjës për Informim i Shtabit të Përgjithshëm të UÇK-së do t’i bëjë të njohur gjithë opinionit kombëtar e ndërkombëtar veprimtarinë e saj dhe domosdoshmërinë e luftës për çlirim kombëtar dhe do të informojë opinionin kombëtar e ndërkombëtar për rritën e kësaj ushtrie të lavdishme. Jehona e këtij informimi të drejtë do të kalojë edhe në cepat më të largëta të globit dhe do t’i mobilizojë shqiptarët për luftë çlirimtare.
Gjatë luftës së armatosur do të bëjë emër te bashkëluftëtarët e vet dhe më gjerë. Krah të fortë në luftë e moral do ta ketë edhe të vëllanë, Bedri Shalën dëshmorin e kombit. Pas rënies së Tij në altarin e lirisë, Shabani sikur merr edhe më tepër forcë e guxim, i bindur se rënie a vëllait dhe dëshmorëve tjerë do të kurorëzohet me liri dhe nuk u hamend për asnjë moment për të përmbushur betimin e tyre.
Në momentet më të vështira për fatin e Ushtarëve të Ushtrisë Çlirimtare të Kosovës, Gjeneral Shaban Shala do të japi kontribut të madh në takime me udhëheqësit politiko ushtarak të UNMIK-ut dhe NATO- së, që të gjallojë uniforma, por tash e shndërruar në TMK.
Në kuadër të TMK- së ushtroi detyrën e Komandantit të disa Zonave Operative dhe Komandant i Logjistikës së TMK- së në Garnizonin “Adem Jashari”. Edhe gjatë transferimit të TMK- së në FSK, Gjenerali Shaban Shala, caktohet të përkujdeset për fatin e ish pjesëtarëve të TMK- së dhe në Kudër të Ministrisë së Punës dhe Mirëqenies Sociale udhëheq zyrën për “Çështjet e Trashëgimisë të Trupave Mbrojtëse të Kosovës” dhe dha kontribut të jashtëzakonshëm për mirëqenien e tyre. Si koleg dhe bashkëpunëtor është çmuar nga Ministri jonë dhe gjithmonë jemi përpjekur që të jetë i suksesshëm në kryerjen e detyrave të tija.
Në vitin 1997 shkoi në Tiranë për kurim nga sëmundja e zemrës dhe përkundër sugjerimeve të mjekëve, Ai nuk pushoi së vepruari. Pas luftës sëmundja e zemrës iu keqësua dhe iu deshtë të mjekohej në Gjermani. Komplikime me zemër pati edhe më vonë gjatë shërbimit në TMK e në Zyre për “ÇTTMK”. Vdekja do ta gjej në krye të detyrës, gjatë orarit të punës.
Me vdekjen e Gjeneral Shaban Shalës, familja humbi bashkëshortin, babain, vëllanë dhe birin, ndërsa shokët humbën bashkëveprimtarin e tyre, e ne si Ministri kemi humbur udhëheqësin e kësaj zyre bukur me peshë.
Lavdi për jetë Gjeneral Shaban Shalës dhe i qoftë i lehtë dheu i Kosovës!

[Pika-Kufi.1-31]

Kryekuvendari Krasniqi ngushëlloi familjen Shala

Kryetari i Kuvendit të Republikës së Kosovës, dr. Jakup Krasniqi, i ka dërguar një telegram ngushëllimi familjes Shala, me rastin e vdekjes së ushtarakut të shquar të Ushtrisë Çlirimtare të Kosovës, Shaban Shala.

Në telegram thuhet:

E nderuara familje Shala,

Me pikëllim të thellë e morëm lajmin për vdekjen e atdhetarit,veprimtarit dhe ushtarakut të shquar të Ushtrisë Çlirimtare të Kosovës, Shaban Shala.

Vdekja e Shaban Shalës është humbje e madhe për Ju familje e nderuar, për miqtë dhe për mbarë popullin shqiptar.

Shaban Shala ishte një nga personalitetet më të dalluara të rezistencës kombëtare që nga vitet e '70-ta.
Shëmbëlltyra dhe vepra e tij do të kujtohen përjetësisht me respekt të veçantë.

Në emër të Kuvendit të Republikës së Kosovës dhe në emrin tim, Ju përcjell ngushëllimet më të sinqerta.

[Pika-Kufi.1-31]

Kryeministri i Republikës së Kosovës, Hashim Thaçi i ka dërguar një telegram ngushëllimi familjes Shala, me rastin e vdekjes së ish-oficerit të lartë të UÇK-së, Shaban Shala


Kryeministri i Republikës së Kosovës, Hashim Thaçi i ka dërguar një telegram ngushëllimi familjes Shala, me rastin e vdekjes së ish-oficerit të lartë të UÇK-së, Shaban Shala.

Në telegramin e ngushëllimit thuhet:

E nderuara familje Shala,

Me pikëllim të madh morëm lajmin që ish-oficeri i lartë i Ushtrisë Çlirimtare të Kosovës, Shaban Shala ndërroi jetë.

Jeta dhe veprimtaria e Shaban Shalës gjithmonë ka qenë në shërbim të çlirimit të Kosovës, që nga angazhimi i tij në lëvizjen kombëtare nga fundvitet e 70-ta, demonstratat e vitit 1981, ish i burgosur politik, që veproi edhe si aktivistë i Këshillit për Mbrojtjen e Lirive dhe të Drejtave të Njeriut e deri në inkuadrimin në Ushtrinë Çlirimtare të Kosovës, si oficer i lartë i UÇK-së.

Kontributi i veprimtarit Shaban Shala ka vazhduar edhe pas çlirimit të Kosovës, duke u angazhuar në forcimin dhe avancimin e Trupave të Mbrojtjes së Kosovës.

I gjithë ky kontribut i veprimtarit Shaban Shala, në shërbim të lirisë, pavarësisë dhe zhvillimit të Kosovës, do të mbetet i shënuar në historinë më të re të Kosovës dhe do të kujtohet me respektin më të lartë nga gjeneratat e tashme dhe të ardhshme.

Në emër të Qeverisë së Republikës së Kosovës dhe në emrin tim pranoni ngushëllimet më të sinqerta.

Hashim Thaçi,
Kryeministër i Republikës së Kosovës

[Besoja]

Ngushëllime familjarëve të tij!

[toni54]

ngushellime gjithe miqeve te tij dhe familjes .....kam pasur rastin te e njoh edhe personalisht ...ishte nje njeri i madhe ....puna dhe veprimtarija e tij ishte e madhe dhe do shkruhet edhe ne faqet e historis....

[Meriamun]

Ngushllime familjes, shokeve dhe dashamireve.

Njeriun deshmor nuk e ben vdekja, por kauza. Dhe kauza e ketij ka qene liria e Kosoves. I qofte i lehte dheu i Kosoves se lire.

[anita340]

Qofte i perjetshem kujtimi per te! Ndihem me fat qe e kam njohur.