BOTA N'PRANVERë
çupa e bukur
stina pranverë,
plot e lumtur
doli në derë,
i hapi dyert
krahë e m'krahë
gjithë i thanë:
-Marshallah!
Derdhi buzëqeshje
anë e kënd,
me blerim veshi
gati çdo vënd,
u mbush pylli
me zogjë plot,
gurra shkëmbit
lot e lot!
Në qiell dielli
shetit përditë,
n'kodër lozin
qengjat,fëmijtë,
në çdo skut
lulet lulëzojnë,
erë të këndshme
kundërmojnë!
Me plot zemër
them edhe njëherë:
-Shumë e bukur
është bota n'pranverë!
Kërkoj të falur nga autori për ndërhyrjen. E bëra këtë se në shkrimin origjinal dilte një si shpend, kështu lexuesit nuk e shihnin fjalën e plotë. Ka disa shenja dhe shkronja që nxjerrin figura sikur kjoPostuar më parë nga irfancana
Ndryshuar për herë të fundit nga projekti21_dk : 30-05-2012 më 18:00
"Projekti 21" nuk i bën reklamë vetes, afirmon të tjerët!
VAJZA BUZË DETIT
Vajza e bukur
fytyrëhanë,
rri buzë detit
të paanë!
Sikur pishë
trupin drejt,
shpirtin grish
dhe ata ment!
Shikon larg
qëndron qetë,
varg e varg
kujtimet vret!
Ngadalë shetit
bregut vonë,
zjarr n'shpirt
seç i vlon!
QERSHINUSJA
Kopshti i bukur
dhe i gjërë,
shumë i lumtur
qesh i tërë.
Rreth m'rreth
mirë i rrethuar,
trupin ngreh
qershia e gufuar.
N'degë të lehta
fryte janë lidhë,
bistekë të qeta
era i dridhë.
Kokrat në erë
seç vallëzojnë,
t'ëmbëla sheqer
gjithë i adhurojnë.
Klith dhe vogëlushi:
-Qershizë moj,
me ty gojën mbushi
dhe e ëmbëlsoj!
E qershinusjes
me t'lartin shtat,
po i qesh buzja
si vocit n'shtrat!
LËVDIMI I QERSHISË
Lëvdohet qershia:
-Kam vitaminë,
kënaqet fëmija
kur më përbin!
Dilni vrik pra
n'treg më bleni,
për mua të holla
fare mos kurseni!
Unë ju kënaqi
ju rrisi shumë,
oreks prore paçi
dhe jini fatlumë!
ERA DHE LLASTARËT
Me timin t'et
motër e vëlla,
shkuam në vresht
të punonim na.
Thurnim ndër tela
t'njoma llastarë,
zotëronte hareja
puna shkonte mbarë.
Por dikur t'fryej
era seç ia nisi ,
llastarët e mbërthyer
t'gjitha i shprishi.
-Ndalu ti moj erë
veten pak qetëso,
punën tonë me vlerë
mos na e shkatërro!
-Të tallesh ke zënë
si e pafytyrë,
po çfarë po bën
kështu zemërsmirë?
S'e dëgjoi t'jatin
era kokëtrashë,
vreshtin të tërin
e bëri mish-mash!
Vazhdoi si për inat
të fryej më fortë,
ç'u hidh'rua im at
desh i dalin lot!
Qershor,2012
ASHTU DUHET
Ditë pranvere,qielli plot kaltëri
e dy pëllumba fluturojnë n'ajri!
Hidhen të gëzuar,përpëliten lart
puthje mes veti shkëmbejnë gjatë!
Dielli hareshëm,ëmbël i shiqon
rreze t'arta plot afsh u dhuron!
Me tërë kërshëri dy pleqtë thanë:
-Ashtu duhet t'puthen vocët n' do anë!
Nga lindja,jugu,perëndimi e veriu
të duhenbardhi,i kuqi dhe i ziu!
Atëherë edhe dielli do t'nxejë më fortë
kur t'sheh t'buzëqeshur fëmijtë n'botë!
DITë VERE
Zogjët hareshëm
sa galdim kanë,
flut'rojnë rrufeshëm
enden në çdo anë.
Uh sa është freskët
thellë atje në pyll,
ndër degë shpezët
këndojnë si në lyrë!
Kërcejnë të llastuar
qengjat në luadh,
ndër bar të gufuar
lozin pa ia ndarë!
Ndërsa fushës atje
piqet gruri i ri,
puhia lehtë i krehë
kallinjtë si flori!
LULJA E NJOMë
Lulja e njomë
bojë bardhë,
skaj kaçubës
rritej ngadalë!
Pranë pushonte
një fëmijë,
gjërë e gjatë
këmbë shtrirë!
Që pushonte
vogëlushi aty,
lulja ndjeu
fortë kënaqësi!
Por si duket
pak u mashtrua,
gëzimi n'pikëllim
iu shndërrua!
Befas fëmija
këmbën hedhi,
pa ndonjë arësye
lulen shkeli!
KOSTARI I RI
Që nga agu i freskët kostari
n'luadh t'gufuar,del kosit...
dielli rrezon,shkëlqen bari
djersa ballit po i valëvit!
Aty pranë përroi i kristaltë
trupin përdredh,këndon melodi:
-Vëzh e vëzh!.. dëgjohet qartë
zhurma e kohës e kostarit t'ri!
Bie ngadalë para këmb've bari
bie lehtë,merr tjetër ngjyrë,
tërë ditën kosit kostari
dielli fytyrën ia ka nxirë
N'mbrëmje krenar n'shtëpi niset
në luadh bari,flen,pushon...
Fytyra me buzëqeshje i qëndiset
zemra i kënaqet,mirë kur punon!
Regullat e Postimit
Përgjigju Duke Cituar
Krijoni Kontakt