Shtohet tensioni i mardhenieve SHBA - Iran

[shigjeta]

Irani vazhdon kërcënimet për mbylljen e ngushticës së Hormuzit


Irani vazhdon me kërcënimet për mbylljen e ngushticës së Hormuzit. Zyrtarët iranianë paralajmëruan se do të mbyllin pikën strategjike të kalimit të naftës në botë nëse Perëndimi vendos sanksione ndaj eksporteve të naftës nga Irani.

Shtetet e Bashkuara thanë se do t’i pëgjigjen me forcë çdo bllokade të vendosur nga Irani. Ndërkohë, Irani i ka hedhur poshtë paralajmërimet e Shteteve të Bashkuara kundër mbylljes së ngushticë së Hormuzit. Në qendër të këtyre polemikave janë kapacitetet bërthamore të Iranit.

Më shumë se një e treta e naftës në botë rrjedh nëpër këtë korridori të ngushtë të quajtur ngushtica e Hormuzit.

Por tani, kanali po shfrytëzohet si një mjet negocimi në një luftë kërcënimesh e cila vazhdon të intensifikohet. Pentagoni ka thënë se nuk do të tolerojë asnjë ndërprerje të dërgesave të naftës nga iranianët në ngushticën e Hormuzit. Flota e Pestë Detare e Shteteve të Bashkuara me bazë në Bahrein i tha Zërit të Amerikës se është e gatshme t’i përgjigjet “veprimeve keqdashëse” për të siguruar lirinë e lundrimit në këtë ngushticë.

Ndërkohë, agjencia iraniane e lajmeve Fars ka cituar komandantin e Gardës Revolucionare të ketë thënë se Irani mund të zbatojë “strategjitë e veta mbrojtëse.”

Kërcënimet vijnë në një kohë kur marina iraniane është duke zhvilluar stërvitje ushtarake pranë ngushticës së Hormuzit duke e bërë të pashmangshme afërsinë me luftanijet amerikane. Leilaz Saeed, një analist politik i cili punon në Teheran, thotë se kjo e zmadhon kërcënimin:

“Dy vjet më parë, Udhëheqësi Suprem i Iranit urdhëroi Gardën Revolucionare të mbrojë ngushticën e Hormuzit. Por, tani forcat e rregullta detare po kryejnë stërvitje ushtarake atje.”

Kërcënimet ndodhin ndërsa së shpejti ministrat e Bashkimit Evropian do të vendosin për një bojkot të naftës iraniane, në përgjigje të programit bërthamor të këtij vendi. Irani thotë se programi i tij i pasurimit të uraniumit është për qëllime civile.


Patrick Clawson është studiues i çështjeve të Iranit në Institutin Uashington. Ai thotë:

“Përpjekja për mbylljen ngushticës së Hormuzit nuk është veprim i mençur për Iranin. Kjo është në kundërshtim me interesat e tyre, sepse ky veprim do të dëmtonte të ardhurat e tyre, do të bashkonte të gjitha vendet importuese të naftës kundër tyre dhe do të sillte një numër të madh të forcave detare për të vepruar kundër asaj që Irani është duke bërë.”

Por duke pasur parasysh veprimet e fundit të Iranit, Clawson thotë se mbyllja e ngushticës është një mundësi reale. Nëse kjo ndodh, nafta ndoshta mund të shmang ngushticën nëpërmjet një tubacioni i cili do të kalonte përmes Emirateve të Bashkuara Arabe. Megjithatë, mund të marrë disa javë për të gjetur një zgjidhje alternativa.

Ndërkohë, kjo ka patur ndikim të madh në çmimet e naftës. Të mërkuren çmimet u ulën pas një rritje që pësuan ditë më parë, por analistët thonë se situata mund të shkaktojë paqëndrueshmëri të çmimeve që mund të vazhdojë në vitin 2012.

CAROLYN PRESUTTI - VOA

[shigjeta]

SHBA do t'i shesë armë Arabisë Saudite, në përgjigje të kërcënimeve iraniane

Shtetet e Bashuara njoftuan dje një plan të rëndësishëm për shitjen e avionëve për Arabinë Saudite në një atmosferë tensionesh në Gjirin Pesik si rezultat i kërcënimeve të Iranit për të mbyllur Ngushticën e Hormuzit, nëse forcohen sanksionet bërthamore kundër tij. Departamenti i Shtetit tha se kërcënimet pasqyrojnë sjelljen e palogjikshme të qeverisë së Teheranit.

Programi me vlerë prej afro 30 miliardë dollarësh për shitjen e avionëve modernë luftarakë të tipit F-15 dhe sistemeve shoqëruese ushtarake ishte planifikuar më shumë se një vit më parë.

Por njoftimi zyrtar i këtij programi ishte një sinjal i qartë për të treguar mbështetjen amerikane për një aleat të rëndësishëm rajonal, në përgjigje të acarimit të tensioneve të shkaktuara nga Irani me kërcënimet për të mbyllur rrugë të rëndësishme të transportit detar.

Irani kërcënoi në fillim të javës se do të mbyllte Ngushticën e Hormuzit nëse sanksionet ndërkombëtare përpiqen të godasin sistemin e tij qendror bankar dhe të dëmtojnë eksportet e tij të naftës.

Një zëdhënëse e Flotës së Pestë të Marinës Amerikane tha se Shtetet e Bashkuara janë të përgatitura t’u përgjigjen veprimeve armiqësore për të garantuar lirinë e lundrimit.

Në një konferencë për shtyp, Ndihmës Sekretari i Shtetit për Çështje Politike-Ushtarake Andrew Shapiro tha se marrëveshja për shitjen e avionëve F-15 synon të ndihmojë Arabinë Saudite t’u përgjigjet kërcënimeve ndaj sovranitetit të saj, nga Irani apo kushdo tjetër.

"Lindja e Mesme aktualisht ndeshet me një numër kërcënimesh. Arabia Saudite ka pasur shqetësime të sigurisë së kufijve si dhe kërcënime në Gjirin Persik. Një kërcëmim i qartë si për Arabinë Saudite dhe për vende të tjera në rajon është Irani. Por ky program nuk ka si objektiv vetëm Iranin. Një tjetër synim është të ndihmojmë përmbushjen e nevojave të mbrojtjes së Arabisë Saudite”.

Në bazë të programit të shitjes së armëve, Arabia Saudite do të blejë 84 avionë të modelit F-15, ndërsa do të modernizojë 70 avionët e modelit F-15 që Arabia Saudite ka aktualisht në arsenalin e saj.

Pavararësisht nga kërcënimet e qarta të marinës amerikane, Irani ka vazhduar paralajmërimet për mbylljen e Ngushticës së Hormuzit, duke thënë se zotëron aftësitë e nevojshme për të mbyllur korridoret detare dhe se Amerika nuk është në gjendje të bllokojë veprimet e Teheranit.

Zëdhënësja e Departamentit të Shtetit Victoria Nuland tha se deklaratat e Iranit mund të nënkuptojnë se sanksionet ndërkombëtare që synojnë ta detyrojnë Iranin të përmbushë detyrimet e tij ndërkombëtare, po fillojnë të japing rezultate serioze:

“Nuk mund të lexoj mendjet e iranianëve. Por fakti është se kohët e fundit kemi vërejtur shumë sjellje të palogjikshme nga Irani. I vetmi përfundim është se sanksionet ndërkombëtare po fillojnë të japin rezultat dhe se rritja e presionit, sidomos mbi sektorin e tyre të naftës, po i bën të reagojnë në mënyrë agresive”.

Administrata Obama njoftoi për herë të parë Kongresin për planet për shitjen e avionëve në nëntor 2010 dhe nuk ka pasur tentativa për ta bllokuar këtë hap.

Zyrtari i Departamentit të Shtetit Andrew Shapiro tha se blerja e armëve nga Arabia Saudite nuk përbën ndonjë ndryshim të epërsisë ushtarake që ka Izraeli në rajon.


Shtëpia e Bardhë tha në një deklaratë se shitja e armëve, që do të zbatohet brenda dekadës së ardhshme, do të mbështesë 50 mijë vende pune në 44 shtete amerikane.

David Gollust - VOA

[Gordon Freeman]

SHBA vazhdimisht ndihmon dikatoret ,keshtu beri edhe me Egjiptin ku i shiti arme Ish Presidentit Mubarak ,kete kurve-politike e ka ne tradite kjo eshte edhe nje arsyje me shume qe te nxis tensione ne Iran dhe te hyje ne lufte me te e keshtu me radhe...cila eshte shenjestra tjeter?

[Alti Elezi]

SHBA vazhdimisht ndihmon dikatoret ,keshtu beri edhe me Egjiptin ku i shiti arme Ish Presidentit Mubarak ,kete kurve-politike e ka ne tradite kjo eshte edhe nje arsyje me shume qe te nxis tensione ne Iran dhe te hyje ne lufte me te e keshtu me radhe...cila eshte shenjestra tjeter?

Po ne kete rast,amerika eshte Mike apo armike???
Mos Valle e ka rradhen albania per ndonje big colpo???

Misteret e panjohura të kryeministrit
Shfaqja e videos së përgjuar nga Dritan Prifti shokoi mbarë opinionin shqiptar. Por në dritëhijet e saj, u pa lehtësisht dukshëm se një tjetër dorë e sprovuar qëndronte me një mision të qartë. Prirjet e disa udhëheqësve për të ofruar veten tek pasuritë e panumërta dhe joshjet nga orienti, nisën një strategji të re për të pakësuar të keqen më të madhe. Gjatë vitit 2009, vetë Hillari Klinton kishte dhënë urdhër të prerë për Ilir Metën, që atë kohë ishte ministër i brendshëm, të mos kryente asnjë fluturim në linjën Tiranë-Teheran, (kërkesë e Iranit). Pasi kaloi një vit, përpjekjet u intensifikuan, por shfaqja e videos prishi gjysmën e punës. Shqipëria sapo kishte kaluar një skandal në Gërdec me 26 viktima dhe 300 të plagosur. Por duket se telendisja e dosjes dhe përvoja e fituar nga udhëheqja i çuan në rrugë dhe shtigje të reja që duheshin provuar. Por përsëri video nuk pengoi aleancën e të keqes Shqipëri-Iran.

Vizita e fshehtë

Do të ishte media iraniane që do të kryqëzonte shefin e kabinetit të presidentit Ahmedinexhad, për një vizitë pa protokoll në Tiranë. Në gjuhën diplomatike, vizitat pa protokoll janë tepër të rrezikshme për integritetin e vendeve dhe raportet me shtetet e tjera mike. Mashayee zbriti diku më 10 janar në Tiranë, bëri një vizitë të shkurtër pune tepër të fshehtë. Mediat raportonin se ai kishte takuar kryeministrin Sali Berisha dhe zëvendëskryeministrin Ilir Meta. Skandali pasoi një tjetër vizitë, këtë herë të hapur, të Mashayee në Tiranë, për të mbuluar gabimin. Madje ka marrë pjesë në një forum kulturor ku ka debatuar me të ndjerin Sabri Godo, për çështje kulturash. Por arsyeja përse erdhi nuk u dha kurrë. Gjithsesi vizita e tij tërboi ndjeshëm Shërbimin Informativ Shtetëror dhe CIA-n amerikane. Qeveria shqiptare kishte thyer një urdhër të prerë. Por përsëri nuk e dhanë veten. Siç u zbulua më vonë, në hije qëndronte një marrëveshje e fshehtë e trafikut të sasive të mëdha të drogës, me një plan të qartë të hartuar nga Ahmedinexhad dhe Garda Revolucionare, forcat QUD-s. Dhe për të ngritur tymnajë, vëmendja u zhvendos duke shkaktuar 4 të vrarë në bulevard në protestë. Për të gjithë ata që nuk e kanë pikasur këtë kurth të qeverisë, mjafton të pyesësh përse protestuesit u vranë pikërisht në momentin që po shpërndaheshin dhe vala e sulmit kishte rënë ?!.

Agjenturat

Ato ditë në Tiranë gjendeshin edhe forca të sigurisë malazeze, të sjella prej drejtorit të Postës Podgoricë, por me lidhje të dyshimta në Beograd. Të maskuar si ushtarë të Gardës, janë vendosur në pika të caktuara dhe nuk kursyen në momentin e parë të urdhrit të qëllonin drejt, duke vrarë. Kur të vijë koha e duhur, komandanti i gardës, Ndrea Prendi, do të rrëfejë gjithçka nga fillimi deri në fund, madje dhe misteret e syrit të nxirë. Ajo që ngre dyshime të hidhura për shqiptarët është fakti se pikërisht agjenturat serbe tentuan si në 1997, duke përdorur me apo pa dëshirë kryeministrin (sigurisht që ai duhet të shpjegohet), që nëpërmjet vrasjeve të nxiste revolta e trazira. Pra një Shqipëri e trazuar i interesonte Serbisë për të shtypur Kosovën.

Manovra e SHBA

Për arsye që ende nuk dihet, por që vetë ambasadori Aleksander Arvizu po na i zbardh pak e nga pak, sepse vetëm dy muaj kishte në Tiranë, ka quajtur kryeministrin “burrë shteti”. Më 28 janar nuk dihej sa gjak do të derdhej nëse revolta vazhdonte. Kurse agjenturat serbe do arrinin qëllimin e tyre të shumëdëshiruar. Kujtojmë shprehjen e ambasadorit, “na intereson stabiliteti i vendit dhe Ballkanit”. Për gjuhën diplomatike kishte të drejtë, kurse për gjuhën popullore të gjithë ishin të pakënaqur, pasi 4 vetë u vranë nga një njeri që akuzohej edhe për 1997-ën. Berisha mbase këtë donte, por edhe pushtetin nuk e lëshonte pa krijuar një trazirë tjetër. Me apo pa dashje, përsëri kjo i takon atij ta sqaroj. Ambasadori kishte hequr ndërkohë një bast edhe me veten, por edhe me “miqtë” e “Podestës” në Uashington. Po paguheshin majmur nga njeriu i gabuar, por çdo hap duhej hedhur në kohën e duhur. SHBA-të ndërkohë kërkojnë provat e bashkëpunimit Shqipëri-Iran.

Armët

Lajmet janë të hidhura, dhe për trafiqe armësh me serbët, duke kamufluar barut e armatim. Me letra e pa letra. Aq sa ministri Imami së fundmi ndryshoi dëshminë dhe tha se një vend fqinj manipuloi imazhin e Shqipërisë me trafikun!. Por harroi të përmendte Slobodan Tesiç, që sipas OKB-së, në raport përmendet se në 2010 ka ardhur në Tiranë dhe ka marrë armë, edhe pse ishte super i kërkuar. Sigurisht i ndihmuar nga i kudogjenduri Damir Fazliç. Ose siç njihet ndryshe nga ekspertë të kriminalistikës, “shumëfunksionëshi”. Ai ka kohë që në Shqipëri bën zëvendëskryeministrin, ministrin e Jashtëm, të Brendshëm dhe të Mbrojtjes. Mjafton të kujtohet pjesëmarrja në Komitetin e Sigurisë !!!. Armë në Jemen, Libi, Liban, Afganistan dhe deri në Iran. Gjithçka duhej hetuar dhe prej muajit prill nis puna investiguese.

Goditja

Zgjedhjet po afronin dhe çdo ndërhyrje amerikane mund të prishte interesat e tyre për provat. U lejua grabitja e mandatit të Tiranës, sepse me Berishën nuk mund të mateshe ndryshe. Pas zgjedhjeve nisën të kapeshin transaksionet e para nga agjenturat e huaja. Pastrime parash, kalime pasurish, qarkullime marramendëse të parave. Dyshimet ishin për një megatrafik dhe korrupsion. Por duhej një provë edhe më bindëse. Berisha tenton të afrojë biznesmenë miq, kërkon të qarkullojë për të mos iu shembur ekonomia, pasi ka nevojë edhe për para për shkak të borxheve dhe krizës. Në gjashtë muajt e parë të vitit mori 500 milionë dollarë borxhe pa pyetur askënd në Bankën Islamike. Kjo tronditi përsëri amerikanët. Dhe vjen në qershor-korrik goditja e parë ndaj bosit turk me pasaportë shqiptare, Ali Evsen. Miliona transaksione me Mubarak dhe mikun e tij në Spanjë. Arrestohen, por Evsen lirohet kundrejt 5 milionë dollarëve garanci bankare. Albanian Airlines autorizohet të hetohet dhe të përjashtohet nga fluturimet. Më tej bllokohet transaksioni me Albtelekom nga turqit tek kinezët, këta armiq të SHBA-ve. Rrënjët e thella bënë që një drejtues i lartë i CIA-s të vizitonte Shqipërinë në muajin gusht.
Trafiku i drogës

Gjithçka dukej serioze. Kurse gjatë vizitës në SHBA të Berishës, amerikanët mbledhin më shumë informacion të besueshëm. Sapo Berisha kthehet në Tiranë, në Nju Jork tentohet të eliminohet ambasadori saudit. FBI e parandalon dhe arreston dy të dyshuar. Një prej tyre anëtar i Gardës Revolucionare të Ahmedinexhad. Urdhri për eliminim ishte dhënë nga Irani, zbatimi me ndihmën e Hezbollahut libanez. Britanikja “The Times” shkon më tej në investigimin e saj. Shqipëria nuk është pa gjë në këtë mes dhe për MI6 provat janë të mjaftueshme. Oficeri i Gardës Revolucionare tregon skemën e plotë. Ahmedinexhad kishte urdhëruar që të bëheshin fluturime me avionë e lundrime me anije me ngarkesa droge. Drogë heroinë dhe marijuanë, që do shitej në perëndim. “Ne pak na interesonte, sepse dëmtohej shëndeti i armiqve tanë. Ngarkesat zbarkoheshin në Shqipëri, Bullgari dhe Rumani. Aty shiteshin dhe paratë shkonin për të financuar grupet terroriste si Hezbollah, Hamas e Xhihad”, ka rrëfyer gardisti. Më parë në Durrës ishte eliminuar në mënyrë makabre, i djegur i gjallë, oficeri i vjetër i SHISH, Isa Çopa, që shërbente në Durrës duke ndjekur të huajt. CIA vihet në alarm, ky oficer kishte gjetur provat për çështjen që hetonin. Në Gjermani ndërkohë dy atentate ishin parandaluar të sponsorizuara nga Irani ndaj ushtarëve amerikanë e gjermanë. Dy të dyshuar ishin shqiptarë, një u kap nga FBI në SHBA dhe kishte lidhje në Pakistan.
Diplomacia

Gjendja bëhet më serioze dhe në Iran shpërthejnë atentatet ndaj ushtarakëve të lartë e shkencëtarëve të programit nuklear. CIA eliminon pikat kyçe, Irani kundërpërgjigjet. Hezbollah zbulon 12 agjentë të CIA-s, ndërkohë që sulmohet ambasada britanike dhe ajo amerikane, që largohen nga vendi. Më pas kapet edhe avioni spiun i SHBA-ve, teksa ndiqet një luftë e hapur mes vendeve për çështjet bërthamore. Një grup agjentësh të CIA-s vijnë fshehurazi në Tiranë për disa ditë dhe mbledhin informacione e dokumente mbi transaksionet. Pak ditë nga largimi, gjuha e ambasadorit amerikan Arvizu nis të ndryshojë.

Shtirja

Kryeministri Sali Berisha merr një tjetër tur udhëtimesh nga Norvegjia në Izrael. Gjatë vizitës në Jerusalem sulmon Ahmedinexhadin si nazist. Kjo, vetëm katër ditë pasi “The Times” zbulonte Shqipërinë të përfshirë në trafik droge me Iranin, për të ndihmuar terrorizmin. Në Francë qëndron 4 ditë dhe përfshihet në skandale diplomatike, aq sa Kukan kërkon falje për një deklaratë të Daul që ofendoi opozitarin Rama në Kongresin e Partive Popullore. Merkel, Kameron e Sarkozi nuk denjojnë ta takojnë. Direktiva tashmë është e qartë.
Sëmundja misterioze

Berisha kthehet në atdhe dhe ditën e festës së 21 vjetorit të PD-së, më 12 dhjetor, pëson një paratëfikët, por me natyrë tromboze dhe prej asaj dite është urdhëruar të ulë ngarkesën për shkak të shëndetit. Gjithsesi sfidon të ftohtin për të marrë pjesë në funeralin e Vaclav Havel, njeriut, që në 1997 e quajti Berishën “anadollak, pjellë të komunizmit dhe se do e çonte prap Shqipërinë në katastrofë”. Kryeministri kërkonte të jepte mesazhin se po e përcillte në botën tjetër, por dhe të shfrytëzonte rastin të takonte lider botërorë. Asnjë takim, shtrëngim duarsh apo mesazh. I vetmi mesazh ishte i Thaçit se gjoja gjatë vizitës me Merkel në Prishtinë, kancelaria i kishte bërë të fala!!!.

Finalja

Ambasadori amerikan shfaqet sërish. Tani është koha e duelit të heshtur, SHBA nuk ka më nevojë për prova të tjera. E nis duke cilësuar disa drejtues policie të implikuar në krime, drejtësinë të korruptuar dhe kulturën e pandëshkueshmërisë që mbizotëron. Mesazhi është shumë i fortë dhe i papërballueshëm nga Berisha. Nga ana tjetër Topi ka nisur udhëtimin politik, kurse vendi gjendet në prag katastrofe financiare. Gjithsesi do që ta mbajë pushtetin sa të sigurojë të ardhmen e fëmijëve. Ka informacione që tashmë kanë marrë prona në Austri dhe mund të jenë vendosur aty. Kurse Berisha vijon betejat e fundit. Por lajmi më alarmues është blindimi i ambasadës së SHBA me forca policie dhe mbikëqyrja e rreptë prej disa ditësh. Amerika e ka kuptuar më në fund se kush ishin celulat, por mbase tashmë është edhe vonë. Mes moshës së thyer, dëshirës për pushtet, pamundësisë fizike dhe skandaleve që e rrethojnë, kryeministri duhet të zgjedhë një nga këto opsione. Gjasat janë se janari do të jetë muaj sakrifice për pushtetin dhe njëkohësisht zbardhja e arsyeve pse më 21 janar ky njeri u vlerësua mes metastazave për puçistë, horra, lavire pistoleta çadër, si një “burrë shteti”….