ZEKATI - pastrimi i njeriut

[ramazan_it]

Paguan zekat më shumë dhe do që ta llogarisë për zekatin e vitit të ardhshëm

Mexhmua fetâwa shejh ibn Uthejmin (18/308)


Pyetje: Pagova zekatin njëzet mijë rialë për vitin 1411H, pastaj llogarita pasurinë time për vitin e njëjtë dhe e gjeta të ishte pesëdhjetë mijë. A është e lejueshme të konsiderohet kjo sasi shtesë si zekat i vitit 1412H pa bërë nijetin (për t'ia shtuar zekatit të vitit 1412)?

Përgjigje: (Dmth) Pyetësi pagoi zekat më shumë sesa detyrohej dhe po pyet a ta llogarisë këtë si zekati të vitit vijues?

Them: Jo, nuk e llogaritë si zekat të vitit vijues, sepse nuk e ka bërënijetin për këtë. Kjo (shtesë) është sadaka me të cilën i afrohet
Allahut të lartësuar, për shkak të thënies së Pejgamberit ( صلى الله عليه و سلم ).
“Vërtet, veprat llogariten sipas qëllimit, dhe vërtet që çdonjërit i takon ajo që ka për qëllim”.

[ramazan_it]

Zekati në kursimet e një personi të varfër

Pyetje: Një person i pashtëpi, pa ndonjë dyqan e tokë të punueshme dhe që, për shkak të mungesës së parave, s’është i martuar, tash po punon dhe po kursen para në një bankë islamike për të ndërtuar një shtëpi, për të blerë ndonjë dyqan apo një tokë të punueshme. Ndërkohë, shuma e kursyer ka mbërritur nisabin (sasinë që detyron zekatin) dhe një vit të plotë hënor (që nga koha kur pasuria mbërriti sasinë që detyron zekatin). A duhet paguar zekat në këtë, apo jo?

Ju lutem, më këshilloni. Allahu ju shpërbleftë.

Përgjigje: Nëse shuma mbërrin nisabin dhe kalon një vit i plotë hënor, duhet paguar zekatin për të, edhe nëse personi e kursen atë për të ndërtuar një shtëpi, për t’u martuar e për gjëra të ngjashme.

Allahu na dhëntë sukses. Paqja dhe bekimet qofshin mbi pejgamberin tonë Muhamed, mbi familjen e tij dhe mbi shokët e tij.

Komisioni i përhershëm për Hulumtim dhe Fetwa
Kryetar: Abdul-Aziz ibn Abdullah bin Baz
Zëvendës-kryetar: Abdur-Rrezak Afifij
Anëtar: Salih el-Feuzan
Anëtar: Bekr ebu Zejd
Anëtar: Abdul-Aziz Al esh-Shejh
Anëtar: Abdullah ibn Ghudejjen

[ramazan_it]

A duhet dhënë zekatin vetëm në përfitim, apo dhe në kapital?

Dijetarët e Komisionit të Përhershëm (9/356) u pyetën:

Kam pasuri në vlerë të 15. 000 rialë, të cilat ia kam dorëzuar një personi që të tregtojë me to dhe ai t’i marrë gjysmën e përfitimit. A duhet dhënë zekat për këtë pasuri? Dhe për cilën duhet dhënë zekatin: për kapitalin, për përfitimin, apo për të dyja këto? Nëse duhet dhënë për kapitalin dhe me kapital janë blerë lloje të ndryshme të mallit, si tepihë, orendi dhe gjëra të ngjashme, si është gjykimi në këtë rast?

Përgjigje: Zekati është obligim për mallin e përmendur, i përgatitur për shitje, kur të kalojë një vit i zekatit që nga koha kur është blerë. Zekati duhet të paguhet edhe në kapital, edhe në përfitim në fund të vitit të zekatit. Nëse paratë janë përdorur për të blerë mallra tregtie, vlera e tyre duhet të llogaritet në fund të vitit të zekatit me çmimin aktual (në kohën e plotësimit të vitit), dhe zekati duhet të jepet me normë prej 2.5% të gjithë pasurisë plus fitimi.

Shejh AbdulAziz ibn Abdullah ibn Baz
Shejh AbduRrezak Afîfi
Shejh Abdullah Gudejân

Shejh Fewzan qe pyetur:

Unë kam njëmijë funta egjiptiane të cilat i kam investuar në një projekt komercial. A duhet dhënë zekat në këtë dhe me çfarë norme? Kujt duhet t’ia jap atë? A duhet të jap zekatin vetëm në kapital, apo edhe në kapital, edhe në përfitim?

Ai u përgjigj: Për paratë që investohen në tregti duhet dhënë zekatin, nëse mbërrin pragun minimal (Nisab) apo më shumë, dhe, po ashtu, duhet të jepet edhe në përfitime, meqë përfitimi i përket atij dhe zekati duhet të jepet për të si dhe për kapitalin. Kështu, ti duhet të japësh zekatin për këto para, kur të ketë kaluar një vit i zekatit, dhe kësaj t’ia shtosh edhe përfitimin e pastaj të japësh zekatin në total me normën e çerekut të një të dhjetës (2.5 %).

(el-Munteka min Fetãwa esh-Shejh el-Fewzan)