Qeveria Berisha anullon projektin për "Trenin Elektrik", GE hedh qeverinë në gjyq

[Albo]

Gazeta boton pjesën e raportit të FMN, ku flitet për investimin e qeverisë për trenin elektrik

FMN:Pse dyshojmë tek Hekurudha dhe “Projektuesit”

Plani i qeverisë për ndërtimin e një linje hekurudhore elektrike që do të lidhte Tiranën me aeroportin e Rinasit dhe Durrësin, nuk ka kaluar akoma për në Kuvend, pasi ai ndodhet akoma në Komisionin e Ekonomisë. Ndërkohë gazeta ka zbardhur pjesën e raportit të Fondit Monetar Ndërkombëtar në internet ku flitet për investimet prioritare në kuadër të Strategjisë për Reduktimin e Varfërisë, dhe në të cilën flitet dhe për këtë projekt të Qeverisë Shqiptare.

Raporti gjendet në internet në adresën http://www.imf.org/external/pubs/cat...fm?sk=17149.0. Aty thuhet se për këtë projekt nuk ka patur asnjë njoftim nga ana e autoriteteve shqiptare dhe se ai rrezikon projektet e tjera në kuadër të kësaj strategjie. "Rëndësia e përgatitjeve më të mira për projektet e investimit doli në pah gjatë diskutimeve për një projekt hekurudhor që do të lidhte Tiranën, aeroportin dhe Durrësin. Stafi i Fondit Monetar Ndërkombëtar mësoi gjatë misionit të tij tij se ky projekt, që kushtonte 1,5 përqind të prodhimit të brendshëm bruto, kishte arritur një nivel të lartë avancimi, në një kohë kur ai nuk ishte identifikuar më parë si prioritet nga autoritetet në Strategjinë për Reduktimin e Varfërisë, në programin buxhetor, ose në analizat për marrjen e kredieve përmbi limitet e caktuara për projektet jo-koncensionare," thuhet në raportin e FMN.

"Të dyja, Banka Botërore dhe Fondi Monetar, shprehën shqetësime serioze për mungesën e informacionit, mungesën e vlerësimeve të duhura paraprake mbi projektin, procesit jo të qartë të tenderimit dhe koston e lartë të kredisë që do të merret për realizimin e tij. Stafi theksoi se edhe nëse ky projekt nuk do të cënonte limitet e kredive për projekte jo-koncensionale, ai do të vononte zbatimin e të tjera projekteve që janë identifikuar tashmë si prioritare. Autoritetet shqiptare në komunikimin me ne pranuan këtë fakt, por thanë se ky projekt përbën një mundësi unike për Shqipërinë, e cila mundëson thithjen e projekteve të tjera. Sipas misionit autoritetet shqiptare ofruan prapë informacion për rëndësinë e zbatimit të këtij projekti. Banka Botërore, të cilës i është kërkuar dhe më parë ndihmë për studimet e fizibilitetit, tha se do të ofronte asistencë në këtë drejtim. Autoritetet gjithashtu pranuan masa specifike me qëllim që të përmirësohet procesi i dhënies prioritet investimeve në projektet jo-koncensionare," përfundon pjesa e raportit për këtë çështje.

Opozita kishte kundërshtuar këtë projekt që në momentet kur ai ishte paraqitur në Komisionin e Ekonomisë. Madje përfaqësues të opozitës i janë drejtuar dhe Fondit Monetar Ndërkombëtar për këtë shqetësim. Gjithashtu dhe vetë socialistët ishin shprehur skeptikë lidhur me këtë projekt. Pasi ishte menduar se ky projekt do të ishte gati për diskutim në Kuvend, ai është rikthyer në Komisionin e Ekonomisë për rishqyrtim nga kryetari i këtij komisioni Ylli Bufi.

[Albo]

Ministria e Transportit: Një tren elektrik është krejtësisht i parakohshëm dhe i panevojshëm.

"Ky projekt, jo vetëm që është i realizueshëm teknikisht, por edhe nga pikëpamja financiare është me fitim. Fitim ekonomik nuk do të ketë vetëm vendi ynë"

Ministria e Transportit dhe Telekomunikacionit reagoi ndaj denoncimit në media të investimit të qeverisë në një projekt prej 90 milionë dollarësh që do të lidhë Durrësin me Tiranën, përmes aeroportit të Rinasit. Denoncimi kishte të bënte me faktin se ky investim bëhet me anë të një kredie tregtare, dhe që shton më tej borxhin e jashtëm të Shqipërisë. Ndërkohë në reagimin e kësaj ministrie përmendet vetëm fakti se ky është një investim që do të sjellë shumë fitime, në kuadër të përmirësimit të infrastrukturës hekurudhore. "Për më tepër, për vendin tonë dhe për Qeverinë e Shqipërisë, është shumë e rëndësishme që këtë projekt të transportit shqiptar e zbaton një kompani multinacionale dhe e njohur në botë siç është GE. Qeveria Nano është e para nga të gjithë qeveritë e deritanishme që ka treguar kujdes për këtë pasuri të madhe kombëtare siç janë hekurudhat," thuhet në deklaratën e kësaj ministrie.

Madje atje thuhet edhe se treni që do të ndërtohet, nuk është një tren elektrik. "Fakti që ky projekt do të zbatohet nga GE, nuk do të thotë aspak që treni është elektrik, përkundrazi në kushtet e vendit tonë, një tren elektrik është krejtësisht i parakohshëm dhe i panevojshëm. Ky projekt, jo vetëm që është i realizueshëm teknikisht, por edhe nga pikëpamja financiare është me fitim. Fitim ekonomik nuk do të këtë vetëm vendi ynë," thuhet në deklaratë.

[ganoid]

Tiranë-Durrës, 90 milionë dollarë me prokurim të drejtpërdrejtë

Qeveria shqiptare po i jep me prokurim të drejtpërdrejtë 90 milionë dollarë kompanisë “General Electric” për modernizimin e hekurudhës Tiranë-Durrës. Fjala e fundit pritet nga Kuvendi i Shqipërisë


Qeveria shqiptare ka nënshkruar një marrëveshje kohë më parë me kompaninë “General Electric” për modernizimin e hekurudhës Tiranë-Durrës dhe lidhjen e saj me aeroportin ndërkombëtar të Rinasit. Për kryerjen e kësaj vepre qeveria jonë do t’i japë kompanisë në fjalë 90 milionë dollarë, shumë e cila do të merret nga qeveria si kredi me kushte tregtare nga një bankë ndërkombëtare. Duket se edhe në këtë rast kemi të bëjmë me një prokurim të drejtpërdrejtë, i cili nuk është i pari për nga mënyra e veprimit, duke kujtuar prokurimin e drejtpërdrejtë për ndërtimin e rrugës Ura e Dajlanit-Plepa, ku qeveria dështoi. Por kësaj here vlera e prokurimit është shumë herë më e madhe.
Duke iu referuar ligjit “Për prokurimet publike” neni 23 i ligjit 7971 i datës 26.07.1995 me vendim të Këshillit të Ministrave nr.228 të datës 24.05.2002, pika 1, shkronja a) thotë: “Enti prokurues të përdorë procedurën “Tender i hapur ndërkombëtar, kur vlera e përllogaritjes së kontratës është mbi 300 milionë lekë. Duke qenë se studimin e projektit e ka bërë kjo kompani, del qartë se këtu ka një konflikt të hapur interesash dhe ajo nuk mund të marrë tenderin. Sipas studimit, ky projekt është shumë fitimprurës, në rast se ky projekt sjellë fitime, atëherë kjo kompani fare mirë mund ta marrë me koncesion ndërtimin dhe shfrytëzimin e saj. Në këtë çështje ka një mungesë të plotë transparence dhe qeveria nuk ka dhënë asnjë informacion mbi termat e kredisë. Ndërkohë që kjo marrëveshje akoma nuk ka hyrë në fuqi pasi nuk është votuar akoma në Parlament.


Marrëveshja
Marrëveshja është nënshkruar më 15 shkurt të vitit të kaluar mes përfaqësuesve të qeverisë shqiptare dhe drejtuesve të “General Electric Transportation Systems” s.p.a.
Marrëveshja në fjalë do të bëjë të mundur modernizimin e linjës hekurudhore prej 38 kilometrash, si dhe ndërtimin e segmentit të ri lidhës me aeroportin ndërkombëtar “Nënë Tereza” në Rinas. Investimi, që do të kalojë vlerën e 50 milionë eurove, do të përfshijë modernizimin e linjës Tiranë-Durrës me një nga teknologjitë më të përparuara europiane për lidhjen me rrjetin paneuropian, si dhe ndërtimin e tetë stacioneve për udhëtarët. Përveç kësaj, në projektin e hekurudhës do të përfshihet dhe shtrimi përgjatë saj i kabllos optike me 30 fije, nëpërmjet së cilës do të përçohet sasi e konsiderueshme dhe e ndryshme informacioni. Sipas të dhënave të marra gjatë nënshkrimit të marrëveshjes, me modernizimin e ndërtimin e linjës do të shkurtohet shumë koha e udhëtimit, si dhe do të lehtësohet lëvizja e udhëtarëve dhe e mallrave nga Durrësi në Tiranë e anasjelltas. Një shumë e konsiderueshme do të përdoret dhe për vendosjen e lokomotivave dhe vagonëve të rinj, të cilët do të jenë me naftë dhe do të mund të ecin me një shpejtësi prej 100 kilometrash në orë. Bashkëpunimi me “General Electric” është realizuar nëpërmjet “General Electric Transportation Systems”, që është filiali italian i kompanisë globale. Kjo shoqëri ka marrë pjesë edhe më parë në projekte të vogla në hekurudhat shqiptare. Për këtë investim GE-ja ofron asistencën e vet si për sigurimin e kësaj shume nëpërmjet negocimit dhe nënshkrimit të marrëveshjes së kredisë me një bankë tregtare dhe për garantimin e kredisë.

[ganoid]

Po them dy fjale per trenin elektrik.
¨
Kushton sa 1,6% e GDP ose me mire sa 11% e te ardhurave nga taksat.
Te mirat:
do zhvilloje shume infrastrukturen
do terheqi akoma me shume investitore te huaj te cilet duan te prodhojne ne shqiperi dhe te shesin jashte
do jete kapital
per nje kohe afatmesme do hapen nje nr i konsiderushem vendesh pune

Ana negative.
Me kete investim thyhet nje nga shtyllat e investimeve qe eshte redistribucioni ose ndarja e barabarte e te ardhurave te shtetit.
Do te privohen nga investimet shume pika te ekonomise.
Do rritet borxhi nje borxh qe duhet ta pagujme njew dite te bikur me diell vete taksapagusit te cilet nuk jane vetem nga Tirana.

Mendimi im....
Te behet.

[antip]

U bera kohe qe interesohem mbi kete projekt. Dihet se ndertimi i tij do te ndikoje gjithnje e me teper ne unifikimin dhe zhvillimin e metejshem te zones megaurbane Tirane-Durres. Nderthurja e portit kryesor te vendit me aeroportin kryesor dhe me dy qytetet me te medha do te jete vertete dicka e mire. Por me lind nje dyshim, si te themi banal: Valle me modernizimin e linjes nenkuptojne vetem elektrifikimin dhe restaurimin e saj apo parashikohet te ndertohet dhe traseja paralele keshtuqe trenat do mund te levizin vajtje-ardhje pa pengesa dhe ndalesa te gjata neper stacione (si rruget me dy korsi-sense). Nqs jo, atehere me duket vertet nje investim i kote dhe i pajustifikuar.
Te shohim...

[angeldust]

Hahahahahahahahahhhh



Po kur te ikin dritat si do funksionoje ky "tren elektrik"?

Pse s'investojne me mire ne permiresimin e infrastuktures, energjise dhe ujit te pijshem? Dhe per me teper, pse vetem per Tiranen dhe rrethina ka rene dielli? Pse s'mendojne njehere edhe per situaten dhe varferine ne rrethe? Po domosdo se ne Tirane kane selite e tyre dhe duan te bejne jete luksoze se jane mesuar neper bote kur shpenzojne jeten e tyre pushtetare si turiste.

Posi, edhe ate liftin per te vajtur nga Tirana ne Dajt duke u kolovitur do ta ndertojme ne, edhe ate tunelin nen det per t'u lidhur me Italine pergjate Otrantos, edhe... edhe... edheeee.........

Pppsssss.... aman se vetem per te qeshur pak u futa ne kjo teme! Por me zhgenjeu, qesha shume.

[Shpirt Njeriu]

Ilir Meta hodhi dyshime në lidhje me trasparencën e projektit të trenit elektrik Durrës-Tiranë. Sipas tij, ky nuk mund të quhet një investim i huaj, pasi investuesi është shteti shqiptar, nëpërmjet një kredie tregtare, ndërsa zbatuesi një kompani e huaj.


Kemi të bëjmë me mungesë transparence në rastin hekurudhës Durrës-Tiranë", u shpreh ish kryeministri Meta. Sipas tij, një kompani e cila bëri studimin e fizibilitetit të këtij projekti nuk mund të bëjë zbatimin e tij. Kjo sipas Metës duhet të bëhet temë e një debati të hapur në drejtorinë e Përgjithshme të Hekurudhave, por dhe në dikasterin e trasportit. "Fillimisht treni elektrik na u paraqit si një investim disa dhjetra milionë dollarë i një kompanie prestigjoze amerikane, e cila do të investonte në formë koncesioni në segmentin Durrës-Rinas-Tiranë", u shpreh Meta. Por, më vonë, sipas tij, ky projekt ambicioz, u shndërrua në një tren normal, projekt i cili financohet nga shteti shqiptar, nëpërmjet një kredie tregtare në kurriz të taksapaguesve shqiptarë. "Për projektin duhet të sqarohet nëse ai përfaqëson një investim të drejtpërdrejtë të huaj, siç është përmendur nga ana e qeverisë shqiptare për një kompani të huaj, apo kjo kompani është zbatuese e tij dhe investitori është shteti shqiptar në bazë të kësaj kredie", u shpreh ish kryeministri Meta. Meta në analizën e tij, tregon zgjidhjen dhe rrugën më të drejtë për këtë projekt, sipas të cilit, nëse ai do të ishte me leverdi, qeveria duhet t'ia kishte ofruar me koncesion kompanisë e cila bëri studimin e fizibilitetit dhe kredinë tregtare ta kishte marrë vetë ajo, për ta shlyer pas vënies së hekurudhës në shfrytëzim. Sipas tij, në këto kushte ky investim nuk mund të quhet i huaj. "Është e papranueshme që zbatimi i një projekti nga një kompani e huaj të paraqitet si investim i saj", u shpreh Meta.


Ligjet kanë hedhur poshtë projektin

Projekti i rikonstruktimit të linjës hekurudhore Tiranë-Durrës dhe ai i ndërtimit të linjës hekurudhore Tiranë-Rinas është hedhur dy herë poshtë nga komisioni parlamentar i ligjeve. Qeveria shqiptare me një vendim të saj kishte nënshkruar një marrëveshje me kompaninë italo-amerikane General Elektrik Capital për projektet në fjalë. General Elektrik angazhohej të ofronte asistencën e vet si për sigurimin e shumës së nevojshme për këtë projekt nëpërmjet negocimit, dhe nënshkrimit të marrëveshjes së kredisë me një bankë tregtare dhe për garantimin e kredisë. Refuzimi i miratimit të tij erdhi për shkak të mungesës së arguimentimit të të saj dhe firmat e negociatorëve të saj. Anëtarët e këtij komisioni kërkuan vazhdimisht sqarime nga ekespertët e ministrisë së Transportit pse pikërisht kjo kompani duhet të merrte këtë projekt dhe për të nuk hapej procedura tenderimi. Sipas tyre, kompania që ndërmjetësonte kredinë s'duhej të merrte zbatimin e projektit.


Marrëveshja me "General Electric" për hekurudhën

Në shtator të vitit të kaluar qeveria shqiptare ka nënshkruar marrëveshjen përfundimtare me "General Electric", e cila do të realizojë ristrukturimin e segmentit hekurudhor që lidh Tiranën me Portin e Durrësit, si dhe do të ndërtojë pjesën e re hekurudhore që lidh këtë linjë me aeroportin "Nënë Tereza". Vlera totale e investimit që rezulton nga preventivi është rreth 57.5 milionë euro dhe 12.2 milionë dollarë. "General Electric" ka ofruar asistencën e vet si për sigurimin e kësaj shume nëpërmjet negocimit dhe nënshkrimit të marrëveshjes së kredisë me një bankë tregtare, ashtu dhe për garantimin e kredisë. Sipas projektit, garantimi i kredisë do të bëhet nga SACE dhe EXIM Bank në masën deri 85 për qind, ndërkohë që "General Electric" garanton pjesën e mbetur prej 15 për qind. Projekti synon në rritjen e standardit teknik të linjave hekurudhore në rikonstruksionin e plotë dhe modernizimin e terminaleve hekurudhore (stacioneve) dhe në modernizimin e flotës hekurudhore. Pjesë e projektit do të jetë edhe instalimi i sistemit të fibrave optike nga më modernet, i cili jo vetëm do të automatizojë të gjitha veprimet e dispecerive, por dhe do të modernizojë lëvizjen dhe kontrollin e trenave. Ndërkohë, zyrtarë të Ministrisë së Transporteve dhe Telekomunikacionit kanë deklaruar se tarifat e shërbimit kundrejt komunitetit do të vazhdojnë të mbeten po kaq të ulëta sa janë. Sipas drejtuesve të Ministrisë së Transportit dhe Telekomunikacionit, ky projekt jo vetëm që është i realizueshëm teknikisht, por edhe nga pikëpamja financiare është me fitim.


PROJEKTI

- Modernizimi i rrjetit ekzistues prej 38 kilometrash gjatësi të linjës Tiranë-Durrës
- 8 stacione pasagjerësh dhe të ndërmjetme
- 6 kilometra linjë e re hekurudhore që lidh Tiranën me Durrësin me linjën për në aeroportin "Nënë Tereza"
- Vlera totale 57.5 milionë euro dhe 12.24 milionë dollarë
- "General Electric" ka ofruar asistencën e vet si për sigurimin e kësaj shume nëpërmjet negocimit dhe nënshkrimit të marrëveshjes së kredisë me një bankë tregtare
- Garantimi i kredisë do të bëhet nga SACE dhe EXIM Bank në masën deri 85 për qind dhe nga "General Electric" në masën 15 për qind.

[Shpirt Njeriu]

Ish-Kryeministri kerkon nga qeveria transparence rreth projektit per modernizimin e hekurudhes Tirane-Rinas-Durres: "Eshte e domosdoshme te sqarohet perfundimisht nese perfaqeson nje investim te drejtperdrejt te huaj, te nje kompanie te huaj, apo kjo kompani eshte thjesht dhe vetem zbatuese e ketij projekti"

Ish-Kryeministri Ilir Meta ka kerkuar nga qeveria me shume transparence mbi menyren e financimit dhe te ndertimit te linjes hekurudhore, qe lidh Tiranen me Durresin dhe Aeroportin e Rinasit. Ne kerkesen e tij, Meta ka ngritur shqetesimin rreth raportit ndermjet qytetarit te thjeshte taksapagues me ekzekutivin dhe Parlamentin, te cilet jane menaxhues te parave te mbledhura nga taksat e qytatareve. "Shqetesimi im me serioz dhe me parimor eshte ky: te vendoset nje raport i ri midis qytatareve si taksapagues dhe qeverise e Parlamentit nga ana tjeter, te cilet marrin kredi te ndryshme, madje edhe kredi tregtare, qe duhen pastaj te shlyhen nepermjet taksave qe paguajne qytetaret, sot dhe ne te ardhmen".

Ne konferencen e djeshme per shtyp, ish-Kryeministri ka theksuar se ndihet shume e nevojshme transparenca e investimit per modernizimin e linjes hekurudhore, investim i cili arrin ne deri 90 milione dollare. Ai ngre shqetesimin, nese ky projekt eshte nje investim i huaj apo nje investim i shtetit shqiptar, ku ky i fundit merr nje kredi tregtare, te cilen duhet ta shlyejne qytaterat permes taksave. "Eshte e domosdoshme per projektin ne fjale qe te sqarohet perfundimisht nese perfaqeson nje investim te drejtperdrejt te huaj, sikurse eshte permendur vazhdimisht nga ana e qeverise shqiptare, te nje kompanie te huaj, apo kjo kompani eshte thjesht dhe vetem zbatuese e ketij projekti, i cili eshte investim dhe financim i qeverise shqiptare, ne baze te nje kredie tregtare qe ajo do te marre per kete qellim dhe qe do te shlyhet nga te gjithe taksapaguesit shqiptare", ka theksuar deputeti socialist. Meta nenvizon faktin se nuk mund te pranohet qe zbatimi i nje projekti nga nje kompani e huaj, t'i paraqitet publikut si nje investim i huaj i drejtperdrejt, nderkohe qe nuk duket i tille. Gjithashtu, ai thekson, se "nese ky projekt eshte me leverdi, pra del me fitim, atehere perse qeveria nuk ia ofron me koncesion kompanise e cila ka bere studimin e fizibilitetit, pra te leverdishmerise dhe ta marre ajo kete kredi tregtare dhe jo buxheti i shtetit, nepermjet qeverise dhe Parlamentit dhe ta shlyej kete kredi me fitimet qe ajo i ka te garantuara sipas ketij studimi". "Vetem ne kete rast, - vlereson ish-Kryeministri, - do te kishim te benim me nje investim te huaj te drejtperdrejt, ndryshe gjithcka tjeter do te ishte nje kompani zbatuese e nje investimi dhe financimi te marre nga qeveria shqiptare". Meta thekson se duhet me teper transparence mbi gjithcka ka te beje me interesat publike, fondet publike dhe me borxhet publike, qe duhet t'i paguajne taksapaguesit.

Duke folur mbi angazhimet e tij politike, ish-Kryeministri shprehet se aktualisht eshte i fokusuar ne ceshtje te zhvillimit ekonomik e social te vendit, si dhe ne luften kunder varferise dhe monopoleve. Nderkohe ai premton debate mbi ceshtje te tjera konkrete.

[DRIN FIERI]

Jam shume dakort per venien ne jete projektin e mesiperm Treni **ELEKTRIK**
"nuk blihet me pare ZILJA e pasandaj Lopa"
Me se do te punoje valle ky tren??????? me gjenerator, PO sepse Elektrefikimi i vendit eshte ZERO me keto pare govermenti shume mire mund te zevendesoj sistemin percjelles te rrymes elektrike e cila 70% e energjise elektrike humbet gjate rruges dhe shqiptaret duhet te paguajne per humbjet qe shkaktohen gjate rruges, pra pa patur me standarde bashkohore dhe teknike te fjales se fundit sistemin elektrik ne vend me duket shume pa kuptim venia ne jete te ketij projekti une personalisht shume do e deshiroja trenin elektrik DURRES TIRANE eshte shume i domosdoshem per zhvillimin e turizmit te ekonomise dhe na integron ne familjen evropiane, por sic e keni kuptuar Zotri Nano nuk perpiqet per te rimekembur ekonomine shqiptare por ai perpiqet te mbushi xhepat e XHOANES

NANO IK

[FIERI1]

[COLOR=Blue]undefined[/COLOR
Treni elektrik eshte nje deshtim i perpjekjeve te qarqeve mafioze Nano Greke Xhoana etj....