Presidentja Jahjaga: "Qysh i thonë anglisht...?"

[Rina_87]

Ore pse po e prishni temen, jo zerat keshtu jo zerat ashtu. Merruni me temen.

PS. Shiko moderatorin cfare flet dhe i nxit tjeret ti pergjigjen si e meriton. Apo ate nuk po e sheh! Moderatori i forumit shqiptar e prish temen dhe nuk eshte hera e pare, qe kam pare duke bere ndasi krahinore, maloket dhe kosovaret. Po ty te pelqen me duket cfare thote per ju 'maloket' e veriut, sic ju quan ai, per ate nuk e sheh.



.

[Nete]

Sa shpejte pergjigjen keta,e krejt kosovaret i detyruan te largohen nga forumi duke i quajt koqovare,terrorist,arab nuk dini te flisni shqip etj etj!

ketu shihet edukata dhe drejtesia ne Forumin Shqiptare!

[halla mine]

Po dhe keto femrat e kosoves sa ze te trashe kane.
Te trembin kur flasin


lool

T'ishte vetem per ze do ju falej..
problem i pakapercyeshem eshte truri trashe.. i pagdhendur fare

[halla mine]

Propagande e flliqte eshte duke u bere..
Qellimi i amerikaneve(ambasades) eshte te zgjidhet Artifjetja kryetare.. ne zgjedhjet vitin e ardheshem.. parandaj deri atehere do shihni vetem pazare me figuren e saj banale patetike..

[Rina_87]

Sa shpejte pergjigjen keta,e krejt kosovaret i detyruan te largohen nga forumi duke i quajt koqovare,terrorist,arab nuk dini te flisni shqip etj etj!

ketu shihet edukata dhe drejtesia ne Forumin Shqiptare!

U kane kur u kane moderimi ne forumin shqiptar, qe ska guxuar nje fjale e ndyt te perdoret ketu dhe gjithmone eshte cekuar qe ndalohen ndasite krahinore, por me duket tani moderatore jane bere ata qe i perkrahin dhe iniciatoret e ketyre dukurive.

P.S. Une personalist e mbaj mend shume anetare qe u perjashtonin tu fluturu vetem pse shanin edhe pse kane qene aktive!

P.P.S E ka pasur nivelin shume te larte

.

[e panjohura]

Po dhe keto femrat e kosoves sa ze te trashe kane.
Te trembin kur flasin


lool

Bravo per moderatorin....
Me mire zerin e trashe,se te jemi koketrasha...

[Lexuesi_]

Atifet oj Atifet a po te merthen lemza hiq a po te kap ma shume diten apo naten

Qka u ba me keto gabime keta paria jone.

Thaqi allbrrajt allbrajt i thojke hilaris

kjo tash spo din qysh i thon ashtu kshtu... edhe po i terthuren fjalt... garant i ka kep nana vesh tesha ksaj e si ka shti ngoj kurgja :P

E lexova nje postues qe tha gja normale eshte. Nuk eshte normale kjo qe i ka ndodh ksaj po nejse. Te gjithe kan kshilltar ama bahen nxansa te mire edhe nuk gabojn kjo eshte ka gabon shume.

Me kete lokalizem qe po shof nganjehere ksajde e lexoj... me jep e mendoj qe askush se do bashkimin komtar... edhe qka na duhet more. Hiq as i gja. Boll mire jemi, bleta blete eshte edhe kur bahen kallabllak ndahen

[Nete]

T'ishte vetem per ze do ju falej..
problem i pakapercyeshem eshte truri trashe.. i pagdhendur fare

Mire qe te kemi ty me tru te gdhendur,halla miniqe,shkruaj qe te lexoj dikush ofendimet mos i shpreh pas pc,e me pergjithesu se detyrohen ta kthejn ne te njejten menyre

[halla mine]

Mire qe te kemi ty me tru te gdhendur,halla miniqe,shkruaj qe te lexoj dikush ofendimet mos i shpreh pas pc,e me pergjithesu se detyrohen ta kthejn ne te njejten menyre

E pamundur te ma kthejne ne te njejten menyre.. teper te emancipuara.. mund te ma kthejne tjetren faqe, e tera qe mund te bejne!

[skipetar]

Koha.net

Atifete Masterfals

Publikuar: 15.12.2011 - 20:28

Lajmi e mori dheun: Presidentja e Kosovës, Atifete Jahjaga, e ka diplomën master nga një universitet i palicencuar dhe i paakredituar, pra ilegal, së këndejmi logjika formale të çon në konkludimin se presidentja kosovare ka diplomë false!?

Ministrja e Qeverisë teknike italiane, Elsa Fornero, u shkreh në vaj duke njoftuar publikun se vitin që vjen do të ketë shkurtime buxhetore prej 24 miliardë eurosh, dhe sidomos duke e ditur se ky shkurtim më së rëndi do t’i prekte pensionistët.

“Ne – dhe kjo vërtet na kushton shumë neve - të dashur, madje edhe psikikisht, na është dashur të kërkonim sak... (sakrifica!)”, duke shpërthyer në vaj pa e çuar deri në fund fjalinë e saj. Pasi kishte pushuar për pak sekonda dhe i kishte fshirë lotët, Fornero ka vazhduar prezantimin e Projektbuxhetit të Qeverisë së kryeministrit Mario Monti.

Pas qeverisjes maniake të Berluskonit, shtetin e merr ta drejtojë një Qeveri depresive, por që, në ditët e para, ngjall shpresë se politika nuk është johumane dhe joetike, se politika është veprimtaria më fisnike, kur atë e drejtojnë njerëz normalë, me ndjenja e përgjegjësi publike.

Fornero dëshmoi me lotët e saj impresivë se të bësh politikë, ti ke në dorë fatet e miliona njerëzve, prandaj nëse nuk qan, së paku mos u çaravesh si ministrat kosovarë, kur mjerimi dhe pashpresa e kanë zaptuar secilin dimension të të jetuarit në Kosovë. Mesazh më të fuqishëm kundër dehumanizimit të politikës nga kleptokratë që me smokingun e qeveritarit sillen si porno-yje dhe që mburravecërinë e kanë pasion, s’di të ketë pasur ndonjëherë në epokën moderne të shtetit.

Fornero simbolizoi qytetaren që di të skuqet e të mërzitet, që ndien dhe reagon ndaj dhimbjeve të një shoqërie.

E në Kosovë? Përfundimisht askush nuk skuqet në këtë vend.

Sepse tipat që janë ngjitur në spiralen e paaftësisë, Fridrich Nietzsche i cilësonte si “bisha me fytyrë të mërdhezur.”

Fytyra e mërdhezur e bishës nuk është skuqje nga turpi, por mësymje përpjetë, në spiralen e paaftësisë, sepse ata në jetë i mban zjarri për pushtet (vullneti për fuqi.)

... Këta tipa nuk mërziten për asgjë, por lumturohen me fatkeqësinë e atyre që, i shohin të sunduar. Të mërdhezurit ngarendin zyrave, aeroporteve, seancave koti, duke marrë poza, me smoking të zi e çanta lëkure bosh!

Po sa do të zgjasë kjo agoni dhe ky mjerim masiv në këtë vend të vogël, që mezi ia doli të mbijetojë mësymjen gjenocidale serbe?

Një mal falsifikimesh, një kodër diplomash false, në një shkollë biznesi në Pejë që pasuan me arrestime e aktakuza penale për dhjeta persona përgjegjës.

Ky do të ishte koka e lajmit se përfundimisht institucionet e arsimit kosovar janë vërshuar nga brejtës, jo vetëm të ndërgjegjes akademike, por edhe të parasë publike.

Por këtyre brejtësve humanoidë po u hy bukla!

Së paku sipas një mandate qeveritare, që paralajmëron “stuhi” në pellgun e quajtur Universitet Publik...

Pas lajmeve shokuese se në Universitetin publik disa pensionistë të ligjshëm pos pensionit të tyre prej 70 eurosh marrin rrogë shtetërore dhe privilegje suplementare deri mbi 5 mijë euro, e këto suplemente për disa të tjerë arrijnë kuotën deri në 8 mijë euro, aq sa paguhet një profesor në Zvicër, në vendin alpin më të pasur në Europë, rektorin e kapi sëkëlldia. Ai pasi të tjerët, kritikët i shpërfilli duke u thënë se për të dëshmuar burrërinë duhej të mos merreshin me rrogën e tij, por të shkonin në veri, nuk harroi t’i implikojë në krim, zhvatje të parasë duke përdorur zyrën publike, ish-rektorët Arsim Bajramin (jolegal në post!) dhe Enver Hasanin. Përmendja e pararëndësve të tij, disi e lehtësonte pozicionin e tij, me demek, të gjithë jemi të njëjtë – në këtë rast- zhvatës!

Presidentja kosovare, nëse ajo ka etikë publike dhe kurajë qytetare, do të ishte mirë të hiqte dorë publikisht nga ajo diplomë masteri, në mënyrë ceremoniale e para kamerave televizive, për të dhënë shembull personal dhe mesazh etike se si mund të ndalet degradimi i shkollës dhe lehtësia e padurueshme e dhënies së titujve akademikë, në këtë vend që po gremiset. Ky do të ishte një hap i vogël për personin Jahjaga, por hap i madh simbolik për t’i thënë “jo” zvetënimit shoqëror. Asaj do të duhej t’i dilnin lotët nga inati, të skuqej nga turpi dhe të përjetojë katarsisin për ta ngjallur shpresën se kjo shoqëri mund të dalë nga mjerimi, ku e ka katandisur moralin publik mendësia e kësaj klase politike dhe kulturore.

Lajmi që përfshin presidenten e vendit në veprime ilegale, sipas medieve të Prishtinës, thotë se në korrik të vitit 2008 Qeveria e Kosovës bazuar në Raportin e Këshillit Britanik për akreditim pati marrë vendim që asnjë bartës i arsimit të lartë, përveç Universitetit Amerikan në Kosovë, nuk plotëson kriteret për t’u licencuar që të japin gradën universitare, sepse nuk plotësonin as kriteret për akreditim. Tre muaj më vonë, disa nga shefat e departamenteve të Policisë së Kosovës ishin përzgjedhur për studime postdiplomike (magjistraturë) në Universitetin ilegal të Sarajevës në Prishtinë.

Në listë gjendet edhe emri i Atifete Jahjagës, atëherë kryesuese e shtyllës së administratës dhe personelit, tani presidente e Kosovës. Në anën tjetër kryetarja e Këshillit Kombëtar të Cilësisë në AAK, Ferdije Zhushi-Etemi, e ka deklaruar veprimtarinë me Universitetin e Sarajevës si ilegale. Sipas saj, çdo institucion arsimor që do të veprojë në Kosovë duhet të veprojë sipas ligjit që rregullon çështjen e arsimit, të marrë licencën dhe të bëjë validimin e akreditimit nëse këtë e ka marrë në vendin nga vjen.

Ajo ka dhënë një shembull se kjo praktikë është ndjekur dhe po ndiqet nga Universiteti i Lubjanës, i cili ka hapur një degë për studime në Kosovë dhe ka bërë validimin, por këtë nuk e ka bërë Universiteti i Sarajevës. Madje ky i fundit as që ka aplikuar ndonjëherë për validim në AAK. (...)

Një zyrtar i Ministrisë së Arsimit, duke u mbështetur në rrethanat e vitit 2008, tha se të gjitha institucionet arsimore kanë punuar vetëm me licenca, pasi nuk ka pasur akreditim. Megjithatë, sipas raportit hetues të policisë, Universiteti i Sarajevës nuk ka pasur licencë as në atë kohë. E, më 20 shtator 2008, ministri i atëhershëm i Arsimit, Enver Hoxhaj, gjatë një konference me ambasadorin e britanik, Andy Spearks, patën dhënë sqarime rreth akreditimit dhe licencimit të shkollave private dhe patën shpallur valide diplomat e fituara deri në vitin 2007, vendim ky që vlen vetëm për ato institucione të licencuara më parë nga MASHT -i.

S’u bë nami që Policia e Kosovës për shkollimin e grupit të kandidatëve ka paguar 35.000 euro për dhjetë veta, nga paraja publike, 3.500 euro për secilin. Kjo pagesë është bërë më 2006, kohë kur është nënshkruar marrëveshja. Pastaj në letrat tjera me vulën e policisë, departamentit të thesarit, Ministrisë së Ekonomisë dhe Financave figuron dhe një shumë prej 15.000 eurosh e paguar më 2007 në konton e Universitetit të Sarajevës, ndërsa dhe 10.000 euro të tjera në qershor të të njëjtit vit.

Por nami i zi bëhet kur botërisht shihet se institucioni që “shet” diploma e grada universitare nuk është i licencuar dhe as i akredituar në vend, aq më keq, kur një nga kandidatët që kanë marrë master në kriminalistikë del të jetë shefja e shtetit, që sipas një sëndergjimi mund t’i lakohet mbiemri nga Jahjaga në Masterfals.

Duket se këtë vend e ka braktisur modestia, e të mos flasim për urtinë. Sapo ke hapur televizorin sheh dhe dëgjon tipa që shahen n’Kuvend, dhe që shajnë të tjerët, sponsorët e lirisë së vendit të tyre. Duke e lexuar fjalinë e një deputeti kosovar adresuar një diplomati perëndimor “kush hamamin është Fitou” qytetari i mirë e ndien deri në palcë arrogancën e fukarait (edhe për mend!) mujshinë dhe mburrjen si tipare ballkanike. Politikanë të tillë, që s’dinë ç’është raporti mik-armik në politikë, që s’dinë ta mbajnë armikun në pozicion të keq, por ia shtrojnë udhën me dafina, që heronjtë e vërtet i ulin te pluhuri e horrat i ngrenë te retë, që s’dijnë ç’është filozofia e dhuratës dhe falënderimit, po e bëjnë xhol vendin e tyre, duke vrarë debatin demokratik jo me forcën e argumentit, por me argumentin e forcës, s’ke si t’i cilësosh ndryshe pos qyqarë. E qyqarllëku, sipas Domenique Moissi, rëndom shpie në dhunë...

Shembulli fisnik i ministres Fornero nuk është i vetëm gjatë vitit 2011.

Kur Norvegjia u mbulua me zi, me mllef e tmerr nga terroristi Anders Behring Breivik, etnonacionalist patologjik që vrau 70 veta, kryeministri Stoltenberg tha: "Dhunës do t'i përgjigjemi me më shumë demokraci"!

Sa gjatë vendi i kosovarëve thërret në reciprocitet me vendin ku hala prodhohet fashizëm masiv.

Sa keq dhe sa inat që s’e ka as një Stoltenberg dhe hiç se hiç një Fornero...

Por ka sa të duash Masterfalsa...


halil.matoshi[...]