Merkel viziton Kosovën

[Pika-Kufi.1-31]

Kryeministri i Republikës së Kosovës, Hashim Thaçi takon Kancelaren Federale të Republikës së Gjermanisë, Angela Merkel



Prishtinë, 19 dhjetor 2011

Kryeministri i Republikës së Kosovës, Hashim Thaçi ka pritur sot Kancelaren Federale të Republikës së Gjermanisë, Angela Merkel, e cila po qëndron në një vizitë zyrtare në vendin tonë. Në Aeroportin Ndërkombëtar të Prishtinës “Adem Jashari”, kancelarja Merkel është pritur me nderimet më të larta shtetërore. Pas takimit, Kryeministri Thaçi dhe Kancelarja Merkel kanë mbajtur një konferencë të përbashkët për media.

Në vazhdim po i japim fjalën e kryeministrit të Republikës së Kosovës, Hashim Thaçi, mbajtur në konferecën e sotme për media

Sot pata nderin që të mirëpres në Republikën e Kosovës kancelaren Merkel, të cilës i dëshiroj mirëseardhje në emër të institucioneve të Kosovës.

E nderuara Kancelare,

Sot, në emër të qytetarëve të Kosovës, dua t’ju falënderoj për përkushtimin tuaj për paqen dhe stabilitetin në Ballkanin Perëndimor; dua t’ju falënderoj për angazhimin tuaj për të ardhmen evropiane të Kosovës dhe të gjithë rajonit.

E ardhmja evropiane nuk varet vetëm nga vullneti deklarativ, por para së gjithash nga përmbushja e kritereve dhe Kosova është e përkushtuar t’i përmbushë të gjitha ato.

Unë e sigurova Kancelaren se Kosova do t’i përmbushë të gjitha detyrimet që dalin para nesh.

Ne tash e dimë që e ardhmja evropiane nga ndërtimi i relacioneve evropiane në mes nesh në rajon.

Kosova është e vendosur që të përmbyllë kapitullin e historisë së konflikteve dhe të hapë kapitullin e bashkëpunimit.

Më shumë se kujt do tjetër, këtë ia kemi borxh gjeneratave të ardhshme.

Çfarë duam të jemi, ku duam të shkojmë, është më e rëndësishme se qka do tjetër.

Nuk guxojmë të lejojmë që historia të mbajë peng të ardhmen, sepse Kosova e ka të qartë ku dëshiron të jetë – pjesë e NATO-s dhe Bashkimit Evropian.

Ne duam të jemi pjesë e BE-së; një e treta e qytetarëve të Kosovë tashmë jetojnë në vendet e BE-së, e vetëm në Gjermani vetëm 250 mijë prej tyre.

Unë e sigurova Kancelaren që Kosova do të jetë e përkushtuar në dialogun me të gjithë fqinjët dhe kemi ndërtuar raporte të shkëlqyera me Maqedoninë, Shqipërinë dhe Malin e Zi, prandaj duam të kemi bashkëpunim të mirë edhe mes shtetit të Kosovës dhe Serbisë.

Dialogu nuk është vetëm njëri nga opsionet, dialogu është opsioni i vetëm, komunikimi është zgjidhja e vetme për çështjet që duhet të zgjidhen në raportet ndërshtetërore Kosovë-Serbi. Por, në të njëjtën kohë, ky dialog merr vlerën e vërtetë, vetëm atëherë kur implementohen në tërësi marrëveshjet e arritura.
Ne shpresojmë që edhe Serbia do të fillojë të reflektojë në këtë drejtim.

Po ashtu e sigurova Kancelaren, që ne do të punojmë fuqishëm në ndërtimin dhe konsolidimin e vlerave evropiane në Kosovë. Në këto katër vite ne kemi punuar shumë, por mbetet ende rrugë e gjatë për të bërë dhe ballafaqohemi suksesshëm me sfidat që kemi para nesh.

Vazhdimi i qeverisjes së mirë, luftimi i krimit të organizuar dhe korrupsionit, mbetet prioriteti ynë kryesor.

Ne kemi ndërtuar institucionet tona të sigurisë, rendit dhe ligjit.

Por, për çrrënjosjen e dukurive të tilla negative, me karakter rajonal e ndërkombëtar, bashkëpunimi mes shteteve është i rëndësishëm dhe zotimi ynë do të vazhdojë edhe në të ardhmen.

E sigurova Kancelaren që unë dhe qeveria që unë udhëheq do të punojmë shumë, në përfshirjen e qytetarëve tanë që jetojnë në veri të Kosovës.

Ne duam t’ju ofrojmë të gjitha mundësitë më afirmative për qytetarët në veri. Ata janë qytetarë të vendit tim, dhe unë e kam për nder dhe obligim kushtetues dhe ligjor të jemi afër tyre dhe t’ju shërbejmë të gjithëve.

Në veri, nuk është në konflikt qeveria me qytetarin, por ligji me anarkinë.

Ne do të jemi pranë gjithë qytetarëve ku do në territorin e Kosovës për vazhdimin e ndërtimit të Kosovës demokratike dhe multietnike, të ndërtimit të Kosovës evropiane.

Unë edhe sot përulem, e nderuara kancelare Merkel para ushtarëve gjerman që shërbejnë paqes dhe sigurisë në vendin tim dhe lutem për shëndetin dhe shërimin sa më të shpejtë të atyre që u lënduan gjatë trazirave në veri.

E nderuara Kancelare,

Që nga shpallja e pavarësisë Kosova po konsolidohet dhe fuqizohet. Është njohur nga 85 shtete të fuqishme të botës dhe ju falënderoj që Gjermania ka qenë ndër shtete e para që e kanë njohur pavarësinë e Kosovës, tani është edhe pjesë edhe e Bankës Botërore, e Fondit Monetar Ndërkombëtar dhe shumë shpejt do të anëtarësohet në Bankën për Zhvillim dhe Rindërtim Evropian- EBRD.

Ju falënderoj gjithashtu për mbështetjen unike evropiane për Republikën e Kosovës në agjendën konkrete evropiane për liberalizimin e vizave, marrëdhëniet kontraktuale-tregtare me BE-në dhe anëtarësimit të Kosovës në EBRD.

E nderuara Kancelare,

Ju siguroj dhe zotohem për progresin dhe suksesin e Kosovës edhe në të ardhmen.

Në vazhdim, po e japim të plotë deklarimin e Kancelares Federale të Republikës së Gjermanisë, Angela Merkel, pas takimit me kryeministrin Thaçi

Z.Kryeministër,

Më lejoni që t’iu falënderoj për pritjen e përzemërt. Në fakt, Gjermania e ka njohur Kosovën ndër shtetet e para, dhe ne mendojmë që Kosova demokratike dhe multietnike do të jetë kontribuuese për të ardhmen e Ballkanit dhe rajonit.

Ne si qeveri federale angazhohemi për Kosovën dhe për këtë arsye edhe flasim me të gjithë aktorët në Evropë dhe me të gjithë ata të cilët dëshirojnë të anëtarësohen në Evropë, me Kosovën dhe Serbinë.

Dhe unë sot e theksova se sa i rëndësishëm është zhvillimi i Kosovës, në mënyrë që Kosova të bëhet një shtet demokratik, ku sundon ligji, dhe një vend që është i vendosur për të luftuar fenomenet negative, si krimin e organizuar dhe korrupsionin.

E theksova se sa me rëndësi është që të ketë bashkëpunim edhe me EULEX-in, në mënyrë që ky bashkëpunim të mos mbetet vetëm në letër.

Kryeministri më siguroi se kjo nuk do të mbetet vetëm kështu, por janë të dukshme edhe sukseset e para, prandaj edhe bashkëpunimi është i paraparë edhe në të ardhmen.

Kemi biseduar edhe lidhur me situatën në veri.

Ne po ashtu kemi biseduar edhe me presidentin serb Tadiq, në mënyrë që të gjinden edhe format e normalizimit të marrëdhënieve.

Në këtë lidhshmëri, edhe palën kosovare e kam lutur që të jap kontributin e saj në këtë drejtim, ashtu që të mbetemi edhe më tutje në kontakt me Serbinë dhe me presidentin serb Tadiq.

Ne dëshirojmë që me praninë tonë, me ushtarët tonë, në kuadër të KFOR-it, pra misionit të NATO-s, ashtu si edhe me përfaqësuesit tonë në misione civile, të angazhohemi që ky rajon të jetë më i sigurt.

Ashtu si edhe vendet tjera, edhe Kosova duhet të ketë vullnetin për tu angazhuar këtu.

Edhe me vizitën time, që do ta bëjë tek ushtarët gjermanë, do të falënderohem për angazhimet e tyre në Kosovë. Ju falënderoj edhe për fjalët tuaja. Është dëshmuar se ky angazhim në javët e fundit nuk ka qenë edhe aq i lehtë sa ndonjëherë ne mendojmë, kështu që ata ushtarë kanë një detyrë shumë të rëndësishme.

Mbetet jo e pavërejtshme që për ndërtimin e një shteti ligjor, mbetet akoma punë për të bërë, ashtu si ka punë për tu bërë edhe për marrëdhëniet me Serbinë, dhe Gjermania këtu dëshiron të jap kontributin e saj për të mbështetur këtë çështje.

Duam të falënderojmë edhe njëherë policët dhe ushtarët gjermanë që janë të angazhuar këtu dhe po japin kontributin e tyre

Na vazhdim, kancelarja Merkel është përgjigjur edhe në pyetjet e gazetarëve:

Reuters: Situata në veri është e tensionuar, po vazhdon të jetë ashtu si deri tash. Çka duhet të bëjë Serbia, dhe sa e ka të garantuar marrjen e statusit të kandidatit në muajin mars, kur dihet qëndrimi i Gjermanisë:

Kancelarja Merkel: Në bisedat tona direkte e kemi bërë të qartë se çfarë dëshirojmë ne. Ka nevojë për gjetjen e mundësive për tregti të lirë, për bashkëpunim në aspektin kufitar, dhe që jemi të angazhuar që Serbia në Kosovë të mos ketë struktura paralele.

Këtë e kemi thënë në Serbi, dhe e kemi treguar edhe në Kosovë se çka presim nga Kosova. Mendoj se këtë mund ta sqarojmë edhe nëpërmjet komunikimit, dhe ka qenë kjo edhe arsyeja e bisedës të cilën e kemi pasur sot, çfarë duhet të bëjë Kosova në mënyrë që të ketë progres në këtë drejtim.

Mendoj që është bërë një hap i madh, është radha te pala kosovare që edhe ajo të jap diç nga vetja në mënyrë që të jepet zgjidhje paqësore këtij konflikti, dhe këtu bënë pjesë edhe komunikimi i hapur me Serbinë.

[{A_N_G_E_L_69}]

Merkel, Thaçit: Jo struktura paralele në Veri


PRISHTINE- Kancelarja gjermane Angela Merkel ka riperseritur mbeshtetjen e Gjermanise per Kosoven.
Gjate konferences se perbashket me kryeministrin, Hashim Thaci ajo ka kerkuar bashkepunim me EULEX dhe vazhdimin e sinjaleve pozitive te deritanishme. Sipas saj, nuk duhet te kete struktura paralele ne Veri, nderkohe qe shtoi se per kete ceshtje ka biseduar edhe me presidentin Tadic.
“Ne si qeveri federale angazhohemi për Kosovën dhe për këtë arsye flasim me të gjithë akterët në Evropë e me të gjithë ata që duan të jenë pjesë e BE-së, pra edhe me Kosovën e edhe me Serbinë”, tha kancelarja gjermane Angela Merkel në Prishtinë.
Duke u ndalur ne situaten ne veri ajo ka njoftuar se eshte biseduar edhe me presidentin serb Tadiq, në mënyrë që të gjenden forma të normalizimit të marrëdhënieve. “E kam lutur palën kosovare që të japë kontributin e saj në këtë gjatë kontaktit me Serbinë dhe Tadiqin”, u shpreh Merkel.
Ajo tha se mbeten ende punë për të bërë në ndërtimin e shtetit ligjor sikurse që ka punë për të bërë në raport me Serbinë.
“Ne bisedat tona direkte me Serbrinë e kemi bërë të qartë se çfarë duam ne. Pra, ka nevojë për gjetje të mundësive për tregti të lirë, bashkëpunim në aspektin kufitar e që jemi të angazhuar që në Kosovë të mos ketë struktura paralele. Ka qenë kjo edhe arsyeja e bisedës të cilën e kemi pasur sot, pra çfarë duhet të bëjë Kosova për të arritur sukses në këtë drejtim. Mendoj se është bërë një hap i madh e tani është radha te pala kosovare, në mënyrë që t’i jepet një zgjidhje paqësore këtij konflikti”, theksoi Merkel.
Thaci nga ana e tij ka deklaruar prere se rruga e vetme e Kosoves eshte integrimi ne familjen europiane dhe anetaresimi ne NATO.
Merkel mberriti ne Prishtine rreth ores 11.35 minuta. Avioni eshte ulur në Aeroportin Adem Jashari, ku i eshte rezervuar nje pritje e denje.
Ajo pritet nga Kryeministri Hashim Thaçi, i cili shoqërohet nga disa ministra te kabinetit.
Kancelarja gjermane Angela Merkel, pritet të qëndrojë sot për një vizitë disa orëshe në Kosovë. Gjatë qëndrimit atje, ajo pritet të takohet përfaqësuesit e mekanizmave ndërkombëtarë dhe do të takojë ushtarët gjerman që shërbejnë në kuadër të forcave paqeruajtëse të udhëhequra nga NATO-ja.
Ushtarët gjerman, u sulmuan më 28 nëntor nga protestuesit serbë në veriun e Kosovës të cilët po mbajnë të bllokuara rrugët ne atë zonë në shenjë kundërshtimi ndaj shtrirjes së autoritetit të Prishtinës në atë pjesë.
Incidentet e dhunshme ishin vendimtare për shtyrjen e vendimit të Bashkimit Evropian për t’i dhënë Serbisë statusin e vendit kandidat për anëtarësim në Bashkimin Evropian. Më e prera në qëndrimin e saj ishte kancelarja gjermane Angela Merkel, e cila tha se Serbia nuk i ka përmbushur kushtet për afrimin e saj me strukturat e Bashkimit Evropian, ndërsa ka krijuar një mjedis për dhunë në veriun e Kosovës. Ajo në fillim të dhjetorit tërhoqi vërejtjen se rruga e Serbisë drejt Bashkimit Evropian mund të realizohet vetëm nëpërmjet normalizimit të marrëdhënieve me Kosovën.
Kjo ka bërë që vizita e kancelares gjermane të vlerësohet shume rëndësishme nga autoritetet në Kosovë që këtë e shohin si një rikonfirmim të mbështetjes gjermane për pavarësinë e Kosovës, duke pasur parasysh edhe rolin e Gjermanisë në kuadër të Bashkimit Evropian.
Vizita e kancelares Merkel, shihet me sy jo të mirë nga autoritetet serbe, pasi ata e fajësojnë atë si shkaktaren kryesore që Serbia nuk morri statusin e vendit kandidat për anëtarësim në Bashkimin Evropian. (VOA)


panorama

[Brari]

brava zonja merkel, bravo thaqi

shum keq veve-istet qe fyejn kryeministrin e pikerisht para vizites se zonjes merkel.

po dalin se jan..sic e kam than moti.. lahpera e demagoga..

[drague]

si ka mundsi !thane qe ka shku me pa ushtaret.

[Rina_87]

Pas takimit me Merkel, sonte ne mbremje Thaci mberrin ne Tirane, ne nje takim me dyer te mbyllura me Berishen - thane lajmet e RTK

Hajer kofte ca kofte

[ARIANI_TB]

Tani Qeveria e Thacit dhe vet Hahsim Thaci do mundohet qe te beje marketing politik me viziten e Angela Markel ne Kosove. Tani Thaci me cdo kusht do mundohet ta perdore kete joker ne favor te tij. Por prap do e ket shume kot. Ndonese ky gjoker mund te zgjas disa dite, por nuk do i zgjas gjithnje dhe per kohe afatgjate.

[Rina_87]

Mos ja ka ngreh veshin Merkeli najsen, e po shkon te Baba Berisha me pleqnue kete pune

[ARIANI_TB]

Mos ja ka ngreh veshin Merkeli najsen, e po shkon te Baba Berisha me pleqnue kete pune

Cfare pune ashtu !!!!

[Rina_87]

Nuk tregohen top sekretet shteterore ne vende publike si forume p.sh. - po me vjen keq qe smund te jem transparente lidhur me kete vizite

[ARIANI_TB]

Nuk tregohen top sekretet shteterore ne vende publike si forume p.sh. - po me vjen keq qe smund te jem transparente lidhur me kete vizite

Vetem le te jet ne Favor te KOMBIT SHQIPTAR - Ne FAVOR te BASHKIMIT KOMBETAR. Se per gje tjeter - ska Gje tejeter Perpos Bashkimit Kombetar!!!