Kombëtarja Shqiptare

[qeveriablu]

Shqiperi - Lituani 4:1,miqsore

Meha 33`,Cani 37`,Basha 43`,Palionis 59`(autogol)

Oslo nuk ishte rastësi, kuqezinjtë shkatërrojnë Lituaninë


Poker kuqezi në miqësoren ndaj Lituanisë në “Qemal Stafa”. Një gol i gjigantit Edgar Cani, një eurogol, i paparë në stadiumet tona, realizuar nga Alban Meha, dhe Migjen Basha që e bën “sefte” me kombëtaren në ndeshjen e tij të dytë. Një orekestër kreative, që ka funksionuar më së miri, edhe pse kishte mjaft “korrektime” në krahasim me kualifikuesen e para pak ditëve me Norvegjinë. Vjen kësisoji konfirmimi më i mirë i kuqezinjve, se po kalojnë momentin e tyre të artë dhe si asnjëherë më parë, tashmë kanë dy formacione të denja për të rivalizuar njëri-tjetrin dhe përballuar ndeshjet e mbetura kualifikuese në Grupin E për Botërorin 2014. Kësisoji, pas atij triumfi historik në Oslo, kuqezinjtë tanë kanë triumfuar bindshëm në lojë dhe rezultat me Lituaninë në një ndeshje miqësore. Njëlloj testi ky ndërmjet dy ballafaqimeve radhazi me norvegjezët e Olsenit, që do ‘ti presim në fushën tonë në qershor, atëherë kur do të marrë një drejtim të qartë edhe fati i kuqezinjve në këtë fushatë kualifikuese. Nëse arrijmë të fitojmë sërish me vikingët, atëherë kemi shanse reale për të qenë në Brazil, në të kundërt kalendari i pjesës së mbetur të kualifikuesve në Grupin E nuk premton shumë. Sidoqoftë, duke qenë se pas një rezultati të mirë neve na përfshin gjithmonë euforia, apo ndaj rivalësh të vegjël nuk kemi angazhimin maksimal, trajneri De Biazi preferoi të luante me një formacion të “korrektuar”, por mjaft kreativ dhe efikas. Dhe u shpërblye për guximin që ka treguar, ashtu sikurse bëri në Oslo.

Formacioni - Kapiteni Cana e përcjell këtë miqësore nga stoli (aktivizohet në minutën e 70-të), teksa në vend të tij luan Tefik Osmani, krah Mavrajt në qendër të mbrojtjes kuqezi. Frika nga një humbje e mundshme me Lituaninë, cka do ta zbehte entuziasmin postNorvegji, e ka detyruar italianin të shmangë ndryshime të shumta në këtë repart. Andi Lila, edhe pse nuk do të jetë në kthimin ndaj norvegjezëve për shkak të plotësimit të numrit të kartonëve të verdhë (pezullim një ndeshje), luajti në krahun e majtë të prapavijës së kombëtares, ndërsa në kahun tjetër ishti pozicionuar Agolli. Odise Roshi, i cili ka plotësuar numrin e kartonëve të verdhë, nuk luan në krahun e djathtë të mesfushës, pasi aty po patrullon Alban Meha. Debutim i Valdet Ramës me kuqezinjtë, me kosovarin e Valadolit të vendosur në krahun e majtë të mesfushës, ndërsa qendra i besohet dyshes Basha-S.Lilaj. Sulmi ka dy gjigandët, Erjon Bogdani dhe Edgar Cani. Interesant është fakti se lojtari më i kuotuar për ta zëvendësuar Canën në ndeshjen kualifikuese të radhës, Debatik Curri, nuk ishti në formacionin titullar ndaj Lituanisë, madje s’u aktivizua as si zëvendësues, pasi këtë rol duket se e kishte fituar korcari i Teutës, Osmani. Në pjesën e dytë trajneri ka bërë edhe lëvizjet e pritshme, i favorizuar nga rezultati i pastër, që u sigurua që në 45 minutat e para. (Panorama sport).

[qeveriablu]

Ndryshon tabela e kombetareve per vendin e dyte ,aty ku gjindet Shqiperija...Ik Spanja,hyn Franca dhe Austrija ndersa ofrohet Izraeli.
Kombetarja e renditur ne vendin e 9,nuk merr pjese ne balotazh.Rezultatet e arriturra me kombetaren qe perfundon e fundit ne grup shlyhen.

Ranking of second -placed teams

1. Kroacia 16
2. Franca 10
3. Greqia 10
4. Hungari 8
5. Bullgari 7
6. Angli 6
7. Shqiperi 6
8. Austri 5
-----------------------
9.Izraeli 5

[Valmir.Nuhiju]

Talenti i PSG-së përfundimisht i bashkohet Shqipërisë



Futbollisti shqiptar që luan tek të rinjtë e skuadrës së famshme franceze, PSG, Ardian Krasniqi i ka thënë PO ftesës së Federatës Shqiptare të Futbollit (FSHF) për të marrë pjesë në kampin e përzgjedhjes së talentëve që kjo e fundit pritet ta zhvilloj në Zvicër në datat 31.03.2013 dhe 01.04.2013.

“Jam shumë i kënaqur që më është dhënë rasti t’i shpalos aftësitë e mia, shpresoj që të shpaguaj ftesën që më është bërë” ka thënë Krasniqi.

Krasniqi ishte thirrur edhe më herët nga përzgjedhësi i Kombëtares U17, Xhemal Mustedanagic, por atëbotë klubi parisien e kishte ndaluar lojtarin me arsyetimin se nuk ishte datë zyrtare e UEFA-së.

Letërnjoftimi:

Pozicioni: Mbrojtës
Datëlindja: 3 janar 1997
Vendlindja: Gjakovë
Gjatësia: 172 cm

[Antiproanti]

Rënditja e FIFA-s, rekord historik për Shqipërinë






Suksesi historik në Oslo të Norvegjisë që e riktheu kombëtaren shqiptare në garë për një vend në botërorin e Brazilit, pasqyrohet edhe në renditjen e përgjithshme të FIFA-s për muajin Prill. Kuqezinjtë e De Biasit, të cilët shkatërruan edhe Lituaninë me rezultatin 4-1 në miqësoren e "Qemal Stafas", ngjiten plot 16 vende në klasifikim, duke u renditur në vendin e 48-të të klasifikimit.

Ky jo vetëm që është një hap cilësor por edhe historik sepse asnjëherë më parë kombëtarja shqiptare nuk është renditur më lart se vendi i 50-të në klasifikimin ku bëjnë pjesë të gjitha kombëtaret e planetit.

Krahasuar me një muaj më parë kur Shqipëria renditej në vendin e 64-t, kuqezinjtë kanë grumbullur plot 86 pikë pasi aktualisht kanë 596./albeu/
http://www.zeri.info/artikulli/3694/...per-shqiperine

[qeveriablu]

Brahimi pendohet, kërkon të rikthehet në kombëtaren shqiptare !!

- Futbollisti me origjinë nga Kosova, Mërgim Brahimi, duket se është penduar për refuzimin që i bëri Shqipërisë pak muaj më parë, duke vendosur që të luajë për Zvicrën
Burimë zyrtare pranë Federatës Shqiptare të Futbollit konfirmojnë se mesfushori 21-vjeçar i Grasshopers, ka kontaktuar jo në mënyrë të drejpërdrejtë me shefin se zyrës së talentevem Redi Jupi, për të kuptuar nëse dyert e kombëtares janë ende të hapura për të, edhe pse në muajin shkurt i theu zemrat e shqiptarëve, duke refuzuar ftesën e trajnerit Skënder Gega për ndeshjen miqësore me Maqedoninë.
Mësohet se përgjigja e Jupit se ka qenë negative, pasi sipas tij, kombëtarja kuqezi nuk është një institucion të cilin futbollistët mund të përdorin për interesa personale.
Edhe nëse zyra e talenteve do ta pranonte kërkesën e Brahimit, rikthimin e tij në kombëtare nuk e lejon një vendim i komitetit ekzekutiv të Federatës Shqiptare të Futbollit, sipas të cilit, nëse një futbollist refuzon grumbullimin në përfaqësuese, ai nuk mund të rikthehet në asnjë rrethanë, edhe nëse do të jetë shumë i nevojshëm për skuadrën. Kjo masë ekstreme është marrë për t’u kujtuar të rinjve me origjinë shqiptare që nëse pranojnë të veshin fanellën kuqezi, duhet ta repsektojnë atë deri në fund, në të kundërt do të përjashtohen përgjithmonë.

Mergim Brahimi


Lojtare te tjere ne reprezentacionin U21 te Zvicrres ,qe kane refuzuar fanellen kuq e zi :

- Arlind Ajeti,19 vjec - Bazel
- Berat Gjimshiti,20 vjec - Fc Zurich
- Pajtim Kasami,20 vjec - Fulham
- Hekuran Kryeziu,20 vjec - Fc Luzern

[qeveriablu]

Fillon misioni anti Norvegji

- Kombëtarja ka nisur dje zyrtarisht për gatitjet për ndeshjen e 7 qershorit ndaj Norvegjisë. Trajneri Xhani De Biazi ka pasur në dispozicion 17 lojtarë në këtë seancë të parë, që u zhvillua në orën 17:00 dhe zgjati për më shumë se 120 minuta. Ajo ka nisur si gjithnjë me kuadrat dhe pasime të shkurtra mes lojtarëve, e më pas me vrapime të lehta. Në fund të stërvitjes nuk kanë munguar edhe disa minuta lojë. Idetë e De Biazit ishin të qarta dhe synimi i tij ishte të shikonte formën e çdo lojtari. Në përgjithësi trajneri italian ka mbetur i kënaqur nga gjendja e të tijve. Më shumë në sy ranë lojtarët që prej vitesh janë pjesë e kuqezinjve si Bogdani, Bulku e Agolli, por gjithashtu dukeshin në një formë të shkëlqyer edhe kosovarët Mavraj e Basha.
Testimi - De Biazi u mundua të krijonte idenë për të përzgjedhur mes Osmanit dhe Telit vendin e kapitenit Lorik Cana, i cili me mungesën e tij e ka bërë trajnerin me “dhimbje koke”. Për sa i përket pjesës tjetër të skuadrës, italiani është i qetë, pasi ka në dispozicion shumë lojtarë në formë maksimale. Basha dhe Bulku treguan edhe një herë në stërvitjen e djeshme se janë dy lojtarë mjaft të rëndësishëm, ndërkohë që me ardhjen e Ramës forcohet edhe më shumë reparti i mesfushës. Pas nxehmjes së zakonshme, grupin e ka marrë në dorë vetë De Biazi, i cili ka vendosur që për disa minuta të shohë nga afër formën e çdo futbollisti. Italiani ka bërë disa rreshtime, ku përqendrimin më të madh e kishte te reparti i mbrojtjes. Për të zgjidhur ekuacionin që e mundon prej kohësh, ai vendosi që në njërin grup të aktivizonte dyshen Mavraj-Osmani, ndërsa në krahun tjetër Telin dhe Currin, të ndihmuar nga Dallku në të majtë e Arapi në të djathtë. Minutat e fundit të stërvitjes së djeshme iu kushtuan lojës, për të cilën De Biazi e ndau skuadrën në dy grupe. Ujkani, Dallku, Curri, Teli, Arapi, Bulku, Gjasula, Çani dhe Vajushi ishin një krah, ndërsa në krahun tjetër bënte pjesë Shehi, Osmani, Mavraj, Agolli, Basha, Llullaku, Bogdani dhe ndihmëstrajneri Tramexani. Ndeshja u zhvillua në ritme shumë të larta, por përfundoi pa gola.
Bisedat - De Biazi e di mirë që në një ndeshje kaq decizive, morali në radhët e përfaqësueses ka një rol tejet të rëndësishëm, prandaj dje ka biseduar kokë më kokë me të gjithë futbollistët. Trajneri u ka kërkuar atyre përqendrim maksimal dhe të japin më të mirën. Në fakt, minutat e parë të seancës së djeshme, italiani i ka shfrytëzuar për të folur me secilin prej tyre në mënyrë private. Mësohet se bisedat kanë pasur si temë që lojtarët të kuptonin idetë e tij dhe t’i zbatonin ato në fushën e lojës. Fillimisht italiani ka folur me portierin Ujkani, ndërsa më pas me mbrojtësin Mavraj dhe të tjerë lojtarë kuqezi.



B/Panorama sport

[qeveriablu]

De Biazi: Me Norvegjinë duhet ndeshja perfekte

Duhet ndeshja perfekte. Jemi të dytët, sepse kemi qenë të përulur. Nëse e marrim lehtë me Norvegjinë, do të dështojmë”. Mesazhi i Xhani De Biazit në konferencën për shtyp është i qartë. Duhet një punë shumë e madhe dhe një përqendrim i madh për t’ia dalë mbanë më 7 qershor. Trajneri i Shqipërisë ka publikuar listën me 18 lojtarë, por pritet që të ketë të paktën edhe shtatë ose tetë të tjerë. Ai ka folur për lënien jashtë të Vangjelit, për mungesat e rëndësishme si Cana, Roshi e Lila, por edhe për ëndrrën për të shkuar në Brazil.

Mister, është dëmtuar Meha, Roshi dhe Lila mungojnë prej pezullimit. Duket qartë se kemi probleme nga krahët, por ndërkohë ju keni lënë jashtë edhe Muzakën, Hykën, Bakajn e Vangjelin…
- Si fillim, një sqarim për sa i përket listës: sot (dje) kemi përgatitur një listë prej 18 lojtarësh, ndërsa tetë të tjerë do t’i bashkohen skuadrës më datë 3 qershor, duke qenë se në disa vende kampionatet nuk kanë përfunduar ende. Unë do të punoj me këtë lojtarë dhe, pasi të shikoj se në ç’gjendje fizike janë, ai që ta meritojë, do të zbresë në fushë. Sakaq, është e vërtetë se kemi disa probleme nga krahët, por do të përpiqemi që të gjejmë një zgjidhje. Sa i përket Hykës, ai nuk ka luajtur rregullisht, por gjithsesi është aktivizuar pjesën e dytë të sezonit. Ai është një lojtar i mirë, të cilin e kam në konsideratë, por në ndeshje të tilla duhet të dini se kemi nevojë për futbollistë të fortë fizikisht dhe të jenë të gatshëm të luftojnë me shpatë, jo me lule. Besoj se e kuptoni ku e kam fjalën…
Po Muzaka me Bakajn?
- Bakaj ka pasur një problem dëmtimi gjatë këtij sezoni dhe tani sapo është rikthyer. Nuk mendoj se ishte në 100 për qind të formës së tij, por gjithsesi unë kam biseduar me të dhe ia kam shpjeguar se do të ishte më mirë që në këtë ndeshje të mos ishte në listë. Ai më mirëkuptoi, pasi e di që është në planet e mia.
A do të luajë Kaçe titullar?
- Nuk e di, por do flasim vetëm për lojtarët që janë në listën paraprake. Kaçe nuk është në këtë listë…
Po Bulku a do të jetë kapiten i Shqipërisë, duke qenë se mungon Cana?
- Nuk e di, të shohim… Nuk e kam vendosur ende se kush do të luajë dhe se kush do të jetë kapiten.
Si ka mundësi që thërrisni Arapin dhe lini jashtë Vangjelin?
- Arapi, ashtu si Vangjeli, kanë qenë të dy të dëmtuar dhe sapo janë rikthyer… Atëherë, ta sqarojmë pak këtë. Vangjeli ka luajtur saktësisht këtë sezon 373 minuta, nga të cilat 90 i luajti në finale të kupës kundër Shahtjorit. Mendoj se nuk është gati fizikisht për këtë ndeshje, pasi unë e kam mbajtur nën vëzhgim konstant dhe e di shumë mirë se, edhe ato herë kur ka qenë i thirrur dhe ka qëndruar në stol, i është dashur të bëjë gjilpëra. Ai është thirrur vetëm njëherë gjatë kohës që unë drejtoj ekipin, kundër Kamerunit dhe ka luajtur pak minuta, pikërisht sepse nuk është aktivizuar te skuadra e tij. Sa i përket Arapit, mendoj se është thirrur edhe për arsye teknike. Duke marrë në konsideratë aspektin fizik të tij dhe përshtatjen në skema, mendoj se ai është një alternativë e mirë. Mendoj se, sa herë që ka hyrë në fushë, ka dhënë maksimumin dhe është paraqitur mirë.
Ju thoni vazhdimisht se duhet të ruhemi nga euforia. Çfarë keni ndërmend të bëni që lojtarët të qëndrojnë me këmbë në tokë?
- Euforia nuk është keq. Ajo thjesht nuk duhet t’i kalojë përmasat, sepse edhe pak eufori dhe entuziazëm duhet. Mirëpo problemi është se në shumicën e rasteve e teprojmë dhe ndonjëherë i mendojmë ndeshjet të fituara ende pa hyrë në fushë. Ky do të ishte një gabim trashanik.
Çfarë duhet të bëjmë për ta mundur Norvegjinë?
- Duhet ndeshja perfekte. Është realisht ndeshje e vështirë, sepse ata do të vijnë në Tiranë 30 herë më të përqendruar dhe më të karikuar se në Oslo. Mendoj se atëherë na nënvlerësuan disi, ndaj edhe humbën. Tani e dinë mirë se këtu do ta kenë të vështirë.
A do të kënaqeshit me një barazim?
- Kjo është shumë relative. Unë asnjëherë nuk kënaqem me një pikë, por ama varet se si shkojnë gjërat. Nëse në një ndeshje je duke e humbur dhe në fund barazon, thua: “sa mirë që shkoi kështu”. Nëse je duke fituar dhe në fund barazon, acarohesh dhe mërzitesh për javë të tëra. Të shohim se si do të shkojë ndeshja.
Kush do t’i zëvendësojë Canën, Lilën dhe Roshin?
- Ende nuk mund ta them këtë gjë, por do të përpiqemi që zëvendësuesit e tyre të jenë në lartësinë e duhur dhe të mos ndjejmë keqardhje që nuk patëm tre lojtarët e pezulluar.
Duka ka thënë se dëshiron që t’jua rinovojë kontratën. Ju gjithashtu keni thënë se dëshironi të rinovoni. Kur do të ketë bisedime?
- Nuk di ta them këtë. Unë jam i lumtur dhe komod që punoj këtu, por jam një i punësuar i FSHF-së. E vendosin drejtuesit e federatës se kur duhet të ulen dhe çfarë duhet të bëjnë për të ardhmen e postit të trajnerit. Ajo që mund të them unë në këtë moment është se ka një respekt reciprok nga të dyja palët, çka duhet vlerësuar maksimalisht.
Kundër Norvegjisë në Oslo e rrëmbyem fitoren me një skemë interesante, që prodhoi edhe golin e Salihit. A do të ketë sërish skema të tilla për t’i ndëshkuar norvegjezët në Tiranë?
- Nuk e di, mbase. Edhe pse këtu më duhet t’ju korrigjoj, se fitorja nuk erdhi vetëm prej asaj skeme. Fitorja erdhi, sepse luftuam shumë në mbrojtje, në sulm dhe në mesfushë. Pra, erdhi në kompleks. Sigurisht, më vjen keq, që në një ndeshje si kjo do të mungojë Alban Meha, i cili është një specialist i goditjeve standarde dhe mund të na kishte ndihmuar shumë.
Është vënë re se në krahun e djathtë, Dallku ka pasur më pak oscilacione me Lilën në mesfushë. Si do ta zgjidhni këtë, duke qenë se Lila nuk është?
- Po, e vërtetë. Dallku ka bërë paraqitje vërtet të mira me Lilën përpara. Do të përpiqemi që të gjejmë dikë që ta ndihmojë Dallkun që të jetë sërish mirë në atë krah. Gjithnjë, nëse Dallku do të luajë si mbrojtës i djathtë.
Keni lënë jashtë disa lojtarë, sepse kanë luajtur shumë pak me ekipet e tyre, por ndërkohë keni thirrur Çanin, Bogdanin dhe Currin, që gjithashtu nuk kanë luajtur…
- Po, e vërtetë. Curri nuk ka luajtur edhe aq këtë sezon. U aktivizua në ndeshjen kundër Beshiktashit pak ditë më parë dhe, megjithëse ishte disi nën tonus, mendoj se mund t’i shërbejë skuadrës. Sa u përket sulmuesve, duhet të dini se thirrjet bëhen edhe mbi disa kritere, që kanë të bëjnë me gjendjen në të cilën janë, përshtatjen me skemat, si dhe disiplinën taktike.
Keni lënë jashtë Kapllanin dhe Sukajn, që këtë sezon kanë shënuar sistematikisht. Ndërkohë që keni ftuar Llullakun, i cili njihet fare pak nga shqiptarët dhe nuk shquhet për ndonjë ecuri të shkëlqyer, të paktën këtë sezon?
- Kapllani është një lojtar cilësor, të cilin e vlerësoj shumë. Tani ne kemi një grup prej 40 lojtarësh në dispozicion dhe mendoj se kjo është një e mirë e madhe për ekipin, por edhe për vetë tifozët. Pra, kemi mundësi zgjedhjeje. Po ju them se Kapllani është ndër ata lojtarë, të cilin e kam pasur dhe e kam në konsideratë. Tani kam bërë këto zgjedhje, pasi mendoj se mund t’i shërbejnë më shumë kauzës sonë. Mendoj se do të ketë shans në të ardhmen. Sa i përket Llullakut, po ju them se ai është një lojtar, që mendoj se u përshtatet skemave të mia. Ka disa cilësi, të cilat mund t’i hyjnë në punë skuadrës dhe do të përpiqem që t’i marrim maksimumin. Ai është një lojtar, që luan nga të dy krahët, si në të majtë dhe në të djathtë. Luan edhe si sulmues i dytë dhe, duke qenë se në këtë repart kam Çanin, Bogdanin dhe Salihin, e ndihem disi i mbrojtur, atëherë zgjodha pikërisht Llullakun për arsyet që sapo ju thashë.
Çfarë ndjesie ju jep fakti që do keni dy vëllezër në ekip, pra dy lojtarë nga e njëjta familje? E kemi fjalën për Migjen dhe Vullnet Bashën…
- Në listën që ju kam dhënë, ka vetëm një Basha. Për të tjerët m’i bëni pyetjet pasi të dalë pjesa tjetër e listës, më 2 qershor.
A do të luani sërish me dy sulmues kundër Norvegjisë?
- Të shohim, këtë do ta vendosim me kalimin e kohës. Duhet të shoh më parë gjendjen e lojtarëve.
Tifozët kanë nisur mobilizimin për këtë ndeshje nën moton “Unë besoj”. Po ju a besoni tek ëndrra e madhe?
- Eh, shikoni se papritur më dolët në një pikë që dua t’ua them. Mbaj mend se, kur u prezantova rreth 15 muaj më parë, njëri prej jush më tha: a mendoni se është mirë që një italian merr drejtimin e skuadrës sonë në këtë gjendje që është? Kjo pyetje më mbeti në mendje, sepse asokohe pashë se kishte shumë pak optimizëm dhe pak besim. Të gjithë qanit faktin që ju kishin ikur disa lojtarë me peshë si Lala, Skela etj. Dhe e gjitha kjo, për të qenë të vërtetë, ishte normale dhe shumë njerëzore. Por, ama, sot jemi në vendin e dytë së bashku me Islandën dhe ëndërrojmë Brazilin. Po, edhe unë e ëndërroj Brazilin, por dua të shkojmë atje si protagonistë dhe jo për të parë të tjerët se si luajnë. Dua të shkoj atje me Kombëtaren time dhe të kërcej samba, edhe pse nuk di ta kërcej atë. Megjithëse, duhet ta kuptojmë mirë të gjithë bashkë: për të realizuar një ëndërr, duhet të jemi të bashkuar.
Si të jemi të bashkuar, në ç’kuptim?
- Së pari, duhet të luftojmë për një qëllim, drejtuesit, stafi, lojtarët, tifozët, por edhe mediat. Së dyti, duhet të jemi të përulur dhe duhet të përqendrohemi mirë te ndeshjet e radhës pa na marrë koka erë. Ne, vetëm duke luftuar nga fillimi deri në fund për çdo top mund të fitojmë, ndryshe i humbim ndeshjet. Kjo është një ndeshje vendimtare për llogaritë tona për të ardhmen. Unë nuk kam frikë nga kundërshtarët, por ama as nuk i nënvlerësoj kurrë ata. Ne dhe ju duhet të jemi gjakftohtë dhe jo të mendojmë se po fituam një ndeshje të rëndësishme, do të kualifikohemi, apo po humbëm një ndeshje, të përpiqemi të gjejmë fajtorë dhe dështakë. Nuk funksionon kështu.
Në karrierën tuaj, a keni pasur ndeshje të një rëndësie të tillë dhe si e keni menaxhuar?
- Po, kam pasur disa dhe jam përpjekur t’i menaxhoj sa më mirë, por në mënyra të ndryshme. Pra, duke iu përshtatur rrethanave. Po ju them një gjë: unë, kur kam marrë një skuadër dhe kam punuar i lirë dhe me idetë e mia, i kam realizuar gjithnjë objektivat. E kam bërë këtë me Spalin, Modenën dhe Torinon. Herët e tjera, kur më është dashur të luftoj kundër disa rrethanave që nuk vareshin nga unë, gjërat nuk kanë shkuar siç duhej dhe siç dëshiroja.
A jeni ndeshur ndonjëherë me rrethana të tilla në Shqipëri?
- Jo, falë Zotit jo. Kam punuar i qetë dhe kam bërë zgjedhjet që kam dashur. Madje, po ju them se jemi lodhur dhe stërmunduar duke vizituar dhe duke kërkuar lojtarë të rinj për të kompletuar ekipin, por pa pasur asnjë kushtëzim. Nuk është ashtu sikundër mund të mendojë dikush se unë dhe bashkëpunëtorët e mi udhëtojmë pa fund në Europë për qejf. Po të ishte kështu, sot nuk do të kishim 40 lojtarë të gatshëm dhe të denjë për një fanellë titullari.
A do të donit që tani të drejtonit një skuadër italiane?
- E përsëris, jam mirë këtu ku jam. Pastaj, mos mendoni se në Itali është edhe aq e thjeshtë. Nëse nuk e ke emrin Murinjo, Ançeloti, apo ndonjë tjetër të këtij rangu, nuk është edhe aq e thjeshtë…
Sa shanse ka Ilir Berisha që të luajë si titullar?
- Nuk është në listën që ju kam dhënë. Nuk bëj komente.
Kush mund të luajë përkrah Mavrajt?
- Kemi disa alternativa. Është Curri, Teli dhe Osmani.
Thatë që nuk doni shumë eufori. A do të donit të mos kishte as shi në atë mbrëmje? …
- Ne jemi mësuar tashmë me shiun dhe, nëse shiu na ndihmon që të fitojmë, ashtu sikundër kemi bërë ndeshjen e fundit, atëherë nuk ka problem. Le të bjerë…

B/Panorama sport

[qeveriablu]

Futbollist te rinje ne kombetare:

Jurgen Gjasula,27 vjec,mesfushor - Msv Duisburg
Karriera : 262 ndeshje - 30 gola, 35 asiste



Azdren Llullaku,25 vjec,sulmues - Gaz Metan
Karriera: 20 ndeshje - 5 gola,5 asist (te tjera ndeshje ne kategorite amatore)


Ergys Kaçe,19 vjec,mesfushor - PAOK
Karriera : 62 ndeshje - 2 gola,4 asist

[qeveriablu]

Ilir Berisha,21 vjec,mbrojtes - Orebro
Karriera : 28 ndeshje - 4 gola



Vullnet Basha,22 vjec,mesfushor - Sion
Karriera : 150 ndeshje - 4 gola,4 asist



Amir Abrashi,23 vjec,mesfushor - Grashopers
Karriera : 171 ndeshje - 14 gola,6 asist

[murik]

Verehet shume eufori nga ana jone. Kam frike se do shpartallohemi me date 7. Shpresoj te jem gabim.