Kombëtarja Shqiptare

[goldian]

ky portieri

[MaDaBeR]

Goldo, Etrit Berisha, ka lindur ne Kosove me: 10 Mars 1989, pra eshte 23 vjeç. Qe nga viti 2008 eshte portier ne ekipin Kalmar FF ne Allsvenskan Suedeze, dmth kategoria e pare ne Suedi. Qe nga mberritja e tij ne kete klub ka zhvilluar deri me tani 32 paraqitje. Flitet qe eshte nje portier i zoti dhe i talentuar. Thone qe ka te ardhme por ta shohim.

Per mendimin tim per momentin Ujkani eshte i miri qe kemi. Luan ne Seria A dhe nuk eshte pak per nje portier te luaje ne Serine A, me cilindo nga ekipet. Siç e dime Italia shquhet per portiere te zot dhe nuk e kane fatin shume portiere te huaj qe te luajne per nje skuader te Serise A. Por mendoj se si alternative e Ujkanit mund te jete i mire Berisha. Pa dashur ta paragjykoj, sepse ne moshen e atij e gjithe karriera eshte perpara dhe ai mund te shpertheje nga momenti ne moment.

Sido qe te jete, nese perseritet dhe njehere rasti Strakosha-Beqaj, kombetarja jone do te siguronte porten per shume vite me dyshen Ujkani-Berisha.

[Qyfyre]

Duhet nje portier i dyte qe te japi siguri se tani per tani nuk kemi tjeter. Ujkani s'ka qene dhe aq mire me kombtaren po fakti qe luan ne Serie A dhe po ben paraqitje te mira atje, e ben titullar te padiskutushem.

[{A_N_G_E_L_69}]

Trajneri i Kombëtares shqiptare, Xhani De Biazi, ndjen keqardhje që futbollistë si Shaqiri dhe Xhemajli sot nuk janë pjesë e Kombëtares sonë, ndonëse janë shqiptarë. I intervistuar nga “Telecitta”, ai ka thënë se po punon shumë që të rinjtë shqiptarë që kanë lindur jashtë territorit të mund të luajnë me kuqezinjtë në të ardhmen, me qëllim që të ketë sa më pak “rrjedhje”. “Të punosh me një ekip kombëtar është shumë më e vështirë, ose më saktë, shumë më ndryshe sesa të punosh në një klub. Duhet një punë e madhe dhe një përkushtim i pakufishëm për të monitoruar sistematikisht lojtarët. Në këtë rast kemi të bëjmë me një skuadër si Shqipëria, ku pjesa dërrmuese e futbollistëve luajnë në vende të ndryshme të botës dhe shumë larg njëri-tjetrit. Sigurisht, largësia e madhe dhe udhëtimet e gjata nuk na ndihmojnë edhe aq shumë. Megjithatë, unë dhe stafi im jemi të vendosur që të ndërtojmë një skuadër solide dhe të afrojmë gjithë lojtarët që mund t’i shërbejnë këtij ekipi. Mendoni pak: Shaqiri dhe Xhemajli tani luajnë me Zvicrën, sepse janë natyralizuar si të tillë, por në të vërtetë ata janë shqiptarë. Pra, detyra ime është që t’i stimuloj të rinjtë dhe t’i afroj ata në Kombëtaren e tyre. Gjithsesi, ndihem mirë aty dhe dua ta shijoj këtë eksperiencë deri në fund”, – ka deklaruar De Biazi.
Për Bogdanin “Ai është një futbollist shumë i rëndësishëm për ne, dhe jo vetëm për ne. Ai ka shënuar gola me peshë te Siena, ku më i fundit ishte ai kundër Milanit. Kjo nuk është pak. Unë besoj shumë tek ai dhe mund të them se rreth tij do të ndërtojmë një projekt të rëndësishëm”, – ka thënë trajneri i Shqipërisë.
Për Çanin “Tani luan te Polonia e Varshavës dhe sipas mendimit tim ai mund të bëjë gjëra mjaft të mira aty. Për herë të parë në Kombëtare e kam thirrur unë dhe mesa duket i kam sjellë fat, sepse iu deshën vetëm dy minuta që të shënonte gol. Dua të theksoj se e vlerësoj shumë atë dhe e kam gjithnjë në konsideratë. Jam i bindur se atë e pret një e ardhme e madhe, sepse ndryshe nga disa kohë më parë, unë kam vërejtur se ai është akoma më tepër agresiv dhe mbi të gjitha është shumë më konkret në zonën e golit. Mund të ecë vërtet mirë. Pavarësisht se kur ishte në Itali nuk mundi të shpërthente, unë mendoj se kjo ndodhi ngaqë nuk i dhanë kohën e nevojshme”, – është shprehur tekniku mbi Edgar Çanin, i cili këtë sezon ka realizuar 11 gola në Poloni.

[{A_N_G_E_L_69}]

Për Italinë “Në Itali rregullat nuk mungojnë, por thjesht ato nuk i respektojnë. Ose ta themi ndryshe: edhe atëherë kur i respektojnë, i trumbetojnë sikur kushedi se çfarë po bëjnë. Këtë e them për situatën në përgjithësi, jo për raste të veçanta. I referohem dhunës në stadiume, kaosit të skandalit të basteve etj. Duhet ta pranojmë se në nivel institucionesh jemi një shembull jo i mirë për të rinjtë dhe për ata që e respektojnë ligjin”, – ka përfunduar Xhani de Biazi. Ai ka firmosur një kontratë 2-vjeçare me Shqipërinë, me opsion rinovimi edhe për dy vite të tjera.


Çfarë thoshte Josip Kuzhe
De Biazi nuk është i pari trajner i Kombëtares që komenton zgjedhjet e futbollistëve shqiptarë. Edhe paraardhësi i tij, Josip Kuzhe, e konsideronte si të pakonceptueshëm faktin se si një lojtar kishte mundësinë që të përfaqësonte vendin e tij dhe më pas të zgjidhte flamurin e një kombi tjetër. “Nuk e kuptoj se si Mavraj apo ndokush tjetër refuzojnë vendin e tyre, ndërkohë që e kanë marrë nga një ftesë”, – pat thënë tekniku kroat.


Shqipëri-Katar, miqësore në Spanjë
Përfaqësuesja shqiptare do të luajë një ndeshje miqësore kundër Katarit më 22 maj. Lajmi është konfirmuar zyrtarisht nga sektori i marrëdhënieve me shtypin në FSHF. Negociatat kishin filluar prej kohësh nëpërmjet agjencive të posaçme që merren me organizimin e ndeshjeve, por vetëm dje është arritur një marrëveshje zyrtare.
Në Spanjë Ndeshja kundër përfaqësueses arabe do të zhvillohet në Spanjë. Sipas komunikatës së FSHF-së takimi do të luhet në një nga stadiumet e Madridit, por mbetet për t’u konfirmuar se në cilin prej impianteve do të zhvillohet kjo miqësore. Sigurisht që ka fare pak gjasa që ndeshja të luhet në “Santiago Bernabeu”. Orari i ndeshjes gjithashtu nuk është përcaktuar, por detajet do të publikohen gjatë ditëve në vijim.
Dilemat Përveç Katarit, FSHF-ja kishte marrë një ofertë edhe nga Iraku për të zhvilluar një ndeshje miqësore, por ka qenë trajneri i përfaqësueses, Xhani De Biazi, ai që i ka frenuar vazhdimisht bisedimet. Ai hezitonte të pranonte ftesën e këtyre dy vendeve, pasi ato nuk përfaqësojnë ndonjë futboll me nivel të lartë dhe trajneri kuqezi do të donte t’i maste forcat me një skuadër me nivel. Për këtë arsye, ai kishte pritur deri më 30 prill, sepse shpresonte se do të arrihej marrëveshja me ndonjë skuadër tjetër. Në fund, ai ka zgjedhur Katarin mes të dyjave duke dhënë miratimin që akordi të bëhej zyrtar.
Testimet Ndeshja e 22 majit do të jetë një test për disa nga lojtarët e përfaqësueses shqiptare. Disa prej tyre që nuk arritën ta bindnin teknikun në miqësoren me Gjeorgjinë më 29 shkurt, pritet që të kenë edhe një shans tjetër. Mësohet gjithashtu se trajneri është i interesuar të njohë potencialin e kuqezinjve kur grupi është i kompletuar, sepse në shkurt munguan disa prej titullarëve si kapiteni Cana, Bogdani, Salihi etj. Një test do të jetë kryesisht për repartin e mesfushës, pasi disa prej lojtarëve (Bakaj, Muzaka dhe Hyka) nuk e bindën trajnerin në ndeshjen me Gjeorgjinë.
Shpresat Më 22 maj do të luajë miqësore edhe kombëtarja U-21, e drejtuar nga Skënder Gega. Shpresat e Shqipërisë do të zhvillojnë dy ndeshje miqësore në Tirol të Austrisë në kuadër të përgatitjeve për ndeshjet eliminatore të Kampionatit Evropian, kuqezinjtë e kësaj moshe do të kenë përballë në këtë test miqësor moshataret nga Ukraina dhe Maqedonia. Takimi i parë luhet më 22 maj kundër Ukrainës, ndërsa më 25 maj do të përballen me Maqedoninë


Shansi i Mavrajt
Ndeshja kundër Katarit mund të jetë edhe debutimi me Kombëtaren shqiptare për qendërmbrojtësin Mërgim Mavraj. Trajneri De Biazi ka deklaruar publikisht se është gati ta thërrasë lojtarin që luan te Grojter Furt. 26-vjeçari do të luajë sezonin e ardhshëm në Bundesligën 1, pasi skuadra e tij siguroi matematikisht ngjitjen në elitë.


Shqipëria luan kundër vendit më të pasur në botë
Katari u cilësia nga revista prestigjioze “Forbes” si vendi më i pasur në botë, me GDP vjetore prej 182 miliard dollarësh dhe me një rritje prej plot 19.4%. Katari është gjithashtu një nga vendburimet më të mëdha të naftës dhe gazit natyror, ndërkohë që janë një vend më i vogël sa gjysma e Shqipërisë. Saktësisht, kanë një hapësirë prej 11 mijë metrash katrorë, përkundrejt 28 mijë që ka Shqipëria. Katari ka një popullsi prej 1.8 milionë banorësh, ku 20% e tyre janë arabë, 20% indianë, 10% aziatikë dhe pjesa tjetër nga vende të ndryshme. Në pushtët ndodhet familja Al Thani, e cila është gjithashtu një nga më të pasurat në botë, ndërkohë që pjesë e saj është edhe sheiku që zotëron klubin e Mançester Sitit.


42 vite kombëtare Në Katar, sporti i futbollit është mësuar nga punëtorët e naftës në vitet 1940-1950, ndërkohë Federata e Futbollit në Katar është krijuar në vitin 1970. Gjithsesi, arritja e tyre më e madhe është finalja e Kupës së Arabisë. Katari është vendi organizator i Kupës së Botës 2022 në futboll, ku pritet të marrë pjesë për herë të parë në këtë kompeticion, pasi deri tani nuk ka arritur të kualifikohet asnjëherë. Të gjitha futbollistët e përfaqësueses luajnë në kampionatin vendës, përveç mesfushorit Hysein Jaser, i cili aktivizohet me belgët e Lierses.
Natyralizimet Në kombëtare kanë natyralizuar shumë futbollistë të huaj, si brazilianët Fabio Sezar e Markone, uruguaiani Sebastian Soria, ganezët Lorens Kuaje e Xhorxh Kusi dhe senegalezi Baba Malik. Trajner i kombëtares së Katarit është braziliani Paulo Auturi. Ai e ka marrë drejtimin e saj vetëm në shkurt të këtij viti, ndërkohë që ka një karrierë mjaft të pasur drejtuese, duke qenë në krye të klubeve prestigjioze si Flamengo, Kruzerio, Internacional, Sao Paolo, Santos, Benfika, apo kombëtarja e Perusë. Me Santosin, ai fitoi jo vetëm titullin kampion në Brazil, por edhe Kupën Libertadores e Botërorin për klube.


Problemet me stadiumin, rrezikon Kombëtarja
Paradoks: Shqipëria, që sot nuk ka asnjë stadium që të përmbushë kriteret e FIFA-s, do të luajë kundër më të pasurve në botë. Sikur të mos mjaftonte kjo, skuadra jonë ka probleme edhe me stadiumin kombëtar “Qemal Stafa”. Së fundmi, në plan të parë ka dalë çështja e stadiumit kombëtar “Qemal Stafa”, para të cilit do të ndërtohet tashmë një parking nëntokësor, ndaj edhe zhvillimi i ndeshjeve, kryesisht ndërkombëtare, në këtë impiant bëhen të pamundura. Në këtë kontekst, pas letrës së dërguar disa ditë më parë qeverisë shqiptare, FSHF i është drejtuar me një tjetër shkresë zyrtare, këtë herë Bashkisë së Tiranës, me anë të së cilës kërkon shtyrjen e punimeve deri në fund të muajit tetor. I menjëhershëm ka qenë reagimi i kryebashkiakut, Lulzim Basha, i cili do presë sot në një takim presidentin e FSHF-së, Armand Duka. Sipas FSHF-së, arsyeja kryesore për shtyrjen e punimeve është fakti se Kombëtarja nuk do të ketë mundësi që të zhvillojë ndeshjet e para të kualifikimeve për Botërorin 2014 në këtë impiant. Sipas kalendarit të këtyre kualifikimeve, Shqipëria do të luajë tri ndeshje në shtëpi dhe një në transfertë në muajin shtator-tetor të këtij viti: Shqipëri-Qipro, Zvicër-Shqipëri, Shqipëri- Islandë dhe Shqipëri- Slloveni. “Kombëtarja rrezikon t’i luajë ndeshjet jashtë vendit”, – tha sekretari i FSHF-së, Eduard Prodani.

[bigD]

Do hyjm ndonjeher ne kapjonatin boteror ne lol

[Qyfyre]

De Biasi: Luajme me dy skuadra te forta

Edhe pse nuk ka në dispozicion lojtarët më të mirë të mundshëm në miqësoret me Katarin dhe Iranin, trajneri i kombëtares shqiptare ka pohuar se këto dy ndeshje do t’i shërbejnë atij dhe skuadrës për të patur një ide më të qartë rreth mënyrës se si do të luajë përfaqësuesja jonë në eleminatoret e Botërorit 2014.

“I kam parë këto dy kundërshtarë, në një miqësore mes tyre që doli 2-2. Irani është më i fortë dhe kjo vërehet edhe në renditjen e FIFA-s, ku ata janë 30 vende sipër nesh. Janë dy teste shumë të rëndësishme dhe shumë të vështira për ne. Mundësia e zhvillimit të 2 miqësoreve njëra pas tjetrës është e rëndësishme për mua pasi më jep mundësinë të njoh më mirë skuadrën. Mua nuk më intereson se kush nuk është, por kush është këtu dhe cfarë do të japë. Të gjithë do të kenë mundësinë të luajnë, por do të mundohem të nxjerr në fushë një skuadër shumë afër asaj që do të luajë në eliminatoret e botërorit”, thotë trajneri kuqezi.

Ne keto ndeshje pritet te kete debutime pasi eshte thirrur Mavraj qe me pare ka pasur polemika persa i perket perfqesimit te Shqiperise, por edhe lojtare te tjere si portieri Etrit Berisha. Ka dhe lojtare te rinj ne moshe qe kerkojne te komfirmojne vendin e tyre ne kombetare keshtu qe pritet te jene dy miqesore te bukura. Shto ketu edhe faktin qe luhet per here te pare ndaj ketyre skuadrave dhe kjo e ben edhe me interesante.
Të dielën kombëtarja do të niset për në Spanjë aty ku me 22 maj do të përballet me Katarin. Kjo ndeshje do te zhvillohet ne oren 19:00 me oren e Shqiperise ne Madrid ne stadiumin e Rayo Vallecano, "Campo de Fútbol de Vallecas", qe ka nje kapacitet prej rreth 15.000 tifozesh.

Pas ndeshjes kuqezinjtë do të kthehen në Shqipëri dhe pas një qëndrimi 2 ditor do të nisen drejt Turqise, pasi me 27 maj do të luajnë miqësoren me përfaqësuesen e Iranit. Kjo ndeshje do te luhet po ne oren 19:00 ne Stamboll ne stadiumin e Beshiktashit qe ka nje kapacitet prej 32.000 vendesh.

[Endri_]

Di gje njeri kush e jep ndeshjen neser? Te drejtat televizive per kte ndeshje i paska Katari dhe cmimi qe kishte kerku ,per platformen supersport kishte qene shume i larte.

[BlooD_VenoM]

Shiko njëherë andej nga firstrowsports ose nqs ke DreamBox kontrollo ato kanalet Arabe apo ça janë ca kanale andej (sportive) që nuk i mer vesh njëri...ndoshta i gjen.

[Qyfyre]

al jezeera me duket