Lutje ( Dua ) nga Kur'ani

[ramazan_it]

Esselamun alejkum we rahmetullahi we berekatuhu

Ju lutem filimisht që të kemi nji mirëkuptim me të gjithë anëtarët pjesëmarës në këtë temë, që të qëndrojmë në rregullat e forumit:

- të mos e devijojmë temën dhe
- të mos bëhet debate të panevojshme, kështuqë të mos e devijojmë temën.

Kjo temë do të jetë e pajisur vetëm me lutje të përmbledhura nga Libri i All-llahut s.v.t., kështuqë të kemi nji pasqyrë të lutjeve që gjinden në Kur'an dhe lus All-llahun s.v.t., që të na bëjë të mundshme përfitojnmë nga kjo temë dhe na e lehtësoftë gjendjen dhe na dhashtë Bereqet, si në këtë botë ( dunja ), por edhe më e rëndësishme në botën tjetër ( ahiret ).

Al-llahu ju shpërbleftë për durimin tuaj.

Në fillim desht të shtoj diçka në lidhje me lutjen ( duanë ).

Vëllezër dhe motra besimtare!

Vërtet ibadetet tek All-llahu s.w.t., dallojnë në vlerë dhe rëndësi. Disa ibadete All-llahu s.w.t., i bëri me me rëndësi dhe kërkoi nga njeriu që patjetër t'i kryejë ndërsa për disa të tjera ia preferoi dhe e nxiti t'i kryejë. Nga këtu dallon farzi prej sunnetit, sunneti prej mendubit ,etj.

Në zingjirin e veprave më të çmuara dhe më me vlerë tek All-llahu s.w.t., gjejmë edhe duanë. Thotë Muhammedi s.a.v.s.:

"Nuk ka gjë më të ndershme tek All-llahu sesa duaja".( Tirmidhiu ).

Në një rast tjetër Muhammedi s.a.v.s., patë thënë.

"Duaja është ibadet ( adhurim) ". ( Transmeton Ahmedi ndersa Tirmidhiu ka thene se hadithi eshte hasen sahih ).

Problemet e jetës praktike, shpeshherë na diktojnë nevojën që të kërkojmë diç nga njerëzit, qoftë ndihmë materiale, hua apo edhe përkrahje shpirtërore.Në të shumtën e këtyre rasteve gjejmë njerëzit nga të cilët kërkojmë diç të jenë të mrrolur apo të ankohen se " as për vete nuk këne " apo t'a kushtëzojnë ndihmën me diç që nuk ke mundësi t'a bësh, p.sh.,: mbytja e dikujt, të vjedhësh për të,….apo nëse të ndihmon materialisht të kërkon kamatë, etj.

Vërtet kjo është një skeç i hidhur i një realiteti të skenave të përditshme të jetës sonë por a thua, a ndodh kështu edhe me All-llahun s.w.t.?

A hidhërohet Allahu s.w.t., nëse njeriu kërkon diç prej Tij?

A ia kushtëzon ndihmën me diç që ia zbeh imazhin e fesë dhe karakterit të tij njerëzor?

Pergjegja:

Assesi, madje All-llahu s.w.t., ka dëshirë që njeriu të kërkojë prej Tij dhe ta lus Atë.

Thotë Muhammedi s.a.v.s.:

" Kërkoni nga All-llahu sepse All-llahu ka dëshirë që të kërkohet prej Tij dhe se ibadeti më i çmuar është pritja e përgjegjes ( ose përmbushjes së duasë ) ".

Madje All-llahu s.w.t., hidhërohet nëse njeriu nuk kërkon prej Tij.

Thotë Muhammedi s.a.v.s.:

" Vërtet, ai që nuk kërkon nga All-llahu, ( All-llahu ) i hidhërohet Atij ".( Tirmidhiu ). Ky hadith sikur argumenton edhe hadithin:

"…dhe kur të kërkosh kërko prej All-llahut, dhe kur të kërkosh mbrojtje kërko prej All-llahut ( mbrohu me All-llahun )…".

Besimtari kur t'a lutë All-llahun, ndien se Ai është afër, dëgjon lutjet dhe rënkimet e tij. Madje vet All-llahu s.w.t., e urdhëroi Muhammedin që t'i nxitë besimtarët ne dua duke iu treguar se All-llahu eshte afer,degjon dhe iu pergjigjet lutjeve te lutesve. Thotë All-llahu s.w.t.:

"E kur robët e Mi të pyesin ty për Mua, Unë jam afër, i përgjigjem lutjes kur lutësi më lutet, pra për të qenë ata drejt të udhëzuar, le të më përgjigjen ata Mua dhe le të më besojnë Mua. ( Bekare,186 ).

Vëlla duaja është mjet që e bën All-llahun të të dojë ty. Duaja e shpeshtë bën që ti nëlse i lutesh All-llahut të përgjigjet,nëse kërkon mbrojtje nga Ai të mbron…Vëlla që të të bëhet e qartë rëndesia dhe vlera e duase dëgjo këtë hadith dhe përshkrimin që All-llahu ia bën robit, kur ai e lut All-llahun. Thotë Pejgamberi s.a.v.s.:

" All-llahu s.v.t., ka thënë:

" Kush armiqësohet me një dost Timin do t'i shpalli luftë dhe nuk ka diç më të dashur me të cilën afrohet tek Unë robi sesa ajo që ia kam obliguar. Njeriu vazhdon të afrohet tek Unë ( All-llahu s.v.t. ) me nafile derisa t'a dua, e kur t'a dua, jam dëgjimi i tij me të cilin dëgjon, shiqimi i tij me të cilin shiqon, dora e tij me të cilën godet, këmba e tij me të cilën ec, nëse më kërkon ( diç ) do t'ia jap, nëse kërkon mbrojtje nga Unë do t'a mbroj". ( Buhariu )

Ndonjëherë njeriu ankohet se nuk i pranohet duaja, lutet kohë të gjatë por prapë nuk shef përgjigje. All-llahu na ruajt! Ka njerëz që fillojnë të mendojnë keq për All-llahun se kinse Ai nuk po i dojka këta ose diç tjetër. Këto mendime dhe të ngjashmet, janë të përbuzura në fenë tonë dhe njeriut të tillë i mbetet që dobësinë e mospranimit të duasë t'a hulumtojë në vetveten e tij sepse All-llahut s.v.t., nuk i takon urrejtja ndaj robërve të Tij përveq ndaj atyre që e mohojnë All-llahun s.v.t. dhe ndaj vetvetes se tyre janë të padrejtë.

( Disa shkaqe të mospranimit të duasë )

1) Ngrënia, pirja dhe veshja nga harami

Thotë Muhammedi s.a.v.s.:

" Vërtet All-llahu është i mirë dhe nuk pranon tjetër përveq së mirës dhe se All-llahu i ka urdhëruar besimtarët me atë që i ka urdhëruar Pejgamberët, ka thënë:
" O ju të Dërguar! Hani nga të mirat dhe bëni vepra të mira ", ( ndërsa për besimtarët ) ka thënë: " O ju që keni besuar! Hani nga të mirat që iu kemi furnizuar ", pastaj e ceku njeriun që ka marrë udhëtim të gjatë, flokët i janë shprishur dhe është pluhurosur, i ngrit duart drejt qiellit e thotë:
" O All-llah!O All-llah!, ndërsa ushqimi i tij është haram, uji ( pija ) e tij është haram, veshja e tij është haram, është ushqyer nga harami,andaj a t'i prahohet ketij ( duaja )?!". ( Muslimi )

2) Lënia e urdhërimit për të mirë dhe ndalimit nga e keqja

Thotë Muhammedi s.a.v.s.:

"Pasha Atë,ëe dorën e të Cilit është shpirti im, ( ose ) do të urdhëroni për të mirë dhe të ndaloni nga e keqja, ose ndodhë që All-llahu t'ua lëshoj - dërgoj ndonjë ndëshkim pastaj e lutni e nuk iu pergjigjeë". ( Tirmidhiu)

3) Lënia e duasë

Thamë më parë,duke u bazuar në hadith se, ibadeti më i çmuar është pritja e përmbushjes së duasë por megjithatë shohim disa njerëz të cilët lutën një kohë e pastaj i kap një dëshprim, pesimizëm, se përse neve nuk po n'a u pranohet duaja?Ky pesimizëm bëhet shkak që ata të largohen nga duaja e të humbin të mira të shumta. Thotë Muhammedi s.a.v.s.:

" I përgjigjet ( All-llahu duasë se ) ndonjërit prej jush derisa nuk ngutët e të thotë: Jam lutur ( shumë herë ), por nuk më është përgjegjur ( përmbushur duaja ) ". ( Muttefekun Alejhi )

4) Lutja duke bërë njeriu mëkate

Si shkak tjetër i mospranimit të duasë është lutja e njeriut duke bërë njeriu mëkate apo duke shkëputur mardhëniet familjare.ëThotë Muhammedi s.a.v.s.:

" Vazhdon t'i plotësohet duaja robit derisa nuk lutet me mëkat apo shkëputje të mardhënieve familjare (d.t.th., duke qenë ai në këto dy mëkate ) dhe derisa nuk ngutet. Është pyetur: O i Dërguar i Allahut! Cfarë është ngutja ( në këtë rast )? Tha: Të thotë njeriu: Jam lutur e lutur, por s'kam parë të më jetë permbushur duaja. Dëshpërohet nga kjo gjendje dhe e braktis duanë ". ( Muslimi )

5) Lutja e njeriut duke qenë i pakujdesshëm

Si shkak tjetër për mospërmbushje të duasë është edhe lutja e njeriut duke qenë zemra e tij gafile ( e pakujdesshme ). Thotë Muhammedi s.a.v.s.:

" Lutnie All-llahun duke qenë të bindur se All-llahu iu përgjigjet dhe dine se All-llahu nuk i përgjigjet duase ( e cila rrjedh nga ) zemra e pakujdesshme ( gafile ) ".(Tirmidhiu)

Hadithi në fjalë përmban dy çështje shumë me rëndësi. Njëra prej tyre është nxitëse, ndërsa tjetra është kërcënim. Sa i përket nxitjes, atë e vërejmë në pjesën e parë të hadithit ku Muhammedi s.a.v.s., me tërë potencialin mundohet t'a bindë robin se, nëse ai beson se nuk ka kush që i pranon lutjet dhe i permbush ato përveq Tij dhe se nuk ka kush që drejtohen ankesat përveqse tek Ai, duaja e tij në një mënyrë a tjetër do të pranohet.
Pra, nëse njeriu është i bindur se All-llahu s.v.t. është Ai që ua përmbushë njerzve nevojat atëherë nga ajo bindje dhe mendim i mire që ka për Zotin xh.sh, fiton përshtypjen se All-llahu s.v.t., në përgjegjen e menjëhershëm të duasë së tij apo vonimin e saj ka caktuar një urtësi dhe si i tillë me mendime të tilla robi do të shpëtojë. Për të na qenë edhe më qartë kjo teori, fjalën ia japim njeriut më të madh të botës, Muhammedit s.a.v.s., i cili thotë:

"Nuk ka besimtar i cili lutet me ndonjë lutje, në të cilën nuk ka mëkat e as shkëputje marëdhëniesh familjare e të mos ia jap Al-llahu njërën prej këtyre tre gjërave:

1- ( ose ) ia shpejton plotësimin në këtë botë,

2- ( ose ) ia deponon në Ahiret, dhe

3- ( ose ) ia largon me atë dua një të keqe sikurse ajo (e mirë në peshe ).

( Atëbotë kur dëgjuan sahabët për këtë vlerë të duasë ) Thane: " Pra do të shpeshtojmë duanë! Tha: All-llahu ua shton ( të mirat ). ( Ahmedi )

Pra besimtari i sinqertë në All-llahun beson se All-llahu ka caktuar ndonjë të mirë në duanë e tij dhe që, edhe pse për momentin rezultati i saj është i fshehur megjithatë begatia dhe dhuntia e asaj duaje do të duket më vonë, ose në këtë botë ose nl tjetrën.

Ndërsa sa i përket çështjes së dytë, për të cilën thamë se është kërcënim, është ajo se All-llahu s.v.t., nuk pranon duanë nga zemra që nuk ka dro, nga gjuha që e thotë atë dua sikur gjërat e tjera të pahijshme. Vërtet kjo është kështu sepse All-llahu nuk shpërblen edhe për ibadetet tjera nga neglizhentët. Kemi dëgjuar hadithin se All-llahu s.v.t., pranon nga namazi i njeriut vetëm aq sa njeriu prezenton me mendje dhe shpirt ".

6) Lutja vetëm kur njeriu gjendet në vështirësi

Si shkak tjetër për mospranimin e duasë është lutja e njeriut kur vetëm ai është në bela a fatkeqësi. Thotë Muhammedi s.a.v.s.:

"Kush ka dëshirë që All-llahu t'i përgjigjet në vështirësi a pikëllime, le të lutet shumë kur ai të jetë i lumtur ". ( Tirmidhiu )

Kërkimi falje - Istigfari - shansë për faljen e mëkateve

All-llahu s.v.t., na ka treguar se, Ai nuk e ndëshkon një popull përderisa ata kërkojnë falje nga Ai, por ndëshkon popujt që shfaqin mendjemadhësi, ipen pas të ndaluarave, harrojnë obligimin e tyre ndaj All-llahut dhe bëjnë trazira në tokë. Thotë Muhammedi s.a.v.s.:

"All-llahu nuk i ndëshkon ( njerëzimin ) derisa ata kërkojnë falje ".

Vëlla! Kërkimi falje nga All-llahu ka vlerë të madhe. Është mjet për t'a dalluar modestin nga mendjemadhi, besimtarin nga hipokriti…Kërkimi falje ( Istigfari ) është urëkaluese mbi çdo fatkeqësi dhe urëlidhëse me çdo të mirë, është çelës i rizkut. Thote Muhammedi s.a.v.s.:

"Kush ipet pas kërkimit falje -i stigfarit ( dhe e ben shprehi ), All-llahu s.v.t., nga çdo problem i gjen rrugëdalje, nga çdo pikëllimi, i gjen lehtësi ( dhe largim të tij ) dhe e furnizon prej nga nuk e kujton fare ". ( Ibni Maxhe dhe Davudi )

E lusim All-llahun të n'a bëjë prej atyre që iu pranohen duatë e tyre dhe prej atyre që kanë mendime të mira për Zotin e tyre. Amin!

[master2006]

Tema: Lutje (Dua) nga Kur'ani


Përmbajtja:
16 nga hadithet,
1 nga Kurani.

[ramazan_it]

LUTJE NGA KUR'ANI

"O Zot, më fal nga ana Yte pasardhës të mirë, vërtet, Ti je Dëgjues i lutjes". (Ali Imran: 38)

"O Zot, mos më le të vetmuar, se Ti je trashëguesi më i miri (pas çdokujt)". (El-Enbija: 89)

"Nuk ka hyjni pos Teje. Ti je i pastër, nuk ke të meta. Unë i bëra padrejtë vetes". (El-Enbija: 87)

"O Zot, ma zgjero gjoksin tim, ma lehtëso këtë punë timen, më zgjidh nyjen e gjuhës sime, që ta kuptojnë fjalën time". (Taha: 25-28)

"O Zot, unë i kam bërë padrejtësi vetvetes, për këtë më fal mua". (El-Kasas: 16)

"O Zot, mos na bën sprovë për zullumqarët dhe na shpëto me mëshirën Tënde nga jobesimtarët". (Junus: 85-86)

"Zoti ynë, na i fal mëkatet tona dhe lëshimet në punët tona, na i forco këmbët tona dhe ndihmona kundër popullit jobesimtar". (Ali Imran: 147)

"Zoti ynë, na dhuro nga ana Jote mëshirë dhe na përgatit udhëzim të drejtë në të gjitha çështjet tona". (El-kehf: 10)

"O Zot, më shto (edhe më tepër) dituri". (Taha: 114)

"O Zot, kërkoj strehim te Ti prej nxitjeve të djajve dhe kërkoj strehim te Ti që ata të mos më afrohen". (El-Muminun: 97-98)

"O Zot, më fal dhe më mëshiro, se Ti je Mëshiruesi më i mirë". (El-Muminun: 118)

Esselamun alejkum.

[ramazan_it]

"Zoti ynë, na jep në këtë botë të mira, e edhe në ahiret na jep të mira dhe na mbroj nga dënimi i zjarrit". (El-Bekare: 201)


"Dëgjuam dhe respektuam, dhe prej Teje kërkojmë falje o Zoti ynë, ngase te Ti është përfundimi". (El-Bekare: 285)

"Zoti ynë, mos na dëno nëse harrojmë ose gabojmë! Zoti ynë, mos na ngarko me barrë të rëndë siç i ngarkove ata që ishin para nesh! Zoti ynë, mos na ngarko me atë për të cilën ne nuk kemi fuqi! Na i shlyej mëkatet, na fal dhe na mëshiro. Ti je mbrojtësi ynë, na ndihmo kundër popullit jobesimtar". (El-Bekare: 286)


"Zoti ynë, mos na i lako zemrat tona pasi na udhëzove, na dhuro nga ana Jote mëshirë, se vetëm Ti je Dhurues i madh". (Ali Imran: 8)


"Zoti ynë, këtë nuk e krijove kot, i Lartësuar qofsh, ruana prej dënimit të zjarrit! Zoti ynë, atë që Ti e fut në zjarr, atë e ke poshtëëruar; për zullumqarët nuk ka ndihmëtarë! Zoti ynë, ne dëgjuam një thirrës që ftonte për besim (e thoshte): Besoni Zotin tuaj! E ne besuam! Zoti ynë, na i fal mëkatet tona, na i shlyej gabimet tona dhe pas vdekjes na bashko me të mirët! Zoti ynë, jepna atë që nëpërmjet Të dërguarve T'u na e premtove dhe në Ditën e Kijametit mos na turpëro; vërtet, Ti je Ai që nuk e shkel premtimin". (Ali Imran: 191-194)


"Zoti ynë, Ty të besuam; na i fal mëkatet tona dhe na mëshiro, ngase Ti je Mëshirues më i mir". (El-Mu'minun: 109)

"Zoti ynë, largoje prej neve dënimin e Xhehennemit, se dënimi i tij është gjëja më e rëndë. Ai, vërtet, është vendqëndrim dhe vendbanim i keq". (El-Furkan: 65-66)


"Zoti ynë, na bëjë që të jemi të gëzuar me gratë dhe pasardhësit tanë, e neve na bën shembull për të devotshmit". (El-Furkan: 74)

"O Zot, më mundëso që Të të falënderoj për të mirën Tënde që ma dhurove mua dhe prindërve të mi, që të bëj vepra të mira që i pëlqen Ti dhe m'i bën të mirë pasardhësit e mi. Unë pendohem te Ti dhe unë jam prej muslimanëve". (El-Ahkaf: 15)



"Zoti ynë, na fal neve dhe vëllezërit tanë që na kanë kaluar me besim, e mos shkakto në zemrat tona farë urrejtjeje ndaj atyre që kanë besuar. Zoti ynë, Ti je i Butë, Mëshirues". (El-Hashr: 10)


Esselamun alejkum.

[ramazan_it]

"Zoti ynë, na plotëso dritën tonë dhe na fal se Ti për çdo gjë je I mundshëm". (Et-Tahrim: 8)

"Zoti ynë, ne kemi besuar për këtë dhe na i fal mëkatet tona e na mbroj nga dënimi i zjarrit". (Ali Imran: 16)


"Zoti ynë, ne Të kemi besuar, na regjistro me dëshmitarët". (El-Maide: 83)

"O Zot, bëre këtë qytet të sigurt dhe na largo mua e fëmijët e mi nga adhurimi i idhujve". (Ibrahim: 35)


"O Zot, më bën mua prej atyre që falin namazin, e edhe prej pasardhësve të mi dhe pranoje lutjen o Zot. Zoti ynë, më fal mua, prindërit e mi dhe besimtarët Ditën kur do të jepet llogaria". (Ibrahim: 40-41)

"O Zot, unë jam i nevojshëm për çdo të mirë që ma zbret". (El-Kasas: 24)

"O Zot, më ndihmo kundër popullit të prishur". (Ankebut: 30)

"Zoti ynë, mos na bëjë me popullin zullumqar". (El-A'raf: 47)


"Më mjafton All-llahu [subhanehu ve teala], s'ka të adhuruar pos Tij, vetëm Atij i jam mbështetur; Ai është Zoti i Arshit të madh". (Et-Teube: 129)

"O Zot, më shpëto prej popullit zullumqar". (El-Kasas: 21)

"Shpresoj që Zoti im të më orientojë rrugës së drejtë". (El-Kasas: 22)

''O Zot,mos na bën sprovë për zullumqarët dhe na shpëto me mëshirën Tënde nga jobesimtarët''.(Muntehine: 5 )


Esselamun alejkum.

[ramazan_it]

E kur robët e Mi të pyesin ty për Mua, Unë jam afër, i përgjigjem lutjes kur lutësi më lutet, pra për të qenë ata drejt të udhëzuar, le të më përgjigjen ata Mua dhe le të më besojnë Mua. (El-Bekare: 186)

Zoti ynë! Na dhuro durim! Na i përforco këmbët tona dhe na ndihmo kundër jobesimtarëve. (El-Bekare: 250)

Zoti ynë, mos na i lako zemrat tona pasi na i drejtove, na dhuro mëshirën Tënde, pse vetëm Ti je dhuruesi i madh. (Ali Imran: 8)

Zoti ynë, na i fal mëkatet tona dhe lëshimet në punët tona dhe na forco në vendet tona (në luftë), ndihmona kundër popullit jobesimtar.(Ali Imran: 147)

Zoti ynë, atë që Ti e fute në zjarr, atë e ke poshtëruar; për mizorët nuk ka ndihmëtarë (Ali Imran: 192)

Zoti ynë, ne dëgjuam një thirrës qė ftonte për besim (e që thoshte): Të besoni Zotin tuaj! E ne besuam!. (El-Bekare: 193)

Zoti ynë, na i fal mëkatet tona, na i mbulo të metat dhe pas vdekjes na bashko me tė mirët!. (Ali Imran: 193)

Zoti ynë, jepna atë që nëpërmjet të dërguarëve e Tu, na e premtove dhe në ditën e kijametit mos na turpëro; vërtet Ti je Ai që nuk e shkel premtimin!. (Ali Imran: 194)

Zoti ynë, ne i bëmë të padrejtë (i dëmtuam) vetvetes sonë, në qoftëse nuk na falë dhe nuk na mëshiron, ne me siguri do të jemi prej të shkatërruarve! (7:23)



Esselamun alejkum.

[ramazan_it]

Zoti ynë, vendos mes nesh dhe mes popullit tonë gjykimin tënd të drejtë, se Ti je më i miri gjykatës.. (El-A'raf:89)

Zoti ynë, na dhuro durim dhe na bëjë të vdesim muslimanë!.(El-A'raf:126)

Zoti ynë! S’ka dyshim se Ti e di çka fshehim dhe çka publikojmë, se All-llahut nuk mund t’i fshihet asnjë send në tokë e as në qiell.(Ibrahim:38)

Zoti ynë, Ti me mėshirën dhe me diturinë Tënde ke përfshirë çdo send, andaj falju atyre që u penduan dhe ndoqën rrugën Tënde, e edhe ruaji ata nga dënimi i xhehennemit. (Gafir:7)

Zoti ynë, futi në xhennete të Adnit, të cilat ua ke premtuar, ata dhe kush ishte i mirë prej etërve të tyre, grave të tyre dhe pasardhësve të tyre. Vërtet, Ti je ngadhënjyesi, i urti. (Gafir:8)

(Ata thonë) Zoti ynë, largoje prej nesh dënimin, se ne me të vërtetë besojmë... (Duhan:12)

Zoti ynë, falna neve dhe vëllezërit tanë që para nesh u pajisën me besim dhe mos lejo në zemrat tona farë urrejtjeje ndaj atyre që besuan. Zoti ynë, Ti je i butë, mëshirues (Hashr:10)

Zoti ynë, vetëm Ty të jemi mbështetur, vetëm nga Ti jemi të kthyer dhe vetëm te Ti është e ardhmja. (Mumtehine:4)

Esselamun alejkum.

[ramazan_it]

(1) Bismilahi-rrahmani-rrahim. (2) El hamdu lilahi rabbil alemin. (3) Arrahmani-rrahim. (4) Maliki jeumid-din. (5) Ijjake neabudu ue ijjake nestain. (6) Ihdinis-siratal-mustekim. (7) Siratal-ledhine en-amte alejhim, gajril-magdubi alejhim, ue-lad-dalin.
(1) Me emrin e Allahut1, të Gjithëmëshirshmit2, Mëshirëplotit3! (2) I gjithë lavdërimi i përket Allahut, Zotit të të gjitha botëve4, (3) të Gjithëmëshirshmit, Mëshirëplotit, (4) Sunduesit të ditës së llogarisë.5 (5) Vetëm Ty të adhurojmë dhe vetëm Ty të kërkojmë ndihmë e mbështetje6. (6) Na udhëzo në rrugën e drejtë7! (7) Në rrugën e atyre të cilëve u ke dhuruar mirësi8, jo të atyre që kanë merituar zemërimin (Tënd)9 dhe as të atyre të cilët kanë humbur10! [Surja El-Fatiha].

[ramazan_it]

Allahu, la ilahe il-la huve el-hajjul-kajjum. La te’hudhuhu sinetun ue la neum. Lehu ma fis-semavati ue ma fil-ard. Men dhe-ledhi jeshfeu indehu il-la biidhnihi. Jealemu ma bejne ejdihim ue ma halfehum. Ue la juhijtune bishej’in min ilmihi il-la bima sha’e. Uesia kursijuhus-semavati uel-arda. Ue la jeu-duhu hifdhuhuma, ue huvel-alijjul-adhim.

Allahu! Nuk ka të adhuruar tjetër (të denjë) përveç Tij, të Përjetshmit Mbajtësit të gjithçkaje! Atë nuk e kaplon as dremitja, as gjumi! Atij i përket gjithçka që gjendet në qiej dhe gjithçka që gjendet në tokë. Kush mund të ndërmjetësojë tek Ai pa lejen e Tij? Ai di gjithçka që ka ndodhur para krijesave dhe gjithçka që do të ndodhë pas tyre, kurse ata nuk mund të përvetësojnë asgjë nga dija e Tij, përveç asaj që do Ai. Kursiju4 i Tij përfshin qiejt dhe Tokën dhe Atë nuk e lodh ruajtja e tyre (qiejve dhe Tokës). Ai është i Larti, Madhështori. [Ajeti El-Kursij, Ajeti nr. 255 i sures El-Bekare].

[ramazan_it]

„Zoti ynë,pranoje prej nesh,se me të vërtetë Ti je që dëgjon dhe di!“ (el Bekare 127 )

„Zoti ynë,bëna neve dyve besimtarë të sinqert ndaj Teje dhe nga pasardhësit tanë njerëz të bindur ndaj Teje,na i mëso rregullat e ibadetit (adhurimit )tanë dhe falna neve,vërtetë Ti je që falë shumë,je mëshirues!“ ( 2:128 )



„Të cilët,kur i godet ndonjë e pakëndshme thonë:“Ne jemi të Allahut dhe ne vetëm tek Ai kthehemi!“ ( 2:156 )

„Zoti ynë na jep të mira në këtë jetë,të mira edhe në botën tjetër,dhe na ruaj prej dënimit me zjarr!“

( 2:201 )

„Zoti ynë!na dhuro durim!na i përforco këmbët tona dhe na ndihmo kundër pabesimtarëve.“ (2:250)

„Zoti ynë,mos na dëno nëse harrojmë ose gabojmë!Zoti ynë,mos na ngarko neve barrë të rëndë siç i ngarkove ata që ishin para nesh!Zoti ynë.mos na ngarko me atë për të cilën,ne nuk kemi fuqi!Na i shlyej mëkatet,na i mbulo të këqiat,na mëshiro.Ti je mbrojtësi ynë,na ndihmo kundër popullit pabesimtar!“ (2:286)