Ekonomia e dyte ne Europe, Cmenden Shqiptaret

[EuroStar1]

Shqiperia e cilesuar si ekonomia e dyte ne Europe pas Gjermanise nga kryeministri Berisha

Varfëria/ Drejt çmendurisë shqiptarët, 20 mijë të sëmurë mendorë gjatë 6 muajve të fundit në Shqipëri Papunësia,pasiguria për të ardhmen,grindjet në familje që vijnë si shkak i varfërisë,janë "DHURATA" e madhe që i ka bërë qeveria qytetarëve shqiptarë,duke i drejtuar ata drejt sëmundjeve mendore,me shifrën tragjike 20.000 të sëmurë mendorë brenda 6 mujve.

Shifra është bërë publike nga vetë Ministri i Shëndetësisë Petrit Vaslili gjatë një aktiviteti në rastin e Ditës Botërore të Shëndetit Mendor.

Sipas tij, 6 muajt e parë të vitit kanë shënuar një shifër prej 20 mijë pacientë që vuajnë nga shëndeti mendor. Vasili premtoi se personat që vuajnë nga shëndeti mendor nuk do të jenë më të përçmuar, duke pasur më shumë investime për tu ardhur në ndihmë këtyre pacientëve.

Psikologët këshillojnë prindërit që të mos ushtrojnë presion ndaj fëmijëve pasi stresi është një nga aryset kryesore që çon në këtë sindromë.Nga ana tjetër,psikologët nuk gjejnë dot këshilla për prindërit,pasi varfëria që ka pushtuar vendin,nuk mund të kalohet me këshilla psikologu por me punësim dhe qeveria shqiptare për këtë nuk mendon fare

Një fëmijë që vuan nga shëndeti mendor mund të kuptohet që në 2 vitet e para të jetës së tij.

Skandaloziteti i çështjes është se Shqipëria është i vetmi vend në Europë,që nuk i jep mundësinë asnjë qytetari të investojë.Ajo që indonjon shqiptarët,është përgjigjja që marrin nga institucionet ose bankat,të cilët thonë,investo që të të ndihmojmë,por një shtetas që ka para për të investuar,nuk ka nevojën e bankës.

Mënyra që përdor qeveria shqiptare për të mos ndihmuar në investime,tregon qartë se vetëm ata që kanë para mund të pasurohen në Shqipëri,mundësi për shtresat e ulëta nuk do të ketë dhe do të jenë pak më keq se skllevër të disa politikanëve dhe rrethit të tyre miqësor që janë pasuruar me taksat e popullit.

Ne shqiptarët e thjeshtë nuk na mbetet gjë përveç se të presim derisa të arrimë në vetëvrasje ose në çmenduri.

[EuroStar1]

Varferia është sot jo vetëm në nivele të larta por edhe e pastudiuar sa duhet. Dr.Ilia Telo, kryetar i shoqatës së demografisë, thotë se Shqipëria ka një varfëri 3 herë më të madhe se Europa ku dëshiron të integrohet, por harxhon 3 herë më pak para kundër mjerimit. Shqipëria jep 10 për qind të GDP kundër varfërisë, kryesisht fonde për pensione dhe asistenca, kurse Europa jep 27 për qind të GDP, pra 3 herë më shumë. Sipas tij, autoritetet ende nuk kanë deklaruar se sa është minimumi jetik i jetesës në Shqipëri”.

“Problemi i parë është që shteti duhet ta përcaktojë minimumin jetik, sepse deri tani nuk është përcaktuar. Ky tregues duhet të përcaktohet nga grup ekspertësh; dietologë, sociologë, ekonomistë. Kjo duhet pranuar, duhet shpallur, duhet njohur nga qeveria dhe nga parlamenti dhe pastaj duhet bërë një program pune për uljen graduale të varfërisë” - tha ai.

Zoti Telo thotë se ende nuk ka të dhëna të plota dhe zyrtare për varfërinë. Autoritetet pohojnë në mënyrë të përgjithshme se varfëria ekstreme ishte 25 për qind dhe u ul në 12 për qind, pa iu referuar ndonjë të dhëne statistikore. Por realiteti flet ndryshe. Sipas dr.Telo, varfëria është e shtrirë gjerësisht në familjet fshatare, që zënë më shumë se gjysmën e popullsisë, dhe që emigrojnë më shumë se të tjerët. Krahas fshatarëve, shtresa të varfëra janë edhe grupet me asistenca 20-30 dollarëshe, grupet me paga të vogla, të papunët, dhe gjysëm milioni pensionistë.

“Në bazë të rillogaritjeve që kemi bërë ne, del që minimumi jetik për frymë është rreth 15 mijë lekë të reja. Ata njerëz që sigurojna më pak se ky kufi ata quhen të varfër. Në bazë të të dhënave tona del që afro 60 për qind e popullsisë jeton nën nivelin e varfërisë.” - tha ai.

Ndërsa sociologia dhe deputetja e opozitës, Eglantina Gjermeni, thotë se rritja ekonomike dhe ulja e varfësisë që deklaron qeveria nuk janë reale, sepse nuk ka një shtim të punësimit. Sipas saj, studimet e OKB sugjerojnë që 1 në 2 familje shqiptare është e varfër. Studime të ngjshme vijnë edhe nga Banka Botërore.

“Numri i familjeve që marrin ndihmë ekonomike është rritur. Në vitin 2010 ishin 98 mijë famijle dhe kjo shifër është rritur me 4 mijë familje më shumë. Pra, janë 4 mijë familje më shumë janë të varfëra. Ndihma ekonomike është vetëm 3 mijë e 500 lekë në muaj, dhe mendoni se cfarë mund të blejë kjo familje me 35 dollarë në muaj. Banka Botërore thotë se nuk vihet re ulja e varfërisë në Shqipëri” - tha ajo.

Zonja Gjermeni thotë se qeveria nuk ka politika agresive kundër varfërisë, por vetëm jep pagesa të vogla për ndihma të pjesshme, që nuk zgjidhin përfudnimisht këtë problem. “Politikat e qeverisë kundër varfërisë janë politika pasive. Ato nuk e luftojnë varfërinë, sepse nuk hapin vende të reja pune, sidomos për të rinjtë” - tha ajo.

Ekspertët pohojnë që para se të luftohet, varfëria njëherë duhet që të pranohet dhe të njihet në detaje, dhe pastaj të nisë lufta ndaj informalitetit, korrupsionit që të rritet punësimi dhe mirëqenia.

[prenceedi]

Shqiperia e cilesuar si ekonomia e dyte ne Europe pas

Po ne sikur ishim te paret?????????
Kur na e kaluan Gjermanet?

[Ksanthi]

Nga na dolen keta te varfer ne Shq kur ekonomia eshte ne rritje ????Keta gazetaret nuk mbushin .Vetem Berisha dhe derrat e tjere kane te drejte .

[skender76]

EuroStar1, nese nje kryeminister nuk reflekton optimizem, ateher duhet t'largohet nga posti......


Qe ka rritje ekonomike, ket nuk e thot Sala, por e thojn shifrat.
Por ti e di mir, se rritje ekonomike nuk do t'thot qe t'jesh e pasur sa vendet perendimore....
Referenca esht po Shqiperia, por ne kohe.

[skender76]

Nga na dolen keta te varfer ne Shq kur ekonomia eshte ne rritje ????Keta gazetaret nuk mbushin .Vetem Berisha dhe derrat e tjere kane te drejte .

Ksanthi, Berisha ben punen e vet, dhe gazetaret bejn t'tyren..

Por, meqe ti s'ben pjes ne asnjeren pale, mundohu t'jesh me korrekte....

Knej ne It kan nje shprehje: "Date a Cesare quello che è di Cesare"

[kleadoni]

Po ne sikur ishim te paret?????????
Kur na e kaluan Gjermanet?

Mire kur na e kaluan Gjermanet, por kur u beme ne pjese e Europes??
C'ne titulli eshte: Ekonomia shqiptare e dyta e europes?

Perveç kesaj, varferi ka çdo shtet, nuk llogaritet ekonomia si nje e tere duke marre parasysh vetem nr e te varferve... puna qendron qe jemi shume larg ketij vendit te dyte, duhet akoma nje rruge e gjate per te arritur ne thenien: jemi nje vend i zhvilluar ekonomikisht.

Ishalla vazhdojme me rritje investimesh e ndoshta (?) arrijme diku te 10

[OPARI]

mos e kane nga pasuria se nuk ka mundesi qe te kemi 20 mije te cmendur brenda 6 muajsh

[EuroStar1]

Mire kur na e kaluan Gjermanet, por kur u beme ne pjese e Europes??
C'ne titulli eshte: Ekonomia shqiptare e dyta e europes?

Te pakten gjeografikisht nuk i perkasim Afrikes

[MoskoSoft]

Kjo puna e ekonomise shqiptare qe eshte e dyta ne europe eshte e vertete qe ka dale si lajm.
Ky lajm ka te beje me rritjen ekonomike tamam tamam.Dhe si rritje ekonomike Shqiperia ishte e dyta ne Europe.Deri ketu jemi ok.
Duhet te kemi parasysh qe per nje vend qe eshte ne zhvillim nje shifer 6-7% rritje eshte shume normale kurse per vendet e zhvilluara eshte shume e larte.Duke ditur qe Shqiperia eshte nje vend ne zhvillim dhe kjo shifer eshte normale per nje vend si Shqiperia, nuk duhet te cuditemi kur thuhet qe kemi rritje e dyte me te madhe ne europe.
Pervec kesaj kjo renditje per mendimin tim nuk ka asnje vlere pasi ajo nuk merr parasysh disa elemente te rendesishem sic eshte psh korupsioni dhe ekonomia e zeze apo infrastruktura.Nje rritje ekonomike e shkaktuar nga korupsioni nuk tregon qe shteti eshte efektiv dhe eficent.