Medin Zhega

[Brari]

Ish-trajneri Medin Zhega lufton me vdekjen në Spitalin Nr.5




TIRANE- Ish-trajneri i kombëtares shqiptare Medin Zhega ësh të transferuar pak ditë më parë nga Kanadaja për në spitalin Nr.5 të Tiranës, në repartin e neurokirurgjisë. Gjendja e tij mësohet se është tepër e rëndë dhe se ai vazhdon të luftojë me vdekjen, ndërkohë që familjarët janë duke i qëndruar te koka ditë natë.

Zhega mësohet se është transferuar nga Kanadaja në fund të vitit 2011, me një avion special, për të mos shkaktuar komplikacione të mëtejshme. Ai pësoi një goditje cerebrale në muajt e verës, duke u rrëzuar në vaskën e shtëpisë në Kanada.

Edhe pse u dërgua me urgjencë në spitale shumë të specializuara, ai mbeti në gjendje të rëndë dhe ende sot nuk arrin të flasë apo të përmendet. Medin Zhega ka qenë lojtar i kombëtares dhe trajner i saj për disa vjet.

(ma.ar/GSH/BalkanWeb)


-




I Urojme sherimin Futbollistit te shquar Medin Zhega !

[stern]

Ishallah behet me mire dhe del nga coma

[MaDaBeR]

Edhe une uroj qe te sherohet sa me shpejt e te behet sa me mire. Megjithese sipas atyre qe lexova ne shtypin e perditshem, behej fjale per nje gjendje qe nuk mund te rikthehet me

Sipas zv. Ministrit te MTKRS, Zhega, pasi te shihte e te njihte, fillonte te lotonte pasi nuk mund te flase dot.

Stern, nuk eshte ne gjendje koma, por nuk flet dot si pasoje e paralizes qe i eshte shkaktuar nga hemoragjia cerebrale.

[angmokio]

Kam respekt te vecante per Medin Zhegen , i uroj sherim sa me te shpejte.

[{A_N_G_E_L_69}]

Ishallah Zoti ben qe te sherohet serish.

[Brari]

ka ndonji te re nga gjendja e Zheges?

kush nga ju e ka pa Din Zhegen tu lujt Futboll?

.

[Endri_]

I Uroj sherim te shpejte Zheges.

Nuk me harrohet ndeshja ne leverkusen ,kur shqiperia barazonte 1-1 me gjermanine deri pak min para fundit, dhe qe Medini qendroi nga fillimi deri ne fund ne ate shi te rrembyshem duke i dhene lojtarve detyra taktike pa fund.

[[PaRTiZoNi]]

Ndahet nga jeta Medin Zhega


U nda nga jeta në moshën 66-vjeçare, ish-futbollisti dhe ish-trajneri i kombëtares shqiptare të futbollit, Medin Zhega.

I ndjeri Zhega ndërroi jetë në Qendrën Spitalore Universitare Nënë Tereza në Tiranë ku ishte shtruar prej disa muajsh për kurim, pas incidentit të pësuar në Kanada ku ndodhej në një udhëtim personal.

Mehdin Zhega, lindur më 31 janar të 1946-ës në qytetin e Shkodrës, nisi karrierën si futbollist i Vllaznisë. Pas spikatjes me uniformën kuqeblu, Zhega kalon me skuadrën e Dinamos të Tiranës, për t’u rikthyer sërish për të mbyllur karrierën e futbollit të luajtur me skuadrën e vendlindjes së tij, Vllazninë.

Më pas Zhega iu përkushtua sërish futbollit, por këtë herë si trajner. Kulmi i karrierës së tij si trajneri ishte marrja e drejtimit të kombëtares shqiptare në vitin 2000. Një vit më vonë largohet nga detyra e trajnerit të kombëtares.

Medin Zhega është nderuar me urdhërin “Mjeshtër i Madh i Punës” nga Presidenti i Republikës.

Top Channel

[MaDaBeR]

Humbje e madhe per futbollin Shqiptar dhe familjaret e tij. Ngushellime!

[milanistja_el]

Iu prehte shpirti ne paqe. Ngushellime per familjaret dhe per te gjithe sportedashesit shqiptare per humbjen e nje figure kaq te ndritur e te respektuar.