Presidenti Turk Abdullah Gul fjalim ne parlamentin Anglez

[Marmara]

Presidenti Turk Abdullah Gyl fjalim në Parlamentin Anglez




Gyl nder te tjera tha: "Bota po kalon në një tranzicion historik. Rendi i vjetër është gati duke u ndryshuar që nga Afrika në Azi dhe që nga Evropa në Lindjen e Mesme."

E enjte 24 Nëntore 2011 21:50
Presidenti Abdullah Gyl në fjalimin e mbajtur në Parlamentin e Anglisë, theksoi rëndësinë e bashkëpunimit në këtë proces kritik, ku ndodhet e përfshirë e gjithë bota sot.
Gyl tha: "Bota po kalon në një tranzicion historik. Rendi i vjetër është gati duke u ndryshuar që nga Afrika në Azi dhe që nga Evropa në Lindjen e Mesme."
Me Pranverën Arabe në rajon ka filluar procesi i paevokueshëm i demokracisë, tha Presidenti dhe rikujtoi se edhe qeverisë së Sirisë i kanë bërë thirrje me dhjetëra herë, që ti vërë veshin kërkesave të popullit të saj.
Presidenti kritikat e tij të ashpra në lidhje me marrjen e presidencës së radhës së BE-së nga ana e pjesës greko-qipriote të Qipros, i vazhdoi në Parlamentin e Anglisë.
Gyl u shpreh me këto fjalë: "Marrja e drejtimit të radhës së BE-së në pjesën e parë të vitit 2012-të nga qeveria gjysmake e Qipros, tregon dobësinë e palës së BE-së. Fakti që Be-ja këtë gjë e shikon si diçka normale, ka bërë që edhe pala greko-qipriote të mos kërkojë më gjetjen e zgjidhjes gjithëpërfshirëse në ishull. Jam i shqetësuar sepse në këto kushte mund të fillojë një proces i pazgjidhshëm, pa fund e pa krye, që do ta kthejë tërësinë e Qipros në diçka plotësisht të pamundur. Të gjithëve do tu duhet të pranojnë herët ose vonë pasojat e këtij procesi. Be-ja mund ta parandalojë lindjen e një situate të tillë vetëm me anë të tregimit të vendosmërisë politike."
Një pyetjeje të një parlamentari anglez në lidhje me marrëdhëniet Turqi-BE, Presidenti Gyl ju përgjigj duke thënë se pavarësisht se Turqia është vendi që po zhvillohet me më shumë shpejtësi në Evropë, në dy vitet e fundit nuk është hapur ende asnjë kapitull i ri negociatash. Presidenti tha gjithashtu se në fund të procesit, po aq sa vendet e Evropës, do të jetë edhe populli turk që do të vendosi nëse do të anëtarësohet apo jo në Bashkimin Evropian.
Anglia shtroi një tjetër darkë madhështore dhe tepër speciale për Presidenti e Republikës së Turqisë.
Kryetari i Shtetit, Abdullah Gyl dhe Zonja e Parë e Turqisë, Hajrunisa Gyl, të cilët morën pjesë në darkën e organizuar për nder të tyre nga Bashkia e Londrës, u pritën me një ceremoni tradicionale.
Në darkë ishin të pranishëm rreth 700 të ftuar, mes të cilëve anëtarë të familjes mbretërore dhe shumë biznesmenë.
Ceremonia e darkës madhështore në Londër filloi me një pritje të veçantë përpara Pallatit të Bashkisë.
Kryetari i Bashkisë së Londrës dhe bashkëshortja e tij, mysafirët e tyre të nderit i pritën me lule në hyrje të godinës.
Në sheshin e ceremonisë, ku ishte e pranishme edhe garda e nderit, fillimisht u ekzekutua himni i flamurit.
Më pas Presidenti Abdullah Gyl përshëndeti dhe inspektoi gardën e nderit.
Në fund të ceremonisë mikpritësit dhe të ftuarit pozuan për fotografinë e rastit dhe kaluan në darkë.
Tepër interesant ishte edhe fillimi i kësaj darke, ku ishin të ftuar rreth 700 vetë.
Çifti Gyl hyri në sallën e darkës nën shoqërinë e muzikës dhe u ulën në tavolinën e tyre mes duartrokitjeve të mysafirëve.
Atmosfera madhështore e Pallatit të Bashkisë u bë edhe më magjepsëse nga tingujt e muzikës.
Studentët e Konservatorit të Muzikës dhe Dramës "Guildhall" interpretuan këngën e kompozuar për Sulltan Abdulazizin, gjatë vizitës që ky i fundit kishte realizuar gati një shekull e gjysmë më parë në Britaninë e Madhe.
Fjalimin e parë në këtë darkë, që kaloi nën një atmosferë tepër të ngrohtë dhe miqësore, e mbajti Kryetari i Bashkisë së Londrës, Deivid Vuton.
Pasi tërhoqi vëmendjen mbi ekonominë në rritje të Turqisë, Deivid Vuton u shpreh tepër i kënaqur që iu dha rasti të mirëpresë çiftin Abdullah dhe Hajrunisa Gyl.
Ndërsa Presidenti i Republikës së Turqisë, Abdullah Gyl, gjatë fjalimit të tij theksoi se është koha e duhur për zhvillimin edhe më shumë e marrëdhënieve ekonomike mes dy vendeve.
Pritet që çifti Gyl të kthehet në Ankara në orët e mbrëmjes

[Korbi999]

Besoj se dite me te mira po vijne per Europen.