Femra përball Judaizmit - Krishterimit dhe Islamit

[Marmara]

Shekullin në të cilin po jetojmë shumë flitet për të drejtat e njeriut dhe thirret në mbrojtjen e tyre, por fatkeqësisht është koha kur më së shumti po ndihet mungesa e tyre, kjo pasi që ata të cilët i shkelin ato qëndrojnë në pozicionin e mbrojtësit të këtyre të drejtave e posaçërisht të drejtat e femrave të cilat pothuajse e përbejnë gjysmën e popullsisë, duke i llogaritu si jo të trajtuara mirë.

Përendemi kur flet për të drejtat e femrave duke u bazuar në mësimet fetare, Islamin e shohin si një simbol i nënshtrimit të grave. Dhe për të kuptuar më mirë këtë ide e cila po shtohet përditë e më shumë, shikoni mënyrën se si trajtohen myslimanet që veshin mbulesë, ku për një shami koke i mohohet e drejta e shkollimit duke thirrur në mbrojtjen e të drejtave të tyre i mohohet e drejta kryesore e arsimimit, dhe për fat të keq kjo traditë tani po ndiqet edhe në vendin ton në Kosovë.
Kjo ndodhë kur shkelësi i të drejtave njerëzore ndodhet në ulësen e mbrojtësit, dhe qëndron pengesë për ato vajza që të kryejnë të drejtën e arsimit.
Në këtë vit shkollor kur disa drejtor ndalonin hyrjen në shkollë të nxënësve me shami kinse se atyre po u cenohen të drejtat e tyre nga islami të kujton ngjarje te hidhura nga e kaluara historike, kur George Wallace i Albamas më 1962 i pengonte studentet e zinj të hynin në shkollë me qellim ndalimin e desegrimit në shkolla.

Me këtë shkrim do të mundohem që të bëjmë një pasqyrim se çka u ofrojnë Judaizmi, Krishterimi dhe Islami grave? A mos Judaizmi dhe Krishterimi u ofrojnë një trajtim me të mirë se Islami?
Lusim Zotin xh.sh që të na ndihmoj të themi të vërtetën dhe ta dëshmojmë të drejtën pasi jemi të obliguar nga Allahu xh.sh i Cili në Kur’an ka thënë : “O ju që besuat, vazhdimisht të jeni dëshmues të drejtë (për hir) të Allahut, edhe nëse është kundër jush, kundër prindërve ose të afërmve tuaj, qoftë (kundër) pasanikut, apo të varfrit ....” (Nisa:135)
Dihet se të tria fetë përputhën në atë se janë fe monoteiste si dhe kanë edhe gjera tjera që përputhën, por ka edhe plot gjera që nuk mundë të gjejnë përputhshmëri. Ajo që përputhën është në krijimin e racës njerëzore se edhe burrat, ashtu dhe grat janë krijuar nga Zoti xh.sh. Por, menjëherë fillojnë mospajtimet, pasi Judaizmi dhe Krishterimi menjëherë në gabimin e par të njeriut ata fajin ia hodhën femrës. Evën ose Haven e fajësojnë se ajo e nxiti Adamin (Ademin) që të hante nga pema e ndaluar ku si pasoj e saj femrat kanë dhimbje në shtazani, dhe burri do te sundoj mbi to, poashtu ata do te kenë punë të rënda në tokë pasi dëgjoj gruan Adami, këtë mund ta gjeni në Bibël (Gjeneza 3: 12-7)
Ndërsa në Kur’an thuhet: “Kurse ti, o Adem, dhe gruaja jote banoni në xhenet dhe hani ku të doni, por këtij druri mos iu afroni e të bëheni mëkatarë.
Dhe djalli filloi t’u bëjë lajka që t’ua zbulonte pjesët e turpshme që ishin të mbuluara dhe tha: Zoti juaj jua ndaloi ju të dyve këtë pemë vetëm që të mos bëheni engjëj, ose prej të përjetshmëve. Dhe iu betua se ishte këshilluesi i tyre i sinqertë. Atëherë me mashtrim i zbriti në nivel të palakueshëm. E kur e shijuan pemën, vendturpi i tyre u zbulua dhe ata filluan ta mbulojnë atë me gjethet e xhenetit. Zoti i tyre i thirri: A nuk jua ndalova ju dyve atë pemë dhe a nuk ju thashë të dyve se shejtani është armik i hapët për ju? Ata thanë : Zoti ynë, ne i bëmë padrejtësi vetes sonë, e në qoftë se Ti nuk na mbulon mëkatin dhe nuk na mëshiron, me siguri do të jemi prej të shkatërruarve.” (S. A’raf:19-25)
Kësisoj nëse i krahasojmë këto dallime në mese Biblës dhe Kur’anit do të shohim se njëra nxitë ulje dhe urrejtje të femrat, kjo pasi burrat lodhjen e tyre në punët e kësaj bote i ndjejnë si pasoj të gruas pasi Bibla ashtu ua mëson, dhe fajësohet se dhimbjet e shtatzënisë janë si faj i Eves (Hava) .
Ndërsa Kur’ani na mëson se në këtë faj jemi të barabartë dhe Hava(Eva) nuk është shkaktare e punëve të rënda te burrit po as dhimbjeve të mëdha të shtatzënisë, kësisoj nuk nxitë urrejtje ndaj femrave.
Pas këtij imazhi të dhëne në Dhiatën e vjetër dhe të ren (Biblën) për Evën ose femrat si trashëguese të saj si një dinake dhe mashtruese ato në traditën e Judaizmit dhe Krishterimit femrat nuk janë të denja t’u besohet.
Pastaj në një pjesë tjetër të literaturës së Judaizmit që ndodhet në Biblën Katolike thuhet: “Asnjë ligësi s’i afrohet kund ligësisë së një gruaje... Mëkati filloi me gruan dhe falë saj të gjithë duhet të vdesim.” (Sirahu,25:19,24)
Këto qëndrime rreth femrës mes Biblës dhe Kur-anit tregojnë qartë se cili vërtetë mbron të drejtat e femrës, kjo pas që nuk mund të gëzoj të drejta dikush që nuk është i dëshiruar, femra tek Katoliket është e pa dëshiruar kjo shihet qartë në këtë citat të Biblës ku thuhet: “Lindja e një femre është një humbje.”(Sirahu,22:3)
Pasta citati tjetër: “...ajo do të shpërdorojë çdo butësi që i jepet. Mbani vëzhgim strikt mbi syrin e saj të paturp, e mos u çudisni nëse ajo ju turpëron,”(Sirahu, 26:10-11)
“Burri të sundoj mbi gruan....” (Zanafilla 3:16)
“Kreu i gruas është Burri...” (Korintasve 11:3)
“Njeriu mund ta shes vajzën e tij...” (Ekzodi 21:7)
Ndërsa Islami femrën e ngriti në pozitën e barabartë me gjininë e kundërt në Kur’an thuhet: “... Ai krijon çfarë dëshiron; Ai i dhuron bija kujtdo që dëshiron e i dhuron djem kujtdo që dëshiron.”(Ash-Shura:49)
Ndërsa Muhammedi a.s në një Hadith përgëzon ata që rrisin vajza: “Kushdo që rrit dy vajza derisa të arrijnë pjekurinë, ai dhe unë do të vijmë në Ditën e Gjykimit kështu” – dhe ai lidhi dy gishtat e tij.(Transmeton Muslimi)

Pastaj nuk ndalet me kaq dallimi në qëndrimet që kanë Judaizmi, Krishterimi dhe Islami ndaj femrës, dhe sigurisht dej me tani shihet se si dy të parat kanë qëndrim të vrazhdë dhe fyes ndaj femrave, ndërsa Islami që njihet në perëndim si izoluesi i fermave shihet qartë se ajo është vetëm një propagandë për të gjithë ata të cilët nuk janë njohës të Islamit dhe qëndrimeve të tij ndaj femrave dhe duke qenë i vetmi që mbron pozitën e merituar të femrës në shoqëri duke i dhënë lirit dhe të drejtat që para islamit as që ka mundur ti ëndërrojë.
Duke vazhduar të zbulojmë mbrojtësin e të drejtave të femrave dhe shkelësin e tyre do të ndalemi të shikojmë se cila nga fetë lejon dhe përkrah shkollimin e femrës dhe cila ndalon dhe mohon këtë të drejtë. Kur dihet se femra ka rolin kryesor në edukimin e fëmijëve.
Judaizmi sipas Denise L. Carmodz, Judaism”, in Arvind Sharm, cit., fq 197. Se sipas Talmudit, “Grat përjashtohen nga studimi i Teuratit.” Disa Rabin çifutë pohuan prerazi: “Më mirë le të shkatërrohen nga flaka fjalët e Teuratit sesa t’u përcillen grave.”
Ndërsa Shën Pali në Dhiatën e Re: “Sikur edhe në të gjitha grumbullimet e shenjtorëve, gratë le të heshtin nëpër kisha. Atyre nuk u lejohet të flasin por duhet të jenë në nënshtrim, siç thotë Ligji. Nëse duan të pyesin për diçka, ato duhet t’u drejtohen burrave të tyre në shtëpi: sepse është paturpësi për një grua të flasë në kishë.” (Korintiansve I, 14:34-35)
Në Kur’an Allahu ka zbrit një kaptinë të tërë për shkak të një debati që bëri një grua me Muhammedin a.s rreth burrit të saj, kjo sure është kaptina e 58 që titullohet el-Muxhadileh (Ajo që po debaton).
“Vërtet, Allahu dëgjoi dhe pranoi fjalën e asaj që debatoi me ty lidhur me burrin e vet (e) që u ankua te Allahu; prandaj Allahu dëgjoi debatimet midis ju dyve, sepse Allahu dëgjon çdo bisedë dhe sheh çdo punë...” (el-Muxhadileh: 1)
Nëse një grua ka të drejt të debatoj me vetë Muhammedin a.s , atëherë askush s’ka të drejtë t’i mësojë asaj të heshtë. Ajo s’është nën asnjë detyrim për ta konsideruar të shoqin si të vetmen referencë në çështjet e ligjit dhe fesë pasi që ajo gëzon të drejtat njësoi si burrat.
Islami femrës i ofroj të drejta të cilat e ngritën atë nga niveli më i ulet që e vendosen shoqëritë para Islame, dhe i ofroj në mbrojtje të cilën nuk i kishte ofruar asnjë fe më herët psh: të krahasojmë qëndrimin e Islamit në mbrojtjen e femrës nga përgojimi, Allahu xh.sh në Kur’an thotë: “Dhe ata që bëjnë shpifje për gratë e ndershme dhe nuk sjellin katër dëshmitarë, rrahin me nga tetëdhjetë goditje dhe atyre mos ua pranoni dëshminë më kurrë. Të tillët janë të pabesueshëm.” (an-Nur:4)
Ndërsa dënimi i ati që përdhunon një femër sipas Biblës është ky: “Nëse një burrë ndodh të takojë një virgjëreshë që s’është dakord të martohet me të dhe e përdhunon atë e ata e zbulojnë, ai duhet t’i paguaj babait të vajzës pesëdhjetë shkele argjendi. Ai duhet të martohet me vajzën, sepse ai e ka dhunuar atë. Ai s’mund ta divorcojë atë për sa kohë të jetë gjallë.” (Deuteronomi 22:28-30)
Edhe pse sipas Biblës ky llogaritet dënimi i merituar për një dhunues, faktikisht ai nuk u dënua, por vetëm arriti qëllimin e tij që ta martoj, ndërsa ajo që u dënua dyfish është femra e cila përpos dëmit që i solli dhunimi ajo do të vuaj tërë jetën e saj pasi edhe do të martohet me të pa të drejt shkurorëzimi.
Për fund duke bërë thirrje që pozicioni i mbrojtësit dhe shkelësit e të drejtave të grave të jenë në vendet e tyre të merituara, dhe që femrat ti gëzojnë këto të drejta që Zoti ua siguroj askush nuk ka kompetencë t’ua mohoj dhe ndaloj ato. Edhe pse sot perëndimi thirret në atë se mbron dhe u ofron liritë e merituara femrave që realisht ato janë vetëm fjalë të cilat realisht nuk po duken, ku femrat sot janë shndërruar në mjet të reklamimit dhe argëtimit të meshkujve.
Për fund duke shpresuar që Islami nuk do të vështrohet si një traditë rivale ndaj Judaizmit apo Krishterimit. Ai duhet pranohet si përsosja, përfundimi dhe përkryerja e mesazheve hyjnore që ishin shpallur para tij.


Faruk Hoxha