New York – Alan Meltzer, një manjat i njohur i industrisë diskografike ka lënë trashëgim 1.5 milionë dollarë për rojen dhe shoferin e rezidencës ku jetonte.
Sipas mediave amerikane, pas vdekjes së 67-vjeçarit është gjetur testamenti i tij, sipas të cilit 1.5 milion dollarë i kalonin në trashëgimi shoferit të tij dhe rojes të godinës në banesën e tij në lagjen Upper East Side.
Shoferi 54-vjeçar Jean Laborde, babai i pesë fëmijëve, ka trashëguar prej tij 1 milion dollarë, ndërsa roja besnik prej 15 vitesh, Chamil Demiraj trashëgoi 500 mijë dollarë.
Ky lajm ka filluar të përhapet si virus nëpër mediat më prestigjioze, pasi gjesti i mogulit Meltzer i ka prekur shumë njerëzit.
Ajo çfarë na e ka bërë neve lajmin edhe më interesant është emri i rojes në banesën e tij; një mbiemër tipik shqiptar dhe një emër që po ta përkthesh në shqip është Qamil Demiraj. Të dhëna të tjera mbi të, për të vërtetuar nëse bëhet fjalë për një shqiptar apo jo, nuk mundëm të gjenim; por sido që të jetë, dy punonjësit e lartpërmendur duhet të kenë qenë njerëz të mirë, përderisa kanë fituar këtë trashëgimi prej tij.
Alan Meltzer në vitin 1997 themeloi shtëpinë diskografike dhe ka pasur një rol shumë të rëndësishëm në popullarizimin e hard-rock-ut në fund të viteve ’90. Mes grupeve më të famshëm që kanë kaluar në duart e tij janë Creed dhe Evanescence. (LajmeShqip.com)
Përgjigju Duke Cituar
Postuar më parë nga Duaje Siveten
Krijoni Kontakt