Rreth prejardhjes se antroponimeve Filip dhe Aleksander

[fegi]

Ilirologu gjermanAnton Mayer-i sipase ti antroponimi Ippius-Hipp(i)us ishte ilir dhe duke treguar edhe se ku shfaqet ne Siujdhese Ilire p.sh. "Ippius(hipas) dhe hipp(i) ne Cetina ne Mal te Zi apo te Dalmatet ilir antike. "


Autori i Lajmit: Ornela Manjani
Aleksandri i Madh është shqiptar. Në këtë përfundim ka dalë profesor doktor Rezhep Doçi, pas një studimi rreth prejardhjes së antroponimeve Filip e Aleksandër që nga paraantika pellazge dhe deri më sot. Sipas një studimi të detajuar të Doçit, rezulton se Aleksandri i Madh i Maqedonisë, nuk është as grek dhe as maqedonas, por shqiptar. Dokumentet janë bërë publike dje në Konferencës e Parë Botërore mbi Qytetërimin Pellazg të organizuar nga Qendra e Studimeve Pellazgjike. Doçi pohon se puna e tij në fushën e onomastikës i ka kushtuar plot 36 vjet. Sipas tij, për sa i përket anës historike, sipas studimit të Brotoljub Kaljiqit, Filipi i Maqedonisë ka sunduar prej vitit 359-339 para erës sonë dhe se ka themeluar qytetin me emrin e tij Filip në Trakinë maqedonase. Mësojmë gjithashtu se historikisht, si pasardhës ishte i biri i tij, Aleksandri i Maqedonisë. Ndërsa në lidhje me anën gjuhësore studiuesit kroatë Petar Shimunoviçi dhe Mate Shimundiçi, na japin disa të dhëna gjuhësore dhe kuptimore për antroponimin e Filipit, të cilat mendohet se janë me peshë edhe për gjuhën tonë shqipe. Në një analizë të plotë në lidhje me rrënjët e emrave Filip dhe Aleksandër, del që ata e kanë prejardhjen nga gjuha shqipe.
Studimet
Në vitin 356, në një mbrëmje korriku, në qytetin Pella të Maqedonisë, u lind një foshnjë, që njëzet e dy vjet më vonë, do të pushtojë Azinë dhe do të shkatërronte shtetin e pafund, të pasur dhe të plotfuqishëm të persianëve. Kjo foshnjë ishte Aleksandri i Madh.
Kjo datë ka mbetur e fiksuar, sepse atë natë u dogj tempulli i njohur i perëndeshës Diana të Efesianëve. Plutarku shkruante se të gjitha falltaret e Efesit, pasi vështruan rrënojat e tempullit, rendën nëpër rrugë duke thirrur: "Ky ishte sinjali i lindjes së atij që do të shkatërronte të gjithë Azinë". I njohur ndër shqiptarët si Leka i Madh, Aleksandri ka qenë biri i mbretit Filip II të Maqedonisë dhe i gruas së tij të katërt, princeshës epirote – Olimpisë, e cila konsiderohet si njëra ndër gratë më të shquara të Antikitetit. Në vitet 331-317, në kohën kur erdhi në fron një kushëri i saj, Aikidi, Olimpia u bë bashkësunduese me të në fronin e Epirit.
Leka nxënës
Aleksandri trashëgoi virtytet e të dy prindërve. Ishte mesatar në shtat, me flokë kaçurrel, me sy të bukur dhe një fytyrë të qetë e serioze njëherësh. Por ajo që e karakterizonte më tepër ishte zgjuarsia dhe trimëria. Këto dy virtyte i rrëfeu që në moshë shumë të vogël. Ashtu si Napoleoni, Aleksandri ishte disi i shkurtër, biond, me një çehre të kuqërremtë në fytyrë dhe, sipas historianëve, njërin sy e kishte të zi si nata dhe tjetrin të kaltër si qielli.
Djalë i mbretit Filip II i Maqedonisë dhe princeshës Myrtale (Mietale), që pas martesës u quajt Olimpia, e bija e Neoptolemit të Epirit. Nga e ëma, ishte shumë i bukur, ai kishte fituar karakter të fortë sundimtari, kurse nga Aristoteli, mësuesi i tij maqedonas, dijen dhe kulturën mbi qytetërimet e vjetra. Ai e kaloi edhe një pjesë të fëmijërisë së tij, te daja në Epir.