S’të pata njohur

[astrotarot]

S’ T Ë P A T A N J O H U R

Një ditë do të tregoj pse të thirra
Do të kuptosh se korridoret qenë të përlyera
Nga lëngu i puqrrave të shtrydhura të lavireve
Gërshërët me gjak ishin të menstruacioneve
Që pate mu në kohën kur doja të të sakrifikoj
Rreth zjarrit të purpurtë

Një ditë do ti përshpëris disa të shara të vogla
Por nuk do të të mallkoj assesi
Ti je mllefi i varrezave të së sotmës
Puthjet e ithta do ta mbijetojnë
Stuhinë vdekjeprurëse
Kam frikë se do të kthehen prapë
Të na helmojnë të tashmen
Do të na bëjnë ta puthim kryqin e dreqit përsëri

A të vij tek ti, të përkulem
Të kërkoj mëshirë për krimet e bëra
Do të mundohem të të nxjerr nga kafazi
Që kishte qenë i mbushur
Me spermën e mëkatarëve të regjur të antikës
Pa ndihmën tënde do të jetë kot

Të gjitha qenë gabime që nuk falen
Këtë nuk e kam ditur
Deri në ditën kur ta thitha si fëmij
Gjirin tënd të bardhë loçkë.

LEOPARD CANA 26.09.1999

[astrotarot]

B A L L O J A

Pse nuk i zhvesh ato lot më?
Nuk të përshtaten për trupi
Është në modë vetulla jote e ngritur
Ajo të ka hije ty
Është mbretërore
I bën tjerët ta veshin kostumin e funeralit

E sheh atë greminë atje larg
Ato karroca, tavolina
Ato turma njerëzish
Vetëm për mua dhe gojën tënde janë mbledhur

Pra :”Enjoy the fucking party”.

LEOPARD CANA 31.08.1999

[astrotarot]

B U K U R O S H Ë S

Më thuaj që më do lavire
Thuam që më ke të vetmin në botë
E sheh veten si je bërë

Ti e di mirë se askush nuk do të dashurojë
Në mënyrat e mia
Nuk do të mund të durojnë si unë
Atë gojë si çorapë askush s di ta puth si unë
Atë gojë plot zjarr e lëng

Prej tjerëve s ke çka pret
Do të të mbyllin brenda katër mureve
Dhe do të rrahin, fërfëllojnë, shkulin e dhunojnë
Do të vdisje atje ende pa gdhirë
Kështu trajtohet vetëm egërsira
Durimi yt do ta arrinte kulmin
Ti je vetëm një kafshë e butë
Nuk do të kishin mëshirë ndaj teje

Prapë do të më ktheheshe në bazë
S do të kishe para kujt ti zhvishje bregët
Kjo do të mungonte dhe ja ku jam ta bësh atë
Të të shoh lakuriq para syve të mi
Të të shoh kur unë jap urdhër
Ta shoh se si dridhesh nga të ftohtit

Do ti lagja flokët tua e ti bëj qull
Të qaraveshur të dua, të mërdhirë
Për së afërmi të të shiqoj në ty
Ta lëpij çdo milimetër të lëkurës tënde
Gjersa të qulloset nga pështyma ime
E të vezullojë

Thuaj botës e më thuaj edhe mua
As vdekja s do të na ndajë
Thuaj gjithçka derisa të më bëhesh monoton

Një ditë do të të bie me sakicë në kokë
E të të fus në varr
Tjerët mos të quajnë më. . . . . .
Por do të të thonë kufomë
Diç që nuk zgjohet më përjetë

Ndoshta do të shëmtohet bukuria jote
Por nuk do t ia shoh për të madhe
Nuk do të kishe gjasë ta doje tjetërkënd
Do të mbeteshe pranë meje përgjithmonë

Mos u frikëso
Ti këtë nuk e meriton, apo jo…
Ende jo!!!

LEOPARD CANA 30.04.1999