Kolesteroli

[strong_07]

Mund te me jap donje mjek ne forum disa te dhena ne lidhje mme statusin lipidik ne shqipri perqendrimin e Holesterolit dhe triglicerideve ne moshe te caktuar dhe gjini poashtu edhe ndikimi te duhan piresit dhe jo duhanpiresit ?

me jipni donje te dhen ne lidhje me ket ma tregoni donje statistik ne lidhje me ket

[davidd]

shife iher kete ne anglisht
http://en.wikipedia.org/wiki/Colesterol

[Enii]

Ne Shqiperi hane shume yndyre , brumera dhe mish ... nese i eviton keto , ulet kolesteroli pa problem .. sa me pak yndyre , sa me shuem fruta perime dhe mish ne moderim .. me shume peshk e pule .

[Xhuxhumaku]

Pershendetje,

te dashur mjeke, biologe, kimiste te forumit.

a mund te me shpjegoni dot procesin e formimit te kolesterolit ne trupin e njeriut.

pasi kam degjuar se fundmi edhe nje teori qe kolesteroli vete s'esthe i demshem per njeriut, por multinacionalete farmaqeve, per te shitur ilacet e ndryshme, per uljen e tij, kane nxjerre teorine qe kolesteroli eshte i demshem.

duke qene se 80% e kolesterolit formohet ne trupin e njeriut, pra nese e ke 250, athere i bie qe i kolesterol 200 krijohet nga trupi. pra je mbi kufirin qe eshte te thuash i mire.

flm paraprakishte per ndihmen qe do me jepni

[loneeagle]

Shkaktarët kryesorë të sëmundjes janë gjenet dhe stili i jetesës

Kolesteroli, çfarë duhet të hani

Kolesteroli është substancë lipidike (e yndyrshme) e domosdoshme për organizmin. Ai ndihmon në fabrikimin e çdo qelize e gjithashtu në fabrikimin e hormoneve dhe shumë substancave të tjera. Por rritja e përqindjes së kolesterolit në gjak (hyperkolesterolemiesë) mund të jetë shumë e dëmshme për organizmin. Kolesteroli fabrikohet në mëlçi, por ne e marrim dhe nga ushqime të ndryshme si psh veza, djathi, qumështi, mishi, të brendshmet e kafshëve si mëlçitë, zemra e të tjera. Rritja e përqindjes së kolesterolit në gjak përbën faktorin kryesor të sëmundjeve të artereve, kryesisht të zemres. Kolesteroli është një faktor gjithashtu i aksidenteve vaskulare cerebrale dhe i sëmundjeve trombo-embolike.

Arteroskleroza
Kur përqindja e kolesterolit në gjak ngrihet, formohen disa grimca yndyre, që ngjiten në faqet e artereve, këto grimca formojnë një shtresë yndyre, që vjen nga dita në ditë duke u zmadhuar,që sjell si rrjedhojë zvogëlimin e diametrit të artereve deri në bllokimin total të tyre. Bllokimi i artereve nuk lejon më qarkullimin e gjakut. Kur gjaku nuk ka më mundësi të qarkullojë, qelizat e këtyre artereve vdesin nga mungesa e oksigjenit dhe elementeve ushqyese. Në këtë raste, mund të kemi sipas arteries të bllokuar, infarkt të miokardit, kur bllokohen arteret e zemrës, aksidente vaskulare cerebrale, që mund të shoqërohen me hemorragji të brendshme, kur bllokohen arteret e trurit ose afeksion të gjymtyrëve inferior.

Përqindja e kolesterolit
Idealja është më pak se 2 gram për 1 litër gjak, ndërkohë që limiti është 2 gram deri në 2.5 g për 1 litër gjak. Tepër e lartë është kur kalohet 2.5 g për 1 litër gjak. Për të ulur përqindjen e lartë të kolesterolit nuk duhet të pini cigare, dhe nëse pini, mundoheni ta ulni numrin e tyre deri sa ta ndaloni krejtësisht. Merruni me ushtrime fizike në mënyrë të rregullt. Mbani një peshë ideale (pesha ideale është ajo që keni pasur kur keni qenë 25 vjeç), kujdes me alkoolin, mundohuni të mos konsumoni shumë yndyrnat, favorizoni zarzavatet dhe frutat. Favorizoni më tepër konsumin e peshkut se sa të mishit. Përdorni më shumë vajin e ullirit se sa gjalpin në përgatitjen e vakteve. Kujdes me ëmbëlsirat e ndryshme, sepse bëhen gjithnjë me shumë vezë, po ashtu duhet të largoni nga ushqimet tuaja gjalpin, djathin sallamet e ndryshme.

Gjenet
Nëse pavarësisht dietës dhe aktivitetit fizik, nuk arrini të mbanin nën kontroll nivelin e kolestrolit të keq, duhet të dini se faji nuk është i stilit tuaj të jetesës, por i gjeneve tuaja. Në fakt, një grup studiuesish të koordinuar nga Paul Williams i "Berkeley Lab's Life Sciences Division" ka zbuluar se gjenet luajnë një rol të rëndësishëm në stabilizimin e kolesterolit të keq në gjak dhe disa individë duhet të lodhen më tepër se të tjerët, sepse janë më të ndjeshëm ndaj hiperkolesterolaminës. Studimi duket se ofron një motiv për faktin se disa prej nesh kanë fatin e keq të kenë nivelin e kolesterolit të lartë, edhe pse qëndrojnë mjaft të kujdesshëm ndaj gjithçkaje që hanë, ndërsa të tjerë mund t'i lejojnë vetes shkelje rregullash, pa krijuar probleme me akumulimin e yndyrnave të dëmshme për organizmin. Studiuesit kanë vëzhguar të dhënat e 28 çifteve binjakësh identikë, me përputhshmëri gjenetike, por me stile jete të ndryshme, për të vlerësuar peshën e gjeneve dhe sjelljet mbi nivelin e lipoproteinave me intensitet të ulët (LDL) shkaktare për prodhimin e kolesterolit të keq, mjaft të dëmshëm për shëndetin kardiovaskular.

Si ulet kolesteroli

1- Për të ulur përqindjen e lartë të kolesterolit nuk duhet të pini cigare dhe nëse pini mundoheni ta ulni numrin e tyre deri sa ta ndaloni krejtësisht
2- Merruni me ushtrime fizike në mënyrë të rregullt. Mbani një peshë ideale (pesha ideale është ajo që keni pasur kur keni qenë 25 vjeç)
3- Kujdes me alkoolin, mundohuni të mos konsumoni shumë yndyrnat, favorizoni zarzavatet dhe frutat.
4- Favorizoni më tepër konsumin e peshkut se sa të mishit.
5- Përdorni më shumë vajin e ullirit se sa gjalpin në përgatitjen e vakteve.
6- Kujdes me ëmbëlsirat e ndryshme, sepse bëhen gjithnjë me shumë vezë, po ashtu duhet të largoni nga ushqimet tuaja gjalpin, djathin sallamet e ndryshme.

Kolesteroli

Dieta me përqindje të ulët yndyre ul kolesterolin
Ekspertët i kanë nënshtruar vullnetarët ndaj dy tipe dietash alternative, një me përbërje të ulët yndyrnash dhe një që përmbante shumë yndyrna (që është baras me 40 për qind të kalorive totale që merr organizmi). Ekspertët kanë vënë re se duke kaluar nga dieta e parë në të dytën, niveli i kolesterolit rritej në mënyrë të pashmangshme për të gjithë çiftet e binjakëve, por ndryshe nga një çift në tjetrin.

Gjenet, të parapërcaktuara përgjegjëset
Ende nuk dihet se cilat janë gjenet që përfshihen në përhapjen e kolesterolit në organizëm, por të gjithë njerëzve u këshillohet një stil i shëndetshëm jete, regjim ushqimor të mirë dhe zbatimin e terapive të këshilluara nga specialistët, të gjitha sjelljet që janë armët më të mira ndaj hiperkolesterolaminës. Kolesteroli nuk kursen as femrat dhe as meshkujt, madje sipas studimeve, më të prekura janë femrat, pasi ato janë më të prira drejt ushqimeve me yndyrë.

Ushtrime fizike, për të ndaluar sëmundjen
Për të ulur përqindjen e lartë të kolesterolit nuk duhet të pini cigare, dhe nëse pini, mundoheni ta ulni numrin e tyre deri sa ta ndaloni krejtësisht. Merruni me ushtrime fizike në mënyrë të rregullt. Mbani një peshë ideale (pesha ideale është ajo që keni pasur kur keni qenë 25 vjeç), kujdes me alkoolin, mundohuni të mos konsumoni shumë yndyrnat, favorizoni zarzavatet dhe frutat.

Përgatiti: Blerina KACA

[broken_smile]

sasia me e madhe e kolesterolit nuk e ka prejardhjen nga ushqimi por prodhohet nga vete trupi. organet qe e prodhojne jane melcia, gjendrat mbiveshkore dhe organet seksuale. prandaj edhe ata qe kane nje menyre te ushqyeri korrekte mund te kene nivele te larta kolesteroli ne gjak, keta individe vuajne nga hiperkolesterolemia familjare, per deficience te disa lloj enzimash dhe receptoresh qe trajtojne kolesterolin. cilado te jete prejardhja, kolesteroli mbi nivelet normale eshte i demshem. pastaj ekziston ndarja ne kolesterolin e mire (HDL) dhe kolesterolin e demshem (LDL), keto i shikon tek analizat e gjakut. HDL-te transportojne kolesterolin nga periferia, pra nga indet e trupit (kryesisht arteriet, ku kolesteroli shkakton ate semundje qe quhet ateroskleroze) ku kolesteroli grumbullohet dhe krijon deme, ne melci, gjendrat mbiveshkore dhe organet seksuale. ndersa LDL-te bejne te kunderten, prandaj jane te demshme kur e tejkalojne nivelin normal.

me lart shkruajta qe kolesteroli shkakton aterosklerozen ne arteriet e trupit. ateroskleroza eshte shkaktare e disa semundjeve te rrezikshme si angina, infarkti dhe ictus. kolesteroli i tepert grumbullohet ne muret e arterieve dhe pengon fluskin e gjakut. ne te shumten e rasteve nuk eshte bllokimi i fluksit te gjakut qe shkakton infarktin por inflamacioni qe krijohet si rrjedhoje e kesaj pengese. inflamacioni shkakton prishjen/therrmimin e ketyre grumbullimeve te vogla te yndyrshme qe quhen ateroma, sidomos kur njekohesisht bashkeveprojne faktore te tjere te demshme si konsumimi i duhanit. nga keto copeza te vogla qe shperndahen ne qarkullim formohet nje mpiksje gjaku (koagulim) qe mund te zmadhohet dhe te bllokoje fluksin e gjakut ose mund te "emigroje" ne arterie te tjera duke i mbyllur edhe keto (krijon emboli)

[broken_smile]

zakonisht individeve qe kane nje perqindje te larte te LDL-ve dhe jane mbi 50 vjec ose edhe me heret kur vuajne nga semundje te tjera si diabeti, tensioni i larte, konsumues te duhanit, u keshillohet te bejne nje echodoppler te karotideve (karotidet jane arteriet qe cojne gjakun ne tru) per te pasur nen kontroll zhvillimin e ketyre grimcave te yndyrshme ne arterie.

[broken_smile]

pasi kam degjuar se fundmi edhe nje teori qe kolesteroli vete s'esthe i demshem per njeriut, por multinacionalete farmaqeve, per te shitur ilacet e ndryshme, per uljen e tij, kane nxjerre teorine qe kolesteroli eshte i demshem.

tani per sa i perket kesaj pjeses... ekzistojne mijera studime shkencore qe provojne qe kolesteroli mbi nivelet e tolerueshme (qe sigurisht grada e tolerimit ndryshon nga organizmi ne organizem ne varesi dhe te stilit te jeteses) eshte i demshem.
marr si shembull ne familjen time nga ana e babit, gjyshi ka vdekur nga infarkti, 62 vjec. gjyshja ka vdekur nga iktus, 60 vjec. babi im e ka kolesterolin e larte, edhe pse ben shume shume kujdes ne ushqim, ne rini ka qene sportist madje edhe tani ben se paku 1-2 ore ne dite aktivitet fizik, asnjehere nuk ka pire cigare. dmth e ka familjare. po ashtu edhe une e kam kolesterolin e larte. sinqerisht nuk do i thoja kurre te mos marre me ilacet qe merr per te ulur kolesterolin. pikerisht dje beri echodopplerin qe i konfirmoi prezencen e ateromave ne karotidet.

[Xhuxhumaku]

sasia me e madhe e kolesterolit nuk e ka prejardhjen nga ushqimi por prodhohet nga vete trupi. organet qe e prodhojne jane melcia, gjendrat mbiveshkore dhe organet seksuale. prandaj edhe ata qe kane nje menyre te ushqyeri korrekte mund te kene nivele te larta kolesteroli ne gjak, keta individe vuajne nga hiperkolesterolemia familjare, per deficience te disa lloj enzimash dhe receptoresh qe trajtojne kolesterolin. cilado te jete prejardhja, kolesteroli mbi nivelet normale eshte i demshem. pastaj ekziston ndarja ne kolesterolin e mire (HDL) dhe kolesterolin e demshem (LDL), keto i shikon tek analizat e gjakut. HDL-te transportojne kolesterolin nga periferia, pra nga indet e trupit (kryesisht arteriet, ku kolesteroli shkakton ate semundje qe quhet ateroskleroze) ku kolesteroli grumbullohet dhe krijon deme, ne melci, gjendrat mbiveshkore dhe organet seksuale. ndersa LDL-te bejne te kunderten, prandaj jane te demshme kur e tejkalojne nivelin normal.

me lart shkruajta qe kolesteroli shkakton aterosklerozen ne arteriet e trupit. ateroskleroza eshte shkaktare e disa semundjeve te rrezikshme si angina, infarkti dhe ictus. kolesteroli i tepert grumbullohet ne muret e arterieve dhe pengon fluskin e gjakut. ne te shumten e rasteve nuk eshte bllokimi i fluksit te gjakut qe shkakton infarktin por inflamacioni qe krijohet si rrjedhoje e kesaj pengese. inflamacioni shkakton prishjen/therrmimin e ketyre grumbullimeve te vogla te yndyrshme qe quhen ateroma, sidomos kur njekohesisht bashkeveprojne faktore te tjere te demshme si konsumimi i duhanit. nga keto copeza te vogla qe shperndahen ne qarkullim formohet nje mpiksje gjaku (koagulim) qe mund te zmadhohet dhe te bllokoje fluksin e gjakut ose mund te "emigroje" ne arterie te tjera duke i mbyllur edhe keto (krijon emboli)

Broke_smile,

te falenderoj shume per shpjegimet.

je vertet vajze sh e mire.

po shikoja ne kete linkun me poshte.

http://sq.wikipedia.org/wiki/PH

dhe ktu thuhej se:

"Sëmundje kardiovaskulare Kolesteroli është një efekt anësor acid e metabolizmit yndyror. Ndersa trupi bëhet më acid, ai mbron veten duke ngurtesuar kolesterolit në gjak dhe e depoziton atë në enët e gjakut tonë. Gjatë një periudhe prej vitesh nje pllake ndertohet duke rezultuar në, ilaçe kirurgji ose sulme në zemër dhe tru. Kur pH është ngritur në një gjendje alkaline trupi eshte ne gjendje me te mire për të neutralizuar këto mbeturina dhe ti hedh ato jashtë sistemit."

duke marre shkas edhe nga tema e dardajanit, si te ushqehemi, i bie qe te korrigjojme ushqimin, ne qe e kemi kolesterolin te prodhuar nga trupi.

[Albo]

6 Përgjigje për kolesterolin... Çfarë është dhe si luftohet

Mes armiqve të arterieve, veçojmë atë që drejton diabetin: kolesterolin. Për çdokënd që nuk e ka idenë për ekzistencën e tij, le të lexojnë 6 pyetje të thjeshta e praktike rreth tij.

Çfarë është kolesteroli dhe si ta luftojmë?
I domosdoshëm për funksionimin e trupit. Kolesteroli është yndyrë që prodhohet nga dy të tretat e mëlçisë dhe nga ushqyerja. Ai është i pranishëm në sipërfaqen e brendshme të qelizave duke iu dhënë atyre fleksibilitet dhe fuqi, ndërsa i siguron në të njëjtën kohë mbrojtjen nga agjentët e jashtëm veprues.
Për të arritur tek organet e ndryshme kolesteroli përdor transportues që e lejojnë të qarkullojë në gjak.
HDL (Low Density Lipoproteins), ose “kolesteroli i mirë” arrin edhe në mëlçi, ku përpunohet dhe bëhet eliminimi i tepërt i tij. LDL-të transportojnë kolesterolin nga mëlçia në drejtim të të gjitha qelizave. Kur LDL-të funksionojnë keq, ose janë mangët, niveli i kolesterolit në gjak rritet. Në këtë pikë kolesteroli akumulohet për të formuar pllaka që gradualisht bllokojnë arteriet. Kjo është arsyeja pse LDL njihet ndryshe edhe si “kolesteroli i keq”.

Pse rritet kolesteroli?
Në vend të parë qëndron mënyra e keqe e të ushqyerit, ndër shkaqet e rritjes së kolesterolit. Ushqimet me yndyra të ngopura në veçanti, por edhe stresi, trashëgimia gjenetike, sëmundjet e caktuara (sëmundje të veshkave, sëmundja e tiroideve), marrja e disa barnave nxisin rritjen e kolesterolit në gjak. Përveç kësaj, ndikojnë edhe pirja e duhanit, konsumimi i alkoolit, hipertensioni, diabeti, mbipesha, mënyra sedentare e jetesës janë të gjithë faktorët që bëjnë aleancë me kolesterolin e tepërt, duke rritur rreziqet për sëmundjet kardiovaskulare.

Teprica e kolesterolit është e lidhur me peshën?
Kolesteroli dhe pesha mund të kenë lidhje mes tyre. Për peshën e tepërt që është depozituar kryesisht në pjesët e sipërme të trupit (qafa, supet, barku), vijnë nga pas anomali të shumta: hipertensioni, diabeti i tipit 2, rritja e triglicerideve dhe hiperkolesteroli. Një rënie në peshë, edhe modeste, përmirëson shëndetin e njerëzve që kanë një indeks të masës trupore (BMI) më tepër se normalja.

Ushqimet me yndyrë, duhen ndaluar rreptësisht?
Për të zvogëluar kolesterolin, nuk është më një sekret, ju duhet të filloni të ndryshoni zakonin e të ushqyerit. Jo të gjitha ushqimet yndyrore duhen hequr. Kur hani, duhet t’u jepni prioritet yndyrave të pangopura në krahasim me të ngopurat.

Çfarë nënkuptohet me “yndyrna të mira”?
Ne duhet së pari të sqarojmë faktin se nuk ka në të vërtetë “yndyrna të mirë” ose “të këqija”, janë sasitë e tyre, të tepërta apo të pamjaftueshme, të cilat mund të çojnë në pasoja të rrezikshme për organizmin. Acidet yndyrore të pangopura, të quajtur kështu “yndyrna të mira”, janë gjetur kryesisht në vajra, në vaj dhe në peshk. Dëgjojmë shpesh të flitet për Omega 3. Këto acide yndyrore të pangopura kontribuojë në funksionimin efikas të sistemit kardiovaskular. Gjenden veçanërisht tek ushqimet (nuk prodhohen nga trupi), në veçanti tek peshqit e mëdhenj, tek vaji i kanolas, tek arrat dhe soja.

Të tjera acide yndyrore të pangopura janë Omega 6, Omega 9, të dobishme. Omega gjendet veçanërisht në vajin e lulediellit, të misrit ose sojës. Për një ushqim të mirë dhe të ekuilibruar, studiuesit rekomandojë konsumimin e këtyre acideve yndyrore të pangopura, Omega 6 dhe Omega 3, në dietën tonë, por në sasi të ekuilibruara (shembull: raporti mes Omega 6/ Omega 3, afërsisht 5).

Cilat janë avantazhet e konsumimit të frutave dhe perimeve në një dietë anti-kolesterol?
Të varfra në yndyrna dhe kalori, frutat dhe perimet na mbushin me mikroushqyes, vitamina, minerale, oligominerale, fibra, thelbësore për organizmin. Ato përmbajnë në veçanti antioksidantë që parandalojnë oksidimin e kolesterolit dhe evitojnë formimin e pllakave në arterie. Të varfra në yndyrna të ngopura, frutat dhe perimet mbrojnë shëndetin kardiovaskular.

(e.m/GSH/BalkanWeb)