PS mban vendin peng me mosmiratimin e ligjeve

[shigjeta]

Ligjet me 3/5 nuk jane ligje politike, nuk jane as ligjet e maxhorances, jane ligje per te permiresuar jeten e qytetareve ne Shqiperi. Me çfare te drejte deputet e PS nuk i konsiderojne/miratojne keto ligje?!

LIGJET ME 3/5

Kuvendi merr sot sërish në shqyrtim projektligjet që kërkojnë shumicë të cilësuar prej 84 votash. Edhe pse në seancat e fundit këto projektligje janë vendosur gjithnjë në rendin e ditës, përpjekja për votimin e tyre ka dështuar, pasi opozita nuk ka dhënë votën e saj, të cilën e kushtëzon me shqyrtimin e paktit prej 10 pikash të paraqitur nga lideri i opozitës, Edi Rama.

Projektligjet e vendosura në rend të ditës janë pr/ligji për Gjykatën Administrative, projekligjet për Kodin Penal dhe atë civil si dhe projektligjet për Kodin Rrugor dhe atë detar. Pritet që dhe gjate seancës së sotme të ketë debate mes deputetëve të mazhorancës dhe atyre të opozitës.

(d.b/s.g/BalkanWeb)

[juanito02]

Mos na perco kaq trashe rrenat psiqike te Saliut.
Eshte e vertete qe jan fiks 2 pika qe plotesojne statusin ato ligjet me 3/5 qe nuk votohen.
Po 10 pika te tjera qe i ka vetem qeverria dhe qe nuk jane plotesuare fare a ke mendere te flasesh?
Dmth vendi ngelet peng per 12 detyra te parealizuara.
10 qeverria 2 opozita
Athere 5 here me shume e ka fajin qeverria se sa opozita qe nuk kalojme klasen.
E kupton sa qesharak behesh me kesi shkrime te tilla?

[juanito02]

Ja cfare thote diplomati danez qe me siguri do ta quani mik te Rames, armik te Shqiperise e ku di une ca do ju pjelli mendja e mykur tribale ala Sali.

Dështimi i qeverisë në çdo fushë, dhe jo ngërçi politik, ju penguan të merrnit ftesën për BE





Nga Karsten Ankjaer Jensen

Ambasador i Mbretërisë së Danimarkës në Shqipëri





Duke marrë në konsideratë se Shqipëria sapo ka marrë raportin për integrimin në BE, ndjej se nuk mund të shmang nga fjalimi im një gjë të tillë.

Thashë shmang, për shkak se e di se çfarë ndodh kur dikush tenton të merret me një patate të nxehtë politike. Dhe vërtet nuk kam dëshirë të përzihem në këtë betejë politike se kush duhet fajësuar sërish për dështimin në marrjen e statusit kandidat. Thashë shmang për shkak se nuk kam dëshirë të shoh se ajo që kam thënë të interpretohet krah kësaj, ose kundër asaj në ndarjen politike.

Ndryshe nga sa besohet në disa qarqe, ambasadorët nuk vijnë në Shqipëri për tu pozicionuar në krahun e djathtë apo në atë të majtë- për tu bërë luftëtarë në betejën mes palëve në politikë.

Për ambasadorët e BE, objektivi ynë i përbashkët është që të bëjmë atë që mundemi për të ndihmuar Shqipërinë për tu përgatitur për anëtarësimin në BE.

Ky është një objektiv historik, që del mbi përplasjet e politikës së përditshme dhe mbi atë se kush është në pushtet ose në opozitë.

Prioriteti ynë, si ambasadorë të BE, në këtë përpjekje është Shqipëria dhe populli shqiptar. Vetëm ata.

Mendoj se shumë shqiptarë e kuptojnë shumë mirë këtë.

Pasi thashë këtë, më lejoni të kthehem tek progres- raporti:

Fillimisht, më vjen keq ta them se debati politik pas publikimit të raportit nuk ka ndihmuar që të sjellë Shqipërinë më pranë marrjes së statusit kandidat. Në fakt është e kundërta.

Hedhja e baltës, loja me fajin dhe refuzimi për të pranuar përgjegjësinë aty ku ajo u takon, na kanë nxjerrë sërish lakuriq përpara të gjithëve faktin se niveli i maturisë politike është ende shumë larg.

Në kontrast me këtë është reagimi nga vendet e tjera që kanë perspektivë anëtarësimin në BE. Në Kosovë për shembull, ata menjëherë nisën një aksion për të trajtuar problemet e përmendura në raport. Nuk ndodhi kështu në Shqipëri.

Nuk e di se sa shumë e kanë lexuar aktualisht këtë raport të Komisionit. Por duke gjykuar nga debati politik dhe publik në median shqiptare që pas publikimit, mund të marr me mend se jo shumë.

Debati në media është fokusuar thuajse ekskluzivisht tek efektet e krizës politike në raportin negativ. Në njëfarë mase kjo është e kuptueshme.

Megjithatë, ju që e keni lexuar raportin e gjatë, e dini se ngërçi aktual politik është një pjesë e vogël e numrit shumë të madh të çështjeve shqetësuese që janë ngritur në dokumentin e Komisionit.

Ju që nuk e keni lexuar raportin- dhe ju bëj thirrje ta lexoni atë- duhet të dini se ajo është një analizë e përpiktë, kapitull për kapitull, se si Shqipëria dhe institucionet e saj kanë funksionuar vitin që shkoi. A ka ndonjë progres në mënyrën se si policia zbaton ligjet? Si kanë përparuar shkollat? A kanë ministritë burimet dhe ekspertizën e nevojshme? A janë mbajtur premtimet? A ka avancuar sundimi i ligjit? A janë bërë procedurat parlamentare më demokratike? Dhe a janë sjellë pranë standardeve të BE fushat e politikave individuale? E kështu me radhë. Për fat të keq, raporti në shumë fusha tregon për një dështim ose një notë të ulët në krahasim me progresin e vitit që shkoi. Nëse kujtesa më shërben mirë, vetëm një fushë karakterizohet aktualisht nga raporti si në rrugën e duhur drejt BE dhe ajo është politika e jashtme.

Nuk dua t’i jap shumë rëndësi kësaj, por nëse do të isha shqiptar, numri i pakët i shprehjeve të tilla do më bënte të reflektoja.

Progres- raporti i është dorëzuar qeverisë. I është dorëzuar asaj për shkak se në analizën përfundimtare, qeveria është përgjegjëse për shumicën e asaj që është vlerësuar në progres- raport. Kështu që raporti është, jo për të gjitha, por shumicën e çështjeve praktike, një vlerësim për atë që ka arritur qeveria në vitin e fundit.

Nuk po e them këtë për të qenë kontrovers ose partizan. Është një fakt. Por, edhe nëse një fakt kaq i thjeshtë mund të shihet si shumë i debatueshëm ose si partizan në kontekstin shqiptar, kjo tregon qartë se në çfarë niveli është diskursi politik në Shqipëri.

Megjithatë, për këtë arsye, menjëherë do nxitojë të kujtoj audiencën se progres- raporti i këtij viti nuk është shumë ndryshe nga raportet e viteve të mëparshme.

Dhe raporti gjithëpërfshirës i Komisionit vitin që shkoi- avis- tregoi qartë se edhe qeveritë paraardhëse- pavarësisht nga ngjyra- për 20 vite kanë bërë pak për të avancuar Shqipërinë drejt BE.

Ose ta shtrojmë ndryshe: Nuk është qeveria aktuale- ose opozita aktuale- përgjegjëse për faktin që Shqipëria nuk është gati për statusin kandidat. Është një përgjegjësi e ndarë e klasës politike, e cila që kur Shqipëria ka fituar lirinë, ka bërë më pak zgjedhje të duhura se të gabuara në favor të qytetarëve.

20 vjet dështime nga qeveri të ndryshme për të përgatitur Shqipërinë për anëtarësim në BE, në një kohë kur vendet e tjera me rrethana të tilla trishtuese, në një kohë të shkurtër ia kanë dalë të bëhen anëtare me të drejta të plota të BE, në këndvështrimin tim sugjerojnë se vendi ka probleme sistematike negative në mënyrën se si funksionon politika.

Më duket e habitshme se një diskutim në lidhje me këtë nuk u materializua pas raportit gjithëpërfshirës së Komisionit vitin që shkoi.

Dhe çfarë është akoma më e habitshme është se nuk po ndodh as me raportin e këtij viti. Duke lexuar raportet e rajonit, është e qartë se Shqipëria nuk ka një ritëm të mirë dhe në disa fusha është çudia e Ballkanit.

Ndershmërisht: Kjo nuk është Shqipëria me potencialin e saj.

Sipas mendimit tim nuk ka asnjë dyshim se Shqipëria- të flasim në mënyrë objektive- është një nga vendet me më shumë fat në Ballkan. Jo vetëm që është e bekuar me burime e bukuri natyrore si asnjë tjetër. Ajo ka gjithashtu një popullatë të mirëedukuar- mirësia, mirëpritja dhe fokusi drejt të ardhmes janë unike. Dhe shqiptarët janë qartësisht europianë në zemër e kulturë.

Unë jam danez dhe kur e konsideroj se me çfarë janë bekuar shqiptarët, nuk arrij vërtet ta kuptoj se si Shqipëria nuk është në ballë të BE. Kam dëgjuar që politikanët shqiptarë i referohen Danimarkës si shembull i shkëlqyer i asaj që mund të realizohet. Por nga perspektiva ime, është vështirë të kuptoj se përse Shqipëria nuk është përpara Danimarkës. Ju keni qenë me fat me natyrën, burimet, klimën, etj, në krahasim me ne. Dhe shqiptarët nuk janë më pak punëtorë dhe të zgjuar se danezët.

Mendoj se një shpjegim është se danezët mendojnë dhe veprojnë si një komb, si një popull. Shqiptarët veprojnë si individë ose si anëtarë të familjes. Gjatë historisë ne danezët kemi mësuar se duke vepruar si një komb mund të përfitojmë, duke ngritur standardin tonë kolektiv të jetesës, duke përmirësuar shanset e gjithkujt për sukses.

Ndër shqiptarë, megjithatë, vetëdija për kombin, fatin e përbashkët dhe interesin e ndërsjellë duhet të bëhet një emërues i përbashkët. Dhe askund nuk është më theksuar kjo se në politikën shqiptare.

Fakti i trishtueshëm është se deri sa të ndryshojë kjo, Shqipëria e shqiptarët nuk do jenë në gjendje të avancojnë drejt BE. Pse? Sepse BE është e ndërtuar në ato vlera që mungojnë në politikën shqiptare.

Duke e theksuar në këtë mënyrë ndoshta kjo e bën më të lehtë për të kuptuar se përse ndërkombëtarët janë të përqendruar tek ngërçi politik.

Pra, nuk është kështu për shkak se bllokimi politik në vetvete po pengon avancimin e Shqipërisë drejt BE-së. Siç e përmenda edhe më parë, vetëm pak nga problemet e theksuara në progres- raport kanë të bëjnë me krizën.

Po, ka një numër ligjesh të rëndësishme që nuk janë miratuar në parlament për shkak se kërkojnë votat e opozitës, por ky është një problem i vogël, krahasuar me mungesën e implementimit të ligjeve ekzistuese.

Arsyeja përse ne jemi të fokusuar tek ngërçi politik është sepse është simptoma e problemeve themelore në politikën shqiptare.

Në një kuptim, zgjidhja e ngërçit politik është një provë për gatishmërinë e Shqipërisë- dhe të klasës politike shqiptare- për të ecur drejt BE.

Komisionari Fyle, në konferencën e tij të shtypit, ku u prezantua dhe progres- raporti, riafirmoi angazhimin e BE për të ndihmuar Shqipërinë për tu bërë gati për anëtarësim të plotë.

Ndershmërisht, mendoj se BE dhe shtetet e saj anëtare kanë nevojë për një angazhim të ngjashëm edhe nga klasa politike shqiptare, që është sinqerisht e interesuar për të sjellë vendin pranë BE. Jo me fjalë. Por me vepra.

Dhe BE e ka bërë shumë të qartë se çfarë do konsiderohet si vepër.

Dhe sërish, të flasim ndershmërisht: ajo që ka kërkuar BE është thjesht simbolizëm- në skemën e madhe të gjërave që kërkojnë vetëm një shfaqje të vogël të vullnetit të mirë.

Sigurisht, një shfaqje e tillë e vogël e vullnetit të mirë përpara Ministerialit të BE në dhjetor- për fat të keq nuk do e kualifikojë Shqipërinë për statusin e kandidatit. Por të paktën do jetë një hap i vogël në atë drejtim. Një hap jashtëzakonisht i rëndësishëm. Për shkak, se siç thashë më parë, klasa politike shqiptare vërtet ka nevojë të riafirmojë drejtimin e përpjekjeve të saj. Sërish: Në vepra e jo në fjalë.

Vitin tjetër Shqipëria do festojë 100 vitet e saj si shtet. Do ishte shumë e mirë nëse do ishte kurorëzuar me anëtarësimin në BE. Ose të paktën me statusin e kandidatit. Besoj se kjo është ajo që populli shqiptar pret nga politikanët e tij. Kjo është ajo që ata ndjejnë se u është premtuar.

Duke qenë në vitin e katërt në Shqipëri, kam mësuar se nuk duhet nënvlerësuar kurrë shpejtësia e ndryshimit dhe kapacitetet e shqiptarëve, në rast se ata e ndajnë mendjen për të arritur diçka.

Mrekullitë duket se ndodhin në Shqipëri. Por vërtet duket se do ketë nevojë për një mrekulli që Shqipëria të ndërmarrë hapin, që shqiptarët shpresojnë se do ndërmerret vitin që vjen.

Ne ndërkombëtarët nuk mund të bëjmë që mrekullia të ndodhë. Vetëm shqiptarët mund ta bëjnë këtë. Duke dërguar një mesazh të fortë e të qartë tek përfaqësuesit e zgjedhur të tyre se ata nuk do jenë në detyrë nëse nuk bashkëpunojnë, nuk bëjnë detyrat e shtëpisë dhe nuk mbajnë premtimet. Ky në vetvete do ishte një sinjal i fortë për BE-në se populli shqiptar e ka brendësuar fuqinë e demokracisë.

[shigjeta]

Dhe perseri mbetet i njejti problem, pse PS-ja nuk voton ligjet me 3/5. Ligje qe jane diskutuar nga te dyja palet, kane marr ndihme teknike nga ekspertet nderkombetar, ligje te cilat do ndihmonin ne zhvillimin e vendit dhe do e afronin marrjen e statusit si kandidat ne BE.

Per te kujtuar nje nga ligjet dhe qendrimin e seciles parti

http://www.forumishqiptar.com/showthread.php?t=128832

[Noellag]

Juanito

Qeveria ka pergjegjesi me te madhe por mos kujto ti se shqiptaret jane budallenj kur shikon opoziten me bojkot, protesta,greva urie, mosmiratimi i ligjeve qe kerkohen votat e saj . Opozita ka bere gjithcka qe Shqiperia te mos marre statusin e BE sepse nuk do e pranonin kete me Berishen ne pushtet.Do ishte humbje politike per ta dhe Berisha do fitonte me shume mbeshtetje nga shqiptaret. Kjo nuk eshte e veshtire per te kuptuar kur lufta politike bazohet ne gabimet e kundershtarit, dhe me kete rast deshtimi i BE-se i faturohet qeverise nga dinakeria e dhelpres.
Padyshim si qeveria dhe opozita jane fajtore te dyja per deshtimin statusit. Kete pasoje nuk e vuan Berisha apo Rama, nuk e vuan militantet e mjere qe lehin si qen te terbuar neper forume me urrejtje patologike, por e vuajne shqiptaret.
Mos mendo ti qe pushteti rrezohet duke i bere keq vendit per interesa partiake, ne kete menyre pergjigja me e mire do jete vota kunder ketyre plehrave me kostum qe diten qajne per fatin e shqiptareve dhe naten gezohen per fatin e tyre politik.

Shqiptaret nuk shikojne deklaratat e ambasadoreve , shikojme veprimet paleve politike dhe ne fund japin pergjigjen me vote

[juanito02]

Noellaq
Eshte shume e thjeshte matematika.
10 detyra i ka qeveria qe ti bente pa opoziten fare e si ka bere.
Ta zeme se opozita paska qene destruktive totalisht.
Ca e pengoi qeverrine te plotesonte 10 detyrat ?
Lereni poltiken e strucit qe fut koken ne rere.

[shigjeta]

Duke mos i rreshtuar te 10 pikat, se ato jane per t'u diskutuar per vete, c'lidhje kane pikat me diskutimin dhe miratimin e ligjeve me 3/5?! Ligje te cilat permiresojne anen administrative te vendit dhe u bene vite qe shtyhen.