Shpërthim tritoli në Tiranë, dëmtohen 10 apartamente
Publikuar: 23.10.2011 - 19:46
Tiranë, 23 tetor - 10 apartamente janë dëmtuar si pasojë e një sasie tritoli të vendosur në njërën prej banesave të katit të dytë në rrugën '5 Maji' në kryeqytetin e Shqipërisë. Ngjarja e ndodhur orët e para të mëngjesit ka terrorizuar banorët e pallatit, të cilët shprehen të indinjuar.
“Unë nuk dua të konfirmoj se shpërthimi ka ndodhur pas vdekjes së vëllait të Dritanit, tani fola me avokatin. Thjesht nuk dua të prononcohem, filmoni dëmet, ja ku i keni”, u shpreh bashkëshortja e Dritan Jasexhiut.
“Nuk di, kanë vënë granatë aty poshtë, tek ndërtesa. Mua më është prishur dera, ja edhe dera e komshiut”, tha një banore tjetër për News24.
“Shpërthimi ndodhi në 3 e 30 të mëngjesit të së dielës. Nuk kemi pasur dëmtime personale, vetëm dyert”, deklaron një banor i pallatit ku ka ndodhur shpërthimi.
Burime të policisë bëjnë me dije se në mesditë kanë arrestuar personin e dyshuar si autor i vendosjes së tritolit, i cili është shtetasi Klajdi Hoxholli, 21-vjec, i cili ka lidhje krushqie me personin Dritan Jasezhiu, të cilit i është vënë sasia e eksplozivit.
Konflikti mes tyre ka lindur si pasojë e mosmarrëveshjes së lindur për ndarjen e pronësisë së disa dyqaneve te ‘Tregu i Uzinës Dinamo’.
Vdekja disa kohë më parë e vëllait të tregtarit Jasexhiu ka sjellë edhe konfliktin, ku autori Hoxholli, burri i vajzës së vëllait të tregtarit, nuk ka rënë dakord për mënyrën e ndarjes së pronës.
koha.net
Përgjigju Duke Cituar
Postuar më parë nga benseven11
Krijoni Kontakt