Shqipëria po ndryshon....

[Guri i Kuq]

Duke përcjellur deri-diku mjetet e informimit në Shqipëri e Kosovë,fatkeqsisht njeriu shumë rrallë ose fare nuk has në lajme,informata e komente që i bëjnë jehonë punës,zhvillimit dhe përparimit që në shumë raste nuk është për tu nënçmuar.
Ka me qindra rrugë nacionale,rajonale e lokale që janë ndërtuar e po ndërtohen këto vitet e fundit.Të përkujtojmë, akset kombëtare drejtë jugut për Sarandë e tepelenë,Rrugën e Arbrit dhe me dhjetra e dhjetra rrugë lokale që po i lidhin për ditë rrugët nacionale me qytete e lokalitetet buzë detit,bjeshkës e lumejve...
Këtë temë po e hap, jo për ti bërë propagandë kujt,por për të vu në theks edhe lëvizjet pozitive, që në një instancë të fundit janë tregues i zhvillimit dhe haprimit drejtë synimit për një Shqipëri të zhvilluar, si dhe janë tregues edhe i gjërave pozitive që po ndodhin në vendin tonë.
---
Këtë temë po e fillojë me një lajm shumë të rendësishëm për rrethin e Dibrës dhe gjithë Shqipërinë veri-lindore,si një nga rajonet më të pazhvilluara dhe më të izoluara historikisht,e që ka të bëjë me përurimin e një sërë veprash rrugore në këto anë.
Këto vise,deri para pak kohësh me të vërtetë kanë qenë tërësisht të izoluara dhe për pasojë,edhe të prapambetura në çdo aspekt të zhvillimit e progresit...
Të nderuar forumistë,
Ju ftojë që të plasojmë lajmin e mirë në këtë temë...!
Ju falemnderit !
--------------
Berisha në qarkun e Dibrës, inauguron 6 investime publike

Kryeministri i Shqipërisë, Sali Berisha zhvilloi sot një tur në qarkun e Dibrës ku mori pjesë në inaugurimin e 6 investimeve publike me vlerë totale 500 milionë lekë.
Këtë vizitë kryeministri Berisha e nisi me inaugurimin e rrugës Ura e Qytetit - Zerqan, një investim me vlerë 137 milion lekë, gjatësi 6.5 km dhe gjerësi 4.5 m nga ndërtimi i të cilës përftojnë 6000 banorë si dhe të gjitha fshatrat e Komunës Zerqan.
Ky segment rrugor fillon nga rruga nacionale Peshkopi – Tirane dhe përfundon në qendër të komunës Zerqan dhe shërben për transportin e produkteve bujqësore dhe blegtorale drejt tregjeve të zonës edhe për transportin e materialeve inerte dhe lëndës drusore drejt qytetit të Bulqizës.
Loti i I-rë "Maqellare- Grazhdan" i rrugës Maqellarë - Peshkopi ishte një tjetër investim i inauguruar nga kryeministri Berisha. Ky aks rrugor me vlerë 60 milionë lekë, gjatësi 4.3 km dhe gjerësi 9 m do të shërbejë për lidhjen e banorëve të rrethit Dibër me rrugën e Arbrit dhe mund të konsiderohet pjesë integrale e kësaj vepre të rëndësishme.
Më pas kryeministri Berisha ka marrë pjesë edhe në ceremoninë e segmentit Rrugë Nacionale - Kovashicë, një investim me vlerë 18.5 milion lekë. Fshati Kovashice është fshati i 6-te i kësaj komune që lidhet me rrugë të asfaltuar me rrugën nacionale.
Në komunën Kastriot u inaugurua edhe përfundimi i punimeve për sistemimin e asfaltimit të rrugës së fshatit Kandërr, një investim me vlerë 26 milion leke dhe të rrugës së fshatit Sohodoll me vlerë 23 milion lekë.
Loti i I-rë si rrugës Peshkopi – Kukës, përkatësisht aksi "Gryke e Gobenit – Perroi Kapsit" ishte vepra e fundit publike e inauguruar sot nga Kryeministri Berisha.
Nga ky aks me vlerë 231 milion leke, gjatësi 9.80 km dhe gjerësi 7 m do të përfitojnë rreth 15 mijë banorë. Ky aks rrugor është pjesë integrale e korridorit të verilindjes. Asfaltimi i rrugës ka shkurtuar edhe kohën e lëvizjes së banoreve, nga mbi një orë udhëtim që ishte më parë, tani qyteti i Peshkopisë arrihet në rreth 20 minuta.
Në total rruga Peshkopi – Kukës ka një gjatësi 63.6 Km. Kjo rrugë u shërben në mënyrë të drejtpërdrejtë komunave Kastriot dhe Fushë Cidhen. Në mënyrë indirekte ajo ju shërben fshatrave të komunave Zall Dardhë, Arras, Sllove dhe Kala e Dodës.
Zona që i shërben kjo rrugë njihet për nivelin e lartë të prodhimeve bujqësore, blegtorale dhe frutore. Është një zonë që ka shumë fermerë.
Investimet në qarkun e Dibrës:

Në këto vite janë ndërtuar 395 km rrugë, 104 sisteme ujësjellës e kanalizime, 58 shkolla, 75 ambulanca dhe 5 tregje agro-industriale. Në bujqësi dhe agro-industri janë investuar 500 milion lekë.
Me subvencion janë mbjellë mbi 700 ha pemëtore, arrore e vresht dhe kanë përfituar 1510 bujq.

"Bota Sot",23.10.2011

[kleadoni]

Ka me qindra rrugë nacionale,rajonale e lokale që janë ndërtuar e po ndërtohen këto vitet e fundit.
Këtë temë po e hap, jo për ti bërë propagandë kujt,por për të vu në theks edhe lëvizjet pozitive, që në një instancë të fundit janë tregues i zhvillimit dhe haprimit drejtë synimit për një Shqipëri të zhvilluar, si dhe janë tregues edhe i gjërave pozitive që po ndodhin në vendin tonë.

I tere problemi ky eshte. Qe po ndodhin permiresime ne keto vitet e fundit, po ndertohen rruge e po behen rregullime keto 3-4 vitet e fundit, nderkohe qe kemi qe ne vitet '90 qe i kemi hyre rruges se permiresimeve.
Te kishim filluar qysh ne fillim, tani do ishim baraz me shume shtete te tjera te botes (kjo gjithmone duke iu referuar infrastruktures e rregullimeve) e jo kultures e edukates se shqiptareve qe sa rregullohet dicka do prishet se shpejti.

[Ksanthi]

Shume mire qe bejne rregullime por vetem ti bejne te sakta aman , jo si ato tunelet qe rane para ca kohesh .
Po te vidhnin me pak dhe te punonin me shume Shq do ishte lule tani.