Shqiperia dergon trupa ne Irak

["Ambrida"]

evropa duhet te ndryshoje mentalitet per veten e vete dhe te kuroje plaget e veta,boll probleme ka ne ballkan ku kane ndodhur genocidet me te tmerrshme qe ka pare historia e njerezimit se e ka me afer ballkanin se irakun te forcohet,te bashkohet e pâstaj te drejtoje politikat boterore

[Dajaku]

Shikoni skenarin e fundit te luftes se Irakut.

Vashdon lufta e hershme e heshtur italo-turke.
(nuk e di a ju kujtohet kriza e Ocallanit dhe bojkotimet ekonomike)

Dihet se mbas luftes duhen me shume forca per te kontrolluar teritorin Iraken dhe Italia shpreson te kete ato veriore te qyteteve Mosul e Kirkuk te pasura me naften qe i mungon, dhe realizon dhe politiken e kahershme italiane per nje shtet kurd pas shpines se Turqise, qe kjo te rrije urte sa here t'i lypset Italise.

Por Turqia e dine mire kete dhe frap cone forcat per ndihme refugjatve, duke i thane italianeve trima: "s'keni nga hyni".
Turqit i thone amerikaneve se nqs jemi aleate hajde t'i ndajme bashke fitoret, po deshet.

Turqit nuk kishin c'fare t'i benin italianve ne Bosnje dhe pastaj ne Kosove, kur moren zonen e Pejes qe lidhe Kosoven me Malin e Zi dhe Metohine turko-folese te Serbise. Pjesen veriore te kufirit Serbo-Kosovar e kapen Italia dhe Franca serbo-filet.

Italianet i thone nga ana tjeter, po deshet te hyme ne ne veri, ose ne shkojme me paktin e ri ushtarak Franco-Gjerman.
Por italianet nuk kane culo, pipinot nuk e njohin burrerine, ato nuk nxjerrin perfaqsuse te qeverise, por nxjerrin Prodin qe sido qe te ndodhe, kane goje te thone--jo, ky s'eshte i yni, ky eshte i europes.

Le te shohim si do rrjedhin ngjarjet.

Nano-greku me politiken qe po ben ne favor te greqise--gjoja mik me amerikanet qe se qasin as ne Amerike, do ngelet agjenti grek me famshem i fillimit te ktij shekulli.

Edhe per kete le te presim pak o forumista te dashur!

[angeldust]

Nënshkruhet marrëveshja mes qeverisë shqiptare dhe “General Elektrik” për modernizimin e hekurudhës Tiranë -Durrës
Hekurudha Tiranë –Durrës, SHBA investojnë 45 milionë dollarë

“Pjesa më e rëndësishme e këtij projekti është ndërtimi i një linje të re që do të bëjë të mundur lidhjen e aeroportit ndërkombëtar të Rinasit “Nënë Tereza” me segmentin hekurudhor Tiranë – Durrës”

TIRANE – Pas rreshtimit të qartë që Shqipëria po i jep SHBA-së në kuadër të luftës në Irak, duket se nuk ka vonuar edhe “shpërblimi” për këtë mbështetje. Nënshkruhet një nga kontratat më të rëndësishme për zhvillimin dhe modernizimin e mëtejshëm të hekurudhave shqiptare. Dje në Ministrinë e Transportit dhe Telekomunikacioneve është realizuar nënshkrimi i një kontrate me vlerë 40-45 milionë dollarë amerikanë, kjo kontratë është nënshkruar ndërmjet qeverisë shqiptare dhe kompanisë amerikane “General Electric”. Përfaqësuesit e palëve nënshkruese në këtë kontratë ishin, për qeverinë shqiptare ka firmosur ministri i Transportit dhe Telekomunikacioneve, Spartak Poçi, ndërsa për palën tjetër nënshkruese ishte presidenti i sistemit të transportit për Europën i “General Electric”, Silvano Brandi. Thelbi i kësaj kontrate është modernizimi i linjës hekurudhore Tiranë – Durrës, linjë kjo e cila do të ketë lidhje dhe me aeroportin ndërkombëtar “Nënë Tereza”. Projekti në fjalë mbështetet nga qeveria amerikane, ajo italiane dhe nga dy bankat, ajo amerikanë US Exim dhe banka italiane SACE, të cilat do të bëjnë të mundur mbulimin e paketës financiare, paketë, e cila do të drejtohet nga GE Capital &
ABN AMRO BANK.
Në fjalën e tij, Poçi ka thënë se me këto investime ne po kalojmë krizën 12 –vjeçare të hekurudhës shqiptare. Në ceremoninë e nënshkrimit të kontratës morën pjesë ambasadori i Shteteve të Bashkuara në Shqipëri, Xhefri dhe ambasadori italian, Mario Bova. Gjatë ceremonisë, ambasadori Xhefri ka shprehur kënaqësinë e tij për kontratën e firmosur nga Poçi dhe firmës amerikanë GETS. Më tej ai ka thënë se kjo marrëveshje nuk është e rëndësishme vetëm për zhvillimin dhe modernizimin e hekurudhave, por për zhvillimin e gjithë vendit tuaj. Fjala e Xhefrit është pasuar nga ajo e ambasadorit Bova, i cili ndërmjet të tjerave ka thënë se ne gjejmë tek Shqipëria një partnere serioze dhe të ndërgjegjshme për një bashkëpunim të hapur në të gjitha fushat, fjalën e tij Bova e mbylli duke përshëndetur hapat e sigurta të qeverisë shqiptare në ndërtimin dhe modernizimin e infrastrukturës së vendit. Kontrata finale e kësaj marrëveshjeje dhe fillimi i zbatimit të projektit pritet të hyjnë në fuqi 45 deri në 60 ditët e ardhshme.
Projekti
Në këtë projekt përfshihen modernizimi dhe përmirësimi i linjës hekurudhore prej 38 kilometrash mes Tiranës e Portit të Durrësit. Ndërmjet gjatësisë së kësaj linje hekurudhore, e cila do të përmirësohet përfshihen shtatë stacione hekurudhore udhëtarësh, përfshihet sistemi i kontrollit të përqëndruar të trafikut, zëvëndësimi i sistemit ndërrues të shinave, sistemin e dedektimit të trenit, sistem i cili bën të mundur dallimin e vendndodhjes së trenit përgjatë gjatësisë së kësaj linje, si dhe sistemin e komunikimit të hekurudhës të bazuar në fibra optike. Pjesa më e rëndësishme e këtij projekti prej miliona dollarësh është ndërtimi i një linje të re hekurudhore, e cila do të bëjë të mundur lidhjen e aeroportit ndërkombëtar të Rinasit “Nënë Tereza” me segmentin hekurudhor Tiranë – Durrës, gjë e cila do të krijojë një lidhje të plotë intermodale të portit të Durrësit me trafikun europian e atë ndërkombëtar. Kostot e këtij projekti janë vlerësuar rreth 40-45 milionë dollarë amerikanë. Ky projekt është pjesa pjesa skajore e Korridorit Tetë dhe është identifikuar si një nga prioritetet e vendit tonë.

GETS
Për herë të parë ekspertët e GETS (General Electric Transportation System) kanë ardhur në Shqipëri në mars të vitit 2002 kohë në të cilën ata kanë bërë takime të ndryshme në Ministrinë e Transportit dhe Telekomunikacionit dhe në hekurudhat shqiptare, ku kanë përcaktuar natyrën dhe shtrirjen e projektit për fazën e tij të parë. Në korrik të të njëjtit vit, “General Electric” dhe Ministria e Transportit e Telekomunikacionit kanë nënshkruar një protokoll marrëveshje për zbatimin me çelësa në dorë të kësaj kontrate. Aktualisht kompania amerikane është duke zbatuar një projekt të plotë me çelësa në dorë telekomunikacioni hekurudhor përgjatë linjave hekurudhore, përgjithësisht në pjesën jugore. Ky projekt përfshin ndërtimin e një trungu sistemi radiokomunikacioni përgjatë degës jugore të hekurudhave. Pritet që ky projekt të kompletohet dhe futet në operim komercial në mars të 2003.

Bova - Në të njëjtën linjë e ka vijuar fjalën e tij dhe ambasadori italian Bova, i cili ka thënë se investimet italiane dhe prezenca jonë në zhvillimin e ekonomisë shqiptare është e pranishme dhe rezultative. Më tej ai ka thënë se ne gjejmë te Shqipëria një partnere serioze dhe të ndërgjegjshme për një bashkëpunim të hapur në të gjitha fushat. Përshëndesim hapat e sigurt të qeverisë shqiptare në ndërtimin dhe modernizimin e infrastrukturës së vendit me rrugë, hekurudha, porte e aeroporte.


Poçi – ka theksuar vlerën e madhe të projektit në fjalë, njëkohësisht ai ka vlerësuar ndihmën e SHBA-së dhe Italisë për zhvillimin ekonomik të Shqipërisë. Më tej Poçi ka thënë se përveç kujdesit që po tregon qeveria në ndërtimin e infrastrukturës rrugore, porteve e aeroporteve, prioritet i rëndësishëm i qeverisë është dhe modernizim i hekurudhave. Poçi e ka përfunduar fjalën e tij duke thënë se me këto investime ne po kalojmë krizën 12 –vjeçare të hekurudhës shqiptare dhe po hedhim hapa të sigurt e të studiuar për ta afruar atë në një të ardhme jo shumë të largët me standardet europiane e ato ndërkombëtare.
Aida Korkuti


Xhefri: Kjo është një ditë e rëndësishme për Shqipërinë

TIRANË – Fillon mbështetja amerikane për Shqipërinë. Ambasadori i SHBA-së, Xhejms Xhefri ka konfirmuar dje, gjatë nënshkrimit të marrëveshjes midis “General Electric” dhe Shqipërisë për përmirësimin e infrastrukturës, mbështetjen e qeverisë amerikane. Ndërsa i ka vënë në dukje ministrit të Transporteve, Spartak Poçi se takohen çdo muaj për të nënshkruar një marrëveshje tjetër, ambasadori amerikan u shpreh se “kjo është një ditë shumë e rëndësishme për Shqipërinë, për vendin tim, për “General Electric”, për miqtë tanë italianë”. Ai shpjegoi se “ky projekt do të lidhë elementë kyç të infrastrukturës: transportin ajror, tokësor, detar dhe telekomunikacionet. Së bashku me shumë të rëndësishmin Korridor 8, ai do të forcojë lidhjet e vendit tuaj me fqinjët tuaj në rajon dhe më gjerë në Komunitetin Europian”. Duke u mbështetur në punën tuaj, tha Xhefri, ai do të integrojë sistemin tuaj hekurudhor me sistemin hekurudhor europian, me hapjen në Mal të Zi dhe modernizimin e aeroportit të Rinasit, në të cilin jemi të lumtur të marrim pjesë. Sipas tij, “për më tepër, ky është një projekt i rëndësishëm sepse përfshin mbështetje në mënyra të ndryshme nga sektori privat amerikan i përfaqësuar nga firma shumë, shumë e rëndësishme “General Electric”, mbështetje nga agjenci të ndryshme të qeverisë amerikane, si Agjencia për Tregti dhe Zhvillim dhe EXIM Bank (Banka Eksport-Import), dhe pjesëmarrje të firmave italiane dhe mbështetje nga qeveria italiane”. “Duke shtruar rrugën përpara për Shqipërinë, duke punuar së bashku me miqtë nga Amerika e Veriut dhe Bashkimi Europian, ky bashkëpunim jo vetëm që është më i miri, por është edhe rruga më e mirë përpara – qeveritë së bashku që mbështesin sektorin privat”, -deklaroi ambasadori amerikan.
D.Tanushi


Copyright 2002 Shekulli

[Shiu]

Postuar më parë nga angeldust
TIRANE – Pas rreshtimit të qartë që Shqipëria po i jep SHBA-së në kuadër të luftës në Irak, duket se nuk ka vonuar edhe “shpërblimi” për këtë mbështetje. Nënshkruhet një nga kontratat më të rëndësishme për zhvillimin dhe modernizimin e mëtejshëm të hekurudhave shqiptare.

a nuk shkuan komandoset t'i shpetojne nenat irakiane nga diskriminimi? Ku e kam atë llokumin që na përcillte mesazhe hyjnore?

[angeldust]

Tahox, ca ke qe ankohesh? S'te pelqen hekurrudha ty?

[Shiu]

Postuar më parë nga angeldust
Tahox, ca ke qe ankohesh? S'te pelqen hekurrudha ty?

më pëlqen, më pëlqen... veç frigohem se në vend të zhurmës së motorit do ta dëgjoja vajin e fëmijëve irakianë...

[angeldust]

Po per gjithe keto vjet qe femijet irakene po vajtonin nga masakrat e Sadamit, s'te ka ardhur keq ndonjehere? Apo s'ka gje per ate, sepse meqe censura e Sadamit nuk i lejonte gjera te tilla te dilnin ne CNN ku ne mund t'i shikonim, atehere dhe ne e kishim ndergjegjjen dhe veshet ne rregull. Tani qe presupozisht sic thua ti do qajne para CNN-it, qenka e gabuar, po ashtu mbrapa kuintave te Sadamit, cope le te behen. He Tahox?

[Shiu]

Postuar më parë nga angeldust
Po per gjithe keto vjet qe femijet irakene po vajtonin nga masakrat e Sadamit, s'te ka ardhur keq ndonjehere? Apo s'ka gje per ate, sepse meqe censura e Sadamit nuk i lejonte gjera te tilla te dilnin ne CNN ku ne mund t'i shikonim, atehere dhe ne e kishim ndergjegjjen dhe veshet ne rregull. Tani qe presupozisht sic thua ti do qajne para CNN-it, qenka e gabuar, po ashtu mbrapa kuintave te Sadamit, cope le te behen. He Tahox?

Sadamin e urrej, fëmijët i adhuroj, Angeldust. Kushdo që profiton nga gjaku i të pafajshmëve është i mallkuar, qoftë Sadami, qofshin ata që ndërtojnë hekurudha me gjakun e fëmijëve. He Angeldust?

[angeldust]

Kush tha qe do te vriten femije dhe gjak i pafajshem keshtu sic thua ti Tahox? Sadami ka derdhur gjakun e atyre njerezve shume me teper se c'mund te beje Amerika tani (qe gjithmone ata kane teper kujdes te mos derdhin gjak te pafajshem), dhe askush nuk do tundej per ta ndaluar nje gje te tille si gjakun e derdhur nga Sadami, po te mos ishte per Ameriken. Po te mos nderhyje Amerika, Evropa thote "ashtu e lente", dhe sa te bien dakord 20 shtete qe e perbejne Evropen, ka hyre Amerika dhe ka mbaruar pune.

Hekurrudha do te ndertohet me perkrahjen qe i japin ne misionit per permbysjen e nje diktatori, te rrezikshem jo vetem per popullin e tij, por per gjithe boten.

[Shiu]

Ok, Angeldust, e perfundoj ketu sepse kemi pikepamje te ndryshme ne lidhje me vleresimin e jetes se njeriut. Une cdo individi te pafajshem ia respektoj te drejten per jete, ndersa per ty ata qenkan vec 'dem kolateral' per arritjen e interesave me te larta.

Besoj se qeveria bashke me komandoset kane mjaft pune per ta pastruar oborrin e vet, e pastaj te mirren me hallet e botes. Dyshoj edhe ne motivin e tyre ne "ne misionin per permbysjen e nje diktatori", sepse si duket, kjo pune fare s'paska te beje me ate diktator por me ndertimin e nje hekurudhe.