Thacin s'e do Evropa

[G-2]

ja pra pse na ka izoluar europa!
keta hajdutet mendojne se po jetoim ne kohen e gurit e gjerat nuk duken !

qe sa mire i paska punet i biri polarit me europen as me ameriken nuk i ka ma mire zatin s'mund ti kete sepse per me i pas mire me ameriken separi duhet ti kete me europen!




Jeton Llapashtica | 20-10-2011 08:27 CET

(E plotësuar) Kryeministrit të Kosovës, Hashim Thaçi, i janë refuzuar njëzeteshtatë kërkesa për vizita në vende të ndryshme dhe takime me burrështetas të ndryshëm. Kështu shkruan gazeta gjermane “Der Tagesspigel” në një artikull të gjatë për Kosovën, në të cilin shtetin më të ri në Ballkan e paraqet si vend me probleme të shumta dhe me qeveri të korruptuar.

Sipas kësaj gazete prestigjioze, vizitat nga shtetet e ndryshme janë refuzuar për shkak të dyshimeve se i pari i Qeverisë së Kosovës është i përlyer në krim të organizuar.

“Njëzeteshtatë kërkesa ka bërë Qeveria e Kosovës, por të gjitha janë hedhur poshtë”, thuhet në artikullin, të cilin gazetarët gjermanë e kanë realizuar pasi kanë qëndruar disa ditë në Kosovë.

Por, për qeveritarët e Kosovës duket i parëndësishëm ky artikull. Zëvendëskryeministri i Kosovës, Hajredin Kuçi, të mërkurën ka refuzuar ta komentojë artikullin në fjalë.

“Nuk e kam lexuar. Meqenëse nuk e kam lexuar, nuk mundem as ta komentoj”, ka thënë shkurt ai.

Ndërkaq, për anëtarët e partive opozitare artikulli i gazetave gjermane paraqet anën e “padukshme” të Qeverisë së Kosovës, dhe izolimin ndërkombëtar në të cilin, sipas tyre, ndodhet vendi.

***

Deputeti i Lëvizjes “Vetëvendosje”, Florin Krasniqi, thotë se sikur të shikohet luksi i kryeministrit Thaçi mund të vërehet se ky person nuk jeton vetëm nga një pagë mujore, por është i pranishëm në biznese të ndryshme, përfshirë edhe ato kriminale.

“Hashim Thaçi vjen në seanca të Kuvendit me kravatë ‘Hërmens’ që kushton prej treqind deri në pesëqind euro. Vetëm një kriminel, ose një biznesmen miliarder mund të vërë asolloj kravate. Unë mendoj se Hashimi është në kategorinë e parë, edhe bota e mbarë e di se Hashimi është një kriminel ordiner”, shprehet Krasniqi.

Ai pohon se ka fakte dhe prova të mjaftueshme për përfshirjen e kryeministrit në krim të organizuar.

“Kosova i ka dy opsione. Ose duhet ta mbajë karrierën politike kriminale të Hashim Thaçit, ose ta ndërtojë Kosovën. Të dyja nuk mund t’i bëjë. Por, ne si qytetarë duhet të vendosim, a duhet ta mbrojmë Hashim Thaçin politikisht dhe në aspektin kriminal, apo duam ta ndërtojmë shtetin demokratik të Kosovës”, thekson ky deputet.

Ndërsa deputeti i Aleancës për Ardhmërinë e Kosovës, Burim Ramadani, thotë se është fat i keq që kryeministri Hashim Thaçi e ka izoluar vendin në raport me botën.

“Ne të gjithë e kemi parë që nuk ka vizita të nivelit të lartë, Kosova po vazhdon të jetë e izoluar, normalisht për shkak të dyshimeve që kanë për punën e Hashim Thaçit. Kjo është e dëmshme, e ka dëmtuar Kosovën dhe po e dëmton”, thotë Ramadani.

Ai thekson se pavarësisht se nuk e ka lexuar artikullin e gazetës gjermane, është i sigurt se kryeministrit i janë refuzuar dhjetëra kërkesat për vizita nga udhëheqësit e shteteve të ndryshme.

Ndërkaq, analistët politikë thonë se artikujt me përmbajte të ngjashme me atë të “Der Tagesspigel”, i kontribuojnë edhe më shumë prishjes së imazhit të Kosovës në arenën ndërkombëtare.

“Do të ishte shumë mirë që faktikisht të mos ketë shkrime të tilla në këto gazeta dhe do të ishte shumë mirë që kryeministri t’i vizitojë shumicën e vendeve anëtare kyçe, në mënyrë që ta avancojë procesin e integrimeve. Deri tash nuk e kemi parë kryeministrin që ka pasur takime intensive me vendet anëtare të Bashkimit Evropian për të avancuar agjendën e integrimeve”, thotë eksperti i integrimit evropian, Shenoll Muharremi.

[G-2]

Oligarkia antievropiane
Enver Robelli

Si u shndërrua Kosova në Republikë të Opingave dhe shtet me demokraci të dirigjuar? Dhe cili është dallimi mes mendësisë oligarkike kosovare dhe Evropës iluministe, ku ligji është i shenjtë dhe interesat e shtetit mbi çdo interes meskin?

Nuk e kanë vetëm qeveritarët e Kosovës gojën plot Evropë. Integrime. Liberalizime. Ekonomi të tregut të lirë. Shanse të barabarta. Të drejta të njëjta për meshkuj e femra. Liri të shprehjes. Kësi grumbuj fjalësh, të mësuara përmendsh në “workshope e seminare”, i hidhen publikut jo vetëm nga oligarkët pseudodemokratikë të Kosovës, por edhe nga kamarilla e tyre mediale, e cila – nëse parafrazojmë një gazetë sllovene – prej opingave u katapultua në timonin e “Mercedesit” – gjithsesi jo me punë të ndershme, por me plaçkitje dhe me aktivitete të ndyra për grupe interesi. Fletorja nga Lubjana krahasimin mes opingave dhe veturës gjermane e kishte bërë për të përshkruar pjesën më të madhe të politikanëve të Kosovës, pra kastën sunduese, e cila tërë ditën flet për Evropën Perëndimore dhe vlerat e saj si cak madhor, por, në fakt, nuk sillet shumë më ndryshe se oligarkia e Vladimir Putinit. Krahasimi opingë -“Mercedes” i gazetës “Delo” gjithsesi vlen edhe për kamarillën mediale, atë shpurë që pas vetes lë përherë një fushë me fëlligështi. Bashkimi i interesave mes politikanëve dhe sahanlëpirësve medialë për plaçkitje e bën Kosovën një lloj “demokracie të dirigjuar” ose, siç thuhet në rusisht, “upravljajemaja demokratija”.



Galeria e plaçkitësve



Cilat janë veçoritë e demokracisë së dirigjuar? Tre shembuj: a) kur anëtarë të kabinetit të qeverisë ose vetë kryeministri merrem me redaktimin dhe renditjen e lajmeve në - me-nder-me-thanë - televizionin publik dhe kur përmes ortakëve të tyre të kriminalizuar themelojnë fletushka për denoncim dhe organizojnë fushata politike nëntokësore; b) kur pushteti edhe ashtu i fituar me vota të manipuluara shfrytëzohet për instalimin e një sistemi të nepotizmit dhe për zgjerim të rrjetit kriminal, i cili kontrollon gjithçka – prej vaksinave që i blihen për ethjen e lopëve deri te tenderët e mëdhenj dhe privatizimi arbitrar i ndërmarrjeve shoqërore; c) kur sistemi politik – e ashtuquajtura demokraci - shfrytëzohet për “parkimin” në parlament të figurave, të cilat shkathtësi pothuaj të vetme personale dhe profesionale e kanë vringëllimin me alltia, kërcënimet, vrasjet, “plagesat”! (Për këtë duhet të shikohet sidomos, por jo vetëm grupi parlamentar i Partisë Demokratike të Kosovës. Kështu Kuvendi i Kosovës, tempulli i demokracisë, shndërrohet në galeri edhe për banditë dhe urdhërdhënës vrasjesh).

Kjo mendësi politike dhe ky keqpërdorim i vullnetit të qytetarëve prodhon një shtet që formalisht i ka të gjitha institucionet e një demokracie, por përmbajtja e tyre është antidemokratike. Kjo është sikur kur e mbushni kanaçen e Coca-Colës me naftë të Ballshit të Mallakastrës dhe provoni ta hidhni në treg si pije tepër freskuese. Kjo mendësi u përshtatet shumë të gjithë atyre karkalecave ndërkombëtarë, të cilët mendojnë se kosovarëve të papërvojë me demokraci u duhet një dirigjent i përdorshëm dhe kërcënues, i cili kujdeset që gjendja të mbahet nën kontroll. Dirigjenti gjithnjë merret me korrigjimin e vullnetit popullor, i cili, sipas kësaj mendësie, buron nga një turmë e të paditurve, madje budallenjve. Për këtë arsye imponohet sistemi i demokracisë së dirigjuar. (Përndryshe nocioni karkalec në debatin politik është përdorur për herë të parë në vitin 2005 nga një politikan i njohur socialdemokrat gjerman, i cili me këtë metaforë insektesh i kishte përshkruar “investitorët anonimë”, që merren me privatizimin e ndërmarrjeve dhe shkatërrimin e tyre).



Helm dhe heshtje



Aspak më ndryshe nuk janë gjithë ata konsulentë ndërkombëtarë që sillen vërdallë nëpër Kosovë, me thikë në dorë dhe përherë të gatshëm për të bërë propozime se si duhet të privatizohet (lexo: shitet) gjithçka, madje edhe lugët e shtëpisë. Një shembull bizar është i ashtuquajturi privatizim i “Ferronikelit”; askush nuk flet kundër oligarkëve të huaj, të cilët e blenë “Ferronikelin” për pesë paré dhe tani po e helmojnë një pjesë të Kosovës (Drenicën), po shkelin të drejtat e punëtorëve dhe po e dëmtojnë rëndë ekonominë e Kosovës. Ishte një gazetë izraelite, e mirënjohura “Haaretz”, që në një reportazh të gjatë (të ribotuar në këtë gazetë që po e mbani në duar) e përshkroi krejt tmerrin rreth “Ferronikelit”.

Në çdo vend tjetër do të ishte ndezur një debat i ashpër për këtë skandal. Në Kosovë heshtin të gjithë, duke filluar nga Qeveria dhe Ministria e Ambientit deri te të ashtuquajturat organizata joqeveritare për mbrojtjen e mjedisit. Heshtja nuk duhet të na befasojë: prej një oligarkie që llomotit për vlera e standarde evropiane dhe sillet e vepron si grigjë antievropiane, as që mund të pritet më shumë. Heshtin, plaçkitin kudo ku munden dhe sundojnë sot për nesër, sepse nuk kanë ambicie fisnike. Do të duhen disa vjet, por dikur do të shohim përmasat e plaçkitjes së Kosovës në 12 vjetët e fundit – nga vendorët dhe të ashtuquajturit ndërkombëtarë, karkaleca që Kosovën e shohin vetëm si parajsë për karrierë dhe zhvatje. Në krahasim me Irakun dhe Afganistanin, ku bombat shpërthejnë orë e çast, Kosova vërtet është një parajsë, aq më tepër kur javën e kaloni në zyra komode në Prishtinë dhe fundjavën në Selanik, ku pini, dëfreheni dhe shfryheni kundër, ah, “shoqërisë ksenofobe” kosovare, siç bëri, ta zëmë, eurodiplomati Fernando Gentilini në një biçim-libër të tij. Oligarkia, kuptohet, ambicie tjetër nuk ka përveç zhvatjes. Motoja e oligarkisë është: “Pas meje kiameti, mynxyra, kërdia”.



Lypës pasaportash



Prandaj dallimi i Kosovës me Evropën iluministe, me atë Evropë ku sundon ligji, është aq i madh. Pafundësisht i madh. Edhe këtu oligarkia dhe kamarilla mediale kanë përgjigje: “Ne nuk mund të krahasohemi me gjermanë, zviceranë, britanikë etj”. Kjo domethënë: “ne krahasohemi” me demokracitë e dirigjuara, me “upravljajemaja demokratija”. Se ç’është Evropa treguan, këto ditë, dy raste ekzemplare: ministri i Mbrojtjes i Britanisë së Madhe, Liam Fox, dha dorëheqje pasi mediat zbuluan se ai e kishte marrë me vete në udhëtime zyrtare një mik të tij (ndoshta e kishte më shumë se mik), se ky miku i tij 18-herë e kishte vizituar në zyrë ministrin Fox, se ishte paraqitur ilegalisht si këshilltar i tij dhe se ishte marrë me lobim për interesa të industrisë së armëve. Kryeministri britanik, David Cameron, brenda një javë hoqi dorë nga kolegu i tij partiak, i cili ishte shtyllë e rëndësishme e kabinetit. Në Qeverinë aktuale të Kosovës ka ministra që shkojnë për vizitë në vende të tjera dhe gjunjëzohen para autoriteteve të atjeshme, duke kërkuar një pasaportë. Ministrat duan të bëhen shtetas të vendeve të tjera, sepse një ditë, pasi të kenë vjedhur e plaçkitur gjithçka, mund të ikin nga Kosova dhe të strehohen në “atdheun e dytë”, i cili nuk do t’i ekstradojë në Prishtinë, nëse dikur Kosova do të ketë prokurorë që vërtet do të ndjekin krimin dhe nuk do të përgjumen nën jorgan bashkë me kriminelë. Këta banditë të veshur me pushtet shpresojnë se dora e drejtësisë nuk do t’i prekë kurrë, prandaj tani për interesa private bëjnë edhe këso premtimesh: “Nëse më jepni pasaportën e vendit tuaj, unë do të mbështes investitorët tuaj në Kosovë”.

Rasti i dytë ekzemplar, i cili tregon dallimin mes Kosovës, Republikës së Opingave, dhe Evropës Perëndimore është ky: në fund të shtatorit Gjykata administrative federale në Zvicër suspendoi nga puna shefin e policisë kriminalistike federale për shkak se në një udhëtim në Shën Peterburg e kishte marrë me vete partneren e tij, e cila ishte ruse. Menjëherë reaguan mekanizmat e shtetit: zyra për kontrollin e sigurisë së personave filloi hetimet dhe erdhi në përfundim se zyrtari paraqiste rrezik për sistemin e sigurisë së Zvicrës. Shefi i policisë kriminalistike federale u ankua në Gjykatën administrative federale, e cila po ashtu erdhi në përfundim se zyrtari paraqiste rrezik për sigurinë e Zvicrës. Sipas gjykatës, pozita e shefit të policisë kriminalistike është “jashtëzakonisht e ndjeshme sa i përket sigurisë”, pasi që zyrtari ka qasje ndaj sekreteve të sigurisë së brendshme dhe të jashtme të Zvicrës. Po ashtu pozita e tij i nënshtrohet vëmendjes së madhe publike dhe mediale. Sjellja e tij profesionale dhe private perceptohet nga publiku dhe në rast të ngjarjeve negative disponon me potencial të madh dëmtimi.

Si është puna në Kosovë? Shef policie emërohet një person, i cili lëre që potencialisht është fajtor për dështimin kolosal të intervenimit të policisë në veri më 25 korrik, por edhe paraqet rrezik për sigurinë e Kosovës – për shkak të lidhjeve të tij familjare me njërën prej figurave më me peshë në nëntokën e krimit të organizuar dhe kontrabandës në Kosovë dhe rajon. E tmerrshme që për këtë emërim u desh të sakrifikohej një polic i Kosovës. Njëherë emërimi i Shpend Maxhunit në postin e shefit të Policisë së Kosovës kishte dështuar – për shkak të kundërshtimit të Ambasadës së Shteteve të Bashkuara të Amerikës. Kësaj radhe amerikanët heshtën. Fundja, ky nuk është shteti i tyre. Ata mund të ndihmojnë, por nëse oligarkia ka vendosur ta shndërrojë Kosovën në Republikë të Opingave, atëherë s’ka fuqi që ta ndalë. Çka ia bë vetes, s’ta bën as armiku i përbetuar. – Larg Republikës së Opingave, megjithatë, ekziston një Kosovë, një Republikë, e cila vazhdon të ushqejë ëndrrën për një të ardhme evropiane.

[Gogi]

...e don populli.

Edhe mos sill shkrime nga nje gazete e vetme. ..po edhe Amerika e don .

[master2006]

...e don populli.

Nga rreth 38% e atyre qe dolen ne zgjedhje, 1/3 e tyre e votuan Hashim Thaçin. Kjo shifer i bie diku nen 150.000 vota, nga rreth 1.5-1.8 milion .... ja, kaq e don populli...

[anita340]

Nga rreth 38% e atyre qe dolen ne zgjedhje, 1/3 e tyre e votuan Hashim Thaçin. Kjo shifer i bie diku nen 150.000 vota, nga rreth 1.5-1.8 milion .... ja, kaq e don populli...

Megjithate eshte me i votuari nga te gjithe politikanet kosovar.

[master2006]

Megjithate eshte me i votuari nga te gjithe politikanet kosovar.

Me i votuari nga ata qe nuk i don populli. Vet fakti qe me pak se gjysma e popullit ka dal ne zgjedhje, jep te kuptojme se shumica popullit nuk i don keta njerez.

[anita340]

Me i votuari nga ata qe nuk i don populli. Vet fakti qe me pak se gjysma e popullit ka dal ne zgjedhje, jep te kuptojme se shumica popullit nuk i don keta njerez.

Po sna the cilin e do populli me shume. Ne Evrope ka plot vende qe dalin akoma me pak njerez ne zgjedhje. Ne Kosove ka edhe nga ata qe per arsye te ndryshme skane votu e megjithate e dun Thaqin.

Interesant kjo tema , po eshte hape ne kohe jo shume te duhur. Eshte me aktuale tema per veriun. Po si duket disave ketu,parashikimet se veprimi i qeverise sdo japi rezultate a se barrikadat e serbve sdo te hiqeshin ,u rane ne uje dhe tani provojne te gjejne nje tjeter dege ku te kapen ,per te share kryeministrin.

[Gogi]

Nga rreth 38% e atyre qe dolen ne zgjedhje, 1/3 e tyre e votuan Hashim Thaçin. Kjo shifer i bie diku nen 150.000 vota, nga rreth 1.5-1.8 milion .... ja, kaq e don populli...

Atehere as presidentet Amerikan nuk qenkan legjitim.

Ju nuk merakoseni per kete mandat, ju e dini qe ky do jet kryeminister edhe nje mandat pas ketij, besoj pajtohesh.

[thirsty]

ska democraci, eshte fallco

ne te vertet sundon pakica dhe jo shumica

[Gogi]

Me i votuari nga ata qe nuk i don populli. Vet fakti qe me pak se gjysma e popullit ka dal ne zgjedhje, jep te kuptojme se shumica popullit nuk i don keta njerez.

A e din sa veta jane dal ne zgjedhje a jo. A je i sigurt qe nuk jane dal me shume se gjysma?