Problematika ne spitalet e Shqiperise

[EuroStar1]

Asnjë investim nuk po bëhet në Shëndetësi nga qeveria Berisha,ndërsa
kryeministri po endet nëpër fshatra për të inauguruar rrugë lokale dhe nuk do të jetë e çuditshme ta shikojmë kryeministrin të inaugurojë puset e ujit që hapin familjet para shtëpisë sepse mund ti duket si investim qeveritar,ose mund të shkojë të inaugurojë ndonjë rrënjë ulli,në momentin që shqiptarët po vdesin nga sëmundjet ,pasi spitalet janë në gjendje skandaloze.



Çdo javë, por edhe në fund të muajit, Instituti i Shëndetit Publik raporton të dhënat për situatën e të prekurve nga viroza në vend. Raporti mbledh të dhënat nga kartelat e të gjithë pacientëve të paraqitur në spitalet rajonale të vendit.

Pas bilanceve botohen rezultatet për situatën e përhapjes së viruseve dhe infeksioneve. Kështu, në buletinin e fundit të ISHP-së rezulton se javët e fundit janë prekur nga virozat rreth 12 mijë qytetarë në të gjithë vendin.


Sipas bilanceve, ka një rritje dhe shtim të pacientëve me infeksione të rrugëve të frymëmarrjes, por gjendja është ende nën pragun e “alarmit”. Pavarësisht kësaj, kanë mbetur vetëm tri javë kohë për të kryer vaksinën e gripit, dhe në situatën kur çdo javë paraqiten 12 mijë persona me virozë të stinës, sektori i epidemiologjisë dhe Shëndeti Publik këshillojnë popullatën për të marrë vaksinën të paktën deri në javën e fundit të muajit nëntor.


Në tregun farmaceutik shqiptar qarkullojnë disa lloje vaksinash, të cilat kanë çmime të ndryshime, nga 11 mijë lekë të vjetra deri në 15 mijë lekë të vjetra mesatarisht. Çmimet ndryshojnë mes tyre për shkak të vendit të prodhimit dhe kompanive, të cilat mund të jetë të njohura ose më pak të njohura.


Sipas mjekëve, vaksina është e rëndësishme kryesisht për kategoritë e personave me imunitet të ulët, për fëmijët, për gratë shtatzëna, për pacientët kronikë si dhe për ata që udhëtojnë shpesh jashtë vendin.

[BlueBaron]

Edhe per gripin fajin e ka Sala ...

[kleadoni]

Edhe per gripin fajin e ka Sala ...

Sigurisht, se po te ishte doktor tani do e kishte parandaluar gripin

[PINK]

Se mos beni gabim e semureni atje, ndonje gje serioze se e hengret. Iket per per ...

[EuroStar1]

Mesa duket qeveria ka marrë vendimin të provokojë fuqinë e shqiptarëve dhe të gjithë ata që janë të sëmurë do i lerë të vdesin,pasi përveç gjendjes skandaloze në spitale,po rriten edhe çmimet e ilaçeve,që do të thotë se ata që nuk do kenë mundësi ti blenë,do vdesin.Me pak fjalë Shqipëria nuk ka ndryshim nga Afrika në sistemin shëndetësor,madje do mund të thosim që në Afrikë mund të ketë shërbim më të mirë,pasi ka shumë organizata ndërkombëtare që ndihmojnë.

Çmimet e medikamenteve mjekësore janë rritur me 15 për qind, duke shënuar një nga grupmallrat me më shumë rritje çmimesh në Shqipëri. Sipas të dhënave të Institutit të Statistikave vetëm gjatë vitit të fundit, çmimet e ilaçeve janë rritur me 4.7 për qind.

Janë dy faktorët që kanë sjellë këtë rritje të çmimeve: vendosja e tatimit mbi vlerën e shtuar për medikamentet dhe shërbimet mjekësore nga ana e qeverisë vitin e kaluar në masën 10 për qind dhe zhvlerësimi i lekut kundrejt euros, për shkak se shumica dërrmuese e medikamenteve mjekësore vijnë nga importi.

Çmimi i ilaçeve për një pjesë të popullatës nuk ka rëndësi, për shkak se një pjesë e madhe e kostos së tyre përballohet nga shpenzimet e Institutit të Sigurimeve Shoqërore e Shëndetësore, por ka edhe shumë ilaçe, veçanërisht ilaçet e shtrenjta, të cilat nuk përfitojnë rimbursim. Ilaçet vlerësohen se zënë 2.5 për qind të shportës së konsumit të familjeve shqiptare.

Ndërkohë, sipas INSTAT-it, çmimi i shërbimeve mjekësore, para mjekësore dhe dentare, është rritur me 66 për qind përgjatë katër viteve të fundit. Shumica dërrmuese e rritjes së çmimeve ka ndodhur para vitit 2010, ndërsa gjatë 12 muajve të fundit, çmimet kanë qëndruar në të njëjtin nivel.

[Marya]

eh, eh, eh.......

[Ksanthi]

vitet e fundit te pakten pensionistat i kane ilacet kronike falas .Te pakten ka dicka te mire .Ne spitalin e Gjirokastres duhet te marresh carcafe e batanije me vete po u shtrove .Kuptohet qe ilacet dhe gjelperat do blehen nga pacienti .Jo se nuk ka spitali por qe nga drejtori dhe deri tek pastruesja vjedhin.

[EuroStar1]

Open Data Albania ka kryer një hulumtim mbi vdekshmërinë foshnjore n ë Shqipëri duke kryer edhe një krahasim me rajonin. Raporti bazohet në të dhënat e Bankës Botërore.

Vdekshmëria foshnjore është një tregues i rëndësishëm i kushteve shëndetsore të një vendi. Ky tregues përdoret edhe për krahasimin e zhvillimit socio-ekonomik të shteteve (sa më i lartë treguesi, aq më problematike është situata). Vdekshmëria foshnjore është numri i foshnjeve që vdesin para se të arrijnë moshën 1 vjeç, për 1,000 lindje.

Duke filluar nga viti 1995, vdekshmëria foshnjore për 1,000 lindje në Shqipëri ka ndryshuar sipas grafikut: Sikurse mund të shihet edhe nga grafiku, treguesi i vdekshmërisë foshnjore ka ardhur vazhdimisht në ulje, duke arritur minimumin në 2009, me 14 vdekje për 1,000 lindje. Ky është një trend pozitiv, por që duhet të krahasohet edhe me vendet e rajonit, për të krijuar një ide më të mirë për situatën.

Krahasuar me vendet e rajonit, Shqipëria renditet në vendin e fundit (ka treguesin më të lartë), lidhur me vdekshmërinë foshnjore.

Situata më e mirë duket në Greqi, me një tregues 3 të vdekshmërisë foshnjore për 1,000 banorë, e ndjekur nga Serbia (6), Maqedonia (10) dhe Bosnja dhe Hercegovina (13). Për Shqipërinë treguesi është më i larti në rajon (14).


Të gjitha vendet e rajonit kanë tregues më të mirë, çka tregon se Shqipëria është ende e prapambetur krahasuar me këto vende, sidomos në fushat e shëndetësisë dhe kushteve ekonomiko-sociale.

[TetovaMas]

Shqiptaret per fate te keqe nuk kane edukate shendetesore publike . Mjeket shqipetare,jane mjeke me me pake humanitet ne bote.
Ne Maqedoni Spitalet ku udheheqin shqipetaret jane shendruare si "Pazare i kafsheve " pra behet pazare me pacientet ose familijaret se sa kushton pazari per sherim .
E njejta situate e shendetesise mbyzoteron edhe ne Kosove,

[EuroStar1]

Shumica dërrmuese e ryshfeteve të paguara nga shqiptarët gjatë 12 muajve të kaluar kanë përfunduar në xhepat e mjekëve, ndërsa më shumë se gjysma e rasteve kur është paguar nën dorë, janë zyrtarët ata që në mënyrë të drejtpërdrejtë apo të nënkuptuar e kanë kërkuar pagesën. Lajmi bëhet i ditur nga një studim i Zyrës së OKB-së për Drogën dhe Krimin, i financuar nga Bashkimi Europian.

Instituti i Statistikave kreu vrojtimin me pyetësorë për 5700 qytetarë në të gjithë Shqipërinë dhe nxori rezultatet që nuk përbëjnë surprizë, por që gjithsesi, për shkak se publikohen nga një ent i qeverisë dhe për shkak se metodologjia është e përgatitur nga Organizata e Kombeve të Bashkuara, duket se nuk mund të hidhet poshtë nga qeveria, siç ndodh rëndom me studime të ngjashme të kryera nga institucione private apo organizata jofitimprurëse.

Studimi vëren se rreth 80 për qind e shqiptarëve që janë nga 18 në 60 vjeç kanë pasur kontakt me një zyrtar të qeverisë apo një punonjës të mjekësisë së paku një herë gjatë vitit të fundit dhe se një e treta e të gjithë atyre që fati i ka përplasur te dyert e shtetit ose 20 për qind e popullatës maxhorene është detyruar të paguajë nën dorë me para të thata.

Mitëmarrja në Shqipëri në krahasim me vendet e tjera të rajonit, jo vetëm që rezulton dy apo tre herë më e lartë, por rezulton gjithashtu banale. Shumica e shqiptarëve nuk paguajnë për të përshpejtuar një procedurë zyrtare, siç paguhet në vendet e tjera, por paguajnë për të përfituar një shërbim shëndetësor më të mirë.
Mjekët, më të korruptuarit

Shumica dërrmuese e pagesave janë bërë në sistemin e shëndetësisë me motivacionin për të përfituar një shërbim më të mirë. Mjekët në Shqipëri rezultojnë në këtë mënyrë si punonjës privatë që paguhen një herë nga shteti për të ofruar kujdes shëndetësor, por që kërkojnë edhe një pagesë për veten. Mitëmarrja mes mjekëve është bërë tashmë një fenomen fare normal, që shpesh justifikohet me pagat e ulëta, por që duke qenë se në Shqipëri ka një sektor privat të kujdesit shëndetësor, ku mjekët që e ndiejnë veten të aftë mund të ofrojnë shërbimet e veta përkundrejt pagesës, ky justifikim nuk bind më askënd.

Problemi është se edhe qeveria duket se e konsideron si pjesë normale të punës që mjekët të marrin para nën dorë pavarësisht se punojnë në spitalet apo klinikat shtetërore dhe paguhen nga taksapaguesit, pasi nuk mbahet mend të ketë kritikuar ndonjëherë në mënyrë të hapur këtë praktikë mitëmarrjeje dhe as nuk e ka luftuar ndonjëherë.

Ndërkohë, arsyeja se pse qytetarët pranojnë të paguajnë nën dorë punonjësit që teorikisht duhet të jenë kampionë të humanizmit, lidhet thjesht me faktin se po nuk paguan, nuk përfitojnë shërbim ose shërbimi nuk është cilësor.

Shkaku i përhapjes masive të këtij fenomeni duket se është mosndëshkimi. Kjo e bën që edhe kur zyrtarët kërkojnë në mënyrë eksplicite pagesë nën dorë, qytetarët nuk e shohin të logjikshme të kryejnë denoncim.
E kërkojnë vetë

Ndryshe nga mendimi i përgjithshëm që shqiptarët tentojnë të paguajnë zyrtarët shpesh edhe kundër vullnetit të këtyre të fundit, studimi tregon se në fakt qytetarët, por më së shumti, fshatarët shqiptarë janë nën presionin e vazhdueshëm të zyrtarëve për të paguar mitë. Mbi 50 për qind e të intervistuarve tregon se zyrtarët e kanë bërë të ditur në mënyrë indirekte se duhet të paguajnë, ndërsa 10 për qind të tjera raportuan se kërkesa për mitë u është bërë në mënyrë të hapur.
Kosova më pak e korruptuar

Kosova duket se ka një nivel mitëmarrjeje nga ana e zyrtarëve publikë shumë më të ulët sesa Shqipëria, gjë që tregon se të qenët shqiptar duket se nuk mbart ndonjë gjen me emrin “korrupsion”. Sipas studimit, në Kosovë 80 për qind e popullatës maxhorene ka kontakt me zyrtarët, por vetëm 11 për qind e saj ka paguar ryshfet. Për më tepër, shumica e ryshfeteve të paguara në Kosovë nuk lidhen me sistemin e shëndetësisë si në Shqipëri, por synojnë të përshpejtojnë procedurat.