Problematika ne spitalet e Shqiperise

[Brari]

mos ndeshkimi..dhe vet pelqimi o star..

me duket se dhe vet shqipot nuk u rri batha po e shti doren ne xhep me dhan rrushfet..
u bo edukat kjo..

un sic thash nji dit mdul pun me spitale kur isha ne shqipni..

asnji rrushfet nuk me kerkuan..

krejt pun e mir e mjekve dhe infermierve..

mirpo un rrija ne gjemba..
mdukej se po baj maskarallyk ne se nuk u a shti dicka ne xhep..

dhe ja shtiva..

e cfar.. me denu mjekun tash a?

[EuroStar1]

Gjithsesi o brari, pa provoje jashte shqiprise nje gje te tille ne Spitale, polici etj a do ta pranonin apo do gjeje belane me to

[EuroStar1]

Ja nje nga fiksi psh


Një operacion sot në spitalet shqiptare kushton jo më pak se 15000 lekë të reja. Këtë pagesë të afërmit e pacientit e bëjnë në dorë. Pagesat fillojnë përpara se pacienti të futet në sallën e operimit. Të afërmit duhet të vrapojnë nëpër farmacitë rreth e rrotull spitalit që të gjejnë shampo betadinë, sepse spitali nuk ka. Pasi ia dorëzon betadinën infermieres, pacienti futet në sallën e operimit dhe është gati për të vazhduar me veprimet e tjera për ndërhyrjen kirurgjikale. Sapo mbaron operacioni dhe infermierët të komunikojnë se doli me sukses, fillon ndarja e lekëve.

Lekët nuk jepen nëpër korridore ku mund të të shikojnë të gjithë, por në një dhomë që ndodhet para sallës së operacionit. Infermierja të hap derën dhe të numëron detyrimet që ke.

I gjithë stafi mjekësor që ka qenë prezent në sallën e operacionit dhe i ka shërbyer pacientit duhet të shpërblehet. Pagesat fillojnë nga 1000 apo 2000 lekë çdo infermier, 5000 lekë kryeinfermierja, 10000 lekë anestezisti dhe 25 000 - 30 000 mjeku që ka kryer operacionin.

"Fiks Fare" ndoqi me kamera pikërisht këto biseda. Familjarët e një pacienti që operohej te spitali nr. 5 në QSUT, "Nënë Tereza", menjëherë sapo ka përfunduar operacioni që ka zgjatur disa orë kanë paguar të gjithë stafin që kishte qenë në sallën e operimit.

Kur pyesim infermierët dhe mjekët se sa duhet t‘i paguajnë, të gjithë thonë sa të kenë dëshirë dhe mundësi, ndërsa nga ana tjetër u kujtojnë se tashmë tarifat dihen.

Anestezisti ua lë në dëshirë, por pagesa e tij duhet të jetë diku midis 5000 dhe 10000 lekëve.

Infermieret marrin nga 1000 lekë secila, ndërsa për kryeinfermieren familjarët paguajnë 500 lekë. Ajo nuk e merr vetë këtë pagesë dhe as nuk e kërkon, por infermieret e sallës i marrin këto para për t‘ia çuar asaj.

Për sa i përket mjekut që ka kryer operimin një nga infermieret u rekomandon që t‘i japin 25 000 - 30 000 lekë

Të gjitha bisedat e regjistruara janë denoncuar dje në emisionin "Fiks Fare".

Biseda me kryeinfermieren e sallës së operacionit, përpara se pacienti të futet në operim

Kryeinfermierja u kërkon familjarëve që të blejnë në farmacitë rrotull spitalit shampoo betadinë

Fiksi - Shampo betadinë do marrim dhe çfarë tjetër?

Kryeinfermierja - Edhe big (brisk) sepse aty ku ndoshta do të merret transplanti, nuk e di si ua ka shpjeguar doktori...

Fiksi - Këmbët janë pastruar.

Kryeinfermierja -Komplet? Në rregull atëherë nuk ka nevojë për big, merrni vetëm shampo betadinë.

Fiksi - Ku merret kjo?

Kryeinfermierja - Në çdo vend, në çdo farmaci nuk e di a kanë të gjitha por merri me radhë nga këtu.

Betadinë ka spitali, por kjo është, thashë një solucion larës me më shumë dizifektant brenda.

(Mbas operacionit)

Infermierja - Mund t‘ju sqarojmë pak, nëse mundeni?

Fiksi - Po.

Infermierja - Të shkuara, mbaroi, shkoi mirë, doktori tha: del shumë shpejt, sa të plotësojë kartelën dhe këto në kompjuter. Ka shkuar mirë pa problem. Të shkuara, do t‘ju japim dhe rrobat.

Ne jemi personeli infermierë, të shkuara.

Fiksi - Ndonjë gjë për juve?

Infermierja - Po ke mundësi, po ke dëshirë.

Fiksi - Nervi u mor në këmbë?

Infermierja - Po. Ne segmente që jepet në mikroskop me fije të holla, me fizioterapi që do të rekomandojë doktori më vonë dhe me ushtrime vetë me vullnetin e tij domethënë. Pritet përmirësimi. Ka qenë i dukshëm në shumë pacient të tjerë nga eksperiencat që kam pasur deri tani. Shpresojmë që të ketë përmirësim.

Fiksi - Tani ne nuk dimë se si të veprojmë se si t‘ia bëjmë

Infermierja - Tani pak a shumë ju duhet ta keni menduar, vepruar apo ku di unë

Fiksi - Ne nuk e dimë p.sh...

Infermierja - Këto janë muhabete që nuk mund t‘i bëjmë tani, në këtë moment.

Fiksi - Jo jo ne nuk dimë se sa, si...?

Infermierja - Tani atë as unë nuk ta them dot.

Fiksi - A e di përse? Sepse edhe ne duam që ju të ngeleni të kënaqur, sepse ne do vijmë përsëri pas një muaji këtu.

Infermierja - Atë nuk ta thotë njeri as unë, as anestezisti, as kirurgu. Ju si ta mendoni, ne themi faleminderit. Shiko harroje, gjë konkrete nuk të thotë njeri as unë as tjetri. Nuk e di. Shiko nuk është momenti që të...

Fiksi - Ok flasim më vonë, mund të flasim edhe më vonë ne!

Anestezisti - Po se unë nuk dal dot më andej. Të kaluara, shkoi mirë, pa ndonjë siklet. Ato të ftohmet mirë që i kishim shtyrë se pati një çikë kështu, por jo probleme që të na shqetësojnë.

Fiksi 2 - Tani sa është... tani varet... se nuk ja di të them të drejtën asnjë gjë nuk di.

Fiksi 1 - Ne është rasti i parë që na bie

Anestezisti- Ke shumë të drejtë, unë të kuptoj shumë mirë. Unë... këtu është pazar shteti, nuk ka pazar si atje te puna jote. Pazari... shëndeti nuk ka asnjë çmim.

Operacion 5-6 orësh që lodhesh, kaq po të them. Nuk di çfarë të të them tjetër. Dëgjo ti ke qenë në Spital Ushtarak?

Anestezisti- Atëherë që të të them unë një mesatare, po të them 50-100 një mesatare? Tani ti mendoje si të duash. Meqë këmbëngule kaq shumë.

Fiksi -Për juve?

Anestezisti- Mirë mirë, më vjen keq. Unë të thashë një mesatare.

Fiksi 2 - Je dakord? Në rregull. Nuk dua që...

Anestezisti - Më vjen keq unë s‘po të them. ................... ................... ................... .

Fiksi 1 - Këtu keni edhe 50.

Fiksi 1 - Dëgjo tani. Ne e rregulluam me atë të narkozës, po këtyre të tjerëve sa t‘u japim, sepse nuk e kemi idenë fare-fare.

Po asaj... si e kishte emrin ajo..?

Infermierja - Të thonë vetë moj ç‘ja fut kot edhe ti, s‘është problem. Pyete.

Fiksi - Ne i thamë dhe nuk na thanë gjë, kishte turp.

Infermierja - Kush kishte turp? Jo more jo po shko pyete.

Infermierja - E sa i dhatë atij të narkozës?

Fiksi - Po ai na kërkoi 5000 lekë.

Infermierja - T‘i kërkoi, të tha vetë 5000 lekë?

Fiksi - Tha nga 5000 - 10000 lekë. Ne 5000 lekë i dhamë sepse...

Infermierja - Ridvanin shikoje 2,3,4 herë (2,3,4 pesëdhjetëshe.) Si të të vijë për mbarë.

Fiksi - Si 2,3,4 herë?

Infermierja - Ja e mori vesh ky...

Fiksi - Hajde se do flasim bashkë.

Infermierja - Po aq edhe atij.

Fiksi - Ooo!

Infermierja - Ëhëë.

Doktori anestezist ka gjetur një kartëmonedhë të grisur mes tufës së lekëve që i kanë dhënë familjarët e pacientit dhe ua kthen. Familjarët i kërkojnë ndjesë dhe ia zëvendësojnë kartëmonedhën me një të re

Doktori anestezist - Në kasap e keni marrë këtë?

Mua më gjetët? Nuk jua merr njeri?

Fiksi - Më fal, më fal.

Doktori - Mos e vrit mendjen

Infermierja - Është turp, është turp për aq. 1 000 lekë i dhatë?

Fiksi - Jo aq jo, kishte dhe të tjera, por mes të tjerave ishte dhe ajo.

Infermierja - Aha thashë se...

Thashë se u ndje i ofenduar dhe jua dha.

Fiksi - Jo,jo sa na tha i dhamë, nuk është se...

Kjo paska qëlluar e grisur.

T‘i japim një tjetër.

Fiksi - Sa ju detyrohemi juve, sa doni?

Infermierja - Detyrim thashë, ke 5 infermiere dhe kryeinfermierja tani vendoseni vetë.

Fiksi - Unë nuk e di.

Infermierja - Sa të kesh mor vëlla, çfarë të të them unë tani.

Fiksi - Ne e pyetëm zotërinë dhe tha kaq. Ne ja dhamë, ku e dimë ne se sa doni ju.

Infermierja - Ne nuk mund të themi shifër. Ne po të themi që jemi 5 infermiere dhe kryeinfermierja, tani ti e di sa e ke mundësinë dhe dëshirën.

Fiksi -Dëshira ime është tjetër gjë, puna jote është tjetër gjë.

Fiksi - Çojmë atë lart(të sëmurin) t‘i japim dhe doktorit këtë dhe flasim prapë.

Infermierja - Po neve do ikim, na ka mbaruar orari të them të drejtën.

Fiksi - Po si t‘ia bëjmë tani?

Infermierja - Ne nuk mund të themi dot ti sa të kesh dëshirë.

Na pyet se sa jemi dhe të themi që jemi 5 infermiere dhe ajo që është shefja.

Ne kemi bërë goxha punë, kemi bërë tani çfarë të themi ne.

Ju e keni llogaritur kohën se sa kemi ndenjur neve

Fiksi - Po, po.

Se dimë mos...

Infermierja - Sa e ke menduar ti, sa?

Fiksi - Unë tani p.sh sa e kam takatin...

Infermierja - Sa pra sa?

Fiksi - Ndoshta nuk jeni të kënaqura...

Infermierja- Sa pra sa, ta themi ne që jemi apo nuk jemi.

Të themi një të mesme p.sh. nga një pesëdhjetëshe(50000) të paktën për kokë juve, sa?

Infermierja - O mirë faleminderit.

Fiksi - Na thoni më shumë apo më pak?

Infermierja - Po mirë aq sa the, jepi tani për të gjitha.

Fiksi - Iku ai doktori, anestezisti?

Infermierja - Jo mos ki merak këtu e ke. Vetëm të duash ta takosh.

I ka qëlluar false, po ju s‘keni faj?

Fiksi - Jo, jo false, i ka qëlluar e grisur.

Infermierja - Puna është mos bëhet me dashje, se pa dashje.

Fiksi - Absolutisht.

Infermierja - Pa dashje qëllon.

Fiksi -Sa u bënë këtu, 1,2,3,4....Je në rregull?

Infermierja - Po faleminderit.

Doktor....

Infermierja - Do kishit po deshët ndonjë gjë për kryeinfermieren, për atë zonjën që doli.

Sepse ajo e bën të gjithë organizimin e punës dhe e meriton diçka.

Fiksi -Po, sa?

Infermierja - Të paktën sa neve. N.q.s keni ose më pak, si ta kesh ti mundësinë. Kaq i japin të tjerët sa na dhe edhe neve.

Fiksi - O doktor? Na fal, na ka shpëtuar, nuk e kemi bërë me dashje.

Doktori - Nuk thashë gjë unë.

Nuk është problem e di ai, nuk është as e para as e fundit. Mua ma kanë futur në xhep pa e ditur fare.

Fiksi - Këtu i tërhoqa në sy tuaj.

Doktori - Më vjen keq nuk thashë asgjë.

Infermierja - Kjo është (kjo që doli është kryeinfermierja).

Infermierja - Futi në xhep ato se do të vij bashkë me të tjerat ajo, mos të duket tani se çfarë po bëjmë.

Në sekondë, sepse duan të të falënderojnë.

Kryeinfermierja - Çfarë po bëni që po i komplikoni kaq shumë gjërat, dilni, ikni vetëm na lini rehat se kemi shumë punë.

Infermierja - Duan të të falënderojmë.

Kryeinfermierja - Mos u sikletosni kaq shumë, n.q.s keni ndërmend me dhënë jepni nëse jo...

Fiksi - Juve, se me këto rregullohemi ne.

Kryeinfermierja - Nuk kam kohë fare.

Infermierja - Ja jap unë(infermierja fut në xhep 5 000 lekë për t‘ia dhënë kryeinfermieres).

Fiksi - Këto janë për..

Infermierja - Shefen, ja jap unë.

Fiksi - Po.

[EuroStar1]

Korrupsioni, nis hetimi ndaj bluzave të bardha

Pas denoncimit të "Fiks Fare", Prokuroria nis hetimet ndaj mjekut dhe infermiereve

Bluzat e bardha të denoncuara nga "Fiks Fare" për marrje ryshfeti do të përballen me organin e Prokurorisë së Tiranës. Njësia antikorrupsion e pagëzuar Task-Forca ka filluar një procedim penal në bazë të fakteve të publikuara nga emisioni investigativ. Pritet që në ditët në vazhdim hetues të çështjes të marrin në televizionin "Top Channel" të gjitha pamjet filmike. Lajmi bëhet i ditur nga akuza qendrore, sipas të cilës hetuesit e çështjes do të identifikojnë të implikuarit dhe më pas do të thirren për dëshmi. Nëse gjatë hetimeve rezulton se kanë shkelur ligjin, atëherë do të përballen me akuzat e "shpërdorimit të detyrës" dhe të "korrupsionit pasiv".

Mjekët në prokurori

Grupi hetimor përcakton se mjekët e spitalit "Nënë Tereza", të cilat janë filmuar nga "Fiks Fare" do të përballen me organin e akuzës, ndërsa hetimi do të ndiqet në gjendje të lirë, pasi nuk kanë rrezikshmëri shoqërore. Me urdhër të ministrit të Shëndetësisë, Nard Ndoka, të denoncuarit u pezulluan deri në verifikimin e plotë të ministrisë. Tashmë, krahas Ministrisë së Shëndetësisë organi i prokurorisë ka filluar hetimet. Burimet pohojnë se pritet që raporti dhe kontrolli i vartësve të Ndokës të dërgohet në prokurori për ndjekje penale. Gjithsesi, prova më e fortë e organit të prokurorisë është prova filmike e transmetuar në televizionin "Top Channel". Në të thuhet se pagesat në spitale fillojnë përpara se pacienti të futet në sallën e operimit. Të afërmit duhet të vrapojnë nëpër farmacitë rreth e rrotull spitalit që të gjejnë shampo betadinë, sepse spitali nuk ka. Pasi ia dorëzon betadinën infermieres, pacienti futet në sallën e operimit dhe është gati për të vazhduar me veprimet e tjera për ndërhyrjen kirurgjikale.

Marrja e ryshfetit

Sapo mbaron operacioni dhe infermierët të komunikojnë se doli me sukses, fillon ndarja e lekëve. Lekët nuk jepen nëpër korridore ku mund të të shikojnë të gjithë, por në një dhomë që ndodhet para sallës së operacionit. E gjithë skena është filmuar nga "Fiks Fare". Infermierja të hap derën dhe të numëron detyrimet që ke. I gjithë stafi mjekësor që ka qenë prezent në sallën e operacionit dhe i ka shërbyer pacientit duhet të shpërblehet. Pagesat fillojnë nga 1000 apo 2000 lekë çdo infermier, 5000 lekë kryeinfermierja, 10000 lekë anestezisti dhe 25 000 - 30 000 mjeku që ka kryer operacionin. Fiksi ndoqi me kamera pikërisht këto biseda. Familjarët e një pacienti që operohej te spitali nr. 5 në QSUT, "Nënë Tereza", menjëherë sapo ka përfunduar operacioni që ka zgjatur disa orë kanë paguar të gjithë stafin që kishte qenë në sallën e operimit. Kur pyesim infermierët dhe mjekët se sa duhet t‘i paguajnë, të gjithë thonë sa të kenë dëshirë dhe mundësi, ndërsa nga ana tjetër u kujtojnë se tashmë tarifat dihen. Anestezisti ua lë në dëshirë, por pagesa e tij duhet të jetë diku midis 5000 dhe 10000 lekëve. Infermieret marrin nga 1000 lekë secila, ndërsa për kryeinfermieren familjarët paguajnë 500 lekë. Ajo nuk e merr vetë këtë pagesë dhe as nuk e kërkon, por infermieret e sallës i marrin këto para për t‘ia çuar asaj. Për sa i përket mjekut që ka kryer operimin një nga infermieret u rekomandon që t‘i japin 25 000 - 30 000 lekë. Të gjitha bisedat e regjistruara janë denoncuar nga "Fiks Fare".

Gazeta Shqip

[EuroStar1]

03/01/2012

http://www.youtube.com/watch?feature...&v=KdxuzzAaGjI

21-vjecarja Blerina Balla, banuese në Komunën Qendër në Librazhd ka gjetur vdekjen nga shkaqe ende të paqarta, ndërsa organet kompetente kanë nisur hetimet e rastit.

Paraprakisht dyshohet se shkak për vdekjen e saj ka qenë një grip. Burime nga spitali i Librazhdit bëjnë me dije se Blerina Balla është shtruar në urgjencë me diagnozën e gripit toksik dhe simptomat kanë qenë temperaturë e lartë, gjendje shoku pa puls dhe pa tension.

Shefi i spitalit të Librazhdit, Gjergji Dhono thotë se vajza ka mbërritur në spital në gjendje mjaft të Rëndë.

“Pacientja paraqitet në gjendje të rëndë, pa puls, pa tension, me cianozë direkt tek mjeku i rojes e cila i ka filluar mjekimin. Është mbajtur rreth 1 orë dhe pasi është bërë konsulta me diagnozën gjendje toksike, status febril, shok toksik dërgohet urgjent në spitalin rajonal të Elbasanit”, thotë doktori Dhono.

Menjëherë pas humbjes së jetës së pacientes, prokuroria dhe policia gjyqësore kanë nisur hetimet, por familjarët sipas mjekut Dhono, nuk kanë lejuar kryerjen e autopsisë.

[Marya]

ngushellime familjareve,
por si e mbajten kete vajze ne shtepi deri ne graden e fundit sa te arrije ne spital , pa puls e pa tension dhe e nxirre (cianoze) ???????????????????????????????
ajo duhet te ishte ne reanimacion, nuk e di ne nje spital komunal a kane reanimacione?????????????????
dhe nuk dihet ne ckushte eshte transportuar, vetem me shoferin , apo kishte dhe mjek qe e shoqeronte qe te dinte te bente gjeste dhe te kishte intrumente per reanimacion
flasim kot pa patur detaje.....................;

[EuroStar1]

Bluzat e bardha janë përfshirë nga korrupsioni i lartë dhe ryshfeti. Sipas presidentit të “Urdhrit të Mjekëve”, Din Abazi, korrupsioni dhe ryshfeti te mjekët është edhe për faj të pacientëve.

Kështu, i ftuar në televizionin “Ora News”, ai ka deklaruar në këtë drejtim, se qytetarët duhet të denoncojnë mjekët që kërkojnë ryshfet.

“Dje kam bërë një prononcim për të dhënat statistikore të INSTAT për shëndetësinë. Është shifër goxha e lartë, që 71% e ryshfetmarrësve janë paguar nga mjekë. Kjo ka shpjegimin e vet. Janë më të shumta rastet e marrëdhënieve të ryshfet paguesit me mjekët dhe nga ana tjetër, mjekësia duke qenë profesion shumë delikat, edhe toleranca ndaj këtij shërbimi është e ulët. Në shumicën e rasteve qytetarët e përgatisin ryshfetin para se të shkojnë tek mjeku. Duke pasur parasysh një shërbim shëndetësor që nuk i përgjigjet standardeve të duhura, duke parë një motiv mjekësh jo në shkallën e duhur, jo ashtu siç duhet ta presë mjeku qytetarin, ata janë të përgatitur për të paguar para. Duhet të jetë i kufizuar numri i mjekëve që kërkojnë para. Është krejt i pafalshëm për mjekët, që t`i vërë kushte për të paguar”, thekson ai.

OraNews

[Ksanthi]

Eurostar me keto postimet ju ke prishur imazhin humanitar mjekeve shqiptare.

[white_snake]

se po pertoi te hyj ne duel me komente
po kisha veq nje pyetej per te gjith:
-ma gjeni nje fushveprimtari jetesore ku nuk ka ryshfet?!
e hajde te bejm krahasimin

Ma kapi syri per bela kete postin tend.

Me lejo ti pergjigjem pyetjes suaj me nje pyetje tjeter:

Me gjej nje fushveprimtari ku jeta e individid mvaret direkt nga rryshfet-dhenja?


E di si qendrron puna?
Ju mjeket beni pune goxha te larte, shpetoni jete njerzish me. Detyre me krenare e me pergjithesi nuk ka. Edhe ne fund te nje pune te bere mire e meritoni nje shperblim. Por ama ky te jete shperblim, si i tille brenda mundesi me te mira te hallexhiut. Kush nje buqet me lule apo kartoline falenderimi, kush nje kuti cokollatash, kush ka mundesi pse jo edhe shishen e shampanjes, nje rroge javore apo c'ti lind ne zemer.

Por sic e thash duhet te jete shperblim, jo te varet jeta e individit ne rryshfet.
Shumica e mjekeve e infermireve ne Shqiperi jane bere vrases te ligjshem, te len te vdesesh per nje 5 mij leksh. Nuk kane me as dinjitet, as respekt per veten e tyre dhe ate qe perfaqsojne, mbi te gjitha s'kan as shpirt me!

Per sa i perket disa komenteve te tjera qe pash, ne si komb jemi me te vertete per te ardhur keq. Tema shume e goditur, teme me vlera per t'u diskutuar per cfare eshte. Cave s'ju rrihet pa permendur parti. Partite do te na shk*rdhejne para mbrapa per aq kohe sa kemi keto mend. PO patem keto mend qe kemi vetem ndonje politikan shenjtor e engjell i kulluar mund te na nxjerr nga situata, edhe nje te tilli do ti duhet goxha pune. Harroni more partite e hapni syte rreth vetes e shikoni c'po na ndodh!

[EuroStar1]

Eurostar me keto postimet ju ke prishur imazhin humanitar mjekeve shqiptare.

Ksanthi, nese kam genjyer apo deformuar lajmet, mund edhe te me drejtohesh ne kete menyre. Jam nje nder frekuentuesit me te rregullt te spitaleve pasi kam 3 femije dhe prindrit ne moshe te thyer. Une ndeshem me keto probleme te pakten nje here ne muaj. Ndjej vertet keqardhje pasi une i bej krahasimet drejt per drejt edhe me spitalet jashte shqiperise ku kam qene disa here. Po te them qe eshte turp turp dhe vetem turp kjo qe ndodh ne spitalet e shqiperise.

Turp, per mjeket, infermjeret dhe per kontrollin e shtetit