Problematika ne spitalet e Shqiperise

[EuroStar1]

I bie të fikët në spital, e moshuara 45 minuta pa ndihmë mjekësore




TIRANE- Edhe pse ndodhej në vendin më të mirë për të marrë asistencë mjekësore, ndihma iu vonua për rreth 45 minuta. Ajo u rrëzua përtokë në Spitalin Nr.1, pranë Qendrës Spitalore Universitare “Nënë Tereza”, por asnjë mjek, infermier apo pjesëtar i personelit mjekësor nuk mori mundimin ta asistonte apo të lajmëronte dikë tjetër për t’i dhënë ndihmë.

Gruaja e moshuar (rreth 65 vjeçe) kishte pasur probleme që në banesën e saj. Për këtë arsye, bashkëshorti kishte mundur ta transportonte atë deri në katin e parë të spitalit 6-katësh. E kur dukej se ai e kishte sjellë bashkëshorten e tij në vendin e duhur, pikërisht atje u përball me indiferencën e mjekëve të këtij spitali. Ajo qëndronte përtokë, ndërkohë që askush nuk i afrohej. Pas rreth 10 minutash i afrohet një vajzë, e cila mbante veshur bluzën e bardhë të mjekut (mund të ishte mjeke apo infermiere). U duk sikur makthi i të moshuarës së shtrirë dhe bashkëshortit të saj që rrinte mbi të pa folur mori fund. Por jo! Ajo nuk ndërmori asnjë veprim në ndihmë të së moshuarës.

E vetmja “këshillë” që i dha bashkëshortit të së sëmurës ishte: Merre dhe çoje në urgjencë, mos e lër këtu. I moshuari, trupvogël e i dobët sa i takon pamjes së jashtme, ishte hutuar e vetëm ngrinte supet. “Po unë nuk di ku ta çoj. Mirë që e solla deri këtu”, - iu drejtua ai mjekes apo infermieres. Kishte edhe persona të tjerë që mbanin bluzat e bardha e që kalonin herë pas here në korridorin ku ndodhej e shtrirë e moshuara, por askush nuk u afrua për t’i dhënë ndihmë. Pasi kishin kaluar minuta të tëra e qytetarë të rastit filluan të ngrinin zërin për këtë situatë absurde, i vetmi që iu afrua të sëmurës ishte roja i pavijonit. Ai u mundua ta ngrinte të moshuarën, e cila as nuk fliste e as nuk qëndronte dot më këmbë. Pasi u afruan edhe disa qytetarë të tjerë, të cilët po përpiqeshin ta mbanin më këmbë, ai u largua me shpejtësi për të kërkuar ndihmë e për të marrë një karrocë ku të mund të ulej e sëmura.

Koha kalonte e dukej se karroca e kërkuar prej rojës nuk do të vinte kurrë. Pasi kaluan rreth 45 minuta u duk një mjek a infermier me një të tillë, i cili do të bënte edhe transportimin e të sëmurës. Situata absurde nervozoi mjaft vizitorë të rastit, të cilët, ndërsa e moshuara largohej, bënin edhe komentet e tyre: “Kjo mund të ndodhë vetëm këtu tek ne. Humanizmi i mjekëve ka marrë fund. Këtu të lënë të vdesësh e askush nuk të ofron ndihmë. Mirë që jemi në spital, se po të ishim në rrugë, kushedi kur do të vinte ambulanca”.

m.a/Gazeta Shqiptare/

[goldian]

turp e faqja e zeze
na jena kthy ma keq se kafshet

diku e lexova nje shprehje
te rrezikshme jane kafshet e uritura
dhe njerezit me barkun plot

[teta]

po me beni te dyshoi se po punoi ne te vetmin institucin ku puna behet serioze dhe profesionale


turp per spitalin!

[EuroStar1]

Vdekja e 11-vjecarit, Babai: Drejtësi, le ta zhvarrosin djalin, po zhduken provat që fajësojnë mjekët



TIRANE- Hetimet po ecin shumë ngadalë, sepse po bëhet përpjekje që të zhduken provat që fajësojnë mjekët”. Këto janë fjalët që dalin nga goja e babait të 11-vjeçarit që humbi jetën pas një ndërhyrjeje në sy në QSUT. Fatmir Almadhi, pas vdekjes së djalit të tij, Denisit, kërkon që të zbardhet vetëm e vërteta, një e vërtetë që sipas tij po vonon. Mjekët thanë se Denisi vdiq nga hipertermia malinje, por ende në sytë e babait dhe nënës së Denisit ndihet dhimbja për humbjen e djalit të tyre. Dhe dhimbja nuk i pengon aspak ata për të kërkuar drejtësi. Madje, Fatmiri rrëfen për “Gazetën Shqiptare” se është dakord që trupi i vogëlushit të tij të zhvarroset, vetëm që e vërteta të dalë në dritë. “Nëse është e nevojshme për analiza të mëtejshme, jemi dakord që të zhvarroset trupi, deri sa të hidhet dritë”, janë fjalët e babait të Denisit.
Z.Almadhi, para dy ditësh, në televizionin “News24” ka dalë një raport i prokurorisë, ku dalin në pah detaje rreth vdekjes së djalit tuaj. Si mendoni se kanë ecur deri tani hetimet për djalin tuaj?
Po, e kam parë lajmin për raportin. Por, ne kërkojmë që të zbardhet e vërteta, sepse deri tani hetimet kanë ecur shumë ngadalë. Përderisa hetimet nuk po ecin, përderisa dosja është kthyer sërish tek policia, ne mendojmë që po bëhet përpjekje për zhdukjen e provave, si dhe për manipulimin e tyre, deri sa të arrihet pafajësia e personelit mjekësor.
Në raport thuhej se mungojnë laboratorët e posaçëm për të përcaktuar diagnozën e saktë që ka sjellë vdekjen e djalit tuaj; si ju duket ky fakt?
Nëse laboratori i mjekësisë ligjore nuk ka mjetet e duhura për të përcaktuar diagnozën e saktë për shkakun e vdekjes së djalit, atëherë ne kërkojmë që të merren kampione të reja për analiza. Mjekët i kanë kampionet, por nëse u duhen analiza të reja, ne jemi dakord që të zhvarroset trupi i djalit, vetëm që të dalë në pah e vërteta. Madje, nëse laboratori në vendin tonë nuk arrin që të bëjë analizat e plota, atëherë le të dërgohen analizat jashtë shtetit. Ne kërkojmë që të dimë vetëm shkaqet që çuan në vdekjen e djalit.
Si kanë qenë këto dy muaj pa Denisin?
Vetëm një prind që ka humbur fëmijën mund të na kuptojë. Sapo kemi kaluar festat, por zemra jonë nuk festoi, na mungonte Denisi. Jeta vazhdon, ne do vazhdojmë të jetojmë se kemi edhe dy vajzat, por jeta pa Denisin nuk është më njësoj.

[loneeagle]

Mjeksia ne Shqiperi eshte pertoke! Kush e dorezon shendetin/jeten e vet tek ata qe e mbajne veten per doktore atje eshte njelloj si te shkosh tek kasapi. Kam pare tmerr ne vere 12, doktori piu cigaren, hodhi cigaren erdhi ne dhome per ti bere vizit tim biri, kerkoj leket, e bombardoj me antibiotik, i dha diagnoze gabim edhe as qe cante koke. Mjer populli! Mos te filloj te pershkruaj se na cfare gjendje mjerane ishin godinat. Edhe ata qe mbahen gjoja si private thjesht te rrjepin edhe problem nuk te zgjidhin!

[Marya]

Lexova nje raport ku tregohej se sa shpenzimesh beheshin ne dite ne spitalet ne france
Nje krevat, dmth nje pacient i shtruar ne spital shteteror ne fushen kirurgjikale , per te shpenzohej mesatarisht ne dite 1500 euro, ne fushen mjekesore 1200 euro dhe ne reanimacion 2000 euro ne dite per pacient.
Ketu perfshiheshin te gjtha , ilace, mirembajtja , ushqimi , etc
Po ne shqiperi kushedi sa harxhohet per nje vend spitali ....

[teta]

ja te tregoi une

ne kosove per 3 dite 20 euro
+ shpenzimet per ilaqet dhe materialin shpenzues medicinal qe i blen pacienti vet.
vetem barnat esencial i mbulon spitali.

paramendo tani ti kerkohet ketij institucioni nivel mjeksore siq bejn ca si psh francen qe e ke marr shembull ti.

[Lexuesi_]

une nje burg special e kisha maru per ministrin e shendetesis doktoret motrat medicionale qe marojn me grep gjithe diten edhe per ata rojtaret te dera se vertet nuk punojn si duhet . Nese nuk je i kenaqur me pagen lere punen. Nese nuk e lere punen merrre pergjegjesin dhe te pakten puno. He dala e plast eshte nje betim i sokratit me duket veç per kete sektor.

[Pirate of Love]

problematika eshte, qe ata zyrtaret e larte, qe kane shkaktuar kete problematike ikin per trajtime e sherime ne spitale tjera jashte vendit, se eshte ti paguash ato motrat e medicines ne ato spitale edhe ate bonus me 13 rrogat e vitit, qe sikur te shkonin ne keto ente shendetesore, secilit nga ata zyrtaret e larte nga nje shiringe, qe te jete e fundit, ama me ate shiringe ti injektosh 80 % te atyre nga ministrite dhe secilen here tu mbetet...The End!

Horrat dalin milionere te bizneseve e vilave me parate e taksapagueseve edhe ne fund po keta horra do vendosin te bejne politikat shendetesore dhe te percaktojne, por pasi te ken zhvatur mire e mire se sa do ndajne mjete per sektorin me te ndjeshem dhe me vital te shoqerise- Shendetesine.

[A.I]

Fillimisht duhet te pranojme se sa kemi takat si shtet dhe se si me i perdor sa me mire ato qe kemi! Nuk mund te shpresojme te arrijme nje nivel qe kane shtetet si Franca, Gjermania e ku ta di une qe nje doze antibiotikesh ben deri ne 1000 euro (dhe keto merren per te pakten 7 dite) dhe ku i ke te gjitha ilaçet e fundit qe i dime cmimet sa mund te jene! Keshtu qe deri diku duhet te pranojme kush jane limitet tona!

E dyta eshte ceshtja e reformave! Nuk mund te cosh perpara nje sistem qe ka pjese te kalbura dhe qe nuk ka nje ide te plote se cfare drejtimi duhet te marre! Sa prej ministrave qe jane vendosur deri tani ne ministrine e shendetsise kane qene mjeke? Si mund te vendoset njeri me 8 klase shkolle te drejtoje nje ministri shendetsie qe sja ka haberin fare se si funksionon? Eshte mese normale pastaj qe ngeleshin spitalet pa kontrata me firmat farmaceutike! Nuk ja ka haberin se cfare ndodh ne spitale, se ku jane problemet etj...eshte cdo gje politike!

Duhen optimizuar fondet qe jane! Nese ne kohen e xhaxhit arrihej te ofrohej nje sherbim baze mjekesor me fonde edhe me te pakta, atehere ndoshta ai sistem duhet rishikuar serish! Duhet te stimulohen udhezuesit (guidelines) kombetare (gje qe keshillohet nga shume udhezues europian dhe amerikan) te cilet duhet te marrin parasysh mundesite diagnostike qe jane (nuk mund te pretendojme te perdorim PET dhe CT per cdo gje me te vogel sepse skemi mundesi) dhe si te mund te perdoren sa me mire ne rrugen diagnostike. Gjithashtu edhe terapite e mundshme si mund te optimizohen duke pasur parasysh kushtet qe jemi! Duhet te stimulohet epidemiologjia e semundjeve (kapitull qe ta shpif neper libra por mjaft i rendesishem ne "optimizimin e burimeve". Nuk mund te vendosesh ne plan te pare nje semundje qe ndodh 1/1 milion kur ke nje tjeter qe ndodh 1/100.000 dhe kjo con ne optimizimin e analizave qe kerkon. Nuk kane te njejtat semundje dikush nga Myzeqeja me nje qe vjen nga zona veriore, etj etj!

E treta eshte vleresimi i mjekeve! Kete kryesisht e ben privati ndersa tek shteterori nuk ndodh fare! Nje here qe ze vend tek shteterori nuk te levizin me (pervec nese bie sistemi politik, kuptohet). Mjeket duhet te gjykohen per veprimet e tyre!

Pike tjeter e rendesishme eshte edhe edukimi i popullates! Jemi te njohur qe ne shqiptaret derisa na vjen laku ne fyt, se lujm menderen me bere analiza dhe kur gjerat arrijne aty ku nuk mban me, atehere fajin e ka mjeku qe sdi!

Problemi i mjekesise akoma nuk ka kaluar na plan te pare por nga statistikat qe paraqiten flitet qe brenda 10-15 viteve te ardhshem nje sere semundjesh kronike si bronkiti kronik, insuficienca renale (e sidomos hemodializa), diabeti dhe nje sere kanceresh do te rriten mjaft ne numer, gje kjo qe do ta vendose sistemin tone para nje prove mjaft te madhe! Nese nuk merren masa sot dhe ne menyre te menjehershme, shume shpejt do ta gjejme veten para nje krize te vertete!