Ish ambasadori Withers, wikileaks jane reale

[PLAKU]

Rajerson: Biseda me Ramiz Alinë në 1991, nuk pranoi gabimet e komunizmit
Argumente Mërkurë, Tetor 5th, 2011

Në foto, ish-ambasadori i Shteteve të Bashkuara të Amerikës në vendin tonë, Uilliam Rajerson, gjatë intervistës për “Zërin e Amerikës”, me rastin e 20-vjetorit të hapjes së Ambasadës së SHBA në Shqipëri. Siç duket qartë, për këtë ditë, ish-diplomati amerikan ka preferuar të dalë në intervistë me një bluzë të kuqe me shqiponjën e zezë në krahun e majtë, simbole këto të flamurit tonë kombëtar.


http://www.panorama.com.al/wp-conten...on-300x187.jpg




“Ndihmuam Shqipërinë në ‘91 me ushqime që na kishin tepruar nga lufta e Gjirit”
Ish-ambasadori amerikan në Tiranë, Uilliam Rajerson, i cili qëndroi në Shqipëri nga viti 1991 deri më 1994-n, thotë se interesat e të dyja vendeve janë krejtësisht të njëjta – demokraci, tregje të lira dhe qëndrueshmëri.

Ai i bëri komentet në një intervistë që i dha “Zërit të Amerikës” me rastin e 20-vjetorit të rifillimit të marrëdhënieve diplomatike, ku solli edhe kujtimet e tij për atë kohë, si dhe foli për rolin e ambasadorit të tanishëm në Shqipëri. Ish-ambasadori amerikan në Shqipëri, Uilliam Rajerson, jeton në njërën nga periferitë e largëta të Uashingtonit, në një kodër plot gjelbërim. Nga ballkoni i tij mund të shijosh një pamje të rrallë, edhe në një ditë me shi si kjo. Nga librat dhe objektet e tjera që e rrethojnë mund të kuptosh lehtë se zoti Rajerson i ka mjaft për zemër vitet që kaloi në Shqipëri si ambasadori i parë amerikan në Tiranë, pas rifillimit të marrëdhënieve në vitin 1991.
Ai, madje, ruan flamurin që u ngrit në ndërtesën e Ambasadës më 1 tetor 1991, kur ajo rifilloi nga funksionimi.

“Flamuri u ngrit nga Andromaqi Gallani, e veja e zotit Loni Adami, i cili dikur kishte qenë përkthyes i Legatës Amerikane. Adami, i cili kishte mbaruar shkollën e Harri Fulzit, u burgos, u torturua dhe vdiq në burgjet e Hoxhës. Prandaj ne menduam se ishte diçka simbolike që flamurin ta ngrinte pikërisht ajo”.

Zoti Rajerson tregon se ai nuk ndodhej në Tiranë kur u ngrit flamuri, sepse iu desh të qëndronte në Uashington derisa të bëhej konfirmimi i tij nga Senati si ambasador në Shqipëri. Ai u kthye në Tiranë disa javë më vonë.

Zoti Rajerson kujton se sa emocionuese ishte për të hyrja në ndërtesën e dikurshme të Ambasadës, e ndërtuar shumë dekada më parë me ndihmën e nxënësve të shkollës së Fulzit në Tiranë.

“Ishte një ngjarje aq e gëzueshme, sa që vazhdoi të më linte pa gjumë për net të tëra. Në fakt, e gjithë situata ishte e gëzueshme sepse Shqipëria kishte filluar tranzicionin nga një regjim që dihet si ishte në një regjim të ri. Natyrisht, mobiljet në ndërtesë ishin të vjetra, divani nuk ishte i rehatshëm, por gjithçka tjetër ishte mjaft e këndshme”.

Në atë kohë, tregon ish-ambasadori, Shqipëria kishte nevojë të madhe për ushqime. “Ne ndihmuam në një farë mase me ushqime që kishin tepruar nga lufta e Gjirit dhe e bëmë këtë përmes organizatës së Nënë Terezës, sepse menduam që ata do t’i shpërndanin ushqimet te njerëzit që vërtet kishin nevojë. Ky ishte edhe një rast për mua që të takoja Nënë Terezën”.

Zoti Rajerson ishte në Shqipëri në një periudhë interesante, kur ndryshimet politike sapo kishin filluar. Ai e ilustron këtë me disa shenja, qoftë edhe të vogla, që vinte re në atë kohë:
“Demokratët në Parlament thoshin ‘zoti kryetar’ kur i drejtoheshin kryetarit të seancës, ndërsa grupi i njerëzve të Hoxhës fliste me ‘shoku kryetar’. Por, pak nga pak, disa nga këta filluan të thoshin ‘zoti kryetar’.
Mendova se gjërat kishin filluar të ndryshonin nga pak”.

Ka kaluar shumë kohë qysh atëherë. Sot diplomatit në pension, Uilliam Rajerson, i pëlqen të reflektojë për Shqipërinë.

“Presidenti Udro Uillson bëri që Shqipëria të mbetej në hartë dhe shqiptarët nuk e kanë harruar këtë. Shqiptarët janë ndoshta vendi më proamerikan në Europë… Shtetet e Bashkuara dhe Shqipëria nuk kanë konflikte interesash. Ne nuk duam ta pushtojmë apo ta aneksojmë Shqipërinë, as Shqipëria nuk synon të pushtojë Amerikën, të marrë Misisipin apo Kaliforninë. Interesat tona janë krejtësisht të njëjta – demokraci, tregje të lira, qëndrueshmëri në Ballkan dhe në Europë”.

Zoti Rajerson nuk ka qenë në Shqipëri që nga largimi si ambasador në vitin 1994, por ai gjykon për vendin nga ato që lexon, nga takimet me njerëz që shkojnë në Shqipëri dhe sidomos nga bisedat me zyrtarë të Departamentit të Shtetit. “Shqipëria ka bërë përparim, kjo nuk ka dyshim. Problem është hendeku në të ardhurat e njerëzve, i cili duket se po thellohet. Por ky është problem edhe në Shtetet e Bashkuara. Gjithashtu, ne u predikojmë shqiptarëve nevojën që partitë politike të pajtohen me njëra-tjetrën. Po kush jemi ne që të flasim kështu? Mes demokratëve dhe republikanëve në Shtetet e Bashkuara ka një acarim po aq të madh sa edhe në Shqipëri”.

Zoti Rajerson mendon se ka një gjë për të cilën në Shqipëri nuk po bëhen hapa përpara. “Ajo që nuk po ndryshon në Shqipëri është fakti se ende nuk po shihet drejt e në sy e kaluara. Në bisedën e parë që kam pasur me Ramiz Alinë, i thashë: ‘Zoti President, duhet të pranoni ato që kanë ndodhur në të kaluarën, ashtu siç kanë bërë gjermanët’. Ai m’u përgjigj: ‘Kjo nuk ka të bëjë fare me ne’”.

Por, zoti Rajerson mendon se ekziston nevoja që kjo të bëhet, pasi ka ende plagë të hapura që duhen shëruar. “Ndjekja ligjore e atyre që kryen torturat do të ishte një fillim i mirë, pra identifikimi i tyre. Si alternativë mund të ishte ngritja e një komisioni për të vërtetën dhe ripajtimin, ashtu siç u bë në Afrikën e Jugut, ku njerëzit të dalin e të thonë: ‘Po, kam qenë roje në burgun e Spaçit. Kam spiunuar kunatin ose vëllain’, e kështu me radhë, pasi këto gjëra, jam i sigurt që kanë ndodhur”.

Nga përvoja e tij në Shqipëri, zoti Rajerson e di se sa delikate bëhet ndonjëherë pozita e ambasadorit amerikan. Kjo ndodh sidomos kur tensionet politike rriten. “Ambasadori është përfaqësues personal i Presidentit dhe merr urdhra nga Presidenti përmes sekretarit të Shtetit. Ndryshimet që shqiptarët shohin tek ambasadorët e ndryshëm janë ndryshime të personalitetit në mënyrën se si ambasadorët e përcjellin mesazhin e tyre. Unë u kritikova në atë kohë për ndërhyrje në punët e brendshme të Shqipërisë. Kritika ishte e drejtë, sepse në atë kohë, çdo njeri që nxiste demokracinë, në fakt ndërhynte në punët e brendshme të Shqipërisë dhe s’kishte si të ishte ndryshe. Unë isha dërguar atje për të nxitur demokracinë dhe tregjet e lira, për të përfaqësuar Shtetet e Bashkuara”.

Por, ç’mendon zoti Rajerson për ambasadorin e tanishëm amerikan, Aleksandër Arvizu? “Nuk e kam takuar ndonjëherë ambasadorin Arvizu dhe më vjen keq që nuk e kam takuar, sepse më ka lënë përshtypje mjaft pozitive çdo gjë që kam lexuar rreth tij. Ai po e përfaqëson me dinjitet politikën e Shteteve të Bashkuara dhe i ka thënë gjërat shumë hapur e pa dorashka, për njërën palë dhe për tjetrën. Për shembull, mënyra se si ai veproi në rastin e mosmarrëveshjeve rreth vrasjeve të 21 janarit. Ai tha se Shtetet e Bashkuara do të ndihmonin në hetimin e ngjarjes, pra le të sqarojmë se cilat janë faktet, pavarësisht se cilën palë mund të dëmtojë kjo. Mendoj se është treguar shumë i balancuar dhe shpresoj ta takoj një ditë”.
ILIR IKONOMI/ Zëri i Amerikës


ps. ku i gjeni do shkrime jetim pa emen e burim, nga e kan prejardhejen!

[PLAKU]

Wikileals, Withers: Ne në ambasadë themi gjithmonë të vërtetën
e Enjte, Tetor 6th, 2011


http://www.panorama.com.al/wp-conten...K2-300x207.jpg



Ish-ambasadori i Shteteve të Bashkuara të Amerikës, John Withers, shfaqet sërish. Këtë herë, ish-diplomati i vendit më të fuqishëm në botë u ka drejtuar shqiptarëve një letër përmes Top Channel lidhur me kabllogramet e WikiLeaks-it. Sa u përket kabllogrameve të WikiLeaks-it ai tha se siç e konfirmoi edhe Departamenti i Shtetit, qëndrimet e tij nuk kanë qenë aspak personale. Sipas tij, këto kabllograme kanë marrë lëvdata nga Uashingtoni. “Ky është dhe do të jetë gjithmonë parimi më i parë dhe më i lartë i Diplomacisë amerikane. Sado i keq të jetë lajmi, apo sado e sikletshme të jetë një rrethanë, një ambasadë amerikane raporton të vërtetën. edhe për një aleat të ngushtë si Shqipëria. Nëse zgjedhjet janë të dyshimta, ne e themi këtë. Nëse autoritetet qeveritare kërcënojnë pavarësinë e institucioneve demokratike të vendit dhe median, ne e themi këtë”, shprehet Withers.



LETRA E PLOTE

Të dashur miq,
Ka kaluar tashmë një vit që kur u largova nga Shqipëria. Jeni ende në mendimet e kujtimet e mia për dashamirësinë e madhe që më keni dhënë dhe për përvojat e pasura që kemi bashkëndarë. Një pjesë e imja do të qëndrojë gjithmonë në Shqipëri.
Gjatë javëve të fundit, në mediat tuaja janë shfaqur kabllograme të pretenduara të Departamentit të Shtetit, të zbuluara nëpërmjet WikiLeaks-it. Ka pasur vazhdimisht spekulime lidhur me këto kabllograme; dhe, për fat të keq, një pjesë e madhe e këtyre spekulimeve ka qenë çorientuese dhe e pasaktë. Tani, ju shkruaj me shpresën për të qartësuar një numër keqperceptimesh që janë duke qarkulluar. Një gjë të tillë nuk e bëj më si ambasadori amerikan në Shqipëri, por si një nënshtetas i vendit tim. Por, këtë e bëj edhe si një mik i Shqipërisë dhe si dikush që, siç e dini, beson tek e vërteta.

Edhe përpara se të largohesha ka pasur sugjerime se unë paskam pasur një “axhendë personale” gjatë mandatit tim në Shqipëri. Eprorët e mi i kanë quajtur të tilla pohime të gënjeshtërta dhe i kanë refuzuar ato kategorikisht në një komunikim zyrtar, i cili më pas u bë publik, me nivelet më të larta të qeverisë tuaj. I njëjti pretendim ka lindur sërish. Dhe prapë mbetet i pavërtetë. Ironikisht, asgjë nuk e provon më qartë se sa vetë zbulimet e WikiLeaks-it këtë të pavërtetë. Në mënyrë të pakundërshtueshme, ato tregojnë drejtpeshimin, paanshmërinë dhe objektivitetin e raportimit të Ambasadës për Shqipërinë gjatë punës sime atje. Të gjitha partitë, personazhet dhe veprimet politike i nënshtroheshin të njëjtit shqyrtim dhe çiltërsi. As edhe një vëzhgues i paanshëm nuk do të mund të arrinte në një përfundim të ndryshëm.

Në fakt, raportimi nga Ambasada në Tiranë jo vetëm ka përmbushur standardet më të larta të Departamentit të Shtetit – kabllogramet tona merrnin rregullisht lëvdata në Uashington – por edhe ka qenë tërësisht në përputhje me të gjitha ambasadat anembanë botës. Edhe të tjera ambasada, ashtu si ne, ofronin vlerësime të sinqerta të njerëzve dhe rrethanave në fushat e tyre të përgjegjësive. Sado trazuese apo të sikletshme që mund të jenë ato vlerësime për ndokënd, e vërteta është që asnjë ambasadë amerikane apo ambasador amerikan nuk ka kurrfarë “axhende private”. Ne jemi përfaqësuesit personalë të Presidentit të Shteteve të Bashkuara dhe i përkushtohemi vetëm shërbimit për interesat e popullit amerikan. Shqip dhe shkoqur, axhenda jonë është axhenda e tyre. Cilido që sugjeron ndryshe, nuk dëmton dhe aq një individ si unë, por pikërisht postin e shquar që aq shumë amerikanë të zotë kanë pasur privilegjin ta mbajnë, si dhe dëmton edhe më tej ata që na e kanë besuar neve atë post.

Si një ish-diplomat, po aq sa edhe si qytetar i vendit tim, jam thellësisht i keqardhur për fenomenin “WikiLeaks”. Aftësia e diplomatëve për të folur haptas dhe në mirëbesim me njëri-tjetrin është dhe ka qenë një element thelbësor i profesionit tonë që nga fillimet e tij. Informacioni ynë, përfshi edhe ai mbi Shqipërinë, mblidhet nga një gamë jashtëzakonisht e gjerë burimesh, përfshi edhe nivelet më të larta të qeverisjes. Çfarëdo veprimi që cenon aftësinë e një diplomati për të bashkëndarë informacion në këtë mënyrë apo për të punuar me diplomatë të tjerë për të mirën e përbashkët, është një veprim i dënueshëm. Prandaj, teksa i lexoni materiale të tilla, sado të njollosura, ju nxis të mos hutoheni nga pohimet e ndryshme sensacionale, por në vend të kësaj të ngulni sytë në një fakt thelbësor dhe të pakundërshtueshëm që gjendet aty: ambasadat amerikane thonë të vërtetën.

Ky është dhe do të jetë gjithmonë parimi më i parë dhe më i lartë i Diplomacisë amerikane. Sado i keq të jetë lajmi apo sado e sikletshme të jetë një rrethanë, një ambasadë amerikane raporton të vërtetën, edhe për një aleat të ngushtë si Shqipëria. Nëse zgjedhjet janë të dyshimta, ne e themi këtë. Nëse autoritetet qeveritare kërcënojnë pavarësinë e institucioneve demokratike të vendit dhe median, ne e themi këtë. Nëse besnikëria partiake pengon qeverisjen e vendit; nëse korrupsioni i kudogjendur minon zhvillimin e mirëfilltë ekonomik; nëse përparësia e udhëheqësve është të rendin me këmbëngulje drejt pushtetit në vend që të rendin për t’i shërbyer popullit, ne e themi këtë. Dhe nëse parimet universale të demokracisë vazhdojnë të lihen mënjanë dhe vetë demokracia bën prapa – ne e themi këtë dhe do vazhdojmë ta themi këtë deri sa të rifillojë përparimi i vërtetë. Kjo është detyra parësore e një diplomati amerikan, dhe një detyrë e tillë do të përmbushet patjetër.

Unë nuk jam më në shërbim të qeverisë, por një gjë e di: mund t’i besoni Ambasadës Amerikane. Mund të mos ju pëlqejë çdo gjë që ajo thotë, por mund të keni besim që diplomatët tanë bëjnë çdo përpjekje për të arritur standardet më të larta të ndershmërisë dhe objektivitetit. Nuk ka material që rrjedh nga WikiLeaks; nuk ka editorial, sado pasionant; nuk ka shfrime, sado të çjerra, që mund ta ndryshojnë këtë.

Në mbyllje, më lejoni t’ju uroj, miqtë e mi shqiptarë, gjithë sukseset dhe lumturinë e mundshme. Jeni një popull i veçantë dhe vendi juaj është një vend i veçantë. Ruaj admirim të madh për talentin tuaj të jashtëzakonshëm dhe kam shpresat më të larta të mundshme për të ardhmen tuaj. Ju dërgoj përshëndetjet më të përzemërta.
Miku juaj,
John L. Withers II

Panorama

[juanito02]

Keta kujtojne se Saliun e shpetojne duke shkruar ketu p. firauni a fjalime patetike skllaverore pro Sales.
Gelojne gazetat sot qe Patoz limonata ka pire aqshume limonata duke mbrojtur shefin sa jan blloku banjat e Tiranes.
Po se dine keta qe Saliun qe deri sot e mbante per interes senatori Elliot Angle qe me ortakun e tij kosovar kane mare koncesione te arit e te mineraleve te rralla ne Shqiperi.
Po z Angle e kane vene ne shenjester per evazion fiskal vete senati amerikan dhe fijet pro hajdute amerikane po i priten Saliut.
E po ju keputen fijet interesore te USA Salise i ngelet te kerkoje strehim poltik ne ndonje vend ne fund te botes.
Kete sdine keta salistet hazexhevape dhe skuthet patetike qe laku i eshte mbledhur as shume Salise si e shikoni atje si ka dale nga mendte fare.
Sot flet per arra e geshtenja, neser per celularin 5 g pasneser prape per ullinjte e ipadet etj etj.

[Antimafia]

Treguesi i përrallave te "Portokallia" dinte çdo gjë që ndodhte në Shqipëri.

Vetëm që Efraim Deviroli po blinte për 300 milion dollar armatim Kinez, trafik ky që kur kryehet nga qytetarët amerikan është i denushm me 15 vjet burg , nuk dinte gjë i shkreti.

[Deni_Boy]

SHBA- Ish-ambasadori amerikan John Withers u është drejtuar shqiptarëve, dje me një letër të hapur, publikuar nga Top Channel. Zoti Withers, në një letër të hapur, një vit pas largimit nga Shqipëria sqaron pozicionin e tij, në lidhje me publikimet e kabllogrameve të Wikileaks. “Gjatë javëve të fundit në mediat tuaja janë shfaqur kabllograme të pretenduara të Departamenti të Shtetit, të zbuluara nëpërmjet Wikileaks.

Ka pasur vazhdimisht spekulime lidhur me këto kabllograme dhe për fat të keq një pjesë e madhe e spekulimeve kanë qenë çorientuese dhe të pasakta. Tani ju shkruaj me shpresën për të qartësuar një numër keqperceptimesh që janë duke qarkulluar”, - shkruan në letrën e tij, ish-ambasadori. Withers pranon vërtetësinë e brendisë së asaj çfarë është zbuluar përmes kabllogrameve dhe shpjegon deri mënyrën e hartimit te tyre. “Si një ish-diplomat, po aq sa edhe qytetar i vendit jam thellësisht i keqardhur për fenomenin Wikileaks.

Aftësia e diplomatëve, për të folur haptas dhe në mirëbesim me njëri-tjetrin është dhe ka qenë një element thelbësor i profesionit tonë që nga fillimet e tij. Informacioni ynë, përfshi edhe ai mbi Shqipërinë, mblidhet nga një gamë tepër e gjerë burimesh, përfshi edhe nivelet më të larta të qeverisjes”, thekson më tej Withers.
(m.a/GSH/BalkanWeb)

[Kermilli]

Nuk e di a e kuptoni se sa te "skllaveruar" jane mendimet dhe interpretimet tuaja kur flitet per Qeverine shqiptare dhe ne vecanti Berishen. Faktet serviren ne menyren me te pakundershtyeshme nga njeriu dhe dora vete qe i ka shruajtur, juve akoma mundoheni te deformoni vlefshmerine e tyre dhe realitetin e pergjithshem duke diskretituar njeriun qe shkruajti gjith kete informacion. Juve mundoheni te justifikoni cdo akt te marre nga Qeveria dhe te pergenjeshtroni cdo akuze qe i behet asaj, me fakte, Verberisht dhe Instinktivisht. Juve ndiqni nje menyre te menduari dhe arsyetimi qe shkon kundra llogjikes. Ajo qe iu mendoni eshte e imponuar tek juve eshte e rrenjosur kaqe thelle saqe nuk e kuptoni se sa te "Verber" dhe te kufizuar tregoheni ne raste te tilla. Juve jeni Vegla me e persosur qe mund te deshiroj nje Mjeshter. Jeni vegla qe drejtohet vet, pa nevojen e dores. Kjo menyre e te menduarit eshte mentaliteti dhe karakteristika e "skllavit". Perndryshe nuk mund te shpjegohet ndryshe Kokefortesia juaj per te "mbrojtur" fajtorin ne kete menyre sic beni ju.

Nuk e di se cfar rendesie ka se kush vazhdon ti perdori Wikki-leaks apo jo. Trajtimi i tyre ne kete menyre apo ate menyre nuk cenon Autencitetin apo Kredibilitetin e tyre. Njera nuk ka te bej me tjetren fare. Autenciteti eshte vertetesia kurse Trajtimi eshte interpretimi.

JAM PLOTESISHT DAKORD ME TY

[BlueBaron]

Keta kujtojne se Saliun e shpetojne duke shkruar ketu p. firauni a fjalime patetike skllaverore pro Sales.
Gelojne gazetat sot qe Patoz limonata ka pire aqshume limonata duke mbrojtur shefin sa jan blloku banjat e Tiranes.
Po se dine keta qe Saliun qe deri sot e mbante per interes senatori Elliot Angle qe me ortakun e tij kosovar kane mare koncesione te arit e te mineraleve te rralla ne Shqiperi.
Po z Angle e kane vene ne shenjester per evazion fiskal vete senati amerikan dhe fijet pro hajdute amerikane po i priten Saliut.
E po ju keputen fijet interesore te USA Salise i ngelet te kerkoje strehim poltik ne ndonje vend ne fund te botes.
Kete sdine keta salistet hazexhevape dhe skuthet patetike qe laku i eshte mbledhur as shume Salise si e shikoni atje si ka dale nga mendte fare.
Sot flet per arra e geshtenja, neser per celularin 5 g pasneser prape per ullinjte e ipadet etj etj.

Jaaaa, e bere Angle mik personal te Sales tani !!! Po te Angle jane falur te gjithe ore Gjon. Edhe miqte e shoket e tu te idealit envero-stalinist.

Sala i paska miqte te forte ne USA, prandaj qendron. Ju qani e plasni, po ja beni bam. S'keni ç'te beni, ju kane dale horrliqet sheshit. Edhe "blerjet" qe keni bere, kane dale pa vlere ne keto momente. Arvizun nuk e blete dot. Mgjs thaset e €urove nuk ju mungojne. Edhe Shekullin e Top-Channel nuk e beson me populli.

Gerthisini e çirruni sa te doni. Sahati juaj mori fund perfundimisht kur LUL BASHA erdhi ne krye te kryeqytetit. Hani mhut e plasni nga marazi. Ishallah ju mbarojne sa me shpejt parate qe keni vjedh e rrjep ...

[BlueBaron]

Qeveria greke ka paralajmeruar dhenien me koncension te 13 kuadrateve ne zonen e saj ekskluzive ekonomike,nje pjese e se ciles iu fal Greqise me marreveshjen e demilitimit te Ujrave me Shqiperine. Specialistet mendojne se deti Egje dhe Jon fshehin sasi teper te medha nafte dhe gazi, cka mundeson perfitime ekonomike te medha per vendet qe do t`i shfrytezojne ato.

Aspak e vertete. Marreveshja eshte hedhur poshte nga Gjykata Kushtetuese. MARREVESHJA ESHTE NUL.

Greqia nuk ka asnje te drejte sovraniteti mbi siperfaqen detare te marreveshjes.

[Station]

Aspak e vertete. Marreveshja eshte hedhur poshte nga Gjykata Kushtetuese. MARREVESHJA ESHTE NUL.

Greqia nuk ka asnje te drejte sovraniteti mbi siperfaqen detare te marreveshjes.

Është apo nuk është e vërtet, Greqia një nga pjesët që po jep me koncesion është pikërisht pjesa që ju dhurua dhe u hodh poshtë nga GJ.K.
Ti do thuash që ky është një provokacion???
Nuk e dimë deri sa të kujtohet të flasë qeveria jonë.

[Kermilli]

Është apo nuk është e vërtet, Greqia një nga pjesët që po jep me koncesion është pikërisht pjesa që ju dhurua dhe u hodh poshtë nga GJ.K.
Ti do thuash që ky është një provokacion???
Nuk e dimë deri sa të kujtohet të flasë qeveria jonë.

Marreveshja vazhdon te ekzistoje ,na menyre te fshehte,dhe kete e vertetojne disa burime'' jo qeveritare Greke,,