Kryeministri turk Erdogan viziton Maqedoninë.

[DYDRINAS]

Kryeministri turk Erdogan qëndroi në Gostivar


Kryetari i komunës së Gostivarit, Rufi Osmani ishte ko-organizator në pritjen e kryeministrit Rexhep Tajip Erdogan në Gostivar, në harmoni me protokollin zyrtar i cili ishte përpiluar nga Ambasada e Turqisë në Shkup dhe Qeveria e Maqedonisë

Kryeministri i Republikës së Turqisë në kuadër të vizitës së tij në Republikën e Maqedonisë, të premten qëndroi në Gostivar, në sheshin përballë Pallatit të kulturës mbajti fjalim para qytetarëve të Gostivarit.

Në fjalimin e tij, kryeministri turk shprehu miqësinë ndërmjet Turqisë dhe Maqedonisë, e posaçërisht Gostivarit ku komuniteti turk është në numër të konsiderueshëm. Duke folur për afërsinë ndërmjet shqiptarëve dhe turqve, ai bëri thirrje për bashkëjetesë ndërmjet të gjithë komuniteteve, me porosinë se bashkimi bën fuqi.

Në darkën solemne që u shtrua pas fjalimit, kryetari Rufi Osmani me ministra të ndryshëm të qeverisë turke, diskutoi për më shumë aspekte të bashkëpunimit në lëmin e arsimit, ekonomisë dhe kulturës. Ai theksin e vuri ne funksionalitetin e dobët të organizatës TIKA e cila nuk është në gjendje të realizojë projekte të shumta investive për shkak të burokratizmit të lartë me të cilin funksionon dhe në këtë drejtim ndryshimi i strukturave menaxheriale imponohet si domosdoshmëri.

Osmani theksoi se sfera reale të bashkëpunimit ka në kuadër të komunave në sektorin e arsimit, në lëmin nvestimeve në industrinë e lehtë, agroindustri dhe në ndërtimtari.

“Ekzistimi i një komuniteti të madh të shqiptarëve të Maqedonisë dhe në veçanti nga komuna e Gostivarit që aktualisht jetojnë dhe punojnë në Turqi, duhet të transformohet në një urë të fuqishme lidhëse në mes të dy vendeve në kuptim të hapjes së perspektiva të reja ekonomike dhe të punësimit, duke pasur parasysh edhe premtimin e kryeministrit turk se këmbimi tregtar dhe investimet me Maqedoninë, do të duhet së shpejti të arrijë 1 miliard dollarë”, potencoi kryetari i komunës së Gostivarit.

Me këtë rast, kryetari Osmani aranzhoi më shumë takime pune me ministra të ndryshëm të qeveris turke dhe së shpejti me një delegacion më të gjerë të Komunës së Gostivarit do të udhëtojë për vizitë zyrtare në Turqi.

Komuna e Gostivarit dhe Ndërmarrja publike “Komunalec” dhanë një kontribut të veçantë për mbarëvajtjen e vizitës së kryeministrit të Turqisë, me çka dëshmuan mikpritjen e mirënjohur gostivarase.

(INA)

[DYDRINAS]

Erdogan për vizitë në Tetovë

Erdogan: Vetëm të bashkuar mund ti arrini synimet e juaja

Kryeministri i Republikës së Turqisë, Rexhep Taip Erdogan sot në suaza të vizitës në Tetovë, mori pjesë në faljen e namazit të së premtes në Xhaminë e Larme, më pas iu drejtua të pranishmive.

Duke potencuar se për herë të dytë është në Tetovë, para vizitës së tij para 11 viteve menjëherë pas mbajtjes së dënimit me burg, Erdogani informoi se pas vizitës në këtë qytet e kanë formuar Partinë e Drejtësisë dhe Pogresit.

"Në vitin 2002 e fituam pushtetin dhe ju porosis se në vitin 2023 kur do të shënohen 100 vjet nga formimi i Republikës së Turqisë ne do të jemi në dhjetëshin e parë të vendeve më të zhvilluara ekonomike në botë. Ne juve asnjëherë nuk mund t'ju harrojmë për shkak se mes juve ka nipër të Osmanlinjve. Ne kemi vëllezër tanë edhe në Bosnjë, edhe në Prishtinë dhe Prizren edhe në Shkup, Manastir, Ohër, Dibër, Tetovë", tha kryeministri turk.

Ai theksoi se bisedimet e djeshme me kreun shtetëror të Maqedonië, me kryeministrin Nikolla Gruevskin, me presidentin Gjorge Ivanov dhe të tjerët kanë kaluar në një atmosferë dhe dialog miqësor.

"Ju lus që edhe më tej të jeni të bashkuar dhe të mos ndaheni për shkak se ne ndajmë vlera të përbashkëta civilizuese. Unë nuk i dua turqit se janë turq ose shqiptarët se janë shqiptarë, maqedonasit se janë maqedonas, por për shkak se të gjithë njerëzit i ka krijuar një Zot" i porositi Erdogani tetovarët.

Ai bashkë me një numër të madh të ministrave, deputetëve dhe kryetarëve të komunave, si dhe ish kampionin e reprezentacionit futbollistik turk Hakan Shukur dhe kreyebashkiakun e Stambollit Kadir Topbash, në mënyrë solemne e lëshuan në përdorim ndërtesën pranuese të Myftinisë së Tetovës të BFI-së.

Kryeministri Erdogan i vizitoi edhe Teqen Arabati Baba. Nga Tetova, kryeministri turk u nis për në Gostivar, ndërsa qëndrimin dyditor në Maqedoni do ta rrumbullaksojë me vizitën në Ohër.

bota sot

[hajla]

http://www.botasot.info/mesme/vv-kuvend.jpeg
Lëvizja Vetëvendosje, nëpërmjet kreut të Grupit të saj Parlamentar, Visa Ymeri ka bërë me dije se partitë politike në Kuvend e kanë refuzuar inicativën e saj për seancë të jashtëzakonshme ku do të diskutohej për situatën në veri të vendit.

“Deri sot kam marrë përgjigjen e të gjitha grupeve parlamentare. Ato kanë refuzuar ta marrim iniciativën e përbashkët, duke e cilësuar një seancë të tillë të jashtëzakonshme me këtë debat si shumë të ndjeshme. Kështu mundësia e thirrjes së një seance të tillë është bllokuar në mungesë të nënshkrimeve të mjaftueshme. Përjashtim këtu bën GP i AAK-së i cili si grup ka refuzuar të marrë pjesë në një nismë të përbashkët, por që një pjesë e deputetëve individualisht kanë ofruar nënshkrimet e tyre.”, thuhet në një njoftim.

Vetëvendosja vlerëson se qeveria e Kuvendi duhet të diskutojnë përderisa shqiptarët sulmohen në veri të vendit. “Qeveria e Kosovës u zbraps nga intervenimi i saj i 25 korrikut, dhe për çdo ditë e më shumë, po heq dorë nga ajo pjesë e vendit. “, vlerëson VV.
Shpërndaje

BOTA SOT

[DYDRINAS]

ERDOGAN PËRFUNDON VIZITËN NË MAQEDONI, NË OHËR

E premte, 30 Shtator 2011 19:22

Kryeministri turk, Rexhep Taip Erdogan në ditën e dytë të qëndrimit në Maqedoni, në Tetovë theksoi para masës së tubuar se ndjehet shumë i lumtur për pritjen madhështore, për herë të dytë pas 11 viteve. Ai ka shpjeguar se 11 vite më parë ka qenë në Tetovë, që pas daljes së tij nga burgu dhe se nga ajo periudhë ai ka pasur përparime në karrierën e tij politike me formimin e partisë së tij.

Pas kësaj vizite në Tetovë, Erdogan ka qëndruar në Vrapçisht si dhe në Gostivar, ku para Shtëpisë së Kulturës ka pasur një fjalim para qytetarëve të tubuar. Ai theksoi se bisedimet me kreun shtetëror të Maqedonisë, Gruevskin, me presidentin Gjorgje Ivanov dhe të tjerët kanë kaluar në një atmosferë dhe dialog miqësor.

Ai bashkë me një numër të madh të ministrave, deputetëve dhe kryetarëve të komunave, si dhe ish futbollistin Hakan Shukur dhe kreyebashkiakun e Stambollit Kadir Topbash, në mënyrë solemne e lëshuan në përdorim ndërtesën pranuese të Myftinisë së Tetovës të Bashkësisë Islame. Kryeministri Erdogan qëndrimin dyditor në Maqedoni e rrumbullaksoi me vizitën në Ohër.

newstv-ks.tv

[safinator]

Na hegren keta Turqte.