Zgjedhja e Presidentit nga Populli

[Brari]

jam ne nje mendje me antipropanin..

miliona euro kot fare..

a kemi kryetar parlamenti... kemi..
kryeminister kemi..

presidenti eshte kot fare..

[BlueBaron]

Per mendimin tim, presidenti duhet te jete kryetari i ekzekutivit. Pra posti i kryeministrit duhet te suprimohet. Presidenti te zgjidhet nga populli nje here ne kater vjet dhe jo me shume se dy here rrjesht gjate jetes se tij. Pra çdo shtetas mund te zgjidhet vetem dy here president dhe nqs deshton ne rizgjedhje humbet te drejten per rikandidim.

Aktualisht, ne keto 20 vjetet e fundit presidenti i pare ishte de facto shefi i ekzekutivit, pas '97 presidenti ishte vartes i kryeministrit, rastet Mejdani dhe Moisiu. Ndersa Topi nga vartes u kthye ne kundershtar te kryeministrit. Pra, nga te dy kahet e politikes, presidenti eshte konsideruar gjithmone nje VARTES.

Eshte e kote te genjejme veten me republike parlamentare apo presidenti unitet i popullit e perralla te tjera si keto.

Shume here me mire nje president ekzekutiv te stilit USA dhe me pergjegjesi te larte ndaj detyrave shteterore. Forcim te Gjykates se Larte dhe Kushtetuese.

[Qyfyre]

Pak te duken ty keto sikur presidenti te jete kukull e kryeministrit. Pra eshte njesoj sikur ti kete kryeministri.

Pra problemi nuk shtrohet se sa pak kompetenca ka ai por si duket ai a ka pare qe kryeminstri kerkon me shum nga ci takon dhe mund ta arrije nese zgjidhet nga kryeminstri.

Pra problemi qendron qe ti ruajme keto kompetenca de fakto te jene te tilla dhe nepermjet lojrave politike e dallavereve te ndryshme te mos kalojne tek Kryeministri, se mungon vetem nje hap dhe veteshpallet mbret.




FUNKSIONET DHE KOMPETENCAT KUSHTETUESE TË PRESIDENTIT TË REPUBLIKËS SË SHQIPËRISË
Presidenti i Republikës është Kryetar i Shtetit dhe përfaqëson unitetin e popullit. President mund të zgjidhet vetëm shtetasi shqiptar që nga lindja, me qëndrim jo më pak se 10 vjetët e fundit në Shqipëri dhe që ka mbushur moshën 40 vjeç.
Presidenti i Republikës zgjidhet me votim të fshehtë dhe pa debat nga Kuvendi për një mandat 5 vjeçar, me të drejtë ri zgjedhjeje vetëm një herë. Presidenti zgjidhet në votimin e parë, të dytë ose të tretë kur një kandidat merr jo më pak se tri të pestat e votave të të gjithë anëtarëve të Kuvendit. Në votimin e katërt dhe të pestë zgjidhet President kandidati që siguron më shumë se gjysmën e votave të të gjithë anëtarëve të Kuvendit. Presidenti fillon në detyrë pasi bën betimin para Kuvendit.
Kompetencat e Presidentit të Republikës janë specifike dhe të përcaktuara shprehimisht në Kushtetutë dhe udhëhiqen nga interpretimi rregullues i nenit 94 të Kushtetutës, sipas të cilit Presidenti i Republikës nuk mund të ushtrojë kompetenca të tjera përveç atyre që i njihen shprehimisht me Kushtetutë dhe që i jepen me ligje të nxjerra në pajtim me të. Presidenti i Republikës, në zbatim të kompetencave të tij, nxjerr dekrete.
Sipas Kushtetutës së Republikës së Shqipërisë,
Presidenti i Republikës ushtron këto kompetenca:
(Neni 67, paragrafi 1)
Presidenti i Republikës jo më vonë se 20 ditë nga përfundimi i zgjedhjeve thërret mbledhjen e parë të Kuvendit të porsazgjedhur.
(Neni 74, paragrafi 2)
Presidenti i Republikës mund të kërkoj mbledhjen e Kuvendit në një sesion të jashtëzakonshëm.
(Neni 79, paragrafi 2)
Presidenti i Republikës mund të kërkoj që mbledhjet e Kuvendit të bëhen të mbyllura, kur për këtë kanë votuar shumica e të gjithë anëtarëve të tij.
(Neni 84, paragrafi 1)
Presidenti i Republikës shpall ligjin e miratuar brenda 20 ditëve nga paraqitja e tij.
(Neni 85, paragrafi 1)
Presidenti i Republikës ka të drejtë ta kthejë ligjin për rishqyrtim në Kuvend, vetëm një herë.
(Neni 92)
Presidenti i Republikës:
I drejton mesazhe Kuvendit;
Ushtron të drejtën e faljes sipas ligjit;
Jep shtetësinë shqiptare dhe lejon lënien e saj sipas ligjit;
Jep dekorata e tituj nderi sipas ligjit;
Jep gradat më të larta ushtarake sipas ligjit;
Me propozim të Kryeministrit emëron dhe liron përfaqësuesit e plotfuqishëm të Republikës së Shqipërisë në shtetet e tjera dhe në organizatat ndërkombëtare, pranon letrat kredenciale dhe tërheqjen e përfaqësuesve diplomatikë të shteteve të tjera dhe të organizatave ndërkombëtare të akredituara në Republikën e Shqipërisë;
Lidh marrëveshje ndërkombëtare sipas ligjit;
Me propozim të Kryeministrit emëron drejtorin e shërbimit informativ të shtetit;
Emëron Kryetarin e Akademisë së Shkencave dhe rektorët e universiteteve sipas ligjit; Cakton datën e zgjedhjeve për Kuvendin, për organet e pushtetit vendor dhe për zhvillimin e referendumeve;
Kërkon mendim dhe të dhëna me shkrim nga drejtuesit e institucioneve shtetërore për çështje që kanë të bëjnë me detyrat e tyre.
(Neni 96, paragrafi 1)
Presidenti i Republikës në fillim të legjislaturës, si dhe kur vendi i Kryeministrit mbetet vakant, emëron Kryeministrin me propozim të partisë ose koalicionit të partive, që ka shumicën e vendeve në Kuvend.
(Neni 96, paragrafi 4)
Presidenti i Republikës shpërndan Kuvendin, kur Kuvendi nuk arrin të zgjedhë Kryeministrin e ri.
(Neni 98, paragrafi 1)
Presidenti i Republikës me propozim të Kryeministrit, emëron dhe shkarkon ministrat.
(Neni 104, paragrafi 1, 2)
Presidenti i Republikës shpërndan Kuvendin brenda 10 ditëve nga marrja e kërkesës së Kryeministrit, në rastin kur Kryeministri i ka paraqitur Kuvendit mocion besimi ndaj Këshillit të Ministrave dhe ky mocion besimit votohet nga më pak se gjysma e të gjithë anëtarëve të Kuvendit.
(Neni 115, paragrafi 1, 3)
Presidenti i Republikës cakton datën e zgjedhjeve në njësinë vendore, organi i së cilës i zgjedhur shpërndahet ose shkarkohet nga Këshilli i Ministrave për shkelje të rënda të Kushtetutës ose të ligjeve dhe kur nuk shtron të drejtën e ankimit brenda 15 ditëve, ose Gjykata Kushtetuese lë në fuqi vendimin e Këshillit të Ministrave.
(Neni 125, paragrafi 1, 4)
Presidenti i Republikës me pëlqimin e Kuvendit emëron anëtarët dhe kryetarin e Gjykatës Kushtetuese.
(Neni 136, paragrafi 1, 2)
Presidenti i Republikës me pëlqimin e Kuvendit emëron anëtarët dhe kryetarin e Gjykatës së Lartë.
(Neni 136, paragrafi 4)
Presidenti i Republikës me propozim të Këshillit të Lartë të Drejtësisë emëron gjyqtarët e tjerë.
(Neni 147, paragrafi 2, 3)
Presidenti i Republikës është Kryetar i Këshillit të Lartë të Drejtësisë. Presidenti i Republikës i propozon Këshillit të Lartë të Drejtësisë, të zgjedh nga radhët e anëtarëve të tij një zëvendëskryetar.
(Neni 149, paragrafi 1)
Presidenti i Republikës me pëlqimin e Kuvendit emëron Prokurorin e Përgjithshëm.
(Neni 149, paragrafi 2)
Presidenti i Republikës me propozim të Kuvendit mund të shkarkoj Prokurorin e Përgjithshëm për shkelje të Kushtetutës ose për shkelje të rënda të ligjit gjatë ushtrimit të funksioneve të tij, për paaftësi mendore a fizike, për akte e sjellje që diskreditojnë rëndë pozitën dhe figurën e Prokurorit.
(Neni 149, paragrafi 3)
Presidenti i Republikës me propozim të Prokurorit të Përgjithshëm emëron dhe shkarkon nga detyra prokurorët e tjerë.
(Neni 150, paragrafi 1)
Presidenti i Republikës mund të vendos zhvillimin e referendumit për çështje të një rëndësie të veçantë kur kjo kërkohet nga 50 mijë shtetas me të drejtë vote.
(Neni 151, paragrafi 1)
Presidenti i Republikës shpall ligjet e miratuara me referendum.
(Neni 161, paragrafi 2)
Presidenti i Republikës i propozon Kuvendit, emërimin e Guvernatorit të Bankës së Shqipërisë.
(Neni 162, paragrafi 2)
Presidenti i Republikës i propozon Kuvendit emërimin dhe shkarkimin e Kryetarit të Kontrollit të Lartë të Shtetit.
(Neni 168, paragrafi 2)
Presidenti i Republikës është Komandant i Përgjithshëm i Forcave të Armatosura.
(Neni 169, paragrafi 1)
Presidenti i Republikës në kohë paqeje, ushtron drejtimin e Forcave të Armatosura nëpërmjet Kryeministrit dhe ministrit të Mbrojtjes.
(Neni 169, paragrafi 2)
Presidenti i Republikës në kohe lufte me propozim të Kryeministrit, emëron dhe shkarkon Komandantin e Forcave të Armatosura
(Neni 169, paragrafi 3)
Presidenti i Republikës me propozim të Kryeministrit emëron dhe shkarkon Shefin e Shtabit të Përgjithshëm, si dhe, me propozim të ministrit të Mbrojtjes, emëron dhe shkarkon komandantët e forcave tokësore, detare dhe ajrore.
(Neni 171, paragrafi 1)
Presidenti i Republikës në rast agresioni të armatosur kundër Republikës së Shqipërisë, me kërkesë të Këshillit të Ministrave, shpall gjendjen e luftës.
(Neni 171, paragrafi 2)
Presidenti i Republikës në rast kërcënimesh të jashtme ose kur detyrimi për mbrojtje të përbashkët buron nga një marrëveshje ndërkombëtare, i propozon Kuvendit shpalljen e gjendjes së luftës, vendosjen e gjendjes së mobilizimit dhe të çmobilizimit të përgjithshëm ose të pjesshëm.
(Neni 172, paragrafi 1)
Presidenti i Republikës në rastin e situatës të parashikuar në nenit 171, paragrafi 1, i paraqet Kuvendit dekretin për vendosjen e gjendjes së luftës brenda 48 orëve nga nënshkrimi i tij, duke specifikuar të drejtat që kufizohen.
(Neni 176)
Presidenti i Republikës me propozim të Këshillit të Ministrave, kur Kuvendi nuk mund të mblidhet gjatë gjendjes së luftës, ka të drejtë të nxjerrë akte që kanë fuqinë e ligjit, të cilat duhet të miratohen nga Kuvendi në mbledhjen e tij më të parë.

Shume "fuqi" ka me rreshta po pothuaj asgje tamam. Fuqine e ka ai qe fitoen zgjedhjet e pergjithshme. Nuk ka pse behet i njejti votim dy here. Ai qe fiton zgjedhjet ka parlamenti, ka kryeministrin dhe drejton vendin.