SHISH: Shqiptaret te implikuar ne trafikun e organeve

[YaSmiN]

Per nje numer te madh njerezish, te fitosh sa me shume para eshte nje lufte e perditshme. Por disa njerez i sigurojne parate duke shitur pjeset e tyre te trupit. Materiali ne vazhdim i hedh nje veshtrim botes se shitjes se organeve njerezore, shkences qe ben te mundur transplantimin e tyre dhe disa prej njerezve qe sigurojne fitime nga kjo tregeti.
Rreth nje milione paciente ne te gjithe boten presin me deshperim te sigurojne nje veshke, edhe ne se per ta blere ate, mund te shkelet ligji. Shtrohet pyetja: nese dikush del vullnetar per te dhuruar veshken, perse te mos e shese ate?
Ky eshte spitali i Baltimores. Mjeket po nxitojne te operojne 18-vjecaren Katie Schouster. Veshka qe do t'i transplantohet Katie-t eshte e dhuruar. Por, ne disa vende te botes, pacientet mund te blejne organe ne tregun e zi. Shumica e vendeve te botes e kane te ndaluar me ligj tregetine e organeve.
Por ne kushtet kur nje numer i madh njerezish rrezikojne te vdesin nga nevoja per nje veshke te shendoshe, tregu i zi i veshkave mund t'ua siguroje ate per dhjetra mijera dollare. Nje person madje, u perpoq ta shese veshken nepermjet faqes se njohur kompjuterike E-Bay, ku tregetohen me ankand objekte te ndryshme.
Cmimi i pare i ofruar ishte 25 mije dollare. Brenda vetem 8 ditesh, paciente te deshperuar, ne kerkim te nje veshke te shendoshe, e cuan cmimin ne miliona dollare, deri sa kompania e bllokoi shitjen.
Kerkesa per organe shpeshhere plotesohet me lehtesi ne vende si India, Brazili dhe Filipinet. Doktor Sunil Shroff, kirurg qe merret me transplantimin e organeve ne Indine Jugore eshte kundershtar i ashper i shitjes se tyre. Kur fillon lojen e kompensimit, nuk ka me kthim prapa. Ne ate moment organi shnderrohet ne mall. Po e lejove perbindeshin te dale nga shishja, mund te ndodhemi ne nje situate teper te rrezikshme. Trafikimi nderkombetar i organeve eshte nje tregeti teper e frikshme, thote doktor Shroff.
India e ndaloi zyrtarisht me ligj shitjen e organeve ne vitin 1994. Por kjo nuk i ka dhene fund kesaj praktike, sidomos ne radhet e banoreve te lagjeve te varfera. Shumica e indianeve e sigurojne jetesen duke punuar me meditje. Shitja e nje organi mund t'u siguroje atyre nje shume te barabarte me rrogen e dy vjeteve. Nje tregetar organesh zakonisht shkon ta gjuaje mallin ne nje fshat te varfer si ky.
Organizatat e te drejtave te njeriut thone se tregetaret e organeve zakonisht i shfrytezojne njerezit qe shesin veshka. Ai qe blen veshken per transplantim mund te paguaje me mijera dollare, nderkohe qe dhuruesit i jepen vetem disa qindra.
Tregtia e veshkave eshte nje pune delikate, ngaqe cdo operacion transplantimi ne Indi duhet te autorizohet nga nje komitet qeveritar. Eshte e qarte se tregetari perpiqet t’i fshehe mire veprimet e tij.
"Une nuk merrem me tregetine e organeve. Me qe i ndihmoj, ata me paguajne, por une ja jap parate familjes, dhe u them atyre se mua me intereson qe njerezit qe kane nevoje te sherohen".
Ai thote se nuk merr para per kete qe ben, por kjo nuk duket e besueshme. "Jam baba me femije, me duhet ta mbroj veten, prandaj e mbuloj fytyren", thote tregetari.
Po te kapet, ate e arrestojne dhe ndaj tij ngrihen akuza, njelloj si per vrasje. Por cfare do ta detyronte nje njeri te rrezikonte per nje operacion te paligjshem? Pas nje qendrimi prej disa ditesh ne lagjet e varfera, njerezit me ne fund filluan te flasin hapur.
Vijay dhe i shoqi Vasanth jetojne me dy femijet e tyre ne nje dhome te vogel. Burre e grua e kane shitur nga nje veshke per te mbajtur familjen.
Vijaji thote se e ka shitur veshken per 800 dollare 5 vjet e gjysem me pare, per arsye se ajo dhe shoqi kishin hyre ne borxhe. Parate i perdoren per larjen e borxheve dhe per te blere me keste nje makine, qe i shoqi e perdorte si taksi. Por nuk munden t’i paguajne te gjitha kestet, prandaj shume shpejt e humben makinen. Dhe perseri, ata mbeten si ne fillim: te varfer dhe me borxhe. Edhe Vasanth e ka shitur veshken 15 vjet me pare.
Ne lagjet e varfera te Indise mund te takosh shume njerez me histori te ngjashme. Doktor K.C. Reddy kryen operacione transplantimi. Ai eshte i mendimit se shitja e organeve duhet te ligjerohet. "A eshte me mire te zbatosh ligjin, apo te vdesesh? Midis ketyre dy zgjedhjeve qe ka nje njeri, cila eshte me e mira? Varferia eshte shkaktare e te gjithave. Nje te pasuri nuk i duhet te bleje veshke. Por te varferit i duhet te shese organet, ngaqe ndodhet ne mjerim. Per mua problemi fillon kur shitja behet me ndermjetes. Ne kete rast kemi te bejme me shfrytezim", thote mjeku.
Ne Indi, ashtu sikurse edhe ne vende te tjera, kerkeses per organe nuk duket se do t'i vije fundi. Cdo vit, 100 mije njerez kane nevoje per transplantim veshke.
Duket se numri i atyre qe duan t'i shesin organet per para nuk po pakesohet. Edhe ne vendet perendimore jane bere thirrje per rishikimin e ligjit qe ndalon shitjen e organeve, duke i kompensuar dhuruesit e organeve. Debati per kete ceshtje vazhdon.

[THOTI]

Te nderuar e kam par te nevojshme hapjen e nje teme te ketille sepse e shoh si te duhur ne kete moment neper te cilin po kalon Kosova, dhe bej thirrje te gjitheve ne kete forum te distancohen nga perqamjet te distancohen nga bomba e kurdisur e serbeve per perqarje e cila fatekeqesisht ne shum raste ka pasur sukses.

Lexoni se qka shkruan ne www.kosova.com

Sipas Prokurorisë serbe, Thaçi po u kërcënohet dëshmitarëve
Beograd, 28 dhjetor 2010 - Sipas Prokurorisë së Serbisë për krime të luftës kryeministri i Kosovës Hashim Thaçi, me paralajmërimin se do t'i bëjë publik emrat e shqiptarëve të cilët i kanë ndihmuar raportuesit të Këshillit të Evropës Dik Marti që të përgatisë raportin për trafikim me organe njerëzore, po bën thirrje për linç dhe po u kërcënohet dëshmitarëve. "Kjo është një dukuri e rrezikshme dhe shqetësuese", ka thënë zëvendësprokurori serb për krime të luftës Bruno Vekariq për mediat serbe. Sipas tij, "përgjithësisht është shumë e rrezikshme kur dikush, kundër të cilit duhet të nisin hetimet, kërcënohet se do të bëjë publik emrat e dëshmitarëve", ka thënë Vekariq.

Serbet tentojn qe ne cdo menyr te na perqajn mos lejoni bashkohuni tash se dikur do jete vone.
Thoti

[THOTI]

www.Aktualiteti.com

Babai ma dhuroi veshkën, shpifjet të dënohen!
POSTUAR: E martë, 28 Dhjetor 2010 09:21

Ish-futbollisti Ervin Ohri, i përmendur në hetimin e Prokurorisë serbe për Krimet e Luftës për trafik organesh, jeton në Itali prej gati 10 vitesh.

Ervini, i cili i është nënshtruar transplantit në vitin 2002 e pret me habi telefonatën e MAPO-s, lidhur me këtë çështje.

Nuk është në dijeni të raportit të Dick Martyt, e as të këtij hetimi në Beograd, ku përmendet emri i tij, por ish-futbollisti i Tiranës pohon se, pasi të lexojë artikullin e gazetës 'Politika', do të ndërmarrë të gjithë hapat ligjorë.

Ervin Ohri tregon në këtë intervistë për MAPO-n historinë e sëmundjes së tij si dhe apelin për ndihmë, për të realizuar operacionin e veshkës, të cilën ia ka dhuruar babai.

I pyetur për gjithë ngjarjen, duke cituar një raport hetimor të Prokurorisë serbe për Krimet e Luftës, i cili ka përmendur emrin tuaj në hetimin për trafikun e organeve, Ervini thotë me habi se unë po njoftohem prej jush dhe nuk e kam parë ende këtë artikull që ju po më thoni.



Më duket shumë e çuditshme dhe mund t’u them absolutisht se, nëse është e vërtetë që është shkruajtur, është një mashtrim i tmerrshëm.

I pyetur se a ka bërë transplant të veshkës, ai thotë, unë kam qenë futbollist i ekipit të Tiranës dhe në vitin 2000 u bë e qartë nga mjekët se duhej që sa më shpejt të bëja transplant të veshkës.

Në këtë kohë ne nxorëm njoftim dhe kërkuam ndihmë për të kontribuar për shpenzimet e operacionit që do të zhvillohej në Itali.

Dhe, në Bankën e Kursimeve në Tiranë, babai im hapi llogarinë bankare për ata që kishin mundësi të dhuronin para.

Nuk e di çfarë ka shkruajtur kjo gazeta serbe, po nëse e kanë lidhur këtë histori me trafikun e organeve, mund t’ju them që tani se është një mashtrim i ulët.

Në vitin 2002 kam bërë operacionin këtu në Pisa, në Itali, ku edhe jetoj prej shumë vitesh.

I pyetur se si ka siguruar veshkën për transplantin, ai thotë se veshken ma dhuroi babai im .E hoqi ai nga vetja e vet.

Ne kërkuam ndihmë për shpenzimet e operacionit, që u bë në Itali, sepse praktikisht ishte babai im ai që do të dhuronte veshkën e vet.

Ervini thotë se një pohim i tillë, më duket shumë e ulët dhe e çuditshme.

Më duhet ta lexoj njëherë vetë me sytë e mi atë artikull që ju thoni dhe, nëse gjërat janë thënë vërtet ashtu, atëherë unë do të kontaktoj me avokatë për të çuar deri në fund zbardhjen e kësaj pune.

“Gjuetarë të organeve njerëzore zbarkonin në Ballkanin e ngërthyer prej luftërash, për të trafikuar veshka, mëlçi apo zemra drejt vendeve arabe apo Izraelit.

Prej këtij rrjeti thuajse global të trafikut të organeve ka derivuar edhe historia e robërve serbë të luftës, që, sipas Prokurorisë serbe për Krimet e Luftës, Carla Del Pontes apo raportuesit Dick Marty, janë kthyer në viktima të këtyre “gjuetarëve", kështu thuhet në hetimin e prokurorit serb Vladimir Vukçeviç, botuar të dielën në gazetën “Politika” të Beogradit.

Por cilat janë faktet e Prokurorisë serbe për Krimet e Luftës mbi trafikun e organeve në Shqipëri?

Një apel për ndihmë, i ish-futbollistit Ervin Ohri, që vuante nga veshkat, ka përfunduar drejt e në dosjen hetimore të Vukçeviçit, ku llogaria bankare e hapur asokohe për donacione është përdorur si provë për transplantet e paligjshme në Shqipëri.

Nga ana tjetër, “Politika” ka botuar fotot e “shtëpisë së verdhë”, në kohën kur s’ishte lyer ende në të bardhë, me vizitorë, hetuesit e misionit të OKB-së në të dhe disa tableta ilaçesh, të filmuara prej tyre në oborrin e pasmë të shtëpisë së Katuçëve.

Raporti i Prokurorisë serbe për Krimet e Luftës përmban një kapitull të veçantë për këtë shtëpi, ku thuhej se, përveç hetuesve të licencuar, ajo vizitohej edhe nga njerëz që hiqeshin si të tillë.

MAPO boton hetimin e Vukçeviçit për trafikun e organeve, dokument ky i pasqyruar në një pjesë të mirë edhe në raportin e shumëdebatuar të anëtarit të Asamblesë Parlamentare të KE-së, Dick Marty.

Të dhënat e Prokurorisë për Krimet e Luftës në Serbi tregojnë se organet e serbëve të kapur rob, gjatë luftës në Kosovë janë shitur në Gjermani, Skandinavi, ShBA, Izrael dhe Britani.

Sipas gazetës serbe “Politika”, dokumentet e çështjes penale me numër "33-08" dhe emërtim "trafikimi i organeve njerëzore", thuhet se mjekët e përfshirë në këtë trafik ishin nga Turqia, Izraeli, Brazili dhe Filipinet dhe se zbarkonin në Ballkan, në kërkim të organeve njerëzore.

Hetimi i kryeprokurorit për Krime Lufte në Serbi, Vladimir Vukçeviç, ka përdorur edhe një raport të ekspertëve të universitetit të Kolumbias në Nju-Jork, ku thuhej se organet njerëzore me origjine nga Evropa Lindore janë blerë nga izraelitët dhe arabët e pasur.

Për të arritur në këtë përfundim, prokuroria serbe i është referuar një sondazhi të publikuar nga "American Chronicle", sipas të cilit Qendra Spitalore Universitare në Jerusalem, vetëm gjatë 2001-it kishte realizuar transplant për 60 pacientë, falë një donatori të panjohur.

Mjekët izraelitë vizituan vendet e varfra, si Maqedonia, Bullgaria, Kosova, Republika Federale e Jugosllavisë, për të diskutuar me biznesmenët lokalë dhe mjekët, në krijimin e një klinike, thuhet në raportin e Vukçeviç për trafikun e organeve.

Më tej, kjo dosje përmban të dhëna mbi izraelitin e arrestuar në Prishtinë, më 15 nëntor 2008, Moshe Harel, i cili ishte i ngarkuari me organizimin e bisedimeve dhe transplantet e paligjshme të organeve.

Harel u arrestua pas hetimit për klinikën "Medicus" në Prishtinë, pas dyshimeve për kryerje të transplanteve të paligjshme të veshkave.

Moshe Harel është cilësuar si “truri” i trafikut të organeve, së bashku me një kirurg izraelit me mbiemrin Shapiro.

Ky i fundit ishte shfaqur në Shkup në vitin 1999 dhe mjekët lokalë i ofruan bashkëpunim në transplantimin e veshkave.

Në mesin e të dhënave mbi trafikimin e organeve, këtë herë në Shqipëri, është edhe një llogari bankare e hapur në maj 2000 për futbollistin Ervin Ohri nga Tirana.

Dosja e Prokurorisë për Krimet e Luftës në Serbi thotë se Ervin Ohri kërkoi donatorë për të bërë një transplant veshkash në Milano, kështu që ai hapi një llogari bankare në Bankën e Kursimeve në Tiranë.

Dosja e Prokurorisë serbe për Krimet e Luftës përmban një kapitull të veçantë mbi rastin e së ashtuquajturës "shtëpi e verdhë".

Në të ndodhet një raport mbi hetimet mjeko-ligjore në fshatin Rripë të Burrelit.

Ky raport është cilësuar si kritik, pasi provat në 'shtëpinë e verdhë' janë gjetur me refuzimin e autoriteteve shqiptare dhe UNMIK-ut.

Në këtë raport, për të cilat Prokuroria serbe për Krime Lufte thotë se erdhi nga burime 'informale', gjenden fotot e disa medikamenteve të gjetura në shtëpinë e verdhë, që lënë të hapur mundësinë që aty të jenë kryer ndërhyrje kirurgjikale.

Megjithatë, në hetimin e Prokurorisë serbe nuk janë të listuar personat që mund të jenë implikuar në këto operacione.

Në një retrospektivë të shkurtër të çështjes, prokurori për krime lufte në Serbi, Vukçeviç, tha se 'nga burime shumë të besueshme' kanë arritur në përfundimin se për zbardhjen e kësaj historie janë përfshirë edhe dy persona të tjerë.

Hetimi i mëtejshëm zbuloi se dy njerëz, të cilët ishin në vendin e ngjarjes, po kryenin të njëjtat veprime si hetuesit, edhe pse nuk ishin të tillë.

[MaDaBeR]

Zbardhen dëshmitë në gjykatë. Bajram Ago: Doktor Kastriot Dautajn e akuzoj për shitjen e veshkës

Korrupsioni i “bluzave të bardha” vazhdon të mos ndëshkohet nga drejtësia. Megjithëse shumë individë, përfshirë këtu edhe pacientë të gjymtuar apo të masakruar gjatë operacioneve denoncojnë për abuzime, marrje ryshfetesh e deri tek trafikimi i organeve, gjykatat tona vazhdojnë të japin pafajësi për të akuzuarit. Gazeta “Shqip” ka siguruar vendimin e Gjykatës së Tiranës për gjyqin ndaj doktorit Kastriot Dautaj, ku janë të pasqyruara dëshmitë e të dëmtuarve, e të akuzuarve dhe kërkesat që janë bërë në gjykatë. Megjithëse prokuroria paraqiti dëshmitarë që akuzonin këtë mjek për marrje ryshfeti, paraqiti përgjimet dhe vëzhgimet ambientale, gjykata në fund dha pafajësi. Vëzhgimi i gazetës nuk konsiston në analizën ligjore të këtij vendimi si dhe pafajësinë e këtij të akuzuari, por pasqyron dëshmitë rrëqethëse të pacientëve dhe të afërmve të tyre.

Rasti i Zyra Agos

Një ndër rastet që ka shokuar opinionin publik ka qenë denoncimi që bëri në media Zyra Ago, e cila pretendonte se mjeku Kastriot Dautaj i kishte hequr veshkën dhe ia kishte trafikuar në Kosovë. Sipas vendimit të gjykatës, ngjarja daton në muajin maj të vitit 2002, kur Dautaj, pas konsultës që i ka bërë pacientes Zyra Ago, ka vendosur ta operojë në spitalin shtetëror. Pas përfundimit të operacionit, familjarët pretendojnë se i kanë dhënë 30 mijë lekë doktorit. Më vonë, Zyraja ka konstatuar se gjatë operacionit të kryer asaj i ishte hequr njëra nga veshkat dhe se për këtë fakt ajo nuk ishte vënë në dijeni nga mjeku. Këtë fakt e konfirmon edhe bashkëshorti i saj, Bajrami, i cili ka dëshmuar në prokurori se mjeku i kishte thënë se kishte dalë mirë dhe i kishte hequr gurët nga veshka. Në vitin 2005, Bajram Ago ka marrë vesh se gruaja e tij nuk kishte veshkë fare dhe për këtë e kanë takuar përsëri të pandehurin në Tiranë. Në seancë gjyqësore, gjykata ka pyetur Zyra Agon. “Mjekun Kastriot Dautaj e kam njohur në vitin 2002, tek spitali nr.2, Tiranë. Jam paraqitur për eko në veshka. Pasi u konsultuam, doktori tha se veshka ime ishte në funksion dhe kishte gurë, të cilët do t’i shkatërronte me goditje. Mjeku më tha se ndërhyrjen do e bëja në klinike private. Nuk pranova dhe jam shtruar në spital dhe të nesërmen jam operuar. Pasi kam dalë nga salla, jam përmendur në darkë, motra ime më ka nxjerrë gurët, bashkë me pirografinë ku thuhej që veshka ishte shumë mirë. Pas 6 ditëve kam dalë nga spitali. Gjatë këtyre ditëve mjeku nuk është interesuar fare për mua, e as të më pyeste si isha me shëndet. Në spital mezi më kanë dhënë fletëdalje, pasi nuk kishte e nuk ishte mjeku i cili pasi me operoi mua iku direkt në Kosovë. Ndenja në Tiranë tek motra e jam paraqitur pas dy javësh me trombozë në këmbë. Pasi e kërkuam disa herë me këmbëngulje mjekun Kastriot Dautaj, ai erdhi pas dy ditëve e më tha: të kaluara. Jam paraqitur në spital pas tre vitesh për probleme në këmbë dhe mjeku më tha që nuk e kisha veshkën të operuar, por të hequr. Shumë e mërzitur shkova tek doktor Kastriot Dautaj e i them për heqjen e veshkës. Ai më tha: Jo problem, gjysma e shqiptarëve janë me një veshkë”, - dëshmoi Zyra Ago.

Në gjykata ka dëshmuar edhe bashkëshorti i saj, Bajrami, i cili tha se: “Në vitin 2005 e morëm vesh se gruaja nuk kishte njërën veshkë dhe të çuditur e të mërzitur e çuam çështjen në prokurori, por prokurori e pushoi çështjen. Më vonë gruaja e bëri çështjen publike dhe erdhën përsëri prokurorët në shtëpi ku kanë pyetur gruan time. Kur e pyetëm personalisht doktorin pse nuk na kishte thënë për heqjen e veshkës, ai na është përgjigjur se, ju kam thënë. Kjo gjë nuk ekziston e shkruar apo e regjistruar në asnjë vend. Unë në vitin 2008 e akuzova për heqje veshke e për shitjen e saj në Kosovë, vetëm për këtë e kam akuzuar dhe e akuzoj, dhe këtu për këtë kam ardhur të dëshmoj”. Megjithatë, në gjykata u paraqit dhe vendimi për pushimin e procedimit penal me numër 2050, që kishte të bënte me hetimet për shitjen e veshkës në Kosovë.

Vdekja e Flamur Metushit

Mjeku Kastriot Dautaj është hetuar dhe gjykuar edhe për rastin e vdekjes së Flamur Metushit. Ai është denoncuar nga vëllai i viktimës, Ylli, i cili pohonte se Kastriot Dautajn e akuzonte për moskryerje të detyrës së mjekut. “Vëllai im, Flamur Metushi ka qenë i shtruar në spitalin ‘Nënë Tereza’ nga data 26.11.2003 deri më datë 05.12.2003, ku është operuar nga Kastriot Dautaj duke hequr një veshkë me tumor. Ky kirurg, pas operacionit nuk e dërgoi masën tumorale për biopsi. Gabimi i mjekut rezultoi fatal, mbas një viti vëllai im vdiq. Kastriot Dautaj mori dhe 300 euro për këtë operacion. Kërkoj që ai të ndiqet penalisht për moskryerje të detyrës së mjekut”, - tha Ylli Metushi. Dëshmitarja Mimoza Metushi, bashkëshortja e viktimës, pasi tregoi vuajtjet në familjen e saj, tha se tek dhoma e operacionit dhamë 300 euro dhe doktori u tha që unë dal garant për operacionin. “Lekët, doktorit ja dha Ylli Metushi, kunati im, sipas bisedave të njerëzve në spital dhe i kemi dhënë tek dhoma e doktorit pas operacionit, në katin e dytë”, - tha Mimoza. Edhe Ylli Metushi tha se, “shumën e lekëve ja kam dhënë sipas thënieve të njerëzve në spital”. Megjithatë, gjykata ka çmuar se mjeku Kastriot Dautaj nuk u ka kërkuar ndonjë shumë parash familjes Metushi.

Gazeta-Shqip

[Akili-A]

Prokurori i Bashkimit Evropian ka shtuar më tepër akuza kundër shtatë kosovarëve lidhur me një skemë të trafikimit ilegal të veshkëve, derisa ka shfaqur pretendime se të dyshuarit kryesorë ishin konsultuar me zyrtarë të lartë qeveritarë për planet për të kryer transplantime, raporton agjencia AP nga Prishtina.
Ky është njëri nga rastet më të njohura të skandaleve me trafikim të organeve, që ka ndodhur në Ballkan në vitet e fundit, dhe në akuzat e shtuara, për të parën herë, prokurori pretendon për një lidhje ndërmjet të dyshuarve në grupin e transplantimit dhe zyrtarë të nivelit të lartë të Kosovës.
Të dyshuarit, përfshirë edhe ish zyrtarin e Ministrisë së shëndetësisë së Kosovës, Ilir Rrecaj, janë të dyshuar se kanë përfituar afro një milion dollar nga kjo skemë, në periudhën 2008-2009.
Të shtatë të akuzuarit i kanë hedhur poshtë akuzat.
Prokurori i EULEX-it, Jonathan Ratel, në aktakuzën e zgjeruar dje, të cilën agjencia AP thotë se e ka në disponim, thekson se të dyshuarit i kanë nxjerrë veshkët nga donatorët e varfër, përfshirë turqit dhe rusët, të cilët ishin joshur me premtime financiare.
Marrësit e veshkëve ishin njerëzit nga Izraeli, Kanadaja dhe Gjermania, që kishin paguar deri në 100 mijë dollarë për transplantim. Pretendohet se janë kryer së paku 48 transplantime të veshkëve.
“Këto plane, shqyrtimet dhe përgatitjet...përfshinin konsultime të përsëritura dhe disa takime me zyrtarë të lartë në Qeverinë e Kosovës”, thuhet në aktakuzë, siç transmeton Evropa e Lirë.
Associated Press mëtutje raporton se transplantimet e organeve në Kosovë janë të ndaluara.
Në aktakuzën e zgjeruar theksohen edhe lëndimet e rënda trupore, mashtrimi dhe falsifikimi i dokumenteve./Indeksonline