SHISH: Shqiptaret te implikuar ne trafikun e organeve

[ALBA]

Nga Roland Qafoku

Trafik klandestinesh. Trafik droge. Trafik armesh. Trafik prostitucioni. Listes me rime krimesh mafioze, se fundi i shtohet edhe trafiku i organeve te brendshme. I anatemuar pak vite me pare ne media, tani eshte shteti ai qe pranon se bota perreth, “ushqehet” me organet e femijeve te varfer shqiptare. Oficere te Sherbimit Informativ Shteteror ne Korçe, kane zbuluar se fundi se kater femije te trafikuar ne Greqi, jane perdorur per t’u marre organet ne klinika ballkanike, goxha te specializuara ne kete fushe. Edhe me i frikshem behet ky hetim, kur mesohet se, nje nga viktimat, eshte edhe nje femije 2 vjeç, qe i perket çiftit Myrtezai, organet e te cilit tani, kushedi se ne ç’trup pasaniku punojne per ta rinuar ate. Kesaj kronike tejet te zeze i shtohet edhe itenerari qe ndjek ky lloj krimi. Ai prek vendin e orgjines, Shqiperine, me tej Greqine, Turqine, Bullgarine e Maqedonine. Kaq mjafton, qe i gjithe shteti te ngrihet ne kembe. Te evidentoje te gjitha rastet e dyshuara. Te nise hetimet per te zbuluar se nga e ka zanafillen, kush e drejton dhe kush e perkrah. E nese kete here, e ka seriozisht, atehere, doemos duhet te ktheje koken prapa per ca dosje, kapaket e te cilave jane mbyllur ne menyren me misterioze. E thene me fjale te tjera, deri tani ato llambushka te ndezura ne media lidhur me kete trafik, jane shuar po nga ky shtet. Kesisoj, nuk duhet lejuar gabimi i vitit 1998, kur nje skandal i ngjashem, u tret si kripa ne uje. Nje varrmihes, ne Shish Tufine, zbuloi se arkivolet e bebeve te vdekura mberrinin bosh nga materniteti. Prokuroria nisi nje nga hetimet me te bujshme, ndersa varrmihesi mbase nuk e di akoma se “fama” e krimit te zbuluar prej tij, mberriti edhe ne Evrope. Aq sa nje shpure gazetaresh mesyne diten tjeter ne redaksite e gazetave shqiptare, per t’iu bashkuar zerit te korit, se ishim perballe nje mafieje me jaka te bardha. Por, çudite ne Shqiperi, zgjatin me pak dite se rregulli. Eliza Possco, nje eurodeputete italiane, mberrin ne Tirane per te marre informacion rreth skandalit, por kthehet prapa, duke iu thene se ato qe shkruhen ne gazeta, nuk jane te verteta. Dhe, me nje vendim absurd, çeshtja penale u mbyll e shoqeruar me postulatin stampe: “nuk ka elemnte te vepres penale”. Nderkohe, prokuroria nuk u sensibilizua, edhe kur ne media u shkrua se, ne Shqiperi ka klinika ku behen transplante ilegale. Nuk u sensibilizua, as edhe kur dy femije, njeri 8 dhe tjetri 11 vjeç, u shkruanin nga Greqia nga nje leter prinderve ne Shqiperi, se i kishin trafikuar, pa ditur me pas, se ku ndodhen. Nuk u sensibilizua as edhe kur nje femije tjeter ne Elbasan, me emrin Flamur, tregonte perpara kamerave shenjen e operacionit qe i kishin bere dhe i kishin marre nje veshke. Te gjitha keto fakte mjaftonin per te nisur nje hetim teresor, per te gjitha keto raste te harruara me, apo pa dashje. Ka edhe nje arsye tjeter, qe shteti te tregohet me fin ne kete hetim. Trafiku i klandestineve, ai i droges dhe i prostitutave, nuk kerkojne njerez shume te specializuar. Mjafton t’i ndjekesh dhe te kesh vullnet e ndershmeri. Ndersa, trafiku i organeve eshte i vendosur mu perballe mjeshtrave te bisturive, perballe shefave e shoqatave biresuese e, mbi te gjitha, perballe nje bashkepunimi perfekt. Te ndodhur perballe krimit te jakave te bardha, pergjigjja duhet te jete me te njejten monedhe e me te njejtin nivel. Fundja, kjo eshte beteja e vertete.

[Brari]

Alba pershendetje.

Ja cfar shteti kemi:

--------g 55 ----

Për një gozhdë shkelet Kushtetuta e RSH-së

Nga Besnik VELAJ

Fjala nuk është për një qëndrim formalitet zyrtar të radhës por është për një pozicion të detyruar që duhet të mbajnë të zgjedhurit e pushtetit lokal. Vlera rritet se të zgjedhurit janë në krye të proceseve transformuese të shoqërisë. Dy prej tyre si kryeqytetarë të Vlorës janë Kryetari i Bashkisë Niko Veizi dhe kryetari i Këshillit të Qarkut, Bashkim Habili se prefekti Shpëtim Gjika qëndron në sfondin e tyre. Në Vlorë a nuk ndodh shpesh që Prefektet shkarkohen dhe emërohen me një të rënë të ziles së telefonit...? Para 6 muajsh në zyrat e tyre të gjithë qytetarët që kanë hyrë e dalë për punë të ndryshnme kanë parë të varur portretin e ish -presidentit Meidani në një "gozhdë" të madhe që perpendikularisht binte mbi fundin e kurrizit të dy zyrtarëve dhe jo mbi fytyrën e ish-Presidentit steril. Të gjithë e pamë se ç'ndodhi por ç'po ndodh akoma e mësuam tani që Vlora prapë do të shkojë në zgjedhje lokale... Ndodhi një reaksion, molekulat politike të ish-fizikantit politikan, goditën njëra tjetrën si në lëvizjen "brovniane" që nuk e mbushi dot mendjen e "masave" për një karrige të dytë. Demokracia konsensuale s'ia plotësoi dot dëshirën Meidan Rexhepit. E ndoqën iku.... mirë bëri që iku! Niko Veizi, Bashkim Habili dhe presidenti i ri, Alfred Moisiu. Po të ishin gjykuar iniciativat reformuese në politikë, ekonomi të PD-së, Presidentit konsensual në ndihmë të Pozitës do t'i kishin çuar një mesazh popullit të Vlorës se për të ardhmen shumë shpejt do të zbutet kriza e mungesës së dritave, ujit papunësisë, varfërisë, shtrenjtësisë së madhe të ushqimeve të shportës që i ka dalë fundi. Nga bindja e verbër dashuria nostalgjike për ish-Presidentin steril, akoma në zyrat e tyre... akoma s'i kanë vendosur simbolet kombëtare. A nuk është ky një qëndrim i kalcifikuar i shkëputjes nga populli? Këtu e ka vendin dhe pika kulminante kur atasheu Tregtar i Ambasadës Austriake i shoqëruar nga përfaqësues të ndryshëm të kompanive që duan të investojnë bëri një vizitë në Vlorë... u prit nga dy kryeqytetarët e parë të Vlorës. Pala mike me një profesionalizëm të spikatur, diplomaci të kohës nderoi mikpritësit. Mikpritësit u ndodhën në udhëkryq. Mungonte Stema e Republikës së Shqipërisë me shqytën, fushën e kuqe me shqiponjën dykrenare në mes, përkrenarja e Skënderbeut në krye të shqytit me ngjyrën e artë. Pala mike mbeti në mëdyshje me palën e pozitës që ka pushtetin. Pa qartësuar njëri tjetrin pala mike përmendi emrin e nderuar të presidentit Moisiu . Në funksion të kësaj sytë u ngritën lart por gozhda e madhe ishte hequr. Në mur kishte mbetur një "vrimë" e gozhdës së Nastradinit. A e kuptojnë zotërinjtë Niko Veizi, Bashkim Habili se jemi në një sistem tjetër në një shoqëri pluraliste që fotografia e presidentit Moisiu është e Kryetarit të Shtetit dhe përfaqëson nitetin e Popullit? Iku koha e gozhdës Meidanit që mbyllte "vrimën" e halleve me gënjeshtra. Po ku mbyllen dot gjithë ato vrima 60- vjecare nga ushtallarë që u ka humbur çekani i kovaçanës me usta Xha Pilon dhe kryeusta Hasanin?


------------nga gaz 55 --------

[Brari]

g 55


---------

Mjerimi dhe krimi, binomi i suksesit të qeverisjes socialiste në Mat!!

Fillimshekulli 21-të i gjen Matin dhe matianët të harruar, të nëpërkëmbur të varfër sa më s'ka! Më vijnë në mendje vargjet e të madhit Migjen "Kafshatë që s'kapërdihet asht or vlla mjerimi, Kafshatë që t'ngel n'fyt e t'zë trishtimi". Njerëz ! Sa shumë njerëz që rrojnë me shumë pak lekë. Aq pak sa mezi blejnë një thes miell, sepse kaq u jep ky shtet. Theksojmë se në Mat rreth 60 për qind e familjeve trajtohen me ndihmë ekonomike që marrin mesatarisht 2100 lek në muaj. Mendo i dashur lexues sikur njërit nga këta njerëz t'i shkonte ndërmend dhe të guxonte të ftonte kryeministrin për nga një kafe e nga një "xhoni" në Rogner", nuk do të mbeteshin në xhep as lekët për të paguar udhëtimin me furgon. Jo vetëm Mati por edhe Bulqiza e Dibra janë në të njëjtën gjendje. Papunësia është në shifra alarmante. 60 për qind e forcës aktive është e papunë. E vetmja rrugë e të rinjve është kurbeti. Janë dhjetëra djem të këtij rajoni që ju kanë humbur eshtrat në humnerat e maleve të Greqisë dhe në thellësinë e ujërave të Otrantos. Sipas statistikave që disponojnë forumet rinore të Partisë Demokratike janë 57 për qind e të rinjve që kanë emigruar, sepse nuk kanë asnjë shpresë këtu në vendin e tyre. Kjo është një shifër alarmante dhe e dhimbshme, e bën të tillë edhe fakti që pjesa dërrmuese e tyre janë me arsim të mesëm e të lartë. E si të mos jetë kështu kur në uzinën e Ferro Kromit në Burrel në vitin 1996 punonin 600 punonjës me pagë që varionte nga 16 000 - 30 000 lekë të reja. Sot është e mbyllur dhe abandonuar plotësisht dhe nuk punon askush në to. Minierat e kromit në Krastë, Thekën, Batër, Cërujë e Bulqisë ku kanë qenë të punësuar disa mijëra punëtorë, teknikë e inxhinierë dhe që me prodhimin e tyre kanë mbuluar 62 për qind të eksportit kombëtar për 30 vjet rresht. Sot kët; miniera janë në kufijtë 5 - 7 për qind të prodhimit të tyre. Po ju sjell vetëm një fakt nga viti 1958-1988 nga prodhimi i këtyre minierave ka përfituar shteti rreth 30 miliardë dollarë. Qarku i Dibrës ka një fond shumë të pasur të tokës arë, i cili në masën më të madhe është lënë djerrë, si rezultat i politikave agrare diskriminuese të ndjekura nga Xhuvelët e qeverive socialiste në këta 7 vjet të sundimit të tyre. Pasuria pyjore e rajonit, nga më të mëdhatë në Shqipëri është keqmenaxhuar e keqshfrytëzuar saqë masive të tëra të aheve e pishës janë zhdukur dhe sic thotë populli i këtyre zonave:"janë kthyer në tokë për patate". Sipas një statistike thuhet se 42 për qind e kësaj pasurie tashmë nuk ekziston më.

Por pas gjithë kësaj panorame të trishtë e të dhimbshme sa s'bëhet, në krye të radhës si një lak në fyt qëndron krimi e terrori. Në Burrel tashmë janë kthyer vjedhjet, grabitjet, shpërthimet e tritolit, krismat e deri tek telefonatat kërcënuese ndaj opozitës. Këto të gjitha në harkun kohor të 10 ditëve. Por shteti hesht. Organet e policisë, ato të prokurorisë dhe gjyqësori nuk reagojnë, a thua se të gjitha këta ndodhin në Somali.

Ata që reagojnë janë partitë e opozitës të cilat me një zë dënojnë gjendjen ku ndodhemi dhe drejtojnë gishtin mbi shtetin -përgjegjës. Deklaratën po e botojmë të plotë.

....g 55 ...

[Orku]

Alba shkrimi qe ke sjelle eshte vertete rrenqethes, dhe akoma me te rende e ben fakti qe rastet e evidentuara jane vetem maja e aisbergut sepse duke qene krim ai zhvillohet ne ilegalitet.

Une mendoj se shtypi dhe shoqeria jane bashkfajtore perderisa nuk ngrihen te kerkojne me force mbrojtjen e te drejtes me themelore...te drejten per jeten.

[Brari]

gsh

--------

MJEKU TRAFIKANT MIK I ANDROPULOS

Trafiku i organeve, klinika në Shkup
SHISH zbulon mjekun shqiptar të implikuar në rrjet


--------------------------------------------------------------------------------

Granit Sokolaj


TIRANE

Trafiku i organeve shtrihet edhe në Maqedoni. Kjo është bërë e ditur nga burime zyrtare të Shërbimir Informativ Shtetëror (SHISH), të cilat janë duke investiguar lidhur me këtë fenomen. Sipas burimeve nga ky institucion, është zbuluar se një nga bashkëpunëtorët më të ngushtë të mjekut grek të akuzuar për trafik organesh, Fotis Andropulos, është një mjek maqedonas me origjinë shqiptare, me banim në Shkup. Po në këtë qytet ai ka edhe një klinikë private. Të njëjtat burime kanë sqaruar se listës së rrjetit të grekut Andropulos i është shtuar 40-vjeçari N.Z. i specializuar si mjek internis (i sëmundjeve të bren-dshme). Ndonëse nuk thuhet ende se cili është aktiviteti i tij konkret në këtë rrjet, dhe kjo për sekret hetimi, mjeku shqiptaro-maqedonas është parë disa herë në shoqëri të Fotis Andropulos, kur ky i fundit ka "vizituar" Maqedoninë. Sipas të njëjtave burime, mjeku shqiptaro-maqedonas, i cili kishte në pronësi të tij edhe një klinikë private, i identifikuar nga njerëz të SHISH-it, luante rolin e gjetjes së klientëve që kishin nevojë për transplant organesh. Për këtë, ata do të paguanin shuma të mëdha të hollash për të mbrojtur jetën e tyre. Por, mendohet se 40-vjeçari N.Z. gjente edhe klientë të cilët i dërgonte direkt në klinikën private të grekut Fotis Andropulos. Të njëjtat burime nga shërbimi sekret kanë sqaruar se mjeku shqiptaro-maqedonas është specialuar në profilin e tij në Gjermani. Pikërisht aty mendohet se ka kontaktuar me rrjetin e trafikut të organeve, i cili i sillte fitime të majme dhe të menjëhershe. Gjithashtu, përpara se Andropulos të "vizitonte" Shqipërinë, mësohet se nën shoqërinë e mjekut maqedonas ka bërë një ndalesë në një prej klinikave më të njohura në Maqedoni, për sëmundjet e veshkave, që ndodhet midis Strugës dhe Ohrit. Por, gjithsesi, burime të SHISH-it kanë bërë të ditur se numri i pjesëtarëve dhe bashkëpunëtorëve të këtij rrjeti është shumë më i madh. "Duket se mjeku grek Fotis Andropulos dhe bashkëkombasi i tij, Harallambros Katatathana, kanë shtrirë tentakulat e rrjetit të tyre në të gjithë rajonin, thonë burimet e hetimit të kësaj çështjeje", kanë thënë të njëjtat burime.
Trafiku i fëmijëve në qarkun e Korçës është zbuluar krejtësisht në vititn 2002. Në këtë periudhë kanë nisur edhe denoncimet e para, të cilat më pas janë pasuar edhe me arrestime. Kështu, dy veta janë arrestuar në Pogradec e dy të tjerë në Korçë, nën akuzat e trafikut të fëmijëve. Pak më vonë në dritë ka dalë edhe emri i mjekut grek Andropulos, i cili akuzohet zyrtarisht për zhdukjen e një fëmije rom nga Korça, i cili kishte lindur në klinikën e tij në Greqi.


Mjekun grek të trafikut e denoncoi viktima Donika Ajdini

Një grua nga Korça ka zbuluar tërësisht trafikimin e fëmijëve në Greqi, për birësim ose trafik organesh. Bëhet fjalë për Donika Ajdinin, e cila e "ndihmuar" nga Nazmi Kreka ka lindur në klinikën e grekut Fotis Andropulos. Këtë të fundit Ajdini e denoncoi për zhdukjen e foshnjes së saj. "Kur linda në klinikën e tij më thanë se fëmija ka vdekur, ndërsa për të më ngushëlluar më dhanë 100 mijë lekë", ka thënë para prokurorëve Donika Ajdini, së cilës i ishte zhdukur fëmija. Ajo ishte e vetmja që denoncoi publikisht, duke nxjerrë në skenë edhe emrin e mjekut trafikant. Pas akuzës nga Donika Ajdini, Andropulos, bashkë me mikun e tij Harallambros Katatathana, ka mundur të gjejë strehim në Francë. Ai është strehuar me identitet të rremë. Bashkë me Andropulos, Ajdini ka denoncuar si bashkëpunëtorë të tij në trafik edhe Nazmi Krekën dhe Floresha Hoxhën, tashmë të dënuar, respektivisht me nga 20 dhe 15 vjet heqje lirie.


Botimi i raportit italian për trafikun intensifikoi hetimet

Gazeta Shqiptare botoi e para raportin e Ministrisë së Brendshme italiane, i cili tregonte për shtrirjen e aktiviteteve të trafikantëve të foshnjave. Menjëherë pas botimit të kërij raporti, i cili thoshte se mjeku grek i këtij trafiku, Fotis Andopulos, në bashkëpunim me të tjerë po ndërtonte klinika në Fier e Durrës, nisën hetimet intensive dhe kontrollet. Policia kontrolloi të gjitha klinikat private në Fier dhe ndërtimet që ishin të papërfunduara, por nuk zbuloi ndonjë gjë konkrete. Kështu ndodhi edhe në Durrës. Ndërsa Prokuroria e Korçës dhe SHISH-i intensifikuan hetimet. Si rezultat i këtyre hetimeve është bërë i mundshëm edhe zbulimi i mjekut shqiptaro-maqedonas nga Shkupi, i cili akuzohet se është i përfshirë në këtë trafik. Madje, sipas burimeve, ai është një ndër bashkëpunëtorët më të ngushtë të grekut Andropulos.

[Kryeplaku]

Ish-ministri, ne trafikun e organeve

Ambasada e Greqise ne Tirane dergoi ne policine e Selanikut, nje raport sekret per rrjetin heleno-italo-shqiptar te transplantit te femijeve. Pohimi trondites: "Te vegjelit nga Tirana, vriteshin dhe organet e tyre, me ane te bagazheve diplomatike te zyrtareve shqiptare, dergoheshin ne Itali e Greqi". Te dhena rrenqethese per arkivolet e zbuluar bosh ose me femije te copetuar. Pohimi i ambasades dhe reagimi i ministrise se Shendetesise

Edison KURANI

TIRANE - Nje minister shqiptar si dhe disa diplomate, jane kyci i veprimtarise kriminale te nje grupi mjekesh dhe sekseresh nga Italia, Greqia dhe Shqiperia qe vriste dhe me pas shiste organet e femijeve kryeqyteas. Pohimi trondites eshte bere publik per here te pare zyrtarisht, dje ne nje raport "top secret" te Ambasades se Greqise ne Tirane. Ky raport, u zbulua nga e perditshmja me e madhe helene, "Ta Nea" (te Rejat), e cila e botoi ne faqen kryesore te dites se djeshme. Ne raport jepen detaje te shumta per skemen dhe pjesetaret e rrjetit te trafikut te femijeve shqiptare si dhe klinikat e dyshuara, ne Durres, Fier dhe Selanik. Drejtesia helene ne Selanik, eshte duke hetuar ne lidhje me dyshimet e trafikut te organeve te te miturve shqiptare, nga disa mjeke greke, shqiptare dhe italiane. Raporti, aktualisht ndodhet ne duart e autoriteteve te drejtesise ne Selanik. Ne te jepen hollesi te shumta ne lidhje me hetimet qe kane ndermarre policite shqiptare dhe italiane per trafikun e organeve te te miturve, me qellim transplanti. Sipas raportit, hetimi eshte kryer ne bashkepunim me autoritete te larta shteterore te Shqiperise dhe Italise.

Ku gjendeshin viktimat

Sipas te dhenave te raportit, pikenisja e trafikut te organeve te femijeve shqiptare eshte viti 1994. Viktima te ketij trafiku, ishin femijet ne Shtepine e Femijes ne Tirane. Por transplanti i organeve behej edhe te femijet e familjeve ne nevoje si dhe te mitur me aftesi te kufizuara mendore. Organet e tyre, transplantoheshin ne tre klinika, ne Fier, Durres, dhe ne nje qytet te Maqedonise Qendrore ne rajonin e Selanikut. Konkretizohet emri i nje mjeku helen, nje gjinekolog, por ai nuk eshte publikuar nga "Ta Nea". Gazeta thote se "mjeku grek, ne te kaluaren, i ishte nenshtruar masave administrative dhe ishte gjykuar, per shkelje te ndryshme".

Arkivolet e boshatisur

Raporti evidenton se pjesetaret e rrjetit te trafikut te organeve te te miturve, "rekrutonin" femije jetime si dhe nga familje "te keputura", kryesisht nga Tirana. "Te miturit, silleshin ne Greqi ne menyre klandestine, per t'iu nenshtruar operacioneve qe ne fakt ishin heqje e organeve me qellim shitjen e tyre te paciente ne pritje". "Por ne raste te vecanta, keto transplante kryheshin edhe ne Shqiperi, ne disa klinika te atjeshme", nenvizon raporti i ambasades helene ne Tirane. "Disa femije te Jetimores ne Tirane, u vrane ne vitin 1998. Por me kembenguljen e te afermve te tyre, arkivolet u hapen pasi ishin te gozhduar dhe ne te nuk u gjeten trupat. "Ne disa raste, u vertetua se arkivolet qe mberrinin nga Greqia ne Tirane, ishin bosh dhe kjo u zbulua prej te afermve te te miturve", nenvizon raporti. "Kurse ne raste te tjera, ne arkivole, femijet u pa qarte se i ishin nenshtruar operacioneve kirurgjikale".

Ministri dhe diplomatet

Si kreu i ketij rrjeti "monstruoz" te trafikut te organeve sic cileson "Ta Nea", permendet "nje mjek italian i cili eshte edhe pedagog i fakultetit te Mjekesise ne nje universitet vendas". Sipas raportit, "pedagogu italian, kishte krijuar lidhje me mjeke shqiptare dhe helene". Pedagogu italian paraqitet ne raport, si njeri qe kishte lidhje dhe bashkepunim me ish diplomate dhe ish qeveritare shqiptare. Keta te fundit, merrnin persiper transportimin e organeve nga Shqiperia ne Itali me bagazhe diplomatike sepse i shmangeshin ligjerisht kontrolleve. "Transportonin me ane te bagazheve diplomatike, qese me azot, ne te cilat ndodheshin organet njerezore", theksohet ne raport. Hollesite e evidentuara ishin vjelur nga autoritetet shqiptare dhe italiane gjate hetimeve te kryera. Ne raport shtohet se "megjithate nuk kane nisur procese gjyqesore ne lidhje me keto dyshime, per shkak se investigimi duhet te perfundoje edhe ne Greqi".

Korcarja qe denoncoi trafikun

Donika Hajdini, 40 vjece, nene e pese femijeve, banuese ne lagjen nr 4 ne Korce, denoncoi vitin e kaluar, tek autoritetet shqiptare se ishte paguar per te lindur nje femije ne nje klinike te Selanikut dhe ta jepte ate per biresim. Ky ishte edhe fillimi i investigimit qe coi ne zbulimin e trafikut te organeve, ben te ditur raporti i ambasades greke ne Tirane. Sipas hetimeve te pales shqiptare, ne raport thuhet se "personazhe qe implikohen ne keto biresime kane nje rol protagonist, ne trafikun e organeve te femijeve". Gruaja shqiptare, kishte marre nje paradhenie prej 715 euro nga pjesetare te rrjetit, per te lindur nje femije ne nje klinike te Maqedonise Qendrore. Vajza qe ajo lindi, u deklarua e vdekur dhe u shenua zyrtarisht si femija biologjik i gruas qe e "bleu". Ne vazhdim, sikurse behet e ditur nga hetimet, rrjeti nuk ia dha parate e tjera gruas lehone sipas marreveshjes paraprake. Ne te njejten kohe, "ndermjetesi" kerkoi ta bindte te lindte nje femije te dyte, per te njejtin qellim. Pas ketij denoncimi, u arrestua ne Korce, Nazmi Kreka dhe Floresha Hoxha te cilet u denuan me nga 18 e 15 vjet burg nga gjykata e Korces si dhe tre te tjere qe u akuzuan per shitje te femijeve te porsalindur dhe moren se bashku, 48 vjet burgim. Pas hetimeve ne lidhje me Hoxhen dhe Kreken, autoritetet policore ne Shqiperi, sipas raportit, arriten ne konkluzionin se ndodeshin perballe nje rrjeti te trafikut te organeve te femijeve, i cili e kishte bazen ne Itali.

[Kryeplaku]

"Raporti ekziston por nuk japim detaje"

TIRANE - "Raporti ekziston por ne nuk kemi asnje koment te metejshem", eshte pergjigja e Ambasades Greke ne Tirane, lidhur me artikullin e botuar ne gazeten greke "Ta Nea". Sipas TV Klan, autoritetet e kesaj ambasade dje, nuk e mohuan lajmin duke pranuar se ekziston raporti i publikuar nga e perditshmja greke. Ambasada nuk mohoiqe te kene kryer hetime mbi trafikimin e organeve te femijeve. Ky raport sekret i Ambasades Greke ne Tirane eshte botuar ne gazeten "Ta Nea". Nderkohe, autoritetet shqiptare e mohojne ekzistencen e nje trafiku te tille. Dyshimi i pare mbi ekzistencen e ketyre klinikave eshte hedhur nga nje perfaqesuese e Malit te Zi ne Konferencen Nderkombetare "Lufta kunder trafikimit te Femijeve ne Evrope", zhvilluar ne Tirane, botuar ne gazeten "Korrieri" me 19 janar. "Femijet cohen ne nje klinike private qe eshte ne Shqiperi. Aty atyre ju hiqen organet, te cilat perdoren per transplantim. Me pas ato futen ne eter dhe nga Shqiperia transportohen ne vendet e tjera te Evropes", ka deklaruar mes konferences perfaqesuesja e grupit te Malit te Zi dhe Serbise. D.Xh

[ALBA]

Gazeta “Ta Nea” boton një raport konfidencial të Ambasadës Greke në Tiranë për trafikun e organeve të fëmijëve

“Më ‘98 u vranë fëmijë të jetimores së Tiranës. Organet janë çuar në Itali me valixhe diplomatike”

Shekulli

TIRANË- Rishfaqen në “skenë” klinikat famëkeqe të organeve njerëzore, edhe pse autoritetet shqiptare e kanë mohuar njëzëri ekzistencën e tyre. Pas alarmit të përhapur nga Komisioneri i Jashtëm i BE, Kris Paten, është gazeta greke “Ta Nea”, ajo që ka botuar një raport konfidencial të Ambasadës Greke në Tiranë, ku konfirmohet ekzistenca e tre klinikave të transplantit të organeve, në Fier, në Durrës dhe në Selanik. Sipas këtij raporti, viktima të këtij trafiku të frikshëm janë fëmijët e jetimores së Tiranës, por edhe ata me të meta mendore. Rrjeti që merrej me trafikun e organeve të fëmijëve shqiptarë përbëhet nga mjekë grekë, italianë dhe shqiptarë, të cilët po hetohen nga organet gjyqësore të Selanikut. Sipas raportit të botuar në “Ta Nea”, hetimet kanë filluar pasi Ambasada Greke në Tiranë i ka dërguar një raport konfidencial qeverisë helene.
Trafiku
Sipas raportit të mësipërm, hetimet janë kryer nga policia shqiptare dhe italiane, të cilat i kanë kërkuar autoriteteve greke hetime për këtë çështje. Viktima të trafikut të organeve janë të miturit e jetimores së Tiranës dhe fëmijët me të meta mendore. Trafiku i organeve të fëmijëve ka filluar që në vitin 1994 dhe organizohej në tre klinika transplanti, në atë të Durrësit, të Fierit dhe në një qytet të Greqisë. Raporti që gjendet në duart e hetuesve grekë, sipas “Ta Nea”-s është përpiluar nga organet policore shqiptare dhe italiane. Ndërkaq, drejtësisë greke i kërkohet që të hetojë dhe dënojë personat e implikuar në këtë trafik çnjerëzor. Në raport përmendet emri i një mjeku grek, i njohur si “doktor Frankenshtain”, i cili në të shkuarën është dënuar për birësime të paligjshme nga jetimoret.
“Ta Nea” e cila citon raportin thotë se ndërmjetësit “peshkonin” më së shumti fëmijë me të meta mendore të familjeve të varfra shqiptare. Këta fëmijë dërgoheshin ilegalisht në Greqi, nëpërmjet doganës së Kapshticës apo kufirit greko-maqedonas.
Jetimët e Tiranës
Siç cilësohet në raport, fëmijët e jetimores së Tiranës “furnizonin” më së shumti klinikat çnjerëzore. Kështu, në vitin 1998 u vranë shumë fëmijë për trafik organesh, ndërkohë që prindërit e tyre i kanë gjetur arkivolet bosh, kur i kanë hapur. Raporti citon edhe raste kur trupat e të miturve janë gjetur nëpër arkivole, por në to dalloheshin dukshëm shenjat e ndërhyrjeve kirurgjikale. Kreu i këtij rrjeti cilësohet një mjek italian, i cili kishte lidhje të ngushta me mjekët shqiptarë që përfshihen në këtë histori si dhe me ata grekë. Mjeku italian cilësohet si tepër i fuqishëm për lidhjet e tij me ish-diplomatë dhe ish-anëtarë të qeverisë shqiptare. Në raportin që Ambasada Greke në Tiranë i ka përcjellë qeverisë helene thuhet se kanë qënë pikërisht njerëzit me pushtet ata që transferonin organet nga Shqipëria në Itali, nëpërmjet valixheve diplomatike. Këta të fundit u shpëtonin kontrolleve doganore,edhe pse kishin me vete çantat me azot, brenda së cilave ndodheshin organet e fëmijëve shqiptarë.
Hetimet
Reagimet e autoriteteve shqiptare të drejtësisë për ekzistencën e klinikave të transplantit kontestohen nga raporti i përfaqësuesve të Ambasadës Greke në Tiranë, i cili i cituar nga gazeta greke thotë se hetimet për këtë rrjet çnjerëzor trafiku janë kryer në Shqipëri dhe në Itali. “Raporti i Ambasadës Greke në Tiranë përfshin informacionet që mblodhën nga organet hetimore shqiptare dhe italiane, pa u vënë ende në lëvizje proceset gjyqësore kundër personave që emërtohen, ndërsa duhet të bëhen edhe hetimet e nevojshme në Greqi”,-thuhet në gazetën “Ta Nea”. Ndërkaq, hetimet e tanishme janë përqendruar në një klinikë të Selanikut, ku implikohen si të përfshirë në trafikun e organeve të fëmijëve shqiptarë 8 mjekë grekë.



12/05/2004
Shekulli

[Kryeplaku]

Alarmin e dha i pari Kris Paten

Ne fund te muajit te kaluar, Komisioneri i Bashkimit Europian, Kris Pattenkerkoi nga qeveria shqiptare qe "te ndricohet rasti i nje klinike te dyshuar te trafikut te organeve ne Fier". Sipas komisionierit te BE-se, dyshohet se kjo klinike eshte marre me transplatim organesh te femijeve. "Komisioni Europian eshte ne dijeni se nje klinike ne Fier dyshohet te jete perfshire ne trafikimin e organeve te femijeve. shtoi z.Patten. E.K

[Kryeplaku]

Te implikuar, 8 mjeke greke

Kane nisur nderkohe hetimet ne rajonin e Maqedonise Qendrore ne Greqi, ne disa klinika dhe mjeke te caktuar, evidenton e perditshmja "Ta Nea". Sipas saj, "rezultojne te implikuar ne kete trafik tete shtetas helene, qe te gjithe, mjeke". Por persa i perket gjinekologut, ne raport nenvizohet se autoritetet policore, ishin paralajmeruar kurse mjeku ne fjale, qarkullonte ne Shqiperi, me pasaporte te falsifikuar dhe identitet te rreme. Ne kete rrjet, dyshohen te jene implikuar edhe kater mjeke shqiptare nga Durresi dhe Fieri si dhe pese "seksere" qe benin ndermjetesin ne trafikun e organeve. Sikurse theksohet ne raport, nje prej mjekeve shqiptare eshte njeri i afert i nje ish ministri shqiptar. Sipas raportit, "me pare u informuan autoritetet italiane te drejtesise pas ketij zbulimi dhe pastaj ato helene per shkak te zgjerimit te hetimit". Raporti perfundon me "faktin se pas kesaj, autoritetet shqiptare kerkuan bashkepunimin e drejtesise greke per te zbardhur plotesisht kete trafik". E.K